പൊ​ന്നാ​നി:​ തു​ട​ക്കം മു​ത​ല്‍ സ​സ്പെ​ന്‍​സു​ക​ള്‍ നി​റ​ഞ്ഞ സം​സ്ഥാ​ന​ത്തെ ത​ന്നെ ഏ​റ്റ​വും വ​ലി​യ സ്വ​ര്‍​ണക്കവ​ര്‍​ച്ച​ക​ളി​ല്‍ ഒ​ന്നാ​യ പൊ​ന്നാ​നി ക​വ​ര്‍​ച്ച ക്ലൈ​മാ​ക്സി​ലെ​ത്തി​ച്ച് അ​ന്വേ​ഷ​ണ സം​ഘം.

പൊ​ന്നാ​നി ഐ​ശ്വ​ര്യ തീ​യ​റ്റ​റി​ന് സ​മീ​പം താ​മ​സി​ക്കു​ന്ന രാ​ജീ​വ് എ​ന്ന പ്ര​വാ​സി​യു​ടെ അ​ട​ച്ചി​ട്ട വീ​ട്ടി​ലാ​ണ് ഏ​താ​നും നാ​ളു​ക​ള്‍​ക്കു മു​മ്പ് വ​ന്‍ ക​വ​ര്‍​ച്ച ന​ട​ന്ന​ത്. മാ​സ​ങ്ങ​ള്‍ നീ​ണ്ട അ​ന്വേ​ഷ​ണ​ത്തി​നൊ​ടു​വി​ല്‍ തൃ​ശൂ​ര്‍ വാ​ടാ​നി​പ്പി​ള്ളി സ്വ​ദേ​ശി​യും പൊ​ന്നാ​നി​യി​ല്‍ താ​മ​സ​ക്കാ​ര​നു​മാ​യ ഓ​ട്ടോ സു​ഹൈ​ല്‍ എ​ന്നു വി​ളി​ക്കു​ന്ന സു​ഹൈ​ലി​നെ​യും സ​ഹാ​യി പൊ​ന്നാ​നി സ്വ​ദേ​ശി നാ​സ​റി​നെ​യും അ​ന്വേ​ഷ​ണ സം​ഘം ക​ഴി​ഞ്ഞ ദി​വ​സം അ​റ​സ്റ്റ് ചെ​യ്തി​രു​ന്നു. തൊ​ണ്ടി​മു​ത​ലി​ന്‍റെ ഒ​രു ഭാ​ഗം പോ​ലീ​സ് ക​ണ്ടെ​ത്തി​യി​രു​ന്നു.

എ​ന്നാ​ല്‍ തു​ട​ക്കംമു​ത​ല്‍ കേ​സി​ലെ പ്ര​ധാ​ന പ്ര​തി സു​ഹൈ​ല്‍ അ​ന്വേ​ഷ​ണം വ​ഴി തി​രി​ച്ചു​വി​ടാ​ന്‍ ന​ട​ത്തി​യ ശ്ര​മ​ങ്ങ​ള്‍ പോ​ലീ​സി​നെ ആ​ശ​യ​ക്കു​ഴ​പ്പ​ത്തി​ലാ​ക്കി​യി​രു​ന്നു. ആ​ദ്യം 300 പ​വ​ന്‍ സ്വ​ര്‍​ണം ന​ഷ്ട​പ്പെ​ട്ടെ​ന്നാ​യി​രു​ന്നു പോ​ലീ​സി​ന് ല​ഭി​ച്ച വി​വ​രം. പി​ന്നീ​ട് 500 പ​വ​ന്‍ സ്വ​ര്‍​ണം വ​രെ വീ​ട്ടി​ല്‍ ലോ​ക്ക​റി​ല്‍ സൂ​ക്ഷി​ച്ചി​രു​ന്ന​താ​യി പോ​ലീ​സി​ന് വി​വ​രം ല​ഭി​ച്ചി​രു​ന്നു.

സി​സി​ടി​വി ഡി​വി​ആ​ര്‍ അ​ട​ക്കം ക​വ​ര്‍​ന്ന് ഒ​രു തെ​ളി​വ് പോ​ലും അ​വ​ശേ​ഷി​പ്പി​ക്കാ​ത്ത​ത് അ​ന്വേ​ഷ​ണ​ത്തെ ഏ​റെ സ​ങ്കീ​ര്‍​ണ​ത​യി​ലെ​ത്തി​ച്ചു. മ​ല​പ്പു​റം എ​സ്പി ആ​ര്‍. വി​ശ്വ​നാ​ഥി​ന്‍റെ മേ​ല്‍​നോ​ട്ട​ത്തി​ല്‍ തി​രൂ​ര്‍ ഡി​വൈ​എ​സ്പി ഇ. ​ബാ​ല​കൃ​ഷ്ണ​ന്‍റെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം ന​ട​ന്ന​ത്.

അ​ന്വേ​ഷ​ണ​ത്തി​ന്‍റെ തു​ട​ക്ക​ത്തി​ല്‍ ത​ന്നെ പൊ​ന്നാ​നി​യി​ല്‍ താ​മ​സി​ക്കു​ന്ന ഓ​ട്ടോ സു​ഹൈ​ലി​നെ പോ​ലീ​സ് സം​ശ​യി​ച്ചി​രു​ന്നു. എ​ന്നാ​ല്‍ മ​റ്റു കേ​സു​ക​ളി​ല്‍ ജ​യി​ലി​ല്‍ ക​ഴി​യു​ന്ന​തി​നി​ടെ പ​ല ത​വ​ണ ആ​ത്മ​ഹ​ത്യ​ക്ക് ശ്ര​മി​ച്ച സു​ഹൈ​ലി​നെ തെ​ളി​വു​ക​ള്‍ ഇ​ല്ലാ​തെ പി​ടി​കൂ​ടു​ന്ന​ത് ഗു​ണ​ക​ര​മാ​കി​ല്ലെ​ന്ന് അ​ന്വേ​ഷ​ണ സം​ഘം തി​രി​ച്ച​റി​ഞ്ഞു. തു​ട​ര്‍​ന്ന് നിരവധി തെ​ളി​വു​ക​ള്‍ ശേ​ഖ​രി​ച്ചാ​ണ് സു​ഹൈ​ലി​നെ അ​ന്വേ​ഷ​ണ സം​ഘം ക​സ്റ്റ​ഡി​യി​ല്‍ എ​ടു​ത്ത് ചോ​ദ്യം ചെ​യ്യു​ന്ന​ത്.

ചോ​ദ്യം ചെ​യ്യ​ലി​ന്‍റെ തു​ട​ക്കം മു​ത​ലേ അ​ന്വേ​ഷ​ണ സം​ഘ​ത്തെ തെ​റ്റി​ദ്ധ​രി​പ്പി​ച്ച് സു​ഹൈ​ല്‍ ര​ക്ഷ​പ്പെ​ടാ​ന്‍ ശ്ര​മം ന​ട​ത്തി​യെ​ങ്കി​ലും പോ​ലീ​സി​ന്‍റെ ചോ​ദ്യ​ങ്ങ​ള്‍​ക്ക് മു​ന്നി​ല്‍ സു​ഹൈ​ലി​ന് ഒ​ടു​വി​ല്‍ കു​റ്റം സ​മ്മ​തി​ക്കേ​ണ്ടി​വ​ന്നു.

ത​മി​ഴ്നാ​ട്ടു​കാ​രാ​യ ര​ണ്ടുപേ​ര​ട​ക്കം ത​ങ്ങ​ള്‍ മൂ​ന്നുപേ​ര്‍ ക​വ​ര്‍​ച്ച ന​ട​ത്തി​യെ​ന്നും ക​വ​ര്‍​ന്ന സ്വ​ര്‍​ണം മൂ​ന്നാ​യി വീ​തി​ച്ച് പ​ങ്കി​ട്ടെ​ടു​ത്തെ​ന്നും സു​ഹൈ​ല്‍ വ്യാ​ജ മൊ​ഴി ന​ല്‍​കി. സു​ഹൈ​ലി​ന് ല​ഭി​ച്ച വി​ഹി​തം അ​ന്വേ​ഷ​ണ സം​ഘം ക​ണ്ടെ​ടു​ത്തെ​ങ്കി​ലും മ​റ്റു പ്ര​തി​ക​ള്‍​ക്കാ​യി പോ​ലീ​സ് അ​ന്വേ​ഷ​ണം തു​ട​ര്‍​ന്നു. ഒ​ടു​വി​ല്‍ കൃ​ത്യം ന​ട​ത്തി​യ​ത് സു​ഹൈ​ലും സു​ഹൃ​ത്ത് നാ​സ​റും ചേ​ര്‍​ന്നാ​ണെ​ന്നും ക​വ​ര്‍​ച്ച ചെ​യ്ത സ്വ​ര്‍​ണം മൂ​ന്ന​ര കി​ലോ​ക്ക് മു​ക​ളി​ല്‍ വ​രു​മെ​ന്നും പോ​ലീ​സ് ക​ണ്ടെ​ത്തു​ക​യാ​യി​രു​ന്നു.

തൃ​ശൂ​ര്‍ വാ​ടാ​ന​പ്പി​ള്ളി​യി​ലെ പെ​രി​ങ്ങോ​ട്ട് ക​ര​യി​ല്‍ വാ​ട​ക വീ​ടി​നുപി​റ​കി​ല്‍ കു​ഴി​ച്ചി​ട്ട നി​ല​യി​ലാ​ണ് ര​ണ്ട​ര​ കി​ലോ സ്വ​ര്‍​ണം പോ​ലീ​സ് ക​ണ്ടെ​ത്തി​യ​ത്.

നേ​ര​ത്തെ മ​ല​പ്പു​റം ച​ട്ടി​പ്പ​റ​മ്പി​ല്‍ വി​ല്‍​പ്പ​ന ന​ട​ത്തി​യ ഒ​രു കി​ലോ സ്വ​ര്‍​ണ​വും വി​ല്‍​പ​ന ന​ട​ത്തി​യ വ​ക​യി​ല്‍ 29 ല​ക്ഷം രൂ​പ​യും പോ​ലീ​സ് ക​ണ്ടെ​ത്തി​യി​രു​ന്നു.