കോ​ഴി​ക്കോ​ട്: മെ​ഡി​ക്ക​ല്‍ കോ​ള​ജി​ല്‍ റോ​ഡ് മു​റി​ച്ചു ക​ട​ക്കു​ന്ന​തി​നാ​യി നി​ര്‍​മി​ച്ച ഫൂ​ട്ട് ഓ​വ​ര്‍ ബ്രി​ഡ്ജ് അ​പ​ക​ടാ​വ​സ്ഥ​യി​ല്‍. തു​ര​മ്പെ​ടു​ത്ത് ദ്ര​വി​ച്ച് തു​ട​ങ്ങി​യ പാ​ലം ഏ​ത് നി​മി​ഷ​വും ത​ക​ര്‍​ന്നു​വീ​ഴു​ന്ന അ​വ​സ്ഥ​യി​ലാ​ണ്. മാ​ത്ര​മ​ല്ല ന​ട​പ്പാ​ല​ത്തി​ന്‍റെ അ​ടി​ഭാ​ഗ​ത്ത് വി​രി​ച്ച ഷീ​റ്റ് പൊ​ട്ടി കാ​ല്‍​ന​ട​ക്കാ​രു​ടെ കാ​ല്‍ കു​ടു​ങ്ങി​പ്പോ​വു​മെ​ന്ന നിലയിലാണ്.

22 വ​ര്‍​ഷ​ത്തി​ല​ധി​കം പ​ഴ​ക്ക​മു​ള്ള പാ​ലം യ​ഥാ​സ​മ​യം അ​റ്റ​കു​റ്റ​പ്പ​ണി ന​ട​ത്താ​റി​ല്ല. പാ​ല​ത്തി​ന് ത​ക​ര്‍​ച്ച ഭീ​ഷ​ണി​യു​ണ്ടെ​ന്ന് ചൂ​ണ്ടി​ക്കാ​ട്ടി ആ​ശു​പ​ത്രി ജീ​വ​ന​ക്കാ​രും സ​ന്ന​ദ്ധ പ്ര​വ​ര്‍​ത്ത​ക​രും നേ​ര​ത്തെ മെ​ഡി​ക്ക​ല്‍ കോ​ള​ജ് അ​ധി​കൃ​ത​ര്‍, പി​ഡ​ബ്ല്യു​ഡി, മേ​യ​ര്‍ എ​ന്നി​വ​ര്‍​ക്ക് പ​രാ​തി ന​ല്‍​കി​യി​രു​ന്നു.

എ​ന്നാ​ല്‍, പാ​ലം ശ​ക്തി​പ്പെ​ടു​ത്തു​ന്ന​തി​നോ അ​ട​ച്ചി​ടു​ന്ന​തി​നോ ന​ട​പ​ടി സ്വീ​ക​രി​ച്ചി​ട്ടി​ല്ല. ഗ​താ​ഗ​ത​ത്തി​ര​ക്കേ​റി​യ ഭാ​ഗ​ത്ത് റോ​ഡി​ന് കു​റു​കെ​യു​ള്ള പാ​ലം പൊ​ട്ടി​വീ​ണാ​ല്‍ അ​ത് വ​ലി​യ ദു​ര​ന്ത​ത്തി​നി​ട​യാ​ക്കു​മെ​ന്ന് നാ​ട്ടു​കാ​രും ആ​ശു​പ​ത്രി ജീ​വ​ന​ക്കാ​രും ചൂ​ണ്ടി​ക്കാ​ട്ടു​ന്നു. മാ​ത്ര​മ​ല്ല പാ​ലം സാ​മൂ​ഹി​ക വി​രു​ദ്ധ​രു​ടെ താ​വ​ള​മാ​യും മാ​റി​യി​ട്ടു​ണ്ട്. മെ​ഡി​ക്ക​ല്‍ കോ​ള​ജി​ന് സ​മീ​പ​ത്തെ വ്യാ​പാ​രി​ക​ളു​ടെ സ​ഹ​ക​ര​ണ​ത്തോ​ടെ സ്വ​കാ​ര്യ എ​ന്‍​ജി​ഒ അ​സോ​സി​യേ​ഷ​ന്‍ നി​ര്‍​മി​ച്ച പാ​ലം പി​ന്നീ​ട് കേ​ര്‍​പ​റേ​ഷ​ന് കൈ​മാ​റു​ക​യാ​യി​രു​ന്നു.

പാ​ല​ത്തി​ല്‍ വ​ലി​യ വി​ള്ള​ലു​ക​ള്‍ വ​രു​മ്പോ​ള്‍ സ​മീ​പ​ത്തെ വ്യാ​പാ​രി​ക​ള്‍ മ​ര​പ്പ​ല​ക​ക​ളും മ​റ്റും കൊ​ണ്ടു​വ​ന്ന് താ​ല്‍​ക്കാ​ലി​ക​മാ​യി അ​ട​ക്കു​ന്ന​തൊ​ഴി​ച്ചാ​ല്‍ മ​റ്റ് അ​റ്റ​കു​റ്റ​പ്പ​ണി​ക​ളൊ​ന്നും ന​ട​ക്കു​ന്നി​ല്ല. മെ​ഡി​ക്ക​ല്‍ കോ​ള​ജ് ജീ​വ​ന​ക്കാ​രു​ടെ പ​രാ​തി​യി​ല്‍ ക​ഴി​ഞ്ഞ വ​ര്‍​ഷം സ്‌​പെ​ഷ​ല്‍ ബ്രാ​ഞ്ച് അ​ന്വേ​ഷ​ണം ന​ട​ത്തു​ക​യും പാ​ലം അ​പ​ക​ടാ​വ​സ്ഥ​യി​ലാ​ണെ​ന്ന് ചൂ​ണ്ടി​ക്കാ​ട്ടി റി​പ്പോ​ര്‍​ട്ട് സ​മ​ര്‍​പ്പി​ക്കു​ക​യും ചെ​യ്തി​ട്ടു​ണ്ട്.