തി​രു​വ​ന​ന്ത​പു​രം: വെ​ഞ്ഞാ​റ​മൂ​ട് കൂ​ട്ട കൊ​ല​യി​ൽ അ​ബ്ദു​ൽ ല​ത്തീ​ഫി​നേ​യും ഭാ​ര്യ സ​ജി​താ ബീ​വി​യെ​യും കൊ​ല​പ്പെ​ടു​ത്തി​യ കേ​സി​ൽ തെ​ളി​വെ​ടു​പ്പിനാ​യി പ്ര​തി അ​ഫാ​നെ കോ​ട​തി പോ​ലീ​സ് ക​സ്റ്റ​ഡി​യി​ൽ വി​ട്ടു. അ​നേ​ഷ​ണ ഉ​ദോ​ഗ​സ്ഥ​നാ​യ കി​ളി​മാ​നൂ​ർ സി ​ഐ ന​ൽ​കി​യ ക​സ്റ്റ​ഡി അ​പേ​ക്ഷ പ​രി​ഗ​ണി​ച്ചു നെ​ടു​മ​ങ്ങാ​ട് കോ​ട​തി​യാണു നാ​ലു ദി​വ​സ​ത്തേ​ക്ക് ക​സ്റ്റ​ഡി​യി​ൽ വി​ട്ട​ത്.

പ്ര​തി​യെ ഇ​ന്ന​ലെ രാ​ത്രി മു​ത​ൽ ചോ​ദ്യം ചെ​യ്തു തു​ട​ങ്ങി. ഇ​ന്നു രാ​വി​ലെ മു​ത​ൽ തെ​ളി​വെ​ടു​പ്പ് ആ​രം​ഭി​ക്കും. പു​ല്ല​മ്പാ​റ സ്വ​ദേ​ശി​യും അ​ഫാ​ന്‍റെ പി​താ​വി​ന്‍റെ സ​ഹോ​ദ​ര​നു​മാ​യ അ​ബ്ദു​ൽ ല​ത്തീ​ഫ്, ഇ​ദ്ദേ​ഹ​ത്തി​ന്‍റെ ഭാ​ര്യ സ​ജി​ത ബീ​വി എ​ന്നി​വ​രെ കൊ​ല​പെ​ടു​ത്തി​യ പു​ല്ല​മ്പ​റ​യി​ലെ വീ​ട്ടി​ലാ​ണ് ആ​ദ്യ തെ​ളി​വെ​ടു​പ്പ്.

പി​ന്നീ​ട് കൊ​ല​ക്ക് ഉ​പ​യോ​ഗി​ച്ച ചു​റ്റി​ക വാ​ങ്ങി​യ വെ​ഞ്ഞാ​റ​മൂ​ട്ടി​ലെ ക​ട​യി​ലും ബാ​ഗ്, സി​ഗ​റ​റ്റ് എ​ന്നി​വ വാ​ങ്ങി​യ ക​ട​യി​ലും എ​ത്തി​ച്ചു തെ​ളി​വെ​ടു​പ്പു ന​ട​ത്തും. നേ​ര​ത്തെ പ്ര​തി​യു​ടെ മു​ത്ത​ശ്ശി സ​ൽ​മ ബീ​വി​യെ കൊ​ല പെ​ടു​ത്തി​യ കേ​സി​ൽ പാ​ങ്ങോ​ട് പോ​ലീ​സ് തെ​ളി​വെ​ടു​പ്പ് ന​ട​ത്തി​യി​രു​ന്നു.