അ​ഞ്ചു​തെ​ങ്ങ്: കു​ടും​ബ​ങ്ങ​ളു​ടെ ശാ​ക്തീ​ക​ര​ണ​ത്തി​നും വീ​ണ്ടെ​ടു​പ്പി​നു​മാ​യി ഒ​രു ആ​ഴ്ച നീ​ണ്ടു​നി​ൽ​ക്കു​ന്ന ക​ർ​മ​പ​രി​പാ​ടി​ക​ളു​മാ​യി കു​ടും​ബ​പ്രേ​ഷി​ത ശു​ശ്രൂ​ഷ ന​ട​ത്തു​ന്ന പ്ര​ഥ​മ ഫാ​മി​ലി അ​ഗാ​പ്പേക്ക് അ​ഞ്ചു​തെ​ങ്ങ് ഇ​ട​വ​ക​യി​ൽ തു​ട​ക്കം​കു​റി​ച്ചു.

തിരുവനന്തപുരം ലത്തീൻ അതിരൂപത സഹായമെത്രാൻ ആർ. ക്രി​സ്തു​ദാ​സിന്‍റെ മു​ഖ്യ​കാ​ർ​മി​ക​ത്വ​ത്തി​ൽ ന​ട​ന്ന ദി​വ്യ​ബ​ലി​യോ​ടെ​യാ​ണ് ഫാ​മി​ലി അ​ഗാ​പ്പേ പ​രി​പാ​ടി​ക​ൾ​ക്ക് തു​ട​ക്ക​മാ​യ​ത്. കു​ടും​ബ ശു​ശ്രൂ​ഷ ഡ​യ​റ​ക്്‌ടർ ഫാ. ​റി​ച്ചാ​ർ​ഡ് സ​ഖ​റി​യാ​സ്, അ​ഞ്ചു​തെ​ങ്ങ് ഇ​ട​വ​ക വി​കാ​രി ഫാ. ​സ​ന്തോ​ഷ് എ​ന്നി​വ​ർ സ​ഹ​കാ​ർ​മി​ക​രാ​യി​രു​ന്നു.

ദി​വ്യ​ബ​ലി​ക്ക് ശേ​ഷം ന​ട​ന്ന സ​മ്മേ​ള​ന​ത്തി​ൽ ഫാ​മി​ലി അ​ഗാ​പ്പേ​യു​ടെ ഔ​ഗ്യോ​ഗി​ക ഉ​ദ്ഘാ​ട​നം ക്രി​സ്തു​ദാ​സ് പി​താ​വ് നി​ർ​വഹി​ച്ചു. ഫാ​മി​ലി അ​ഗാ​പ്പേ ല​ക്ഷ്യം​വ​യ്ക്കു​ന്ന കു​ടും​ബ​ങ്ങ​ളു​ടെ വി​ശു​ദ്ധീ​ക​ര​ണ​വും വീ​ണ്ടെ​ടു​പ്പും സാ​ധ്യ​മാ​ക്കാ​ൻ കു​ടും​ബ ശു​ശ്രൂ​ഷ ന​ട​ത്തു​ന്ന പ്ര​യ​ത്ന​ങ്ങ​ളെ അ​ദ്ദേ​ഹം അ​ഭി​ന​ന്ദി​ച്ചു.

ഫൊ​റോ​ന വി​കാ​രി ഫാ. ​ജ​സ്റ്റി​ൻ ജൂ​ഡി​ൻ, ഫൊ​റോ​ന​യി​ലെ മ​റ്റു​വൈ​ദിക​ർ, അ​ഞ്ചു​തെ​ങ്ങ് ഇ​ട​വ​ക അ​ജ​പാ​ല​ന സ​മി​തി ഭാ​ര​വാ​ഹി​ക​ൾ തു​ട​ങ്ങി​യ​വ​ർ സ​ന്നി​ഹി​ത​രാ​യി​രു​ന്നു.

ഫാ​മി​ലി അ​ഗാ​പ്പേ​യു​ടെ ഭാ​ഗ​മാ​യി ഇ​ന്ന് ഭി​ന്ന​ശേ​ഷി​ക്കാ​ർ, അ​ന്ധ​ർ, സം​സാ​ര കേ​ൾ​വി പ​രി​മി​ത​ർ, ഓ​ട്ടി​സം ബാ​ധി​ച്ച​വ​ർ, മാ​ന​സി​ക വെ​ല്ലു​വി​ളി നേ​രി​ടു​ന്ന​വ​ർ തു​ട​ങ്ങി​യ​വ​രെ കു​ടും​ബ ശു​ശ്രൂ​ഷ പ്ര​വ​ർ​ത്ത​ക​ർ അ​വ​രാ​യി​രി​ക്കു​ന്ന ഇ​ട​ങ്ങ​ളി​ൽ​ചെ​ന്നു സ​ന്ദ​ർ​ശി​ച്ചു. വി​വാ​ഹം ക​ഴി​ഞ്ഞ് 10 വ​ർ​ഷം വ​രെ പൂ​ർ​ത്തി​യാ​ക്കി​യ യു​വ​ദ​മ്പ​തി​ക​ൾ​ക്കു​ള്ള കു​ടും​ബ​ശാ​ക്തീ​ക​ര​ണ ക്ലാ​സും ന​ട​ന്നു.