വെ​ഞ്ഞാ​റ​മൂ​ട്: സു​ഹൃ​ത്ത് ഫ​ർ​സാ​ന​യെ അ​ഫാ​ൻ വീ​ട്ടി​ലെ​ത്തി​ച്ച​ത് അ​മ്മ​യ്ക്കു അ​സു​ഖം കൂ​ടു​ത​ലാ​ണെ​ന്നു ക​ള്ളം പ​റ​ഞ്ഞ്. കാ​ൻ​സ​ർ രോ​ഗി​യാ​യ അ​മ്മ ഷെ​മി​ക്ക് അ​സു​ഖം കൂ​ടു​ത​ലാ​ണെ​ന്നും ഫ​ർ​സാ​ന​യെ കാ​ണ​ണ​മെ​ന്നു പ​റ​ഞ്ഞ​തി​നാ​ൽ വീ​ട്ടി​ലേ​ക്കു വ​ര​ണ​മെ​ന്നും സം​ഭ​വ​ദി​വ​സം താ​ൻ ഫ​ർ​സാ​ന​യെ അ​റി​യി​ച്ച​താ​യി അ​ഫാ​ൻ പോ​ലീ​സി​നു മൊ​ഴി ന​ൽ​കി. കാ​വ​റ റോ​ഡി​ലേ​ക്കു ന​ട​ന്നു​വ​ന്ന ഫ​ർ​സാ​ന​യെ, അ​വി​ടെ നേ​ര​ത്തെ കാ​ത്തു​നി​ന്നി​രു​ന്ന അ​ഫാ​ൻ ബൈ​ക്കി​ൽ വീ​ട്ടി​ലെ​ത്തി​ച്ചു.

പൂ​ട്ടി​യ ഗേ​റ്റ് തു​റ​ക്കാ​ൻ നോ​ക്കി​യ​പ്പോ​ൾ കൈ​യി​ലെ താ​ക്കോ​ൽ ന​ഷ്ട​പ്പെ​ട്ട​താ​യി മ​ന​സി​ലാ​ക്കി. തു​ട​ർ​ന്ന്, മ​തി​ലി​ന്‍റെ ഉ​യ​രം കു​റ‍​ഞ്ഞ ഭാ​ഗ​ത്ത് ഇ​ഷ്ടി​ക അ​ടു​ക്കി​വ​ച്ച് അ​തി​ൽ ച​വി​ട്ടി ഇ​രു​വ​രും മ​തി​ൽ ചാ​ടി​ക്ക​ട​ന്ന് അ​ക​ത്തു​ക​യ​റു​ക​യാ​യി​രു​ന്നു.

പ​ണ​യം​വ​യ്ക്കാ​ൻ ന​ൽ​കി​യ സ്വ​ർ​ണ​മാ​ല തി​രി​കെ ചോ​ദി​ച്ചു സ​മ്മ​ർ​ദ​ത്തി​ലാ​ക്കി​യ ഫ​ർ​സാ​ന​യോ​ടു വൈ​രാ​ഗ്യ​മു​ണ്ടാ​യി​രു​ന്ന​താ​യും അ​ഫാ​ൻ പ​റ​ഞ്ഞു. മാ​ല തി​രി​കെ ചോ​ദി​ച്ച​തി​നെ തു​ട​ർ​ന്ന്, കാ​ർ ആ​റ്റി​ങ്ങ​ലി​ലെ പ​ണ​മി​ട​പാ​ട് സ്ഥാ​പ​ന​ത്തി​ൽ പ​ണ​യം​വ​ച്ചു പ​ണം ക​ണ്ടെ​ത്തി തി​രി​കെ​യെ​ടു​ത്തു ന​ൽ​കി. എ​ന്നാ​ൽ ഫ​ർ​സാ​ന​യോ​ടു​ള്ള വൈ​രാ​ഗ്യം മ​ന​സി​ൽ കൊ​ണ്ടു​ന​ട​ന്നു. ദു​രി​താ​വ​സ്ഥ​യി​ൽ ത​ന്നെ വീ​ർ​പ്പു​മു​ട്ടി​ച്ചെ​ന്ന ചി​ന്ത​യാ​ണു ഫ​ർ​സാ​ന​യോ​ടു​ണ്ടാ​യി​രു​ന്ന​തെ​ന്നും അ​ഫ്സാ​ൻ പ​റ​ഞ്ഞു.

സ്വ​ന്തം വീ​ട്ടി​ൽ അ​മ്മ ഷെ​മി​യെ ആ​ക്ര​മി​ച്ച ശേ​ഷം മു​റി പൂ​ട്ടി​യ അ​ഫാ​ൻ താ​ക്കോ​ൽ ശു​ചി​മു​റി​യി​ലെ ഫ്ല​ഷ് ടാ​ങ്കി​ൽ ഉ​പേ​ക്ഷി​ച്ച​താ​യി പോലീ​സ് ക​ണ്ടെ​ത്തി. പേ​രു​മ​ല​യി​ലെ വീ​ട്ടി​ൽ ന​ട​ത്തി​യ തെ​ളി​വെ​ടു​പ്പി​ൽ താ​ക്കോ​ൽ ക​ണ്ടെ​ടു​ത്തു. ഷാ​ൾ ഉ​പ​യോ​ഗി​ച്ച് അ​മ്മ​യെ ഭി​ത്തി​യി​ൽ ത​ല​യ്ക്ക​ടി​ച്ചു കൊ​ല​പ്പെ​ടു​ത്താ​നാ​ണ് അ​ഫാ​ൻ ആ​ദ്യം ശ്ര​മി​ച്ച​ത്.

ര​ക്തം​വാ​ർ​ന്ന നി​ല​യി​ൽ അ​മ്മ​യെ മു​റി​യി​ലി​ട്ട ശേ​ഷം ഇ​യാ​ൾ മു​ത്ത​ശ്ശി സ​ൽ​മാ ബീ​വി​യു​ടെ വീ​ട്ടി​ലേ​ക്കു പോ​യി. മു​ത്ത​ശ്ശി​യെ​യും പി​തൃ​സ​ഹോ​ദ​ര​നെ​യും അ​ദ്ദേ​ഹ​ത്തി​ന്‍റെ ഭാ​ര്യ​യെ​യും കൊ​ല​പ്പെ​ടു​ത്തി​യ ശേ​ഷം തി​രി​കെ വീ​ട്ടി​ലെ​ത്തി​യ അ​ഫാ​ൻ മു​റി​യി​ൽനി​ന്ന് അ​മ്മ​യു​ടെ ഞെ​ര​ക്കം കേ​ട്ട​തോ​ടെ വീ​ണ്ടും ആ​ക്ര​മി​ച്ചു.

തു​ട​ർ​ന്നാ​ണ് മു​റി പൂ​ട്ടി​യ​ത്. ആ​ക്ര​മ​ണം ന​ട​ത്തു​മ്പോ​ൾ ശ​ബ്ദം കേ​ട്ട് ആ​രെ​ങ്കി​ലു​മെ​ത്തി​യാ​ൽ അ​വ​രെ നേ​രി​ടാ​ൻ മു​ള​കു​പൊ​ടി ക​രു​തി​യി​രു​ന്ന​താ​യും ഇ​യാ​ൾ മൊ​ഴി ന​ൽ​കി. മു​ള​കു​പൊ​ടി മു​ഖ​ത്തേ​ക്കെ​റി​ഞ്ഞ് അ​വ​രെ​യും ആ​ക്ര​മി​ക്കു​ക​യാ​യി​രു​ന്നു ല​ക്ഷ്യം.

ഏഴു സ്ഥ​ല​ങ്ങ​ളി​ൽ തെ​ളി​വെ​ടു​പ്പ്; നാ​ളെ ക​സ്റ്റ​ഡി​യി​ലെ​ടു​ക്കും

വെഞ്ഞാറമൂട്: മു​ത്ത​ശ്ശി സ​ൽ​മാബീ​വി​യെ കൊ​ല​പ്പെ​ടു​ത്തി​യ​തു​മാ​യി ബ​ന്ധ​പ്പെ​ട്ടg പാ​ങ്ങോ​ട് പോലീ​സ് റ​ജി​സ്റ്റ​ർ ചെ​യ്ത കേ​സി​ൽ മൂന്നുദി​വ​സ​ത്തെ ക​സ്റ്റ​ഡി പൂ​ർ​ത്തി​യാ​യ അ​ഫാ​നെ പൂ​ജ​പ്പു​ര സെ​ൻ​ട്ര​ൽ ജ​യി​ലി​ലേ​ക്കു മാ​റ്റി. സ​ൽ​മാ ബീ​വി​യു​ടെ​യും അ​ഫാ​ന്‍റെ​യും വീ​ടു​ക​ള​ട​ക്കം ഏഴു സ്ഥ​ല​ങ്ങ​ളി​ൽ പോലീസ് തെ​ളി​വെ​ടു​ത്തു.

ആ​ക്ര​മ​ണ​ത്തി​നു​പ​യോ​ഗി​ച്ച ചു​റ്റി​ക​യും അ​തു വ​യ്ക്കാ​നു​ള്ള ബാ​ഗും വാ​ങ്ങി​ച്ച ക​ട​ക​ളി​ലും സ​ൽ​മാബീ​വി​യു​ടെ സ്വ​ർ​ണ​മാ​ല പ​ണ​യം​വ​ച്ച സ്ഥാ​പ​ന​ത്തി​ലു​മു​ള്ള​വ​ർ അ​ഫാ​നെ തി​രി​ച്ച​റി​ഞ്ഞു. ഉ​ച്ച​യോ​ടെ പാ​ങ്ങോ​ട് പോ​ലീ​സ് സ്റ്റേ​ഷ​നി​ലെ​ത്തി​യ തി​രു​വ​ന​ന്ത​പു​രം റൂ​റ​ൽ എ​സ്പി കെ.​എ​സ്.​ സു​ദ​ർ​ശ​ന്‍റെ നേ​തൃ​ത്വ​ത്തി​ൽ മൂന്നുമ​ണി​ക്കൂ​റോ​ളം ഇ​യാ​ളെ ചോ​ദ്യം​ചെ​യ്തു. പാ​ങ്ങോ​ട് സി​ഐ ജെ.​ ജി​നേ​ഷി​നാ​ണ് അ​ന്വേ​ഷ​ണ​ച്ചു​മ​ത​ല. മെ​ഡി​ക്ക​ൽ പ​രി​ശോ​ധ​ന പൂ​ർ​ത്തി​യാ​ക്കി ഉ​ച്ച​ക​ഴി​ഞ്ഞ് ഇ​യാ​ളെ മ​ജി​സ്ട്രേ​ട്ടി​നു മു​ന്നി​ൽ ഹാ​ജ​രാ​ക്കി.

വൈ​കുന്നേരം ജ​യി​ലി​ലേ​ക്കു മാ​റ്റി. അ​നു​ജ​ൻ, സു​ഹൃ​ത്ത്, പി​തൃ​സ​ഹോ​ദ​ര​ൻ, അ​ദ്ദേ​ഹ​ത്തിന്‍റെ ഭാ​ര്യ എ​ന്നി​വ​രെ കൊ​ല​പ്പെ​ടു​ത്തി​യ​തു​മാ​യി ബ​ന്ധ​പ്പെ​ട്ട് വെ​ഞ്ഞാ​റ​മൂ​ട് പോ​ലീ​സ് റ​ജി​സ്റ്റ​ർ ചെ​യ്ത രണ്ടു കേ​സു​ക​ളി​ൽ അ​ഫാ​നെ നാ​ളെ വീ​ണ്ടും ക​സ്റ്റ​ഡി​യി​ലെ​ടു​ക്കും. അ​നു​ജ​നെ​യും സു​ഹൃ​ത്തി​നെ​യും കൊ​ല​പ്പെ​ടു​ത്തി​യ കേ​സ് വെ​ഞ്ഞാ​റ​മൂ​ട് സി​ഐ ആ​ർ.​പി.​ അ​നൂ​പ് കൃ​ഷ്ണ​യാ​ണ് അ​ന്വേ​ഷി​ക്കു​ക.

പി​തൃ​സ​ഹോ​ദ​ര​നെ​യും ഭാ​ര്യ​യെ​യും കൊ​ല​പ്പെ​ടു​ത്തി​യ കേ​സ് കി​ളി​മാ​നൂ​ർ സി​ഐ ബി.​ ജ​യ​ൻ അ​ന്വേ​ഷി​ക്കും. ആ​റ്റി​ങ്ങ​ൽ ഡി​വൈ​എ​സ്പി എ​സ്.​ മ​ഞ്ജു​ലാ​ലി​നാ​ണു കേ​സു​ക​ളു​ടെ മേ​ൽ​നോ​ട്ട​ച്ചു​മ​ത​ല.