ബെ​യ്ജിം​ഗ്: ​കൊ​ടു​ങ്കാ​റ്റി​നെ​ത്തു​ട​ർ​ന്ന് ചൈ​ന​യു​ടെ വ​ട​ക്ക​ൻ മേ​ഖ​ല​യി​ൽ വ്യോ​മ, റെ​യി​ൽ ഗ​താ​ഗ​തം ത​ട​സ​പ്പെ​ട്ടു. ശ​നി​യാ​ഴ്ച ത​ല​സ്ഥാ​ന​മാ​യ ബെ​യ്ജിം​ഗി​ലെ ര​ണ്ടു പ്ര​ധാ​ന വി​മാ​ന​ത്താ​വ​ള​ങ്ങ​ളി​ൽ മാ​ത്രം 838 സ​ർ​വീ​സു​ക​ൾ റ​ദ്ദാ​ക്കി.

മം​ഗോ​ളി​യ​യി​ൽ​നി​ന്നു വ​രു​ന്ന, മ​ണി​ക്കൂ​റി​ൽ 150 കി​ലോ​മീ​റ്റ​ർ വേ​ഗ​മു​ള്ള കൊ​ടു​ങ്കാ​റ്റാ​ണ് വ​ട​ക്ക​ൻ ചൈ​ന നേ​രി​ടു​ന്ന​ത്. വ​ലി​യ​ തോ​തി​ൽ മു​ൻ​ക​രു​ത​ലു​ക​ൾ സ്വീ​ക​രി​ച്ചി​രു​ന്ന​തി​നാ​ൽ ആ​ള​പാ​യ​വും വ​ലി​യ​തോ​തി​ലു​ള്ള ന​ഷ്ട​വും റി​പ്പോ​ർ​ട്ട് ചെ​യ്തി​ട്ടി​ല്ല.

50 കി​ലോ​ഗ്രാ​മി​ൽ താ​ഴെ ഭാ​ര​മു​ള്ള​വ​ർ പ​റ​ന്നുപോ​കാ​ൻ സാ​ധ്യ​ത​യു​ണ്ടെ​ന്ന് ചൈ​നീ​സ് മാ​ധ്യ​മ​ങ്ങ​ൾ ക​ഴി​ഞ്ഞ ദി​വ​സ​ങ്ങ​ളി​ൽ മു​ന്ന​റി​യി​പ്പു ന​ല്കി​യി​രു​ന്നു. ജ​ന​ങ്ങ​ൾ അ​നാ​വ​ശ്യ​മാ​യി പു​റ​ത്തി​റ​ങ്ങ​രു​തെ​ന്ന് സ​ർ​ക്കാ​ർ നി​ർ​ദേ​ശി​ച്ചു. സ്കൂ​ളു​ക​ൾ​ക്കും പാ​ർ​ക്കു​ക​ൾ പോ​ലു​ള്ള പൊ​തു​സ്ഥ​ല​ങ്ങ​ൾ​ക്കും അ​വ​ധി ന​ല്കി.


ബെ​യ്ജിം​ഗി​ലെ തി​ര​ക്കേ​റി​യ നി​ര​ത്തു​ക​ൾ പ​ല​തും ഇ​ന്ന​ലെ വി​ജ​ന​മാ​യി​രു​ന്നു. ന​ഗ​ര​ത്തി​ൽ മുന്നൂറി​ല​ധി​കം മ​ര​ങ്ങ​ൾ ക​ട​പു​ഴ​കി. കൊ​ടു​ങ്കാ​റ്റ് ഇ​ന്നും തു​ട​രു​മെ​ന്നാ​ണ് കാ​ലാ​വ​സ്ഥാ നി​രീ​ക്ഷ​ണകേ​ന്ദ്ര​ത്തി​ന്‍റെ പ്ര​വ​ച​നം.