ബെ​യ്ജിം​ഗ്/​ന്യൂ​യോ​ർ​ക്ക്: യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ അ​ധി​ക​തീ​രു​വ​യ്ക്ക് ചു​ട്ട മ​റു​പ​ടി ന​ല്കി ചൈ​ന. യു​എ​സ് ഉ​ത്പ​ന്ന​ങ്ങ​ൾ​ക്ക് 84 ശ​ത​മാ​നം തീ​രു​വ പ്ര​ഖ്യാ​പി​ച്ചാ​ണ് ചൈ​ന​യു​ടെ തി​രി​ച്ച​ടി. ഇ​തോ​ടെ ആ​ഗോ​ള വ്യാ​പാ​ര​യു​ദ്ധം ക​ന​ക്കു​മെ​ന്ന് ഉ​റ​പ്പാ​യി.

104 ശ​ത​മാ​നം തീ​രു​വ​യാ​ണ് ചൈ​ന​യ്ക്കെ​തി​രേ അ​മേ​രി​ക്ക ചു​മ​ത്തി​യ​ത്. ത​ങ്ങ​ൾ​ക്കെ​തി​രേ നേ​ര​ത്തേ ചൈ​ന ചു​മ​ത്തി​യ 34 ശ​ത​മാ​നം തീ​രു​വ പി​ൻ​വ​ലി​ച്ചി​ല്ലെ​ങ്കി​ൽ 50 ശ​ത​മാ​നം തീ​രു​വ​കൂ​ടി അ​ധി​ക​മാ​യി ചു​മ​ത്തു​മെ​ന്ന് അ​മേ​രി​ക്ക പ്ര​ഖ്യാ​പി​ച്ചി​രു​ന്നു. എ​ന്നാ​ൽ, അ​മേ​രി​ക്ക​ൻ​ ഭീ​ഷ​ണി​ക്കു വ​ഴ​ങ്ങി​ല്ലെ​ന്നാ​യി​രു​ന്നു ചൈ​ന​യു​ടെ ഉ​റ​ച്ച നി​ല​പാ​ട്.

തു​ട​ർ​ന്നാ​ണ് ട്രം​പ് 104 ശ​ത​മാ​നം തീ​രു​വ ഏ​ർ​പ്പെ​ടു​ത്തി​യ​ത്. അ​മേ​രി​ക്ക​യ്ക്കെ​തി​രേ ചൈ​ന ഡ​ബ്ല്യു​ടി​ഒ​യി​ൽ പ​രാ​തി ന​ല്കി​യി​ട്ടു​ണ്ട്. ചൈ​ന​യു​ടെ മൂ​ന്നാ​മ​ത്തെ വ​ലി​യ ക​യ​റ്റു​മ​തി വി​പ​ണി​യാ​ണ് അ​മേ​രി​ക്ക.


ഇ​ന്ത്യ​യ​ട​ക്കം അ​റു​പ​തോ​ളം രാ​ജ്യ​ങ്ങ​ൾ​ക്കുമേ​ൽ അ​മേ​രി​ക്ക ചു​മ​ത്തി​യ അ​ധി​കതീ​രു​വ അ​മേ​രി​ക്ക​ൻ സ​മ​യം ബു​ധ​നാ​ഴ്ച അ​ർ​ധ​രാ​ത്രി​ നി​ല​വി​ൽ വ​ന്നു. 26 ശ​ത​മാ​നം തീ​രു​വ​യാ​ണ് ഇ​ന്ത്യ​ക്കു​മേ​ൽ അ​മേ​രി​ക്ക ചു​മ​ത്തു​ക.

ചൈ​ന​യ്ക്കുമേ​ൽ അ​മേ​രി​ക്ക ഏ​ർ​പ്പെ​ടു​ത്തി​യ തീ​രു​വ വ​ർ​ധ​ന ഇ​ന്ന​ലെ ആ​ഗോ​ള ഓ​ഹ​രി​വി​പ​ണി​യി​ൽ ത​ക​ർ​ച്ച​യ്ക്കു കാ​ര​ണ​മാ​യി. ഇ​ന്ത്യ​ൻ വി​പ​ണി​യി​ലും ന​ഷ്ടം രേ​ഖ​പ്പെ​ടു​ത്തി. സെ​ൻ​സെ​ക്സ് 380 പോ​യി​ന്‍റും നി​ഫ്റ്റി 136 പോ​യി​ന്‍റും ഇ​ടി​ഞ്ഞു.