നടി സ്വര ഭാസ്കറിന്റെ ഭർത്താവ് എൻസിപി സ്ഥാനാർഥി
Monday, October 28, 2024 1:50 AM IST
മുംബൈ: നടി സ്വര ഭാസ്കറിന്റെ ഭർത്താവ് ഫഹദ് അഹമ്മദ് എൻസിപി (ശരദ് പവാർ) സ്ഥാനാർഥി. അണുശക്തി നഗർ മണ്ഡലത്തിലാണ് ഫഹദ് മത്സരിക്കുക. സമാജ്വാദി പാർട്ടി യൂത്ത് വിംഗ് സംസ്ഥാന പ്രസിഡന്റായിരുന്ന ഫഹദ് എൻസിപിയിൽ ചേരുകയായിരുന്നു.
മുൻ മന്ത്രി നവാബ് മാലിക്കിന്റെ മകൾ സന മാലിക് (അജിത് പവാർ പക്ഷം) ആണ് അണുശക്തി നഗറിൽ ഫഹദ് അഹമ്മദിന്റെ എതിരാളി. മണ്ഡലത്തിലെ സിറ്റിംഗ് എംഎൽഎയാണ് നവാബ് മാലിത്.
2022ൽ എൻഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്ത നവാബ് മാലിക്കിന് കഴിഞ്ഞ വർഷമാണ് ജാമ്യം ലഭിച്ചത്. പിന്നീട് അജിത് പവാർ പക്ഷത്തു ചേർന്നു.
ബിജെപിയുടെ എതിർപ്പിനെത്തുടർന്നാണ് നവാബിനു സീറ്റ് നല്കാതിരുന്നത്. ഇന്നലെ ഒന്പതു സ്ഥാനാർഥികളെയാണ് എൻസിപി(ശരദ് പവാർ) പ്രഖ്യാപിച്ചത്. ഇതോടെ പാർട്ടിക്ക് 76 സ്ഥാനാർഥികളായി. ഇവരിൽ 11 പേർ വനിതകളാണ്.