നേതൃമാറ്റം ഓർമിപ്പിച്ച് ചന്ദ്രബാബു നായിഡു
Sunday, October 27, 2024 4:55 AM IST
അമരാവതി: തെലുങ്കുദേശം പാർട്ടിയിൽ നേതൃമാറ്റം ഓർമിപ്പിച്ച് ആന്ധ്രപ്രദേശ് മുഖ്യമന്ത്രി എൻ. ചന്ദ്രബാബു നായിഡു. നിരവധി വെല്ലുവിളികളിലൂടെയും പ്രതിസന്ധിയിലൂടെയുമാണ് പാർട്ടി കടന്നുപോയതെന്നും എന്നാൽ അവയൊക്കെ അതിജീവിക്കാനായെന്ന് അംഗത്വ പ്രചാരണത്തിന്റെ ഭാഗമായി അമരാവതിയിൽ സംഘടിപ്പിച്ച പരിപാടിയിൽ അദ്ദേഹം പറഞ്ഞു. ഇതാദ്യമായാണ് നേതൃമാറ്റത്തെക്കുറിച്ച് നായിഡു പൊതുവേദിയിൽ സംസാരിക്കുന്നത്.
നൂറു രൂപ നല്കി പാർട്ടി അംഗത്വം പുതുക്കി അദ്ദേഹം ഉദ്ഘാടനം നിർവഹിക്കുകും ചെയ്തു. പാർട്ടി അംഗങ്ങൾക്കെല്ലാം അഞ്ചു ലക്ഷം രൂപയുടെ ഇൻഷ്വറൻസ് ഉണ്ടെന്നും നായിഡു പറഞ്ഞു.