ബിഷ്ണോയി സമുദായത്തോട് സൽമാൻ ഖാൻ മാപ്പു പറയണമെന്ന് രാകേഷ് ടികായത്
Monday, October 28, 2024 1:50 AM IST
പ്രയാഗ്രാജ്: ബോളിവുഡ് സൂപ്പർസ്റ്റാർ സൽമാൻ ഖാൻ ബിഷ്ണോയി സമുദായത്തോടു മാപ്പു പറയണമെന്ന് ഭാരതീയ കിസാൻ യൂണിയൻ (ബികെയു) നേതാവ് രാകേഷ് ടികായത്.
ലോറൻസ് ബിഷ്ണോയി സംഘത്തിൽനിന്ന് സൽമാൻ ഖാനു ഭീഷണിയുണ്ടെന്ന റിപ്പോർട്ടിനെക്കുറിച്ചുള്ള ചോദ്യത്തോടു പ്രതികരിക്കുകയായിരുന്നു അദ്ദേഹം.
മാപ്പുപറച്ചിലിനെത്തുടർന്ന് ഒരു തർക്കം പരിഹരിക്കപ്പെടുകയാണെങ്കിൽ അതിൽ എന്താണു തെറ്റെന്ന് ടികായത് ചോദിച്ചു.
കർഷക മഹാപഞ്ചായത്തിൽ പങ്കെടുക്കുകയായിരുന്നു അദ്ദേഹം. ബിഷ്ണോയി സമുദായം ആദരവോടെ കാണുന്ന കൃഷ്ണമൃഗത്തെ വേട്ടിയാടിയതാണ് സൽമാൻ ഖാനെതിരേ ലോറൻസ് ബിഷ്ണോയി സംഘം രംഗത്തുവരാൻ കാരണം.