ശാരദ സിൻഹയുടെ ആരോഗ്യനില ഗുരുതരം
Monday, October 28, 2024 1:50 AM IST
ന്യൂഡൽഹി: പ്രശസ്ത നാടോടി ഗായിക ശാരദ സിൻഹ (72) യുടെ ആരോഗ്യനില ഗുരുതരമെന്നും ജീവൻ രക്ഷാ ഉപകരണങ്ങൾ ഘടിപ്പിച്ചതായും ആശുപത്രി അധികൃതർ അറിയിച്ചു.
മജ്ജയെ ബാധിച്ച അർബുദത്തെത്തുടർന്നാണ് ഡൽഹിയിലെ എയിംസിൽ ശാരദയെ പ്രവേശിപ്പിച്ചത്. രോഗം മൂർച്ഛിച്ചതിനെത്തുടർന്ന് ശനിയാഴ്ച തീവ്രപരിചരണ വിഭാഗത്തിലേക്കു മാറ്റിയിരുന്നു.
കേന്ദ്ര ആരോഗ്യമന്ത്രി ജെപി നഡ്ഡ ഇന്നലെ രാത്രി എയിംസ് സന്ദർശിച്ചതായും മികച്ച ചികിത്സ നൽകണമെന്നു നിർദേശിച്ചതായും ശാരദയുടെ മകൻ അൻഷുമാൻ പറഞ്ഞു. ബിഹാറിലെ പ്രമുഖ സംഗീതജ്ഞയായാ ശാരദയെ പദ്മശ്രീയും പദ്മഭൂഷണും നല്കി രാജ്യം ആദരിച്ചിട്ടുണ്ട്.