മണിപ്പുരിൽ രണ്ടു തീവ്രവാദികൾ അറസ്റ്റിൽ
Monday, October 28, 2024 1:50 AM IST
ഇംഫാൽ: മണിപ്പുരിൽ രണ്ടു തീവ്രവാദികളെ അറസ്റ്റ് ചെയ്തു. പീപ്പിൾസ് ലിബറേഷൻ ആർമി സംഘടനയിൽപ്പെട്ട എൻ. പ്രിയോ സിംഗ്, എസ്. ദേവ്ജിത് സിംഗ് (21) എന്നിവരാണ് ടെഗ്നൗപാൽ ജില്ലയിൽ അറസ്റ്റിലായത്. ആസാം റൈഫിൾസ് സംഘമാണ് ഇവരെ പിടികൂടിയത്. തുടർന്ന് പോലീസിനു കൈമാറി.
വെള്ളിയാഴ്ച പ്രിപാക്(പ്രോ) സംഘടനയിൽപ്പെട്ട റോബർട്ട് ലാൽഹാഹ്ദം എന്നയാളെ സുരക്ഷാസേന പിടികൂടിയിരുന്നു. ഇയാളുടെ പക്കൽനിന്ന് ഒരു റൈഫിൾ പിടിച്ചെടുത്തു.
ചുരാചന്ദ്പുർ ജില്ലയിലെ തേയിജംഗ് ഗ്രാമത്തിൽ സുരക്ഷാസേന നടത്തിയ തെരച്ചിലിൽ അഞ്ചു റൈഫിളുകൾ, ഒരു നാടൻ മോർട്ടാർ, നാലു ഡിറ്റനേറ്ററുകൾ, രണ്ടു ഗ്രനേഡുകൾ എന്നിവ കണ്ടെടുത്തു.