വിഷവാതകം ശ്വസിച്ച് രണ്ടു തൊഴിലാളികൾ മരിച്ചു
Monday, October 28, 2024 1:50 AM IST
അഹമ്മദാബാദ്: ഗുജറാത്തിലെ അഹമ്മദാബാദിൽ ടെക്സ്റ്റൈൽ ഫാക്ടറിയിൽനിന്നു ചോർന്ന വിഷവാതകം ശ്വസിച്ച് രണ്ടു തൊഴിലാളികൾ മരിച്ചു.
ഏഴു പേരെ ശ്വാസതടസത്തെത്തുടർന്ന് എൽജി ആശുപത്രിയിൽ പ്രവേശിപ്പിച്ചു. നരോൾ വ്യവസായമേഖലയിലെ ദേവി സിന്തറ്റിക്സിലാണു സംഭവം. വസ്ത്രങ്ങളിൽ പ്രിന്റിംഗിനായി ഉപയോഗിക്കുന്ന ആസിഡ് വലിയ ടാങ്കിലേക്കു പകരവേ ഉയർന്ന വിഷപ്പുകയാണു വില്ലനായത്.