മണിപ്പുർ എംപിമാർക്ക് ഐക്യദാർഢ്യവുമായി പ്രതിപക്ഷം മണിപ്പുരിൽനിന്നുള്ള കോണ്ഗ്രസ് എംപിമാരായ പ്രഫ. അൻഗോംച ബിമോൽ അകോയിസാമും ആൽഫ്രഡ് കൻഗാമും സത്യപ്രതിജ്ഞ ചെയ്യുന്നതിനിടെ “ജസ്റ്റീസ് ഫോർ മണിപ്പുർ’’ (മണിപ്പുരിന് നീതി വേണം) വിളികളുമായി പ്രതിപക്ഷ എംപിമാർ.
രാഹുൽ ഗാന്ധിയുടെ നേതൃത്വത്തിൽ കോണ്ഗ്രസ് എംപിമാർ എഴുന്നേറ്റുനിന്നാണ് ഇരുവരെയും സ്വാഗതം ചെയ്തത്. സംസ്ഥാനത്തെ രണ്ടു സീറ്റുകളും ഇക്കുറി കോൺഗ്രസ് പിടിച്ചെടുത്തിരുന്നു.
സഭാ നടപടികൾക്കുശേഷം പാർലമെന്റിനു പുറത്ത് മാധ്യമപ്രവർത്തകരോടു സംസാരിക്കവെ മണിപ്പുരിന് നീതി ലഭിക്കണമെന്നും ഇതിനുവേണ്ടിയായിരിക്കും തങ്ങളുടെ പോരാട്ടമെന്നും ഇരു എംപിമാരും പറഞ്ഞു.