ചി​ങ്ങ​വ​നം: കൊ​ല്ലാ​ട്, പാ​റ​യ്ക്ക​ല്‍ ക​ട​വി​ല്‍ വ​ള്ള​ത്തി​ല്‍ മീ​ന്‍ പി​ടി​ക്കാ​ന്‍ പോ​യ ര​ണ്ടു യു​വാ​ക്ക​ള്‍ മു​ങ്ങി മ​രി​ച്ചു. ഒ​രാ​ള്‍ നീ​ന്തി ര​ക്ഷ​പ്പെട്ടു.

ഇ​ന്ന​ലെ ഉ​ച്ച​ക​ഴി​ഞ്ഞ് 2.30നാ​യി​രു​ന്നു സം​ഭ​വം. പാ​റ​യ്ക്ക​ല്‍ ക​ട​വ് സ്വ​ദേ​ശി​ക​ളാ​യ പാ​റ​ത്താ​ഴെ പ​രേ​ത​നാ​യ പി​.പി. ജോ​ണി​യു​ടെ മ​ക​ന്‍ വി.​ജെ. ജോ​ബി (36), പോ​ള​ച്ചി​റ​യി​ല്‍ പി. ​ജെ. സാ​മു​വ​ലി​ന്‍റെ മ​ക​ന്‍ അ​രു​ണ്‍ സാം (37) ​എ​ന്നി​വ​രാ​ണ് മ​രി​ച്ച​ത്. കൂ​ടെ​യു​ണ്ടാ​യി​രു​ന്ന ജോ​ബി​യു​ടെ സ​ഹോ​ദ​ര​ന്‍ ജോ​ഷി​ ര​ക്ഷ​പെ​ട്ടു.

പാ​റ​യ്ക്ക​ല്‍ ക​ട​വ് പാ​ട​ശേ​ഖ​ര​ത്തി​ന് സ​മീ​പ​ത്തുനി​ന്നും ഫൈ​ബ​ര്‍ വ​ള്ള​ത്തി​ലാ​ണ് മൂ​വ​രും ചൂ​ണ്ട​യി​ടാ​നാ​യി തി​രി​ച്ച​ത്. നി​റ​ഞ്ഞുകി​ട​ക്കു​ന്ന പാ​ശേ​ഖ​ര​ത്തി​ന്‍റെ ആ​ഴ​മേ​റി​യ ഭാ​ഗ​ത്തെ​ത്തി​യ​പ്പോ​ള്‍ ക​ന​ത്ത കാ​റ്റി​ലും, മ​ഴ​യി​ലും വ​ള്ളം മ​റി​യു​ക​യാ​യി​രു​ന്നു. മ​റി​ഞ്ഞുകി​ട​ക്കു​ന്ന വ​ള്ള​ത്തി​ല്‍ ഏ​റെ നേ​രം പി​ടി​ച്ചുകി​ട​ന്ന ഇ​രു​വ​രു​ടെയും കാ​ലി​ല്‍ വ​ള്ള​ത്തി​ലു​ണ്ടാ​യി​രു​ന്ന ഉ​ട​ക്കുവ​ല ഉ​ട​ക്കി​യ​താ​യി പ​റ​യ​പ്പെ​ടു​ന്നു.


നീ​ന്ത​ല​റി​യാ​വു​ന്ന ജോ​ഷി ഇ​രു​വ​രെ​യും ര​ക്ഷി​ക്കാ​ന്‍ ശ്ര​മി​ക്കു​ന്ന​തി​നി​ട​യി​ല്‍ വ​ള്ളം താ​ഴ്ന്ന് ജോ​ബി​യും അ​രു​ണും വെ​ള്ള​ത്തി​ല്‍ മു​ങ്ങി. ഇ​രു​വ​രെ​യും ര​ക്ഷി​ക്കാ​ന്‍ ന​ട​ത്തി​യ ശ്ര​മ​ങ്ങ​ള്‍ വി​ഫ​ല​മാ​യ​തോ​ടെ നീ​ന്തി ക​ര​യ്‌​ക്കെ​ത്തി​യ ജോ​ഷി​യാ​ണ് അ​പ​ക​ടവി​വ​രം മ​റ്റു​ള്ള​വ​രെ അ​റി​യി​ച്ച​ത്.

നാ​ട്ടു​കാ​ര്‍ വ​ള്ള​ങ്ങ​ളി​ലും, നീ​ന്തി​യും അ​പ​ക​ടസ്ഥ​ല​ത്തെ​ത്തി ഏ​റെനേ​ര​ത്തെ തെ​ര​ച്ചി​ലി​നൊ​ടു​വി​ല്‍ ഇ​രു​വരെ​യും ക​ണ്ടെ​ത്തി പു​തു​പ്പ​ള്ളി​യി​ലെ സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

മൃ​ത​ദേ​ഹങ്ങൾ ജി​ല്ലാ ആ​ശു​പ​ത്രി മോ​ര്‍ച്ച​റി​യി​ല്‍. അ​രു​ണി​ന്‍റെ മാ​താ​വ് ഏ​ലി​യാ​മ്മ. സ​ഹോ​ദ​ര​ന്‍ വ​രു​ണ്‍ പീ​റ്റ​ര്‍ സാം (​ഇ​ല​ക്‌ട്രീഷ്യ​ന്‍, ദേ​ശാ​ഭി​മാ​നി, തി​രു​വ​നന്ത​പു​രം). ജോ​ബി​യു​ടെ മാ​താ​വ്: പ​രേ​ത​യാ​യ റോ​സ്‌​ലി, ഭാ​ര്യ: സാ​ന്ദ്ര.