കമ്പമല മാവോയിസ്റ്റ് ആക്രമണം: എന്‍ഐഎ കുറ്റപത്രം സമര്‍പ്പിച്ചു
Sunday, June 1, 2025 2:33 AM IST
മാനന്തവാടി: കമ്പമല കെഎഫ്ഡിസി ഓഫീസില്‍ 2023 സെപ്റ്റംബര്‍ 28നു നടന്ന മാവോവാദി ആക്രമണവുമായി ബന്ധപ്പെട്ട കേസില്‍ എന്‍ഐഎ കുറ്റപത്രം സമര്‍പ്പിച്ചു.
മാവോയിസ്റ്റ് നേതാക്കളായ സി.പി. മൊയ്തീന്‍, സോമന്‍, മനോജ് എന്നിവരെ പ്രതിചേര്‍ത്ത് കൊച്ചിയിലെ എന്‍ഐഎ കോടതിയിലാണ് കുറ്റപത്രം സമര്‍പ്പിച്ചത്.
നിയമവിരുദ്ധ പ്രവര്‍ത്തനങ്ങള്‍ തടയല്‍ നിയമത്തിലേതടക്കം (യുഎപിഎ) വകുപ്പുകള്‍ പ്രകാരമുള്ള കുറ്റങ്ങളാണ് പ്രതികള്‍ക്കെതിരേ ചുമത്തിയത്.