എട്ടു സ്വർണവും അഞ്ചു വെള്ളിയും നാലു വെങ്കലവുമായി 59 പോയിന്റുകൾ നേടിയ തിരുവനന്തപുരം രണ്ടാം സ്ഥാനത്തും മൂന്നു സ്വർണം, നാലു വെള്ളി, 11 വെങ്കലം എന്നിവയുമായി മലപ്പുറം 38 പോയിന്റുകളോടെ മൂന്നാം സ്ഥാനത്തും നിൽക്കുന്നു. ജൂണിയർ ആൺകുട്ടികളുടെ (അണ്ടർ-17) ബാസ്ക്കറ്റ് ബോൾ മത്സരത്തിൽ കോഴിക്കോട്, ആലപ്പുഴ, തൃശൂർ, കോട്ടയം എന്നിവർ സെമി ഫൈനലിലേക്കു കടന്നു.
ഉദ്ഘാടനം മുണ്ടയാട് ഇൻഡോർ സ്റ്റേഡിയത്തിൽ നടന്നു കണ്ണൂർ: സ്കൂൾ ഗെയിംസിന്റെ ഉദ്ഘാടനം മുണ്ടയാട് ഇൻഡോർ സ്റ്റേഡിയത്തിൽ കണ്ണൂർ ജില്ലാ പഞ്ചായത്ത് പ്രസിഡന്റ് പി.പി. ദിവ്യ ഉദ്ഘാടനം ചെയ്തു.
കണ്ണൂർ കോർപ്പറേഷൻ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സുരേഷ് ബാബു എളയാവൂർ അധ്യക്ഷത വഹിച്ചു.
കണ്ണൂർ വിദ്യാഭ്യാസ ഉപഡയറക്ടർ ബാബു മഹേശ്വരി പ്രസാദ്, സംസ്ഥാന സ്പോർട്സ് ഓർഗനൈസർ ഡോ. സി.എസ്. പ്രദീപ്, കണ്ണൂർ ജില്ലാ സ്പോർട്സ് കൗൺസിൽ പ്രസിഡന്റ് കെ.കെ. പവിത്രൻ, ആർഡി ഡി രാജേഷ് കുമാർ, ഡയറ്റ് പ്രിൻസിപ്പൽ വി.വി. പ്രേമരാജൻ,എസ്എസ്കെ പ്രോജക്ട് ഓഫീസർ ഇ.സി. വിനോദ്, സി.എം.നിധിൻ , ജില്ലാ സ്പോർട്സ് ഓർഗനൈസർ പി.പി. മുഹമ്മദ് അലി എന്നിവർ പങ്കെടുത്തു.
ഗെയിംസ് ഇന്ന് സമാപിക്കും ഇന്ന് മുണ്ടായട് ഇൻഡോർ സ്റ്റേഡിയത്തിൽ റസ്ലിംഗ് മത്സരങ്ങളും തായ്ക്വാണ്ടോ മത്സരങ്ങളും നടക്കും.
തലശേരി ബാസ്ക്കറ്റ്ബോൾ സ്റ്റേഡിയത്തിൽ ബാസ്ക്കറ്റ് ബോൾ മത്സരങ്ങൾ, സായ് സെന്ററിൽ ജിംനാസ്റ്റികസ്, കണ്ണൂർ ജിവിഎച്ച്എസ്എസ്(സ്പോർട്സിൽ) യോഗാസന മത്സരങ്ങളും നടക്കും.