മോ​സ്കോ: ര​ണ്ടാം ലോ​ക​മ​ഹാ​യു​ദ്ധ​ത്തി​ൽ സോ​വി​യ​റ്റ് സേ​ന വി​ജ​യം നേ​ടി​യ​തി​ന്‍റെ 80-ാം വാ​ർ​ഷി​ക​ത്തോ​ട​നു​ബ​ന്ധി​ച്ച് റ​ഷ്യ​ൻ പ്ര​സി​ഡ​ന്‍റ് പു​ടി​ൻ യു​ക്രെ​യ്നു​മാ​യു​ള്ള യു​ദ്ധ​ത്തി​ൽ ഏ​ക​പ​ക്ഷീ​യ വെ​ടി​നി​ർ​ത്ത​ൽ പ്ര​ഖ്യാ​പി​ച്ചു. മേ​യ് എ​ട്ടു മു​ത​ൽ 10 വ​രെ 72 മ​ണി​ക്കൂ​റാ​ണ് വെ​ടി​ നി​ർ​ത്തു​ക.

ഇ​ക്കാ​ല​യ​ള​വി​ൽ റ​ഷ്യ സൈ​നി​ക ന​ട​പ​ടി​ക​ൾ നി​ർ​ത്തി​വ​യ്ക്കു​മെ​ന്ന് ക്രെം​ലി​ൻ അ​റി​യി​ച്ചു. യു​ക്രെ​യ്നും വെ​ടി നി​ർ​ത്താ​ൻ ത​യാ​റാ​കു​മെ​ന്ന് റ​ഷ്യ പ്ര​തീ​ക്ഷി​ക്കു​ന്നു. യു​ക്രെ​യ്ൻ സേ​ന ആ​ക്ര​മ​ണ​ത്തി​നു മു​തി​ർ​ന്നാ​ൽ റ​ഷ്യ ശ​ക്ത​മാ​യ തി​രി​ച്ച​ടി ന​ല്കു​മെ​ന്നും അ​റി​യി​പ്പി​ൽ പ​റ​യു​ന്നു.


അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് സ്ഥി​രം വെ​ടി​നി​ർ​ത്ത​ലി​നാ​യി റ​ഷ്യ​ക്കും യു​ക്രെ​യ്നും​മേ​ൽ സ​മ്മ​ർ​ദം ചെ​ലു​ത്തു​ന്ന​തി​നി​ടെ​യാ​ണ് പു​ടി​ന്‍റെ നീ​ക്ക​ങ്ങ​ൾ. നേ​ര​ത്തേ ഈ​സ്റ്റ​റി​നോ​ട​നു​ബ​ന്ധി​ച്ചും പു​ടി​ൻ ഏ​ക​പ​ക്ഷീ​യി​യ​മാ​യി 30 മ​ണി​ക്കൂ​ർ വെ​ടി​നി​ർ​ത്ത​ൽ പ്ര​ഖ്യാ​പി​ച്ചി​രു​ന്നു.

തു​ട​ർ​ന്ന് യു​ക്രെ​യ്നും വെ​ടി നി​ർ​ത്തു​മെ​ന്ന​റി​യി​ച്ചു. എ​ന്നാ​ൽ വെ​ടി​നി​ർ​ത്ത​ൽ കാ​ല​യ​ള​വി​ൽ ആ​ക്ര​മ​ണം നേ​രി​ട്ട​താ​യി റ​ഷ്യ​യും യു​ക്രെ​യ്നും ആ​രോ​പി​ച്ചു.