ഒറ്റ​പ്പാ​ലം: ചി​ന​ക്ക​ത്തൂ​രി​ൽ താ​ല​പ്പൊ​ലി​യാ​ഘോ​ഷം വ​ർ​ണ്ണാ​ഭം. ഇ​ന്നാ​ണ് കു​മ്മാ​ട്ടി. ഈ ​പ​ക​ലി​ര​വി​നു​മ​പ്പു​റം വ​ള്ളു​വ​നാ​ടി​ന്‍റെ മാ​മാ​മാങ്ക​മാ​യ ചി​ന​ക്ക​ത്തൂ​ർ പൂ​രം പൂ​നി​ലാ​വാ​യി പെ​യ്തി​റ​ങ്ങും. മാ​ഘമാ​സ​ത്തി​ലെ മ​കം ന​ക്ഷ​ത്ര​ത്തി​ന്‍റെ പു​ണ്യംനു​ക​രാ​ൻ ത​ട്ട​കം ആ​വേ​ശ​ത്തോ​ടെ ഒ​രു​ങ്ങി​ക്ക​ഴി​ഞ്ഞു. ചി​ന​ക്ക​ത്തൂ​ർ പൂ​ര​ത്തി​ന് ഇ​നി ഒ​രു നാ​ൾ മാ​ത്ര​മാ​ണ് ബാ​ക്കി. ത​ട്ട​ക​ത്തി​ലെ 7 ദേ​ശ​ങ്ങ​ളും ആ​വേ​ശ​ത്തി​ന്‍റെ പാ​ര​മ്യ​ത്തി​ലാ​ണ്. പൂ​ര​ത്തിന്‍റെ വ​ര​വി​നാ​യി ദേ​ശ​ങ്ങ​ളേ​ഴും കാ​ത്തി​രി​ക്കു​ക​യാ​ണ്.

ചി​ന​ക്ക​ത്തൂ​രി​ൽ പൂ​ര​താ​ല​പ്പൊ​ലി​യാ​ഘോ​ഷം ക​ഴി​ഞ്ഞ​തോ​ടെ​യാ​ണ് പൊ​ൻ​പൂ​ര​ത്തി​ന് ആ​വേ​ശം കൂ​ടി​യ​ത്. പൂ​ര​താ​ല​പ്പൊ​ലി​ക്ക് ശേ​ഷം ഇ​ന്ന് കു​മ്മാ​ട്ടി​ക്കും ഉ​ച്ച​യ്ക്ക് ര​ണ്ടു​മ​ണി​ക്കു​ള്ള കു​തി​ര​യ്‌​ക്ക് ത​ല​വെ​ക്ക​ൽ ച​ട​ങ്ങു​ക​ൾ​ക്കും ദേ​ശ​ങ്ങ​ളൊ​രു​ങ്ങി​ക്ക​ഴി​ഞ്ഞു. പി​ന്നെ ഒ​രു​രാ​ത്രി ക​ട​ന്നാ​ൽ ബു​ധ​നാ​ഴ്ച​യാ​ണ് ചി​ന​ക്ക​ത്തൂ​ർ പൂ​രം. താ​ല​പ്പൊ​ലി​യാ​ഘോ​ഷ​ഭാ​ഗ​മാ​യി ത​ട്ട​ക​ത്തി​ലെ നി​ശ്ചി​ത​കേ​ന്ദ്ര​ങ്ങ​ളി​ൽ പൂ​ര​ത്തി​ന്‍റെ കൊ​ട്ടി​യ​റി​യി​പ്പ് ച​ട​ങ്ങ് ന​ട​ന്നു. വൈ​കീ​ട്ട് കോ​മ​ര​വും മൂ​ന്ന്‌ പ​റ​വാ​ദ്യ​വും ക​യ​റം​പാ​റ നീ​ലി​കാ​വി​ൽ​നി​ന്ന്‌ ചി​ന​ക്ക​ത്തൂ​രി​ലേ​ക്ക്‌ പു​റ​പ്പെ​ട്ടു.

പ​ല്ലാ​ർ​മം​ഗ​ലം പ​ന്ത​ലി​ൽ​നി​ന്ന്‌ നാ​ലാ​മ​ത്തെ പ​റ​യും പ​ഴ​യ പോ​സ്റ്റ് ബ​സ്‌​സ്റ്റോ​പ്പി​ന്‍റെ സ​മീ​പ​ത്തു​നി​ന്ന്‌ ര​ണ്ട്‌ പ​റ​വാ​ദ്യ​ങ്ങ​ളും കൂ​ടി​ച്ചേ​ർ​ന്ന് ആ​റ്‌ പ​റ​വാ​ദ്യ​ങ്ങ​ളും കോ​മ​ര​വു​മാ​യി ചി​ന​ക്ക​ത്തൂ​ർ കാ​വി​ലേ​ക്ക് എ​ഴു​ന്ന​ള്ളി​പ്പ് ന​ട​ന്നു. പ​റ​വാ​ദ്യം ക്ഷേ​ത്ര​ത്തി​ലെ​ത്തി​യ​ശേ​ഷം താ​യ​മ്പ​ക, കേ​ളി, പ​റ്റ് എ​ന്നി​വ ന​ട​ന്നു.

രാ​ത്രി താ​ല​പ്പൊ​ലി​ പാ​ട​ത്തു​നി​ന്ന്‌ കോ​മ​ര​ങ്ങ​ളു​ടെ അ​ക​മ്പ​ടി​യോ​ടെ ക്ഷേ​ത്ര​ത്തി​ലേ​ക്ക്‌ താ​ലം എ​ഴു​ന്ന​ള്ളി​പ്പു​മു​ണ്ടാ​യി. പ​റ​വാ​ദ്യ​ത്തി​നു​പി​ന്നി​ലാ​യി പൂ​ര​താല​പ്പൊ​ലി ക​മ്മി​റ്റി​യു​ടെ എ​ഴു​ന്ന​ള്ളി​പ്പ് ന​ട​ന്നു. നീ​ലി​ക്കാ​വി​ൽ നി​ന്നാ​ണ് എ​ഴു​ന്ന​ള്ളി​പ്പു തു​ട​ങ്ങി​യ​ത്. ചെ​ർ​പ്പു​ള​ശേരി മ​ണി​ക​ണ്ഠ​ൻ തി​ട​മ്പേ​റ്റി. അ​ഞ്ച് ഗ​ജ​വീ​ര​ൻ​മാ​ർ അ​ക​മ്പ​ടി​യേ​കി. തു​ട​ർ​ന്ന്പാ​ണ്ടി​മേ​ളം ന​ട​ന്നു. തി​രു​വ​ല്ല രാ​ധാ​കൃ​ഷ്ണ​ന്‍റെ നേ​തൃ​ത്വ​ത്തി​ൽ നൂ​റി​ൽ​പ്പ​രം ക​ലാ​കാ​ര​ൻ​മാ​രാ​ണ് പാ​ണ്ടി​മേ​ള​ത്തി​ൽ അ​ണിനി​ര​ന്ന​ത്. എ​ഴു​ന്ന​ള്ളി​പ്പ് ക്ഷേ​ത്ര​ത്തി​ലെ​ത്തി​യ ശേ​ഷം വ​ർ​ണ​ശ​ബ​ള​മാ​യ കു​ട​മാ​റ്റം ന​ട​ന്നു. പാ​ണ്ടി​മേ​ളം അ​വ​സാ​നി​ച്ച​തി​നു​ശേ​ഷം ക​മ്പം ക​ത്തി​ക്ക​ലോ​ടെ​യാ​ണ് താ​ല​പ്പൊ​ലി​യാ​ഘോ​ഷം സ​മാ​പി​ച്ച​ത്.