നെ​ന്മാ​റ: ക​രി​മ്പാ​റ ക​ൽ​ച്ചാ​ടി പ്ര​ദേ​ശ​ത്ത് കാ​ട്ടാ​ന​ക്കൂ​ട്ടം ഇ​റ​ങ്ങി കൃ​ഷി​നാ​ശം വ​രു​ത്തി. എ​ൽ​ദോ​സ് പ​ണ്ടി​ക്കു​ടി​യു​ടെ 10 ക​മു​കു​ക​ൾ, കോ​പ്പ​ൻകു​ള​മ്പ് വേ​ണു​ഗോ​പാ​ല​ന്‍റെ മു​പ്പ​തോ​ളം കൈ​ത​ച്ച​ക്ക, എം. ​അ​ബ്ബാ​സ് ഒ​റ​വ​ൻചി​റ​യു​ടെ റ​ബർ തോ​ട്ട​ത്തി​ലെ ചി​ര​ട്ട​ക​ൾ, റ​ബർ ഷീ​റ്റു​ക​ൾ ഉ​ണ​ങ്ങാ​ൻ ഇ​ട്ടി​രു​ന്ന അ​യ​യും ന​ശി​പ്പി​ച്ചു. രാ​ത്രി മേ​ഖ​ല​യി​ലെ റ​ബർ തോ​ട്ട​ങ്ങ​ളി​ലും കൃ​ഷി​യി​ട​ങ്ങ​ളി​ലും കാ​ട്ടാ​നന​ട​ന്ന് ഫ​ല​വൃ​ക്ഷ​ത്തൈ​ക​ൾ ഉ​ൾ​പ്പെ​ടെ​യു​ള്ള​വ വ്യാ​പ​ക​മാ​യി ന​ശി​പ്പി​ച്ചി​ട്ടു​ണ്ട്.

തോ​ട്ട​ങ്ങ​ളി​ൽ ശേ​ഷി​ക്കു​ന്ന കാ​യഫ​ലം ഇ​ല്ലാ​ത്ത ചെ​റി​യ പ്ലാ​വു​ക​ൾ ഒ​ടി​ച്ചും കു​ത്തി​യും ന​ശി​പ്പി​ച്ചി​ട്ടു​ണ്ട്. നെ​ല്ലി​യാ​മ്പ​തി വ​ന​മേ​ഖ​ല​യി​ലെ ക​ൽ​ച്ചാ​ടി പൂ​ള​ക്കാ​ട് ഭാ​ഗ​ത്ത് സൗ​രോ​ർ​ജവേ​ലി​ക്ക് മു​ക​ളി​ലേ​ക്ക് മ​രംത​ള്ളി​യി​ട്ട് വേ​ലി ത​ക​ർ​ത്താ​ണ് കാ​ട്ടാ​ന​ക​ൾ കൃ​ഷി​യി​ട​ങ്ങ​ളി​ൽ എ​ത്തി​യ​ത്.

പ്ര​ദേ​ശ​ത്തെ മൂ​ന്നോ​ളം ഭാ​ഗ​ങ്ങ​ളി​ലാ​യി സൗ​രോ​ർ​ജവേ​ലി കാ​ട്ടാ​ന​ക​ൾ ത​ക​ർ​ത്തി​ട്ടു​ണ്ട്. അ​യി​ലൂ​ർ പ​ഞ്ചാ​യ​ത്തി​ലെ തി​രു​വ​ഴി​യാ​ട് വ​നം സെ​ക്ഷ​നി​ൽ​പ്പെ​ട്ട പ്ര​ദേ​ശ​മാ​ണ് ക​ൽ​ച്ചാ​ടി മേ​ഖ​ല. കാ​ട്ടാ​ന​യു​ടെ​യും മ​റ്റ് വ​ന്യ​മൃ​ഗ​ങ്ങ​ളു​ടെ​യും സ്ഥി​ര​മാ​യ ആ​ക്ര​മ​ണം മൂ​ലം ആ​ളു​ക​ൾ താ​മ​സം മാ​റിതു​ട​ങ്ങി​യ പ്ര​ദേ​ശ​മാ​ണി​ത്.