വ​ട​ക്ക​ഞ്ചേ​രി: അ​ന്ന​ദാ​നം, വൃ​ദ്ധ​സ​ദ​ന ന​ട​ത്തി​പ്പ്, ചി​കി​ത്സാസ​ഹാ​യം തു​ട​ങ്ങി​യ​വ​യു​ടെ പേ​രുപ​റ​ഞ്ഞ് വീ​ടു​ക​ളി​ൽ ക​യ​റി​യി​റ​ങ്ങി പി​രി​വുന​ട​ത്തി ധ​ന​സ​മ്പാ​ദ​നം ന​ട​ത്തു​ന്ന സം​ഘ​ങ്ങ​ൾ​ക്കെ​തി​രേ ന​ട​പ​ടിവേ​ണ​മെ​ന്ന ആ​വ​ശ്യം ശ​ക്തം. വീ​ടു​ക​ളി​ൽ പു​രു​ഷ​ന്മാ​രി​ല്ലാ​ത്ത സ​മ​യംനോ​ക്കി​യാ​ണ് ത​ട്ടി​പ്പുസം​ഘ​ങ്ങ​ളു​ടെ ക​റ​ക്കം. പാ​വ​പ്പെ​ട്ട​വ​ർ​ക്ക് ഒ​രുനേ​ര​ത്തെ ആ​ഹാ​രം കൊ​ടു​ക്കാ​നാ​ണെ​ന്നൊ​ക്കെ പ​റ​ഞ്ഞ് ചെ​ല്ലു​മ്പോ​ൾ വീ​ടു​ക​ളി​ലെ സ്ത്രീ​ക​ൾ പണം സം​ഘ​ങ്ങ​ൾ​ക്കു ന​ൽ​കും.

പി​ന്നീ​ട് ഈ ​സം​ഘ​ങ്ങ​ൾ സ്ഥി​രം സ​ന്ദ​ർ​ശ​ക​രാ​യി മോ​ഷ​ണ​വും ത​ട്ടി​പ്പ​റി​യും ന​ട​ത്തു​ന്ന​താ​യും പ​രാ​തി​ക​ളു​ണ്ട്. ചി​ല സം​ഘ​ങ്ങ​ൾ കൊ​ടു​ക്കു​ന്ന പ​ണ​ത്തി​നു ര​ശീ​തി​യും ന​ൽ​കും. ക​മ്മീ​ഷ​ൻവ്യ​വ​സ്ഥ​യി​ൽ പി​രി​വി​നെ​ത്തു​ന്ന സം​ഘ​ങ്ങ​ളും നി​ര​വ​ധി​യാ​ണ്.

ആ​യി​രം രൂ​പ​യ്ക്ക് 100 രൂ​പ ക​മ്മീ​ഷ​ൻവ്യ​വ​സ്ഥ​യി​ൽ സ്ത്രീ​ക​ളെവ​ച്ച് പി​രി​വ് ന​ട​ത്തു​ന്ന​വ​രു​മു​ണ്ട്. ര​ശീ​തിപു​സ്ത​കം അ​ച്ച​ടി​ച്ചുകൊ​ടു​ത്ത് പ​ണ​മു​ണ്ടാ​ക്കു​ന്ന സം​ഘ​ങ്ങ​ളും പ്ര​വ​ർ​ത്തി​ക്കു​ന്നു​ണ്ട്. 50 രൂ​പ​യു​ടെ​യും 100 രൂ​പ​യു​ടെ​യും ര​ശീ​തിപു​സ്ത​ക​ങ്ങ​ൾ അ​ച്ച​ടി​ച്ച് പി​രി​വി​നു പോ​കു​ന്ന​വ​ർ​ക്ക് കൊ​ടു​ക്കും. 10,000 രൂ​പ​യു​ടെ പു​സ്ത​ക​ങ്ങ​ളു​ണ്ടെ​ങ്കി​ൽ ത​ട്ടി​പ്പി​ന്‍റെ ചു​ക്കാ​ൻ പി​ടി​ക്കു​ന്ന സം​ഘ​ത്തി​ന് 2,500 രൂ​പ കൊ​ടു​ത്താ​ൽ മ​തി. ബാ​ക്കി 7,500 രൂ​പ പി​രി​വ് ന​ട​ത്തു​ന്ന​വ​ർ​ക്ക് എ​ടു​ക്കാം. വാ​ച​ക​മ​ടി​ച്ച് വീ​ട്ടു​കാ​രെ മ​യ​ക്കു​ന്ന പി​രി​വു​കാ​രാ​ണെ​ങ്കി​ൽ ദി​വ​സം 10,000 രൂ​പ​യു​ടെ ര​സീ​തു​ക​ളും ചെ​ല​വാ​കും. 2,500 രൂ​പ ര​ശീ​തി അ​ച്ച​ടി​ച്ചുകൊ​ടു​ക്കു​ന്ന​വ​ർ​ക്കു ന​ൽ​കി​യാ​ലും ദി​വ​സം 7,500 രൂ​പ വ​രു​മാ​ന​വും ഉ​ണ്ടാ​ക്കാം.

ഓ​രോ ദി​വ​സ​വും പല റൂ​ട്ടു​ക​ളി​ലാ​ണ് ഇ​വ​ർ ക​റ​ങ്ങു​ക. ഇ​ത്ത​ര​ത്തി​ൽ പ​ല​വി​ധ ത​ട്ടി​പ്പു​ക​ളാ​ണ് നാ​ട്ടി​ൽ ന​ട​ക്കു​ന്ന​ത്. ആ​ഘോ​ഷപ​രി​പാ​ടി​ക​ളി​ൽ ബാ​ക്കി​വ​രു​ന്ന ഭ​ക്ഷ​ണം വൃ​ദ്ധ​സ​ദ​ന​ത്തി​ലേ​ക്കാ​ണെ​ന്ന് പ​റ​ഞ്ഞ് കൊ​ണ്ടു​പോ​യി അ​തു​വ​ച്ച് പ​ണ​മു​ണ്ടാ​ക്കു​ന്നവ​രും കു​റ​വ​ല്ല. ബാ​ക്കി​യാ​യി കി​ട്ടു​ന്ന ഭ​ക്ഷ​ണം പാ​ക്ക​റ്റു​ക​ളി​ലാ​ക്കി വ​ഴി​യോ​ര​ങ്ങ​ളി​ൽ അ​ല​യു​ന്ന കു​റ​ച്ചു​പേ​ർ​ക്കു വി​ത​ര​ണം ചെ​യ്യും.

ഇവയുടെ പ​ടംവ​ച്ച് ഫ്ല​ക്സ് അ​ടി​ക്കും. തു​ട​ർദി​വ​സ​ങ്ങ​ളി​ൽ വീ​ടു​ക​ളി​ൽ ക​യ​റി​യി​റ​ങ്ങി​യു​ള്ള പ​ണപ്പി​രി​വി​നും ഇ​ത് ഉ​പ​യോ​ഗിക്കും. ഒ​റ്റ​പ്പെ​ട്ടു ക​ഴി​യു​ന്ന​വ​രെ സം​ര​ക്ഷി​ക്കാ​മെ​ന്നുപ​റ​ഞ്ഞ് അ​വ​രു​ടെ പേ​രി​ലു​ള്ള സ്വ​ത്തും ആ​ഭ​ര​ണ​ങ്ങ​ളും കൈ​ക്ക​ലാ​ക്കി പ്രാ​യ​മാ​യ​വ​രെ വ​ഞ്ചി​ക്കു​ന്ന "ജീ​വ​കാ​രു​ണ്യ' പ്ര​വ​ർ​ത്ത​ക​രു​മു​ണ്ട്.