മതിലകം പഞ്ചായത്തിൽ ദുർഭരണമെന്ന് കോൺഗ്രസിന്‍റെ കുറ്റവിചാരണസദസ്

പുതിയകാവ്: കോൺഗ്രസ് മതിലകം മണ്ഡലം കമ്മിറ്റിയുടെ ആഭിമുഖ്യത്തിൽ മതിലകം ഗ്രാമ പഞ്ചായത്തിൽ ദുർഭരണമെന്നാരോപിച്ച് സംഘടിപ്പിച്ച കുറ്റവിചാരണ സദസ് സമാപിച്ചു. മതിലകം സെന്‍ററിൽ നടന്ന കുറ്റവിചാരണ സദസിന്‍റെ സമാപനം ബെന്നി ബെഹനാൻ എംപി ഉദ് ഘാടനം ചെയ്തു.

കോൺഗ്രസ് മണ്ഡലം പ്രസിഡന്‍റ് ടി.‌എസ്. ശശി അധ്യക്ഷത വഹിച്ചു. ഡിസിസി ജനറൽ സെക്രട്ടറി സി.എസ്. രവീന്ദ്രൻ, കയ്പമംഗലം ബ്ലോക്ക് പ്രസിഡന്‍റ് സുനിൽ.പി. മേനോൻ, നേതാക്കളായ ഇ.എസ്. സാബു, മണി കാവുങ്കൽ, ഒ.എ. ജെൻട്രിൻ, ഷിബു വർഗീസ്, കെ.എം. ജോസ്, അനസ് അബൂബക്കർ, കെ.വൈ. ഷക്കീർ, വി. കെ. ഷൺമുഖൻ, ഇ.എം. വിൻസെന്‍റ്, ടി.കെ. വിശ്വനാഥൻ, ടി.കെ. പ്രതാപൻ, സിന്ധു രവീന്ദ്രൻ തുടങ്ങിയവർ പ്രസംഗിച്ചു.

ADVERTISEMENT

മതപരിവർത്തന നിരോധന നിയമം ഗൂഢലക്ഷ്യത്തോടെ: അതിരൂപത പാസ്റ്ററൽ കൗണ്‍സിൽ

തൃശൂർ: രാജ്യത്ത് പന്ത്രണ്ടോളം സംസ്ഥാനങ്ങളിലും, അടുത്ത നാളുകളിൽ രാജസ്ഥാൻ, ഉത്തരാഖണ്ഡ് സംസ്ഥാനങ്ങളിലും നടപ്പിലാക്കിയ മതപരിവർത്തന നിരോധന നിയമം അത്യന്തം അപലപനീയവും പ്രതിഷേധാർഹവുമാണെന്ന് തൃശൂർ അതിരൂപത പാസ്റ്ററൽ കൗണ്‍സിൽ അഭിപ്രായപ്പെട്ടു. നിർബന്ധിത മതപരിവർത്തനം സഭ അംഗീകരിക്കുന്നില്ല. ജീവപര്യന്തം തടവും ഒരു കോടി രൂപ പിഴയും വ്യവസ്ഥ ചെയ്യുന്ന രാജസ്ഥാൻ നിയമവും, സമാനമായ ശിക്ഷാവിധികൾ വ്യവസ്ഥ ചെയ്യുന്ന ഉത്തരാഖണ്ഡ് നിയമവും പാക്കിസ്ഥാൻ പോലുള്ള മതാധിഷ്ഠിത രാജ്യങ്ങളിലെ മതനിന്ദ നിയമത്തെ ഓർമിപ്പിക്കുന്നതും ഇന്ത്യയുടെ ഭരണഘടനയുടെ മതേതരമൂല്യങ്ങൾക്ക് നിരക്കാത്തതുമാണ്. രാജ്യത്തെ ഫാസിസ്റ്റ് വഴികളിലൂടെ നയിക്കുന്ന മതപരിവർത്തന നിരോധന നിയമങ്ങൾ മതന്യൂനപക്ഷങ്ങൾക്ക് കടുത്ത വെല്ലുവിളി ഉയർത്തുന്നതും അരക്ഷിതബോധം സൃഷ്ടിക്കുന്നതും ആണെന്ന് അതിരൂപത പാസ്റ്ററൽ കൗണ്‍സിൽ അഭിപ്രായപ്പെട്ടു. ആർച്ച്ബിഷപ് മാർ ആൻഡ്രൂസ് താഴത്ത് അധ്യക്ഷത വഹിച്ചു. ആനുകാലിക സാമൂഹ്യ രാഷ്ട്രീയ സമ്മർദങ്ങളും, സുവിശേഷവത്ക്കരണവും എന്ന വിഷയം പാസ്റ്ററൽ കൗണ്‍സിൽ സെക്രട്ടറി ജോഷി വടക്കൻ അവതരിപ്പിച്ചു. തുടർന്നു നടന്ന ചർച്ചകളിൽ അതിരൂപത സഹായമെത്രാൻ മാർ ടോണി നീലങ്കാവിൽ മോഡറേറ്ററായി. 21ന് സംഘടിപ്പിക്കുന്ന സമുദായ ജാഗ്രതാ സദസ് വിജയിപ്പിക്കാൻ യോഗം പ്രതിജ്ഞയെടുത്തു. അതിരൂപത വികാരി ജനറാൾമാരായ മോണ്‍. ജെയ്സണ്‍ കൂനംപ്ലാക്കൽ, മോണ്‍. ജോസ് കോനിക്കര, അതിരൂപത ചാൻസലർ ഡോ. ഡൊമിനിക്ക് തലക്കോടൻ, പാസ്റ്ററൽ കൗണ്‍സിൽ ജോയിന്‍റ് സെക്രട്ടറി എൽസി വിൻസന്‍റ്, എൻ.പി. ജാക്സൻ എന്നിവർ പ്രസംഗിച്ചു. അധ്യാപകരുടെ നിയമനാംഗീകാര പ്രശ്നത്തിൽ സർക്കാർ നിലപാട് നീതിരഹിത വിവേചനമാണെന്ന് യോഗം വിലയിരുത്തി.

തൃശൂരിലെ റോഡ് പ്രവൃത്തികൾ സമയബന്ധിതമായി പൂർത്തിയാക്കണം

തൃശൂർ: റോഡ് പ്രവൃത്തികൾ സമയബന്ധിതമായി പൂർത്തിയാക്കണമെന്ന് മന്ത്രി പി.എ. മുഹമദ് റിയാസ് ഉദ്യോഗസ്ഥർക്ക് നിർദേശംനൽകി. തൃശൂർ- മാന്ദാമംഗലം റോഡ് നിർമാണ പ്രവൃത്തികളുടെ പുരോഗതി വിലയിരുത്തുന്നതിനായി സ്ഥലം സന്ദർശിക്കവേയാണ് മന്ത്രി നിർദേശംനൽകിയത്. അഞ്ചു കോടി രൂപ ചെലവിൽ നിർമാണ പ്രവർത്തനം നടത്തുന്ന തൃശൂർ-മാന്ദാമംഗലം റോഡിന്‍റെ ഡ്രെയിൻ പ്രവൃത്തി പൂർത്തിയായെന്നും ബിറ്റുമിൻ മെക്കാഡം സർഫസിംഗ് ജോലികൾ ആരംഭിച്ചുവെന്നും മന്ത്രി പറഞ്ഞു. ജില്ലയിലെ എല്ലാ സബ് റോഡുകളും ഗതാഗത യോഗ്യമാക്കണമെന്ന് നേരത്തെ നിർദേശം നൽകിയിരുന്നു. എന്നാൽ മഴ കാരണം ചിലയിടങ്ങളിൽ പ്രവൃത്തി പൂർണമായിരുന്നില്ല. മഴയ്ക്കുശേഷം നിർമാണ പ്രവൃത്തികൾ എത്രത്തോളം പുരോഗമിച്ചിട്ടുണ്ടെന്നു പരിശോധിക്കുന്നതിനാണ് മന്ത്രി നേരിട്ടെത്തിയത്. സൂപ്രണ്ടിംഗ് എൻജിനീയർ അടക്കമുള്ള ഉന്നത ഉദ്യോഗസ്ഥർ മന്ത്രിയോടൊപ്പം ഉണ്ടായിരുന്നു.

ഗുരുവായൂർ ക്ഷേത്രസന്നിധി ആഘോഷത്തിമർപ്പിൽ

ഗുരുവായൂര്‍: ഉണ്ണിക്കണ്ണന്‍റെ പിറന്നാൾദിനമായ ഇന്ന് ക്ഷേത്രസന്നിധി ആഘോഷത്തിമർപ്പിലാണ്. അഷ്ടമിരോഹിണിക്ക് ദർശനത്തിനും പിറന്നാൾസദ്യയ്ക്കുമുള്ള ഒരുക്കങ്ങൾ പൂർത്തിയായി. കണ്ണനെ ഒരുനോക്കുകണ്ട് അനുഗ്രഹംവാങ്ങാൻ പതിനായിരങ്ങളാണ് ക്ഷേത്രസന്നിധിയിലെത്തുക. വിവിധ സംഘടനകളുടെ നേതൃത്വത്തിലുള്ള ആഘോഷങ്ങളുമുണ്ടാകും. ക്ഷേത്രത്തില്‍ രാവിലേയും ഉച്ചതിരിഞ്ഞും കാഴ്ചശീവേലിയുണ്ട്. രാവിലെ കാഴ്ചശീവേലിക്ക് പെരുവനം കുട്ടന്‍മാരാരുടെ നേതൃത്വത്തില്‍ മേളവും ഉച്ചതിരിഞ്ഞ് വൈക്കം ചന്ദ്രൻമാരാരുട പഞ്ചവാദ്യവും അകമ്പടിയാവും. രാത്രി വിളക്കെഴുന്നള്ളിപ്പിനും പഞ്ചവാദ്യം അകമ്പടിയാവും. ക്ഷേത്രത്തിലെത്തുന്ന ഭക്തര്‍ക്ക് വിഭവസമൃദ്ധമായ പിറന്നാള്‍സദ്യയും നല്‍കും. 40,000 പേർക്കുള്ള സദ്യയാണ് ഒരുക്കുന്നത്. രാവിലെ ഒൻപതുമുതൽ ക്ഷേത്രത്തിന്‍റെ പടിഞ്ഞാറുഭാഗത്തെ അന്നലക്ഷമി ഹാളിലും തെക്കുഭാഗത്തെ ശ്രീഗുരുവായുരപ്പൻ ഓഡിറ്റോറിയത്തിലുമാണ് സദ്യ നല്‍കുക. ഉച്ചയ്ക്ക് രണ്ടുവരെ വരിയിൽ നിൽക്കുന്നവർക്ക് സദ്യ നൽകും. മേല്‍പ്പുത്തൂര്‍ ഓഡിറ്റോറിയത്തില്‍ രാവിലെ പ്രഭാഷണമുണ്ടാവും. വൈകിട്ട് അഞ്ചിന് സാംസ്‌കാരികസമ്മേളനത്തില്‍ ശ്രീഗുരുവായൂരപ്പന്‍ ക്ഷേത്രകലാ പുരസ്‌കാരം മന്ത്രി വി.എൻ. വാസവൻ സമ്മാനിക്കും. രാത്രി കൃഷ്ണനാട്ടത്തിലെ അവതാരം കളിയും അരങ്ങേറും. രാവിലെ ഒൻപതിന് നായർ സമാജത്തിന്‍റെ നേതൃത്വത്തിലുള്ള ആഘോഷ പരിപാടികൾ മമ്മിയൂർ ക്ഷേത്രത്തിൽനിന്നു ആരംഭിക്കും. ഘോഷയാത്ര ഉച്ചയ്ക്ക് 12ന് കിഴക്കേനടയിൽ സമാപിക്കും. പെരുന്തട്ട ശിവകൃഷ്ണ ഭക്തസേവാസംഘത്തിന്‍റെ ആഘോഷം രാവിലെ ഒമ്പതിന് പെരുന്തട്ട ക്ഷേത്രത്തിൽനിന്ന് ആരംഭിക്കും. തുടർന്ന് പിറന്നാൾ സദ്യയുമുണ്ട്. നെന്മിനി ബലരാമക്ഷേത്രത്തിന്‍റെ ഘോഷയാത്ര രാവിലെ ഒമ്പതിന് നെന്മിനിയിൽനിന്ന് ആരംഭിച്ച് 10.30ന് കിഴക്കേനടയിലെത്തും. ബാലഗോകുലത്തിന്‍റെ ഘോഷയാത്ര ഉച്ചകഴിഞ്ഞ് തിരുവെങ്കിടം ക്ഷേത്രസന്നിധിയിൽനിന്ന് ആരംഭിച്ച് ഗുരുവായൂർ ക്ഷേത്രത്തിലെത്തിച്ചേരും. സുരക്ഷാക്രമീകരണങ്ങൾക്കായി കൂടുതൽ പോലീസിനെയും നിയോഗിച്ചിട്ടുണ്ട്. ശ്രീലകം നെയ്യപ്പംകൊണ്ട് നിറയും ഗുരുവായൂര്‍: അഷ്ടമിരോഹിണിയുടെ പ്രധാനവഴിപാടായ നെയ്യപ്പം ഇന്ന് അത്താഴപ്പൂജയ്ക്ക് ഗുരുവായൂരപ്പന് നിവേദിക്കും. 7,25,760 രൂപക്കുള്ള അപ്പമാണ് തയ്യാറാക്കുന്നത്. 48,834 നെയ്യപ്പമാണ് അത്താഴപ്പൂജക്ക് ഗുരുവായൂരപ്പന് നിവേദിക്കുക.പുലര്‍ച്ചെ മുതല്‍ പത്തുകാര്‍ വാര്യന്മാര്‍ ഉരലില്‍ ഇടിച്ച്നല്‍കുന്ന അരിപ്പൊടി ഉപയോഗിച്ച് രാവിലെ ഏഴുമുതല്‍ അപ്പം തയ്യാറാക്കി തുടങ്ങും. അരിപ്പൊടിയും, നേന്ത്രപ്പഴവും, ശര്‍ക്കരയും, ചുക്കും, ജീരകവും ചേര്‍ത്താണ് കീഴ്ശാന്തി നമ്പൂതിരിമാര്‍ നറുനെയ്യുപയോഗിച്ച് അപ്പം തയ്യാറാക്കുന്നത്. രാത്രി അത്താഴപ്പൂജയ്ക്ക് ശേഷം അപ്പം ഭക്തജനങ്ങള്‍ക്ക് വിതരണം ചെയ്യും. 8,08000 രൂപയൂടെ പാല്‍പ്പായസവും നാളെ ഗുരുവായൂരപ്പന് നിവേദിക്കും. ഗതാഗത ക്രമീകരണങ്ങൾ ഗുരുവായൂര്‍: അഷ്ടമിരോഹിണിയുടെ തിരക്ക് കണക്കിലെടുത്ത് ഇന്നുരാവിലെ ഒമ്പതുമുതല്‍ ഗുരുവായൂരില്‍ ഗതാഗത ക്രമീകരണങ്ങൾ ഏര്‍പ്പെടുത്തുമെന്ന് പോലീസ് അറിയിച്ചു. ഔട്ടര്‍-ഇന്നര്‍ റോഡുകളില്‍ പൂര്‍ണമായും വണ്‍വേ ആയിരിക്കും.തൃശൂര്‍ ഭാഗത്തുനിന്നും വരുന്ന വാഹനങ്ങള്‍ മഞ്ജുളാല്‍ ജംഗ്ഷനില്‍ നിന്ന് ഇടത്തോട്ടു തിരിഞ്ഞു പോകണം. കുന്നംകുളം ഭാഗത്തുനിന്നുള്ള വാഹനങ്ങള്‍ ചൂല്‍പ്പുറത്തു നിന്ന് തിരിഞ്ഞ് പോലീസ് സ്‌റ്റേഷന്‍ റോഡ് വഴി മാവിന്‍ ചുവടിലെത്തി ഗുരുവായൂരിലേക്ക് പ്രവേശിക്കണം. പാവറട്ടി ഭാഗത്തുനിന്നുള്ള ഹെവി വാഹനങ്ങള്‍ക്ക് ഗുരുവായൂരിലേക്ക് പ്രവേശനമുണ്ടാകില്ല. പഞ്ചാരമുക്കില്‍ നിന്ന് ചാവക്കാട്ടേയ്ക്ക് പോകണം. ഗുരുവായൂരിലെത്തുന്ന വാഹനങ്ങള്‍ പരമാവധി ഔട്ടര്‍ റിംഗ് റോഡിലെ പാര്‍ക്കിംഗ് കേന്ദ്രങ്ങളിലെത്തണം. ഔട്ടര്‍-ഇന്നര്‍ റിംഗ് റോഡുകളിലായി 12 പാര്‍ക്കിംഗ് കേന്ദ്രങ്ങളാണുള്ളത്.

മഴവിൽ ആനന്ദ സംഗീതോത്സവം 17ന്

തൃശൂർ: ഗായകൻ യേശുദാസിന്‍റെ ശതാഭിഷേകത്തോടനുബന്ധിച്ച് ആചാര്യ വിഷ്വൽ മീഡിയയുടെ ആഭിമുഖ്യത്തിൽ മഴവിൽ ആനന്ദ സംഗീതോത്സവം 17ന് തെക്കേമഠം ചിറയ്ക്കു സമീപമുള്ള എൻഎസ്എസ് ഹാളിൽ നടക്കും. രാവിലെ എട്ടുമുതൽ മുപ്പതിൽപരം സംഗീതസംവിധായകരുടെ 101 ഗാനങ്ങൾ കോർത്തിണത്തിണക്കിയുള്ള സംഗീതാർച്ചന ഗായകൻ സോമസുന്ദരൻ ചെറുശേരി നിർവഹിക്കും. വൈകീട്ട് 6.30ന് കേരളം എന്‍റെ കേരളം, ഭാരതം എന്‍റെ ഭാരതം എന്നു തുടങ്ങുന്ന ദേശഭക്തിഗാന സംഗീതനൃത്താവിഷ്കാരത്തിനു പിന്നണി ഗായിക ഡോ. വൈക്കം വിജയലക്ഷ്മിയും സംഗീതസംവിധായകൻ ആചാര്യ ആനന്ദകൃഷ്ണനും നേതൃത്വം നല്കും. വയനാടൻ പ്രകൃതിവിഭവങ്ങളുടെ വിപണനമേളയും സംഘടിപ്പിക്കും. പത്രസമ്മേളനത്തിൽ സംഗീത സംവിധായകൻ ആചാര്യ ആനന്ദ് കൃഷ്ണൻ, രാജേശ്വരി ഗണേഷ് ആലപ്പുഴ, ദേവിമായ ആലപ്പുഴ, അനിൽ ആഗ്രഹ, ബാബു മാസ്റ്റർ എന്നിവർ പങ്കെടുത്തു.

ഒരുമ റോഡിന്‍റെ നിർമാണോദ്ഘാടനം

പെരിഞ്ഞനം: മതിലകം ബ്ലോക്ക് പഞ്ചായത്ത് ഡിവിഷൻ പതിനാലിൽ ഉൾപ്പെടുന്ന പെരിഞ്ഞനം രണ്ടാം വാർഡിലെ ഒരുമ റോഡിന്‍റെ നിർമാണോദ്ഘാടനം നടത്തി. ബ്ലോക്ക് പഞ്ചായത്ത് എസ്‌സി പദ്ധതിയിൽ ഉൾപ്പെടുത്തിയാണ് 20 ലക്ഷം രൂപ ചെലവഴിച്ച് ബ്ലോക്ക് പഞ്ചായത്ത് റോഡ് നിർമിച്ചുനൽകുന്നത്. മതിലകം ബ്ലോക്ക് പഞ്ചായത്ത് പ്രസിഡന്‍റ്് സി.കെ. ഗിരിജ നിർമാണോ ദ്ഘാ ടനം നിർവഹിച്ചു. ബ്ലോക്ക് ഡിവിഷൻ മെമ്പർ ആർ.കെ. ബേബി അധ്യക്ഷത വഹിച്ചു. പെരിഞ്ഞനം ഗ്രാമപഞ്ചായത്ത് പ്രസിഡന്‍റ് വിനീത മോഹൻദാസ് മുഖ്യാതിഥിയായി. വാർഡ് മെമ്പർ സായിദ മുത്തുക്കോയ തങ്ങൾ, സന്ധ്യ സുനിൽ, കെ.ജി. സജീവ് എന്നിവർ പ്രസംഗിച്ചു. റോഡിനോട് ചേർന്നുള്ള തോടിന്‍റെ ഭാഗം കെട്ടി ഒതുക്കി മുകളിൽ കൈവരി ഉൾപ്പടെ സ്ഥാപിച്ചാണ് സിമന്‍റ് കട്ടകൾ വിരിച്ച റോഡ് നിർമിച്ചു നൽകുന്നത്. ഒരുമാസത്തിനുള്ളിൽ നിർമാണം പൂർത്തീകരിച്ച് റോഡ് സഞ്ചാരയോഗ്യമാക്കി തുറന്നുകൊടുക്കാനാണു തീരുമാനിച്ചിട്ടുള്ളതെന്ന് അധികൃതർ പറഞ്ഞു.

ദേവാലയങ്ങളിൽ തിരുനാൾ

പുഷ്പഗിരി ഫാത്തിമ മാതാ മേലൂർ: മരിയൻ തീർഥാടന കേന്ദ്രമായ പുഷ്പഗിരി ഫാത്തിമ മാതാ പള്ളിയിൽ വിശുദ്ധ യൂദാ തദേവൂസിന്‍റെ ഊട്ടുതിരുനാളിനു കൊടിയേറി. കൊടിയേറ്റിനും വിശുദ്ധ കുർബാനയ്ക്കും നൊവേനക്കും ഫാ. ടോമി കണ്ടത്തിൽ കാർമികനായി. തുടർന്ന് പ്രദക്ഷിണവും ഉണ്ടായിരുന്നു. ഇന്നു രാവിലെ 6.30ന് വിശുദ്ധ കുർബാന. 9.30ന് നടക്കുന്ന ആഘോഷമായ തിരുനാൾ പാട്ടുകുർബാനയ്ക്ക് ഫാ. ജെസ്‌ലിൻ തെറ്റയിൽ മുഖ്യകാർമികനാകും. ഫാ. തോമസ് പടിഞ്ഞാറെക്കൂറ്റ് വചനസന്ദേശം നൽകും. തുടർന്ന് ആരാധനയും ഊട്ടുനേർച്ചവിതരണവും ഉണ്ടായിരിക്കും. പ്ലാവിൻമുറി ദയാനഗർ സെന്‍റ് മേരീസ് മാള: പ്ലാവിൻമുറി ദയാനഗർ സെന്‍റ് മേരീസ് പള്ളിയിൽ പരിശുദ്ധ കന്യകാമറിയത്തിന്‍റെ ജനനത്തിരുനാളിന് ഫാ. ബിനോയ്‌ കോഴിപ്പാട്ട് കൊടിയേറ്റി. പ്രധാന തിരുനാൾ ദിനമായ ഇന്നു രാവിലെ 10ന് ആഘോഷമായ തിരുനാൾ ദിവ്യബലി, ലദീഞ്ഞ്, നൊവേന എന്നിവ നടക്കും. ഫാ. സിബു കള്ളാപറമ്പിൽ മുഖ്യകാർമികനാകും. ഫാ. ജോർജ്് വേഴപ്പറമ്പിൽ സന്ദേശം നൽകും. തുടർന്ന് ഊട്ടുനേർച്ച വെഞ്ചിരിപ്പ്, വിതരണം.

കൊപ്രക്കളം സെന്‍ററിലെ ഗതാഗതക്കുരുക്ക് പരിഹരിക്കണമെന്നാവശ്യപ്പെട്ട് യുഡിഎഫ് സമരം

കയ്പമംഗലം: ദേശീയപാത കൊപ്രക്കളം സെന്‍ററിലെ ഗതാഗതക്കുരുക്ക് പരിഹരിക്കണമെന്നാവശ്യപ്പെട്ട് യുഡിഎഫ് സമരം. ദേശീയ പാത 66 നിർമാണ പ്രവർത്തനങ്ങളുടെ ഭാഗമായി കൊപ്രക്കളത്ത് നടത്തിയ ഗതാഗത‌ക്രമീകരണം അപകട സാധ്യത വർധിപ്പിക്കുന്നുവെന്നും ഹൈവേയുടെ സർവീസ് റോഡ് കഴിഞ്ഞഭാഗം കൃത്യമായി മൂടാത്തതുമൂലം വാഹനങ്ങൾ മുട്ടിയുരഞ്ഞാണ് പോകുന്നതെന്നും സമരക്കാർ ആരോപിച്ചു. കൂടാതെ കൊപ്രക്കളം പഞ്ഞംപള്ളി റോഡ് തുടങ്ങുന്ന ഭാഗത്ത് മാസങ്ങളായി തകർന്നുകിടക്കുന്ന ഭാഗം നിരന്തരമായി ആവശ്യപ്പെട്ടിട്ടും ഇതുവരെ ഗതാഗത യോഗ്യമാക്കാൻ നാഷണൽ ഹൈവേ അധികൃതരോ കൺസ്ട്രക്‌ഷൻ കമ്പനിയോ തയാറാവുന്നില്ലെന്നും യുഡിഎഫ് കുറ്റപ്പെടുത്തി. ഹൈവേ നിർമാണം ശാസ്ത്രീ യമായി നടത്തി ഗതാഗതക്കുരുക്കുകൾ ഒഴിവാക്കണമെന്ന് ആവശ്യപ്പെട്ടാണ് ജനപ്രതിനിധികളും യുഡിഎഫ് നേതാക്കളും സമരവുമായി രംഗത്തെത്തിയത്. കൊപ്രക്കളം സെന്‍ററിൽ നടന്ന പ്രതിഷേധ സമരം മുസ്ലിം ലീഗ് ജില്ലാ വൈസ് പ്രസിഡന്‍റ്് പി.കെ.മുഹമ്മദ് ഉദ്ഘാടനം ചെയ്തു. ഗ്രാമ‌പഞ്ചായത്തംഗം സി.ജെ. പോൾസൺ അധ്യക്ഷനായി. പഞ്ചായത്ത് വൈസ് പ്രസിഡന്‍റ്് മണി ഉല്ലാസ്, കോൺഗ്രസ് മണ്ഡലം പ്രസിഡന്‍റ്് സി.ജെ. പോൾസൺ, പഞ്ചായത്തംഗം ജിനൂബ് അബ്ദുൾ റഹ്മാൻ, നേതാക്കളായ സി.ജെ. ജോഷി, കെ.ബി. അനിൽകുമാർ, അഡ്വ. ഷാജു തലാ‌ശേരി, പി.എൻ. ദാസൻ എന്നിവർ പ്രസംഗിച്ചു.

നഗരസഭയിലെ ഹില്‍പാര്‍ക്കില്‍ ബയോമൈനിംഗ് ആരംഭിച്ചു

ഇരിങ്ങാലക്കുട: നഗരസഭയിലെ 32-ാം വാര്‍ഡിലെ ഹില്‍പാര്‍ക്കില്‍ ബയോ മൈനിംഗ് ആരംഭിച്ചു. വര്‍ഷങ്ങളായി നിക്ഷേപിക്കപ്പെട്ടിട്ടുള്ള പ്ലാസ്റ്റിക് ഉള്‍പ്പടെയുള്ള ലെഗസി മാലിന്യങ്ങള്‍ സ്വച്ച് ഭാരത് മിഷന്‍ (അര്‍ബന്‍) 2.0യില്‍ ഉള്‍പ്പെടുത്തി ബയോമൈനിംഗ് എന്ന നൂതന സാങ്കേതിക വിദ്യ ഉപയോഗിച്ച് വിവിധതരത്തിലുള്ള അജൈവമാലിന്യങ്ങളെ വേര്‍തിരിച്ച് പുനഃചക്രമണത്തിന് വിധേയമാക്കുകയും 100ശതമാനം മാലിന്യമുക്തമാക്കി സ്ഥലം ഉപയോഗയോഗ്യമാക്കി തിരിച്ചെടുക്കുകയുമാണ് പ്രവൃത്തികൊണ്ട് ലക്ഷ്യം വക്കുന്നത്. ഒരുകോടി എട്ടുലക്ഷം രൂപയാണ് അടങ്കല്‍ തുകയായി കണക്കാക്കിയിട്ടുള്ളത്. പദ്ധതിയുടെ പ്രവര്‍ത്തനോദ്ഘാടനം ചെയര്‍പേഴ്‌സണ്‍ മേരിക്കുട്ടി ജോയ് നിര്‍വഹിച്ചു. നഗരസഭ വൈസ് ചെയര്‍മാന്‍ ബൈജു കുറ്റിക്കാടൻ അധ്യക്ഷത വഹിച്ചു. നഗരസഭാ വികസന സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ ഫെനി അബിന്‍ വെള്ളാനിക്കാരന്‍, ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍ പേഴ്സണ്‍ അംബിക പള്ളിപ്പുറത്ത്, പൊതുമരാമത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ ജെയ്സണ്‍ പാറേക്കാടന്‍, നഗരസഭയുടെ പ്രതിപക്ഷ നേതാവും കൗണ്‍സിലറുമായ കെ.ആര്‍. വിജയ, മുന്‍ നഗരസഭാ ചെയര്‍പേഴ്സണ്‍ സോണിയ ഗിരി, വാര്‍ഡ് കൗണ്‍സിലര്‍ അഡ്വ. ജിഷ ജോബി, നഗരസഭാ സെക്രട്ടറി എം. ഷാജിക്ക്, തൃശൂര്‍ ജില്ലാ ശുചിത്വ മിഷന്‍ പ്രോഗ്രാം ഓഫീസര്‍ രജനീഷ്, മുനിസിപ്പല്‍ എന്‍ജിനീയര്‍ സന്തോഷ്‌കുമാര്‍, നഗരസഭ ക്ലീന്‍ സിറ്റി മാനേജര്‍ ബേബി എന്നിവര്‍ പ്രസംഗിച്ചു.

വൈദിക - സന്യസ്തസംഗമം നടത്തി

മാള: മാളപള്ളിപ്പുറം സെന്‍റ്് ആന്‍റണീസ് തീർഥാടന കേന്ദ്രത്തിന്‍റെ ശതാബ്ദി ആഘോഷങ്ങളുടെ ഭാഗമായി ഇടവകയിൽ സേവനമനുഷ്ഠിച്ച വൈദികരുടെയും ഇടവകയിലെയും അയൽ ഇടവകയിലെയും വൈദികരുടെയും സന്യസ്തരുടെയും സംഗമം - "ഫിദേയി കമ്യൂണിത്താസ്' സംഘടിപ്പിച്ചു. വൈദികരുടെയും സന്യസ്തരുടെയും മാതാപിതാക്കളിൽ പലരും സംഗമത്തിന് സാക്ഷ്യം വഹിക്കാനെത്തി. സംഗമത്തോടനുബന്ധിച്ച് നടന്ന കൃതജ്ഞതാബലിയിൽ കോഴിക്കോട് ആർച്ച്‌ബിഷപ്പും ഇടവകാംഗവുമായ ഡോ. വർഗീസ് ചക്കാലക്കൽ മുഖ്യകാർമികത്വം വഹിച്ചു. പൊതുസമ്മേളനം ഡോ. വർഗീസ് ചക്കാലക്കൽ ഉദ്ഘാടനം ചെയ്തു. ഫാ. പോൾ തോമസ് കളത്തിൽ അധ്യക്ഷത വഹിച്ചു. കോട്ടപ്പുറം രൂപത വികാരി ജനറാൾ മോൺ. റോക്കി റോബി കളത്തിൽ ലെയോ മാർപാപ്പയിൽ നിന്നും പാലിയം സ്വീകരിച്ച ഡോ. വർഗീസ് ചക്കാലക്കലിനെ ആദരിച്ചു. മുൻ വികാരി ഫാ. ഫ്രാൻസിസ് കൊയ്ക്കാര‌പറമ്പിൽ, സിസ്റ്റർ ഡെയ്നി, സി.ഒ. ജോസ് എന്നിവർ ആശംസകൾ നേർന്നു. ഇൻഡ്യൻ നേവിയിൽ ചേർന്ന ഇടവകാംഗം ഏമിയബിളിനെ ആർച്ച്ബിഷപ് യോഗത്തിൽ ആദരിച്ചു. ശതാബ്ദിയുടെ ഭാഗമായി 100 രോഗികൾക്ക് ചികിത്സാസഹായം നൽകുന്ന പദ്ധതിയുടെ പ്രാരംഭമായി 20 പേർക്കുള്ള തുകയുടെ ചെക്ക് ഭാരവാഹികളിൽനിന്നും ആർച്ച്ബിഷപ് സ്വീകരിച്ചു. പാരമ്പര്യ കലകളായ മാർഗംകളി, ചവിട്ടുനാടകം എന്നിവയുടെ അവതരണം ഉണ്ടായി.

തൃശൂര്‍ ജില്ലാ ക്ഷീരസംഗമം

വെള്ളാങ്കല്ലൂർ: തൃശൂര്‍ ജില്ലാ ക്ഷീര സംഗമത്തോടനുബന്ധിച്ച് യു‌പി, ഹൈസ്കൂൾ, ഹയർസെക്കൻഡറി വിഭാഗങ്ങളിലെ വിദ്യാർഥികൾക്കായി നടത്തിയ ഡയറി ക്വിസ്, ചിത്രരചന മത്സരങ്ങളുടെ ഉദ്ഘാടനം അഡ്വ. വി.ആർ. സുനിൽകുമാർ എംഎൽഎ നിർവഹിച്ചു. വെള്ളാങ്കല്ലൂർ ബ്ലോക്ക് പഞ്ചായത്ത് പ്രസിഡന്‍റ് സുധാ ദിലീപ് അധ്യക്ഷത വഹിച്ചു. വെള്ളാങ്കല്ലൂർ ഗ്രാമപഞ്ചായത്ത് പ്രസിഡന്‍റ് നിഷ ഷാജി മുഖ്യപ്രഭാഷണം നടത്തി. ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അസ്മാബി ലത്തീഫ്, ബ്ലോക്ക് പഞ്ചായത്ത് മെമ്പർ ബിനോയ്, കെസിഎംഎംഎഫ് ഭരണസമിതി അംഗം കോണത്തുകുന്ന് ക്ഷീരസംഘം പ്രസിഡന്‍റ് ടി.എൻ. സത്യൻ എന്നിവർ ആശംസകളർപ്പിച്ചു. വെള്ളാങ്കല്ലൂർ ക്ഷീരസംഘം പ്രസിഡന്‍റ് ടി.എ. ഹുസൈൻ സ്വാ ഗ തവും അന്തിക്കാട് ബ്ലോക്ക് ക്ഷീരവികസന ഓഫീസറും മീഡിയ പബ്ലിസിറ്റി കമ്മിറ്റി കൺവീനറുമായ എൻ.എസ്. അമ്പിളി നന്ദിയും പറഞ്ഞു. മത്സരങ്ങളിൽ വിജയികൾ ആ കുന്ന കുട്ടികൾക്കുള്ള സമ്മാനങ്ങൾ 26 ന് വെള്ളാങ്കല്ലൂർ പിസികെ ഓഡിറ്റോറിയത്തിൽ നടക്കുന്ന ക്ഷീരസംഗമം പൊതുസമ്മേളനത്തിൽവച്ച് നൽകും. ചിത്രരചനാ മത്സരത്തിൽ ഓരോ വിഭാഗത്തിലും ഒന്നാം സ്ഥാനം ലഭിച്ച കുട്ടികൾക്ക് സാഗ് ഡിജിറ്റൽ ആൻഡ് രാജു ജോസഫ് മരിയ ഫാം, കാഞ്ഞിരപ്പള്ളി സ് പോൺസർ ചെയ്ത സൈക്കിളുകൾ സമ്മാനമായി നൽകും. പങ്കെടുത്ത എല്ലാ വിദ്യാർഥികൾക്കും സർട്ടിഫിക്കറ്റുകൾ വിതരണം ചെയ്തു.

വില്വധ്വനി നാടകോത്സവം സമാപിച്ചു

തിരുവില്വാമല: ഗ്രാമീണ വായനശാല വാർഷികത്തോടനുബന്ധിച്ച് നാട്ടകം കലാ സാംസ്കാരികവേദിയുടെ ആഭിമുഖ്യത്തിൽനടന്ന വില്വധ്വനി നാടകോത്സവം സമാപിച്ചു. ജാനകി സന്തോഷ് സംവിധാനംചെയ്ത, കുട്ടികൾ കഥാപാത്രങ്ങളായ നൂറ്റാണ്ടുകൾക്കിപ്പുറം എന്ന നാടകമാണ് അവസാനമായി അരങ്ങിലെത്തിയത്. വായനശാല വൈസ് പ്രസിഡന്‍റ് എൻ. രാംകുമാറാണ് നാടകത്തിന്‍റെ രചന നിർവഹിച്ചത്. നാടകത്തിൽ പങ്കെടുത്ത കുട്ടികൾക്ക് ലയൺസ് ക്ലബ് ഓഫ് വില്വാദ്രി പാമ്പാടിയും നാടകങ്ങളിൽ പങ്കെടുത്ത എല്ലാവർക്കുമുള്ള സമ്മാനങ്ങൾ നാട്ടകം കലാ സാംസ്കാരികവേദിയും ഗ്രാമീണ വായനശാലയും ചേർന്നു നൽകി. സമാപന സമ്മേളനം പഞ്ചായത്ത് വൈസ് പ്രസിഡന്‍റ് എം. ഉദയൻ ഉദ്ഘാടനം നിർവഹിച്ചു. വായനശാല പ്രസിഡന്‍റ് കെ.പി. ഉമാശങ്കർ അധ്യക്ഷനായിരുന്നു.

ക്ഷേത്രങ്ങളിൽ ശ്രീകൃഷ്‌ണജയന്തി

തൃശൂർ: ശ്രീകൃഷ്‌ണജയന്തിയോടനുബന്ധിച്ച് തിരുവമ്പാടി ക്ഷേത്രത്തിൽ ഇന്നു രാവിലെ രാവിലെ 3.45നു നടതുറക്കും. നാലിന് വാകച്ചാർത്ത്. 4.30ന് ശിവൻ പെരിങ്ങോട്ടുകര അഷ്ടപദി ആലപിക്കും. അഞ്ചിനു നാദസ്വരം. ആറിനു സമൂഹ വിഷ്ണുസഹസ്രനാമ പാരായണം, ഏഴിനു പ്രത്യക്ഷ ഗോപൂജ ക്ഷേത്രം നടപ്പുരയിൽ. രാവിലെ 8.30 മുതൽ 11.30 വരെ അഞ്ചാനകൾ നിരക്കുന്ന ഉഷഃശീവേലിക്കു കക്കാട് രാജപ്പൻമാരാരുടെ നേതൃത്വത്തിൽ പഞ്ചാരിമേളം. ഉച്ചയ്ക്ക് 1.30ന് കലാമണ്ഡലം നന്ദകുമാർ ആൻഡ് പാർട്ടിയുടെ ഓട്ടൻതുള്ളൽ, ഉച്ചയ്ക്കുശേഷം മൂന്നിന് അക്ഷരശ്ലോകം, നാലിനു ഭക്തിഗാനമേള, 5.15ന് അഷ്ട‌പദി, ആറു മുതൽ രാത്രി ഏഴുവരെ അകതിയൂർ ഹരിഷ് നമ്പൂതിരിയും സംഘവും നയിക്കുന്ന പഞ്ചവാദ്യം, ദീപക്കാഴ്ച, പുഷ്പാലങ്കാരം, 7.15 മുതൽ ഭജനമഞ്ജരി, 8.15 മുതൽ അത്താലൂർ ശിവദാസ് അവതരിപ്പിക്കുന്ന തായമ്പക, കൊമ്പുപറ്റ്, കുഴൽപ്പറ്റ് എന്നിവയുണ്ടാവും. ഗുരുവായൂര്‍ ക്ഷേത്ര പ്രവൃത്തിക്ക് ഇന്ന് നൂറോളം കീഴ്ശാന്തിക്കാര്‍ ഗുരുവായൂര്‍: ഉണ്ണിക്കണ്ണന്‍റെ പിറന്നാള്‍ദിനമായ ഇന്ന് നൂറോളം കീഴ്ശാന്തിക്കാര്‍ ക്ഷേത്ര പ്രവൃത്തിക്കെത്തും.13 കീഴ്ശാന്തി ഇല്ലങ്ങളിലെ കീഴ്ശാന്തിക്കാരാണ് ഇന്നുപുലര്‍ച്ചെ മുതല്‍ കണ്ണന്‍റെ പിറന്നാള്‍ ഗംഭീരമാക്കാനുള്ള പരിശ്രമംനടത്തുക. പുലര്‍ച്ചെ രണ്ടു മുതല്‍ പ്രവൃത്തി തുടങ്ങും. എട്ടുലക്ഷത്തിലേറെ രൂപയുടെ പാല്‍പ്പായസം തയാറാക്കലും നെയ്പായസം തയാറാക്കലുമാണ് ആദ്യ പ്രവ ൃ ‍ത്തി. രാവിലെ ഏഴു മുതല്‍ അപ്പം തയാറാക്കി തുടങ്ങും. കാഴ്ചശീവേലിക്കും പ്രസാദ ഉട്ടിനും ക്ഷേത്രത്തിനുള്ളിലെ പ്രവൃത്തിയുമെല്ലാമായി പാതിരാത്രിവരെ ജോലി തുടരും. പാരമ്പര്യ പ്രവര്‍ത്തിക്കാരാണ് പുലര്‍ച്ചെ മുതല്‍ ഉരലില്‍ ഇടിച്ച് അരിപ്പൊടി തയാറാക്കുക. രാത്രി പത്തു മുതൽ കിഴക്കേടത്ത് മാധവൻ നമ്പൂതിരിയുടെ ഭാഗവതപാരായണം. രാത്രി 12.45 മുതൽ 1.45 വരെ അത്താഴപൂജ, തുടർന്ന് ശീവേലി, തൃപ്പുകയ്ക്കുശേഷം നട അടയ്ക്കും.

അന്തിക്കാട് കടവാരംറോഡിലെ പാലം പുനർനിർമിക്കും: സി.സി. മുകുന്ദൻ എംഎൽഎ

അന്തിക്കാട്: ഏഴുമാസംമുമ്പ് തകർന്ന, അന്തിക്കാട് കോൾ പാടശേഖരത്തെ കടവാരവുമായി ബന്ധിപ്പിക്കുന്ന പ്രധാനപാലം അടിയന്തിരമായി പുനർനിർമിക്കുമെന്നും ഇതിനാവശ്യമായ ഫണ്ട് അനുവദിക്കുമെന്നും സി.സി. മുകുന്ദൻ എംഎൽഎ അറിയിച്ചു. പാലം തകർന്ന് മാസങ്ങൾ കഴിഞ്ഞിട്ടും മന്ത്രിതല ഇടപെടലുകളുണ്ടായിട്ടും പാലം വിഷയം പരിഹരിക്കാത്തത് സംബന്ധിച്ച് മാധ്യമവാർത്ത ശ്രദ്ധയിൽപ്പെട്ടതിനെ തുടർന്ന് പാലം സന്ദർശിച്ചശേഷം മാധ്യമ സംസാരിക്കുകയായിരുന്നു എംഎൽഎ. വിത്തുൾപ്പടെയുള്ള സാധനസാമഗ്രികൾ കൊണ്ടുപോകേണ്ടത് ഈ പാലത്തിലൂടെയാണ്. ഈ പ്രശ്നം ചൂണ്ടികാട്ടി അന്തിക്കാട് പാടശേഖരസമിതി ഭാരവാഹികൾ നിരവധിതവണ കെഎൽഡിസിയെ സമീപിച്ചെങ്കിലും പാലം നിർമിക്കുന്നതിനാവശ്യമായ യാതൊരു നടപടിയും ഉണ്ടായിട്ടില്ലെന്ന് അന്തിക്കാട് പടവ് സെക്രട്ടറി കഴിഞ്ഞദിവസം മാധ്യമങ്ങളോട് പറഞ്ഞിരുന്നു. പാലവുമായി ബന്ധപ്പെട്ട എല്ലാ റിപ്പോർട്ടുകളും നൽകിയെന്നും ഇനി നടപടി സ്വീകരിക്കേണ്ടത് കെഡിഎ ആണെന്നുമാണ് കെഎൽഡിസി അധികൃതർ പറയുന്നത്. നാട്ടുകാരനായ റവന്യുമന്ത്രി കെ. രാജൻ ഉൾപ്പെടെയുള്ളവരെകണ്ട് ആവശ്യമുന്നയിച്ചെങ്കിലും ഫലമുണ്ടായില്ലെന്നും മാധ്യമങ്ങൾ റിപ്പോർട്ട് ചെയ്തിരുന്നു. തുടർന്നാണ് എംഎൽഎയുടെ ഇടപെടൽ. പാടശേഖരത്തിലേക്ക് കൃഷിയുമായി ബന്ധപ്പെട്ട എല്ലാ സാധനസാമഗ്രികളും കൊണ്ടുപോകേണ്ടത് ഈ പാലം വഴിയാണെന്നതിനാൽ കൃഷിപ്പണി തുടങ്ങിയാൽ ഓവുവച്ച് മുകളിൽ മണ്ണിട്ടുറപ്പിച്ച് ഗതാഗതം പുന:സ്ഥാപിക്കേണ്ടിവരുമെന്ന ആശങ്കയും കർഷകർക്കുണ്ട്. ഇങ്ങിനെചെയ്ത് താൽകാലികമായി ഗതാഗതം പുന:സ്ഥാപിച്ചാൽ മഴക്കാലത്ത് വെള്ളത്തിന്‍റെ ഒഴുക്കുനിലച്ച് പ്രദേശം വെള്ളക്കെട്ടിലാകുന്ന സ്ഥിതിയുണ്ടാകുമെന്ന ആശങ്ക പരിഹരിക്കുമെന്നും എംഎൽ എ പറഞ്ഞു.

പുത്തൂർ സുവോളജിക്കൽ പാർക്ക്: അവലോകനയോഗം ചേർന്നു

തൃശൂർ: പുത്തൂർ സുവോളജിക്കൽ പാർക്കിലെ നിർമാണപ്രവർത്തനങ്ങളുടെ അവലോകനയോഗം രാമനിലയത്തിൽ ചേർന്നു. മന്ത്രിമാരായ അഡ്വ. കെ. രാജൻ, എ.കെ. ശശീന്ദ്രൻ, പുത്തൂർ പഞ്ചായത്ത് പ്രസിഡന്‍റ് മിനി ഉണ്ണികൃഷ്ണൻ, സ്റ്റാൻഡിംഗ് കമ്മിറ്റി ചെയർപേഴ്സണ്‍ പി.എസ്. സജിത്ത്, ഗ്രാമപഞ്ചായത്തംഗം പി.ബി. സുരേന്ദ്രൻ, പുത്തൂർ സുവോളജിക്കൽ പാർക്ക് ഡയറക്ടർ ബി.എൻ. നാഗരാജ്, സ്പെഷൽ ഓഫീസർ കെ.ജെ. വർഗീസ്, ചീഫ് കണ്‍സർവേറ്റർ ഡോ. ആർ. ആടലരശൻ എന്നിവർ പങ്കെടുത്തു. സുവോളജിക്കൽ പാർക്കിന്‍റെ നിർമാണപ്രവൃത്തി വേഗത്തിലാക്കാൻ മന്ത്രിമാർ നിർദേശം നൽകി. പാർക്കിന്‍റെ പ്രധാന ആകർഷണങ്ങളായ പെറ്റ് സൂവിന്‍റെയും വർച്വൽ സൂവിന്‍റെയും നിർമാണം ഈ മാസംതന്നെ ആരംഭിക്കുമെന്നും മന്ത്രിമാർ അറിയിച്ചു.

കാട്ടാനകളെ തുരത്താൻ ‘എലിഫന്‍റ് അലാം’

ചേലക്കര: കാട്ടാനകളെ തുരത്താൻ എലിഫന്‍റ് അലാം സ്ഥാപിച്ചു. ചേലക്കര മണ്ഡലത്തിലെ വനമേഖലയുമായി അതിർത്തിപങ്കിടുന്ന പ്രദേശങ്ങളിൽ ആനയിറങ്ങി കൃഷി നശിപ്പിക്കുന്നത് തടയുന്നതിന്‍റെ ഭാഗമായാണ് എലിഫന്‍റ് അലാം സ്ഥാപിച്ചത്. ആനയിറങ്ങുന്ന ജനവാസ മേഖലകളായ മുള്ളൂർക്കര പഞ്ചായത്തിലെ ഇന്ദിരാജി നഗർ, മുക്കിലക്കാട്, നായാടി നഗർ, പാഞ്ഞാൾ പഞ്ചായത്തിലെ ചെറങ്കോണം, ഒലിപ്പാറ, ചേലക്കര പഞ്ചായത്തിലെ തോന്നൂർക്കര പടിഞ്ഞാറ്റുമുറി, മാട്ടുങ്ങൽ, തോട്ടേക്കോട് അങ്കണവാടിക്ക് സമീപം, പഴയന്നൂർ പഞ്ചായത്തിലെ തിരുമണി വെള്ളടി പ്രദേശം, മണ്ണാത്തിപ്പാറ താണിക്കുണ്ട് പ്രദേശം എന്നിവിടങ്ങളിലാണ് പരീക്ഷണാടിസ്ഥാനത്തിൽ അലാം സ്ഥാപിച്ചിട്ടുള്ളത്. അലാമിന് സമീപപ്രദേശത്ത് ആനയെത്തിയാൽ സെൻസറിന്‍റെ സഹായത്തോടെ പ്രത്യേകതരം ശബ്ദവും വെളിച്ചവുമുണ്ടാക്കും. സോളാർ സിസ്റ്റത്തിലാണ് അലാം പ്രവർത്തിക്കുക. ജനകീയ പങ്കാളിത്തത്തിലൂടെ സ്ഥാപിച്ച അലാമിന്‍റെ ഉദ്ഘാടനം ഇന്ദിരാജി നഗർ വനാതിർത്തിയിൽ യു.ആർ. പ്രദീപ് എംഎൽഎ നിർവഹിച്ചു. പഴയന്നൂർ ബ്ലോക്ക് പഞ്ചായത്ത് പ്രസിഡന്‍റ് കെ.എം. അഷറഫ്, ചേലക്കര പഞ്ചായത്ത് പ്രസിഡന്‍റ് പദ്മജ, പാഞ്ഞാൾ പഞ്ചായത്ത് പ്രസിഡന്‍റ് വി. തങ്കമ്മ, മുള്ളൂർക്കര പഞ്ചായത്ത് വൈസ് പ്രസിഡന്‍റ് തങ്കപ്പൻ, പഞ്ചായത്ത് മെമ്പർമാരായ ശശികല സുബ്രഹ്മണ്യൻ, വി.കെ. നമ്മല, സുജാത അജയൻ, ഷാബിയ അമീർ തുടങ്ങിയവർ പങ്കെടുത്തു.

മുഖ്യമന്ത്രി മൗനത്തിന്‍റെ മാളത്തിൽ: എം.എം. ഹസൻ

എരുമപ്പെട്ടി: കെഎസ്‌യു പ്രവർത്തകരെ കള്ളക്കേസിൽകുടുക്കി മുഖംമൂടി ധരിപ്പിച്ച്, കെെയാമംവച്ച്, കോടതിയിൽ ഹാജരാക്കിയ പോലീസ് ഉദ്യോഗസ്ഥനെ കാക്കി ഊരിവയ്പ്പിച്ച് കെെയാമംവച്ച് കോടതിയിൽ എത്തിക്കുംവരെ കോൺഗ്രസ് നിയമപോരാട്ടങ്ങൾ നടത്തുമെന്ന് മുൻ കെപിസിസി പ്രസിഡന്‍റ് എം.എം. ഹസൻ പറഞ്ഞു. പോലീസ് അറസ്റ്റുചെയ്ത കെഎസ്‌യു നേതാക്കളെ എരുമപ്പെട്ടി പോലീസ് സ്റ്റേഷനിലെത്തി സന്ദർശിച്ചതിനുശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. ക്രൂരവും മനുഷ്യത്വരഹിതവുമായ പോലീസ് അതിക്രമങ്ങൾ നടക്കുമ്പോൾ ആഭ്യന്തരമന്ത്രികൂടിയായ മുഖ്യമന്ത്രി പിണറായി വിജയൻ മൗനത്തിന്‍റെ മാളത്തിലൊളിച്ചിരിക്കുകയാണെന്നു അദ്ദേഹം കുറ്റപ്പെടുത്തി. കുറ്റക്കാരായ പോലീസ് ഉദ്യോഗസ്ഥർക്കെതിരേ നിയമനടപടി സ്വീകരിക്കുന്നതുവരെ കോൺഗ്രസ് സമരങ്ങളിൽനിന്ന് പിൻവാങ്ങുകയില്ലെന്നും എം.എം. ഹസൻ അറിയിച്ചു.

വിദ്യാഭ്യാസം ചിന്തിക്കാനും നിര്‍ഭയരാകാനും പ്രാപ്തരാക്കണം: ജസ്റ്റിസ് ദേവന്‍ രാമചന്ദ്രന്‍

തൃശൂര്‍: സ്വതന്ത്രമായി ചിന്തിക്കാനും നിര്‍ഭയരായി മുന്നോട്ടു പോകാനും വിദ്യാര്‍ഥികളെ പ്രാപ്തരാക്കുന്നതാകണം വിദ്യാഭ്യാസമെന്നു കേരള ഹൈക്കോടതി ജഡ്ജി ജസ്റ്റിസ് ദേവന്‍ രാമചന്ദ്രന്‍. മനഃപാഠം പഠിപ്പിക്കാനല്ല, ചിന്തിക്കാനും ഗ്രഹിക്കാനും പരിശീലിപ്പിക്കുന്നവരാണു നല്ല അധ്യാപകരെന്നും അദ്ദേഹം പറഞ്ഞു. മണ്ണുത്തി ഡോണ്‍ബോസ്‌കോ കോളജില്‍ അസോസിയേഷന്‍ ഓഫ് സലേഷ്യന്‍ കോ-ഓപ്പറേറ്റേഴ്‌സ് സംഘടിപ്പിച്ച ടീച്ചേഴ്‌സ് കോണ്‍ക്ലേവ് - 2025 ഉദ്ഘാടനം ചെയ്യുകയായിരുന്നു അദ്ദേഹം. കോ-ഓർഡിനേറ്റര്‍ ദേവസി കൊക്കന്‍ അധ്യക്ഷത വഹിച്ചു. കോളജ് മാനേജര്‍ ഫാ. സിറില്‍ ജോണ്‍ എടമന, എഎസ്‌സി സെക്രട്ടറി ജോസ് പുതുക്കാടന്‍ എന്നിവര്‍ പ്രസംഗിച്ചു. സമാപന സമ്മേളനം ബിഷപ് എമരിറ്റസ് മാര്‍ ബോസ്‌കോ പുത്തൂര്‍ ഉദ്ഘാടനം ചെയ്തു. ജനറല്‍ കണ്‍വീനര്‍ കെ.ടി. ഡേവിസ് അധ്യക്ഷതവഹിച്ചു. വിവിധ സെഷനുകളിലായി ഫാ. ഗില്‍ബര്‍ട്ട് ചൂണ്ടല്‍, സണ്ണി ചിറയത്ത്, ഫാ. ജോയ്‌സ് ഫ്രാന്‍സിസ് തോണിക്കുഴിയില്‍, സിസ്റ്റര്‍ ജാന്‍സി അഗസ്റ്റിന്‍, സിസ്റ്റര്‍ ജോസ്ഫിന്‍, കെ.പി. രാജലക്ഷ്മി, ഡോ. നസീമ റഹ്‌മാന്‍, പ്രഫ. പോള്‍സണ്‍ ചാലിശേരി, എ.കെ. ഡിക്‌സണ്‍ എന്നിവര്‍ പ്രസംഗിച്ചു.

സൗജന്യമായി വിഗ്ഗുകൾ നൽകി

തൃശൂർ: കാൻസർമൂലം മുടി നഷ്ടമായ 128 പേർക്കു സൗജന്യമായി വിഗ്ഗുകൾ നൽകി അമല മെഡിക്കൽ കോളജ് ആശുപത്രി. കേരള യൂണിവേഴ്സിറ്റി ഓഫ് ഹെൽത്ത് സയൻസസ് ഡീനും അമല കോളജ് ഓഫ് നഴ്സിംഗ് പ്രിൻസിപ്പലുമായ ഡോ. രാജി രഘുനാഥ് ഉദ്ഘാടനം ചെയ്തു. അമല ഓഡിറ്റോറിയത്തിൽ നടന്ന 38-ാമത് സൗജന്യ വിഗ്ഗ് വിതരണ ചടങ്ങിൽ അമല ഡയറക്ടർ ഫാ. ജൂലിയസ് അറയ്ക്കൽ അധ്യക്ഷത വഹിച്ചു. ജോയിന്‍റ് ഡയറക്ടർ ഫാ. ജെയ്സണ്‍ മുണ്ടൻമാണി, ആലുവ സ്നേഹതീരം ഡയറക്ടർ ഫാ. ജോബിൻ തെക്കേക്കര, ഹെയർ ഡോണേഴ്സ് പ്രതിനിധി കോയന്പത്തൂർ ഹെക്സ ക്ലിനിക്കിലെ ഡോ. സി.വി. അമൃത, തവനൂർ കെഎംജി യുപി സ്കൂൾ ഹെഡ്മിസ്ട്രസ് എസ്. ബിന്ദു, അമല വെൽനസ് വിഭാഗം മേധാവി സിസ്റ്റർ ഡോ. നാൻസി, പ്രോഗ്രാം കോഓർഡിനേറ്റർ പി.കെ. സെബാസ്റ്റ്യൻ തുടങ്ങിയവർ പ്രസംഗിച്ചു. സ്തനാർബുദം ബാധിച്ച 50 രോഗികൾക്കു കൃത്രിമസ്തനങ്ങളുടെ സൗജന്യവിതരണം, കേശദാനം സ്നേഹദാനം ക്യാന്പുകൾ സംഘടിപ്പിച്ച 28 സ്ഥാപനങ്ങളെയും അമല ആശുപത്രിയിൽവച്ച് മുടി മുറിച്ചുനൽകിയ15 വ്യക്തികൾക്കു മെമന്‍റോയും സർട്ടിഫിക്കറ്റും നൽകി ആദരിക്കൽ എന്നിവയും ഉണ്ടായിരുന്നു. ഇതിനോടകം 2200 കാൻസർ രോഗികൾക്ക് അമല മെഡിക്കൽ കോളജ് ആശുപത്രിയിൽനിന്നും സൗജന്യമായി വിഗ്ഗുകളും 700 സ്തനാർബുദ രോഗികൾക്കു സൗജന്യമായി നിറ്റഡ് നോക്കേഴ്സും നൽകാൻ കഴിഞ്ഞതായി ജോയിന്‍റ് ഡയറക്ടർ ഫാ. ജെയ്സണ്‍ മുണ്ടൻമാണി പറഞ്ഞു. 470 പുരുഷന്മാർ ഉൾപ്പെടെ മൂന്നുവയസ് മുതൽ 70 വയസുവരെയുള്ള സമൂഹത്തിന്‍റെ വിവിധ മേഖലകളിൽ പ്രവർത്തിക്കുന്ന 21,000 പേർ ഈ സ്നേഹകൂട്ടായ്മയിലേക്കു മുടി ദാനം ചെയ്തിട്ടുണ്ട്. അമല നഴ്സിംഗ് കോളജിലെ വിദ്യാർഥികളും അമല ആശുപത്രിയിലെ ജീവനക്കാരും കേരളത്തിന്‍റെ വിവിധ ഭാഗങ്ങളിൽനിന്നുള്ള 15 പേരും മുടി മുറിച്ചുനൽകി.

സെന്‍റ് മേരീസ് കോളജിൽ ദേശീയ സെമിനാർ

തൃശൂർ: കേരള സ്റ്റേറ്റ് ഹയർ എഡ്യുക്കേഷൻ കൗണ്‍സിലുമായി സഹകരിച്ച് ഐക്യുഎസി, റിസർച്ച് കമ്മിറ്റി എന്നിവയുടെ നേതൃത്വത്തിൽ സെന്‍റ് മേരീസ് ഓട്ടോണമസ് കോളജിൽ ദേശീയ സെമിനാർ സംഘടിപ്പിച്ചു. റിസർച്ച് പ്രപ്പോസൽ റൈറ്റിംഗ് ആൻഡ് ഗ്രാന്‍റ് അക്വിസിഷൻ എന്ന വിഷയത്തിലാണ് സെമിനാർ നടന്നത്. കേരള സ്റ്റേറ്റ് ഹയർ എഡ്യുക്കേഷൻ റീഫോംസ് ഇംപ്ലിമെന്‍റേഷൻ സെൽ റിസർച്ച് ഓഫീസർ ഡോ. വി. ഷഫീഖ് സെമിനാർ ഉദ്ഘാടനം ചെയ്തു. പ്രിൻസിപ്പൽ സിസ്റ്റർ ഡോ. മീന കെ. ചെറുവത്തൂർ അധ്യക്ഷത വഹിച്ചു. വൈസ് പ്രിൻസിപ്പൽമാരായ ഡോ. എ. ഡാലി ഡൊമിനിക്, സിസ്റ്റർ ടെസീന പി. ഇമ്മട്ടി, അക്കാദമിക് ഡീൻ ഡോ. ജൂലി പി. ലാസർ, കോഓർഡിനേറ്റർ ഡോ. അഞ്ജലി കിഷോർ എന്നിവർ പ്രസംഗിച്ചു. സാങ്കേതിക സെഷനുകളിൽ പാലക്കാട് മേഴ്സി കോളജ് അസി. പ്രഫസർ ഡോ. രേഷ്മ ഐശ്വര്യ, കോയന്പത്തൂർ പിഎസ്ജിആർ കൃഷ്ണമ്മാൾ കോളജ് ഫോർ വിമൻ റിസർച്ച് ഡീൻ ഡോ. രമേഷ് സുബ്രഹ്മണി, എൻ.ബി. ലേഖ, ഡോ. ആന്‍റണി പാലയ്ക്കൽ എന്നിവർ വിവിധ വിഷയങ്ങൾ അവതരിപ്പിച്ചു.

ഊണിലും ഉറക്കത്തിലും തൃശൂരിന്‍റെ വികസനം മനസിൽ: സുരേഷ് ഗോപി

തൃശൂർ: ലോകത്തിന്‍റെ ഏതു കോണിലായാലും ഊണിലും ഉറക്കത്തിലും തൃശൂരിന്‍റെ വികസനം മാത്രമാണ് മനസിലെന്നു കേന്ദ്രമന്ത്രി സുരേഷ് ഗോപി. എലൈറ്റ് ഹോട്ടലിൽ സുരേഷ് ഗോപിയുടെ നേതൃത്വത്തിൽ സംഘടിപ്പിച്ച ഓണാഘോഷപരിപാടിയിൽ പ്രസംഗിക്കുകയായിരുന്നു അദ്ദേഹം. ബിജെപി സിറ്റി ജില്ലാ പ്രസിഡന്‍റ് ജസ്റ്റിൻ ജേക്കബ്, പൂർണിമ സുരേഷ്, അഡ്വ. കെ.ആർ. ഹരി, പി.കെ. ബാബു, പെരുവനം കുട്ടൻമാരാർ, സംഗീതസംവിധായകൻ ഔസേപ്പച്ചൻ, ഗായകൻ അനൂപ് ശങ്കർ, സ്വാമി നന്ദാത്മജാനന്ദ, ഡി. മൂർത്തി, ഇബ്രാഹിം ലാഹി, ഡെപ്യൂട്ടി കളക്ടർ ജ്യോതി, എഡിഎം മുരളി, തഹസിൽദാർ ജയശ്രീ, വിനോദ് പൊള്ളാഞ്ചേരി എന്നിവർ പങ്കെടുത്തു. കേന്ദ്ര ധനസഹായം അനുവദിച്ചതിൽ പുലിക്കളിസംഘങ്ങൾ സുരേഷ് ഗോപിയെ ആദരിച്ചു. കേരള ബുക്ക് ഓഫ് റിക്കാർഡ് ജേതാവ് തീർഥലക്ഷ്മി, എഴുത്തുകാരി അതുല്യ വിജയ്, പ്രായംകുറഞ്ഞ പുലിക്കളി കലാകാരികളായ ദക്ഷ പ്രസാദ്, രുദ്ര പ്രയാഗ്, സിനി ആർട്ടിസ്റ്റ് യാമിനി സോന എന്നിവരെ ആദരിച്ചു.

തൃശൂർ റൂറൽ പോലീസിന് 6.16 കോടിയുടെ ഭരണാനുമതി

തൃശൂർ: റൂറൽ പോലീസിന്‍റെ അടിസ്ഥാനസൗകര്യങ്ങൾ മെച്ചപ്പെടുത്താൻ 6.16 കോടിയുടെ ഭരണാനുമതി. ഠാണാ ജംഗ്ഷനിൽ പുതിയ കെട്ടിടം നിർമിച്ചു സൈബർ സ്റ്റേഷൻ, അടിയന്തര പ്രതികരണസംവിധാനത്തിനുള്ള(ഇആർഎസ്എസ്) കണ്‍ട്രോൾ റൂം എന്നിവ മാറ്റിസ്ഥാപിക്കാൻ 5.68 കോടിയും റൂറൽ ജില്ലാ പോലീസ് മേധാവിയുടെ ക്യാന്പ് ഓഫീസ് നിർമാണം പൂർത്തിയാക്കാൻ 48 ലക്ഷം രൂപയുമാണ് അനുവദിച്ചത്. 112 ഹെൽപ്പ്‌ലൈൻ നന്പർ മുഖേന പോലീസ്, ഫയർഫോഴ്സ്, ആംബുലൻസ് എന്നീ സേവനങ്ങൾ വേഗത്തിൽ ലഭ്യമാക്കുന്നതിനാണ് ഇആർഎസ്എസ് രൂപീകരിച്ചത്. കാട്ടുങ്ങച്ചിറയിൽ റൂറൽ ജില്ലാ പോലീസ് മേധാവിയുടെ ഓഫീസിലാണ് കണ്‍ട്രോൾ റൂം പ്രവർത്തിക്കുന്നത്. ഓണ്‍ലൈൻ തട്ടിപ്പുകൾ, ഫിഷിംഗ്, ഹാക്കിംഗ് തുടങ്ങിയ കേസുകൾ നിരീക്ഷിച്ചു തടയുന്നതിനുള്ള ഡിജിറ്റൽ ട്രാക്കിംഗ് സംവിധാനങ്ങളും 24 മണിക്കൂറും പ്രവർത്തിക്കുന്ന ഹെൽപ്പ് ഡെസ്കും വിദഗ്ധരുടെ നേതൃത്വത്തിലുള്ള സാങ്കേതികസഹായ സംവിധാനങ്ങളും സൈബർ സ്റ്റേഷന്‍റെ ഭാഗമായി ഒരുക്കും.

കാട്ടൂരിലെ കുടിവെള്ളമലിനീകരണം: മണ്ണുപരിശോധനാഫലം രണ്ടു ദിവസത്തിനകം

കാട്ടൂര്‍: കാട്ടൂര്‍ മിനി ഇന്‍ഡസ്ട്രിയല്‍ എസ്റ്റേറ്റ് പരിസരത്തെ കിണറുകളില്‍ രാസമാലിന്യം കലര്‍ന്ന സംഭവത്തില്‍ ശാസ്ത്രീയപരിശോധനയ്ക്കായി ശേഖരിച്ച മണ്ണിന്‍റെ പരിശോധനാഫലം രണ്ടു ദിവസത്തിനകം ലഭിക്കും. തൃശൂര്‍ ഗവ. എന്‍ജിനീയറിംഗ് കോളജിലെ വിദഗ്ധരാണ് മണ്ണുപരിശോധന നടത്തിയത്. ചെന്നൈയിലെ ലാബിലാണ് മണ്ണിന്‍റെ ഫോറന്‍സിക് പരിശോധന. ജൂലൈ ആദ്യവാരത്തില്‍ മന്ത്രി ഡോ. ആര്‍. ബിന്ദുവിന്‍റെ നേതൃത്വത്തില്‍ ചേര്‍ന്ന അവലോകനയോഗത്തിലെ തീരുമാനപ്രകാരമാണ് ഇന്‍ഡസ്ട്രിയല്‍ എസ്റ്റേറ്റിനു സമീപത്തെ കുടിവെള്ളസ്രോതസുകളില്‍ രാസമാലിന്യസാന്നിധ്യത്തെക്കുറിച്ച് പഠിക്കാനും മണ്ണ് പരിശോധിക്കാനും തൃശൂര്‍ ഗവ. എന്‍ജിനീയറിംഗ് കോളജിനെ ചുമതലപ്പെടുത്തിയത്. ഇതിന്‍റെ അടിസ്ഥാനത്തില്‍ ഗവ. എന്‍ജിനീയറിംഗ് കോളജിലെ സിവില്‍ എന്‍ജിനീയറിംഗ് വിഭാഗം അസോസിയേറ്റ് പ്രഫസര്‍ എ.ജി. ബിന്ദു, ടെക്‌നിക്കല്‍ സ്റ്റാഫ് കെ.കെ. ഉമ്മര്‍, കെമിക്കല്‍ എന്‍ജിനീയറിംഗ് വിഭാഗത്തിലെ അസോസിയേറ്റ് പ്രഫസര്‍ എ.എം. മണിലാല്‍ എന്നിവരുടെ നേതൃത്വത്തിലുള്ള സംഘമാണ് മണ്ണ് ശേഖരിച്ചത്. കാട്ടൂര്‍ മിനി ഇന്‍ഡസ്ട്രിയല്‍ എസ്റ്റേറ്റ് വളപ്പിനുള്ളില്‍നിന്നും ഒരു സാമ്പിളും സമീപത്തെ കിണറുകളുടെ പരിസരത്തുനിന്നും മൂന്നു സാമ്പിളുകളും ശേഖരിച്ചു. ഒരു മീറ്റര്‍ ആഴത്തില്‍ കുഴിച്ചാണ് മണ്ണ് പരിശോധനയ്ക്കെടുത്തിരിക്കുന്നത്. കിണറുകളിലെ രാസമാലിന്യത്തിന്‍റെ ഉറവിടം കണ്ടെത്തുക എന്നുള്ളതാണ് മണ്ണുപരിശോധനയുടെ ലക്ഷ്യം. കോഴിക്കോട്ടുള്ള സിഡബ്ല്യുആര്‍ഡിഎമ്മിലേക്കും ജലസാമ്പിളുകള്‍ പരിശോധനയ്ക്കയച്ചിരുന്നു. പരിശോധനാഫലം ലഭിക്കുന്നതിനായി കഴിഞ്ഞ ദിവസം പണമടയ്ക്കാന്‍ പഞ്ചായത്തിനു കത്ത് ലഭിച്ചിരുന്നു. മണ്ണുപരിശോധനാഫലം കിട്ടിയശേഷം പരിഹാരം മണ്ണുപരിശോധനാഫലം കിട്ടിയശേഷമായിരിക്കും തുടര്‍നടപടികള്‍ ഉണ്ടാകുക. ഏതെല്ലാം രാസവസ്തുക്കളുടെ സാന്നിധ്യമാണ് മണ്ണില്‍ കൂടുതലായി അടങ്ങിയിരിക്കുന്നതെന്നു പരിശോധനാഫലം വരുന്നതോടെ വ്യക്തമാകും. അതിനുശേഷം ഈ രാസവസ്തുക്കള്‍ എങ്ങനെ മണ്ണിലും കുടിവെള്ളത്തിലും കലര്‍ന്നുവെന്നതാണ് ആദ്യം പരിശോധിക്കുക. ഇത്തരം രാസവസ്തുക്കളുടെ സാന്നിധ്യം ഇന്‍ഡസ്ട്രിയല്‍ എസ്റ്റേറ്റില്‍നിന്നുതന്നെയാണോ അതോ മറ്റു കാരണങ്ങള്‍മൂലമാണോ എന്നും പരിശോധിക്കും.

കുന്നംകുളത്ത് ഓടിക്കൊണ്ടിരുന്ന ബസിൽ നിന്ന് പുക

കുന്നംകുളം: ഓടിക്കൊണ്ടിരുന്ന സ്വകാര്യബസിൽ നിന്ന് പെട്ടെന്ന് പുക ഉയർന്നു. പരിഭ്രാന്തരായ യാത്രക്കാരിൽ ഒരാൾ ബസിന്‍റെ ചില്ല് പൊളിച്ച് പുറത്തേയ്ക്ക് ചാടി. ഇയാൾക്ക് ചെറിയ പരിക്കേറ്റു. ഇന്നലെ രാവിലെ 8.30ന് കുന്നംകുളം പാറേമ്പാടത്ത് വച്ചായിരുന്നു സംഭവം. കോഴിക്കോട് നിന്നും തൃശൂരിലേയ്ക്ക് പോവുകയായിരുന്ന ബ്ലൂ ഡയമണ്ട് എന്ന സ്വകാര്യബസിലാണ് സംഭവം ഉണ്ടായത്. പാറേമ്പാടത്ത് എത്തുമ്പോൾ ബസിന്‍റെ അടിഭാഗത്തുനിന്നും പെട്ടെന്ന് പുക ഉയരുകയായിരുന്നു. ഇതോടെ ഡ്രൈവർ ബസ് നിർത്തുകയും പരിഭ്രാന്തരായി യാത്രക്കാർ പുറത്തേക്ക് ഇറങ്ങുകയും ചെയ്തു. ബസിന്‍റെ ഡീസൽടാങ്ക് പൈപ്പ് പൊട്ടിയാണ് അപകടമുണ്ടായത്. വിവരമറിഞ്ഞ ഉടൻ കുന്നംകുളം ഫയർ ആൻഡ് റെസ്ക്യൂ ടീം സ്ഥലത്തെത്തി സ്ഥിതിഗതികൾ നിയന്ത്രിച്ചു. കുന്നംകുളം പോലീസും സ്ഥലത്തെത്തി. അപകടത്തിൽ മറ്റാർക്കും പരിക്കില്ല.

അരിപ്പാലം പള്ളിയില്‍ തിരുനാള്‍ നാളെ

അരിപ്പാലം: സെന്‍റ് മേരീസ് ദേവാലയത്തില്‍ പരിശുദ്ധ വേളാങ്കണ്ണി മാതാവിന്‍റെ തിരുനാളിനു കൊടിയേറി. ഫാ. സെബാസ്റ്റ്യന്‍ മാളിയേക്കല്‍ തിരുനാളിന്‍റെ കൊടിയേറ്റം നിര്‍വഹിച്ചു. ഇന്നു വൈകീട്ട് 5.30ന് ദിവ്യബലി, ലദീഞ്ഞ്, നൊവേന, രൂപം എഴുന്നള്ളിച്ചുവയ്ക്കല്‍, നേര്‍ച്ചപ്പായസം വെഞ്ചരിപ്പ്. റവ.ഡോ. വര്‍ഗീസ് പാലത്തിങ്കല്‍ മുഖ്യകാര്‍മികനായിരിക്കും. തിരുനാള്‍ദിനമായ നാളെ രാവിലെ 6.30ന് ദിവ്യബലി, 10ന് നടക്കുന്ന ആഘോഷമായ തിരുനാള്‍ദിവ്യബലിക്ക് രൂപത ചാന്‍സലര്‍ റവ.ഡോ. കിരണ്‍ തട്ട്ള മുഖ്യകാര്‍മികത്വം വഹിക്കും. രൂപത വികാരി ജനറാള്‍ മോണ്‍. ജോളി വടക്കന്‍ സന്ദേശംനല്‍കും. തുടര്‍ന്ന് തിരുനാള്‍ പ്രദക്ഷിണം നടക്കും. തിരുനാളിന്‍റെ വിജയത്തിനായി വികാരി ഫാ. ലിജു മഞ്ഞപ്രക്കാരന്‍, കൈക്കാരന്‍മാരായ വി.കെ. പോള്‍സന്‍ വാറോക്കി, റോയ് പോള്‍ കണ്ണൂക്കാടന്‍ എന്നിവരുടെ നേതൃത്വത്തില്‍ വിപുലമായ കമ്മിറ്റി പ്രവര്‍ത്തിച്ചുവരുന്നു.

കുഴിയിൽ വീണ് ബൈക്ക് യാത്രികനു പരിക്ക്

കൊരട്ടി: മേൽപ്പാലത്തിന്‍റെ അപ്രോച്ച് റോഡ് നിർമിക്കുന്നതിനുള്ള റീറ്റെയിനിംഗ് വാളിനായി കൊരട്ടി പോലീസ് സ്റ്റേഷനുസമീപം കുഴിച്ച കുഴിയിൽ ബെെക്ക് യാത്രികൻ വീണു. കെെകാലുകൾക്ക് സാരമായി പരിക്കേറ്റ യുവാവ് കോൺക്രീറ്റിംഗിനായി കെട്ടിയ കമ്പിയിൽ അകപ്പെടാതെ രക്ഷപ്പെട്ടത് ഭാഗ്യം തുണച്ചതുകൊണ്ടു മാത്രമാണ്. ബൈക്കിന്‍റെ മുൻഭാഗം പൂർണമായി തകർന്നു. ചാലക്കുടിയിലേക്കുള്ള ദിശയിൽ ഇന്നലെ രാവിലെ ഒമ്പതരയോടെയായിരുന്നു സംഭവം. ശബ്ദംകേട്ട് സമീപത്തെ സ്ഥാപനങ്ങളിലെ ജീവനക്കാരെത്തിയാണ് യുവാവിനെ പുറത്തേക്കെടുത്തത്. യാതൊരു സുരക്ഷാ മാനദണ്ഡങ്ങളും പാലിക്കാതെയും ലൈറ്റുകളോ അപകടസൂചന നൽകുന്ന ബ്ലിങ്കിംഗ് ലൈറ്റുകളോ സ്ഥാപിക്കാതെ റീറ്റെയിനിംഗ് വാളിനായി കുഴിയെടുക്കുന്നത്. എൻഎച്ച്എഐ അധികൃതരുടെയും കരാർകമ്പനിയുടെയും ശ്രദ്ധയിൽപ്പെടുത്തിയിട്ടും കണ്ണടയ്ക്കുകയായിരുന്നു. ഡൈവേർഷൻ ബോർഡ് വച്ചിരിക്കുന്നത് കുഴിയോടുചേർന്നാണ്. ഇതുമൂലം അകലെനിന്നുവരുന്ന വാഹനങ്ങളിലെ ഡ്രൈവർമാർ പൊടുന്നനെയാണ് കുഴികൾ കാണുന്നത്. രാത്രികാലങ്ങളിൽ വാഹനങ്ങളുടെ വെളിച്ചത്തിൽ മാത്രമാണ് കുഴികൾ കാണുന്നത്.

നവീകരിച്ച എംസിഎഫ് കെട്ടിടം ഉദ്ഘാടനം

കാളമുറി: കയ്പമംഗലം ഗ്രാമപഞ്ചായത്തിൽ മാലിന്യ സംസ്കരണത്തിന്‍റെ ഭാഗമായി നവീകരിച്ച എംസിഎഫ് കെട്ടിടത്തിന്‍റെ ഉദ്ഘാടനംനടത്തി. 400 സ്‌ക്വയർഫീറ്റ് വലിപ്പത്തിൽനിന്നു 2566 സ്‌ക്വയർഫീറ്റ് ആക്കി ഉയർത്തിയാണ് എംസിഎഫ് നവീകരിച്ചത്. ശീതീകരിച്ച ഹരിതകർമസേന ഓഫീസ്, അപ്സ്റ്റയർ സ്റ്റോറേജ്, ആറുമീറ്റർ ഉയരമുള്ള ഇലക്ട്രിക് റോളർ ഷട്ടർ, ബൈലിംഗ് മെഷീൻ, കൺവെയർ ബെൽറ്റ്‌, സോർട്ടിംഗ് ടേബിൾ തുടങ്ങിയ സംവിധാനങ്ങൾ സ്വച്ഛ്ഭാരത് മിഷൻ ഫണ്ട്, പ്ലാൻ ഫണ്ട്‌, പഞ്ചായത്ത് തനത് ഫണ്ട്‌ എന്നിവ വകയിരുത്തി 44.72 ലക്ഷം രൂപ ചെലവഴിച്ചാണ് നവീകരണം നടത്തിയത്.ബെന്നി ബഹനാൻ എംപി ഉദ്ഘാടനംചെയ്തു. കയ്പമംഗലം ഗ്രാമപഞ്ചായത്ത് പ്രസിഡന്‍റ് ശോഭന രവി അധ്യക്ഷതവഹിച്ചു. വൈസ് പ്രസിഡന്‍റ് മണി ഉല്ലാസ്, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ പി.എ. ഇസ്ഹാഖ്, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.എ. ഷാജഹാൻ, കോ-ഓർഡിനേറ്റർ കെ.കെ സക്കരിയ തുടങ്ങിയവർ സംബന്ധിച്ചു.

നഗരസഭ കുടുംബശ്രീ സിഡിഎസ് വാർഷികം

ചാലക്കുടി: നഗരസഭ കുടുംബശ്രീ സിഡിഎസ് വാർഷികാഘോഷം വർണശബളമായി. 36 എഡിഎസുകളുടെ 400 ഓളം അയൽക്കൂട്ടങ്ങളിൽനിന്നുള്ള കുടുംബശ്രീ അംഗങ്ങൾ അണിനിരന്ന മത്സരാടിസ്ഥാനത്തിലുള്ള ഘോഷയാത്രയോടെയാണ് ആരംഭിച്ചത്. നോർത്ത് ബസ് സ്റ്റാൻഡിൽനിന്നു വാദ്യമേളങ്ങളുടെയും കാവടി, വിവിധ ഫ്ലോട്ടുകൾ എന്നിവയുടെ അകമ്പടിയോടെനടന്ന ഘോഷയാത്ര ടൗൺഹാൾ മൈതാനിയിൽ സ്ഥാപിച്ചു. മെഗാ തിരുവാതിരക്കളി നടന്നു. തുടർന്നുനടന്ന സാംസ്കാരികസമ്മേളനം സനീഷ്കുമാർ ജോസഫ് എംഎൽഎ ഉദ്ഘാടനംചെയ്തു. നഗരസഭ ചെയർപേഴ്സൺ ഷിബു വാലപ്പൻ അധ്യക്ഷത വഹിച്ചു. കഴിഞ്ഞകാല പ്രവർത്തനങ്ങളെ വിലയിരുത്തിഎഡിഎസ് 33 ഒന്നാംസ്ഥാനവും എഡിഎസ് 32 രണ്ടാംസ്ഥാനവും എഡിഎസ് 35 മൂന്നാംസ്ഥാനവും നേടി. മികച്ച അയൽക്കൂട്ടങ്ങളായി സാരഥി വാർഡ് 35, ഗ്രെയ്സ് വാർഡ് 30, ശിവദ വാർഡ് 22 എന്നിവരേയും തെരഞ്ഞെടുത്തു. ഘോഷയാത്രയിൽ ഒന്നാംസ്ഥാനം എഡിഎസ് 33, രണ്ടാംസ്ഥാനം എഡിഎസ് 32 , മൂന്നാംസ്ഥാനം വാർഡ് 12, 34 എന്നിവരും നേടി. നഗരസഭ വൈസ് ചെയർപേഴ്സൺ സി. ശ്രീദേവി, കുടുംബശ്രീ ജില്ലാ മിഷൻ കോ-ഓർഡിനേറ്റർ ഇൻ ചാർജ് കെ. രാധാകൃഷ്ണൻ, ക്ഷേമകാര്യ ചെയർപേഴ്സൺ പ്രീതി ബാബു, സിഡിഎസ് ചെയർപേഴ്സൺ സുബി ഷാജി, സ്റ്റാൻഡിംഗ് കമ്മിറ്റി ചെയർപേഴ്സൻമാരായ കെ.വി. പോൾ, ആനി പോൾ, ദിപു ദിനേശ്, എം.എം. അനിൽകുമാർ, ബിജു എസ്.ചിറയത്ത്, സി.എസ്. സുരേഷ്, വി.ഒ. പൈലപ്പൻ, എബി ജോർജ്, ആലീസ് ഷിബു, വാർഡ് കൗൺസിലർ നിത പോൾ എന്നിവർ പ്രസംഗിച്ചു.

അന്നമനടയിൽ 121 കോടി വികസനം: പ്രചാരണം അഴിമതി വെള്ളപൂശാൻ

അന്നമനട: ഗ്രാമപഞ്ചായത്ത് ഭരണകക്ഷിയായ എൽഡിഎഫിന്‍റെ 121 കോടി വികസനം എന്ന പ്രചാരണത്തിനുപിന്നിൽ വൻ അഴിമതിയെന്ന് പഞ്ചായത്ത് കോൺഗ്രസ് പാർലമെന്‍ററി പാർട്ടി ലീഡർ കെ.കെ. രവി നമ്പൂതിരി ആരോപിച്ചു. രണ്ടുഘട്ടങ്ങളിലായി നടത്തിയ മൂന്നുകോടിയുടെ ചിറയൻ ചാൽ സംരക്ഷണ പദ്ധതിയിൽ അഴിമതിയുണ്ടെന്നും പദ്ധതി സിപിഎം നേതാക്കൾക്ക് പണം സ്വരൂപിക്കാനുള്ള മാർഗമായിരുന്നുവെന്നും അദ്ദേഹം പറഞ്ഞു. കുടിവെള്ളത്തിനും ജലസേചനത്തിനും പ്രയോജനപ്രദമാകുംവിധം വെണ്ണൂർതുറ മുതൽ കുണ്ടൂർക്കടവുവരെയുള്ള മൂന്നു പഞ്ചായത്തുകൾ ഉൾപ്പെടുന്ന ഭാഗത്തെ തോടുകൾ, ഉപതോടുകൾ, കരിക്കാട്ട് ചാൽ എന്നിവ വൃത്തിയാക്കുന്ന പദ്ധതി ഉദ്ഘാടനം നടത്തിയെങ്കിലും 50 ലക്ഷം രൂപ ചെലവാക്കി ഒരു സ്വകാര്യ വ്യക്തിയുടെ പറമ്പിന്‍റെ വശങ്ങൾ കെട്ടിക്കൊടുത്തു എന്നല്ലാതെ മറ്റു യാതൊരു പ്രവർത്തനവും നടന്നിട്ടില്ലെന്നും ഇതിന്‍റെ പിന്നിൽ വൻ അഴിമതിയുണ്ടന്നും യുഡിഎഫ് അംഗങ്ങൾ ചൂണ്ടിക്കാട്ടി. അച്യുതമാരാർ വാദ്യകലാക്ഷേത്രത്തിൽ ഓപ്പൺ സ്റ്റേജ് നിർമാണത്തിലും അഴിമതിയാണ്. പഞ്ചായത്തിന്‍റെ പ്ലാസ്റ്റിക് മാലിന്യം കുന്നുകൂടികിടക്കുന്ന ഇടത്താണ് സ്റ്റേജ് നിർമിച്ചിരിക്കുന്നതെന്നും യുഡിഎഫ് അംഗങ്ങളായ കെ.എ. ഇക്ബാൽ, ടെസി ടൈറ്റസ്, ഡേവിസ് കുര്യൻ, സുനിത സജീവൻ, ആനി ആന്‍റോ, ലളിത ദിവാകരൻ, സി.കെ. ഷിജു എന്നിവർ വിമർശിച്ചു.

ഠാണ - ചന്തക്കുന്ന് റോഡ് വികസനം ; നാലുവരിയാക്കാൻ അനുമതി

ഇരിങ്ങാലക്കുട: ഠാണ - ചന്തക്കുന്ന് വികസനത്തിന്‍റെ ഭാഗമായി ഇരിങ്ങാലക്കുട - കല്ലേറ്റുംകര റോഡില്‍ ജനറല്‍ ആശുപത്രിവരെയും ചന്തക്കുന്ന് ജംഗ്ഷന്‍ മുതല്‍ പടിഞ്ഞാറ് മൂന്നുപീടിക ഭാഗത്തേക്കുള്ള ഭാഗവും പൊതുമരാമത്തുവകുപ്പ് ടാറിടും. ഠാണാ - ആശുപത്രി വരെയുള്ള ഭാഗത്ത് ഇരുവശത്തും കാനനിര്‍മാണവും ആശുപത്രിഭാഗം മെറ്റല്‍വിരിക്കലും പൂര്‍ത്തിയായി. എതിര്‍വശത്ത് കാന പണിതഭാഗത്ത് മണ്ണിട്ടശേഷം മെറ്റല്‍വിരിച്ചു. ടാറിടലിനു മുന്‍പ് വൈദ്യുതിലൈനുകള്‍ മാറ്റിസ്ഥാപിക്കുന്ന നടപടികള്‍ നടക്കുകയാണ്. ചന്തക്കുന്ന് - മൂന്നുപീടിക റോഡിലെ കാനനിര്‍മാണത്തിനുശേഷം ടാറിടുമെന്ന് പിഡബ്ല്യുഡി അറിയിച്ചു. അതേസമയം പ്രധാനപ്പെട്ട തൃശൂര്‍ - കൊടുങ്ങല്ലൂര്‍ സംസ്ഥാനപാതയിലെ നിര്‍മാണം കെഎസ്ടിപിയുടെ നേതൃത്വത്തിലാണ്. ഠാണ ജംഗ്ഷന്‍ മുതല്‍ പൂതംകുളം വരെ കെഎസ്ടിപി കാന നിര്‍മിക്കും. അതിനുശേഷം മാത്രമേ സംസ്ഥാനപാതയില്‍ പൂതംകുളം മുതല്‍ ചന്തക്കുന്ന്, സെന്‍റ് ജോസഫ്സ് കോളജ് ഇറക്കംവരെയുള്ള ഭാഗത്ത് വൈദ്യുതിക്കാലുകള്‍ നീക്കാനാകൂവെന്ന് കെഎസ്ടിപി അറിയിച്ചു. അതിനുള്ള വൈദ്യുതിക്കാലുകള്‍ എത്തി. കൊടുങ്ങല്ലൂര്‍ - ഷൊര്‍ണൂര്‍ സംസ്ഥാനപാത രണ്ടുവരിയിലാണ് കോണ്‍ക്രീറ്റിടുന്നത്. ഇതില്‍ പൂതംകുളം തൊട്ട് ചന്തക്കുന്ന്, സെന്‍റ് ജോസഫ്സ് കോളജ് ഇറക്കംവരെ 17 മീറ്റര്‍ വീതിയില്‍ നാലുവരിയായിട്ടാണ് നിര്‍മാണം. ഇതിന് 11 കോടി രൂപ ചെലവുവരും. ഇതുമായി ബന്ധപ്പെട്ട് കെഎസ്ടിപി സര്‍ക്കാരിന് സമര്‍പ്പിച്ച പുതുക്കിയ എസ്റ്റിമേറ്റ് അംഗീകരിച്ച് അനുമതിയായി.

ലാഭവിഹിതം സാമൂഹികപ്രവര്‍ത്തനങ്ങള്‍ക്കു ചെലവഴിച്ച് കുടുംബശ്രീ

ഇരിങ്ങാലക്കുട: കഴിഞ്ഞ പത്തുവര്‍ഷത്തെ ലാഭവിഹിതം ഉപയോഗിച്ച്, നടത്താനിരുന്ന വാര്‍ഷികാഘോഷങ്ങള്‍ ഒഴിവാക്കി ആ വിഹിതം സമൂഹനന്മയ്ക്കായി ചെലവഴിച്ച് ഇരിങ്ങാലക്കുടയിലെ കുടുംബശ്രീ. സിഡിഎസ് രണ്ടിന്‍റെ കീഴിലുള്ള പൊറത്തിശേരി വാര്‍ഡ് 34ലെ പ്രവര്‍ത്തനമാരംഭിച്ച ഭദ്രദീപം കുടുംബശ്രീ യൂണിറ്റാണ് പത്താംവാര്‍ഷികാഘോഷങ്ങളുടെ ഭാഗമായി വിവിധ സാമൂഹികപ്രവര്‍ത്തനങ്ങള്‍ നടത്തി മാതൃകയായത്. 62,191 രൂപയാണ് സേവന പ്രവര്‍ത്തനങ്ങള്‍ക്കായി ചെലവഴിച്ചത്. ഇരിങ്ങാലക്കുടയിലെ പ്രതീക്ഷാഭവന്‍ സ്‌പെഷല്‍ സ്‌കൂളില്‍ ഭക്ഷ്യക്കിറ്റ് വിതരണവും മുളങ്കുന്നത്തുകാവിനുസമീപം മുണ്ടത്തിക്കോട് താമസിക്കുന്ന, കാന്‍സര്‍ രോഗം ബാധിച്ച് ദുരിതമനുഭവിക്കുന്ന മാതാപിതാക്കളുടെ വിദ്യാര്‍ഥികളായ രണ്ടുമക്കള്‍ക്ക് വിദ്യാഭ്യാസസഹായവും നല്‍കി. കൂടാതെ അതിരപ്പിള്ളി വനമേഖലയിലെ ഉന്നതി ട്രൈബല്‍ സെറ്റില്‍മെന്‍റിലെ 40ൽ അധികം കുടുംബങ്ങള്‍ക്ക് ഭക്ഷ്യസാധന കിറ്റും ഓണക്കോടി കിറ്റും കൈമാറി.

സമ്മാനത്തുക പുവര്‍ഫണ്ടിലേക്കു നല്‍കി വിദ്യാര്‍ഥി മാതൃകയായി

കൊടകര: ഗവ. നാഷണല്‍ ബോയ്‌സ് ഹൈസ്‌കൂളില്‍ നടത്തിയ മത്സരത്തില്‍ സമ്മാനമായി ലഭിച്ച തുക കാരുണ്യനിധിയിലേക്കുനല്‍കി വിദ്യാര്‍ഥി മാതൃകയായി. കുട്ടികളിലെ വായന പ്രോത്സാഹിപ്പിക്കുന്നതിന് സ്‌കൂളില്‍ സംഘടിപ്പിച്ച ഇന്‍റര്‍ സ്‌കൂള്‍ ഹ്രസ്വചിത്ര മത്സരത്തില്‍ ഒന്നാംസ്ഥാനം നേടിയ അര്‍ജുന്‍ സജു എന്ന പത്താംക്ലാസുകാരനാണ് നിര്‍ധനരെ സഹായിക്കാനുള്ള പുവര്‍ഫണ്ടിലേക്ക് സമ്മാനത്തുക സംഭാവനചെയ്തത്. മത്സരത്തില്‍ അര്‍ജുന്‍ സജുവിന്‍റെ 'അതിജീവിച്ച കുട്ടി'എന്ന ഹ്രസ്വചിത്രം ഒന്നാംസ്ഥാനവും ആദിത്യ സുരേഷിന്‍റെ 'അറിവാണ് വെളിച്ചം' രണ്ടാംസ്ഥാനവും ക്രിസ് ഏഞ്ചല്‍ തയാറാക്കിയ 'ബാക്ക് ടു റീഡിംഗ്' മൂന്നാംസ്ഥാനവും നേടി.

ബോധവത്കരണ കാമ്പയിനു തുടക്കം

പാലപ്പെട്ടി: വിദ്യാർഥികൾക്കിടയിൽ വർധിക്കുന്ന ലഹരി ഉപയോഗത്തിനെതിരേ ബോധവത്കരണ കാമ്പയിന് ചെന്ത്രാപ്പിന്നി ഹയർസെക്കൻഡറി സ്കൂൾ അൺ എയ്ഡഡ് വിഭാഗം തുടക്കംകുറിച്ചു. ഇതിന്‍റെ ഭാഗമായി ഹയർസെക്കൻഡറി വിദ്യാർഥികൾക്ക് ബോധവത്കരണ ക്ലാസ് സംഘടിപ്പിച്ചു. പ്രിൻസിപ്പൽ വി.ബി. സജിത്ത് ഉദ്ഘാടനം നിർവഹിച്ചു. വൈസ് പ്രിൻസിപ്പൽ എം.എസ്. വിനോഷ് അധ്യക്ഷതവഹിച്ചു. വിമുക്തി കോ-ഓർഡിനേറ്ററും ഇരിങ്ങാലക്കുട എക്സൈസ് റേഞ്ച് ഓഫീസിലെ സിവിൽ എക്സൈസ് ഓഫീസറുമായ പി.എം. ജദീർ ക്ലാസ് നയിച്ചു.

കോടന്നൂരിൽ മുൻവികാരിമാരുടെ സംഗമം നടത്തി

തൃശൂർ: കോടന്നൂർ സെന്‍റ് ആന്‍റണിസ് പള്ളിയിൽ മുൻവികാരിമാരുടെ സംഗമം നടന്നു. തൃശൂർ അതിരൂപത വികാരി ജനറാൾ മോണ്‍. ജോസ് കോനിക്കര ഉദ്ഘാടനം ചെയ്തു. തുടർന്നു സമൂഹബലിയും ഉണ്ടായിരുന്നു. മുൻവികാരിമാരായ ഫാ. ഫ്രാങ്കോ കവലക്കാട്ട്, ഫാ. തോമസ് ചൂണ്ടൽ, ഫാ. പോൾ പേരാമംഗലത്ത്, ഫാ. ജോണ്‍ മൂലൻ, ഫാ. ദേവസി പന്തല്ലൂക്കാരൻ, ഫാ. പോൾ ആലപ്പാട്ട്, ഫാ. ഷാജു ഊക്കൻ, ഫാ. ജേക്കബ് തച്ചറാട്ടിൽ, ഇപ്പോഴത്തെ വികാരി ഫാ. ആന്‍റണി ആലുക്ക എന്നിവർ സംഗമത്തിൽ പങ്കെടുത്തു. ജൂബിലി കണ്‍വീനർ സിജോ, കൈക്കാരൻമാരായ ആന്‍റണി തറയിൽ, ലാസർ കള്ളിക്കാടൻ, തോമസ് ചാഴൂർ, സന്തോഷ് മാടവന, പ്രതിനിധിയോഗം സെക്രട്ടറി സ്റ്റെയ്നി തുടങ്ങിയവർ നേതൃത്വം നൽകി. മുൻ വികാരിമാരെ ആദരിക്കൽ, ഓർമകൾ പങ്കുവയ്ക്കൽ എന്നിവയും ഉണ്ടായിരുന്നു.

സ്‌കൂൾ വാന്‍ ഇടിച്ച് ഓട്ടോ മറിഞ്ഞു; മൂന്നുപേര്‍ക്ക് പരിക്ക്

കല്ലൂര്‍: പള്ളിക്കുന്നില്‍ ബഡ്‌സ് സ്‌കൂളിന്‍റെ വാന്‍ ഇടിച്ച് ഓട്ടോറിക്ഷ മറിഞ്ഞു. അപകടത്തില്‍ ഓട്ടോ ഡ്രൈവര്‍ക്കും യാത്രക്കാരായ അമ്മയ്ക്കും മകനും പരിക്കേറ്റു. പരിക്കേറ്റ കല്ലൂര്‍ സ്വദേശികളായ യാത്രക്കാരെയും ഓട്ടോ ഡ്രൈവറെയും തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെയാണ് അപകടം. തൃക്കൂര്‍ പഞ്ചായത്തിന്‍റെ ബഡ്‌സ് സ്‌കൂളിന്‍റെ വാഹനമാണ് അപകടത്തില്‍പ്പെട്ടത്. കുട്ടികളെ കൊണ്ടുവരാന്‍ പോയ വാനാണ് ഓട്ടോറിക്ഷയില്‍ ഇടിച്ചത്. മുന്പില്‍ പോയിരുന്ന ഓട്ടോറിക്ഷ പെട്ടെന്ന് ഇടവഴിയിലേക്ക് തിരിയാന്‍ ശ്രമിച്ചതോടെ പുറകില്‍ വന്നിരുന്ന വാന്‍ ഓട്ടോയില്‍ ഇടിക്കുകയായിരുന്നു. നാട്ടുകാര്‍ ചേര്‍ന്നാണ് പരിക്കേറ്റവരെ ആശുപത്രിയില്‍ എത്തിച്ചത്. ആരുടെയും പരിക്ക് സാരമുള്ളതല്ല.

പച്ചത്തുരുത്ത് പുരസ്കാരം ശ്രീകൃഷ്ണ കോളജിനും എളവള്ളി കുളവെട്ടിക്കും

ഗുരുവായൂർ: കാലാവസ്ഥാ വ്യതിയാനത്തെ ചെറുക്കുന്നതിനും പരിസ്ഥിതി പുനസ്ഥാപന പ്രവർത്തനങ്ങളുടെ ഭാഗമായി സംസ്ഥാനത്ത് ഹരിതകേരളം മിഷന്‍റെ നേതൃത്വത്തിൽ ആവിഷ്കരിച്ച പച്ചത്തുരുത്ത് പുരസ്കാരത്തിന് ഗുരുവായൂർ ശ്രീകൃഷ്ണ കോളജ് ഒന്നാം സ്ഥാനവും, രണ്ടാം സ്ഥാനം എളവള്ളി കുളവെട്ടി പച്ചത്തുരുത്തിനും. എളവള്ളി വാതക ക്രിമറ്റോറിയത്തിനോടു ചേർന്നാണ് നാൽപ്പത്തിയൊന്ന് കുളവെട്ടി മരങ്ങളും ഇരുപത് ഫലവൃക്ഷങ്ങളുമുള്ള കുളവെട്ടി പച്ചത്തുരുത്ത് സ്ഥിതി ചെയ്യുന്നത്. മികച്ച മൂന്ന് പച്ചത്തുരുത്തുകളെ തെരഞ്ഞെടുത്തതിലാണ് എളവള്ളി കുളവെട്ടി പച്ചത്തുരുത്ത് രണ്ടാംസ്ഥാനം നേടിയതെന്ന് ഗ്രാമപഞ്ചായത്ത് പ്രസിഡന്‍റ് ജിയോ ഫോക്സ് പറഞ്ഞു. തൈകളുടെ പ്രൂണിംഗ് ഉൾപ്പെടെ ചെയ്യുന്നത് തൃശൂർ സെന്‍റ് തോമസ് കോളജ് ബോട്ടണി വിഭാഗം അസോ. പ്രഫ. പി.വി. ആന്‍റോയുടെ നേതൃത്വത്തിലാണ്.

ചിമ്മിനി ഇക്കോ ടൂറിസം പദ്ധതിക്ക് മൂന്നുകോടി രൂപയുടെ ഭരണാനുമതി

പാലപ്പിള്ളി: ചിമ്മിനി ഇക്കോടൂറിസം പദ്ധതിക്ക് മൂന്നു കോടിരൂപയുടെ ഭരണാനുമതിയായതായി കെ.കെ. രാമചന്ദ്രന്‍ എംഎല്‍എ അറിയിച്ചു. വനംവകുപ്പ് മുഖേന സമര്‍പ്പിച്ച അഞ്ചു കോടി രൂപയുടെ പദ്ധതിയിലാണ് തുക അനുവദിച്ചത്. ചിമ്മിനിയില്‍ നടന്ന പുതുക്കാട് മണ്ഡലം ടൂറിസം പദ്ധതികളുടെ അവലോകന യോഗത്തിലാണ് ഇക്കാര്യം അറിയിച്ചത്. എംഎല്‍എയുടെ ആസ്തി വികസന ഫണ്ടില്‍ നിന്നും 50 ലക്ഷം രൂപകൊണ്ട് പണിയുന്ന ടോയ്‌ലറ്റ് ബ്ലോക്ക് പദ്ധതിയുടെ നിര്‍മാണ പുരോഗതിയും യോഗത്തില്‍ വിലയിരുത്തി. പ്രസ്തുത പദ്ധതിയില്‍ ഉള്‍പ്പെട്ടിട്ടുള്ള കുടിവെള്ള പദ്ധതി ഉടനെ ആരംഭിക്കും. വരന്തരപ്പിള്ളി ഗ്രാമപഞ്ചായത്തിന്‍റെ ടൂറിസം ഡെസ്റ്റിനേഷന്‍ ചലഞ്ച് പദ്ധതിയില്‍ അനുവദിച്ച 50 ലക്ഷം രൂപയ്ക്ക് സോളാര്‍ ബോട്ട്, ബഗ്ഗി, ചില്‍ഡ്രന്‍സ് പാര്‍ക്ക് തുടങ്ങിയവ ഒക്ടോബറില്‍ പ്രവര്‍ത്തനം ആരംഭിക്കും. നവ കേരളനിര്‍മിതിയുടെ ഭാഗമായി അനുവദിച്ച ഒരുകോടി രൂപയില്‍ ബോട്ട് ലാന്‍ഡിംഗ്, കഫ്തീരിയ തുടങ്ങിയവ പണിയുന്നതിനുള്ള എസ്റ്റിമേറ്റ് സാങ്കേതിക അനുമതിക്കായി സമര്‍പ്പിച്ചു. വരന്തരപ്പിള്ളി ഗ്രാമപഞ്ചായത്തിലെ മുനിയാട്ടുകുന്ന്, മറ്റത്തൂര്‍ ഗ്രാമപഞ്ചായത്തിലെ കുഞ്ഞാലിപ്പാറ എന്നീ ടൂറിസം പദ്ധതികള്‍ക്കായി സ്ഥലം ലഭ്യമാക്കുന്ന നടപടികള്‍ സ്വീകരിച്ചു വരുന്നതായി ജില്ലാ കളക്ടര്‍ യോഗത്തില്‍ അറിയിച്ചു. ചിമ്മിനി ഇക്കോ ടൂറിസം പദ്ധതിയുടെ ഭാഗമായുള്ള കുട്ടവഞ്ചി സവാരി, മൂന്ന് ട്രക്കിംഗ് പാക്കേജുകള്‍ എന്നിവ വിജയകരമായി നടത്തിവരുന്നുണ്ട്. സംസ്ഥാന ബജറ്റില്‍ അനുവദിച്ച ഒരുകോടി രൂപ ഉപയോഗപ്പെടുത്തി വ്യൂ പോയിന്‍റ്, ഗാര്‍ഡന്‍, പാര്‍ക്കിംഗ് ഗ്രൗണ്ട്, സെല്‍ഫി പോയിന്‍റ് നവീകരണം എന്നിവയുടെ അനുമതിക്കായി എസ്റ്റിമേറ്റ് ഉടന്‍ സമര്‍പ്പിക്കാനും തീരുമാനിച്ചു. കെ.കെ. രാമചന്ദ്രന്‍ എംഎല്‍എ അധ്യക്ഷത വഹിച്ച യോഗത്തില്‍ കളക്ടര്‍ അര്‍ജുന്‍ പാണ്ഡ്യന്‍, വരന്തരപ്പിള്ളി ഗ്രാമപഞ്ചായത്ത് പ്രസിഡന്‍റ് കലാപ്രിയ സുരേഷ്, വൈസ് പ്രസിഡന്‍റ് ടി.ജി. അശോകന്‍, ചിമ്മിനി അസിസ്റ്റന്‍റ് വൈല്‍ഡ് ലൈഫ് വാര്‍ഡന്‍ കെ.എം. മുഹമ്മദ് റാഫി, ടൂറിസം പ്രൊജക്റ്റ് എൻജിനീയര്‍ കെ.വി. വിദ്യ, ടൂറിസ്റ്റ് ഇന്‍ഫര്‍മേഷന്‍ ഓഫീസര്‍ ശാരിക വി. നായര്‍, മറ്റത്തൂര്‍ ഗ്രാമപഞ്ചായത്ത് സെക്രട്ടറി പി.എസ്. പ്രദീപ് കുമാര്‍, എം.എസ്. സുമേഷ്, റോസിലി തോമസ്, അഷറഫ് ചാലിയത്തോടി തുടങ്ങിയവര്‍ സംസാരിച്ചു.

തമ്പുരാട്ടിപ്പടിയിൽ ഗതാഗതനിയന്ത്രണം ഒരുവർഷം പിന്നിട്ടു; യാത്ര ദുഷ്കരം

പട്ടിക്കാട്: ദേശീയപാതയിൽ തമ്പുരാട്ടിപ്പടിയിൽ ഗതാഗതനിയന്ത്രണം ഏർപ്പെടുത്തിയിട്ട് ഒരുവർഷം പിന്നിട്ടു. കഴിഞ്ഞ പതിനാല് മാസമായി മൂന്നുവരി പാതയിലൂടെ രണ്ടുവരിയായാണ് തൃശൂർ ഭാഗത്തേക്ക് വാഹനങ്ങളെ കടത്തിവിടുന്നത്. ഇതിനെതിരെ നിരവധി പരാതികൾ ഉയർന്നുവന്നെങ്കിലും വേണ്ട നടപടികൾ സ്വീകരിക്കാൻ ദേശീയപാത അധികൃതർ തയാറായില്ല. 2024 ജൂലൈയിലാണ് തമ്പുരാട്ടിപ്പടിയിലെ സർവീസ് റോഡിലേയ്ക്ക് വനഭൂമിയിൽ നിന്ന് മരങ്ങൾ കടപുഴകി വീണത്. വൻതോതിൽ മണ്ണിടിച്ചിലും ഉണ്ടായി. പ്രദേശത്തെ അപകടഭീഷണി മുന്നിൽക്കണ്ട് പ്രധാനപാതയുടെ ഒരുവരി അടച്ച് രണ്ടുവരിയായി ഗതാഗതനിയന്ത്രണം ഏർപ്പെടുത്തുകയായിരുന്നു. എന്നാൽ മണ്ണും മരങ്ങളും നീക്കം ചെയ്ത് സർവീസ് റോഡ് സഞ്ചാരയോഗ്യമാക്കാൻ പിന്നീട് അധികൃതർ തയാറായില്ല. മറിച്ച് മൂന്നുവരിപ്പാതയുടെ ഒരുവരി സർവീസ് റോഡിന് പകരമായി ഉപയോഗിക്കാൻ ടാർ വീപ്പകൾ വെച്ച് തിരിക്കുകയായിരുന്നു. തമ്പുരാട്ടിപ്പടിയിലെ അശാസ്ത്രീയ ഗതാഗതനിയന്ത്രണത്തെക്കുറിച്ച് നിരവധി പരാതികൾ ഉയർന്നുവന്നെങ്കിലും വേണ്ട പരിഹാരം കാണാൻ ആരും തയാറായില്ല. മണ്ണുത്തി വടക്കഞ്ചേരി ദേശീയപാതയിൽ ടോൾ പിരിവ് തുടരുമ്പോഴും റോഡുകൾ സഞ്ചാരയോഗ്യമാക്കി യാത്രക്കാരുടെ സുരക്ഷ ഉറപ്പുവരുത്താൻ അധികൃതർ തയാറാകണമെന്ന് നാട്ടുകാർ ആവശ്യപ്പെട്ടു.

വടക്കാഞ്ചേരി റെയിൽവേ സ്റ്റേഷൻ അണിഞ്ഞൊരുങ്ങുന്നു

വടക്കാഞ്ചേരി: കേന്ദ്രസർക്കാർ അമൃത് ഭാരത് പദ്ധതിൽ ഉൾപ്പെടുത്തി 10 കോടി രൂപ ചിലവിൽ നിർമിക്കുന്ന വടക്കാഞ്ചേരി റെയിൽവേ സ്റ്റേഷൻ തിരുവനന്തപുരം ഡിആർഎം ദിവ്യകാന്ത് ചന്ദ്രകാറും സംഘവും സന്ദർശനം നടത്തി. യുദ്ധകാലടിസ്ഥാനത്തിൽ നടത്തുന്ന നിർമാണം പൂർത്തിയായാൽ ഒക്ടോബറിൽ പ്രധാനമന്ത്രി സമർപ്പണം നടത്തും. സന്ദർശനത്തിനിടെ കെ.രാധാകൃഷ്ണൻ എംപി മണ്ഡലത്തിലെ റെയിൽവേ സ്റ്റേഷനുകളുടെ വികസനം, ട്രെയിൻ സ്റ്റോപ്പുകൾ ഉൾപ്പെടെ വിവിധ വിഷയങ്ങൾ അവതരിപ്പിച്ചു. സ്റ്റേഷനിൽ സിസിടിവി നിരീക്ഷണ സംവിധാനവും മതിയായ ലൈറ്റിംഗ് സൗകര്യവും ഇല്ലാത്തത് യാത്രക്കാരുടെ സുരക്ഷയ്ക്ക് ഗുരുതര ഭീഷണിയാണെന്ന് എംപി ചൂണ്ടിക്കാട്ടി. ഇതുമൂലം സ്ത്രീകൾ, മുതിർന്നവർ, രാത്രി യാത്രക്കാർ എന്നിവർക്ക് ബുദ്ധിമുട്ട് നേരിടുന്നതായും അദ്ദേഹം വ്യക്തമാക്കി. അടുത്തിടെ സ്റ്റേഷൻ പരിസരത്ത് നടന്ന മോഷണവും എംപി സൂചിപ്പിച്ചു. കൂടാതെ, സ്റ്റേഷന്‍റെ പടിഞ്ഞാറു വശത്ത് റെയിൽവേ കുന്ന് ചരൽപറമ്പ് പ്രദേശങ്ങളിൽ താമസിക്കുന്ന 400-ഓളം കുടുംബങ്ങൾക്കു റെയിൽവേ പാളം മുറിച്ചുകടന്നുവേണം നഗരത്തിലേക്കെത്താൻ. ഇതിനായി ഫുട് ഓവർ ബ്രിഡ്ജ് നിർമിക്കേണ്ടതുണ്ടെന്നും ആവശ്യപ്പെട്ടു. വടക്കാഞ്ചേരിയിൽ കൂടുതൽ എക്സ്പ്രസ് ട്രെയിൻ സ്റ്റോപ്പേജുകൾ അനുവദിക്കണമെന്നും, കോവിഡ് കാലത്ത് ഒഴിവാക്കിയ രാത്രികാല ട്രെയിൻ സ്റ്റോപ്പുകൾ പുനഃസ്ഥാപിക്കണമെന്നും എംപി ആവശ്യപ്പെട്ടു. വള്ളത്തോൾ നഗർ റെയിൽവേ സ്റ്റേഷനിലെ പരിതാപകരമായ അവസ്ഥയും എംപി ഡിആർഎമ്മിന്‍റെ ശ്രദ്ധയിൽപ്പെടുത്തി. ഹൈലെവൽ പ്ലാറ്റ്‌ഫോമുകൾ, റാമ്പുകൾ, വൈകല്യമുള്ളവർക്കായുള്ള പ്രത്യേക ടിക്കറ്റ് കൗണ്ടർ, ഫുട് ഓവർ ബ്രിഡ്ജ്, പുതിയ സ്റ്റേഷൻ കെട്ടിടം എന്നിവ അടിയന്തിരമായി ഒരുക്കണമെന്ന് എംപി ആവശ്യപ്പെട്ടു. മുള്ളൂർക്കര റെയിൽവേ സ്റ്റേഷന്‍റെ അടിസ്ഥാന സൗകര്യങ്ങൾ വർധിപ്പിക്കണമെന്നും പാസഞ്ചർ ട്രെയിനുകൾക്ക് സ്റ്റോപ്പ് അനുവദിക്കണമെന്നും എംപി ആവശ്യപ്പെട്ടു. ചേലക്കര, വടക്കാഞ്ചേരി നിയോജക മണ്ഡലങ്ങളിൽ സ്ഥലം ഏറ്റെടുക്കൽ ഉൾപ്പെടെ വിവിധ ഘട്ടങ്ങളിൽ എത്തി നിൽക്കുന്ന ആട്ടോർ, പോട്ടോർ, മാരാത്തുകുന്ന്, അമല, അകമല കാട്ടിലെ പാലം, മുള്ളൂർക്കര, പൈങ്കുളം എന്നീ റെയിൽവേ മേൽപ്പാലങ്ങളുടെ പുരോഗതി വിലയിരുത്താൻ ഒക്ടോബർ ആദ്യവാരം തിരുവനന്തപുരത്ത് ഡിആർഎം ഓഫീസിൽ വെച്ച് യോഗം ചേരും. മുളങ്കുന്നത്തുകാവ് റെയിൽവേ സ്റ്റേഷനിൽ ഫുട് ഓവർബ്രിഡ്ജ് നിർമിക്കുന്നതിനുള്ള പ്രൊപ്പോസൽ തയാറാക്കുമെന്നും വടക്കാഞ്ചേരി സ്റ്റേഷനിൽ സിസിടിവി സംവിധാനവും ആവശ്യമായ ലൈറ്റിംഗ് സൗകര്യവും ഏർപ്പെടുത്തുമെന്നും ഡിആർഎം ഉറപ്പു നൽകി. സേവ്യർ ചിറ്റിലപ്പള്ളി എംഎൽഎ, റെയിൽവേ ഉദ്യോഗസ്ഥരായ ഡെപ്യൂട്ടി സി.ഇ. മാരിമുത്തു, ഡിഎം ഇ. പ്രവീൺകുമാർ, ഡി എസ് ടി.ഇ. അജയകുമാർ എന്നിവർ കൂടെയുണ്ടായിരുന്നു.

കെഎസ്ആർടിസി ബസ് ഇടിച്ച് വയോധിക മരിച്ചു

മായന്നൂർ: തൃശൂർ-ഒറ്റപ്പാലം റൂട്ടിലോടുന്ന കെഎസ്ആർടിസി ബസിടിച്ച് വയോധിക മരിച്ചു. മായന്നൂർ കൂട്ടിൽമുക്ക് പ്ലായ്ക്കൽ വീട്ടിൽ രുക്മണി(74)യാണ് മരിച്ചത്. ഇന്നലെ രാവിലെ എട്ടരയോടെ മായന്നൂർ കാവുവട്ടം ബസ്സ്റ്റോപ്പിൽ നിന്ന് ബസ് മുന്നോട്ടെടുക്കുന്നതിനിടെയാണ് അപകടം. ഒറ്റപ്പാലത്തേക്കു പോകാനായി ഓട്ടോയിൽ വന്നിറങ്ങിയ രുക്മിണി ഉടൻ ബസിൽ കയറാനായി ബസിന്‍റെ മുന്നിലൂടെ കടന്നത് ഡ്രൈവർ കാണാത്തതാണ് അപകടകാരണമെന്ന് പറയുന്നു. നാട്ടുകാർ ചേർന്ന് ഉടൻ രുക്മണിയെ ഒറ്റപ്പാലത്തെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. പഴയന്നൂർ പോലീസെത്തി മേൽനടപടികൾ സ്വീകരിച്ചു. സംസ്കാരം ഇന്നു രാവിലെ 11ന് പാമ്പാടി ഐവർമഠം പൊതുശ്മശാനത്തിൽ.

ഒമാനിൽ അന്തരിച്ചു

പുന്നയൂർക്കുളം: ഒമാനിൽ ജോലിക്ക് പോകുന്നതിനിടയിൽ പുന്നയൂർക്കുളം സ്വദേശി കുഴഞ്ഞുവീണു മരിച്ചു. ഒമാനിൽ പ്ലംബിംഗ് വർക്ക് കോണ്‍ട്രാക്ടറായ പരൂർ കുപ്രവള്ളി ജിഎംഎൽ.പി. സ്കൂളിനു സമീപം പരേതനായ എ ളയമാറ്റിൽ മൊയ്തുട്ടിയുടെ മകൻ ഊട്ടുമഠത്തിൽ അബൂബക്കർ (ബക്കർ- 69) ആണ് മരിച്ചത്. കുഴഞ്ഞു വീണ ബക്കറിനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കബറടക്കം പിന്നീട് നാട്ടിൽ നടത്തും. ഭാര്യ: ആരീഫ. മക്കൾ: മുസ്തഫ, മുർഷാദ്(ഇരുവരും ദുബായി), മിസിരിയ. മരുമക്കൾ: ഹസീന, ജിസ്മി, ബഷീർ (യുഎഇ).

ക്രൈസ്റ്റ് എന്‍ജിനീയറിംഗ് കോളജ് എന്‍എസ്എസ് ക്യാമ്പ് നടത്തി

ഇരിങ്ങാലക്കുട: ക്രൈസ്റ്റ് എന്‍ജിനീയറിംഗ് കോളജ് എന്‍എസ്എസ് യൂണിറ്റ് പെരിഞ്ഞനം ഗവ. യു പി സ്‌കൂളില്‍ സപ്തദിന ക്യാമ്പ് സംഘടിപ്പിച്ചു. സാമൂഹ്യസേവനവും വ്യക്തിത്വ വികസനവും ലക്ഷ്യമാക്കി സംഘടിപ്പിച്ച ക്യാമ്പില്‍ അറുപതോളം വോളന്‍റിയര്‍മാര്‍ പങ്കെടുത്തു. ക്യാമ്പിന്‍റെ ഭാഗമായി പെരിഞ്ഞനം ബീച്ച് വൃത്തിയാക്കല്‍, വോളിബോള്‍ കോര്‍ട്ട് ശുചീകരണം, സ്‌കൂളിനായി പച്ചക്കറി ത്തോട്ടം നിര്‍മാണം, ചുമര്‍ചിത്ര രചന എന്നിവ നടന്നു. പെരിഞ്ഞനം പഞ്ചായത്ത് പ്രസിഡന്‍റ് വിനീത മോഹന്‍ദാസ്, വാര്‍ഡ് മെമ്പര്‍ ഹേമലത, സിവില്‍ എക് സൈസ് ഓഫീസര്‍ പി.എം. ജയദേവ്, മോട്ടോര്‍ വെഹിക്കിള്‍ ഇന്‍സ്പെക്ടര്‍ മനു വിശ്വനാഥ്, ഫയര്‍ ആന്‍ഡ് റസ്‌ക്യൂ ഓഫീസര്‍ കെ.എസ്. സജിത് എന്നിവര്‍ ക്യാമ്പ് സന്ദര്‍ശിച്ച് വോളന്‍റിയര്‍മാര്‍ക്ക് സന്ദേശം നല്‍കി. ക്യാമ്പിന് എന്‍എസ്എസ് പ്രോഗ്രാം ഓഫീസര്‍മാരായ ഒ.എസ്. അഭിലാഷ്, ടി.ഐ. പ്രീതി എന്നിവര്‍ വോളന്‍റിയര്‍ സെക്രട്ടറിമാരായ ആള്‍ഡോ, പാര്‍വതി എന്നിവര്‍ നേതൃത്വം നല്‍കി.

ക്രൈസ്റ്റ് കോം ക്വിസ് - 2025: ഹൈദരാബാദ് ഉസ്മാനിയ മെഡിക്കല്‍ കോളജിന് ഒന്നാംസ്ഥാനം

ഇരിങ്ങാലക്കുട: ക്രൈസ്റ്റ് കോളജിലെ സ്വാശ്രയ കോമേഴ്‌സ് ഫിനാന്‍സ് വിഭാഗത്തിന്‍റെ ആഭിമുഖ്യത്തില്‍ നടത്തിയ ക്രൈസ്റ്റ് കോം ക്വിസ് മത്സരത്തില്‍ ഹൈദരാബാദ് ഉസ്മാനിയ മെഡിക്കല്‍ കോളജ് ഒന്നാം സ്ഥാനം കരസ്ഥമാക്കി. ഐഐടി ചെന്നൈ, ഐഐഎം ലക്‌നൗ, അഹമ്മദാബാദ് യൂണിവേഴ്സിറ്റി, ഇഗ്‌നോ കൊച്ചി, കുസാറ്റ് കൊച്ചി യഥാക്രമം രണ്ട്, മൂന്ന്്, നാല്, അഞ്ച്, ആറ് സ്ഥാനങ്ങള്‍ കരസ്ഥമാക്കി. ഒന്നാം സമ്മാനം 60,000 രൂപ, രണ്ടാം സമ്മാനം 30,000 രൂപ, മൂന്നാം സമ്മാനം 15,000 രൂപ, നാലാം സമ്മാനം 10, 000 രൂപ, അഞ്ചാം സമ്മാനം 5,000 രൂപ, ആറാം സമ്മാനം 2,500 രൂപയും നല്കി. മണപ്പുറം ഫിനാന്‍സ് എംഡി വി.പി. നന്ദകുമാര്‍ മത്സരം ഉദ്ഘാടനം ചെയ്തു. പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ് അധ്യക്ഷത വഹിച്ചു. കോളജ് മാനേജര്‍ ഫാ. ജോയ് പീണിക്കപ്പറമ്പില്‍ അനുഗ്രഹ‌പ്രഭാഷണം നടത്തി. ഇരിങ്ങാലക്കുട കെഎസ്ഇ ലിമിറ്റഡ് എംഡി എം.പി. ജാക്‌സണ്‍ മുഖ്യാതിഥിയായിരുന്നു. ഡോ. മേജര്‍ ചന്ദ്രകാന്ത് ക്വിസ് മാസ്റ്ററായിരുന്നു. സ്വാശ്രയവിഭാഗം കോ- ഓര്‍ഡിനേറ്റര്‍ ഡോ. വില്‍സണ്‍ തറയില്‍ സിഎംഐ, ഈവന്‍റ് കോ- ഓര്‍ഡിനേറ്റര്‍ ഡോ. ലിന്‍റാ മേരി സൈമണ്‍, പ്രഫ. കെ.ജെ. ജോസഫ്, അസോ. പ്രഫസര്‍ അന്ന മേരി ജോഷി തുടങ്ങിയവര്‍ പ്രസംഗിച്ചു.

ഒാണാഘോഷങ്ങൾ തുടരുന്നു...

ഓണം ഫെസ്റ്റ് സമാപിച്ചു ചാലക്കുടി: കലാഭവൻ മണി പാർക്കിൽ നടന്ന ചാലക്കുടിയുടെ നന്മോണം, ഓണം ഫെസ്റ്റ് 2025 സമാപിച്ചു. നഗരസഭയുടെ നേതൃത്വത്തിൽ കലാ-സാംസ്കാരിക-സാമൂഹ്യ സംഘടനകളുടെ സഹകരണത്തോടെയാണ് ഓണം ഫെസ്റ്റ് സംഘടിപ്പിച്ചത്. ഓണം ഫെസ്റ്റിന്‍റെ സമാപനം സനീഷ് കുമാർ ജോസഫ് എംഎൽഎ ഉദ്ഘാടനം ചെയ്തു. നഗരസഭ ചെയർപേഴ്സൻ ഷിബു വാലപ്പൻ അധ്യക്ഷതവഹിച്ചു. ഫൊറോന വികാരി ഫാ. വർഗീസ് പാത്താടൻ, ടൗൺ ചീഫ് ഇമാം ഹസനി ഹുസൈൻ, എസ്‌എൻഡിപി യൂണിയൻ സെക്രട്ടറി കെ.എ. ഉണ്ണികൃഷ്ണൻ, വൈസ്ചെയർപേഴ്സൺ സി. ശ്രീദേവി, പ്രതിപക്ഷ നേതാവ് സി.എസ്. സുരേഷ്, പാർലമെന്‍ററി പാർട്ടി ലീഡർ ബിജു ചിറയത്ത്, കലാഭവൻ ജയൻ, തുമ്പൂർ സുബ്രഹ്മണ്യൻ, സുരേഷ് മുട്ടത്തി, സാജു പാത്താടൻ, ഷൈന ജോർജ്, ജോബി മേലേടത്ത്, എക്സൈസ് അസി. ഇൻസ്പെക്ടർ കെ.കെ. രാജു, എം.ജി. ബാബു, ഭരിത പ്രതാപ്, നഗരസഭ സ്ഥിരം‌സമിതി അധ്യക്ഷരായ കെ.വി. പോൾ, പ്രീതി ബാബു, ദിപു ദിനേശ്, എം.എം. അനിൽകുമാർ, ആനി പോൾ, മുൻ ചെയർമാൻമാരായ വി.ഒ. പൈലപ്പൻ, എബി ജോർജ്, ആലീസ് ഷിബു എന്നിവർ പ്രസംഗിച്ചു. മർച്ചന്‍റ്സ്് അസോസിയേഷൻ ഓണാഘോഷം ചാലക്കുടി: മർച്ചന്‍റ്സ്് അസോസിയേഷനും മർച്ചന്‍റ്സ്് യൂത്ത് വിംഗും വനിതാ വിംഗും സംയുക്തമായി ഓണാഘോഷം നടത്തി. കേരള വ്യാപാരി വ്യവസായി ഏകോപന‌സമിതി ജില്ലാ ട്രഷററും മർച്ചന്‍റ്സ്് അസോസിയേഷൻ പ്രസിഡന്‍റുമായ ജോയ് മൂത്തേടൻ അധ്യക്ഷത വഹിച്ചു. സനീഷ്‌കുമാർ ജോസഫ് എംഎൽഎ ഉദ്ഘാടനം ചെയ്തു. മുനിസിപ്പൽ ചെയർമാൻ ഷിബു വാലപ്പൻ, പ്രതിപക്ഷ നേതാവ് സി. എസ്. സുരേഷ്, ചാലക്കുടി ഡിവൈഎസ്പി പി.സി. ബിജുകുമാർ, മുനിസിപ്പൽ സെക്രട്ടറി കെ. പ്രമോദ്, ഫോറോന പള്ളി വികാരി ഫാ. വർഗീസ് പാത്താടൻ, ടൗൺ ജുമാ മസ്ജിദ് ഇമാം കെ. ഹുസൈൻ ഭാഗവി, ഗായത്രി ആശ്രമം ഗുരു ദർശന രഹന, മുനിസിപ്പൽ കൗൺസിലർമാർ തുടങ്ങിയവർ പങ്കെടുത്തു. തിരുവോണം പുരുഷ സ്വയംസഹായ സംഘം വെള്ളാഞ്ചിറ: പൊരുന്നുംകുന്ന് തിരുവോണം പുരുഷസ്വയംസഹായ സംഘത്തിന്‍റെ നേതൃത്വത്തിൽ ഓണാഘോഷ പരിപാടി സംഘടിപ്പിച്ചു. മുതിർന്ന കുടുംബാംഗമായ ശാന്ത ശങ്കരൻ ഉദ്ഘാടനം ചെയ്തു. പ്രസിഡന്‍റ്‌ ആൽബർട്ട് അരിക്കാട്ട് അധ്യക്ഷത വഹിച്ചു. ഓണാഘോഷത്തോടനുബന്ധിച്ച് റാലി സംഘടിപ്പിച്ചു. കുട്ടികൾക്കായി വിവിധ കലാപരിപാടികളും ഓണ‌മത്സരങ്ങളും നടത്തി. യോഗത്തിൽ സെക്രട്ടറി ഹരീഷ്, ട്രഷറർ ലെനിഷ് ഭരതൻ എന്നിവർ പ്രസംഗിച്ചു. സ്മാർട്ട് ക്ലബ് ഓണാഘോഷം ചാലക്കുടി: കാരക്കുളത്ത് നാട് സ്മാർട്ട് ക്ലബ് ഓണവിരുന്ന് ഓണാഘോഷം മുനിസിപ്പൽ കൗൺസിലർ കെ.പി. ബാലൻ ഉദ്ഘാടനം ചെയ്തു. സ്മാർട്ട് ക്ലബ് പ്രസിഡന്‍റ്് അർഹിൻ വി. ബിജു അധ്യക്ഷത വഹിച്ചു. ഓണാഘോഷത്തോടനുബന്ധിച്ച് വിവിധ കലാകായിക മത്സരങ്ങൾ സംഘടിപ്പിച്ചു. സെക്രട്ടറി ആരോമൽ കൃഷ് ണൻ, കാരക്കുളത്തുനാട് റെസിഡൻസ് അസോസിയേഷൻ പ്രസിഡന്‍റ് സുമി സുധീഷ്, ദേവലക്ഷ്മി വി. ഷിജു, പി.യു. അനുശ്രീ, എം.ബി. പ്രണവ്, വിബിൻ ഉണ്ണികൃഷ്ണൻ എന്നിവർ പ്രസംഗിച്ചു. തുടർന്ന് ക്ലബ് അംഗങ്ങളുടെ വിവിധ കലാപരിപാടികൾ അരങ്ങേറി. മംഗലശേരി വായനശാല കൊരട്ടി: നാട്ടിലെ വയോധികരും രോഗികളുമായ 25 പേരെ ചേർത്തുപിടിച്ച് മംഗലശേരി ഗ്രാമീണവായനശാല സംഘടിപ്പിച്ച ഓണാഘോഷം ശ്രദ്ധേയമായി. വീടുകളിൽ നിന്നും വാഹനങ്ങളിൽ സുരക്ഷിതമായാണ് ഇവരെ വായനശാലയിലേക്കും തിരിച്ചുവീടുകളിലേക്കും കൊണ്ടുപോയത്. ഊഞ്ഞാലാട്ടിയും ഓണസദ്യ ഊട്ടിയും സമ്മാനങ്ങൾ നൽകിയുമാണ് വായനാശാല അങ്കണത്തിൽ ഓണാഘോഷപരിപാടികൾ സംഘടിപ്പിച്ചത്. ജില്ലാ പഞ്ചായത്ത് അംഗം ലീല സുബ്രഹ്മണ്യൻ ഉദ്ഘാടനം ചെയ്തു. വായനശാല പ്രസിഡന്‍റ് ഡോ. ബിജു ലോന അധ്യക്ഷത വഹിച്ചു. താലൂക്ക് ലൈബ്രറി കൗൺസിൽ പ്രസിഡന്‍റ് സി.ഡി. പോൾസൺ മുഖ്യാതിഥിയായി. ഇടവക വികാരി ഫാ. ജോസ് മൈപ്പാൻ അനുഗ്രഹപ്രഭാഷണം നടത്തി. വാർഡ് മെമ്പർ വർഗീസ് പയ്യപ്പിള്ളി, വായനശാല ഭാരവാഹികളായ പി.എ. ബാബു, ജോസഫ് ശങ്കുരിക്കൽ, വയോജന ക്ലബ് പ്രസിഡന്‍റ് അലോഷ്യസ്, വനിതാവേദി പ്രസിഡന്‍റ്് മേരി ജോയ് എന്നിവർ പ്രസംഗിച്ചു.

കത്തീഡ്രലില്‍ വിശുദ്ധ കുരിശിന്‍റെ പുകഴ്ചയുടെ തിരുനാളും കപ്പേളകളുടെ വെഞ്ചരിപ്പും 14ന്

ഇരിങ്ങാലക്കുട: സെന്‍റ് തോമസ് കത്തീഡ്രല്‍ ഇടവകയില്‍ വിശുദ്ധ കുരിശിന്‍റെ പുകഴ്ചയുടെ തിരുനാളിനു കൊടിയേറി. കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍ കൊടിയേറ്റുകര്‍മം നിര്‍വഹിച്ചു. അസിസ്റ്റന്‍റ്് വികാരിമാരായ ഫാ. ഓസ്റ്റിന്‍ പാറയ്ക്കല്‍, ഫാ. ആന്‍റണി നമ്പളം, ഫാ. ബെല്‍ഫിന്‍ കോപ്പുള്ളി, കൈക്കാരന്മാരായ പി.ടി. ജോര്‍ജ് പള്ളന്‍, തോമസ് തൊകലത്ത്, സാബു ജോര്‍ജ് ചെറിയാടന്‍, അഡ്വ.എം.എം. ഷാജന്‍ മാണിക്കത്തു പറമ്പില്‍, തിരുനാള്‍ പ്രസുദേന്തി ബിജോയ് പൗലോസ് ചക്കാലമറ്റത്ത്, കേന്ദ്രസമിതി പ്രസി ഡന്‍റ്് ജോബി അക്കരക്കാരന്‍, ജോമി ചേറ്റുപുഴക്കാരന്‍ എന്നിവര്‍ സന്നിഹിതരായിരുന്നു. രണ്ടാംദിനമായ ഇന്നു വൈകീട്ട് അഞ്ചിന് ലദീഞ്ഞ്, ദിവ്യബലി, കുരിശിന്‍റെ വഴി, നേര്‍ച്ചക്ക ഞ്ഞി. രൂപത വികാരി ജനറാള്‍ മോണ്‍. ജോസ് മാളിയേക്കല്‍ മുഖ്യകാര്‍മികത്വം വഹിക്കും. മൂന്നാംദിനമായ നാളെ കിഴക്കേ പള്ളിയില്‍ വൈകീട്ട് അഞ്ചിന് ലദീഞ്ഞ്, ദിവ്യബലി, കുരി ശിന്‍റെ വഴി, നേര്‍ച്ചക്കഞ്ഞി. വികാരി ജനറാള്‍ മോണ്‍. വില്‍സന്‍ ഈരത്തറ മുഖ്യകാര്‍മികത്വം വഹിക്കും. തിരുനാള്‍ദിനമായ 14ന് രാവിലെ ആറിനും 7.30നും 10.30നും ദിവ്യബലി. വൈകീട്ട് അഞ്ചിന് ലദീഞ്ഞ്, ആഘോഷമായ തിരുനാള്‍ ദിവ്യബലി, പ്രദക്ഷിണം. വികാരി ജനറാള്‍ മോണ്‍. ജോളി വടക്കന്‍ മുഖ്യകാര്‍മികനായിരിക്കും. 6.30ന് കപ്പേളകളുടെ വെഞ്ചരിപ്പുകര്‍മം ബിഷപ് മാര്‍ പോളി കണ്ണൂക്കാടന്‍ നിര്‍വഹിക്കും. തുടര്‍ന്ന് വിശുദ്ധ കുരിശിന്‍റെ തിരുശേഷിപ്പുവന്ദനം ഉണ്ടായിരിക്കും.

സഞ്ചാരികളേ, കാനനപാതയിൽ വാഹനം നിർത്തരുത്; അപകടമാണ്

അതിരപ്പിള്ളി: കാനനപാതയിലൂടെ സഞ്ചരിക്കുന്ന വിനോദസഞ്ചാരികൾ വന്യമൃഗങ്ങളെ പ്രകോപിപ്പിക്കുന്നതും വാഹനങ്ങൾക്കുനേരെ വന്യമൃഗങ്ങൾ പാഞ്ഞടുക്കുന്നതും ആക്രമിക്കുന്നതും പതിവാകുന്നു. അതിരപ്പിള്ളി -മലക്കപ്പാറ- വാൽപ്പാറ അന്തർസംസ്ഥാന കാനനപാതയിൽ വന്യമൃഗആക്രമണം വർധിച്ചിരിക്കുകയാണ്. വന്യമൃഗങ്ങളെ സഞ്ചാരികൾ പ്രകോപിപ്പിക്കുന്നതാണ് ഇതിനു പ്രധാന കാരണമെന്നു വനംവകുപ്പ് അധികൃതർ പറയുന്നു. അതിരപ്പിള്ളിമുതൽ വാഴച്ചാൽവരെ റോഡിൽ വിവിധയിടങ്ങളിൽ വനസംരക്ഷണസമിതി പ്രവർത്തകരുള്ളതിനാൽ വിനോദസഞ്ചാരികളെ ഈ പ്രദേശങ്ങളിൽ വാഹനം നിർത്താൻ അനുവദിക്കാറില്ല. എന്നാൽ, വിജനപ്രദേശങ്ങളിൽ വന്യമൃഗങ്ങളെ കണ്ടാൽ സഞ്ചാരികൾ വാഹനംനിർത്തി ഫോട്ടോയെടുക്കുന്നതും പ്രകോപിപ്പിക്കുന്നതുമാണു പ്രശ്നമാകുന്നത്. മനുഷ്യസാന്നിധ്യം അസ്വസ്ഥപ്പെടുത്തുന്നതിനാലും വഴി തടസപ്പെടുന്നതിനാലും ബഹളം കാരണവും മറ്റും ആനകൾ അക്രമകാരികളാകുന്നു. വഴിതടഞ്ഞവർ കടന്നുപോയാലും പിന്നാലെയെത്തുന്ന വാഹനങ്ങൾ ആക്രമിക്കപ്പെടുന്നതാണു പതിവ്. കാനനപാതയിലൂടെ സഞ്ചരിക്കുന്ന യാത്രക്കാരും വിനോദസഞ്ചാരികളും നിരവധി കാര്യങ്ങൾ ശ്രദ്ധിക്കണമെന്നു വനംവകുപ്പ് നിർദേശങ്ങൾ നൽകുന്നുണ്ട്. കാനനപാതയിൽ വാഹനങ്ങൾ നിർത്തി പുറത്തിറങ്ങാതിരിക്കുക, വന്യമൃഗങ്ങളെ കാണുന്പോൾ വാഹനങ്ങൾ നിർത്താതിരിക്കുക, ഹോണ്‍ അടിക്കാതിരിക്കുക, അവയ്ക്കു ഭക്ഷണസാധനങ്ങൾ കൊടുക്കാതിരിക്കുക, സഞ്ചാരപഥം തടയാതിരിക്കുക തുടങ്ങിയവയാണ് അതിൽ പ്രധാനം. ഈ നിർദേശങ്ങൾ പാലിക്കാതിരിക്കുന്നതാണ് പലപ്പോഴും പ്രശ്നങ്ങൾ സൃഷ്ടിക്കുന്നതെന്ന് വനം ഉദ്യോഗസ്ഥർ പറയുന്നു.

വിലയില്ല, കണ്ണീരിലായി പച്ചക്കറി കര്‍ഷകര്‍

വെള്ളിക്കുളങ്ങര: ഓണം സീസണില്‍ നല്ല വില പ്രതീക്ഷിച്ച് പച്ചക്കറി കൃഷി ചെയ്ത കര്‍ഷകര്‍ ഉത്പന്നത്തിന് വിലയില്ലാതായതോടെ കണ്ണീരിലായി. പച്ചക്കറിയിനങ്ങള്‍ക്ക് വിലയും ഡിമാൻഡും കുറഞ്ഞതോടെയാണ് കര്‍ഷകര്‍ ദുരിതത്തിലായത്. സമൃദ്ധമായ വിളവ് ലഭിച്ചിട്ടും കൃഷിച്ചെലവുപോലും കിട്ടാത്ത സാഹചര്യമാണുള്ളതെന്ന് കര്‍ഷകര്‍ പറയുന്നു. ഓണക്കാലത്ത് ടണ്‍കണക്കിന് പച്ചക്കറി വിളയുന്ന മറ്റത്തൂര്‍ അടക്കമുള്ള കിഴക്കന്‍ മലയോര മേഖലയില്‍ ഇക്കുറി വളരെ കുറച്ചു കര്‍ഷകര്‍ മാത്രമാണ് പച്ചക്കറി കൃഷിയിറക്കിയത്. മഴ നീണ്ടുനിന്നതിനാല്‍ ഓണക്കാലത്ത് വിളവെടുപ്പിന് പാകമാകാതെ വന്നതാണ് പച്ചക്കറി കര്‍ഷകര്‍ക്ക് തിരിച്ചടിയായതെന്ന് മറ്റത്തൂരിലെ പച്ചക്കറി കര്‍ഷകനായ ലോനായി കോപ്ലി പറഞ്ഞു. കടമ്പോട് പുളിന്തറയ്ക്കു സമീപം പാട്ടത്തിനെടുത്ത അരയേക്കര്‍ സ്ഥലത്ത് ഇത്തവണ പയര്‍, കുക്കുമ്പര്‍, വെണ്ട തുടങ്ങിയ പച്ചക്കറിയിനങ്ങളാണ് ലോനായി കൃഷിചെയ്തത്. ഓണത്തിനു വിളവെടുക്കാന്‍ പാകത്തില്‍ രണ്ടുമാസം‌മുമ്പേ കൃഷിയിറക്കിയെങ്കിലും പതിവില്ലാത്തവിധം മഴ നീണ്ടുനിന്നത് ഈ കര്‍ഷകന്‍റെ പ്രതീക്ഷകള്‍ തകിടം മറിച്ചു. ചെടികള്‍ പൂവിടാന്‍ വൈകിയതിനാല്‍ ഓണത്തിനുമുമ്പ് വിളവെടുപ്പിനു പാകമായില്ല. ഓണം കഴിഞ്ഞപ്പോള്‍ പയറും കുക്കുമ്പറും ധാരാളമായി വിളഞ്ഞെങ്കിലും വാങ്ങാനാളില്ലാത്ത അവസ്ഥയായി. ഇതുമൂലം വിലയും മൂന്നിലൊന്നായി കുറഞ്ഞു. ഓണവിപണിയില്‍ കിലോയ്ക്ക് നൂറുരൂപവരെ വിലയുണ്ടായിരുന്ന പയറിന് ഓണം കഴിഞ്ഞതോടെ 30 രൂപയായി താഴ്ന്നു. കുക്കുമ്പറിന്‍റെ വില മുപ്പതില്‍നിന്ന് പകുതിയായി കുറഞ്ഞു. കുറഞ്ഞ വിലയ്ക്ക് വിറ്റഴിക്കാ മെന്നുവച്ചാല്‍ വാങ്ങാനും ആളില്ലാത്ത അവസ്ഥയാണെന്നു ലോനായി പറയുന്നു. കിട്ടിയ വിലയ്ക്ക് വിറ്റഴിക്കേണ്ട ഗതികേടിലാണ്. കൃഷയിറക്കാനായി ചെലവഴിച്ച ഒന്നരലക്ഷത്തോ ളം രൂപയില്‍ പകുതിപോലും തിരിച്ചുകിട്ടില്ലെന്നാണു ലോനായിയുടെ സങ്കടം.

ഠാണാ - ചന്തക്കുന്ന് ജംഗ്ഷൻ വികസനം; കെഎസ്ടിപിയുടെ മേൽനോട്ടം വേണമെന്നു മന്ത്രി ബിന്ദു

തൃശൂർ: ഠാണാ - ചന്തക്കുന്ന് ജംഗ്ഷൻ വികസനത്തിന്‍റെ ഭാഗമായുള്ള റോഡ് നിർമാണത്തിൽ കെഎസ്ടിപിയുടെ നിരന്തര മേൽനോട്ടം ഉറപ്പാക്കണമെന്നു മന്ത്രി ഡോ. ആർ. ബിന്ദു നിർദേശിച്ചു. കെഎസ്ടിപി റോഡ് നിർമാണത്തിലെ പുരോഗതി വിലയിരുത്താനായി രാമനിലയത്തിൽ ചേർന്ന യോഗത്തിലാണു മന്ത്രി ഉദ്യോഗസ്ഥർക്കു നിർദേശം നൽകിയത്. ഠാണാ - ചന്തക്കുന്ന് റോഡ് വികസനമടക്കം തൃശൂർ-കൊടുങ്ങല്ലൂർ റോഡിൽ നടക്കുന്ന മുഴുവൻ നിർമാണപ്രവൃത്തിയും 2026 ഫെബ്രുവരി 28നകം പൂർത്തിയാക്കുമെന്നു പൊതുമരാമത്ത് വകുപ്പ് ഉദ്യോഗസ്ഥർ അറിയിച്ചു. ഠാണാ - ചന്തക്കുന്ന് റോഡിൽ ചാലക്കുടി ഭാഗത്തേക്കും മൂന്നുപീടിക ഭാഗത്തേക്കുമുള്ള നിർമാണപ്രവൃത്തികളുടെ പുരോഗതി യോഗം വിലയിരുത്തി. ഈ ഭാഗങ്ങളിലെ ഡ്രെയ്നേജ് ജോലികൾ അതിവേഗം പുരോഗമിക്കുകയാണെന്നും പത്തുദിവസംകൊണ്ട് നിർമാണം പൂർത്തിയാകുമെന്നും പിഡബ്ല്യുഡി ഉദ്യോഗസ്ഥർ അറിയിച്ചു. യോഗത്തിൽ സബ് കളക്ടർ അഖിൽ വി. മേനോൻ, കെഎസ്ടിപി എക്സിക്യുട്ടീവ് എൻജിനീയർ റിജോ റിന്ന, പോലീസ്, ഗതാഗതവകുപ്പ്, പൊതുമരാമത്ത് ഉദ്യോഗസ്ഥർ, നിർമാണക്കന്പനി പ്രതിനിധികൾ, ബസുടമകൾ തുടങ്ങിയവർ പങ്കെടുത്തു.

സെന്‍റ് അലോഷ്യസ് കോളജിൽ ദേശീയ സെമിനാർ

എൽത്തുരുത്ത്: സെന്‍റ് അലോഷ്യസ് കോളജ് ലൈബ്രറി വിഭാഗം റീ ഇമാജിനിംഗ് ലൈബ്രറി വിസിബിലിറ്റി: കണക്റ്റിംഗ് പീപ്പിൾ ആൻഡ് പോസിബിലിറ്റീസ് എന്ന വിഷയത്തിൽ ദേശീയസെമിനാർ സംഘടിപ്പിച്ചു. മാനേജർ ഫാ. തോമസ് ചക്രമാക്കിൽ സിഎംഐ ഉദ്ഘാടനം നിർവഹിച്ചു. പ്രിൻസിപ്പൽ ഡോ. ഇ.ഡി. ഡയസ് അധ്യക്ഷത നിർവഹിച്ചു. റവ.ഡോ. ജോൺ നീലങ്കാവിൽ മുഖ്യപ്രഭാഷണം നടത്തി. ലൈബ്രറികളുടെ പരിവർത്തനശേഷി ശാസ്ത്രം, വിദ്യാഭ്യാസം, സാങ്കേതികവിദ്യ എന്നിവയുമായി ബന്ധിപ്പിക്കുന്നതിന്‍റെ ആവശ്യകത വിശദീകരിച്ചു. സെമിനാറിൽ കോളജ് അഡ് മിനിസ്ട്രേറ്റർ ഫാ. അരുൺ ജോസ്, ഡോ. കെ.ബി. ലിബിസൺ, ഡോ. റോണി സെബാസ്റ്റ്യൻ, സി. അബ്ദുൽ റസാഖ്, കെ.യു. മുജീബ് റഹിമാൻ, സാൻജോ ജോസ്, വി. വിനീത ഡേവിസ്, എം.ജെ. ജൂലിറ്റ് എന്നിവർ പ്രസംഗിച്ചു.

പുലിയെ കണ്ടതായി നാട്ടുകാര്‍; സ്ഥിരീകരിക്കാതെ വനംവകുപ്പ്

വരന്തരപ്പിള്ളി: കവരംപിള്ളിയില്‍ പുലിയെന്നു സംശയിക്കുന്ന ജീവിയെ കണ്ടതായി പ്രദേശവാസികള്‍. ബുധനാഴ്ച രാത്രി ഒമ്പതോടെ കവരംപിള്ളി മുളന്തറ ബിനോജാണ് വീടിനുസമീപത്തെ റബര്‍തോട്ടത്തില്‍ പുലിയെന്നു സംശയിക്കുന്ന ജീവിയെ കണ്ടതായി പറയുന്നത്. രാത്രി അലര്‍ച്ചപോലുള്ള ശബ്ദംകേട്ടാണ് ബിനോജ് വീടിനു പുറത്തിറങ്ങി നോക്കിയത്. ടോര്‍ച്ച് വെളിച്ചത്തിലാണ് ഒരു ജീവി ഇരിക്കുന്നതു കണ്ടത്. തുടര്‍ന്നു മൊബൈലില്‍ ജീവിയുടെ വീഡിയോ പകര്‍ത്തുകയും ചെയ്തു. ടോര്‍ച്ച് തെളിച്ചപ്പോള്‍ എഴുന്നേല്‍ക്കുകയും വളരെ സാവകാശം ഇരുളിലേക്കു മറയുകയുമായിരുന്നു. ഈ സമയം വീട്ടിലെ നായകള്‍ പേടിച്ചു പതുങ്ങിയിരിക്കുകയായിരുന്നെന്നും ബിനോജ് പറഞ്ഞു. തുടര്‍ന്നു വനപാലകരെ വിവരമറിയിച്ചു. ഉദ്യോഗസ്ഥരെത്തി സ്ഥലത്തു പരിശോധന നടത്തിയെങ്കിലും ഒന്നും കണ്ടെത്താനായില്ല. അതേസമയം, പാലപ്പിള്ളി കാരികുളം പാഡിക്കു സമീപം പുലിയുടെ ആക്രമണത്തില്‍ ചത്തതെന്നു സംശയിക്കുന്ന നിലയില്‍ പശുക്കുട്ടിയുടെ ജഡം കണ്ടെത്തി. തിങ്കളാഴ്ച രാവിലെയാണ് തോട്ടത്തില്‍ ജഡം കണ്ടത്. വനപാലകര്‍ സ്ഥലത്തെത്തി പരിശോധന നടത്തി. നിരന്തരം പുലിയുടെ ആക്രമണത്തില്‍ പശുക്കുട്ടികള്‍ കൊല്ലപ്പെടുകയും ജനങ്ങള്‍ പുലിഭീതിയില്‍ കഴിയുകയും ചെയ്യുന്ന സാഹചര്യത്തില്‍ അടിയന്തരമായി വനംവകുപ്പ് പുലിയെ പിടികൂടുന്നതിനു കൂട് സ്ഥാപിക്കണമെന്നു നാട്ടുകാര്‍ ആവശ്യപ്പെട്ടു. ഇക്കാര്യത്തില്‍ എത്രയും പെട്ടെന്നു നടപടി ഉണ്ടായില്ലെങ്കില്‍ ശക്തമായ സമരപരിപാടികള്‍ക്കു നേതൃത്വം നല്‍കുമെന്നു മലയോര കര്‍ഷകസംരക്ഷണസമിതി അറിയിച്ചു.

സിപിഎമ്മിനെ വെട്ടിലാക്കി ഡിവൈഎഫ്ഐ നേതാവിന്‍റെ വെളിപ്പെടുത്തൽ

ഒല്ലൂർ: സിപിഎം മണ്ണുത്തി ഏരിയ കമ്മിറ്റിയുടെ കീഴിലുള്ള സഹകരണ ബാങ്കുകളിൽ വൻക്രമക്കേടെന്ന പരാതിയുമായി ഡിവൈഎഫ്ഐ നേതാവ്. സിപിഎമ്മിന്‍റെ കീഴിലുള്ള ആറു സഹകരണസംഘങ്ങളിൽ വൻ അഴിമതിയാണെന്നു ഡിവൈഎഫ് ഐ നേതാവും സിപിഎം നടത്തറ ഈസ്റ്റ് ലോക്കൽ കമ്മിറ്റി അംഗവുമായ നിബിൻ ശ്രീനിവാസൻ ആരോപിച്ചു. സഹകരണസംഘങ്ങളിലെ സാമ്പത്തികക്രമക്കേട് മണ്ണുത്തി ഏരിയ സെക്രട്ടറിയുടെ അറിവോടെയെന്നും നിബിൻ ആരോപിച്ചു. ഇതുസംബന്ധിച്ച് സിപിഎം സംസ്ഥാനസെക്രട്ടറി എം.വി. ഗോവിന്ദനു മാസങ്ങൾക്കുമുന്പ് അയച്ച പരാതിയിൽ യാതൊരു നടപടിയും ഉണ്ടായില്ല. വൻ അഴിമതിയും ക്രമക്കേടും നടന്നതായാണ് പരാതി. ഭൂമി വാങ്ങിയതിലും വൻ ക്രമക്കേട് നടന്നു. സ്വർണപ്പണയ പണമിടപാടിലും ക്രമക്കേടു നടന്നതായി നിബിൻ ശ്രീനിവാസൻ ആരോപിച്ചു. പാർട്ടി ഓഫീസിനായി മൂർക്കനിക്കരയിൽ 200 ചതുരശ്രഅടിയുള്ള മുറി ഒരു പാർട്ടി അംഗത്തിന്‍റെ പേരിൽ പണയംവച്ച് ഒന്പതുലക്ഷം തട്ടിയതായി ആരോപണമുണ്ട്. തട്ടിപ്പുകൾക്കു പാർട്ടി ഏരിയ സെക്രട്ടറി കൂട്ടുനിൽക്കുന്നതായും ആരോപിച്ചു. പരാതി വ്യക്തമായി എഴുതിനൽകിയ തന്നെ തരംതാഴ്ത്തിയെന്നും നിബിൻ മാധ്യമങ്ങളോടു പറഞ്ഞു. ഏരിയ കമ്മിറ്റി അംഗമായ തന്നെ ലോക്കൽ കമ്മിറ്റിഅംഗമായി തരംതാഴ്ത്തുകയായിരുന്നു. അതേസമയം, പരാതിയുടെ പേരിൽ നിബിനെ തരംതാഴ്ത്തിയിട്ടില്ലെന്നു സിപിഎം മണ്ണുത്തി ഏരിയ സെക്രട്ടറി എം.എസ്. പ്രദീപ് പറഞ്ഞു. തൃശൂരിൽ അഴിമതിയുടെ പകൽപ്പൂരം: ജോണ്‍ ഡാനിയൽ തൃശൂർ: സിപിഎം നിയന്ത്രണത്തിലുള്ള സഹകരണസംഘങ്ങളിൽ വ്യാപകമായി വായ്പത്തട്ടിപ്പും പണയത്തട്ടിപ്പും നടക്കുന്നുവെന്നു സിപിഎം ഏരിയാ നേതാവ് തന്നെ വെളിപ്പെടുത്തിയതോടെ, കരുവന്നൂർ ബാങ്ക് തട്ടിപ്പ് ഒരു ഒറ്റപ്പെട്ട സംഭവമല്ലെന്നു തെളിഞ്ഞിരിക്കുകയാണെന്ന് കെപിസിസി സെക്രട്ടറി ജോണ്‍ ഡാനിയൽ പറഞ്ഞു. മണ്ണുത്തി ഏരിയാ കമ്മിറ്റിക്കു കീഴിലെ ഒരു ലോക്കൽ കമ്മിറ്റിയുടെ പരിധിയിൽമാത്രം സിപിഎം ഭരിക്കുന്ന എട്ടിൽ ഏഴ് സംഘങ്ങളിലും പാർട്ടി ഏരിയാ നേതാവിന്‍റെ നേതൃത്വത്തിൽ വൻതോതിൽ തട്ടിപ്പും അഴിമതിയും നടക്കുന്നുവെന്നാണ് സിപിഎം മണ്ണുത്തി ഏരിയ കമ്മിറ്റി മുൻ അംഗം വെളിപ്പെടുത്തിയിരിക്കുന്നത്. അങ്ങനെയെങ്കിൽ, ജില്ലയിലെ മറ്റ് ഏരിയ കമ്മിറ്റികളുടെ പരിധിയിൽ എത്ര ആയിരം കോടികളുടെ വെട്ടിപ്പായിരിക്കും നടന്നിരിക്കുകയെന്നും അദ്ദേഹം ചോദിച്ചു. ഏതാനും പ്രാദേശികനേതാക്കളുടെ മാത്രം അറിവോടെ ഇത്ര വിപുലമായ പകൽക്കൊള്ള നടത്താൻ കഴിയുകയില്ല. മാത്രമല്ല, തട്ടിപ്പു സംബന്ധിച്ചു നൽകിയ വ്യക്തമായ പരാതികൾ സംസ്ഥാനസെക്രട്ടറി അവഗണിച്ചു എന്നതും പാർട്ടി നേതൃത്വത്തിന്‍റെ ഒത്താശയ്ക്കു തെളിവാണ്. കരുവന്നൂർ സഹകരണ ബാങ്കിൽ കണ്ടത് അഴിമതിയുടെ സാന്പിൾ വെടിക്കെട്ട് മാത്രമാണെന്നും, തട്ടിപ്പിന്‍റെ പകൽപ്പൂരങ്ങൾതന്നെ ഇനിയും പുറത്തുവരാനുണ്ടെന്നുമാണ് ഇതിൽനിന്നു തെളിയുന്നത്. ലോക്കൽ സെക്രട്ടറിമാർമുതൽ സംസ്ഥാന ഭാരവാഹികൾവരെയുള്ള അഴിമതിയുടെ ഉത്സാഹക്കമ്മിറ്റിക്കാരെ ഉടൻ പൊതുസമൂഹത്തിനു മുന്പിൽ വെളിപ്പെടുത്തി ജനകീയവിചാരണ നടത്താൻ കോണ്‍ഗ്രസ് തയാറാകുമെന്നും ജോൺ ഡാനിയൽ പറഞ്ഞു.

കാഷ്മീരിലെ കുങ്കുമപ്പൂ ഇനി പുത്തൂരിലും പൂക്കും

സ്വന്തം ലേഖകൻ തൃശൂർ: കാഷ്മീരിലെ കുങ്കുമപ്പൂ ഇനി പുത്തൂരിലും പൂക്കും. പുത്തൂർ സ്വദേശി ജെയിംസ് കാപ്പാനിയാണ് കുങ്കുമപ്പൂകൃഷിയിൽ വിജയം കൊയ്യാനൊരുങ്ങുന്നത്. പുത്തൂരിലെ വീട്ടിൽ പ്രത്യേകം ക്രമീകരിച്ച മുറിയിലാണ് കുങ്കുമപ്പൂ കൃഷിചെയ്യുന്നത്. അൾട്രാവയലറ്റ് ലൈറ്റുകൾ, താപനില നിയന്ത്രിക്കുന്നതിനായി എയർ കണ്ടീഷണർ, അന്തരീക്ഷ ഊഷ്മാവിനെ ക്രമപ്പെടുത്താൻ ഹ്യുമിഡിഫയർ എന്നീ ഉപകരണങ്ങളുടെ സഹായത്തോടെയാണ് കുങ്കുമപ്പൂകൃഷി. എയറോപോണിക്സ് സംവിധാനത്തിലാണ് കൃഷി. ടിഷ്യുകൾച്ചർ ചെയ്യാൻ ഉപയോഗിക്കുന്ന ട്രേകളിലാണ് കുങ്കുമപ്പൂവിന്‍റെ വിത്ത് പാകിയിരിക്കുന്നത്. ലൈറ്റിന്‍റെയും വെള്ളത്തിന്‍റെയും താപനിലയുടെയും കാര്യങ്ങളെല്ലാം മൊബൈൽ ഫോണിൽ ഓട്ടോമേഷൻ ചെയ്ത് നിയന്ത്രിക്കുന്നതിനാൽ വീട്ടിലില്ലെങ്കിലും കൃഷിപരിപാലനം സാധ്യമാണെന്നു ജെയിംസ് പറഞ്ഞു. കേരളത്തിൽ വയനാട്ടിലും കാന്തല്ലൂരിലും കുങ്കുമപ്പൂ കൃഷിചെയ്യുന്നുണ്ടെങ്കിലും തൃശൂരിൽ ഇതാദ്യമാണ്. വൻകിട ഹോട്ടലുകൾ, ആയുർവേദ മരുന്നുനിർമാണ സ്ഥാപനങ്ങൾ എന്നിവിടങ്ങളിലേക്കെല്ലാം ധാരാളം കുങ്കുമപ്പൂ ആവശ്യമായി വരുന്നുണ്ടെങ്കിലും കിട്ടാൻ ബുദ്ധിമുട്ടുണ്ടെന്നും അതുകൊണ്ടുതന്നെ കേരളത്തിൽ കുങ്കുമപ്പൂവിനു വിപണിയുണ്ടെന്നും ജെയിംസ് പറഞ്ഞു. ഒരു കിലോ കുങ്കുമപ്പൂവിന് മൂന്നു ലക്ഷംമുതൽ ആറുലക്ഷം രൂപവരെ വിലയുണ്ടിപ്പോൾ. പത്തുമുതൽ പതിനഞ്ചു മെട്രിക് ടണ്‍വരെ മാത്രമാണ് ഇന്ത്യയിലെ ഉത്പാദനം. ഇറാനിൽനിന്നും മറ്റുമാണ് ഇപ്പോൾ ഇന്ത്യയിലേക്കു കുങ്കുമപ്പൂ ഇറക്കുമതി ചെയ്യുന്നത്. തുടക്കത്തിൽ പത്തു കിലോ കുങ്കുമപ്പൂവിത്താണ് കാഷ്മീരിൽനിന്നു വിമാനമാർഗം ജെയിംസ് കൊണ്ടുവന്നത്. ഇതു പാകി പതിനഞ്ചു ദിവസത്തിനുള്ളിൽ വിത്ത് മുളപൊട്ടിയതോടെ കുങ്കുമപ്പൂകൃഷിയുടെ ട്രയൽ വിജയകരമായി. തുടർന്നു നൂറു കിലോ കുങ്കുമപ്പൂവിത്തിനു കാഷ്മീരിലേക്ക് ഓർഡർ നൽകിക്കഴിഞ്ഞു. കാഷ്മീരിൽ കുങ്കുമപ്പൂ കൈകാര്യംചെയ്യുന്ന ഒരു കന്പനിയുമായും ജെയിംസ് സഹകരിക്കുന്നുണ്ട്. അവരുടെയും, കേരളത്തിൽ വയനാട്ടിൽ കുങ്കുമപ്പൂ കൃഷിചെയ്ത് വിജയം കണ്ട ശേഷാദ്രി ശിവകുമാറിന്‍റെയും മാർഗനിർദേശങ്ങളും ഉപദേശങ്ങളും ജെയിംസിനു തുണയായുണ്ട്. 500 കിലോ വിത്തിൽനിന്ന് ഒറ്റത്തവണ വിളവെടുപ്പിൽ 750 ഗ്രാം കുങ്കുമപ്പൂവാണത്രെ ലഭിക്കുക. വർഷത്തിൽ മൂന്നുതവണ വരെ വിളവെടുക്കാനാകും. 500 കിലോ വിത്തിൽനിന്ന് 1500 കിലോ വിത്തുത്പാദിപ്പിക്കാമെന്നും ജെയിംസ് പറയുന്നു. നല്ല വിത്തുകൾ കിട്ടാനില്ലാത്തതുകൊണ്ട് വിത്തിനും വിലയേറെയാണ്. കിലോയ്ക്ക് 3500 രൂപമുതൽ വിത്തിനുണ്ട്. പുത്തൂർ സെന്‍റ് ജോസഫ് കോണ്‍വെന്‍റിനു സമീപം നന്പ്യാർ റോഡിലെ വീടിന്‍റെ മുകളിലെ നിലയിലാണ് ജെയിംസ് തന്‍റെ കുങ്കുമപ്പൂ കൃഷിയിടത്തിന്‍റെ മുറി ഒരുക്കിയിരിക്കുന്നത്. ഭാര്യ ഷീജ തൃശൂർ മെട്രോ ആശുപത്രിയിൽ നഴ്സാണ്. മക്കൾ: അക്കിലാസ്, ഫെലിക്സ്. സൗദിയിൽ ഡിഫൻസിൽ ജോലിചെയ്തിരുന്ന ജെയിംസ് വിരമിച്ചു നാട്ടിലെത്തിയശേഷമാണ് അന്പതാംവയസിൽ കുങ്കുമപ്പൂകൃഷിക്കു തുടക്കമിടുന്നത്. വ്യത്യസ്തമായി എന്തെങ്കിലും ചെയ്യണമെന്ന ആഗ്രഹത്തിൽനിന്നാണ് ഇത്തരമൊരു കൃഷിയിലേക്കു ജെയിംസ് എത്തിയത്.

പോപ്പ് പോൾ മേഴ്സി ഹോമിൽ വാഴകൃഷി വിളവെടുപ്പ്

തൃശൂർ: പെരിങ്ങണ്ടൂർ പോപ്പ് പോൾ മേഴ്സി ഹോം ആശാനിലയത്തിൽ നടന്ന നേന്ത്രവാഴകൃഷി വിളവെടുപ്പ് കുന്നംകുളം അസിസ്റ്റന്‍റ് കമ്മീഷണർ സി.ആർ. സന്തോഷ് ഉദ്ഘാടനം ചെയ്തു. വൊക്കേഷണൽ പരിശീലനത്തിന്‍റെ ഭാഗമായി മേഴ്സി ഹോം ഡയറക്ടർ ഫാ. ജോണ്‍സണ്‍ അന്തിക്കാട്ടിന്‍റെ നേതൃത്വത്തിൽ പോൾമാസ്റ്ററും കുട്ടികളും ഒരുക്കിയ കൃഷിയിടത്തിൽ ഇരുനൂറിലധികം വാഴക്കുലകളാണ് തയാറായിരിക്കുന്നത്. അസിസ്റ്റന്‍റ് ഡയറക്ടർ ഫാ. അനീഷ് ചിറ്റിലപ്പിള്ളി, കൗണ്‍സിലർ മധു അന്പലപുരം, തോമസ്, സിസ്റ്റർ ലില്ലി തുടങ്ങിയവർ പങ്കെടുത്തു.

വടക്കാഞ്ചേരിയിൽ നിർത്തിയിട്ട ട്രെയിനിൽ കവർച്ചാശ്രമം

വടക്കാഞ്ചേരി: റെയിൽവേ സ്റ്റേഷനിൽ നിർത്തിയിട്ട ട്രെയിനിൽ നിന്നു സ്വർണാഭരണങ്ങൾ കവരാൻ ശ്രമം. മംഗലാപുരത്തുനിന്നു തിരുവനന്തപുരത്തേക്ക് പോകുകയായിരുന്ന ട്രെയിനിലെ രണ്ടു റിസർവേഷൻ കമ്പാർട്ടുമെനന്‍റിലെ യാത്രക്കാർക്കാണ് അനുഭവമുണ്ടായത്. ട്രെയിൻ സ്റ്റേഷനിൽ നിർത്തിയിട്ട സമയത്ത് എമർജൻസി വിന്‍റോയുടെ സമീപം ഇരുന്നിരുന്ന രണ്ടു സ്ത്രീകളുടെ ആഭരണങ്ങളാണ് പുറത്തുനിന്നു മോഷ്ടിക്കാൻ ശ്രമിച്ചത്. എന്നാൽ മറ്റു യാത്രക്കാർ ബഹളം വെച്ചതോടെ മോഷ്ടാക്കൾ ഓടി രക്ഷപ്പെടുകയായിരുന്നു. ആർപിഎഫും വടക്കാഞ്ചേരി പോലീസും സംയുക്തമായി അന്വേഷണം ആരംഭിച്ചിട്ടുണ്ട്. റെയിൽവേ സ്റ്റേഷനിൽ സിസിടിവി കാമറകൾ ഇല്ലാത്തതിനാൽ സമീപത്തെ സ്വകാര്യ സ്ഥാപനങ്ങളിലെ സിസിടിവി ദൃശ്യങ്ങൾ ശേഖരിച്ച് പരിശോധിച്ചു വരികയാണ്. രാത്രി സമയങ്ങളിൽ സ്റ്റേഷനുകളിൽ നിർത്തിയിടുന്ന സ്ലീപ്പർ കോച്ചുകളാണ് മോഷ്ടാക്കളുടെ പ്രധാന ലക്ഷ്യം. ഇതിനുപിന്നിൽ വൻ സംഘം പ്രവർത്തിക്കുന്നുണ്ടെന്നാണ് അന്വേഷണ സംഘത്തിന്‍റെ നിഗമനം.

ചാവക്കാട് നഗര സൗന്ദര്യം: നഗരസഭയോടൊപ്പം വ്യാപാരികളും

ചാവക്കാട്: നഗരസഭ നഗര സൗന്ദര്യവൽക്കരണ പദ്ധതിക്ക് തുടക്കമിട്ടു. ഇതിന്‍റെ ഭാഗമായി ടൗണിന്‍റെ നടപ്പാതയിൽ ചെടിച്ചട്ടികൾ സ്ഥാപിച്ചു. രണ്ടു ലക്ഷം രൂപ ചെലവഴിച്ചാണ് പദ്ധതി നടപ്പിലാക്കുന്നത്. നഗരസഭ വൈസ് ചെയർമാൻ കെ.കെ. മുബാറക് ഉദ്ഘാടനം ചെയ്തു. ആരോഗ്യകാര്യ കമ്മിറ്റി ചെയർ പേഴ്സൺ ബുഷറ ലത്തീഫ് അധ്യക്ഷയായിരുന്നു പ്രസന്ന രണദിവേ, ഫൈസൽ കാനാമ്പുള്ളി, ക്ലീൻ സിറ്റി മാനേജർ ബി. ദിലീപ്, അസിസ്റ്റന്‍റ് എൻജിനീയർ സി.എൽ. ടോണി എന്നിവർ പ്രസംഗിച്ചു. ടൗണിലെ നടപ്പാതയോടു ചേർന്ന് സ്ഥാപിച്ച കൈവരിയിൽ ഉറപ്പിച്ച സ്റ്റാൻഡിലാണ് ചെടിച്ചട്ടി വയ്ക്കുന്നത്. സമീപത്തെ വ്യാപാരികൾ വെള്ളമൊഴിച്ച് ചെടിയെ സംരക്ഷിച്ച് നഗര സൗന്ദര്യവൽക്കരണം നടപ്പാക്കുന്നതാണ് പദ്ധതി.

ഉദ്ഘാടനം കഴിഞ്ഞിട്ട് അഞ്ചുമാസമായി ; ബഡ്സ് സ്കൂൾ തുറന്നില്ല

പുന്നയൂർക്കുളം: പഞ്ചായത്തിൽ ഭിന്നശേഷിക്കാരായ കുട്ടികൾക്കായി ഉദ്ഘാടനം ചെയ്ത ബഡ്സ് സ്കൂൾ അടഞ്ഞു കിടക്കുന്നു. ചമ്മന്നൂരിൽ നിർമിച്ച ബഡ്സ് സ്കൂൾ കെട്ടിടംകാടുകയറി കിടക്കുകയാണ്. ഭിന്നശേഷി മേഖലയിലെ പ്രവർത്തനത്തിന് സംസ്ഥാനത്തെ മികച്ച പഞ്ചായത്തായി തെരഞ്ഞെടുത്ത പുന്നയൂർക്കുളം പഞ്ചായത്തിലെ ബഡ്സ് സ്കൂൾ ഉദ്ഘാടനം കഴിഞ്ഞ് അഞ്ചു മാസമായിട്ടും തുറന്നില്ല. ഏപ്രിലിൽ മന്ത്രി ആർ. ബിന്ദു ഉദ്ഘാടനം ചെയ്യുമ്പോൾ മേയ് മാസത്തിൽ തുറക്കുമെന്നാണ് പറഞ്ഞിരുന്നത്. ജനലുകൾ തുറന്നു കിടക്കുന്നതിനാൽ മരപ്പെട്ടി, വവ്വാൽ തുടങ്ങിയവ കുടിയേറിയിട്ടുണ്ട്. നാഷണൽ റർബൻ മിഷൻ പദ്ധതിൽ ഉൾപ്പെടുത്തി 54.96 ലക്ഷം രൂപ ചെലവഴിച്ചാണ് ബഡ്സ് സ്കൂളിന്‍റെ നിർമാണം പൂർത്തീകരിച്ചത്. സ്വകാര്യവ്യക്തി പഞ്ചായത്തിന് സൗജന്യമായി നൽകിയ 26 സെന്‍റ് സ്ഥലത്താണ് 3660 സ്ക്വയർ ഫീറ്റ് വിസ്തീർണത്തിൽ മനോഹരവും വിശാലവുമായ ആധുനിക ബഡ്സ് സ്കൂൾ തയാറാക്കിയത്. പ്രവേശന കവാടത്തിൽ മനോഹരമായ പടിപ്പുരയും ഒരുക്കിയിട്ടുണ്ട്. നാലു വർഷം മുൻപാണ് സ്കൂൾ കെട്ടിടത്തിന്‍റെ നിർമാണം ആരംഭിക്കുന്നത്. പല തവണ നിർമാണം മുടങ്ങി. സ്കൂളിന്‍റെ നിർമാണം കൂടി പരിഗണിച്ചാണ് 2023 ൽ ഭിന്നശേഷി പ്രവർത്തനത്തിന് അവാർഡ് ലഭിക്കുന്നത്. അവിടം ഇപ്പോൾ നാട്ടുജീവി സൗഹൃദമാണ്.

സി.വി. ശ്രീരാമൻ സാംസ്കാരികനിലയം യാഥാർഥ്യമാകുന്നു

കുന്നംകുളം: കുന്നംകുളത്തുകാരനായിരുന്ന പ്രശസ്തസാഹിത്യകാരൻ സി.വി. ശ്രീരാമന്‍റെ സ്മരണാർഥം സാംസ്കാരികനിലയം യാഥാർഥ്യമാകുന്നു. സി.വി. ശ്രീരാമന്‍ കള്‍ച്ചറല്‍ സെന്‍റര്‍ നിര്‍മാണത്തിന് എ.സി.മൊയ്തീന്‍ എംഎല്‍എയുടെ പ്രാദേശികവികസന നിധിയില്‍ നിന്ന് 80 ലക്ഷം രൂപ അനുവദിച്ച് ഭരണാനുമതിയായി. കുന്നംകുളം നഗരസഭയുടെ ഉടമസ്ഥതയിലുള്ള മധുരക്കുളത്തിനോട് ചേര്‍ന്ന സ്ഥലത്താണ് സ്മാരകം നിര്‍മിക്കുക. തദ്ദേശവകുപ്പിന്‍റെ എൻജിനീയറിംഗ് വിഭാഗത്തിന്‍റെ മേല്‍നോട്ടത്തില്‍ രണ്ടു നിലകളിലായി നിര്‍മിക്കുന്ന കെട്ടിടത്തിന് 5000 ചതുരശ്ര അടി വിസ്തീർണമുണ്ടാകും. ഓഫീസ്, മീറ്റിംഗ് ഹാള്‍, വായനാമുറികള്‍ തുടങ്ങിയവ ഉള്‍പ്പെടുത്തിയാണ് സാംസ്കാരിക നിലയം സ്ഥാപിക്കുന്നത്. സാങ്കേതികാനുമതി കൂടി ലഭ്യമാകുന്നതോടെ നിര്‍മാണപ്രവൃത്തികള്‍ ആരംഭിക്കുമെന്ന് എംഎല്‍എ അറിയിച്ചു.

കാഞ്ഞാണിയിൽ കാറും ടൂറിസ്റ്റ് ബസും കൂട്ടിയിടിച്ച് രണ്ടുപേർക്കു പരിക്ക്

കാഞ്ഞാണി: കാറും ടൂറിസ്റ്റ് ബസും കൂട്ടി ഇടിച്ച് കാർ യാത്രക്കാരായ യുവാക്കൾക്ക് പരിക്കേറ്റു. കാഞ്ഞാണി സെന്‍ററിൽ ഇന്നലെ പുലർച്ച 1.45 നാണ് അപകടം നടന്നത്. വാടാനപ്പള്ളി ഭാഗത്തു നിന്ന് തൃശൂരിലേക്ക് പോകുന്ന ടൂറിസ്റ്റ് ബസിലേക്ക് വെങ്കിടങ്ങ് ഭാഗത്തു നിന്ന് വരികയായിരുന്ന കാർ ഇടിച്ചാണ് അപകടം സംഭവിച്ചത്. അന്തിക്കാട് പോലീസ് സ്ഥലത്ത് എത്തി. പരിക്കേറ്റ പട്ടാമ്പി സ്വദേശികളായ രണ്ടു പേരെ ആശുപത്രിയിൽ പ്രവേശിപ്പിച്ചു. കാഞ്ഞാണി ജംഗ്ഷനിൽ രാത്രി സമയത്ത് സിഗ്നൽ ലൈറ്റ് പ്രകാശിക്കാത്തതാണ് പലപ്പോഴും അപകടങ്ങൾക്ക ് കാരണമാകുന്നതെന്ന് നാട്ടുകാർ പറയുന്നു.

വിദ്യാർഥിയെ വീടിനുള്ളിൽ മരിച്ചനിലയിൽ

ചൂണ്ടൽ: വിദ്യാർഥിയെ വീടിനുള്ളിൽ മരിച്ചനിലയിൽ കണ്ടെത്തി. പയ്യൂർ ആശാരി മുതുവട്ടൂർ മണികണ്ഠന്‍റെ മകൻ കൃഷ്‌ണേന്ദി(18)നെയാണ് ഇന്നലെ രാവിലെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. കുന്നംകുളം പോലീസിന്‍റെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കി പോസ്റ്റ്മോർട്ടത്തിനു ശേഷം സംസ്കാരം നടത്തി. തൃശൂർ വിക്‌ടറി ഐടിസിയിലെ വിദ്യാർഥിയാണ്. അമ്മ: ധന്യ. സഹോദരങ്ങൾ: രാഗന്ദ്, അനുവിന്ദ്.

കാരുണ്യഭവനത്തിന്‍റെ താക്കോൽദാനം നിർവഹിച്ചു

എലിഞ്ഞിപ്ര: ചൗക്ക സെന്‍റ്് മേരീസ് ലൂർദ് പള്ളിയിൽ മതബോധന‌വാർഷികവും കാരുണ്യഭവനത്തിന്‍റെ താക്കോൽദാനവും നടന്നു. പൊതുസമ്മേളനം ഇരിങ്ങാലക്കുട രൂപത മതബോധന ഡയറക്ടർ റവ. ഡോ. റിജോയ് പഴയാറ്റിൽ ഉദ്ഘാടനം ചെയ്തു. വികാരി റവ. ഡോ. ആന്‍റോ കരിപ്പായി അധ്യക്ഷനായിരുന്നു. കാരുണ്യഭവനത്തിന്‍റെ താക്കോൽദാനം ചാലക്കുടി എസ് എച്ച്ഒ എം.കെ. സജീവ് നിർവഹിച്ചു. ഫാ. ക്ലിന്‍റൻ പെരിഞ്ചേരി, നിർമാണ കമ്മിറ്റി കൺവീനർ സിബു ചേലക്കാട്ട്, ഹെഡ്മാസ്റ്റർ ജോബി കാഴ്ചപ്പള്ളി, സെക്രട്ടറി ദീപ ജോയ്, കൈക്കാരൻ ജോയ് ഉദനിപറമ്പൻ, കേന്ദ്ര‌സമിതി പ്രസിഡന്‍റ് ജോസ് മണവാളൻ, പ്രോഗ്രാം കൺവീനർ ഫെമി ഡയസ് എന്നിവർ പ്രസംഗിച്ചു. ഭിന്നശേഷിക്കാർക്കായി ഛത്തീസ്ഗഡിൽ നടന്ന സ്പെഷൽ ഒളിമ്പിക്സിൽ ബോച്ചേ വിഭാഗത്തിൽ നാഷണൽ ചാമ്പ്യൻഷിപ്പ് നേടിയ സിന്‍റോ മേലേടനെ ആദരിച്ചു.

ജീവിതം പ്രതിസന്ധിയിലായ യുവക്ഷീരകര്‍ഷകന് തുണയായി കേരള ഫീഡ്‌സ്

ഇരിങ്ങാലക്കുട: യുവ ക്ഷീരകര്‍ഷകനു തുണയായി കേരള ഫീഡ്‌സ് കമ്പനി ലിമിറ്റഡ്. ക്ഷീര കര്‍ഷ കന്‍റെ ഉപജീവന മാര്‍ഗമായ കറവപ്പശുക്കളില്‍ ഒരെണ്ണവും രണ്ടു കിടാക്കളും പ്രസവത്തെ തുടര്‍ന്ന് മരണപ്പെട്ടിരുന്നു. ജീവിതം പ്രതിസന്ധിയിലായ കാറളം കൊ ല്ലാറ വീട്ടില്‍ രാജേഷിന് കമ്പനിയുടെ ഡൊണേറ്റ് എ കൗ പദ്ധതിയില്‍ ഉള്‍പ്പെടുത്തി 70,000 രൂപ വിലമതിക്കുന്ന ഫ്രീസ് വാള്‍ ഇനത്തില്‍പ്പെട്ട പശുവിനെ കേരള ഫീഡ്‌സ് ലിമിറ്റഡ് ചെയര്‍മാന്‍ കെ. ശ്രീകുമാര്‍ കൈമാറി. കേരള വെറ്ററിനറി ആന്‍ഡ് അനിമല്‍ സയന്‍സ് സര്‍വകലാശാലയില്‍ നിന്നുമാണ് കമ്പനി അധികൃതര്‍ പശുവിനെ വാങ്ങിയത്. കാറളം വിഎച്ച്എസ്ഇ സ്‌കൂള്‍ മൈതാനിയില്‍ നടന്ന ചടങ്ങില്‍ പഞ്ചായത്ത് പ്രസിഡന്‍റ് ബിന്ദു പ്രദീപ് അധ്യക്ഷത വഹിച്ചു. വൈസ് പ്രസിഡന്‍റ്് സുനില്‍ മാലാന്ത്ര, ബ്ലോക്ക് മെമ്പര്‍ മോഹ നന്‍ വലിയാട്ടില്‍, പഞ്ചായത്ത് മെമ്പര്‍ ടി.എസ്. ശശികുമാര്‍, ജില്ലാ മൃഗ‌സംരക്ഷണ ഓഫീസര്‍ ഡോ. കെ.ബി. ജിതേന്ദ്രകുമാര്‍, ക്ഷീര വികസനവകുപ്പ് അസി. ഡയറക്ടര്‍ സി. ശാലിനി, കമ്പനി മാനേജര്‍- പ്രൊജക്ട്‌സ് എന്‍.ജി. സുധീര്‍ എന്നിവര്‍ ആശംസകള്‍ നേര്‍ന്നു. കമ്പനി എജിഎം ഉഷ പത്മനാഭന്‍ സ്വാഗതവും ഡെപ്യൂട്ടി മാനേജര്‍ - മാര്‍ക്കറ്റിംഗ് പി.പി. ഫ്രാന്‍സിസ് നന്ദിയും പറഞ്ഞു.

ചേനത്തുനാട് റോഡിലൂടെ യാത്ര ദുഷ്കരം

ചാലക്കുടി: ഗവ. ആശുപത്രി ജംഗ്ഷനിൽനിന്നും ചേനത്തുനാട് ഭാഗത്തേക്കുള്ള റോഡിലൂടെയുള്ള യാത്ര ദുഷ്കരമായി. കുണ്ടുംകുഴിയുമായി കിടന്ന റോഡ് ഗതാഗതയോഗ്യമല്ലാത്ത അവസ്ഥയിലായിരുന്നു. നാട്ടുകാരുടെ പ്രതിഷേധം ഏറിയപ്പോൾ റോഡിൽ മെറ്റൽ നിരത്തിയിട്ട് ഉടനെ ടാർ ചെയ്യുമെന്ന് ജനം കരുതിയെങ്കിലും ടാറിംഗ് നടത്തിയില്ല. ഇപ്പോൾ റോഡിൽ വിരിച്ച മെറ്റലുകൾ ഇളകി വാഹനങ്ങൾക്ക് പോകാൻ പറ്റാത്ത അവസ്ഥയായി. ഇരുചക്രവാഹനങ്ങൾ അപകടത്തിലാകുന്നതും പതിവായി. കാൽ നടയാത്രക്കാർക്കുപോലും സഞ്ചരി ക്കാൻ പറ്റാത്ത അവസ്ഥയാണ്. രണ്ട് വാർഡുകളിൽക്കൂടി കടന്നുപോകുന്ന റോഡാണ്. കലാഭവൻ മണിയുടെ സ്മൃതികുടീരത്തിലേക്കു സംസ്ഥാനത്തിന്‍റെ വിവിധഭാഗങ്ങളിൽനിന്നും എത്തുന്നവരും സെന്‍റ് ജെയിംസ് മെഡിക്കൽ അക്കാഡമിയിലേക്കുപോകുന്ന വിദ്യാർഥികളും നാട്ടുകാരും ഇതുവഴി പോകാൻ ബുദ്ധിമുട്ടുകയാണ്.

ഇരിങ്ങാലക്കുട നഗരസഭയുടെ ഷീ ലോഡ്ജ് തുറന്നുനല്കി

ഇരിങ്ങാലക്കുട: സ്ത്രീകള്‍ക്കായി ഇരിങ്ങാലക്കുട നഗരസഭ നിര്‍മിച്ച ഷീ ലോഡ്ജ് തുറന്നുനല്‍കി. കൊളം ബോ ഹോട്ടല്‍ ഉടമ സി.എല്‍. ജോര്‍ജ് ഉദ്ഘാടനം നിര്‍വഹിച്ചു. നഗരസഭ ചെയര്‍പേഴ്‌സണ്‍ മേരിക്കുട്ടി ജോയ്, മുന്‍ സര്‍ക്കാര്‍ ചീഫ്‌വിപ്പ് അഡ്വ. തോമസ് ഉണ്ണിയാടന്‍, നഗരസഭ വൈസ് ചെയര്‍മാന്‍ ബൈജു കുറ്റിക്കാടന്‍, നടത്തിപ്പ് കരാര്‍ എറ്റെടുത്തിട്ടുള്ള ഡെസിന്‍ ഷണ്ണി ചിറ്റിലപ്പിള്ളി തുടങ്ങിയവര്‍ പങ്കെടുത്തു. 2.8 കോടി ചെലവഴിച്ചുനിര്‍മിച്ച കെട്ടിടത്തില്‍ സ്ത്രീകളുടെ സുരക്ഷ മുന്‍നിര്‍ത്തി അവര്‍ക്കുള്ള താമസ സൗകര്യം ഒരുക്കുകയായിരുന്നു. ഷീ ലോഡ്ജ് കെട്ടിടത്തില്‍ രണ്ടുനിലകളിലായി അറ്റാച്ച്ഡ് ബാത്ത്റൂം സൗകര്യമുള്ള 20 മുറികളാണ് ഒരുക്കിയിട്ടുള്ളത്. ഇതില്‍ മൂന്നു കിടക്കകളുള്ള രണ്ടു റൂമുകളും രണ്ടു കിടക്കകളുള്ള 18 റൂമുകളുമാണ് ഉള്ളത്. 1034 ചതുരശ്രമീറ്റര്‍ വിസ്തീര്‍ണമുള്ള കെട്ടിടത്തിന്‍റെ താഴത്തെ നിലയില്‍ 320 ചതുരശ്ര അടി വിസ്തീര്‍ണമുള്ള നാലു കടമുറികള്‍ ഒരുക്കിയിട്ടുണ്ട്. അടുക്കള, ഡൈനിംഗ് ഹാള്‍, റീഡിംഗ് റൂം, വെയ്റ്റിംഗ് റൂം, പാര്‍ക്കിംഗ് എന്നി സൗകര്യങ്ങളും ഷീ ലോഡ് ജിന്‍റെ സവിശേഷതകളാണ്.

തെരുവുനായശല്യത്തിൽ വലഞ്ഞ് മച്ചാട് ഗ്രാമം

വടക്കാഞ്ചേരി: തെക്കുംകര പഞ്ചായത്തിന്‍റെ വിവിധ ഭാഗങ്ങളിൽ തെരുവുനായശല്യം രൂക്ഷമാകുന്നു. ടെറസ് വീടുകൾക്കു മുകളിൽ കഴുകി ഉണക്കാനിടുന്ന വിലപ്പിടിപ്പുള്ള തുണികളും ചവിട്ടികളും ഊരിയിടുന്ന ചെരുപ്പുകളുംപോലും കടിച്ചുനശിപ്പിക്കുന്നതു നിത്യസംഭവമാണ്. പ്രഭാതസവാരിക്കുപോകുന്നവരെയും പത്രവിതരണക്കാരെയും പുലർച്ചെ പാൽ അളക്കാൻ ക്ഷീരസംഘങ്ങളിൽ എത്തുന്നവരെയും വിദ്യാർഥികളെയും ആക്രമിക്കുന്നതും പതിവാണ്. പഞ്ചായത്തിലെ 18 വാർഡുകളിലും പ്രത്യേകിച്ച് പുന്നംപറമ്പ് സെന്‍ററിലും നായ്ക്കളുടെ ശല്യം കൂടുതലാണ്. നായ്ക്കൾ തമ്മിൽ കടികൂടി റോഡിലൂടെ ഓടുന്നതു ഇരുചക്രവാഹനയാത്രക്കാർക്കും ഭീഷണിയാകുന്നുണ്ട്. ആളൊഴിഞ്ഞ വീടുകളിലും കല്യാണമണ്ഡപങ്ങളിലും തങ്ങുന്ന നായ്ക്കൾ പലപ്പോഴും വളർത്തു മൃഗങ്ങളെയും ആക്രമിക്കുന്നു. തെരുവുനായ്ക്കളെ പിടികൂടാൻ ഉടൻ അധികൃതർ നടപടിയെടുക്കണമെന്നാണ് നാട്ടുകാരുടെ ആവശ്യം.

പരുന്തുംപാറയില്‍ കാട്ടാനശല്യം രൂക്ഷം

പാലപ്പിള്ളി: കാട്ടാനകള്‍ റോഡലിറങ്ങി ആക്രമണംനടത്താന്‍ തുടങ്ങിയതോടെ നാട്ടുകാര്‍ റോഡ് താല്‍ക്കാലികമായി അടച്ചുകെട്ടി. ഇഞ്ചക്കുണ്ട് പരുന്തുംപാറയിലാണ് റോഡിലിറങ്ങി ആനകള്‍ യാത്രക്കാരെ ഓടിച്ചത്. കാട്ടാനശല്യം രൂക്ഷമായതിനെ തുടര്‍ന്ന് ചൊവ്വാഴ്ച നാട്ടുകാര്‍ മുന്‍കൈയെടുത്താണ് റോഡ് അടച്ചുകെട്ടിയത്. ആനശല്യംകാരണം രണ്ടുമണിക്കൂര്‍ നേരമാണ് റോഡ് അടഞ്ഞുകിടന്നത്. തുടര്‍ച്ചയായി ഇറങ്ങിയ ആനകള്‍ കഴിഞ്ഞ മൂന്നുദിവസത്തിനിടെ നൂറോളം വാഴകളാണ് നശിപ്പിച്ചതെന്ന് കര്‍ഷകര്‍ പറയുന്നു. വാഴകള്‍ക്കുപുറമെ തെങ്ങ്, റബര്‍ എന്നീ വിളകളും കാട്ടാനകള്‍ നശിപ്പിച്ചു. ഒരാഴ്ചയായി മൂന്ന് ആനകളാണ് പ്രദേശത്ത് തമ്പടിച്ചിട്ടുള്ളത്. ആനയുടെ ശല്യം രൂക്ഷമാവുന്ന രാത്രികളില്‍ വനപാലകരെ വിളിച്ചാലും എത്താറില്ലന്നാണ് കര്‍ഷകരുടെ പരാതി. സജീവ് കൊട്ടിശേരി, മേരി കാപ്പില്‍, സണ്ണി കൊട്ടിശേരില്‍, ഹനീഫ മന്ത്രിക്കുത്ത്, തോമസ് തെക്കേകൈതക്കല്‍, മാത്യു വേങ്ങക്കല്‍ എന്നിവരുടെ കൃഷികളാണ് കഴിഞ്ഞ ദിവസങ്ങളിലായി ആനകള്‍ നശിപ്പിച്ചത്. രാത്രികളില്‍ ഭീതിജനകമാണ് അവസ്ഥയെന്നും ആനകള്‍ കാടിറങ്ങുന്നത് തടയാന്‍ വനപാലകര്‍ ഫലപ്രദമായി ഒന്നും ചെയ്യുന്നില്ലെന്നും കര്‍ഷകര്‍ ആരോപിക്കുന്നു. കഴിഞ്ഞകാലങ്ങളില്‍വന്ന കൃഷിനാശങ്ങള്‍ക്ക് അപേക്ഷ നല്‍കിയിട്ടും ഇതുവരെ നഷ്ടപരിഹാരം ലഭിച്ചില്ലെന്നും കര്‍ഷകര്‍ പറഞ്ഞു.

പാലത്തിന്‍റെ തകർച്ച; അന്വേഷണം നടത്താൻ മന്ത്രിയുടെ നിർദേശം

പട്ടിക്കാട്: പള്ളിക്കണ്ടം കൂട്ടാല റോഡിലെ മുട്ടിപ്പാലം തകർന്ന സംഭവത്തെക്കുറിച്ച് അന്വേഷണംനടത്താൻ പൊതുമരാമത്ത് മന്ത്രി നിർദേശംനൽകിയതായി കോൺഗ്രസ് മണ്ഡലം വൈസ് പ്രസിഡന്‍റ് ബ്ലസൻ വർഗീസ് അറിയിച്ചു. ബ്ലസൻ വർഗീസ് നൽകിയ പരാതിയിന്മേലാണ് നടപടി. തൃശൂർ പൊതുമരാമത്ത് മെയിന്‍റനൻസ് വിഭാഗം അസിസ്റ്റന്‍റ് എക്‌സിക്യൂട്ടീവ് എൻജിനീയറോടാണ് പരാതി അന്വേഷിക്കാൻ നിർദേശിച്ചിരിക്കുന്നത്. മുടിക്കോട് ദേശീയപാതയിലുണ്ടായ ഗതാഗതക്കുരുക്കിനെ തുടർന്നാണ് വലിയ വാഹനങ്ങൾ പള്ളിക്കണ്ടം കൂട്ടാല വഴി കടത്തിവിട്ടത്. ഒരുവർഷത്തിലേറെയായി തകർച്ച നേരിട്ടിരുന്ന മുട്ടിപ്പാലം ഇതോടെ കൂടുതൽ തകർന്നു. തുടർന്ന് സ്ഥലം സന്ദർശിച്ച പൊതുമരാമത്ത് വിഭാഗം അസിസ്റ്റന്‍റ് എൻജിനീയർ ഇതുവഴിയുള്ള ഗതാഗതം പൂർണമായും നിർത്തിവയ്ക്കാൻ നിർദേശിക്കുകയായിരുന്നു.

ഫ്രൂട്സ് കടയിൽ തീപിടിത്തം

ഒല്ലൂർ: കുരിയച്ചിറ വെയർഹൗസിനുസമീപം ഫ്രൂട്സ് ആൻഡ് വെജറ്റബിൾസ് കടയിൽ തീപിടിത്തം. ഒല്ലൂർ സ്വദേശി പുതുക്കാടൻ വിനോദ് തോമസിന്‍റെ ഉടമസ്ഥതയിലുള്ള ഫ്രൂട്സ് ഫാക്ടറി എന്ന കടയ്ക്കാണ് തീപിടിച്ചത്. ഓലയും ഷീറ്റും മേഞ്ഞ കട ആയതിനാൽ തീ ആളിക്കത്തി. തീ കണ്ടയുടൻ കടയിലുണ്ടായിരുന്നവർ പുറത്തേക്കിറങ്ങി. തൃശൂരിൽനിന്നു രണ്ടു യൂണിറ്റ് അഗ്നിരക്ഷാസേന സ്ഥലത്തെത്തിയാണ് തീ നിയന്ത്രണവിധേയമാക്കിയത്. ഫയർസ്റ്റേഷൻ ഓഫീസർ വൈശാഖിന്‍റെ നേതൃത്വത്തിലാണ് രക്ഷാപ്രവർത്തനം നടത്തിയത്. നഷ്ടം കണക്കാക്കിയിട്ടില്ല.

കിഴുപ്പിള്ളിക്കര ജലോത്സവം: മണവാളൻ ജേതാവ്

പഴുവിൽ: ജനനി ബോട്ട് ക്ലബും ജില്ലാപഞ്ചായത്തും സംയുക്തമായി നടത്തിയ കിഴുപ്പിള്ളിക്കര ജലോത്സവത്തിൽ കോലോത്തുംകടവ് മളവാളൻ ബോട്ട് ക്ലബ് ഒന്നാം സ്ഥാനവും കരാഞ്ചിറ ഇടിവാൾ ബോട്ട് ക്ലബ് രണ്ടാംസ്ഥാനവുംനേടി. കിഴുപ്പിള്ളിക്കര കനോലി കനാലിൽ നടത്തിയ ജലോത്സവം സി.സി. മുകുന്ദൻ എംഎൽഎ ഉദ്ഘാടനം ചെയ്തു. അന്തിക്കാട് ബ്ലോക്ക് പഞ്ചായത്ത് പ്രസിഡന്‍റ് കെ.കെ. ശശീധരൻ അധ്യക്ഷത വഹിച്ചു. താന്ന്യം പഞ്ചായത്ത് പ്രസിഡന്‍റ് ശുഭ സുരേഷ് മത്സരം ഫ്ലാഗ്ഓഫ് ചെയ്തു. ചാഴൂർ പഞ്ചായത്ത് പ്രസിഡന്‍റ് കെ.എസ്. മോഹൻദാസ് മുഖ്യാതിഥിയായി. വിഷ്ണുഭാരതീയസ്വാമികൾ സമ്മാനദാനം നിർവഹിച്ചു. കാട്ടൂർ സഹകരണ ബാങ്ക് പ്രസിഡന്‍റ് ജോമോൻ വലിയവീട്ടിൽ, ഉമ്മർ പഴുവിൽ, ത്രിതല പഞ്ചായത്ത് പ്രതിനിധികളും ചടങ്ങിൽ സംബന്ധിച്ചു.

മുല്ലപ്പുഴ ജലോത്സവം; ഹനുമാൻ നമ്പർ വൺ വീണ്ടും ഒന്നാമൻ

ചാവക്കാട്: ജില്ലാപഞ്ചായത്തും കറുകമാട് കലാസാംസ്കാരികവേദിയും സംയുക്തമായി സംഘടിപ്പിച്ച ഡോ.എപിജെ അബ്ദുൾ കലാം എവർറോളിംഗ് ട്രോഫിക്കുവേണ്ടിയുള്ള കറുകമാട് മുല്ലപ്പുഴ ജലോത്സവത്തിൽ യുവശക്തി പുളിയംതുരുത്തിന്‍റെ ഹനുമാൻ നമ്പർവൺ വള്ളം എവർറോളിംഗ് ട്രോഫി സ്വന്തമാക്കി. രണ്ടാംതവണയാണ് ഹനുമാൻ ഒന്നാമനാകുന്നത്. വീരസേനാപതി ബോട്ട് ക്ലബിന്‍റെ പുത്തൻപറമ്പിൽ രണ്ടാംസ്ഥാനവുംനേടി. ബി ഗ്രേഡ് വിഭാഗത്തിൽ ടിഡിബിസി തൊയക്കാവ് സെന്‍റ് സെബാസ്റ്റ്യൻ നമ്പർ ടു വള്ളം ഒന്നാംസ്ഥാനവും നടുവിൽക്കര മടപ്ലാംതുരുത്ത് ടീമിന്‍റെ ബ്ലാക്ക്ഹോഴ്സ് വള്ളം രണ്ടാംസ്ഥാനവും നേടി. മികച്ച അമരക്കാരായി ഹനുമാൻ വള്ളത്തിലെ സുഭാഷ്, സെന്‍റ് സെബാസ്റ്റ്യൻ വള്ളത്തിലെ മനോജ് എന്നിവരെ തെരഞ്ഞെടുത്തു. സ്പ്രിന്‍റ് മത്സരങ്ങൾ നടക്കാറുള്ള ഇവിടം ഇരുട്ടുകുത്തി, ചുരുളൻ വള്ളങ്ങളാണ് മത്സരത്തിനുണ്ടായിരുന്നത്. എ ഗ്രേഡ് വിഭാഗത്തിൽ ഏഴും ബി ഗ്രേഡ് ഇനത്തിൽ ഒമ്പതും വള്ളങ്ങൾ ശക്തിതെളിയിച്ചു. എൻ.കെ. അക്ബർ എംഎൽഎ ഉദ്ഘാടനംചെയ്തു. ജില്ലാപഞ്ചായത്ത് അംഗം വി.എം. മുഹമ്മദ് ഗസാലി അധ്യക്ഷതവഹിച്ചു. കലക്ടർ അർജുൻ പാണ്ഡ്യൻ സമ്മാനദാനംനടത്തി. എ. അബ്ദുൽ റഹിം, കടപ്പുറം പഞ്ചായത്ത് പ്രസിഡന്‍റ് സ്വാലിഹ ഷൗക്കത്ത്, ഹസീന താജുദ്ധീൻ, മിസ്‌രിയ മുസ്താഖ് അലി, സുബ്രഹ്മണ്യൻ, മുഹമ്മദ്, ബോഷി ചാണാശേരി, മുഹമ്മദ് ഷാക്കിർ തുടങ്ങിയവർ പ്രസംഗിച്ചു.

കേച്ചേരിയിൽ കെഎസ്ആർടിസി ബസ് കണ്ടക്ടർക്കു സ്വകാര്യ ബസ് കണ്ടക്ടറുടെ മർദനം

കേച്ചേരി: കേച്ചേരിയിൽ കെഎസ്ആർടിസി ബസ് കണ്ടക്ടർക്ക് സ്വകാര്യ ബസ് കണ്ടക്ടറുടെ മർദനം. സുൽത്താൻബത്തേരിയിൽനിന്നു ആലപ്പുഴയിലേക്ക് പോയിരുന്ന കെഎസ്ആർടിസി ബസിലെ കണ്ടക്ടറായ കരുനാഗപ്പള്ളി സ്വദേശി രാജേഷ്കുമാറിനാണ് മർദനമേറ്റത്. തോളെല്ലിനു പൊട്ടലേറ്റ രാജേഷ്കുമാർ തൃശൂർ മെഡിക്കൽ കോളജ് ആശുപത്രിയിൽ ചികിത്സയിലാണ്. മിനിയാന്നു രാത്രി ഒമ്പതരയോടെ ആയിരുന്നു സംഭവം. കേച്ചേരിയിൽ ഉണ്ടായ വാഹനക്കുരുക്ക് പരിഹരിക്കുന്നതിനായി രാജേഷ്കുമാർ റോഡിലേക്ക് ഇറങ്ങി ഗതാഗതം നിയന്ത്രിക്കുന്നതിനിടെ സ്വകാര്യ ബസിലെ കണ്ടക്ടറായ കാളത്തോട് സ്വദേശി മുഹമ്മദ് സാലിഹുമായി തർക്കമുണ്ടാവുകയും മർദനത്തിൽ കലാശിക്കുകയുമായിരുന്നു. സംഘർഷത്തിനിടെ കഴുത്തിലുണ്ടായിരുന്ന സ്വർണമാല നഷ്ടപ്പെട്ടതായും ടിക്കറ്റ് മെഷീനു കേടുപാടുകൾ സംഭവിച്ചതായും രാജേഷ്കുമാറിന്‍റെ പരാതിയിൽ പറയുന്നു. കുന്നംകുളം പോലീസ് സംഭവത്തിൽ അന്വേഷണമാരംഭിച്ചു.

ഗുരുവായൂരിൽ ഇന്നലെ നടന്നത് 186 വിവാഹങ്ങൾ

പുലർച്ചെ അഞ്ചു മുതൽ നാലു മണ്ഡപങ്ങളിലായി താലികെട്ട് ആരംഭിച്ചു. ഈ സമയത്ത് ക്ഷേത്ര പരിസരത്ത് കാലുകുത്താൻ കഴിയാത്ത സ്ഥിതിയായിരുന്നു. ഉച്ചയ്ക്ക് 12 ഓടെയാണ് തിരക്കിന് ശമനമായത്. വിവാഹസംഘങ്ങൾക്കും ദർശനത്തിനുള്ള ഭക്തർക്കും വൺവേ സംവിധാനം ഏർപ്പെടുത്തിയെങ്കിലും തിരക്ക് നിയന്ത്രണാതീതമായി. നഗരത്തിൽ വാഹനങ്ങൾക്ക് വൺവേ ഏർപ്പെടുത്തിയതിനാൽ വലിയ ഗതാഗതകുരുക്കുണ്ടായില്ല. അഷ്ടമിരോഹിണിദിനമായ ഞായറാഴ്ച ഇരുന്നൂറോളം വിവാഹങ്ങൾ ശീട്ടാക്കിയിട്ടുണ്ട്. കണ്ണന്‍റെ പിറന്നാൾദിനത്തിൽ ദർശനത്തിനുള്ള ഭക്തരുടെ തിരക്കും വിവാഹത്തിരക്കും ഘോഷയാത്രകളും കണക്കിലെടുത്ത് പുലർച്ചെ നാലിന് താലികെട്ട് ആരംഭിക്കാൻ സൗകര്യമൊരുക്കുമെന്ന് ദേവസ്വം അറിയിച്ചു. കൂടുതൽ മണ്ഡപങ്ങളും കോയ്മമാരേയും നിയോഗിക്കും.

18 കുപ്പി വിദേശമദ്യവുമായി യുവാവ് എക്സൈസ് പിടിയിൽ

തൃശൂർ: വില്പനയ്ക്കായി സൂക്ഷിച്ച 18 കുപ്പി വിദേശമദ്യവുമായി യുവാവ് എക്സൈസ് പിടിയിൽ. പുത്തൂർ ഏഴാംകല്ല് ഓട്ടുപാറ കൊടിമരത്തിങ്കൽ സന്തോഷാണ് അറസ്റ്റിലാ‍യത്. വിവിധതരം മദ്യങ്ങളുടെ അരലിറ്റർ കുപ്പികളാണ് പിടികൂടിയത്. വെട്ടുകാട് നാലുകെട്ടു ഭാഗത്ത്‌ അനധികൃതമായി മദ്യവില്പന നടത്തുന്ന ഷൈജുവിനു മദ്യം എത്തിച്ചുനല്കുന്നയാളാണ് പിടിയിലായ സന്തോഷ്. ഷൈജുവിനെയും പ്രതിയാക്കിയാണു പോലീസ് കേസെടുത്തിരിക്കുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. അസിസ്റ്റന്‍റ് ഗ്രേഡ് ഇൻസ്‌പെക്ടർ എൻ.ആർ. രാജുവിന്‍റെ നേതൃത്വത്തിൽ ഗ്രേഡ് പ്രിവന്‍റീവ് ഓഫിസർമാരായ ലത്തീഫ്, സിജോമോൻ, എം.ഡി. ബിജു, നിധിൻ മാധവൻ എന്നിവർ ചേർന്നാണു പ്രതിയെ പിടികൂടിയത്. അനധികൃത മദ്യവിൽപ്പന സംബന്ധിച്ചുള്ള പരാതികൾ 0487 2361237, 0487 2389455 നമ്പറുകളിൽ അറിയിക്കണമെന്നും രഹസ്യവിവരം നൽകുന്നവരുടെ വിവരങ്ങൾ പുറത്തുവിടില്ലെന്നും എക് സൈസ് അറിയിച്ചു.

തെരഞ്ഞെടുപ്പിൽ മത്സരിക്കാൻ സ്ത്രീകൾക്കു പരിശീലനം

തൃശൂർ: വരാനിരിക്കുന്ന തദ്ദേശസ്വയംഭരണ സ്ഥാപന തെരഞ്ഞെടുപ്പില്‍ മത്സരിക്കാന്‍ ആഗ്രഹിക്കുന്ന സ്ത്രീകള്‍ക്കായി പ്രത്യേക പരിശീലനപരിപാടിയുമായി കില. മൂന്നു ദിവസങ്ങളിലായി നടക്കുന്ന പരിശീലനത്തിൽ പ്രാദേശികഭരണം, തെരഞ്ഞെടുപ്പു നടപടിക്രമങ്ങള്‍, ആശയവിനിമയശേഷി, സോഷ്യല്‍ മീഡിയ ഉപയോഗം, നേതൃത്വപാടവം, തദ്ദേശസ്വയംഭരണ സ്ഥാപനങ്ങളെക്കുറിച്ചുള്ള അറിവ്, വികസന ആശയങ്ങള്‍, ചോദ്യങ്ങളെ അഭിമുഖീകരിക്കാനുള്ള കഴിവ്, സമയപരിപാലനം എന്നിവയ്ക്ക് ഊന്നല്‍ നല്‍കുന്നു. ആത്മവിശ്വാസത്തോടെ തെരഞ്ഞെടുപ്പിനെ നേരിടാന്‍ സ്ത്രീകളെ പ്രാപ്തരാക്കുകയാണ് പദ്ധതിയുടെ ലക്ഷ്യം. കിലയുടെ വിവിധ കേന്ദ്രങ്ങളിൽ നടക്കുന്ന പരിശീലനത്തിൽ ആദ്യം രജിസ്റ്റര്‍ ചെയ്യുന്ന ആയിരംപേര്‍ക്കാണ് പങ്കെടുക്കാന്‍ അവസരം. താത്പര്യമുള്ളവര്‍ www.kila.ac.in എന്ന വെബ്സൈറ്റിലൂടെ അപേക്ഷിക്കണം. അവസാന തീയതി 25.

കേരളത്തിൽ പകർച്ചവ്യാധികൾ കുറയുന്നു; പനിക്കണക്കുകളിലും ആശ്വാസം

തൃശൂർ: കേരളത്തിൽ പകർച്ചവ്യാധികൾ കുറയുന്നു. പനിക്കണക്കുകളിലും ആശ്വാസകരമായ കുറവ്. ജില്ലയിലും പനിഭീതി ഒഴിയുന്നു. കഴിഞ്ഞ മാസം പ്രതിദിനം പതിനായിരത്തിലേറെ പനി റിപ്പോർട്ട് ചെയ്തിരുന്ന സംസ്ഥാനത്ത് ഈ മാസം രോഗബാധ കുത്തനേ കുറഞ്ഞത് ആശ്വാസമായി. തുടർച്ചയായ മഴ ഒഴിവായതോടെയാണ് പനിക്കേസുകൾ കുറഞ്ഞത്. ആരോഗ്യവകുപ്പിന്‍റെ റിപ്പോർട്ടുകൾപ്രകാരം ഈ മാസം 63, 439 പേർ ഒപിയിൽ ചികിത്സതേടിയപ്പോൾ 852 പേരെ അഡ്മിറ്റ് ചെയ്തു. ഡെങ്കിപ്പനി ലക്ഷണങ്ങളോടെ 487 പേർ ചികിത്സതേടിയപ്പോൾ 199 പേരെ അഡ്മിറ്റ് ചെയ്തു. ഒരു മരണവും റിപ്പോർട്ട് ചെയ്തു. എലിപ്പനി ലക്ഷണങ്ങളോടെ 105 പേർ ചികിത്സ തേടി. 87 പേരെ അഡ്മിറ്റ് ചെയ് തു. ഏഴു മരണവും റിപ്പോർട്ട് ചെയ്തു. ഹെപ്പറ്റൈറ്റിസ്, ഇൻഫ്ലുവൻസ കേസുകളും കുത്തനേ കുറഞ്ഞു. ഒടുവിലെ റിപ്പോർട്ട് പ്രകാരം 264 പേർ ഹെപ്പറ്റൈറ്റിസിനു ചികിത്സ തേടിയപ്പോൾ 137 പേർ ഇൻഫ്ലുവൻസയ്ക്കു ചികിത്സ തേടി. ജില്ലയിലും രോഗബാധ കുത്തനേ കുറഞ്ഞിട്ടുണ്ട്. കഴിഞ്ഞ മാസം പ്രതിദിന പനിക്കണക്കുകൾ ആയിരം പിന്നിട്ടിരുന്നുവെങ്കിൽ ഈ മാസം ഇതുവരെയും പനിബാധിതരുടെ എണ്ണം പ്രതിദിനം ആയിരം കടന്നിട്ടില്ല. ആദ്യ ഒന്പതു ദിവസങ്ങളിലെ റിപ്പോർട്ടുകൾപ്രകാരം ജില്ലയിൽ 5592 പേർക്കാണ് പനി റിപ്പോർട്ട് ചെയ്തത്. ഇതിൽ 64 പേരെ മാത്രമേ അഡ്മിറ്റ് ചെയ്തിട്ടുള്ളൂ. ഡെങ്കി, എലിപ്പനി കേസുകളും കുത്തനേ കുറഞ്ഞു. 48 പേർ ഡെങ്കി ലക്ഷണങ്ങളുമായി ചികിത്സ തേടിയപ്പോൾ 26 പേരെ അഡ്മിറ്റ് ചെയ്തു. എലിപ്പനി ബാധിച്ച് 15 പേർ അഡ്മിറ്റായി. മൂന്നു മരണവും റിപ്പോർട്ട് ചെയ്തിട്ടുണ്ട്. ഒരു മലേറിയ, ഏഴ് ഹെപ്പറ്റൈറ്റിസ് എന്നിവയും ഈ മാസം റിപ്പോർട്ട് ചെയ്തിട്ടുണ്ട്. അധികം മഴയില്ലാത്ത കാലാവസ്ഥ പകർച്ചവ്യാധികളുടെ വ്യാപനം കുറയ്ക്കാൻ സഹായിച്ചുവെന്ന് ആരോഗ്യവിദഗ്ധർ അഭിപ്രായപ്പെട്ടു. പനിലക്ഷണങ്ങൾ കണ്ടാൽ ഉടൻ ആരോഗ്യകേന്ദ്രങ്ങളുമായി ബന്ധപ്പെടാനും മുന്നറിയിപ്പ് നൽകിയിട്ടുണ്ട്.

കാലത്തിന്‍റെ അടയാളങ്ങള്‍ ക്രൈസ്തവസമൂഹം തിരിച്ചറിയണം: ഡോ. അംബ്രോസ് പുത്തന്‍വീട്ടില്‍

ഇരിങ്ങാലക്കുട: കാലത്തിന്‍റെ അടയാളങ്ങള്‍ തിരിച്ചറിയണമെന്നും അതിനനുസരിച്ചു മാറ്റങ്ങള്‍ വരുത്താന്‍ ക്രൈസ്തവരായ നാം പഠിക്കണമെന്നും കോട്ടപ്പുറം ബിഷപ് ഡോ. അംബ്രോസ് പുത്തന്‍വീട്ടില്‍. ഇരിങ്ങാലക്കുട രൂപതയുടെ 48-ാം രൂപതാദിനാഘോഷം ഉദ്ഘാടനം ചെയ്യുകയായിരുന്നു ബിഷപ്. കത്തോലിക്കാ‌സഭയെ തകര്‍ക്കാനും തളര്‍ത്താനും പലകാലത്തും ശ്രമങ്ങള്‍ നടന്നിട്ടുണ്ട്, ഇപ്പോഴും നടക്കുന്നുമുണ്ട്. ഇവയെല്ലാം സാത്താന്‍റെ തന്ത്രങ്ങളാണെന്നു വിശ്വാസിസമൂഹം തിരിച്ചറിയണം. സഭയില്‍ വിവിധ തലങ്ങളില്‍ അവിശ്വാസവും അന്തഃഛിദ്രവും വളര്‍ത്താന്‍ അന്ധകാരശക്തികള്‍ ശ്രമിക്കുന്നുണ്ട്. ഇതിനെതിരേ വിശ്വാസികളും വൈദികരും സഭാപിതാക്കന്‍മാരും ജാഗ്രത പാലിക്കണം. പ്രാര്‍ഥനയും ഉപവാസവും വിശുദ്ധഗ്രന്ഥത്തോടും പാരമ്പര്യത്തോടുമുള്ള പ്രതിബദ്ധതയും ശക്തിപ്പെടുത്തിയാല്‍ സഭ നേരിടുന്ന ഇത്തരം വെല്ലുവിളികളെ അതിജീവിക്കാന്‍ കഴിയുമെന്നു ബിഷപ് പറഞ്ഞു. അഞ്ചു പതിറ്റാണ്ടുകാലം ഇരിങ്ങാലക്കുട രൂപത ആത്മീയ, സാമൂഹിക, ആതുരശുശ്രൂഷ, വിദ്യാഭ്യാസ, ജീവകാരുണ്യ മേഖലകളില്‍ വിശ്വസ്തതയോടെ സുവിശേഷമൂല്യങ്ങള്‍ക്കു സാക്ഷ്യം വഹിച്ചുവെന്നും ആ വിശ്വസ്തതയുടെ കഥയാണ് ഇന്നലെകളിലെ രൂപതയുടെ ചരിത്രമെന്നും അധ്യക്ഷത വഹിച്ച ഇരിങ്ങാലക്കുട ബിഷപ് മാര്‍ പോളി കണ്ണൂക്കാടന്‍ ചൂണ്ടിക്കാട്ടി. ഈ യത്‌നത്തില്‍ രൂപതയുടെ ശില്‍പ്പിയും പ്രഥമ ബിഷപ്പുമായ മാര്‍ ജെയിംസ് പഴയാറ്റിലും അദ്ദേഹത്തിന്‍റെ സഹപ്രവര്‍ത്തകരായി വിവിധ കാലങ്ങളില്‍ പ്രവര്‍ത്തിച്ച വൈദികരും സന്യസ്തരും അല്‍മായ സഹോദരങ്ങളും ത്യാഗനിര്‍ഭരമായ സേവനമാണ് കാഴ്ചവച്ചത്. അവരെ ഓര്‍ക്കാനും ഭാവികര്‍മപദ്ധതികള്‍ ആവിഷ്‌കരിക്കാനും രൂപതാദിനാഘോഷം അവസരമൊരുക്കുന്നതായും ബിഷപ് പറഞ്ഞു. രൂപതയുടെ സുവര്‍ണജൂബിലിക്കു മുന്നോടിയായി 2025 സെപ്റ്റംബര്‍ 10 മുതല്‍ 2026 സെപ്റ്റംബര്‍ 10 വരെ ഇരിങ്ങാലക്കുട രൂപതയില്‍ ക്രിസ്തീയ കുടുംബവര്‍ഷാചരണം നടത്തുമെന്നു മാര്‍ പോളി കണ്ണൂക്കാടന്‍ അറിയിച്ചു. സെന്‍റ് തോമസ് കത്തീഡ്രലില്‍ ബിഷപ് മാര്‍ പോളി കണ്ണൂക്കാടന്‍റെ മുഖ്യകാര്‍മികത്വത്തില്‍ നടന്ന ദിവ്യബലിമധ്യേ കുടുംബവര്‍ഷാചരണത്തിന്‍റെ ലോഗോ പ്രകാശനം കോട്ടപ്പുറം ബിഷപ് ഡോ. അംബ്രോസ് പുത്തന്‍വീട്ടിലിനൊപ്പം നിര്‍വഹിച്ചു. കത്തീഡ്രലിനു സമീപമുള്ള സ്പിരിച്വാലിറ്റി സെന്‍ററില്‍ രൂപതയുടെ പൈതൃക മ്യൂസിയവും ആളൂര്‍ ബിഎല്‍എമ്മിനോടു ചേര്‍ന്നുള്ള രൂപതാ ലഹരിവിമുക്തകേന്ദ്രമായ നവചൈതന്യയുടെ നവീകരിച്ച കെട്ടിടവും മാര്‍ പോളി കണ്ണൂക്കാടന്‍ ഉദ്ഘാടനം ചെയ്തു. ആഘോഷപരിപാടികളില്‍ വികാരി ജനറാള്‍മാരായ മോണ്‍. ജോസ് മാളിയേക്കല്‍, മോണ്‍. വില്‍സന്‍ ഈരത്തറ, മോണ്‍. ജോളി വടക്കന്‍, കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍, കുടുംബവര്‍ഷാചരണ കണ്‍വീനര്‍ റവ.ഡോ. ഫ്രീജോ പാറയ്ക്കല്‍, സനീഷ്‌കുമാര്‍ ജോസഫ് എംഎല്‍എ, ഇരിങ്ങാലക്കുട മുനിസിപ്പല്‍ ചെയര്‍പേഴ്‌സണ്‍ മേരിക്കുട്ടി ജോയ്, ചാലക്കുടി മുനിസിപ്പല്‍ ചെയര്‍പേഴ്‌സൺ ഷിബു വാലപ്പൻ തുടങ്ങിയരും മറ്റു ജനപ്രതിനിധികളും പ്രസംഗിച്ചു.

പോലീസുകാർക്കെതിരേ വധശ്രമത്തിനു കേസെടുക്കണം: കേരള കോണ്‍ഗ്രസ്

തൃശൂർ: യൂത്ത് കോണ്‍ഗ്രസ് മണ്ഡലം പ്രസിഡന്‍റ് വി.എസ്. സുജിത്തിനെ ക്രൂരമായി ആക്രമിച്ച മുഴുവൻ പോലീസുകാർക്കെതിരേയും വധശ്രമത്തിനു കേസെടുത്തു സർവീസിൽനിന്നു പിരിച്ചുവിടണമെന്നു കേരള കോണ്‍ഗ്രസ് ജില്ലാ നേതൃയോഗം ആവശ്യപ്പെട്ടു. സിസിടിവി ദൃശ്യങ്ങൾ പുറത്തു വന്നതോടെ ജനമൈത്രി പോ ലീസ് എന്നു പേരെടുത്ത കേരളത്തിലെ പോലീസ് സ്റ്റേഷനുകളിൽ നടന്നുവരുന്ന ഭീകരതാണ്ഡവം ജനങ്ങൾക്കു ബോധ്യപ്പെട്ടു. കുറ്റക്കാരെ പിരിച്ചുവിടാൻ ആഭ്യന്തരവകുപ്പിന്‍റെ ചുമതലകൂടി വഹിക്കുന്ന മുഖ്യമന്ത്രി തയാറാകണമെന്നും യോഗം ആവശ്യപ്പെട്ടു. സംസ്ഥാന വൈസ് ചെയർ മാൻ എം.പി. പോളി ഉദ്ഘാടനം ചെയ്തു. ജില്ലാ പ്രസിഡന്‍റ് സി.വി. കുരിയാക്കോസ് അധ്യക്ഷത വഹിച്ചു. ഡെപ്യൂട്ടി ചെയർമാൻ അഡ്വ. തോമസ് ഉണ്ണിയാടൻ മുഖ്യപ്രഭാഷണം നടത്തി. കേരള യൂത്ത് ഫ്രണ്ട് സംസ്ഥാന പ്രസിഡന്‍റ് കെ.വി. കണ്ണൻ, ജോണ്‍സണ്‍ കാഞ്ഞിരത്തിങ്കൽ, ജോയ് ഗോപുരാൻ, മിനി മോഹൻദാസ്, ഇട്ട്യേച്ചൻ തരകൻ തുടങ്ങിയവർ പ്രസംഗിച്ചു.

വിവാഹസമ്മാനമായി സ്വർണമാല ഊരിനൽകി ജോസഫ് ടാജറ്റ്

കുന്നംകുളം: പോലീസ് മർദനത്തിനിരയായ യൂത്ത് കോണ്‍ഗ്രസ് നേതാവ് വി.എസ്. സുജിത്തിനു വിവാഹസമ്മാനമായി രണ്ടുപവന്‍റെ സ്വർണമാല ഊരിനൽകി ഡിസിസി പ്രസിഡന്‍റ് അഡ്വ. ജോസഫ് ടാജറ്റ്. 15നാണ് സുജിത്തിന്‍റെ വിവാഹം. പ്രസംഗത്തിനിടെ കോണ്‍ഗ്രസ് വർക്കിംഗ് പ്രസിഡന്‍റ് ടി.എൻ. പ്രതാപൻ ഇക്കാര്യം സൂചിപ്പിച്ചതിനു പിന്നാലെയാണ് കെപിസിസി പ്രസിഡന്‍റ് സണ്ണി ജോസഫിന്‍റെ സാന്നിധ്യത്തിൽ മാല സമ്മാനിച്ചത്. വൻ കൈയടിയോടെയാണ് വേദിയിലും സദസിലുമുള്ളവർ ഇക്കാര്യം സ്വീകരിച്ചത്. കഴിഞ്ഞദിവസം വീട്ടിലെത്തിയ എഐസിസി ജനറൽ സെക്രട്ടറി കെ.സി. വേണുഗോപാൽ സുജിത്തിനു സ്വർണമോതിരം സമ്മാനിച്ചിരുന്നു. നിയമപോരാട്ടത്തിൽ സുജിത്തിനൊപ്പംനിന്ന വർഗീസ് ചൊവ്വന്നൂരിനു ഡിസിസി എക്സിക്യൂട്ടീവ് സ്ഥാനംകൂടി നൽകുന്നതായും കെപിസിസി പ്രസിഡന്‍റ് സണ്ണി ജോസഫ് യോഗത്തിൽ അറിയിച്ചു.

തനിച്ചുതാമസിക്കുന്നയാൾ കുളത്തിൽ മരിച്ചനിലയിൽ

കയ്പമംഗലം: പെരിഞ്ഞനത്ത് തനിച്ചുതാമസിക്കുന്നയാളെ കുളത്തിൽ വീണുമരിച്ച നിലയിൽ കണ്ടെത്തി. പെരിഞ്ഞനം കോവിലകം സെന്‍ററിനു പടിഞ്ഞാറ് സഹൃദയ റോഡിൽ മാടമ്പിക്കാട്ടിൽ വേലായുധൻകുട്ടി മകൻ ജയജീവനാ(51)ണ് മരിച്ചത്. ഇന്നലെ ഉച്ചയ്ക്ക് ഒന്നോടെയാണ് ഇദ്ദേഹത്തെ വീട്ടിലേയ്ക്കുള്ള നടവഴി ഉള്ള ഭാഗത്തെ കുളത്തിൽ വീണു കിടക്കുന്നനിലയിൽ കണ്ടത്. കയ്പമംഗലം പോലീസ് സ്ഥലത്തെത്തി മൃതദേഹം പുറത്തെടുത്ത് മേൽനടപടികൾ സ്വീകരിച്ചു. അമ്മ: പങ്കജാക്ഷി. ഭാര്യ: രജിത. മക്കൾ: തുളസി, അമൽകൃഷ്ണ. മരുമകൻ: അജിക്.

യുവാവ് മരിച്ചനിലയിൽ

കയ്പമംഗലം: എടത്തിരുത്തി കുട്ടമംഗലത്ത് യുവാവിനെ താമസസ്ഥലത്ത് തൂങ്ങി മരിച്ചനിലയിൽ കണ്ടെത്തി. പാലക്കാട് കുനിശേരി സ്വദേശി സജിത്ത് കൃഷ്ണ (33)യാണ് മരിച്ചത്. മൃതദേഹം അഴുകിയ നിലയിലാണ്. ചൊവ്വാഴ്ച്ച രാത്രി എട്ടരയോടെ കുട്ടമംഗലം സെന്‍ററിനടുത്ത കെട്ടിടത്തിലെ മുറിയിലാണ് തൂങ്ങി മരിച്ചനിലയിൽ കണ്ടത്. മുറി അകത്തുനിന്ന് പൂട്ടിയ നിലയിലായിരുന്നു. പ്രദേശത്ത് ദുർഗന്ധം പരന്നതിനെ തുടർന്ന് പരിസരവാസികൾ വാതിൽ തുറന്നു നോക്കിയപ്പോഴാണ് മൃതദേഹം കണ്ടത്. പരസ്യ കമ്പനിയിലെ തൊഴിലാളിയാണ്. കയ്പമംഗലം പോലീസ് തുടർനടപടികൾ സ്വീകരിച്ചു.

കുഴിയടയ്ക്കലും കുത്തിപ്പൊളിക്കലും തകൃതി

കൊരട്ടി: മുരിങ്ങൂരിലും ചിറങ്ങരയിലും നടക്കുന്ന അടിപ്പാതകളുടെ നിർമാണം മന്ദഗതിയിൽ. ഒന്നോ രണ്ടോ മണ്ണുമാന്തിയന്ത്രങ്ങളും രണ്ടോ മൂന്നോ തൊഴിലാളികളെയും ഉപയോഗിച്ച് ചില മണ്ണുമാറ്റൽ ഒഴിച്ചാൽ യാതൊരു പുരോഗതിയും നിർമാണത്തിലില്ല. പ്രദേശവാസികളുടെയും ദീർഘദൂരയാത്രികരുടെയും സഞ്ചാരസ്വാതന്ത്ര്യം തടഞ്ഞു നിർമാണം നടത്തുമ്പോൾ പാലിക്കേണ്ട സാമാന്യമര്യാദപോലും ഹൈവേ അധികൃതരുടെയും നിർമാണക്കമ്പനിയുടെയും ഭാഗത്തുനിന്നുണ്ടാകുന്നില്ല. കഴിഞ്ഞ മാസങ്ങളിൽ മഴയെ പഴിപറിഞ്ഞിരുന്നെങ്കിൽ, കാലാവസ്ഥ അനൂകൂലമായിട്ടുപോലും നിർമാണ‌പ്രവൃത്തികൾ വേഗത്തിലാക്കാൻ യാതൊരു നടപടിയുമില്ല. ടോൾപിരിവ് വിലക്കിയതോടെ മുരിങ്ങൂരിലും ചിറങ്ങരയിലും കുണ്ടും കുഴിയും നിറഞ്ഞ സർവീസ് റോഡുകൾ യുദ്ധകാലാടിസ്ഥാനത്തിൽ രണ്ടുദിവസംകൊണ്ട് ടാർ ചെയ്തെങ്കിലും രണ്ടു ദിവസത്തിനുള്ളിൽ വ്യാപകമായി കുഴികൾ രൂപപ്പെട്ടതിനും ജനം സാക്ഷിയായി. സർവീസ് റോഡിൽ അടിഞ്ഞുകിടന്ന പൊടിപടലങ്ങൾ നീക്കംചെയ്യാതെയായിരുന്നു ടാറിംഗ്. ഇന്നലെയും ചിറങ്ങരയിലും പെരുമ്പിയിലും കുഴിയടയ്ക്കൽ തകൃതിയായി നടന്നു. ചാക്കുകളിൽ കൊണ്ടുവന്ന ടാറിംഗ് മിശ്രിതം കുഴികളിലിട്ട് ഇടിയൻ ഉപയോഗിച്ചുനിരത്തുകയായിരുന്നു. ദേശീയപാതയിൽ വാഹനങ്ങളുടെ എണ്ണം വർധിച്ചാൽ പോലീസും ഹോം ഗാർഡുകളും വഴിതിരിച്ചുവിടാൻ പുലർത്തുന്ന അതീവജാഗ്രത ഗതാഗതക്കുരുക്കിനു ചെറിയ അയവു വരുത്തുന്നുണ്ട് എന്നതുമാത്രമാണ് ആശ്വാസം. എന്നാൽ തിരിച്ചുവിടുന്ന വഴിയിലൂടെ സഞ്ചരിക്കുന്ന വാഹനയാത്രികർ കുണ്ടും കുഴിയും നിറഞ്ഞ ഗ്രാമീണറോഡുകളിലൂടെ കിലോമീറ്ററുകളോളം താണ്ടിവേണം ലക്ഷ്യസ്ഥാനത്തെത്താൻ. ചിറങ്ങരയിൽ അടിപ്പാതയിലേക്കുള്ള അപ്രോച്ച് റോഡിന്‍റെ പ്രാരംഭഭാഗത്തു (എറണാകുളം ദിശയിൽ) കോൺക്രീറ്റ് ചെയ്ത പാർശ്വഭിത്തി കഴിഞ്ഞയാഴ്ച പൊളിച്ചുനീക്കിയിരുന്നു. അളവുകളിൽ സംഭവിച്ച പാകപ്പിഴയാണ് ഭിത്തി പൊളിച്ചുനീക്കാൻ കാരണമെന്നായിരുന്നു കരാർതൊഴിലാളികളുടെ വിശദീകരണം. പൊളിച്ചുമാറ്റിയതിനുശേഷം കഴിഞ്ഞദിവസം വീണ്ടും നിർമിച്ചെങ്കിലും ഇന്നലെ അവ വീണ്ടും പൊളിച്ചുനീക്കി. അപകാതയെതുടർന്നാണ് വീണ്ടും പൊളിച്ചതത്രേ. കാനകളുടെ കാര്യത്തിലും നിർമിക്കുക, പൊളിക്കുക, വീണ്ടും നിർമിക്കുക, പൊളിക്കുക എന്നതാണ് നടന്നുകൊണ്ടിരുന്നത്. അടിപ്പാതനിർമാണം എന്നു പൂർത്തിയാകുമെന്ന കാര്യത്തിൽ പ്രദേശവാസികൾ ഏറെ ആശങ്കയിലാണ്.

മുഖ്യമന്ത്രി മൗനം വെടിയണം: മുസ്‌ലിം ലീഗ്

തൃശൂർ: പോലീസ് ഗുണ്ടായിസത്തിൽ ജനങ്ങൾ ഭീതിയിലാഴ്ന്നിട്ടും സമാധാനം പറയേണ്ട മുഖ്യമന്ത്രി മൗനം തുടരുന്നതു ദുരൂഹമാണെന്നു മുസ്ലിം ലീഗ് ജില്ലാ നേതൃയോഗം അഭിപ്രായപ്പെട്ടു. ജനങ്ങൾക്കു സുരക്ഷനൽകേണ്ട പോലീസ് സംവിധാനം ക്വട്ടേഷൻ സംഘത്തെക്കാൾ അധഃപതിച്ചിരിക്കുകയാണ്. ആഭ്യന്തരം കൈകാര്യം ചെയ്യുന്ന മുഖ്യമന്ത്രിയാകട്ടെ രാഷ്ട്രീയ എതിരാളികളെയും സമരക്കാരെയും നേരിടുന്നതിനു പോലീസിനെ ഗുണ്ടകളാക്കി രംഗത്തിറക്കുന്നു. എഡിജിപി അജിത് കുമാറിനു പിന്നാന്പുറ സംരക്ഷണം ഒരുക്കി വഴിവിട്ട കളികൾ നടത്തുന്ന മുഖ്യമന്ത്രി പോലീസിനെ ദുരുപയോഗം ചെയ്യുന്നതു തുടരുകയാണ്. അതിനാലാണ് മുഖ്യമന്ത്രി മൗനത്തിലായതെന്നും ജില്ലാ നേതൃയോഗം അഭിപ്രായപ്പെട്ടു. സംസ്ഥാനസെക്രട്ടറിയും ജില്ലയുടെ നിരീക്ഷകനുമായ അബ്ദുറൻ രണ്ടത്താണി ഉദ്ഘാടനം നിർവഹിച്ചു. ജില്ലാ പ്രസിഡന്‍റ് സി.എ. മുഹമ്മദ് റഷീദ് അധ്യക്ഷനായി. സംസ്ഥാന വൈസ് പ്രസിഡന്‍റ് സി.എച്ച്. റഷീദ്, സെക്രട്ടറി പി.എം. സാദിഖലി, പി.എം. അമീർ, ട്രഷറർ ആർ.വി. അബ്ദുൽ റഹീം തുടങ്ങിയവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]