സ്വ​ന്തം ലേ​ഖ​ക​ൻ

തൃ​ശൂ​ർ: സൗ​ന്ദ​ര്യ​വ​ത്ക​ര​ണ​ത്തി​ന്‍റെ പേ​രി​ൽ മ​ര​ങ്ങ​ൾ മു​റി​ച്ചു​മാ​റ്റു​ന്ന​തി​നെ​തി​രേ വി​ജി​ല​ൻ​സി​നു പ​രാ​തി​യു​മാ​യി നെ​ടു​പു​ഴ സ്വ​ദേ​ശി​യും പൊ​തു​പ്ര​വ​ർ​ത്ത​ക​നു​മാ​യ എ.​ജെ. ജെ​യിം​സ്. തൃ​ശൂ​ർ കോ​ർ​പ​റേ​ഷ​ൻ കൂ​ർ​ക്ക​ഞ്ചേ​രി സോ​ണ​ൽ ഓ​ഫീ​സി​നു കീ​ഴി​ൽ വ​രു​ന്ന ക​ണി​മം​ഗ​ലം നെ​ടു​പു​ഴ പ​ന​മു​ക്ക് ബ​ണ്ട് റോ​ഡ് ന​വീ​ക​ര​ണ​ത്തി​നും സൗ​ന്ദ​ര്യ​വ​ത്ക​ര​ണ​ത്തി​നും വേ​ണ്ടി ബ​ണ്ട് റോ​ഡ​രി​കി​ലെ മ​ര​ങ്ങ​ൾ മു​റി​ച്ചു​മാ​റ്റു​ന്ന​തി​നെ​തി​രേ​യാ​ണ് പ​രാ​തി.

ക​ണി​മം​ഗ​ലം പ​ന​മു​ക്ക് നെ​ടു​പു​ഴ റോ​ഡ് ര​ണ്ടു ഘ​ട്ട​ങ്ങ​ളി​ലാ​യി ന​വീ​ക​ര​ണ​വും സൗ​ന്ദ​ര്യ​വ​ത്ക​ര​ണ​വും ന​ട​ത്തു​ന്ന​തി​ന് അ​നു​മ​തി ന​ൽ​കി​യി​രു​ന്നു. ഈ ​റോ​ഡി​ലെ 300 മീ​റ്റ​റോ​ളം വ​രു​ന്ന ബ​ണ്ട് റോ​ഡി​ൽ നി​ൽ​ക്കു​ന്ന ചെ​റു​തും വ​ലു​തു​മാ​യ മു​പ്പ​തോ​ളം മ​ര​ങ്ങ​ൾ മു​റി​ച്ചു​വി​ൽ​ക്കു​ന്ന​തി​നും റോ​ഡ​രി​കി​ൽ കാ​ന, ന​ട​പ്പാ​ത എ​ന്നി​വ നി​ർ​മി​ക്കാ​തെ ഈ ​സ്ഥ​ല​ത്തു ബ​ണ്ട് റോ​ഡി​നോ​ടു​ചേ​ർ​ന്ന് പാ​ടം​നി​ക​ത്തി ഓ​പ്പ​ണ്‍ ജിം ​സ്ഥാ​പി​ക്കു​ന്ന​തി​നും എ​തി​രേ​യാ​ണ് ജെ​യിം​സ് പ​രാ​തി ന​ൽ​കി​യ​ത്. സം​ഭ​വ​ത്തി​ൽ ചീ​ഫ് ടൗ​ണ്‍ പ്ലാ​നിം​ഗ് ഓ​ഫി​സ​ർ​ക്കും ജെ​യം​സ് പ​രാ​തി സ​മ​ർ​പ്പി​ച്ചി​ട്ടു​ണ്ട്.

മ​ര​ങ്ങ​ളു​ടെ ബ​ല​ത്തി​ലാ​ണ് ബ​ണ്ടു​ക​ൾ ഇ​ത്ര​യും നാ​ളും കേ​ടു​പാ​ടു​ക​ൾ ഇ​ല്ലാ​തെ നി​ല​നി​ന്നി​രു​ന്ന​തെ​ന്നും മ​ര​ങ്ങ​ൾ മു​റി​ച്ചു​മാ​റ്റു​ന്ന​തി​ലൂ​ടെ അ​വ​യ്ക്കു ത​ക​രാ​ർ സം​ഭ​വി​ക്കാ​ൻ ഇ​ട​യു​ണ്ടെ​ന്നും പൊ​തു​പ്ര​വ​ർ​ത്ത​ക​ൻ ആ​ല​ത്ത് ഗോ​പി​യും ആ​രോ​പി​ച്ചു.

ആ​രോ​പ​ണം ത​ള്ളി കൗ​ണ്‍​സി​ല​ർ

പ​ന​മു​ക്ക് ക​ണി​മം​ഗ​ലം റോ​ഡി​ന്‍റെ സൗ​ന്ദ​ര്യ​വ​ത്ക​ര​ണ​ത്തി​ന്‍റെ ഭാ​ഗ​മാ​യി ഏ​ർ​പ്പെ​ടു​ത്തി​യ പ്രോ​ജ​ക്ടാ​ണ് ഓ​പ്പ​ണ്‍ സ്ട്രീ​റ്റ് ഓ​പ്പ​ണ്‍ ജിം ​എ​ന്ന​തെ​ന്നു കൗ​ൺ​സി​ല​ർ എ.​ആ​ർ രാ​ഹു​ൽ​നാ​ഥ് പ​റ​ഞ്ഞു. ഇ​തി​നാ​യി ര​ണ്ട​ര​ക്കോ​ടി രൂ​പ​യാ​ണ് വ​ക​യി​രു​ത്തി​യി​രി​ക്കു​ന്ന​ത്. പ​ദ്ധ​തി​യെ ക​രു​തി​ക്കൂ​ട്ടി ത​കി​ടം​മ​റി​ക്കാ​ൻ വേ​ണ്ടി​യാ​ണു പ​രാ​തി​ക്കാ​ര​ൻ രം​ഗ​ത്തു​വ​ന്നി​രി​ക്കു​ന്ന​ത്. പ​രാ​തി​ക്കാ​ര​ൻ കാ​ന​യി​ല്ല എ​ന്നു​പ​റ​യു​ന്നി​ട​ത്തു ര​ണ്ടി​ട​ങ്ങ​ളി​ലാ​യും കാ​ന​നി​ർ​മാ​ണം പൂ​ർ​ത്തീ​ക​രി​ച്ചി​ട്ടു​ണ്ട്. അ​തി​നു​മു​ക​ളി​ൽ സ്ലാ​ബും സ്ഥാ​പി​ച്ചി​ട്ടു​ണ്ട്.