എ​ട​ത്തി​രു​ത്തി, ക​യ്പ​മം​ഗ​ലം പ​ഞ്ചാ​യ​ത്തു​ക​ളുടെ കി​ഴ​ക്ക​ൻമേ​ഖ​ല​ക​ൾ വെ​ള്ള​ത്തി​ൽ മു​ങ്ങി
Saturday, August 3, 2024 1:06 AM IST
എ​ട​ത്തി​രു​ത്തി: ക​നോ​ലി​ക​നാ​ൽ ക​ര​ക​വി​ഞ്ഞ് എ​ട​ത്തി​രു​ത്തി, ക​യ്പ​മം​ഗ​ലം പ​ഞ്ചാ​യ​ത്തു​ക​ളി​ലെ കി​ഴ​ക്ക​ൻ മേ​ഖ​ല​ക​ൾ വെ​ള്ള​ത്തി​ൽ മു​ങ്ങി. മു​ന്നൂ​റോ​ളംപേ​ർ ദു​രി​താ​ശ്വാ​സ ക്യാ​മ്പി​ൽ ക​ഴി​യു​ക​യാ​ണ്. ഡാ​മു​ക​ളി​ൽ നി​ന്നു​ള്ള വെ​ള്ളം തു​റ​ന്നുവി​ട്ട​തോ​ടെ​യാ​ണ് ക​നോ​ലി ക​നാ​ൽ ക​ര​ക​വി​ഞ്ഞ​ത്.

ആ​ദ്യ ദി​വ​സ​ങ്ങ​ളി​ൽ താ​ഴ്ന്നപ്ര​ദേ​ശ​മാ​യ എ​ട​ത്തി​രു​ത്തി പ​ഞ്ചാ​യ​ത്തി​ലെ കോ​ഴി​ത്തു​മ്പ് പ്ര​ദേ​ശം മാ​ത്ര​മാ​ണ് വെ​ള്ള​ക്കെ​ട്ടി​ലാ​യ​ത്. അ​ടു​ത്ത ദി​വ​സം മു​ത​ൽ പൈ​നൂ​ർ, പ​ല്ല, ക​യ്പ​മം​ഗ​ലം പ​ഞ്ചാ​യ​ത്തി​ലെ പാ​ലി​യംചി​റ, എ​ൽ​ബി​എ​സ് കു​ടു​ബകൂ​ട്ടാ​യ്മ, കാ​ക്കാ​ത്തി​രു​ത്തി, അ​മ്പ​ലന​ട കി​ഴ​ക്ക്, കൂ​നി​പ്പറ​മ്പ് തു​ട​ങ്ങി​യ ഭാ​ഗ​ങ്ങ​ളി​ലും വെ​ള്ളം ക​യ​റി. നൂ​റി​ല​ധി​കം വീ​ടു​ക​ളാ​ണ് വെ​ള്ള​ക്കെ​ട്ടി​ലാ​യി​ട്ടു​ള്ള​ത്. പ​ല വീ​ട്ടു​കാ​രും സാ​ധ​ന​ങ്ങ​ളെ​ല്ലാം സു​ര​ക്ഷി​ത സ്ഥാ​ന​ങ്ങ​ളി​ലേ​ക്കു ക​യ​റ്റി വ​ച്ച് ബ​ന്ധു​വീ​ടു​ക​ളി​ലേ​ക്കു മാ​റി​യി​രി​ക്കു​ക​യാ​ണ്.


കാ​ക്കാ​ത്തി​രു​ത്തി ഇ​സത്തു​ൽ ഇ​സ്‌ലാം മ​ദ്ര​സ​യി​ലാ​ണു ക​യ്പ​മം​ഗ​ലം ഗ്രാ​മപ​ഞ്ചാ​യ​ത്തി​ലെ ദു​രി​താ​ശ്വാ​സ ക്യാ​മ്പ് പ്ര​വ​ർ​ത്തി​ക്കു​ന്ന​ത്. ഇ​വി​ടെ 31 കു​ടും​ബ​ങ്ങ​ളി​ൽനി​ന്നാ​യി 79 പേ​രാ​ണു ക്യാ​മ്പി​ലു​ള്ള​ത്. എ​ട​ത്തി​രു​ത്തി ഗ്രാ​മ​പ​ഞ്ചാ​യ​ത്തി​ന്‍റെ ചാ​മ​ക്കാ​ല ഗ​വ. മാ​പ്പി​ള ഹ​യ​ർ സെ​ക്ക​ൻഡറി സ്കൂ​ളി​ലെ ദു​രി​താ​ശ്വാ​സ ക്യാ​മ്പി​ൽ 33 കു​ടും​ബ​ങ്ങ​ളി​ൽനി​ന്നു​ള്ള 112 പേ​രാ​ണുള്ള​ത്. ഇ​വ​ർ​ക്കുവേ​ണ്ട ഭ​ക്ഷ​ണ​വും മ​റ്റും പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ന​ൽ​കി​വ​രു​ന്നു​ണ്ട്.