ADVERTISEMENT

ADVERTISEMENT

കെഎസ്‌യു പ്രസിഡന്‍റായി ചുമതലയേറ്റു

മൂവാറ്റുപുഴ: കെഎസ്‌യു മൂവാറ്റുപുഴ നിയോജകമണ്ഡലം പ്രസിഡന്‍റായി ആൽബിൻ യാക്കോബ് ചുമതലയേറ്റു. മുൻ പ്രസിഡന്‍റ് ജെറിൻ ജേക്കബ് പോളിൽ നിന്നും ചുമതല കൈമാറിയ ചടങ്ങ് കെപിസിസി രാഷ്ട്രീയകാര്യ സമിതിയംഗം ജോസഫ് വാഴയ്ക്കൻ ഉദ്ഘാടനം ചെയ്തു. നഗരസഭാധ്യക്ഷൻ പി.പി. എൽദോസ്, കോണ്‍ഗ്രസ് ബ്ലോക്ക് പ്രസിഡന്‍റ് സാബു ജോണ്‍,

ബ്ലോക്ക് പഞ്ചായത്ത് പ്രസിഡന്‍റ് കെ.ജി. രാധാകൃഷ്ണൻ, കെ.പി. ജോയ്, യൂത്ത് കോണ്‍ഗ്രസ് സംസ്ഥാന സെക്രട്ടറിമാരായ മുഹമ്മദ് റഫീഖ്, എബി പൊങ്ങണത്തിൽ, ജില്ലാ ഭാരവാഹികളായ ഒ.എസ്. സൽമാൻ, മാഹിൻ അബൂബക്കർ, വി.എസ്. ഷെഫാൻ, കെഎസ്‌യു സംസ്ഥാന, ജില്ലാ ഭാരവാഹികൾ തുടങ്ങിയവർ പ്രസംഗിച്ചു.

ADVERTISEMENT

പ്രതിഷേധ റാലി നടത്തി

കോതമംഗലം: ആന്‍റണി ജോൺ എംഎൽഎക്കെതിരെയും എൽഡിഎഫിനെതിരെയും കോൺഗ്രസും യുഡിഎഫും നടത്തുന്ന കുപ്രചാരണങ്ങൾക്കെതിരെ എൽഡിഎഫ് കോതമംഗലം നിയോജകമ ണ്ഡലം കമ്മറ്റി പ്രതിഷേധ റാലിയും പൊതുസമ്മേളനവും നടത്തി. കോതമംഗലം കെഎസ്ആർടിസി ജംഗ്ഷനിൽ നിന്നും ആരംഭിച്ച് നഗരംചുറ്റി കോതമംഗലം മുനിസിപ്പൽ ബസ്‌സ്റ്റാൻഡ് പരിസരത്ത് റാലി സമാപിച്ചു. തുടർന്ന് നടത്തിയ പ്രതിക്ഷേധ പൊതുസമ്മേളനം സിപിഎം ജില്ലാ സെക്രട്ടറിയേറ്റ് അംഗം ആർ. അനിൽകുമാർ ഉദ്ഘാടനം ചെയ്തു. സിപിഐ താലൂക്ക് സെക്രട്ടറി പി.ടി. ബെന്നി അധ്യക്ഷത വഹിച്ചു. ആന്‍റണി ജോൺ എംഎൽഎ, സിപിഎം ജില്ലാ സെക്രട്ടറിയേറ്റ് അംഗം ഷാജി മുഹമ്മദ്, ഏരിയ സെക്രട്ടറിമാരായ കെ.എ. ജോയി, എ.എ. അൻഷാദ് തുടങ്ങിയവർ പ്രസംഗിച്ചു.

ഉമ്മൻചാണ്ടി അനുസ്മരണം

മൂവാറ്റുപുഴ: മൂവാറ്റുപുഴ ബ്ലോക്ക് കോണ്‍ഗ്രസ് കമ്മിറ്റി മാറാടി സ്നേഹ ഭവനിലെ അമ്മമാരോടൊപ്പം ഉമ്മൻചാണ്ടി അനുസ്മരണം നടത്തി. മാത്യു കുഴൽനാടൻ എംഎൽഎ ചടങ്ങ് ഉദ്ഘാടനം ചെയ്തു. ബ്ലോക്ക് പ്രസിഡന്‍റ് സാബു ജോണ്‍ അധ്യക്ഷത വഹിച്ചു. യൂത്ത് കോണ്‍ഗ്രസ് ടൗണ്‍ മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച അനുസ്മരണം മാറാടി സ്നേഹവീട് അഗതി മന്ദിരത്തിൽ കെപിസിസി അംഗം എ. മുഹമ്മദ്ബഷീർ ഉദ്ഘാടനം ചെയ്തു. ഇവിടെ ഭക്ഷണ വിതരണവും നടത്തി. ടൗണ്‍ മണ്ഡലം പ്രസിഡന്‍റ് മുഹമ്മദ് സാബിത്ത് അധ്യക്ഷത വഹിച്ചു. യൂത്ത് കോണ്‍ഗ്രസ് ആവോലി മണ്ഡലം കമ്മിറ്റിയുടെ ആഭിമുഖ്യത്തില്‍ പ്രൊവിഡന്‍സ് ഹോം നടുക്കരയിലെ അന്തേവാസികള്‍ക്കൊപ്പം ഉമ്മൻചാണ്ടി അനുസ്മരണ പരിപാടി നടത്തി. യൂത്ത് കോണ്‍ഗ്രസ് സംസ്ഥാന സെക്രട്ടറി മുഹമ്മദ് റഫീക്ക് അനുസ്മരണം പ്രഭാഷണം നടത്തി. മണ്ഡലം പ്രസിഡന്‍റ് സജോ സണ്ണി അധ്യക്ഷത വഹിച്ചു. മൂവാറ്റുപുഴ നിയോജക മണ്ഡലം കമ്മിറ്റിയുടെ നേതൃത്വത്തിൽ മുൻ മുഖ്യമന്ത്രി ഉമ്മൻ ചാണ്ടി, മുൻ കെപിസിസി പ്രസിഡന്‍റ് സി.വി. പത്മരാജൻ എന്നിവരെ അനുസ്മരിച്ചു. സംസ്ഥാന വൈസ് പ്രസിഡന്‍റ് മുഹമ്മദ് പനയ്ക്കൽ ഉദ്ഘാടനം ചെയ്തു. നിയോജക മണ്ഡലം പ്രസിഡന്‍റ് കെ.വി. കുര്യാക്കോസ് അധ്യക്ഷത വഹിച്ചു. പോത്താനിക്കാട്: കോണ്‍ഗ്രസ് പോത്താനിക്കാട് മണ്ഡലം കമ്മിറ്റിയുടെ ആഭിമുഖ്യത്തിൽ അനുസ്മരണം സംഘടിപ്പിച്ചു. മണ്ഡലം പ്രസിഡന്‍റ് ഷാജി സി. ജോണ്‍ പുഷ്പാർച്ചന നടത്തി. തുടർന്ന് പോത്താനിക്കാട് അന്ധവിദ്യാലയത്തിലെ അന്തേവാസികൾക്ക് അരിയും പലവ്യഞ്ജനങ്ങളും വിതരണം ചെയ്തു. പൈങ്ങോട്ടൂർ മണ്ഡലം കമ്മിറ്റിയുടെ നേതൃത്വത്തിൽ നടത്തിയ അനുസ്മരണയോഗം ബ്ലോക്ക് പഞ്ചായത്തംഗം ആനീസ് ഫ്രാൻസീസ് ഉദ്ഘാടനം ചെയ്തു. മണ്ഡലം പ്രസിഡന്‍റ് റോബിൻ ഏബ്രഹാം അധ്യക്ഷത വഹിച്ചു. കർഷക കോൺഗ്രസ് സംസ്ഥാന ജനറൽ സെക്രട്ടറി മാണി പിട്ടാപ്പിള്ളിൽ മുഖ്യപ്രഭാഷണം നടത്തി. കോതമംഗലം: കർഷക കോണ്‍ഗ്രസ് നിയോജക മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച മുൻ മുഖ്യമന്ത്രി ഉമ്മൻ ചാണ്ടിയുടെ രണ്ടാം ചരമവാർഷിക അനുസ്മരണം ജില്ലാ പഞ്ചായത്ത് മുൻ പ്രസിഡന്‍റ് ഉല്ലാസ് തോമസ് ഉദ്ഘാടനം ചെയ്തു. നിയോജക മണ്ഡലം പ്രസിഡന്‍റ് ജെയിംസ് കോറന്പേൽ അധ്യക്ഷത വഹിച്ചു. ‘ഉമ്മൻചാണ്ടിയും ജനപ്രിയ പദ്ധതികളും‘ സെമിനാറും നടന്നു. കർഷക കോണ്‍ഗ്രസ് സംസ്ഥാന ജനറൽ സെക്രട്ടറി പി.സി. ജോർജ് അനുസ്മരണ പ്രമേയം അവതരിപ്പിച്ചു. കോതമംഗലം ബ്ലോക്ക് കോണ്‍ഗ്രസ് കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച അനുസ്മരണം പുതുപ്പാടി കാരക്കുന്നം പ്രൊവിഡൻസ് ഹോമിൽ നഗരസഭാ മുൻ അധ്യക്ഷൻ പി.പി ഉതുപ്പാൻ ഉദ്ഘാടനം ചെയ്തു. ഷമീർ പനക്കൽ അധ്യക്ഷതവഹിച്ചു. ഉമ്മൻ ചാണ്ടി പാലിയേറ്റീവ് ഫൗണ്ടേഷൻ അനുസ്മണം നടത്തി. വാഴക്കുളം: യൂത്ത് കോണ്‍ഗ്രസ് ആവോലി മണ്ഡലം കമ്മിറ്റിയുടെ ആഭിമുഖ്യത്തിൽ പ്രൊവിഡൻസ് ഹോം നടുക്കരയിലെ അന്തേവാസികൾക്കൊപ്പം ഉമ്മൻ ചാണ്ടി അനുസ്മരണം സംഘടിപ്പിച്ചു. യൂത്ത് കോണ്‍ഗ്രസ് സംസ്ഥാന സെക്രട്ടറി മുഹമ്മദ് റഫീക്ക് അനുസ്മരണ പ്രഭാഷണം നടത്തി. യൂത്ത് കോണ്‍ഗ്രസ് മണ്ഡലം പ്രസിഡന്‍റ് സജോ സണ്ണി അധ്യക്ഷത വഹിച്ചു. വടാട്ടുപാറ: ഉമ്മൻ ചാണ്ടി പാലിയേറ്റീവ് ഫൗണ്ടേഷൻ വടാട്ടുപാറ ഗ്രൗണ്ട് ജംഗ്ഷനിൽ സംഘടിപ്പിച്ച അനുസ്മണ സമ്മേളനം ബ്ലോക്ക് പഞ്ചായത്ത് സ്ഥിരംസമിതി അധ്യക്ഷൻ ജെയിംസ് കോറന്പേൽ ഉദ്ഘാടനം ചെയ്തു. മേഖല ചെയർമാൻ ജോബി കാരാംഞ്ചേരി അധ്യക്ഷത വഹിച്ചു. കോട്ടപ്പടി: കോണ്‍ഗ്രസ് കോട്ടപ്പടി മണ്ഡലം കമ്മറ്റിയുടെ നേതൃത്വത്തിൽ സംഘടിപ്പിച്ച അനുസ്മരണ പരിപാടിയിൽ കോട്ടപ്പടി പഞ്ചായത്ത് മുൻ പ്രസിഡന്‍റ് എം.കെ വേണു അനുസ്മരണ പ്രഭാഷണം നടത്തി. മണ്ഡലം പ്രസിഡന്‍റ് കെ.കെ. സുരേഷ് അധ്യക്ഷത വഹിച്ചു. നേര്യമംഗലം: നേര്യമംഗലം മണ്ഡലം കോണ്‍ഗ്രസ് കമ്മിറ്റിയുടെ നേതൃത്തിൽ സംഘടിപ്പിച്ച അനുസ്മരണ സമ്മേളനം പുത്തൻകുരിശ് ഐഎൻടിയുസി ഓഫീസിൽ പഞ്ചായത്ത് മുൻ പ്രസിഡന്‍റ് സൈജന്‍റ് ചാക്കോ ഉദ്ഘാടനം ചെയ്തു. മണ്ഡലം യുഡിഎഫ് ചെയർമാൻ ജയ്മോൻ ജോസ് അധ്യക്ഷത വഹിച്ചു. പിറവം: കോൺഗ്രസ്‌ മണ്ഡലം കമ്മറ്റിയുടെ നേതൃത്വത്തിൽ സംഘടിപ്പിച്ച അനുസ്മരണ യോഗം ഡിസിസി സെക്രട്ടറി കെ. ആർ. പ്രദീപ്‌കുമാർ ഉദ്ഘാടനം ചെയ്തു. പിറവം ഇന്ദിരാ ഭവനിൽ നടന്ന ചടങ്ങിൽ മണ്ഡലം പ്രസിഡന്‍റ് അരുൺ കല്ലറക്കൽ അധ്യക്ഷത വഹിച്ചു. അനുസ്മരണ പരിപാടികളുടെ ഭാഗമായി പിറവം നഗരസഭയിലെ 28 വാർഡുകളിലൂടെ കടന്നുപോകുന്ന ഉമ്മൻ ചാണ്ടി സ്മൃതി ജനസമ്പർക്ക യാത്ര 31 മുതൽ ഓഗസ്റ്റ് 30വരെ നടത്തും. ഇലഞ്ഞി: മണ്ഡലം കോണ്‍ഗ്രസ് കമ്മിറ്റിയുടെ ആഭിമുഖ്യത്തിൽ അനുസ്മരണവും പുഷ്പാർച്ചനയും നടത്തി. മണ്ഡലം പ്രസിഡന്‍റ് സിജുമോൻ പുല്ലംപറയിൽ, ബ്ലോക്ക് ഭാരവാഹികൾ തുടങ്ങിയവർ അനുസ്മരണ പ്രഭാഷണം നടത്തി. ഇതോടനുബന്ധിച്ച് ടൗണിൽ പാച്ചോർ വിതരണവും ഇലഞ്ഞി ഗവ. എൽപി സ്കൂളിലെ കുട്ടികൾക്ക് ബാഗും കുടയും നൽകി.

പോക്സോ ബോധവത്കരണ ശില്പശാല

മൂവാറ്റുപുഴ: ബംഗളൂരു ആസ്ഥാനമായി പ്രവർത്തിക്കുന്ന എംഎസ്‌സി കന്പനിയുടെ സഹകരണത്തോടെ ഡിവിനിറ്റി സർവീസ് പേഴയ്ക്കാപ്പിള്ളി ഗവ. ഹയർ സെക്കൻഡറി സ്കൂളിൽ പോക്സോ, സൈബർ സുരക്ഷ, ലൈംഗിക വിദ്യാഭ്യാസം എന്നിവയിൽ ബോധവത്കരണ ശില്പശാല സംഘടിപ്പിച്ചു. സ്കൂൾ കൗണ്‍സിലിംഗ് ക്ലബിന്‍റെ നേതൃത്വത്തിലാണ് പരിപാടി സംഘടിപ്പിച്ചത്. കോലഞ്ചേരി മെഡിക്കൽ കോളജ് ലഹരി വിമുക്തി വിഭാഗം മേധാവി ഫ്രാൻസിസ് മൂത്തേടൻ ഉദ്ഘാടനം ചെയ്തു. കുട്ടികൾക്കായി സംഘടിപ്പിച്ച സ്കിറ്റിന് സെബാസ്റ്റ്യൻ പുൽരാജ് ചെന്നൈ, കൃഷ്ണകുമാർ എന്നിവർ നേതൃത്വം നൽകി. പ്രധാനാധ്യാപിക എ. സഫീന പദ്ധതി വിശദീകരണം നടത്തി. ഡിവിനിറ്റി എക്സിക്യുട്ടീവംഗങ്ങളായ നന്ദന സുനിൽ, അഞ്ജന പത്മനാഭൻ, സ്കൂൾ കൗണ്‍സിലർ പി.ആർ. അനുമോൾ, അധ്യാപകരായ പി.എം. റഹ്മത്ത്, പി.ഇ സബിത, ഗീതു ജി. നായർ, ടി. പ്രതാപ്കുമാർ എന്നിവർ പ്രസംഗിച്ചു.

മൂവാറ്റുപുഴ ബ്ലോക്ക് പഞ്ചായത്ത് ഓഫീസ് ഉദ്ഘാടനം ചെയ്തു

മൂവാറ്റുപുഴ: നവീകരിച്ച മൂവാറ്റുപുഴ ബ്ലോക്ക് പഞ്ചായത്ത് ഓഫീസിന്‍റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്‍റ് കെ.ജി. രാധാകൃഷ്ണൻ നിർവഹിച്ചു. ജനങ്ങൾക്ക് കൂടുതൽ സൗകര്യപ്രദമായ ഫ്രണ്ട് ഓഫീസ് സൗകര്യം ഉൾപ്പെടെ 35 ലക്ഷം രൂപയുടെ നവീകരണ പ്രവർത്തനങ്ങളാണ് നടത്തിയത്. ബ്ലോക്ക് പഞ്ചായത്ത് വൈസ് പ്രസിഡന്‍റ് ജോസി ജോളി അധ്യക്ഷത വഹിച്ചു. മാറാടി പഞ്ചായത്ത് പ്രസിഡന്‍റ് ഒ.പി. ബേബി, സ്ഥിരംസമിതി അധ്യക്ഷരായ സാറാമ്മ ജോണ്‍, ഷിവാഗോ തോമസ്, ബ്ലോക്ക് പഞ്ചായത്തംഗങ്ങളായ മേഴ്സി ജോർജ്, ബെസ്റ്റിൻ ചേറ്റൂർ, റിയാസ് ഖാൻ, ബിനി ഷൈമോൻ, ഒ.കെ. മുഹമ്മദ്, സിബിൾ സാബു, പ്രഫ. ജോസ് അഗസ്റ്റിൻ, സെക്രട്ടറി ടി.വി. പ്രശാന്ത്, അസി. എക്സിക്യൂട്ടീവ് എൻജിനീയർ എ.കെ. ഷീജ തുടങ്ങിയവർ പ്രസംഗിച്ചു.

പെരുമ്പാമ്പിനെ പിടികൂടി

മൂവാറ്റുപുഴ: കാവുംപടി റോഡില്‍ പുരയിടത്തിൽ നിന്നും പെരുമ്പാമ്പിനെ പിടികൂടി. മൂവാറ്റുപുഴ കോടതി സമുച്ചയത്തിനു സമീപമുള്ള അശോകന്‍റെ വീട്ടില്‍ നിന്നാണ് ഇന്നലെ ഉച്ചകഴിഞ്ഞ് രണ്ടോടെ 15 കിലോയോളം തൂക്കം വരുന്ന പെരുമ്പാമ്പിനെ പിടികൂടിയത്. വീടിന്റെ മേല്‍ക്കൂരയില്‍ അറ്റകുറ്റപണികള്‍ നടത്താന്‍ എത്തിയ തൊഴിലാളികളാണ് മേല്‍ക്കൂരയില്‍ നിന്ന് പെരുമ്പാമ്പിനെ കണ്ടെത്തിയത്. വീടിന്‍റെ രണ്ടാം നിലയിലെ ഓടിന് താഴെയായി കഴുക്കോലില്‍ കുരുങ്ങിയ നിലയിലാണ് പെരുമ്പാമ്പിനെ കണ്ടെത്തിയത്. തുടര്‍ന്ന് കോതമംഗലം വനംവകുപ്പിന് കീഴിലുള്ള പാമ്പുപിടുത്ത വിദഗ്ധന്‍ സേവി തോമസെത്തി പാമ്പിനെ പിടികൂടുകയായിരുന്നു. ഇരവിഴുങ്ങിയ നിലയിലായിരുന്നു പെരുമ്പാമ്പുണ്ടായിരുന്നത്. പിടികൂടിയ പാമ്പിനെ കോതമംഗലം വനം വകുപ്പിനു കൈമാറി.

യൂത്ത് കോൺഗ്രസ് പ്രതിഷേധിച്ചു

കോലഞ്ചേരി: കൊല്ലം തേവലക്കരയിൽ ഷോക്കേറ്റ് വിദ്യാർഥി മരിച്ച സംഭവത്തിൽ പ്രതിഷേധിച്ച് യൂത്ത് കോൺഗ്രസ് കുന്നത്തുനാട് നിയോജക മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി. യൂത്ത് കോൺഗ്രസ് ജില്ലാ ജനറൽ സെക്രട്ടറി റസീഫ് അൽ സിറാജ് ഉദ്ഘാടനം നിർവഹിച്ചു. നിയോജകമണ്ഡലം പ്രസിഡന്റ് ജയ്സൽ ജബ്ബാർ അധ്യക്ഷനായി. ബിനിൽ ചാക്കോ, ഷൈജു തുടങ്ങിയവർ നേതൃത്വം നൽകി.

ലഹരിവിരുദ്ധ ബോധവത്കരണം

കോതമംഗലം: സെന്‍റ് ജോർജ് ഹയർ സെക്കൻഡറി സ്കൂളിൽ ലഹരിവിരുദ്ധ ബോധവത്കരണ ക്ലാസ് നടത്തി. കേരള സോഷ്യൽ സർവീസ് ഫോറവും കാരിത്താസ് ഇന്ത്യയും സംയുക്തമായി ചേർന്ന് കേരളത്തിലെ 32 രൂപതകളിലുമായി നടപ്പാക്കുന്ന ‘സജീവം’ ലഹരി വിരുദ്ധ ക്യാന്പയിന്‍റെ ഭാഗമായ ക്ലാസാണ് നടന്നത്. കോതമംഗലം രൂപത സോഷ്യൽ സർവീസ് സൊസൈറ്റി അസി. ഡയറക്ടർ ഫാ. പൗലോസ് നെടുംതടത്തിൽ ഉദ്ഘാടനം ചെയ്തു. മജീഷ്യൻ ജോയിസ് മുക്കുടം മാജിക്കിലൂടെ ലഹരിവിരുദ്ധ ബോധവത്കരണം നടത്തി. പ്രിൻസിപ്പൽ ജെയിൻ ജോസ്, പ്രധാനാധ്യാപിക സ്റ്റെല്ലാ മാത്യു, സജീവം രൂപത കോ-ഓർഡിനേറ്റർ ജോണ്‍സൻ കറുകപ്പിള്ളിൽ, കെസിബിസി മദ്യവിരുദ്ധ സമിതി മധ്യമേഖലാ പ്രസിഡന്‍റ് ജെയിംസ് കോറന്പേൽ, ജോസ് പോൾ എന്നിവർ പ്രസംഗിച്ചു. വിദ്യാർഥികൾ ലഹരി വിരുദ്ധ പ്രതിജ്ഞയെടുത്തു.

കരാട്ടെ ചാന്പ്യൻഷിപ്പിൽ തിളങ്ങി ക്രിസ്തുജ്യോതി

കോതമംഗലം: സിഐഎസ്‌സിഇ കേരള റീജണിന്‍റെ ആഭിമുഖ്യത്തിൽ സ്പോർട്സ് ആൻഡ് ഗെയിംസിന്‍റെ ഭാഗമായി കാലടി സെന്‍റ് ജോർജ് പാരിഷ് ഹാളിൽ നടന്ന സോണ്‍ ഡി കരാട്ടെ ചാന്പ്യൻഷിപ്പിൽ കോതമംഗലം ക്രിസ്തുജ്യോതി ഇന്‍റർനാഷണൽ സ്കൂൾ രണ്ട് സ്വർണ മെഡൽ ഉൾപ്പെടെ ഒന്പത് മെഡലുകൾ കരസ്ഥമാക്കി. 20 കുട്ടികളാണ് സ്കൂളിനെ പ്രതിനിധീകരിച്ച് പങ്കെടുത്തത്. സ്കൂളിൽ ചേർന്ന അനുമോദന യോഗത്തിൽ അസി. അഡ്മിനിസ്ട്രേറ്റർ ഫാ. ജെയിംസ് മുണ്ടോലിക്കൽ, പ്രിൻസിപ്പൽ സോജൻ മാത്യു, ടിന്‍റു മാത്യു, സജന ബേബി, മഹിമ ജോണ്‍, എന്നിവർ താരങ്ങളെയും പരിശീലകൻ ജോയി പോളിനേയും അനുമോദിച്ചു. ജോവാന എൽസ ജോബി, ഏഞ്ചൽ മരിയ ആന്‍റണി എന്നിവർ പ്രസംഗിച്ചു.

പിറവത്ത് സ്വകാര്യ ബസ് ജീവനക്കാർ മിന്നൽ പണിമുടക്ക് നടത്തി

യാത്രക്കാർ പെരുവഴിയിലായി പിറവം: പിറവത്ത് ഇന്നലെ നടന്ന സ്വകാര്യ ബസ് ജീവനക്കാരുടെ മിന്നൽ പണിമുടക്ക് വിദ്യാർഥികളടക്കമുള്ള യാത്രക്കാരെ ദുരിതത്തിലാഴ്ത്തി. ഇന്നലെ രാവിലെ 10.30 ഓടെ സ്വകാര്യ ബസ്‌സ്റ്റാൻഡിനുള്ളിൽ ബസ് ഡ്രൈവറും പോലീസുമായുണ്ടായ തർക്കമാണ് സമരത്തിൽ കലാശിച്ചത്. സ്വകാര്യ ബസുകാരുടെ മിന്നൽ സമരം തുടങ്ങിയതോട യാത്രക്കാർ വലഞ്ഞു. ഇവിടേക്ക് വന്ന ബസുകൾ ട്രിപ്പ് അവസാനിപ്പിച്ചപ്പോൾ, ഇതിലെത്തിയ യാത്രക്കാരും, ബസ് കാത്തുനിന്നവരുമെല്ലാം പെരുവഴിയിലായി. മിന്നൽ സമരമറിഞ്ഞ് പല വിദ്യാലയങ്ങൾക്കും ഉച്ചയ്ക്കു ശേഷം അവധി നൽകി. വിദ്യാലയങ്ങൾ വിട്ടതോടെ വിദ്യാർഥികൾ ശരിക്കും വലഞ്ഞു. ഏതാനും കെഎസ്ആർടിസി ബസുകൾ കൂടുതൽ സർവീസ് നടത്തിയെങ്കിലും ഫലം കണ്ടില്ല. വൈകുന്നേരം ജോലി കഴിഞ്ഞിറങ്ങിയ സർക്കാർ - ഇതര സ്ഥാപനങ്ങളിലെ ജീവനക്കാരും ഏറെ ബുദ്ധിമുട്ടി. നിസാര പ്രശ്നം: ഒരു പകൽ നീണ്ട സമരം സ്റ്റാൻഡിൽ നിന്നും പുറപ്പെടാൻ നിന്ന സ്വകാര്യ ബസിലെ ഡ്രൈവറോട് ജീപ്പിലെത്തിയ പോലീസുകാരൻ ലൈസൻസ് ചോദിച്ചതാണ് തർക്കത്തിന് വഴിവച്ചതെന്ന് പറയുന്നു. ഇതിനു മുമ്പ് സ്റ്റാൻഡിനുള്ളിൽ ഈ ബസ് ക്രോസ് ചെയ്ത് നിർത്തിയതുമൂലം ഇവിടേക്കെത്തിയ കെഎസ്ആർടിസി ബസിന് മാർഗ തടസം നേരിട്ടിരുന്നു. ഇത് ചോദ്യം ചെയ്താണ് പ്രശ്നങ്ങൾ തുടങ്ങിയത്. തർക്കം നീണ്ടതോടെ ബസ് പുറപ്പെടേണ്ട സമയം പത്ത് മിനിട്ട് വൈകി. പിന്നീട് ബസ് പുറപ്പെടാൻ അനുവാദം കൊടുത്തെങ്കിലും സമയം വൈകിയതിനാൽ അടുത്ത ബസിന്‍റെ സമയമായിരുന്നു. എറണാകുളത്തിന് പോകുന്ന ബസിനുള്ളിലെ യാത്രക്കാരും ബഹളംവച്ചു. ഇതോടെ ഇവിടെയുണ്ടായിരുന്ന മറ്റ് ബസിലെ ജീവനക്കാർ പോലീസിനെതിരെ തിരിഞ്ഞ് മുദ്രവാക്യം വിളികളുമായി പൊടുന്നനെ സമരം പ്രഖ്യാപിക്കുകയായിരുന്നു. ഇതോടെ സ്റ്റാൻഡിനുള്ളിൽ പാർക്ക് ചെയ്തിരുന്ന മറ്റ് ബസുകളിലെ യാത്രക്കാരെ പുറത്തിറക്കി. ഇവിടേക്ക് എത്തിക്കൊണ്ടിരുന്ന ബസുകളിലെ യാത്രക്കാരെയും പുറത്താക്കിയതോടെ യാത്രക്കാർ എന്തു ചെയ്യണമെന്നറിയാതെ വഴിയിലുമായി. 150 ഓളം സർവീസുകളാണ് അവതാളത്തിലാക്കിയത്. സംഭവമറിഞ്ഞ് പിറവം നഗരസഭാ ചെയർപേഴ്സൺ ജൂലി സാബുവും, കൗൺസിലർമാരും, യുഡിഎഫ്, എൽഡിഎഫ് നേതാക്കന്മാരും സ്ഥലത്തെത്തി. പണിമുടക്ക് ഉപേക്ഷിക്കണമെന്ന് ജീവനക്കാരോട് ആവശ്യപ്പെട്ടെങ്കിലും ഇവർ വഴങ്ങിയില്ല. മുതിർന്ന പോലീസ് ഉദ്യോഗസ്ഥരെത്തിയും ജീവനക്കാരോട് സംസാരിച്ചെങ്കിലും ഫലമുണ്ടായില്ല. എതാനും തൊഴിലാളികൾ ചേർന്ന് പ്രഖ്യാപിച്ച ഒരു പകൽ നീണ്ട സമരം യാത്രക്കാരെ പെരുവഴിയിലായതിനു പുറമെ ടൗണിലെ വ്യാപാര സ്ഥാപനങ്ങളിലെ കച്ചവടത്തെയും ബാധിച്ചു. ബന്ധമില്ലെന്ന് സിഐടിയു പണിമുടക്കുമായി തങ്ങൾക്ക് ബന്ധമില്ലെന്ന് സിഐടിയു യൂണിയൻ അറിയിച്ചു. പിറവത്ത് സിഐടിയു തൊഴിലാളികളാണ് ഭൂരിഭാഗം പേരും. എന്നാൽ തൊഴിലാളികൾ ഏതാനും പേർ ചേർന്ന് അനാവശ്യ പണിമുടക്ക് പ്രഖ്യാപിക്കുകയായിരുവെന്നും, ഇത് സംബന്ധിച്ച് അന്വേഷിക്കുമെന്നും സിഐടിയു മേഖലാ ബസ് തൊഴിലാളി യൂണിയൻ സെക്രട്ടറി മഹേഷ് കുമാർ പാഴൂർ അറിയിച്ചു. അനാവശ്യ സമരമാണ് നടന്നതെന്ന് യുഡിഎഫ് അനാവശ്യ സമരമാണ് പിറവത്ത് നടന്നതെന്ന് യുഡിഎഫ് കുറ്റപ്പെടുത്തി. പോലീസ് ബസ് പരിശോധിക്കാൻ പാടില്ലെന്നുള്ളത് നീതീകരിക്കാനാവില്ല. യാത്രക്കാരെ പെരുവഴിലാക്കിയ സമരത്തിനെതിരെ കർശന നടപടി സ്വീകരിക്കണമെന്ന് യുഡിഎഫ് ഭാരവാഹികളായ കെ.ആർ. പ്രദീപ് കുമാർ, രാജു പാണാലിക്കൽ, അരുൺ കല്ലറയ്ക്കൽ, തോമസ് മല്ലിപ്പുറം, ഷാജു ഇലഞ്ഞിമറ്റം എന്നിവർ ആവശ്യപ്പെട്ടു.

കിടങ്ങൂർ സെന്‍റ് ജോസഫ്സ് ഹയർസെക്കൻഡറി സ്കൂളിൽ ലഹരിവിരുദ്ധ കാമ്പയിൻ

അങ്കമാലി : കേരള സ്റ്റേറ്റ് ഭാരത് സ്കൗട്ട്സ് ആൻഡ് ഗൈഡ്സ് ഈ വർഷം നടപ്പിലാക്കുന്ന ലഹരി വിരുദ്ധ നവകേരളം കാമ്പയിൻ അങ്കമാലി ഉപജില്ല വിദ്യാഭ്യാസ ഓഫീസർ സീന പോൾ ഉദ്ഘാടനം ചെയ്തു. കിടങ്ങൂർ സെന്‍റ് ജോസഫ്സ് ഹയർസെക്കൻഡറി സ്കൂളിൽ നടന്ന സ്കൗട്ട് ഗൈഡ് അധ്യാപകരുടെ സമ്മേളനത്തിലാണ് കാമ്പയിൻ ഉദ്ഘാടനം ചെയ്തത്. ഒരു വർഷം നീണ്ടുനിൽക്കുന്ന പ്രവർത്തനങ്ങളിലൂടെ കുട്ടികളിലേക്കും സമൂഹത്തിലേക്കും ലഹരിവിരുദ്ധ സന്ദേശം എത്തിക്കുകയാണ് പരിപാടിയുടെ ലക്ഷ്യം. സ്കൗട്ട് ആൻഡ്‌ ഗൈഡ്സ് ആലുവ വിദ്യാഭ്യാസ ജില്ല കമ്മീഷണർ ആർ. ഗോപി അധ്യക്ഷത വഹിച്ച യോഗത്തിൽ ജില്ലാ സെക്രട്ടറി ജോസഫ് പുതുശേരി, അങ്കമാലി ഉപജില്ല സെക്രട്ടറി സിസ്റ്റർ വിജി റോസ്, സെന്‍റ് ജോസഫ് സ്കൂൾപ്രധാനാധ്യാപിക സിസ്റ്റർ ലളിത ട്രീസ, ട്രെയിനിംഗ് കമ്മീഷണർമാരായ എൻ.കെ. ശ്രീകുമാർ, ടി.എസ്. റോസക്കുട്ടി, ഓർഗനൈസിംഗ് കമ്മീഷണർമാരായ ജിനിഷ് ശശി, സിസ്റ്റർ ജെസി സ്കറിയ, ഉപജില്ല ട്രഷറർ സനിൽ പി. തോമസ്, സിസ്റ്റർ പ്രിൻസി മരിയ എന്നിവർ സംസാരിച്ചു.

നാടെങ്ങും ഉമ്മന്‍ചാണ്ടി അനുസ്മരണം

അങ്കമാലി: മുൻ മുഖ്യമന്ത്രി ഉമ്മന്‍ചാണ്ടിയുടെ രണ്ടാമത് ചരമവാര്‍ഷികം നാടെങ്ങും സമുചിതമായി ആചരിച്ചു. അങ്കമാലി മണ്ഡലം കോണ്‍ഗ്രസ് കമ്മറ്റിയുടെ ആഭിമുഖ്യത്തില്‍ ട്രാന്‍സ്‌പോര്‍ട്ട് ബസ് സ്റ്റാൻഡ് പരിസരത്തു ചേര്‍ന്ന അനുസ്മരണ സമ്മേളനത്തില്‍ മണ്ഡലം പ്രസിഡന്‍റ് സാജു നെടുങ്ങാടന്‍ അധ്യക്ഷത വഹിച്ചു. അങ്കമാലി നഗരസഭാ ചെയര്‍മാന്‍ അഡ്വ. ഷിയോപോള്‍ അനുസ്മരണ സമ്മേളനം ഉദ്ഘാടനം ചെയ്തു. പാറക്കടവ് മണ്ഡലം കമ്മിറ്റിയുടെ വട്ടപ്പറമ്പ് കവലയിൽനടന്ന അനുസ്മരണ സമ്മേളനം ഡിസിസി പ്രസിഡന്‍റ് പി.വി. ജോസ് ഉദ്ഘാടനം ചെയ്തു. മണ്ഡലം പ്രസിഡന്‍റ് സുനിൽ ജെ. അറയ്ക്കലാൻ അധ്യക്ഷത വഹിച്ചു. കോൺഗ്രസ് തൃപ്പൂണിത്തുറ ബ്ലോക്ക് കമ്മറ്റിയുടെ ആഭിമുഖ്യത്തിൽ നടത്തിയ അനുസ്മരണ സമ്മേളനം കെ. ബാബു എംഎൽഎ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് പി.സി. പോൾ അധ്യക്ഷത വഹിച്ചു. ആലങ്ങാട് നോർത്ത് മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ കോട്ടപ്പുറത്ത് നടന്ന അനുസ്മരണ പരിപാടി ഡിസിസി ജനറൽ സെക്രട്ടറി കെ.വി. പോൾ ഉദ്ഘാടനം ചെയ്തു. മണ്ഡലം പ്രസിഡന്‍റ് ലിന്‍റോ അഗസ്റ്റിൻ അധ്യക്ഷത വഹിച്ചു. കറുകുറ്റി മണ്ഡലം കോൺഗ്രസ് ഏഴാം വാർഡ് കമ്മിറ്റിയുടെ നേതൃത്വത്തിൽ ഏഴാറ്റുമുഖത്ത് പണി കഴിപ്പിച്ച ഉമ്മൻചാണ്ടി സ്മൃതി മണ്ഡപം ബ്ലോക്ക് കോൺഗ്രസ് വൈസ് പ്രസിഡന്‍റ് കെ.പി.പോളി ഉദ്ഘാടനം ചെയ്തു. വാർഡ് പ്രസിഡന്‍റ് പി.വി. മാർട്ടിൻ അധ്യഷത വഹിച്ചു. അങ്കമാലി ചമ്പന്നൂർ സെന്‍റ് ആന്‍റണീസ് എൽപി സ്കൂളിൽ മുൻ മുഖ്യമന്ത്രി ഉമ്മൻ ചാണ്ടിയുടെ ഓർമ ദിനത്തിൽ യൂത്ത് കോൺഗ്രസ് അങ്കമാലി മണ്ഡലം കമ്മിറ്റിയുടെ നേതൃത്വത്തിൽ പഠനോപകരണങ്ങളും, ക്യാരംസ് ബോർഡ്, ഫുട്ബോൾ, ക്രിക്കറ്റ് ബാറ്റ് മുതലായവയും വിതരണം ചെയ്തു. യൂത്ത് കോൺഗ്രസ് അങ്കമാലി മണ്ഡലം പ്രസിഡന്‍റ് റിൻസ് ജോസ് അധ്യക്ഷത വഹിച്ച ചടങ്ങിൽ നഗരസഭാ പിതാവ് ഷിയോ പോൾ, ഹെഡ്മിസ്ട്രസ് ഒ.എസ്. ഐശ്വര്യ തുടങ്ങിയവർ പങ്കെടുത്തു. കളമശേരി എച്ച്എംടി ജംഗ്ഷനിൽ രാവിലെ പുഷ്പാർച്ചനയും അനുസ്മരണ യോഗവും നടത്തി. ഉച്ചയ്ക്ക് ഏലൂരിലെ ബഡ്സ് സ്കൂളിലെ അംഗങ്ങളോടൊപ്പം ഉച്ചഭക്ഷണത്തിലും നേതാക്കൾ പങ്കെടുത്തു.കെ പി സി സി ജനറൽ സെക്രട്ടറി അബ്ദുൾ മുത്തലിബ്ബ് , മധു പുറക്കാട്, വി.കെ.ഷാനവാസ് തുടങ്ങിയവർ നേതൃത്വം നൽകി. കാലടി ടൗൺ ജംഗ്ഷനിൽ കാലടി ബ്ലോക്ക് കോൺഗ്രസ് കമ്മിറ്റിയുടെയും കാലടി മണ്ഡലം കോൺഗ്രസ് കമ്മിറ്റിയുടെയും സംയുക്താഭിമുഖ്യത്തിൽ സംഘടിപ്പിച്ച അനുസ്മരണയോഗം ബ്ലോക്ക് കോൺഗ്രസ് കമ്മിറ്റി മുൻ പ്രസിഡന്‍റ് സാംസൺ ചാക്കോ ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് സെബി കിടങ്ങേൻ അധ്യക്ഷത വഹിച്ചു. പെരുമ്പാവൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തില്‍ സംഘടിപ്പിച്ച ഉമ്മന്‍ ചാണ്ടി അനുസ്മരണ സമ്മേളനം എല്‍ദോസ് കുന്നപ്പിള്ളി എംഎല്‍എ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് ഷാജി സലിം അധ്യക്ഷത വഹിച്ചു. മുനിസിപ്പല്‍ ചെയര്‍മാന്‍ പോള്‍ പാത്തിക്കല്‍, യുഡിഎഫ് കണ്‍വീനര്‍ പി.കെ. മുഹമ്മദ് കുഞ്ഞ്, മുന്‍ ചെയര്‍മാന്‍ ടി.എം. സക്കീര്‍ ഹുസൈന്‍ തുടങ്ങിയവർ സംസാരിച്ചു. കൂവപ്പടി മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ ഐമുറി കവലയില്‍ സംഘടിപ്പിച്ച അനുസ്മരണ സമ്മേളനം പഞ്ചായത്ത് പ്രസിഡന്‍റ് മായ കൃഷ്ണകുമാര്‍ ഉദ്ഘാടനം ചെയ്തു. മണ്ഡലം പ്രസിഡന്‍റ് സാബു ആന്‍റണി അധ്യക്ഷത വഹിച്ചു. വാഴക്കുളം നോര്‍ത്ത് മണ്ഡലം കോണ്‍ഗ്രസ് കമ്മിറ്റി കുന്നുവഴിയില്‍ സംഘടിപ്പിച്ച അനുസ്മരണ സമ്മേളനം ഡിസിസി ജനറല്‍ സെക്രട്ടറി ടി.എച്ച്. അബ്ദുല്‍ ജബ്ബാര്‍ ഉദ്ഘാടനം ചെയ്തു. മണ്ഡലം പ്രസിഡന്‍റ് അഷറഫ് തേനൂര്‍ അധ്യക്ഷത വഹിച്ചു. വെങ്ങോല മണ്ഡലം 117-ാം ബൂത്ത് കമ്മിറ്റിയുടെ നേതൃത്വത്തില്‍ സംഘടിപ്പിച്ച അനുസ്മരണ സമ്മേളനം ബ്ലോക്ക് ജനറല്‍ സെക്രട്ടറി എം.പി. ജോര്‍ജ് ഉദ്ഘാടനം ചെയ്തു. ബൂത്ത് പ്രസിഡന്‍റ് അന്‍സാര്‍ വഫ അധ്യക്ഷത വഹിച്ചു. വെങ്ങോല മണ്ഡലം കോണ്‍ഗ്രസ് ബഥനി ബൂത്തു കമ്മിറ്റിയുടെ നേതൃത്വത്തില്‍ ലൈബ്രറികള്‍ക്കും ഉന്നത വിജയം നേടിയ വിദ്യാര്‍ഥികള്‍ക്കും ഉമ്മന്‍ ചാണ്ടിയുടെ ആത്മകഥ വിതരണം നല്‍കിയ അക്ഷര വന്ദന ചടങ്ങ് ആദ്യ പുസ്തകം സ്വീകരിച്ച് അല്ലപ്ര ജവഹര്‍ ലൈബ്രറി പ്രസിഡന്‍റ് എം. കുര്യന്‍ ഉദ്ഘാടനം ചെയ്തു. മുടക്കുഴ 71-ാം ബൂത്ത് കമ്മിറ്റി സംഘടിപ്പിച്ച അനുസ്മരണ സമ്മേളനം ബൂത്ത് പ്രസിഡന്‍റ് കെ.ജെ. മാത്യു ഉദ്ഘാടനം ചെയ്തു. ശിവരാജന്‍ അധ്യക്ഷത വഹിച്ചു. പഞ്ചായത്ത് പ്രസിഡന്‍റ് പി.പി. അവറാച്ചന്‍, ബാങ്ക് പ്രസിഡന്‍റ് ജോഷി തോമസ്, ഷൈമി വര്‍ഗീസ് തുടങ്ങിയവർ സംസാരിച്ചു.രായമംഗലം മണ്ഡലം കോണ്‍ഗ്രസ് കമ്മിറ്റി സംഘടിപ്പിച്ച അനുസ്മരണ സമ്മേളനം പുല്ലുവഴിയില്‍ ആചരിച്ചു. എല്‍ദോസ് കുന്നപ്പിള്ളി എംഎല്‍എ ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്‍റ് പി.പി. എല്‍ദോസ് അധ്യക്ഷത വഹിച്ചു. അശമന്നൂർ മണ്ഡലം വൈസ് പ്രസിഡന്‍റ് എം.ആർ. പോളിന്‍റെ അധ്യക്ഷതയിൽ നടത്തി. അഡ്വ. എൽദോസ് കുന്നപ്പിള്ളിൽ എംഎൽഎ ഉദ്ഘാടനം ചെയ്തു. ഫോർട്ടുകൊച്ചിയിൽ ഡിസിസി സെക്രട്ടറി കെ.എം. റഹീം ഉമ്മൻചാണ്ടിയുടെ ഛായാചിത്രത്തിൽ പുഷ്പാർച്ചന നടത്തി. ഒന്നാം ഡിവിഷൻ കോൺഗ്രസ് കമ്മിറ്റി പ്രസിഡന്‍റ് ക്രിസ്റ്റഫർ സാമുവൽ അധ്യക്ഷത വഹിച്ചു. കൊച്ചി നഗരസഭാ പ്രതിപക്ഷ നേതാവ് അഡ്വ. ആന്‍റണി കുരീത്തറ, ഡിസിസി അംഗം എ.എം. അയ്യൂബ് തുടങ്ങിയവർ പ്രസംഗിച്ചു. മരട് നഗരസഭ ഉമ്മൻചാണ്ടി അനുസ്മരണ ദിനത്തിൽ ഭിന്നശേഷിക്കാർക്കായി മുചക്ര സ്കൂട്ടറുകൾ വിതരണം ചെയ്തു. കെ. ബാബു എംഎൽഎ വിതരണോദ്ഘാടനം നിർവഹിച്ചു. നഗരസഭാ ചെയർപേഴ്സൺ ആന്‍റണി ആശാംപറമ്പിൽ അധ്യക്ഷത വഹിച്ചു. വൈസ് ചെയർപേഴ്സൺ അഡ്വ.രശ്മി സനിൽ, സ്റ്റാൻഡിംഗ് കമ്മിറ്റി ചെയർപേഴ്സൺമാരായ റിയാസ് കെ.മുഹമ്മദ്, ബേബി പോൾ, ബിനോയ് ജോസഫ്, റിനി തോമസ് തുടങ്ങിയവർ പ്രസംഗിച്ചു. അപേക്ഷ നൽകിയ ആറു പേർക്ക് ഹീറോയുടെ 125 സിസി സ്‌കൂട്ടറായ ഡെസ്റ്റിനിയാണ് നൽകിയത്. തുടർന്ന് പായസ വിതരണവും നടത്തി. കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ അങ്കമാലി നിയോജക മണ്ഡലം കമ്മിറ്റിയുടെ നേതൃത്വത്തിൽ ഉമ്മൻ ചാണ്ടി അനുസ്മരണ സമ്മേളനവും പുഷ്പാർച്ചനയും നടത്തി. അനുസ്മരണ സമ്മേളനം ജില്ല പഞ്ചായത്ത് മെന്പർ ഷൈനി ജോർജ് ഉദ്ഘാടനം ചെയ്തു. കെഎസ്എസ്പിഎ അങ്കമാലി നിയോജക മണ്ഡലം പ്രസിഡന്‍റ് എസ്.ഡി. ജോസ് അധ്യക്ഷത വഹിച്ചു.

ചെങ്ങമനാട് ജംഗ്ഷൻ വികസനത്തിന് തുക അനുവദിച്ചു

നെടുമ്പാശേരി : പറവൂരിൽ നിന്നും നെടുമ്പാശേരി വിമാനത്താവളത്തിലേക്കുള്ള റോഡിലെ പ്രധാന ജംഗ്ഷനായ ചെങ്ങമനാട് വികസിപ്പിക്കുന്നു. നാല് ഭാഗത്ത് നിന്നുള്ള റോഡുകൾ സംഗമിക്കുന്ന ജംഗ്ഷനിൽ ഗതാഗതക്കുരുക്ക് സ്ഥിരം സംഭവമായതോടെയാണ് അൻവർ സാദത്ത് എംഎൽഎയുടെ നിരന്തര ശ്രമത്തിനൊടുവിൽ ജംഗ്ഷൻ വികസനത്തിന് കളമൊരുങ്ങുന്നത്. കഴിഞ്ഞ സംസ്ഥാന ബജറ്റിൽ ഉൾപ്പെടുത്തി ചെങ്ങമനാട് ജംഗ്ഷൻ സ്ഥലം ഏറ്റെടുത്ത് വികസിപ്പിക്കുന്ന പദ്ധതിക്ക് ആവശ്യമായ അഞ്ചു കോടി രൂപയുടെ 20 ശതമാനം ആദ്യ ഗഡുവായി അനുവദിച്ചിരുന്നു. എന്നാൽ പ്രവർത്തനങ്ങൾ തുടങ്ങാൻ ഈ തുക തികച്ചും അപര്യാപ്തമായിരുന്നു. ഇക്കാര്യം വീണ്ടും സർക്കാരിന്‍റെ ശ്രദ്ധയിൽപ്പെടുത്തിയതിനെ തുടർന്ന് പദ്ധതി നടപ്പിലാക്കുന്നതിന് വേണ്ട മുഴുവൻ തുകയായ അഞ്ച് കോടി രൂപ അനുവദിച്ച് ഭരണാനുമതി നൽകിയതായി അൻവർ സാദത്ത് എംഎൽഎ അറിയിച്ചു. എംഎൽഎയുടെ നിർദ്ദേശ പ്രകാരം നിലവിൽ പിഡബ്ല്യൂഡി റോഡ്സ് വിഭാഗം അലൈൻമെന്‍റ് തയാറാക്കിയിട്ടുണ്ട്. ഭരണാനുമതി ലഭിച്ച സാഹചര്യത്തിൽ പദ്ധതി നടപ്പാക്കുന്നതിനുള്ള നിലവിലെ അലൈൻമെന്‍റിന് അംഗീകാരം നേടിയെടുത്ത് സാങ്കേതിക അനുമതി ലഭ്യമാക്കണം. തുടർന്ന് റോഡ് വീതി കൂട്ടുന്നതിന് ആവശ്യമായ ഭൂമി അളന്ന് കല്ലിടൽ നടത്തും. ഇതിന് ശേഷം റവന്യൂ വകുപ്പ് സ്ഥലം ഏറ്റെടുക്കാൻ നടപടി സ്വീകരിക്കും. സ്ഥലം ഏറ്റെടുക്കൽ പൂർത്തിയാക്കിയതിനു ശേഷമായിരിക്കും ടെൻഡർ നടത്തി പദ്ധതി നടപ്പിലാക്കുക. നിലവിൽ തയാറാക്കിയിട്ടുള്ള അലൈൻമെന്‍റനുസരിച്ച് ചെങ്ങമനാട് കവലയിൽ നിന്ന് അത്താണി, മാള, പറവൂർ ഭാഗങ്ങളിലേക്കുള്ള 75 മീറ്റർ വരെയുള്ള ഭാഗം 19.8 മീറ്റർ വീതിയിലും പനയക്കടവിലേക്കുള്ള റോഡ് 15.8 മീറ്റർ വീതിയിലുമായിരിക്കും സ്ഥലം ഏറ്റെടുത്ത് വികസിപ്പിക്കുക. ചെങ്ങമനാട് ജംഗ്ഷനിലെ 19.8 മീറ്റർ വീതിയുള്ള ഭാഗം 7.5 മീറ്ററിൽ രണ്ടുവരിപ്പാതയും 1.2 മീറ്റർ വീതിയിൽ മീഡിയനും 1.8 മീറ്റർ വീതിയിൽ നടപ്പാതയുമാണ് നിർമിക്കുക. രണ്ടു ദിശയിൽ നിന്നും വരുന്ന മാള റോഡും പനയക്കടവ് റോഡും നേർക്കുനേർ വരുന്ന രീതിയിലുമാണ് പദ്ധതി രൂപകൽപന ചെയ്തിട്ടുള്ളത്. പറവൂർ റോഡിലെ ശ്രീരംഗം വളവും മാള റോഡിലെ ഡയറി വളവും പദ്ധതിയിൽ നേരെയാക്കും. ചെങ്ങമനാട് ജംഗ്ഷന്‍റെ വികസനത്തിനായി ഒരേക്കറോളം സ്ഥലമാണ് ഏറ്റെടുക്കേണ്ടി വരിക. സ്ഥിരമായി രൂക്ഷമായ ഗതാഗതക്കുരുക്ക് അനുഭവിക്കുന്ന ചെങ്ങമനാട് ജംഗ്ഷന്‍റെ വികസന പ്രവർത്തനങ്ങൾ പൂർത്തിയാകുന്നതോടെ പ്രദേശവാസികളും ഇതിലൂടെ യാത്ര ചെയ്യുന്നവരും അനുഭവിക്കുന്ന ദുരിതങ്ങൾക്കവസാനമാകുമെന്നും പദ്ധതി എത്രയും വേഗം പൂർത്തീകരിക്കുവാനുള്ള ശ്രമങ്ങൾ നടത്തുമെന്നും അൻവർ സാദത്ത് എംഎൽഎ പറഞ്ഞു.

ആലുവ റെയിൽവേ ഭൂമിയിൽ മാലിന്യം: 15,000 രൂപ പിഴ അടയ്ക്കാൻ നോട്ടീസ്

ആലുവ: റെയിൽവേ ഭൂമിയിൽ മാലിന്യം നിക്ഷേപിച്ച സ്ഥാപനങ്ങൾക്ക് ആലുവ നഗരസഭ 5000 രൂപ വീതം പിഴ അടക്കുന്നതിന് നോട്ടീസ് നൽകി. ആലുവ റെയിൽവേ സ്റ്റേഷന് പിന്നിൽ പ്രവർത്തിക്കുന്ന തയ്യൽക്കട, ഫോൺ ഷോറൂം എന്നീ സ്ഥാപനങ്ങളും ചെമ്പകശേരി ഭാഗത്ത് താമസിക്കുന്ന ഒരു വ്യക്തിക്കുമാണ് നോട്ടീസ് നൽകിയത്. മാലിന്യ നിക്ഷേപം തടയാൻ നടപടി സ്വീകരിക്കണമെന്നാവശ്യപ്പെട്ട് ആലുവ റെയിൽ സ്റ്റേഷൻ സൂപ്രണ്ടിനും നോട്ടീസ് നൽകിയതായി ആരോഗ്യ വിഭാഗം അറിയിച്ചു.നഗരസഭാ ആരോഗ്യ വിഭാഗം മാലിന്യം പരിശോധിച്ചാണ് നിക്ഷേപകരെ കണ്ടെത്തിയത്. എന്നാൽ ഈ മേഖലയിൽ സ്ഥിരമായി അറവുമാലിന്യം തള്ളുന്നവരെ തിരിച്ചറിയാൻ കഴിഞ്ഞിട്ടില്ല. പ്ലാസ്റ്റിക് കവറുകളിലാക്കിയാണ് അറവുമാലിന്യങ്ങൾ ഉൾപ്പെടെ നിക്ഷേപിക്കുന്നത്. മാലിന്യങ്ങൾ കാക്കകൾ കൊത്തിയും തെരുവുനായകളും കടിച്ചുവലിച്ചും സ്കൂൾ പരിസരത്തും സമീപത്തെ വീടുകളിലും കൊണ്ടുവന്നിടുന്നതായി പരാതി ഉയർന്നതോടെയാണ് ആലുവ നഗരസഭ പരിശോധന നടത്തിയത്.

പള്ളുരുത്തിയിൽ പച്ചക്കറിക്കടയ്ക്ക് തീയിട്ടു

പള്ളുരുത്തി: കച്ചേരിപ്പടിയിൽ പച്ചക്കറിക്കട തീയിട്ടു നശിപ്പിച്ചു. പള്ളുരുത്തി ചൂളക്കൽ വീട്ടിൽ സിയാദിന്‍റെ കടയാണ് വ്യാഴാഴ്ച്ച പുലർച്ചെ ഒന്നോടെ തീയിട്ടു നശിപ്പിച്ചത്. ഒരു യുവാവ് കടയ്ക്ക് സമീപമെത്തി പെട്രോൾ ഒഴിച്ച് തീയിടുന്നതിന്‍റെ സിസിടിവി ദൃശ്യങ്ങൾ സാമൂഹിക മാധ്യമങ്ങളിൽ പ്രചരിച്ചിട്ടുണ്ട്. നാട്ടുകാർ വിളിച്ചറിയിച്ചതിനെ തുടർന്നാണ് കട കത്തിയ വിവരം സിയാദ് അറിയുന്നത്. കട കത്തിയതിനെ തുടർന്ന് ദൃശ്യങ്ങൾ ഉൾപ്പെടെ പോലീസിന് പരാതി നൽകിയിട്ടും അക്രമിയെ അറസ്റ്റ് ചെയ്യാൻ പോലീസിനായിട്ടില്ല. കട കത്തിയതിനെ തുടർന്ന് ഇരുപതിനായിരം രൂപയുടെ നഷ്ടമുണ്ടായതായി കണക്കാക്കുന്നു. പ്രദേശത്ത് മയക്കുമരുന്ന് കച്ചവടക്കാരുടേയും ഉപയോഗിക്കുന്നവരുടേയും ശല്യം രൂക്ഷമായിട്ടും പോലീസ് നടപടി സ്വീകരിക്കുന്നില്ലെന്ന ആക്ഷേപം ശക്തമാണ്. രാത്രി കാലങ്ങളിൽ കച്ചേരിപ്പടി മാർക്കറ്റ്, ഗ്രൗണ്ട് എന്നിവിടങ്ങളിലാണ് സാമൂഹ്യവിരുദ്ധരുടെ ശല്യം ഏറി വരുന്നത്.

പത്താം ക്ലാസ് വിദ്യാർഥിക്ക് മർദനം; പോലീസ് സ്റ്റേഷൻ മാർച്ച് നടത്തി

വൈപ്പിൻ: കോട്ടയം ജി.വി. രാജ സ്പോർട്‌സ് സ്കൂൾ 10ാം ക്ലാസ് വിദ്യാർഥിയും പട്ടികജാതിക്കാരനുമായ ഞാറക്കൽ മഞ്ഞനക്കാട് മാരാത്തറ സാജുവിന്‍റെ മകൻ ആദിത്യനെ ഒരു സംഘം യുവാക്കൾ വീട്ടിൽനിന്നും വിളിച്ചിറക്കികൊണ്ടുപോയിആക്രമിച്ച സംഭവത്തിൽ കേസ് ദുർബലമെന്നാരോപിച്ച് എ വിപിവി സഭയുടെ നേതൃത്വത്തിൽരൂപീകരിച്ച പട്ടികജാതി സംയുക്ത സമിതി ഞാറക്കൽ പോലീസ് സ്റ്റേഷനിലേക്ക് പ്രതിഷേധമാർച്ച് നടത്തി. സംഭവത്തിൽ പ്രതികൾക്കെതിരെ പട്ടികജാതി പട്ടികവർഗ അതിക്രമങ്ങൾ തടയൽ, അന്യായമായി തട്ടിക്കൊണ്ടുപോകൽ, കൊലപാതകശ്രമം,ഗൂഢാലോചന, ബാലപീഡനം എന്നിവ അടക്കമുള്ള വകുപ്പുകൾ അനുസരിച്ച് കേസ് രജിസ്റ്റർചെയ്തു പുനരന്വേഷണം നടത്തണമെന്നാണ് സമരസമിതിയുടെ ആവശ്യം. വെളിയത്താം പറമ്പിൽ നിന്നും ആരംഭിച്ച മാർച്ച് ഡോ. പി.കെ. ബേബി ഫ്ലാഗ് ഓഫ് ചെയ്തു. മാർച്ച് പോലീസ് സ്റ്റേഷനുമുന്നിലെത്തും മുമ്പേ പോലീസ് തടഞ്ഞു.തുടർന്ന് നടന്ന പ്രതിഷേധ ധർണ ദളിത് സമുദായ മുന്നണി ചെയർമാൻ സണ്ണി എം. കപിക്കാട് ഉദ്ഘാടനം ചെയ്തു. സമിതി ചെയർമാൻ എം.എ. കുമാരൻ അധ്യക്ഷനായി.

ജോലി വാഗ്ദാനം ചെയ്ത് തട്ടിപ്പ് : പ്രതി അറസ്റ്റില്‍

കൊച്ചി: ക്രൊയേഷ്യ ഉള്‍പ്പെടെയുള്ള വിദേശ രാജ്യങ്ങളില്‍ ജോലി വാഗ്ദാനം ചെയ്ത് തട്ടിപ്പ് നടത്തിയ പ്രതി പിടിയില്‍. വയനാട് സുല്‍ത്താന്‍ ബത്തേരി സ്വദേശിയായ പ്രണവ് പ്രകാശിനെയാണ് എലൂര്‍ പോലീസ് അറസ്റ്റ് ചെയ്തത്. എറണാകുളം ചിറ്റൂര്‍ റോജില്‍ എസ്ജിഐ പ്രൈവറ്റ് ലിമിറ്റഡ് എന്ന സ്ഥാപനം നടത്തുകയായിരുന്നു പ്രണവ്. വിദേശത്ത് ജോലി തരപ്പെടുത്തി നല്‍കാമെന്ന് പറഞ്ഞ് 150 ഓളം ഉദ്യോഗാര്‍ഥികളില്‍ നിന്നായി രണ്ടുകോടിയോളം രൂപയാണ് പ്രതി തട്ടിയെടുത്തത്.

ബൈക്ക് മോഷ്ടാവ് അറസ്റ്റില്‍

കൊച്ചി: സ്ഥാപനത്തിന്‍റെ പാര്‍ക്കിംഗ് ഏരിയയില്‍ നിന്ന് ബൈക്ക് മോഷ്ടിച്ച യുവാവ് അറസ്റ്റില്‍. എറണാകുളം നോര്‍ത്ത് പറവൂര്‍ കരിപ്പാടം മഠത്തിപ്പറമ്പില്‍ വീട്ടില്‍ രാജ്കുമാറി(43)നെയാണ് എറണാകുളം സെന്‍ട്രല്‍ എസ്‌ഐ സി. അനൂപിന്‍റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. കഴിഞ്ഞ നാലിന് വൈകുന്നേരം 7.30നും അഞ്ചിന് രാവിലെ 10നും ഇടയിലുള്ള സമയത്ത് എറണാകുളം ഈയാട്ട് ജംഗ്ഷനിലുള്ള പെര്‍ഫെക്ട് ഗ്രൂപ്പ് എന്ന കംപ്യൂട്ടര്‍ സെയില്‍സ് ആന്‍ഡ് സര്‍വീസ് സെന്‍ററിന്‍റെ പാര്‍ക്കിംഗ് ഏരിയയില്‍ നിന്നാണ് ബൈക്ക് മോഷ്ടിച്ചത്. കൊല്ലം സ്വദേശി ഡി. സജീറിന്‍റെ പരാതിയില്‍ സെന്‍ട്രല്‍ പോലീസ് കേസെടുത്ത് സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് 17ന് പറവൂര്‍ ഭാഗത്തു നിന്ന് പ്രതി പിടിയിലായത്. മോഷണം , അടിപിടി കേസുകളില്‍ പ്രതിയാണ് ഇയാള്‍. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.

സംസ്ഥാനത്ത് ആറ് പുതിയ ജില്ലകൾ രൂപീകരിക്കണം: പി.വി. അൻവർ

കളമശേരി: ജനസംഖ്യാനുപാതികമായി ജനങ്ങൾ കൂടുതലുള്ള ജില്ലകൾ വിഭജിച്ച് സംസ്ഥാനത്ത് പുതിയ ആറ് ജില്ലകൾ രൂപീകരിക്കണമെന്ന് ഓൾ ഇന്ത്യ തൃണമൂൽ കോൺഗ്രസ് സംസ്ഥാന കൺവീനർ പി.വി. അൻവർ ആവശ്യപ്പെട്ടു. എറണാകുളം ജില്ലാ വിഭജിച്ച് മൂവാറ്റുപുഴ കേന്ദ്രമാക്കി മലയോര ജില്ല രൂപീകരിക്കണമെന്ന് ഓൾ ഇന്ത്യ തൃണമൂൽ കോൺഗ്രസ് എറണാകുളംജില്ല നേതൃസംഗമം ഇല്ലിക്കൽ ഹാളിൽ വ്യഴാഴ്ച ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. നേതൃ സംഗമത്തിൽ സംസ്ഥാന ചീഫ് കോ ഓർഡിനേറ്റർ ഹംസ പാറക്കാട്ട് അധ്യക്ഷനായി. സംസ്ഥാന കോ ഓർഡിനേറ്റർ സജി മഞ്ഞക്കടമ്പിൽ, ജില്ലാ കോ ഓർഡിനേറ്റർ ഡൊമിനിക് കാവുങ്കൽ, കെ.എം. കബീർ, കെ.പി. മുഹമ്മദ്, സോഫിയ ഷെറീഫ്, ഷിജി റോയി, ആശ തൃപ്പുണിതുറ തുടങ്ങിയവർ സംസാരിച്ചു.

ക്യാമ്പ് ഷെഡ് റോഡിന് 2.5 കോടി അനുവദിച്ചു

അങ്കമാലി: അങ്കമാലി ടൗണിലെ സുപ്രധാനമായ ക്യാമ്പ് ഷെഡ് റോഡ് ആധുനിക നിലവാരത്തില്‍ നിര്‍മിക്കുന്നതിനും സൗന്ദര്യവത്കരണത്തിനുമായി 2.5 കോടിയുടെ ഭരണാനുമതി ലഭ്യമായിതായി റോജി എം. ജോണ്‍ എംഎൽഎ അറിയിച്ചു. ഏറെ വാഹനത്തിരക്കേറിയ ക്യാമ്പ് ഷെഡ് റോഡില്‍ കഴിഞ്ഞ നിരവധി വര്‍ഷങ്ങളായി അറ്റകുറ്റപണികള്‍ മാത്രമാണ് നടത്തിയിരുന്നത്. ഒപ്പം റോഡിന്‍റെ നടപ്പാതയും കൈവരികളും വളരെ മോശമായ അവസ്ഥയിലുമായിരുന്നു. ഇത് സംബന്ധിച്ച് എംഎല്‍എ ധനകാര്യമന്ത്രിക്ക് നല്‍കിയ നിവേദനത്തിന്‍റെ അടിസ്ഥാനത്തിലാണ് ഇപ്പോള്‍ തുക അനുവദിച്ചിരിക്കുന്നത്. ടെൻഡര്‍ നടപടികള്‍ പൂര്‍ത്തിയാക്കി റോഡ് ബിഎം ആൻഡ് ബിസി നിലവാരത്തില്‍ നിര്‍മിക്കുകയും നടപ്പാത സൗന്ദര്യവത്കരണം എത്രയും വേഗം പൂര്‍ത്തിയാക്കുകയും ചെയ്യുമെന്ന് എംഎല്‍എ പറഞ്ഞു.

തോപ്പുംപടി-കുണ്ടന്നൂർ റോഡിൽ വിലക്കുലംഘിച്ച് ടിപ്പറും ടോറസുകളും

ഫോർട്ടുകൊച്ചി: തോപ്പുംപടി - കുണ്ടന്നൂർ റോഡിൽ ടിപ്പർ ലോറികളും ടോറസ് വാഹനങ്ങളും സ്കൂൾ വിദ്യാർഥികൾ നിരത്തി ലിറങ്ങുന്ന സമയത്ത് സർവീസ് നടത്തുന്നത് വിദ്യാർഥികളടക്കമുള്ള യാത്രക്കാർക്ക് ബുദ്ധിമുട്ടുണ്ടാകുന്നതായി പരാതി. രാവിലേയും വൈകിട്ടും ഇത്തരം വാഹനങ്ങൾക്ക് ഗതാഗത നിയന്ത്രണം ഏർപ്പെടുത്തിയിട്ടുണ്ടെങ്കിലും നിയന്ത്രണങ്ങൾ കാറ്റിൽ പറത്തി കൊണ്ടാണ് വലിയ വാഹനങ്ങൾ ഈ റോഡിലൂടെ സർവീസ് നടത്തുന്നത്. ലോഡുമായി വരുന്ന വലിയ വാഹനങ്ങൾ പാലത്തിലും റോഡിലും നീണ്ട ക്യൂവായി സർവീസ് നടത്തുന്നതു മൂലം വിദ്യാർഥികൾക്കും ജോലിക്കു പോകുന്നവർക്കും വളരെയധികം ബുദ്ധിമുട്ടും സമയനഷ്ടവും ഉണ്ടാകുന്നുണ്ടെന്ന് ജനതാദൾ (സെക്കുലർ) ജില്ലാ വൈസ് പ്രസിഡന്‍റ് ജോൺസൻ വള്ളനാട്ട് സിറ്റി പോലീസ് കമ്മീഷണർക്ക് നല്കിയ പരാതിയിൽ ചൂണ്ടിക്കാണിച്ചിട്ടുണ്ട്. പ്രൈവറ്റ് ബസുകളുടെ മത്സര ഓട്ടവും ഇവിടെ അപകടങ്ങൾ ക്ഷണിച്ചു വരുത്തുന്നുണ്ട്. കഴിഞ്ഞ ദിവസം കുമ്പളങ്ങി വഴി കാക്കനാട്ട് റൂട്ട് സർവീസ് നടത്തുന്ന സ്വകാര്യ ബസ്ഒരു കാറിൽ ഇടിച്ചിട്ട് നിർത്താതെ പോയി. ആ ബസിന് ടാക്സ് കഴിഞ്ഞിട്ടും അത് അടയ്ക്കാതെ സർവീസ് നടത്തിക്കൊണ്ടിരിക്കുകയാണെന്നും ആക്ഷേപമുണ്ട്.

സിബിഎസ്ഇ ക്ലസ്റ്റര്‍ 11 ഖൊഖോ: ഭവന്‍സ് വിദ്യാമന്ദിര്‍ ജേതാക്കള്‍

കൊച്ചി: സിബിഎസ്ഇ ക്ലസ്റ്റര്‍ 11 ഖൊഖോ ടൂര്‍ണമെന്‍റ്ല്‍ അണ്ടര്‍ 19 വിഭാഗം ആണ്‍കുട്ടികളുടെയും പെണ്‍കുട്ടികളുടെയും മത്സരത്തില്‍ ഗിരിനഗര്‍ ഭവന്‍സ് വിദ്യമന്ദിര്‍ ചാമ്പ്യന്മാരായി. അണ്ടര്‍ 17 വിഭാഗം ആണ്‍കുട്ടികളുടെ മത്സരത്തില്‍ വടുതല ചിന്മയ വിദ്യാലയയും പെണ്‍കുട്ടികളുടെ മത്സരത്തില്‍ പൂത്തോട്ട ശ്രീനാരായണ പബ്ലിക് സ്‌കൂളും അണ്ടര്‍ 14 വിഭാഗത്തില്‍ കുമ്പഴ മൗണ്ട് ബഥനി സ്‌കൂളും (ആണ്‍കുട്ടികൾ) കാക്കനാട് നജാത്ത് പബ്ലിക് സ്കൂളും (പെൺകുട്ടികൾ) ജേതാക്കളായി. സമാപന ചടങ്ങ് ഖൊഖോ ലോകകപ്പ് ചാമ്പ്യന്‍ ടീമംഗം ബി. നിഖില്‍ ഉദ്ഘാടനം ചെയ്തു. ശ്രീനാരായണ പബ്ലിക് സ്‌കൂള്‍ മാനേജര്‍ എ.ഡി. ഉണ്ണികൃഷ്ണന്‍ അധ്യക്ഷത വഹിച്ചു. സിബിഎസ്ഇ നിരീക്ഷകന്‍ ഹരി, പ്രിന്‍സിപ്പല്‍ വി.പി. പ്രതീത, വൈസ് പ്രിന്‍സിപ്പല്‍മാരായ പി. സിന്ധു, പി.എന്‍. സീന തുടങ്ങിയവർ സന്നിഹിതരായിരുന്നു. ആയിരത്തോളം വിദ്യാര്‍ഥികള്‍ പങ്കെടുത്തു.

വന്യജീവി, തെരുവുനായ ആക്രമണം : മാർച്ചും ധർണ‍യും നടത്തി യൂത്ത് ഫ്രണ്ട്-എം

കൊച്ചി: വന്യജീവി, തെരുവുനായ ആക്രമണങ്ങൾക്കു പരിഹാരം ആവശ്യപ്പെട്ട് കേരളാ യൂത്ത് ഫ്രണ്ട്-എം എറണാകുളം ജില്ലാ കമ്മിറ്റിയുടെ നേതൃത്വത്തിൽ എറണാകുളം ബിഎസ്എൻഎൽ ഓഫീസിലേക്ക് മാർച്ചും ധർണയും നടത്തി. കേരളാ കോൺഗ്രസ്-എം ജില്ലാ പ്രസിഡന്‍റ് ടോമി ജോസഫ് ഉദ്ഘാടനം ചെയ്തു. ആക്രമണകാരികളായ വന്യജീവികളെയും തെരുവുനായ്ക്കളെയും നിയന്ത്രിക്കുന്നതിന് നിയമത്തിലെ വ്യവസ്ഥ ഭേദഗതി ചെയ്യണമെന്ന് അദ്ദേഹം ആവശ്യപ്പെട്ടു. ജനങ്ങളുടെ ജീവനും സ്വത്തിനും സംരക്ഷണം നൽകേണ്ട അധികാരികൾക്ക് വീഴ്ച സംഭവിച്ചാൽ അവർക്കെതിരെ കേസ് എടുക്കണമെന്നും അദ്ദേഹം അഭിപ്രായപ്പെട്ടു. യൂത്ത് ഫ്രണ്ട്-എം ജില്ലാ പ്രസിഡന്‍റ് ജോജസ് ജോസ് അധ്യക്ഷത വഹിച്ചു. ടി.എ. ഡേവീസ്, ജോസി പി. തോമസ്, ജയൻ കല്ലുകുളങ്ങര, റോണി വലിയപറമ്പിൽ, ജെസൽ വർഗീസ്, ബിജോ ബാബു, മജു പൊക്കാട്, ജോർജ് കോട്ടൂർ, ബൈജു വർഗീസ് തുടങ്ങിയവർ പ്രസംഗിച്ചു.

വടാട്ടുപാറയില്‍ പാലിയേറ്റീവ് സംഘം പുലിക്ക് മുന്നില്‍പ്പെട്ടു

കോതമംഗലം: വടാട്ടുപാറയില്‍ രോഗി പരിചരണം കഴിഞ്ഞ് മടങ്ങിയ സ്ത്രീകള്‍ ഉള്‍പ്പെടുന്ന പാലിയേറ്റീവ് സംഘം പുലിക്ക് മുന്നില്‍പ്പെട്ടു. വാഹനത്തിലായിരുന്ന സംഘം പുലിയെ കണ്ട് ഭയന്നുപോയി. റോഡ് കുറുകെ കടന്നു പോയ പുലി റോഡരികിലെ കുറ്റിക്കാട്ടില്‍ കിടന്നു. പുലിയുടെ ചിത്രം സംഘം മൊബൈലില്‍ പകർത്തി. ഭൂതത്താന്‍കെട്ട് വടാട്ടുപാറ റോഡില്‍ തുണ്ടത്തില്‍ ജംങ്ഷനില്‍നിന്ന് ഒരു കിലോമീറ്റര്‍ മാറി മരപ്പാലം ഫോറസ്റ്റ് സ്റ്റേഷന് സമീപത്തായിരുന്നു പുലി കിടന്നത്. എന്‍റെ നാട് പാലിയേറ്റീവ് സംഘത്തിലെ നീന ഏബ്രഹാമും വടാട്ടുപാറ സ്വദേശി ജോമോളും ഡ്രൈവര്‍ അജീഷുമാണ് ഇന്നലെ വൈകീട്ട് പുലിയെ കണ്ടത്. വിവരം അടുത്തുള്ള മരപ്പാലം സ്റ്റേഷനില്‍ അറിയിച്ചാണ് സംഘം പോയത്. തിരിച്ച് വരുമ്പോള്‍ പുലിയെ കണ്ടില്ല. കഴിഞ്ഞ മാസം എട്ടിന് വടാട്ടുപാറ പലവന്‍പടി ഭാഗത്ത് ചിറ്റയം തോമസിന്‍റെ വീടിന് മുന്നില്‍ കെട്ടിയിട്ടിരുന്ന പട്ടിയെ പുലി പിടിച്ചിരുന്നു. മീരാസിറ്റി ഭാഗത്തും വീടിന് മുന്നില്‍ കെട്ടിയിട്ട പട്ടിയേയും പുലി കൊന്നിരുന്നു. അതിന് ഏതാനും ദിവസം മുമ്പ തുണ്ടത്തില്‍ കവലക്ക് സമീപം ബസ് യാത്രക്കാരും പുലി റോഡരികില്‍ നില്‍ക്കുന്നത് കണ്ടിരുന്നു.വാഹനത്തിലായിരുന്നെങ്കിലും തൊട്ടടുത്ത് പുലിയെ കണ്ടപ്പോള്‍ പേടിച്ച് വിറച്ച്. കഴിഞ്ഞ മാസം പുലിയെ കണ്ട വീടുകളുടെ മുന്നില്‍ ക്യാമറ ട്രാപ്പ് സ്ഥാപിച്ചെങ്കിലും പുലി ചിത്രം പതിഞ്ഞിരുന്നില്ല.

ആലുവയിൽ 2 പേർക്ക് പന്നിപ്പനി

ആലുവ: സ്വകാര്യ കോളജ് ഹോസ്റ്റലിലെ രണ്ട് കംപ്യൂട്ടർ സയൻസ് വിദ്യാർഥികൾക്ക് എച്ച് വൺ എൻ വൺ സ്ഥിരീകരിച്ചു. ഈ ഹോസ്റ്റലിൽ താമസിച്ചിരുന്ന മറ്റ് വിദ്യാർഥികളെ സുരക്ഷിത സ്ഥലങ്ങളിലേക്ക് മാറ്റി. ക്ലാസുകൾ ഓൺലൈനാക്കി. അസ്വസ്ഥത റിപ്പോർട്ട് ചെയ്ത മറ്റൊരു വിദ്യാർഥിയുടെ രക്തസാമ്പിൾ പരിശോധനയ്ക്കായി അയച്ചു. കംപ്യൂട്ടർ സയൻസ് വിഭാഗത്തിലെ വിദ്യാർഥികൾ താമസിക്കുന്ന ഹോസ്റ്റലിലാണ് രോഗബാധ കണ്ടെത്തിയത്. ഓഫ്‌ലൈൻ ക്ലാസുകൾ പുനരാരംഭിക്കുമ്പോൾ വിദ്യാർഥികൾക്കു മാസ്‌ക് നിർബന്ധമാക്കും. കോളേജ് ഓഫീസ് പതിവു പോലെ പ്രവർത്തിക്കും. പരീക്ഷകൾക്കും മാറ്റമില്ലെന്നും അധികൃതർ അറിയിച്ചു.

ഒരു കിലോ ഹാഷിഷ് ഓയിലുമായി ഇതരസംസ്ഥാന തൊഴിലാളി പിടിയിൽ

പെരുന്പാവൂർ: ഒരു കിലോ ഹാഷിഷ് ഓയിലുമായി ഇതര സംസ്ഥാനത്തൊഴിലാളി പിടിയിൽ. വെസ്റ്റ് ബംഗാൾ മൂർഷിദാബാദ് സ്വദേശി സാഗർ ഷെയ്ഖി(21) നെയാണ് പെരുമ്പാവൂർ എഎസ്പിയുടെ പ്രത്യേക അന്വേഷണസംഘവും കുന്നത്തുനാട് പോലീസും ചേർന്ന് പിടികൂടിയത്. ജില്ലാ പോലീസ് മേധാവി എം. ഹേമലതയ്ക്ക് ലഭിച്ച രഹസ്യവിവരത്തെ തുടർന്ന് കിഴക്കമ്പലം ബസ് സ്റ്റാൻഡിൽ നിന്നാണ് കസ്റ്റഡിയിലെടുത്തത്. ആന്ധ്രാപ്രദേശിൽ നിന്നും ട്രെയിൻ മാർഗം ആലുവയിലെത്തി അവിടെനിന്ന് കിഴക്കമ്പലം ബസ് സ്റ്റാൻഡിൽ വച്ച് ഹാഷിഷ് ഓയിൽ കൈമാറാൻ നിൽക്കുകയായിരുന്നു. പോലീസിനെക്കണ്ട് ഓടി രക്ഷപ്പെടാൻ ശ്രമിച്ച പ്രതിയെ പിന്തുടർന്നാണ് പിടികൂടിയത്. ഹാഷിഷ് ഓയിലിന് 10 ലക്ഷം രൂപയോളം വിലയുണ്ട്. ഇയാളിൽ നിന്ന് വാങ്ങുന്നവരെ കുറിച്ച് പോലീസ് അന്വേഷണം നടത്തി വരുന്നു. പെരുമ്പാവൂർ എഎസ്പി ശക്തി സിംഗ് ആര്യ, കുന്നത്തുനാട് ഇൻസ്പെക്ടർ സുനിൽ തോമസ്, എസ്ഐമാരായ സെയ്തു മുഹമ്മദ് , പി.എസ്. കുര്യാക്കോസ് എന്നിവരുടെ നേതൃത്വത്തിലുള്ള അന്വേഷണ സംഘമാണ് ഇയാളെ പിടികൂടിയത്.

കാപ്പ ചുമത്തി ജയിലിലടച്ചു

പറവൂർ: നിരവധി കേസുകളിലെ പ്രതി പൂയ്യപ്പിള്ളി തച്ചപ്പിള്ളി വീട്ടിൽ യദുകൃഷ്ണ (26)യെ കാപ്പ ചുമത്തി ജയിലിലടച്ചു. റൂറൽ ജില്ലാ പോലീസ് മേധാവി എം. ഹേമലതയുടെ റിപ്പോർട്ടിന്‍റെ അടിസ്ഥാനത്തിൽ കളക്ടർ എൻ.എസ്.കെ. ഉമേഷാണ് ഉത്തരവിട്ടത്. വിവിവ പോലീസ് സ്റ്റേഷൻ പരിധികളിൽ കവർച്ച, മോഷണം, സർക്കാർ ഉദ്യോഗസ്ഥരുടെ ഔദ്യോഗിക കൃത്യ നിർവഹണം തടയൽ തുടങ്ങി തുടങ്ങി നിരവധി കേസുകളിൽ പ്രതിയാണിയാൾ. പെരുമ്പാവൂർ പുത്തൻവേലിക്കര, മുളവുകാട്, ഏറ്റുമാനൂർ, കടത്തുരുത്തി സ്റ്റേഷൻ പരിധികളിലായി ആറ് മോഷണ കേസുകളിൽ പ്രതിയായതിനെ തുടർന്നാണ് നടപടി. കാലടി: ചെങ്ങൽ ഭാഗത്ത് കാച്ചപ്പിള്ളി വീട്ടിൽ ഷിന്‍റോ(തമ്പുരു 39)യേയും കാപ്പ ചുമത്തി ആറ് മാസത്തേക്ക് നാടു കടത്തി. റൂറൽ ജില്ലാ പോലീസ് മേധാവി എം. ഹേമലതയുടെ റിപ്പോർട്ടിന്‍റെ അടിസ്ഥാനത്തിൽ എറണാകുളം റേഞ്ച് ഡിഐജി ഡോ. സതീഷ് ബിനോയാണ് ഉത്തരവിട്ടത്. രണ്ട് വർഷത്തിനുള്ളിൽ ദേഹോപദ്രവം, ഭീഷണിപ്പെടുത്തൽ, സ്ത്രീകൾക്കെതിരെയുള്ള കുറ്റകൃത്യം, പട്ടികജാതി-പട്ടിക വിഭാഗക്കാർക്കെതിരെയുള്ള അതിക്രമം തുടങ്ങി നിരവധി കേസുകളിൽ പ്രതിയാണ്.

ഉമ്മൻ ചാണ്ടി അനശ്വരനായ ജനകീയ നേതാവ്: എം.എം. ഹസൻ

കൊച്ചി: എക്കാലവും ജനമനസുകളിൽ ജീവിക്കുന്ന അനശ്വരനായ നേതാവാണ് മുൻ മുഖ്യമന്ത്രി ഉമ്മൻചാണ്ടിയെന്ന് മുൻ യുഡിഎഫ് കൺവീനർ എം.എം. ഹസൻ. എറണാകുളം ഡിസിസിയുടെ നേതൃത്വത്തിൽ ടൗൺഹാളിൽ നടന്ന ഉമ്മൻചാണ്ടി അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. എല്ലാ വിഭാഗം ജനങ്ങളുടെയും പ്രശ്നങ്ങളും പ്രതിസന്ധികളും കേൾക്കുകയും അതിന് പരിഹാരം കാണുകയും ചെയ്തിട്ടുള്ള നേതാവായിരുന്നു ഉമ്മൻചാണ്ടിയെന്നും അദ്ദേഹം പറഞ്ഞു. ജില്ലയിലെ ഡിഗ്രി, പിജി, പ്രഫഷണൽ കോഴ്സുകളിൽ റാങ്ക് ലഭിച്ചവർക്കും വിവിധ വിഷയങ്ങളിൽ ഡോക്ടറേറ്റ് ലഭിച്ചവർക്കും ഉമ്മൻചാണ്ടിയുടെ പേരിൽ അവാർഡ് നൽകി. ഡിസിസി പ്രസിഡന്‍റ് മുഹമ്മദ് ഷിയാസ് അധ്യക്ഷത വഹിച്ചു. മുൻ വൈസ് ചാൻസലർമാരായ ഡോ. പി.കെ. അബ്ദുൾ അസീസ്, ഡോ. എം.സി. ദിലീപ് കുമാർ, മുൻ മന്ത്രി കെ. ബാബു, ഹൈബി ഈഡൻ എംപി, എംഎൽഎമാരായ ടി.ജെ. വിനോദ്, മാത്യു കുഴൽനാടൻ, അൻവർ സാദത്ത്, റോജി എം. ജോൺ, എൽദോസ് കുന്നപ്പിള്ളി, ജില്ലാ പഞ്ചായത്ത് പ്രസിഡന്‍റ് മനോജ് മൂത്തേടൻ തുടങ്ങിയവർ പ്രസംഗിച്ചു.

എറണാകുളം വടുതലയിൽ ദന്പതികളെ തീ കൊളുത്തിയശേഷം അയൽവാസി ജീവനൊടുക്കിയ നിലയിൽ

കൊച്ചി: എറണാകുളം വടുതലയില്‍ ദമ്പതികളെ തീ കൊളുത്തിയശേഷം അയല്‍വാസിയെ ജീവനൊടുക്കിയ നിലയിൽ കണ്ടെത്തി. വടുതല കാഞ്ഞിരത്തിങ്കല്‍ വീട്ടില്‍ ക്രിസ്റ്റഫർ (ക്രിസ്റ്റി-54), ഭാര്യ മേരി (50) എന്നിവർക്കാണു പൊള്ളലേറ്റത്. തീ കൊളുത്തിയ ഇവരുടെ അയല്‍വാസി വടുതല പൂവത്തിങ്കല്‍ വില്യംസ് കൊറയ (52) യെ പിന്നീട് വീടിനുള്ളില്‍ തൂങ്ങിമരിച്ച നിലയിൽ കണ്ടെത്തുകയായിരുന്നു. വടുതല ഗോള്‍ഡ് സ്ട്രീറ്റില്‍ ഇന്നലെ രാത്രി എട്ടരയോടെയായിരുന്നു സംഭവം.സ്കൂട്ടറിൽ വരികയായിരുന്ന ക്രിസ്റ്റഫറെയും മേരിയെയും തടഞ്ഞുനിര്‍ത്തി വില്യംസ് കുപ്പിയില്‍ കരുതിയിരുന്ന പെട്രോള്‍ ദേഹത്തേക്ക് ഒഴിച്ചു ലൈറ്റര്‍ കൊണ്ട് കത്തിക്കുകയായിരുന്നുവെന്ന് അയല്‍വാസികള്‍ പറഞ്ഞു. ആളുകള്‍ ഓടിയെത്തിയതോടെ വില്യംസ് ഓടി രക്ഷപ്പെട്ടു. ക്രിസ്റ്റഫറും മേരിയും എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്. 50 ശതമാനത്തിലേറെ പൊള്ളലേറ്റ ക്രിസ്റ്റഫറുടെ നില ഗുരുതരമാണ്. നാട്ടുകാര്‍ നോര്‍ത്ത് പോലീസില്‍ വിവരമറിയിച്ചതിനെത്തുടർന്ന് പോലീസ് എത്തിയതോടെ വില്യംസ് ഓടി വീടിനകത്തു കയറി. തുടര്‍ന്ന് വീടിനുള്ളില്‍ തൂങ്ങി മരിച്ചനിലയില്‍ കണ്ടെത്തുകയായിരുന്നു. ക്രിസ്റ്റഫറുമായി വില്യംസ് നിരന്തരം വഴക്കുണ്ടാക്കിയിരുന്നുവെന്ന് നാട്ടുകാര്‍ പറയുന്നു. വില്യംസിനെതിരേ ക്രിസ്റ്റഫറും മേരിയും മുമ്പ് പോലീസില്‍ പരാതി നല്‍കിയിരുന്നതാണ്. കിസ്റ്റഫറിന്‍റെ വീട്ടിലേക്ക് വില്യംസ് മാലിന്യവും വിസര്‍ജ്യവും വലിച്ചെറിഞ്ഞിരുന്നു. ഇക്കാര്യം ചൂണ്ടിക്കാട്ടിയാണ് പരാതി നല്‍കിയത്. ഇതു കണ്ടെത്താന്‍ ക്രിസ്റ്റഫര്‍ വീട്ടില്‍ സിസിടിവി കാമറ സ്ഥാപിച്ചു. ഇതിനെച്ചൊല്ലി വില്യംസ് ഇവരുമായി വഴക്കുണ്ടാക്കിയിരുന്നുവെന്നും പരിസരവാസികള്‍ പറഞ്ഞു. വില്യംസ് അവിവാഹിതനാണ്. എറണാകുളം നോര്‍ത്ത് പോലീസ് മേല്‍നടപടികള്‍ സ്വീകരിച്ചു.

ഓപ്പണ്‍ തായ്‌കൊണ്ടോ ചാമ്പ്യന്‍ഷിപ്പ് ഓഗസ്റ്റ് രണ്ടിന്

കൊച്ചി: കേരള സ്റ്റേറ്റ് തായ്‌കൊണ്ടോ അസോസിയേഷന്‍റെ ആഭിമുഖ്യത്തില്‍ എറണാകുളം ലീജിയന്‍ സ്‌പോര്‍ട്‌സ് കേരള സ്റ്റേറ്റ് ഓപ്പണ്‍ തായ്‌കൊണ്ടോ ചാമ്പ്യന്‍ഷിപ്പ് സംഘടിപ്പിക്കുന്നു. ഓഗസ്റ്റ് രണ്ടിന് കടവന്ത്ര രാജീവ്ഗാന്ധി ഇന്‍ഡോര്‍ സ്റ്റേഡിയത്തിലാണ് ചാമ്പ്യന്‍ഷിപ്പ്. മൂന്നു വയസു മുതലുള്ളവര്‍ക്ക് വിവിധ വിഭാഗങ്ങളിലായി മത്സരങ്ങളുണ്ടാകും. കേരളത്തിലെ മുന്നൂറോളം തായ്‌കൊണ്ടോ ക്ലബുകളില്‍ നിന്നായി ആയിരത്തോളം അത്‌ലറ്റുകള്‍ പങ്കെടുക്കുമെന്ന് തായ്‌കൊണ്ടോ അസോസിയേഷന്‍ ഓഫ് എറണാകുളം ജില്ലാ ഭാരവാഹികള്‍ പത്രസമ്മേളനത്തില്‍ അറിയിച്ചു. ഏഷ്യന്‍ തായ്‌കൊണ്ടോ യൂണിയന്‍ ഡെപ്യുട്ടി സെക്രട്ടറി മുഹമ്മദ് ഇഷാഖ് മുഖ്യാതിഥിയാകും. എറണാകുളം സെന്‍ട്രല്‍ എസിപി സിബി ടോം ചാമ്പ്യന്‍ഷിപ്പ് ഉദ്ഘാടനം ചെയ്യും. തായ്‌കൊണ്ടോ അസോസിയേഷന്‍ ഓഫ് എറണാകുളം പ്രസിഡന്‍റ് ജോസഫ് സജീഷ്, സെക്രട്ടറി എസ്. മുരുകന്‍, ജോയല്‍ ജസ്റ്റിന്‍, ഹിമ പ്രിയ എന്നിവര്‍ പത്രസമ്മേളനത്തില്‍ പങ്കെടുത്തു.

കോണ്‍ഗ്രസ് സമര സംഗമം ഇന്ന്

കൊച്ചി: ജനദ്രോഹ സര്‍ക്കാരുകള്‍ക്കെതിരെ ജില്ലാ കോണ്‍ഗ്രസ് കമ്മിറ്റിയുടെ ആഭി മുഖ്യത്തിൽ ഇന്ന് സമര സംഗമം നടക്കും. ഉച്ചകഴിഞ്ഞ് മൂന്നിന് കലൂര്‍ എ.ജെ. ഹാളില്‍ നടക്കുന്ന പരിപാടിയില്‍ പ്രതിപക്ഷ നേതാവ് വി.ഡി. സതീശന്‍, കെപിസിസി പ്രസിഡന്‍റ് അഡ്വ. സണ്ണി ജോസഫ് എംഎല്‍എ, യുഡിഎഫ് കണ്‍വീനര്‍ അടൂര്‍ പ്രകാശ്, കെപിസിസി വര്‍ക്കിംഗ് പ്രസിഡന്‍റുമാരായ പി.സി. വിഷ്ണുനാഥ്, എ.പി. അനില്‍കുമാര്‍, ഷാഫി പറമ്പില്‍, എംപിമാര്‍, എംഎല്‍എമാര്‍, കെപിസിസി ഡിസിസി നേതാക്കള്‍ തുടങ്ങിയവര്‍ പങ്കെടുക്കും. വിലക്കയറ്റം, തൊഴിലില്ലായ്മ, പിന്‍വാതില്‍ നിയമനം, വന്യമൃഗ ആക്രമണം, ആനുകൂല്യങ്ങള്‍ വെട്ടിക്കുറക്കൽ, ദേശീയപാതാ നിര്‍മാണത്തിലെ അപാകതകള്‍, ആരോഗ്യ മേഖലയുടെ തകര്‍ച്ച, ആശാ വര്‍ക്കര്‍മാരോടുള്ള അവഗണന, തീരദേശ മേഖലയിലെ പ്രശ്‌നങ്ങള്‍, മയക്കുമരുന്നു മാഫിയയുടെ വിളയാട്ടം, ക്രമസമാധാന തകര്‍ച്ച, അഴിമതി, ധൂര്‍ത്ത് തുടങ്ങി കേന്ദ്ര സംസ്ഥാന സര്‍ക്കാരുകളുടെ കെടു കാര്യസ്ഥത എന്നിവയ്‌ക്കെതിരെയാണ് സമര സംഗമം.

വഴിവിട്ട യാത്രകള്‍ക്ക് ബ്രേക്ക് : പിടിച്ചെടുത്ത വാഹനങ്ങൾ ഇനി "സര്‍ക്കാര്‍ സര്‍വീസില്‍'

അബ്കാരി കേസുകളില്‍ പിടിച്ച രണ്ട് വാഹനങ്ങള്‍ വിവിധ വകുപ്പുകള്‍ക്ക് കൈമാറി ജെറി എം. തോമസ് കൊച്ചി: നിയമലംഘനങ്ങളും വഴിവിട്ട യാത്രകളും അവസാനിപ്പിച്ച് സര്‍ക്കാര്‍ സര്‍വീസിലേക്ക് കയറി അബ്കാരി കേസിലെ വാഹനങ്ങള്‍. ഒരിക്കല്‍ പോലീസിന്‍റെയും എക്‌സൈസിന്‍റെയും കണ്ണുവെട്ടിച്ച് ചീറിപ്പാഞ്ഞിരുന്നവരാണ് ഇന്ന് ഔദ്യോഗിക ബോര്‍ഡോടുകൂടി സര്‍ക്കാര്‍ ഓഫീസുകള്‍ക്ക് മുന്നില്‍ കിടക്കുന്നത്. അബ്കാരി കേസുകളില്‍ പിടിച്ചെടുത്ത വാഹനങ്ങള്‍ പല വകുപ്പുകള്‍ക്കു കൈമാറുന്നത് എക്‌സൈസ് വകുപ്പ് ഊര്‍ജിതമാക്കിയതോടെയാണ് ജില്ലയിലും ഇത്തരത്തില്‍ വാഹനങ്ങള്‍ സര്‍ക്കാര്‍ വകയായത്. കഴിഞ്ഞ ഒരുവര്‍ഷത്തിനിടെ ജില്ലയില്‍ രണ്ട് വാഹനങ്ങളാണ് ഇത്തരത്തില്‍ കൈമാറിയത്. ഒന്ന് ഇറിഗേഷന്‍ വകുപ്പിനും മറ്റൊന്ന് ഡ്രഗ് കണ്‍ട്രോള്‍ ഡിപ്പാര്‍ട്ട്‌മെന്‍റിനും. ഇറിഗേഷന്‍ വകുപ്പിന് റെനോള്‍ട്ടിന്‍റെ ഡസ്റ്റര്‍ കാറും ഡ്രഗ് കണ്‍ട്രോള്‍ ഡിപ്പാര്‍ട്ട്‌മെന്‍റിന് ഷെവര്‍ലെറ്റിന്‍റെ എൻജോയുമാണ് നല്‍കിയത്. അബ്കാരി കേസുകള്‍ വര്‍ധിച്ചതനുസരിച്ച് എക്‌സൈസ് വകുപ്പ് പിടിച്ചെടുക്കുന്ന വാഹനങ്ങളും കൂടിയതോടെയാണ് ഈ ഒഴിവാക്കല്‍ നടപടി. കഴിഞ്ഞ ഏതാനും വര്‍ഷത്തിനിടെ 250ലേറെ വാഹനങ്ങളാണ് ഇത്തരത്തില്‍ സംസ്ഥാനത്ത് വിവിധ വകുപ്പുകള്‍ക്കു ലഭിച്ചത്. ജയില്‍ വകുപ്പിനാണ് ഏറ്റവുമധികം വാഹനങ്ങള്‍ എക്‌സൈസ് കൈമാറിയിട്ടുള്ളത്. കുറഞ്ഞത് അഞ്ച് വര്‍ഷം വേണം വാഹനം ആവശ്യമുണ്ടെങ്കില്‍ വകുപ്പ് മേധാവി വഴി ടാക്‌സസ് സെക്രട്ടറിക്ക് അപേക്ഷ കൊടുക്കുക എന്നതാണു നടപടി. അബ്കാരി നിയമപ്രകാരമുള്ള ഡിസ്‌പോസല്‍ കമ്മിറ്റി ഇതു പരിഗണിക്കും. കോടതി വഴി വിട്ടുകിട്ടിയ വണ്ടികളുടെ പട്ടിക അവര്‍ക്കു മുന്നിലുണ്ടാകും. അഞ്ചു വര്‍ഷം വരെ ആര്‍സി കാലയളവുള്ള വണ്ടികള്‍ മാത്രമാണ് ഈ പട്ടികയില്‍ പെടുക. ഇരുചക്രം മുതല്‍ ആഡംബര വാഹനം വരെ വിവിധ അബ്കാരി കേസുകളിലായി എക്‌സൈസ് പിടിച്ചെടുത്ത വാഹനങ്ങളില്‍ ഇരുചക്ര വാഹനങ്ങള്‍ മുതല്‍ ഥാര്‍ അടക്കമുള്ള ആഡംബര വാഹനങ്ങള്‍ വരെയുണ്ട്. ഇന്നോവ, ബെലേനോ, ഡസ്റ്റര്‍, മാരുതി സ്വഫ്റ്റ് തുടങ്ങി ഈ വര്‍ഷം രജിസ്റ്റര്‍ചെയ്ത പുത്തന്‍ വണ്ടികളും പിടിച്ചെടുത്തവയില്‍ ഉള്‍പ്പെടും. കേസുകളില്‍ ഭൂരിഭാഗവും അറസ്റ്റിലായിട്ടുളളത് യുവാക്കളാണ്.

ട്രെയിന് മുന്നില്‍ച്ചാടി യുവാവ് ജീവനൊടുക്കി

കൊച്ചി: പെരുമാനൂര്‍ റെയില്‍വേ ഗേറ്റിന് സമീപത്തുവച്ച് ട്രെയിന് മുന്നില്‍ച്ചാടി യുവാവ് ജീവനൊടുക്കി. പള്ളുരുത്തി പെരുമ്പടപ്പ് സ്വദേശി ജോഷി ഷെറിന്‍ (39)ആണ് മരിച്ചത്. ഇന്നലെ പുലര്‍ച്ചെ ഒന്നിനും രണ്ടിനും ഇടയിലായിരുന്നു സംഭവം. വീട്ടില്‍നിന്ന് എറണാകുളം സൗത്ത് പോലീസ് ആത്മഹത്യാക്കുറിപ്പ് കണ്ടെടുത്തു. രാത്രി 11ന് ശേഷം ജോഷിയെ കാണാതായതോടെ വീട്ടുകാര്‍ വിവരം പോലീസിനെ അറിയിച്ചിരുന്നു. തുടര്‍ന്ന് നടത്തിയ അന്വേഷണത്തില്‍ അത്മഹത്യാക്കുറിപ്പും കണ്ടെടുത്തു. പിന്നാലെ നടത്തിയ തെരച്ചിലില്‍ ജോഷി യുടെ ബൈക്ക് അറ്റ്‌ലാന്‍ഡിക്‌സിന് സമീപത്ത് നിന്ന് കണ്ടെത്തി. പിന്നീട് ഇയാളെ ട്രെയിന്‍ തട്ടി പരിക്കേറ്റനിലയില്‍ കണ്ടെത്തുകയുമായിരുന്നു. ഉടൻ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. സൗത്ത് പോലീസ് മേൽനടപടികൾ സ്വീകരച്ചു. ഇന്നലെ ഉച്ചയോടെ പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനല്‍കി. സംസ്‌കാരം നടത്തി.

മഞ്ഞപ്പിത്തം ബാധിച്ച് മരിച്ചു

മൂവാറ്റുപുഴ: മഞ്ഞപ്പിത്തം ബാധിച്ച് ചികിത്സയിലായിരുന്ന കോടതി ജീവനക്കാരൻ മരിച്ചു. പെരുന്പാവൂർ ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് കോടതിയിലെ ഓഫീസ് അറ്റന്‍റൻഡ് പി.വി. രഞ്ജിത്ത് (39) ആണ് മരിച്ചത്. ഒരാഴ്ചയായി രോഗം ബാധിച്ച രഞ്ജിത്ത് മൂവാറ്റുപുഴ സ്വകാര്യ ആശുപത്രിയിലും തുടർന്ന് എറണാകുളം സ്വകാര്യ ആശുപത്രിയിലും ചികിത്സയിലിരിക്കെ വ്യാഴാഴ്ച രാത്രി 11നാണ് മരിച്ചത്. രണ്ടാർ ചാലിക്കടവ് പഴയിടത്ത് പരേതനായ വാസുവിന്‍റെയും തങ്കമ്മയുടെയും മകനാണ്. അവിവാഹിതനാണ്. ചാലിക്കടവ് അക്ഷയ സാംസ്കാരിക സമിതി ട്രഷറർ, മൂവാറ്റുപുഴ കിഴക്കേക്കര നിള കലാസാംസ്കാരിക സമിതിയുടെ നാടക സമിതിയിലെ പിന്നണി കലാകാരനുമായിരുന്നു. സംസ്കാരം നടത്തി. സഹോദരങ്ങൾ: ജഗതി, സുജിത്ത്, സുധ, സരിത.

നോര്‍ക്ക ശില്പശാല 31ന്

കൊച്ചി: പ്രവാസികൾക്കും തിരിച്ചെത്തിയവർക്കുമായി നോർക്കാ റൂട്ട്സും സെന്‍റർ ഫോർ മാനേജ്മെന്‍റ് ഡെവലപ്മെന്‍റും (സിഎംഡി) സംയുക്തമായി 31ന് പെരുമ്പാവൂരിൽ സൗജന്യ ഏകദിന സംരംഭകത്വ ശില്പശാല സംഘടിപ്പിക്കും. പങ്കെടുക്കാന്‍ താത്പര്യമുള്ളവര്‍ക്ക് പെരുമ്പാവൂര്‍ പിഡബ്ല്യൂഡി റസ്റ്റ് ഹൗസിനു സമീപത്തെ വൈഎംസിഎ കോണ്‍ഫറന്‍സ് ഹാളില്‍ രാവിലെ 9.30നകം എത്തണം. തിരിച്ചെത്തിയ പ്രവാസികളുടെ പുനരധിവാസത്തിനായി സംസ്ഥാന സര്‍ക്കാര്‍ നോര്‍ക്ക റൂട്ട്സ് വഴി നടപ്പാക്കുന്ന നോര്‍ക്ക ഡിപ്പാർ‌ട്ട്മെന്‍റ് പ്രോജക്ട് ഫോര്‍ റിട്ടേണ്‍ഡ് എമിഗ്രന്‍റ്സ് ഉൾപ്പടെ വിവിധ പദ്ധതികളുടെയും സേവനങ്ങളുടെയും വിശദാംശങ്ങള്‍ ശില്പശാലയില്‍ ലഭിക്കും. ഫോൺ: 0471 2329738, 8078249505.

മരട് നഗരസഭയിൽ റോഡില്‍ മാലിന്യം തള്ളിയവര്‍ക്ക് പിഴ രണ്ട് ലക്ഷം

കൊച്ചി: റോഡില്‍ മാലിന്യം തള്ളിയവര്‍ക്കെതിരെ മരട് നഗരസഭാ ആരോഗ്യവിഭാഗം രണ്ടു ലക്ഷം രൂപ പിഴ ചുമത്തി. മരട് ഗ്രിഗോറിയന്‍ പബ്ലിക് സ്‌കൂളിന് സമീപത്തെ റോഡിലാണ് മാലിന്യം തള്ളിയത്. ദൃക്‌സാക്ഷികള്‍ നല്‍കിയ വിവരത്തിന്‍റെ അടിസ്ഥാനത്തിലാണ് മാലിന്യം തള്ളിയ ശേഷം മുങ്ങിയ തൃപ്പൂണിത്തുറ സ്വദേശികളെ കണ്ടെത്തിയത്. മാലിന്യം തള്ളാന്‍ ഉപയോഗിച്ച ലോറി ആണ് ആദ്യം പിടികൂടിയത്. പിന്നാലെ ഇവരെയും പിടികൂടുകയായിരുന്നു. നഗരസഭാ ക്ലീന്‍ സിറ്റി മാനേജര്‍ പ്രേംചന്ദ്, ഹെല്‍ത്ത് ഇന്‍സ്‌പെക്ടര്‍ ഇന്‍ ചാര്‍ജ് ഹുസൈന്‍, പബ്ലിക് ഹെല്‍ത്ത് ഇന്‍സ്‌പെക്ടര്‍മാരായ എ.എസ്. അനീസ്, വിനു മോഹന്‍, കെ.ആര്‍. ഹനീസ്, അബ്ദുല്‍ സത്താര്‍, തുടങ്ങിയവരുടെ നേതൃത്വത്തിലായിരുന്നു നടപടികള്‍. നഗരസഭ പരിധിയില്‍ മാലിന്യം തള്ളുന്നവര്‍ക്കെതിരെ ശക്തമായ നടപടികള്‍ സ്വീകരിക്കുമെന്നും വിവരം നല്‍കുന്നവര്‍ക്ക് സര്‍ക്കാര്‍ നിശ്ചയിച്ചിരിക്കുന്ന പാരിതോഷികം നല്‍കുമെന്നും ചെയര്‍പേഴ്‌സണ്‍ ആന്‍റണി ആശാംപറമ്പില്‍ അറിയിച്ചു.

യുഡിഎഫ് പ്രതിഷേധ സംഗമം 23ന്

കൊച്ചി: പൊതുജനാരോഗ്യത്തെയും ഉന്നത വിദ്യാഭ്യാസ രംഗത്തെയും തകര്‍ത്ത സംസ്ഥാന സര്‍ക്കാരിനെതിരെ 23 ന് കളക്ടറേറ്റിന് മുമ്പില്‍ പ്രതിഷേധ സംഗമം സംഘടിപ്പിക്കുമെന്ന് യുഡിഎഫ്. കൊച്ചിയില്‍ ചേര്‍ന്ന യുഡിഎഫ് ജില്ലാ നേതൃയോഗം കെപിസിസി വൈസ് പ്രസിഡന്‍റ് വി.പി. സജീന്ദ്രന്‍ ഉദ്ഘാടനം ചെയ്തു. ജില്ലാ ചെയര്‍മാന്‍ ഡൊമിനിക് പ്രസന്‍റേഷന്‍ അധ്യക്ഷത വഹിച്ചു. ഡിസിസി പ്രസിഡന്‍റ് മുഹമ്മദ് ഷിയാസ്, യുഡിഎഫ് ജില്ലാ കണ്‍വീനര്‍ ഷിബു തെക്കുംപുറം, അന്‍വര്‍ സാദത്ത് എംഎല്‍എ, യുഡിഎഫ് നേതാക്കളായ ദീപ്തി മേരി വര്‍ഗീസ്, അബ്ദുല്‍ ഗഫൂര്‍, ജോണി അരീക്കാട്ടില്‍, ജോര്‍ജ് സ്റ്റീഫന്‍, ഇ.എം. മൈക്കിള്‍, വി.കെ. സുനില്‍കുമാര്‍, പി.രാജേഷ്, തമ്പി ചെള്ളത്ത് എന്നിവര്‍ പ്രസംഗിച്ചു.

യുവജന കമ്മീഷന്‍ അദാലത്ത്: പിഎസ്‌സിക്കെതിരെ പരാതിപ്രളയം

കൊച്ചി: എറണാകുളം ഗവ. റസ്റ്റ് ഹൗസ് കോണ്‍ഫറന്‍സ് ഹാളില്‍ നടന്ന സംസ്ഥാന യുവജന കമ്മീഷന്‍ ജില്ലാ അദാലത്തില്‍ പിഎസ്‌സിക്കെതിരെ പരാതി. റാങ്ക് ലിസ്റ്റ് സംബന്ധിച്ചും നിയമനങ്ങളിലെ ചട്ടലംഘനങ്ങള്‍ സംബന്ധിച്ചുമുള്ള പരാതികളാണ് ഏറെയുമെന്നാണ് വിവരം. കമ്മീഷന്‍ ചെയര്‍മാന്‍ എം.ഷാജറിന്‍റെ അധ്യക്ഷതയില്‍ നടന്ന അദാലത്തില്‍ 28 പരാതികളാണ് ആകെ പരിഗണിച്ചത്. ഇതില്‍ 15 പരാതികള്‍ പരിഹരിച്ചു. 13 പരാതികള്‍ അടുത്ത സിറ്റിംഗിലേക്ക് മാറ്റിവച്ചു. യുവജനങ്ങള്‍ നേരിടുന്ന പ്രശ്‌നങ്ങള്‍ക്ക് കൃത്യമായ പരിഹാരങ്ങള്‍ ലഭ്യമാക്കുന്നതിന് കമ്മീഷന്‍ ഇടപെടുമെന്നും യുവജനങ്ങളുടെ മാനസികാരോഗ്യം ഉറപ്പാക്കാനും ലഹരിക്കെതിരായും നിരവധി കാമ്പയിനുകൾ നടപ്പിലാക്കി വരികയാണെന്നും ഷാജര്‍ പറഞ്ഞു. പരിഗണിച്ച മറ്റു പരാതികള്‍: 4ഹിന്ദി പ്രചാര സഭ എറണാകുളം സെന്‍ററിന് എന്‍സിടിഇയുടെ അംഗീകാരവും ബിഎഡ് തുല്യതാ സര്‍ട്ടിഫിക്കറ്റും സംബന്ധിച്ച്4ഭിന്നശേഷിക്കാര്‍ക്ക് വില്ലേജ് ഫീല്‍ഡ് അസി. തസ്തികയില്‍ നിയമാനുസൃതമായ സംവരണാനുകൂല്യം അനുവദിക്കുന്നത് സംബന്ധിച്ച് 4സാമൂഹിക മാധ്യമങ്ങളിലൂടെ അപകീര്‍ത്തിപ്പെടുത്തല്‍4കോളജില്‍ വിദ്യാര്‍ഥികളെ അന്യായമായി സസ്‌പെന്‍ഡ് ചെയ്തത്4ഗാര്‍ഹിക പീഡനം4തൊഴില്‍ തട്ടിപ്പ്.

ഡബിള്‍ ഡക്കറിന് നനഞ്ഞ പ്രതികരണം : ആദ്യദിനം 12 പേര്‍, ഇന്നലെ 29

കൊച്ചി: കൊച്ചിയുടെ സായാഹ്ന കാഴ്ചകള്‍ ആസ്വദിക്കാന്‍ കെഎസ്ആര്‍ടിസിയുടെ ബജറ്റ് ടൂറിസം പദ്ധതിയുടെ ഭാഗമായി ആരംഭിച്ച ഓപ്പണ്‍ ഡബിള്‍ ഡക്കര്‍ വിനോദ സഞ്ചാര ബസിന് നനഞ്ഞ പ്രതികരണം. ആദ്യ ദിനവും ഇന്നലെയുമായി പകുതിയില്‍ താഴെമാത്രമാണ് ബുക്കിംഗ് ഉണ്ടായത്. മഴയാണ് പ്രധാന കാരണം. മുകൾ ഡെക്കില്‍ മേല്‍ക്കൂരയില്ലാത്തതിനാല്‍ മഴ നനയേണ്ടിവരുമെന്ന് ഭയന്ന് പലരും പിന്‍വലിയുകയാണ്. വാണിജ്യാടിസ്ഥാനത്തില്‍ സര്‍വീസ് ആരംഭിച്ച ആദ്യദിനമായ ബുധനാഴ്ച ആകെ 12 പേര്‍ മാത്രമാണ് യാത്രയ്ക്കുണ്ടായിരുന്നത്. ഇതില്‍ മുകളിലിരുന്നു യാത്ര ചെയ്തതാകട്ടെ നാല് പേരും. മഴ പെയ്യുന്ന സമയം ഇവര്‍ താഴേക്കിറങ്ങും. രണ്ടാം ദിനമായ ഇന്നലെ 29 പേര്‍ യാത്ര ചെയ്തെങ്കിലും ഇവരിലേറെയും കെഎസ്ആര്‍ടിസി ഉദ്യോഗസ്ഥരാണെന്ന ആക്ഷേപമുണ്ട്. ഏതു സാഹചര്യത്തിലാണ് ഉദ്യോഗസ്ഥര്‍ യാത്രയുടെ ഭാഗമായതെന്ന് അന്വേഷിക്കുമെന്ന് ബന്ധപ്പെട്ട ഉദ്യോഗസ്ഥന്‍ പറഞ്ഞു. ഓപ്പണ്‍ ഡെക്കില്‍ 39 സീറ്റുകള്‍ ഉള്‍പ്പെടെ മുകളിലും താഴെയുമായി 63 യാത്രക്കാര്‍ക്ക് സഞ്ചരിക്കാന്‍ സൗകര്യമുള്ളതാണ് ബസ്. ആദ്യ രണ്ടു ദിവസത്തില്‍ കണക്ക് പ്രകാരം 41 പേര്‍ മാത്രമാണ് യാത്ര ചെയതത്. വരുമാനമാകട്ടെ പതിനായിരത്തില്‍ താഴെ മാത്രവും. മഴ മാറുന്നതുവരെ ഈ നില തുടര്‍ന്നേക്കുമെങ്കിലും പിന്നീട് മെച്ചപ്പെടുമെന്ന പ്രതീക്ഷയിലാണ് ഉദ്യോഗസ്ഥര്‍. അപ്പര്‍ ഡെക്കില്‍ സീറ്റ് ബുക്ക് ചെയ്യുന്നവരോട് മഴക്കോട്ടും കൈയില്‍ കരുതണമെന്ന നിര്‍ദേശം നല്‍കുന്നുണ്ട്.

‘ജോയ്'ഫുള്‍ ഫാമിലി

മൂന്നു കുടുംബങ്ങള്‍ക്കു വീടു വയ്ക്കാന്‍ ഭൂമി പകുത്തു നല്‍കി സിജോ പൈനാടത്ത് കൊച്ചി: ‘നമ്മുടെ പരിസരങ്ങളില്‍ വീടില്ലാത്തവര്‍ക്ക് അതിനുള്ള സ്ഥലമെങ്കിലും കൊടുക്കണമെന്നത് അപ്പന്‍റെ ആഗ്രഹമായിരുന്നു. വലിയ സന്തോഷത്തോടെയാണ് ഞാന്‍ ഇതു മൂന്നു കുടുംബങ്ങള്‍ക്കായി നല്‍കുന്നത്.' തന്‍റെ പേരിലുള്ള പതിനഞ്ചു സെന്‍റ് സ്ഥലം മൂന്നു നിര്‍ധന കുടുംബങ്ങള്‍ക്കായി പങ്കുവച്ചതിന്‍റെ രേഖകള്‍ കൈമാറിയപ്പോള്‍ കോതമംഗലം മാലിപ്പാറ സ്വദേശി ജോയ് പൈനാപ്പിള്ളിലിന്‍റെ മുഖത്തു സംതൃപ്തിയുടെ പുഞ്ചിരി വിടര്‍ന്നു. ഭാര്യ ലിസിയും മക്കളും ആ സന്തോഷം പങ്കുവച്ചു. ഉള്ളതു പങ്കുവയ്ക്കാനുള്ള കുടുംബത്തിന്‍റെ നല്ല തീരുമാനത്തിനു വികാരി ഫാ. ജോസ് കൂനാനിക്കലും സാക്ഷി. കൃഷിക്കാരനായ ജോയി, വീട്ടില്‍ നിന്നു ഒരു കിലോമീറ്ററപ്പുറത്തു കുളങ്ങാട്ടുകുഴിയിലുള്ള തന്‍റെ ഭൂമിയാണ് മൂന്നു കുടുംബങ്ങള്‍ക്കായി പകുത്തു നല്‍കിയത്. മാതാപിതാക്കളായ മാത്യുവിന്‍റെയും അന്നംകുട്ടിയുടെയും ആഗ്രഹമാണ് പിതൃസ്വത്തായി കിട്ടിയ ഭൂമി സൗജന്യമായി നല്‍കാന്‍ പ്രചോദനമായതെന്നു ജോയി പറയുന്നു. ജാതി മതഭേദമന്യേ മൂന്നു കുടുംബങ്ങള്‍ക്കു ഭൂമി നല്‍കാനുള്ള ജോയിയുടെ തീരുമാനം വികാരി പള്ളിയില്‍ അറിയിച്ചിരുന്നു. ഇടവകയില്‍ നിന്നും പുറത്തും നിന്നു ഭൂമിക്കായി എത്തിയവരില്‍ നിന്ന് കൂടുതല്‍ അര്‍ഹതപ്പെട്ട മൂന്നു കുടുംബങ്ങളെ കണ്ടെത്തി ഭൂമി രജിസ്റ്റര്‍ ചെയ്തു നല്‍കി. ഇടവകാംഗത്തിനു പുറമേ, രണ്ടു ഹൈന്ദവ കുടുംബങ്ങളും ഭൂമി ലഭിച്ചവരിലുണ്ട്. ജാതിയും മതവുമല്ല നോക്കിയത്, അര്‍ഹതപ്പെട്ടവര്‍ക്കു ഭൂമി കിട്ടണം എന്നതായിരുന്നു ആഗ്രഹം. ആ കുടുംബങ്ങള്‍ അവിടെ വീടുവച്ചു സന്തോഷമായി ജീവിക്കട്ടെ. മറ്റുള്ളവരുടെ സന്തോഷത്തിനു നമ്മള്‍ കാരണക്കാരാകുന്നതാണല്ലൊ ജീവിതത്തിലെ സംതൃപ്തി- ജോയിയും ലിസിയും പറയുന്നു. മക്കളായ അമല്‍, അനിത, അരുണ്‍ എന്നിവരും മാതാപിതാക്കളുടെ കാരുണ്യമനസിനു പൂര്‍ണപിന്തുണയുമായി ഒപ്പം.

നടി ആര്യയുടെ‘കാഞ്ചീവരം' ബുട്ടീക്കിന്‍റെ പേരിൽ വ്യാജൻ

പലർക്കും പണം നഷ്ടമായി കൊച്ചി: ബഡായി ബംഗ്ലാവ് ഫെയിം ആര്യയുടെ ഉടമസ്ഥതയിലുള്ള കാഞ്ചീവരം ബുട്ടീക്കിന്‍റെ ഇന്‍സ്റ്റഗ്രാം പേജിന്‍റെ വ്യാജപതിപ്പുകള്‍ നിര്‍മിച്ച് തട്ടിപ്പ്. 15,000 രൂപയുടെ സാരി 1900 രൂപയ്ക്ക് നല്‍കാമെന്ന് വാഗ്ദാനം ചെയ്താണ് തട്ടിപ്പ്. ഇതുസംബന്ധിച്ച് നടി സൈബര്‍ പോലീസിനും മെറ്റയ്ക്കും പരാതി നല്‍കി. തട്ടിപ്പിനു പിന്നില്‍ ഉത്തരേന്ത്യന്‍ സംഘമാണെന്നാണ് സംശയിക്കുന്നത്. കാഞ്ചീവരം എന്ന പേരിലുള്ള റീട്ടെയ്ല്‍ ഷോപ്പിന്‍റെ ഇന്‍സ്റ്റഗ്രാം പേജിന്‍റെ വ്യാജപേജുകള്‍ നിര്‍മിച്ചാണ് തട്ടിപ്പ് നടത്തിയത്. പേജിലെ വീഡിയോകളും ചിത്രങ്ങളും എഡിറ്റ് ചെയ്താണ് വ്യാജപേജുകള്‍ നിര്‍മിച്ചിരിക്കുന്നത്. ബന്ധപ്പെടാനായി ഫോണ്‍ നമ്പറുണ്ടാകും. വസ്ത്രം വാങ്ങാനായി പേജിലെ ഫോണ്‍ നമ്പറില്‍ ബന്ധപ്പെടുമ്പോള്‍ പണം അടയ്‌ക്കേണ്ട ക്യുആര്‍ കോഡ് അയച്ചുകൊടുക്കും. പണം കിട്ടിയതിന് പിന്നാലെ നമ്പര്‍ ബ്ലോക്ക് ചെയ്യും. പണം നല്‍കി ദിവസങ്ങള്‍ കഴിഞ്ഞിട്ടും വസ്ത്രം ലഭിക്കാതെ വരുമ്പോഴാണ് തട്ടിപ്പാണെന്ന് മനസിലാകുന്നത്. പണം നഷ്ടപ്പെട്ടയാള്‍ കഴിഞ്ഞ ദിവസം ആര്യയെ വിവരം അറിയിക്കുകയായിരുന്നു. തുടര്‍ന്നാണ് ഇവര്‍ സൈബര്‍ പോലീസില്‍ പരാതി നല്‍കിയത്. തട്ടിപ്പിന് ഇരയായതായി നിരവധി പേരാണ് ദിവസവും വിളിച്ചറിയിക്കുന്നത്. പതിനഞ്ചോളം പേജുകള്‍ റിപ്പോര്‍ട്ട് ചെയ്തു പൂട്ടിച്ചു. എന്നാല്‍ പത്തോളം പേജുകള്‍ തട്ടിപ്പുകാര്‍ വീണ്ടും തുടങ്ങി. ഉത്തരേന്ത്യയില്‍നിന്നുള്ള സംഘമാണ് തട്ടിപ്പിനു പിന്നിലെന്നാണ് പോലീസ് പറയുന്നത്'- നടി ആര്യ പറഞ്ഞു.

ഓപ്പറേഷന്‍ 'പൊതിച്ചോറ്': റെയില്‍വേയിലെ ഭക്ഷണത്തിലും അടുക്കളയിലും പരിശോധന

കൊച്ചി: റെയില്‍വേ സ്റ്റേഷനുകളിലെ ഫുഡ് പ്ലാസകളിലും പാചകപ്പുരയിലും റെയില്‍വേ പോലീസ് പരിശോധന നടത്തി ഭക്ഷ്യ ഗുണനിലവാരം വിലയിരുത്തി. ഓപ്പറേഷന്‍ പൊതിച്ചോറ് എന്ന പേരില്‍ സംസ്ഥാന വ്യാപകമായി നടത്തുന്ന പരിശോധനകളുടെ ഭാഗമായാണ് എറണാകുളം സൗത്ത്, നോര്‍ത്ത് റെയില്‍വേ സ്റ്റേഷനുകളിൽ പരിശോധന നടത്തിയത്. എറണാകുളം സൗത്തിൽ ഡിവൈഎസ്പി ജോര്‍ജ് ജോസഫിന്‍റെ നേതൃത്വത്തിലും സ്റ്റേഷനിലെ അടുക്കളകളിലും ട്രെയിനുകളിലെ പാന്‍ട്രികളിലും എസ്‌ഐ അനില്‍കുമാറിന്‍റെ നേതൃത്വത്തിലുമായിരുന്ന പരിശോധന. റെയില്‍വേ സ്റ്റേഷനുകളിലെ അനധികൃത ഭക്ഷ്യവില്പന തടയല്‍, ഫുഡ് പ്ലാസകളിലും മറ്റും വില്‍ക്കുന്ന ഭക്ഷണത്തിന്‍റെ ഗുണനിലവാരം ഇവയുടെ അടുക്കളകളിലെ വൃത്തി എന്നിവ ഉറപ്പാക്കുകയാണ് പരിശോധനയുടെ ലക്ഷ്യം. വൃത്തിയില്ലേ; വിളിക്കാം പരാതിപ്പെടാം റെയില്‍വേ സ്റ്റേഷനുകളില്‍ വൃത്തിഹീനമായ സാഹചര്യത്തില്‍ ഭക്ഷണം വില്‍ക്കുന്നതോ, അനധികൃത ഭക്ഷ്യവില്പന നടത്തുന്നതോ ശ്രദ്ധയില്‍പ്പെട്ടാല്‍ യാത്രക്കാര്‍ക്ക് 139, 112 എന്ന നമ്പറില്‍ വിളിച്ച് പരാതിപ്പെടാം.

നഗരശുചിത്വം : കൊച്ചി നമ്പര്‍ 1

ദേശീയ റാങ്കിംഗിൽ 50-ാമത് കൊച്ചി: സ്വച്ഛ് സര്‍വേക്ഷന്‍ സര്‍വേയില്‍ കൊച്ചി കോര്‍പറേഷനാണ് കേരളത്തിലെ ഏറ്റവും മികച്ച ശുചിത്വ നഗരം. മൂന്ന് മുതല്‍ 10 ലക്ഷം വരെ ജനസംഖ്യയുള്ള വലിയ നഗരങ്ങളുടെ പട്ടികയിലാണ് സംസ്ഥാനത്ത് കൊച്ചി ഒന്നാമതെത്തിയത്. മാലിന്യ നിര്‍മാര്‍ജന സംവിധാനങ്ങള്‍ ഉള്‍പ്പെടെ പരിഗണിച്ച് പൊതുജനാഭിപ്രായം കൂടി ശേഖരിച്ചായിരുന്നു വിധി നിര്‍ണയം. തൃശൂര്‍ കോര്‍പറേഷനാണ് രണ്ടാമത്. ഏറ്റവും പിന്നില്‍ കൊല്ലം കോര്‍പറേഷനും. നഗരശുചിത്വം സംബന്ധിച്ച് പൗരന്മാരില്‍ നിന്നും ലഭ്യമാക്കിയ പൊതുജനാഭിപ്രായം, മാലിന്യ സംസ്‌കരണ സൗകര്യങ്ങളുടെ വിലയിരുത്തല്‍, നേരിട്ടുള്ള ഫീല്‍ഡ് പരിശോധന തുടങ്ങി നാല് ഘടകങ്ങൾ മാനദണ്ഡമാക്കിയാണ് കേന്ദ്ര നഗരകാര്യ മന്ത്രാലയം മികച്ച നഗരങ്ങളുടെ പട്ടിക തയാറാക്കിയത്. ദേശീയ തലത്തില്‍ പോയിന്‍റ് പട്ടികയില്‍ 50-ാമതാണ് കൊച്ചി. 416-ാം സ്ഥാനത്ത് നിന്നാണ് കൊച്ചി 50ൽ എത്തിയത്. സ്വച്ഛ് സര്‍വേക്ഷണ്‍ ആരംഭിച്ചതിന് ശേഷം ആദ്യമായാണ് കേരളത്തിലെ ഒരു നഗരം ദേശീയതലത്തില്‍ 50-ാം സ്ഥാനത്തെത്തുന്നത്. ബ്രഹ്മപുരത്തെ ബയോമൈനിംഗ്, ബിഎസ്എഫ് പ്ലാന്‍റ്, വിവിധയിടങ്ങളിലുള്ള ബോട്ടില്‍ ബൂത്തുകള്‍, ആര്‍ആര്‍എഫ് പ്ലാന്‍റുകള്‍, കണ്ടെയ്‌നര്‍ എംസിഎഫുകള്‍, വില്ലിംഗ്ടണ്‍ ഐലൻഡ്, എളംകുളം എന്നിവിടങ്ങളിലെ എഫ്എസ്ടിപി, കലൂര്‍ മണപ്പാട്ടിപ്പറമ്പിലെ ഒഡബ്ല്യുസി പ്ലാന്‍റ് എന്നിവ സര്‍വേ അംഗങ്ങള്‍ ഫീല്‍ഡ് പരിശോധ നടത്തി. ബ്രഹ്മപുരം കേന്ദ്രീകരിച്ച് നടത്തിവരുന്ന മാലിന്യ സംസ്‌കരണ പദ്ധതികളാണ് കൊച്ചിയെ മുന്നിലെത്തിച്ചതെന്ന് കോര്‍പറേഷന്‍ അവകാശപ്പെട്ടു. ‘ഈ നേട്ടം ചെറുതല്ല. ശുചിത്വം, മാലിന്യ സംസ്‌കരണം, നഗരസൗന്ദര്യവത്കരണം തുടങ്ങിയ മേഖലകളില്‍ വലിയ മുന്നേറ്റമുണ്ടാക്കുന്നതിന് നഗരസഭയ്ക്ക് കഴിഞ്ഞിട്ടുണ്ട്. ഇനിയും ഏറെ മുന്നേറാനുണ്ട്. മുന്നില്‍ 49 പേര്‍ ഉണ്ട് എന്ന ബോധ്യമാണ് വേണ്ടത്. ഒന്നാം സ്ഥാനത്ത് എത്താന്‍ പലതും ചെയ്യാനുണ്ട്. ബ്രഹ്മപുരത്ത് ഉയരുന്ന സിബിജി പ്ലാന്‍റ് പ്രവര്‍ത്തിച്ചു തുടങ്ങുന്നതോടെ വലിയൊരു മുന്നേറ്റം നടത്താന്‍ സാധിക്കും.' എം. അനില്‍കുമാര്‍ മേയര്‍

കഞ്ചാവ് കേസില്‍ ജയില്‍ മോചിതനായ പ്രതി വീണ്ടും അകത്തായി

കൊച്ചി: കഞ്ചാവ് കേസില്‍ ജയില്‍ മോചിതനായി പുറത്തിറങ്ങിയ ശേഷം വീണ്ടും കഞ്ചാവ് വില്പന നടത്തിയ നഗരത്തിലെ മയക്കുമരുന്നുകടത്ത് ശൃംഖലയിലെ പ്രധാനിയെ എക്‌സൈസ് കസ്റ്റഡിയിലെടുത്തു. ചിറ്റൂര്‍ വടുതല സ്വദേശി ജോസഫ് ജിബിന്‍ ജോണി(35)നെയാണ് എറണാകുളം റേഞ്ച് എക്‌സൈസ് അറസ്റ്റ് ചെയ്തത്. ഇയാളുടെ പക്കൽനിന്ന് 9.200 കിലോഗ്രാം കഞ്ചാവ് എക്‌സൈസ് പിടിച്ചെടുത്തു. കഞ്ചാവ് കൈമാറുന്നതിനായി വടുതല പാലം റോഡിന് സമീപം ഇടനിലക്കാരനെ കാത്ത് നിന്നിരുന്ന പ്രതിയെ 1.200 കിലോ കഞ്ചാവുമായി എക്‌സൈസ് പിടികൂടുകയായിരുന്നു. വിശദമായ ചോദ്യം ചെയ്യലില്‍ ഇയാളുടെ താമസ സ്ഥലത്തോട് ചേര്‍ന്ന് ചതുപ്പില്‍ കുഴിച്ചിട്ട നിലയില്‍ എട്ടു കിലോയോളം കഞ്ചാവും എക്‌സൈസ് സംഘം കണ്ടെത്തി. എറണാകുളം, വടുതല, ചിറ്റൂര്‍ എന്നീ സ്ഥലങ്ങള്‍ കേന്ദ്രീകരിച്ച് കോളജ് വിദ്യാര്‍ഥികള്‍ ഉള്‍പ്പെടെയുള്ളവര്‍ക്കാണ് പ്രതി മയക്കുമരുന്ന് വില്പന നടത്തി യിരുന്നത്. നിരവധി ക്രിമിനല്‍ കേസിൽ പ്രതിയായ ഇയാള്‍ 10 കിലോ കഞ്ചാവ് കടത്തിയ കേസില്‍ ശിക്ഷ കഴിഞ്ഞ് ഏതാനും മാസങ്ങള്‍ മുമ്പാണ് ജയില്‍ മോചിതനായത്. ഒരാഴ്ച മുമ്പ് എറണാകുളത്തുനിന്ന് കഞ്ചാവുമായി പിടിയിലായ യുവാവിനെ ചോദ്യം ചെയ്തതില്‍ നിന്ന് ലഭിച്ച വിവരത്തിന്‍റെ അടിസ്ഥാനത്തില്‍ ജിബിന്‍ എക്‌സൈസിന്‍റെ നിരീക്ഷണത്തിലായിരുന്നു. ഇയാളുടെ കൂട്ടാളികളെക്കുറിച്ച് സൂചന ലഭിച്ചതായും വരുംദിവസങ്ങളില്‍ കൂടുതല്‍ അറസ്റ്റ് ഉണ്ടാകുമെന്നും എക്‌സൈസ് അറിയിച്ചു.

ആലുവയിൽ വീണ്ടും പാർക്കിംഗ് തർക്കം: വനിതാ കൗൺസിലർ മർദിച്ചതായി പരാതി

ആലുവ: യൂത്ത് കോൺഗ്രസ് നേതാവ് പാർക്കിംഗ് ഗ്രൗണ്ടിലെ സെക്യൂരിറ്റിയെ മർദിച്ച സംഭവത്തിന് പിന്നാലെ, പാർക്കിംഗിനെച്ചൊല്ലി മർദിച്ചതായി മുനിസിപ്പൽ വനിതാ കൗൺസിലർക്കെതിരെയും കേസ്. ആലുവ നഗരസഭാ ബിജെപി കൗൺസിലർ പ്രീത, ഭർത്താവ്, മകൻ എന്നിവർക്കെതിരെ കീഴ്മാട് സ്വദേശിനി അംബികയാണ് പരാതി നൽകിയിരിക്കുന്നത്. കൗൺസിലറും ഭർത്താവും മകനും ചേർന്ന് ഭിന്നശേഷിക്കാരായ പെൺകുട്ടിയെയും മാതാപിതാക്കളെയും മർദിച്ചതായാണ് പരാതി. ആലുവ സീനത്ത് തിയറ്ററിനു സമീപമുള്ള അംബേദ്ക്കർ ഹാളിൽ പ്രാർഥനയ്ക്കെത്തിയവരുടെ വാഹനത്തിനു തടസമുണ്ടാക്കി കൗൺസിലറുടെ കാർ പാർക്ക് ചെയ്തു എന്നാരോപിച്ചാണ് തർക്കം തുടങ്ങിയത്. പ്രീതയുടെ മകനുമായി ഉണ്ടായ തർക്കം പിന്നീട് പ്രീതയും ഭർത്താവും ഏറ്റെടുക്കുകയായിരുന്നു. അംബികയെ പ്രീതയും ഭർത്താവും മകനും ചേർന്ന് വണ്ടിയിൽ നിന്ന് വലിച്ചിറക്കി സ്പാനർകൊണ്ട് അടിച്ച് കൈ ഒടിച്ചതായും മർദിച്ചതായുമാണ് പരാതി. തർക്കത്തിനിടെ അംബികയ്ക്കുനേരെ പ്രീതയുടെ ഭർത്താവ് എറിഞ്ഞ കല്ല് പ്രീതയുടെ മകന്‍റെ തലയിൽതന്നെ കൊണ്ട് പരിക്കേറ്റെന്നും പറയുന്നുണ്ട്. സംഭവത്തിൽ ഇരുകൂട്ടരുടെയും പരാതികളുടെ അടിസ്ഥാനത്തിൽ ആലുവ പോലീസ് കേസെടുത്തിട്ടുണ്ട്. സിസിടിവി ദൃശ്യങ്ങൾ പോലീസ് ശേഖരിച്ചിട്ടുണ്ട്. ബിജെപി നേതൃത്വവുമായി അകന്നിരിക്കുന്ന പ്രീത നിലവിൽ ഇടതുപക്ഷവുമായി ചേർന്നാണ് പ്രവർത്തിക്കുന്നത്.

‘മൂവാറ്റുപുഴ ജനറൽ ആശുപത്രിയിൽ ഓക്സിജൻ പ്ലാന്‍റ് പ്രവർത്തനം ഉടൻ ആരംഭിക്കണം’

മൂവാറ്റുപുഴ: ജനറൽ ആശുപത്രിയിലെ ഓക്സിജൻ പ്ലാന്‍റിന്‍റെ പ്രവർത്തനം ഉടൻ ആരംഭിക്കണമെന്ന് കേരളാ കോണ്‍ഗ്രസ് ജേക്കബ് സംസ്ഥാന ജനറൽ സെക്രട്ടറി രാജു പാണാലിക്കൽ ആവശ്യപ്പെട്ടു. മന്ത്രി വീണാ ജോർജ് രാജിവയ്ക്കണമെന്നാവശ്യപ്പെട്ട് കേരളാ കോണ്‍ഗ്രസ് ജേക്കബ് ജില്ലാ കമ്മിറ്റിയുടെ നേതൃത്വത്തിൽ ജനറൽ ആശുപത്രിക്ക് മുൻപിൻ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം. പാർട്ടി ജില്ലാ പ്രസിഡന്‍റ് ഇ.എം. മൈക്കിൾ അധ്യക്ഷത വഹിച്ചു. ഏഴു വർഷം മുന്പ് ഫണ്ട് അനുവദിച്ച മൂവാറ്റുപുഴ ജനറൽ ആശുപത്രി സൂപ്പർ സ്പെഷ്യാലിറ്റി ബ്ലോക്കിന്‍റെ നിർമാണവും ഓങ്കോളജി ഡിപ്പാർട്ടുമെന്‍റിന്‍റെ വിപുലീകരണവും ഉടൻ പൂർത്തിയാക്കണമെന്നും നേതാക്കൾ ആവശ്യപ്പെട്ടു.

രാസലഹരിയുമായി ചുമട്ടു തൊഴിലാളികൾ പിടിയിൽ

കോതമംഗലം: രാസലഹരിയുമായി ചുമട്ടു തൊഴിലാളികൾ പിടിയിൽ. ഇരുമലപ്പടിയിൽ എക്സൈസ് നടത്തിയ പരിശോധനയിൽ ലഹരി വസ്തുക്കളായ മെത്താഫെറ്റമിൻ, കഞ്ചാവ് എന്നിവയുമായാണ് ഓടക്കാലി സ്വദേശികളായ മംഗലപ്പാറ നിസാർ (39), ചിറ്റേത്തുകുടി കുഞ്ഞുമുഹമ്മദ് (44) എന്നിവർ അറസ്റ്റിലായത്. കോതമംഗലം എക്സൈസ് റേഞ്ച് ഇൻസ്പെക്ടർ സിജോ വർഗീസിന്‍റെ നേതൃത്വത്തിൽ നടത്തിയ പരിശോധനയിലാണ് പ്രതികൾ പിടിയിലായത്. ഇവർ നാളുകളായി എക്സൈസിന്‍റെ നിരീക്ഷണത്തിലായിരുന്നു. ഇവരുമായി ലഹരി ഇടപാടുകൾ നടത്തിയവരെക്കുറിച്ചും അന്വേഷണം നടത്തുമെന്ന് എക്സൈസ് അധികൃതർ അറിയിച്ചു.

റോഡരികിലെ കല്ലിൽ ഇടിച്ച് കാർ തലകീഴായി മറിഞ്ഞു

പിറവം: റോഡരികിൽ കിടന്ന കല്ലിൽ ഇടിച്ച് നിയന്ത്രണംവിട്ട് കാർ തലകീഴായി മറിഞ്ഞു. ഡ്രൈവറും ഒപ്പമുണ്ടായിരുന്നയാളും പരിക്കേൽക്കാതെ അത്ഭുതകരമായി രക്ഷപ്പെട്ടു. പിറവം-പെരുവ റോഡിൽ പിറവം പോലീസ് സ്റ്റേഷന് സമീപം ഇന്നലെ മൂന്നോടെയായിരുന്നു സംഭവം. വയലാർ സ്വദേശിയായ രാജേഷും അടുത്ത ബന്ധുവായ ശിവപ്രസാദുമാണ് കാറിലുണ്ടായിരുന്നത്. അടിമാലിയിൽനിന്ന് വൈക്കം വഴി വയലാറിലേക്ക് മടങ്ങുകയായിരുന്നു. ഓടിക്കൂടിയ സ്ഥലവാസികളും യാത്രക്കാരും ചേർന്ന് വണ്ടി ഉയർത്തി നേരെയാക്കി.

നീണ്ടപാറ പള്ളിക്ക് സമീപം : കലുങ്കിന്‍റെ സംരക്ഷണഭിത്തി ഇടിഞ്ഞ് റോഡ് അപകട ഭീഷണിയില്‍

കോതമംഗലം: നേര്യമംഗലം-ഇടുക്കി റോഡില്‍ നീണ്ടപാറ പള്ളിക്ക് സമീപം വീണ്ടും കലുങ്കിന്‍റെ സംരക്ഷണഭിത്തി ഇടിഞ്ഞ് റോഡ് അപകട ഭീഷണിയില്‍. ഇന്നലെ രാവിലെ 7.30 ഓടെയാണ് സംഭവം. കലുങ്കിന്‍റെ താഴ്ചയുള്ള ഭാഗത്തെ കരിങ്കല്ലില്‍ കെട്ടിയ സംരക്ഷണഭിത്തി നിലംപതിച്ചു. ഭിത്തി തകര്‍ന്ന ഭാഗത്ത് റോഡില്‍ വിള്ളലും ഉണ്ടായിട്ടുണ്ട്. കലുങ്ക് ഇടിഞ്ഞ ഭാഗത്ത് പ്ലാസ്റ്റിക്ക് ഡിവൈഡര്‍ സ്ഥാപിച്ച് ഒറ്റവരി ഗതാഗതം ആക്കിയിരിക്കുകയാണ്. ദേശീയപാത കടന്നുപോകുന്ന നേര്യമംഗലം-അടിമാലി റോഡില്‍ മരം വീണും മറ്റും തടസം ഉണ്ടാകുമ്പോള്‍ വാഹനങ്ങള്‍ ഇതുവഴി തിരിച്ച് വിടാറുണ്ട്. സര്‍വീസ് ബസുകള്‍ ഉള്‍പ്പെടെ നൂറുകണക്കിന് വാഹനങ്ങള്‍ രാപ്പകല്‍ സഞ്ചരിക്കുന്ന റോഡില്‍ സമാനരീതിയില്‍ നിരവധി കലുങ്കുകള്‍ അപകടാവസ്ഥയിലാണെന്ന് നാട്ടുകാര്‍ പറഞ്ഞു. എറണാകുളം, ഇടുക്കി ജില്ലാ അതിര്‍ത്തി പങ്കിടുന്ന കരിമണല്‍ കവലയിലെ ചെറിയപാലവും അപകടാവസ്ഥയിലാണ്. പാലത്തിന്‍റെ കൈവരിയിലെ സിമന്‍റ് പൊളിഞ്ഞ് ദ്രവിച്ച കമ്പി കാണാം. അപകാടവസ്ഥയിലുള്ള കലുങ്കുകളുടെ അടിയിലെ സ്ലാബിന് തകര്‍ച്ചയും വശത്തെ സംരക്ഷണഭിത്തിക്കു കേടുപാടുമായ അവസ്ഥയിലാണ്. രാവിലെ കലുങ്ക് ഇടിഞ്ഞത് നാട്ടുകാര്‍ കണ്ടതുകൊണ്ടാണ് വാഹനങ്ങള്‍ അപകടത്തിലാവാതിരുന്നത്. അരിക് ചേര്‍ന്ന് പോകുമ്പോഴും എതിര്‍ദിശയിലെ വാഹനത്തിന് സൈഡ് കൊടുക്കുമ്പോഴും താഴ്ചയിലേക്ക് മറിഞ്ഞ് അപകടത്തിലാവാനുള്ള സാധ്യത മുന്നിൽ കണ്ടാണ് ഡിവൈഡര്‍ സ്ഥാപിച്ച് മുന്നറിയിപ്പ് നല്‍കിയിരിക്കുന്നത്.

നെല്ലിക്കുഴിയിൽ കോൺഗ്രസ് നേതാവിന് മർദനമേറ്റു

കോതമംഗലം: കോൺഗ്രസ് നെല്ലിക്കുഴി മണ്ഡലം വൈസ് പ്രസിഡന്‍റ് അസീസ് നായിക്കമ്മാവുടിക്കു മർദനമേറ്റു. ഡിവൈഎഫ്ഐ പ്രവർത്തകൻ നെല്ലിക്കുഴി സ്വദേശിയാണ് ഇന്നലെ രാവിലെ ഇന്ദിരഗാന്ധി കോളജ് ജംഗ്ഷനിൽ വച്ച് മർദിച്ചത്. മർദനത്തിന്‍റെ സിസിടിവി ദൃശ്യം പുറത്തുവന്നിട്ടുണ്ട്. ഇന്ദിരഗാന്ധി കോളജിൽ ഒന്നാം വർഷ ബിരുദ വിദ്യാർഥികളുടെ പ്രവേശനോത്സവത്തിന്‍റെ ഭാഗമായി കൊടിതോരണങ്ങൾ സ്ഥാപിക്കുന്നതുമായി ബന്ധപ്പെട്ട് കെഎസ്‌‌‌‌‌‌യു, എസ്എഫ്ഐ പ്രവർത്തകർ തമ്മിൽ ബുധനാഴ്ച്ച രാത്രി തർക്കം ഉടലെടുത്തിരുന്നു. ഇതിൽ ഇടപ്പെട്ട് സംസാരിച്ചതിന്‍റെ പ്രതികാരമായാണ് ഇന്നലത്തെ അക്രമണം. മർദനത്തിൽ പരിക്കേറ്റ അസീസ് സ്വകാര്യ ആശുപത്രിയിൽ ചികിത്സതേടി. അസീസിന്‍റെ മൊഴിയുടെ അടിസ്ഥാനത്തിൽ പോലീസ് കേസെടുത്തു.

കുന്നത്തുനാട് മണ്ഡലത്തിൽ 14 പേർക്ക് പുതുതായി പട്ടയം നൽകും: എംഎൽഎ

കോലഞ്ചേരി: കുന്നത്തുനാട് മണ്ഡലത്തിൽ 14 പേർക്ക് പുതുതായി പട്ടയങ്ങൾ നൽകുമെന്ന് പി.വി. ശ്രീനിജിൻ എംഎൽഎ അറിയിച്ചു. കുന്നത്തുനാട് താലൂക്കിൽ ചേർന്ന ലാന്‍ഡ് അസൈൻമെന്‍റ് യോഗത്തിലാണ് പട്ടയം നൽകുവാൻ തീരുമാനമായത്. അതിദരിദ്രരായ 14 പേർക്ക് തിരുവാണിയൂർ പഞ്ചായത്തിൽ ആവശ്യമായ സ്ഥലം കണ്ടെത്തിയാണ് പട്ടയങ്ങൾ നൽകുന്നത്. ഓരോരുത്തർക്കും മൂന്ന് സെന്‍റ് സ്ഥലം വീതമാണ് നൽകുന്നത്. ജൂലൈ 31ന് മുൻപ് ഇവർക്ക് പട്ടയങ്ങൾ കൈമാറും. നവംബർ ഒന്നിന് ഇവർക്ക് പുതിയ വീട് വച്ചുനൽകുന്ന തരത്തിൽ തുടർ നടപടികൾ വേഗത്തിലാക്കുമെന്നും എംഎൽഎ അറിയിച്ചു.

വാഴക്കുളം ടൗണിലെ ബസ് അപകടങ്ങൾ : ബസ് ജീവനക്കാർക്കെതിരെയുള്ള ആരോപണത്തിൽ പ്രതിഷേധം

വാഴക്കുളം: ടൗണിലെ ബസ് അപകടങ്ങളുടെ പൂർണമായ ഉത്തരവാദിത്വം ബസ് ജീവനക്കാർക്കാണെന്ന ആരോപണത്തിൽ ബസ് തൊഴിലാളികൾ പ്രതിഷേധിച്ചു. വഴിയുടെ വീതിക്കുറവും ഇരുവശത്തുമുള്ള വാഹന പാർക്കിംഗും ടൗണിലുണ്ടാകുന്ന അപകടങ്ങൾക്ക് വഴിതെളിക്കുന്നതായാണ് തൊടുപുഴ - മൂവാറ്റുപുഴ മേഖലയിലെ സംയുക്ത ബസ് തൊഴിലാളി പ്രവർത്തകർ പറയുന്നത്. വാഴക്കുളം ടൗണിലുള്ള ബസ് സ്റ്റാന്‍ഡിലെ ഇരുവശത്തേക്കുമുള്ള ഗതാഗതവും അപകടങ്ങൾക്ക് തുല്യപങ്കുവഹിക്കുന്നതായും ഇവർ ആരോപിക്കുന്നു. മൂവാറ്റുപുഴ ടൗണിലെ റോഡ് പുനർനിർമാണവും തുടർന്നുള്ള ഗതാഗതക്കുരുക്കും മൂലം ബസുകൾക്ക് സമയബന്ധിതമായി ഓട്ടം പൂർത്തിയാക്കാൻ കഴിയുന്നില്ല. മൂവാറ്റുപുഴ ടൗണിലെ സമയനഷ്ടം പരിഹരിക്കാൻ മറ്റു സ്ഥലങ്ങളിൽ വേഗത വർധിപ്പിക്കേണ്ട സാഹചര്യമാണ് നിലവിലുള്ളതെന്നും തൊഴിലാളികൾ പറയുന്നു. വാഴക്കുളം ടൗണിൽ ഇരുവശത്തും നിർത്തിയിട്ടിരിക്കുന്ന വാഹനങ്ങളുടേയും അതിനൊപ്പം സഞ്ചരിക്കുന്ന ഇതര വാഹനങ്ങളുടേയും സമീപത്തുകൂടിയാണ് ബസുകൾ ടൗണ്‍ പ്രവേശനം നടത്തുന്നത്. ഇത് അപ്രതീക്ഷിതമായ അപകട സാധ്യതക്കിടയാക്കും. ടൗണ്‍ മധ്യത്തിലുള്ള സ്റ്റാന്‍ഡിലേക്ക് വീതി കുറഞ്ഞ പ്രവേശന കവാടത്തിലൂടെ കടക്കുന്പോൾ സ്റ്റാന്‍ഡിൽനിന്ന് എതിർദിശയിൽ മറ്റൊരു വാഹനം എത്തിയാൽ സംസ്ഥാന പാതയിൽ ഗതാഗതക്കുരുക്കുണ്ടാകും. ഇതും അപകടങ്ങൾക്കിടയാക്കുന്നുണ്ട്. കഴിഞ്ഞ ചൊവ്വാഴ്ച രാത്രി ടൗണിൽ ബൈക്ക് യാത്രികൻ അപകടത്തിൽപ്പെട്ടതിനെതുടർന്ന് ടൗണിലെ പരമാവധി വേഗത 30 കിലോമീറ്ററായി നിജപ്പെടുത്തണമെന്ന് മർച്ചന്‍റ്സ് അസോസിയേഷനും ഇതര സംഘടനകളും ബസ് തൊഴിലാളികൾക്ക് നിർദേശം നൽകിയിരുന്നു. ബസ് ഡ്രൈവർമാർക്ക് ബോധവത്കരണം നൽകി വാഴക്കുളം: ടൗണിലും പരിസരപ്രദേശങ്ങളിലും വർധിച്ചുവരുന്ന ബസ് അപകടങ്ങളുടെ പശ്ചാത്തലത്തിൽ ബസ് ഡ്രൈവർമാർക്ക് ബോധവത്കരണം നൽകി. ബസിന്‍റെ അമിതവേഗം നിയന്ത്രിക്കണമെന്നാവശ്യപ്പെട്ട് കേരള യൂത്ത് ഫ്രണ്ട് മഞ്ഞള്ളൂർ മണ്ഡലം കമ്മിറ്റിയുടെ ആഭിമുഖ്യത്തിലാണ് ബോധവത്കരണം നടത്തിയത്. ബസ് ഡ്രൈവർമാർക്ക് ഇത് സംബന്ധിച്ച് നോട്ടീസുകൾ വിതരണം ചെയ്തു. ബോധവത്കരണ പരിപാടികൾക്ക് യൂത്ത് ഫ്രണ്ട് മഞ്ഞള്ളൂർ മണ്ഡലം പ്രസിഡന്‍റ് അനിൽ ലൂക്ക് സൈമണ്‍, സെക്രട്ടറി ശ്യാം ജിജി, ജസ്റ്റിൻ ജോർജ്, ജെറിൻ ജിയോ, അനന്ദു ചന്ദ്രൻ, ക്രിസ്റ്റി, മെൽവിൻ ജോളി, ജോസ്, ഡിജോ എന്നിവർ നേതൃത്വം നൽകി.

വൈസ്‌മെന്‍ ക്ലബ് സമഗ്ര സര്‍വീസ് പദ്ധതികള്‍ക്ക് തുടക്കംകുറിച്ചു

പെരുമ്പാവൂര്‍: വൈസ്‌മെന്‍ കൂവപ്പടി ഗ്രേറ്റര്‍ ക്ലബ്ബ് നടപ്പാക്കുന്ന സമഗ്ര സര്‍വീസ് പദ്ധതികള്‍ക്ക് തുടക്കം കുറിച്ചു. അനാഥാലയങ്ങളിലെ കിടപ്പുരോഗികള്‍ക്ക് സഹായം നല്‍കുക, ഡയാലിസിസ് രോഗികള്‍ക്ക് ഡയാലിസിസ് കൂപ്പണ്‍ നല്‍കുക, സാമ്പത്തികമായി പിന്നോക്കം നില്‍ക്കുന്ന കുട്ടികള്‍ക്ക് പഠനസഹായം നല്‍കുക, മെഡിക്കല്‍ ക്യാമ്പ് നടത്തുക എന്നതാണ് സമഗ്ര സര്‍വീസ് പദ്ധതിയില്‍ ഉള്‍പ്പെടുത്തിയിട്ടുള്ളത്. ബെന്നി ബഹനാന്‍ എംപി പദ്ധതി ഉദ്ഘാടനം ചെയ്തു. ക്ലബ് പ്രസിഡന്‍റ് പോള്‍ വെട്ടിക്കനാകുടി അധ്യക്ഷത വഹിച്ചു. വാര്‍ഷിക ജനറല്‍ കൗണ്‍സിലിന്‍റെ ഉദ്ഘാടനം വൈസ്‌മെന്‍സ് ഇന്‍റര്‍നാഷണല്‍ കൗണ്‍സില്‍ അംഗം മാത്യൂസ് ഏബ്രഹാം നിര്‍വഹിച്ചു. മുന്‍ വൈസ്‌മെന്‍ ഇന്‍റര്‍നാഷണല്‍ കൗണ്‍സില്‍ മെമ്പര്‍ സാജു ചാക്കോ വൈസ്‌മെന്‍ കുടുംബാംഗങ്ങള്‍ക്ക് സത്യപ്രതിജ്ഞ ചൊല്ലി കൊടുത്തു. അനാഥാലയങ്ങള്‍ക്കുള്ള സഹായ പദ്ധതിയുടെ ഉദ്ഘാടനം മുന്‍ റീജണല്‍ ഡയറക്ടര്‍ ജോസ് നെറ്റിക്കാടനും ഡയാലിസിസ് കൂപ്പണ്‍ വിതരണോദ്ഘാടനം ലെഫ്റ്റനന്‍റ് റീജണല്‍ ഡയറക്ടര്‍ ഡാനി സക്കറിയ ലൂക്കും വിദ്യാഭ്യാസ അവാര്‍ഡ് വിതരണോദ്ഘാടനം സോണല്‍ സെക്രട്ടറി ജോമി പോളും വിവാഹ ജൂബിലി ആഘോഷിക്കുന്നവരെ ഡിസ്ട്രിക്ട് ഗവര്‍ണര്‍ മാത്യൂസ് കാക്കൂരാനും ആദരിച്ചു. പവിഴം ജോര്‍ജ് ക്ലബിന്‍റെ പ്രസിഡന്‍റായി ചുമതലയേറ്റു.

രാമായണം സമന്വയത്തിന്‍റെ സംസ്‌കാരം: എം.കെ. സാനു

കൊച്ചി : കേരളീയ, ഭാരതീയ സംസ്‌കാരങ്ങളെ സമന്വയിപ്പിപ്പിക്കുന്നതാണ് രാമായണമെന്ന് പ്രഫ. എം.കെ സാനു അഭിപ്രായപ്പെട്ടു. ചാവറ കള്‍ച്ചറല്‍ സെന്‍ററില്‍ രാമായണ മാസാചരണവും മതസൗഹൃദ സമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം. മനുഷ്യമനസിനെ ശുദ്ധീകരിക്കുക എന്ന ലക്ഷ്യത്തോടെയാണ് രാമായണം പാരായണം ചെയ്യുന്നത്. രാമായണത്തില്‍ കവിതയും മനോഹാരിതയും ഭക്തിയെന്ന ലഹരിയുമുണ്ടെന്നും അദ്ദേഹം പറഞ്ഞു. സെന്‍റ് ആല്‍ബര്‍ട്ട്‌സ് കോളജ് അസി. പ്രഫ. ഡോ. ബി. ലക്ഷ്മി രാമായണ പാരായണം നടത്തി. തൃശൂര്‍ ശ്രീനാരായണ ഗുരുകുലത്തിലെ സ്വാമി തത്ത്വതീര്‍ത്ഥ സന്ദേശം നല്‍കി. സിഎംഐ സഭ സാമൂഹ്യ സേവന വിഭാഗം ജനറല്‍ കൗണ്‍സിലര്‍ ഫാ. ബിജു വടക്കേല്‍, ചാവറ കള്‍ച്ചറല്‍ സെന്‍റര്‍ ഡയറക്ടര്‍ ഫാ. അനില്‍ ഫിലിപ്പ് എന്നിവര്‍ പ്രസംഗിച്ചു. ഇന്ത്യന്‍ കള്‍ച്ചറല്‍ ഹെറിറ്റേജ് സെന്‍റര്‍ പാദുകാഭിഷേകം നൃത്ത സംഗീത ശില്പം അവതരിപ്പിച്ചു. നീന കുറുപ്പ് സംവിധാനവും കോറിയോഗ്രയോഗ്രഫിയും നിര്‍വഹിച്ചു.

പോക്സോ കേസിൽ 68കാരന്‍ അറസ്റ്റില്‍

കൊച്ചി: പത്തുവയസുകാരനായ സ്‌കൂള്‍ വിദ്യാര്‍ഥിയെ ലൈംഗികാതിക്രമത്തിന് ഇരയാക്കിയ കേസില്‍ പള്ളുരുത്തി തങ്ങള്‍ നഗര്‍ സ്വദേശി ഇബ്രാഹിംകുട്ടി(68)യെ പള്ളുരുത്തി പോലീസ് അറസ്റ്റ് ചെയ്തു. വിദ്യാർഥികളെ സ്കൂളിൽ നിന്നും വീട്ടിലെത്തിക്കുന്ന ഓട്ടോ ഡ്രൈവറായി പ്രവർത്തിച്ചുവരുന്പോഴാണ് സംഭവം നടന്നത്. പോക്സോ ചുമത്തി കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

വൈപ്പിനിൽ റോഡുകൾക്ക് 2.22 കോടി

വൈപ്പിൻ: വിവിധ പഞ്ചായത്തുകളിലെ റോഡ് നിർമാണത്തിന് 2.224 കോടി രൂപ അനുവദിച്ചതായി കെ.എൻ. ഉണ്ണിക്കൃഷ്ണൻ എംഎൽഎ അറിയിച്ചു. പള്ളിപ്പുറം-ബാലഭദ്ര റോഡ് -34 ലക്ഷം, ഞാറക്കൽ- സെമിത്തേരി റോഡ് - 22.50 , എസ്കെവിഎ റോഡ് -15.80, എളങ്കുന്നപ്പുഴ കോളനി റോഡ് - 38, സ്കൂൾ മുറ്റം ഈസ്റ്റ് റോഡ് - 23.40 , സ്കൂൾ മുറ്റം ഈസ്റ്റ് ജെട്ടി റോഡ് -33.70 എന്നിവയാണ് റോഡുകൾ. ഹാർബർ എൻജിനീയറിംഗ് വകുപ്പിനാണ് നിർമാണ ചുമതല.

ആലുവയിൽ യാത്രാ ബസ് പരിശോധന: 48 ബസുകൾക്കെതിരെ കേസ്

ആലുവ: മോട്ടോർ വാഹന വകുപ്പ് എൻഫോഴ്സ്മെന്‍റ് ആലുവയിലെ സ്വകാര്യ ബസുകളിൽ നടത്തിയ മിന്നൽ പരിശോധനയിൽ 48 ബസുകൾക്കെതിരെ കേസുകളെടുത്തു. ആകെ 65 ബസുകളിലാണ് ഇന്നലെ സ്ക്വാഡ് പരിശോധന നടത്തിയത്. തിങ്കളാഴ്ച്ച മുതൽ ജില്ലയിൽ എട്ട് സ്ക്വാഡുകൾ പല സ്ഥലങ്ങളിലായി മിന്നൽ പരിശോധന നടത്തുന്നുണ്ട്. പരിശോധന ഇന്നും തുടരും.

ഫോര്‍ട്ടുകൊച്ചി കടപ്പുറം ആകർഷകമാക്കാൻ പദ്ധതി

ഫോർട്ടുകൊച്ചി: ബീച്ച് ശുചീകരിക്കുന്നതിനും ടൂറിസം വികസിപ്പിക്കുന്നതിനുമുള്ള റിപ്പോർട്ട് തയാറാക്കുന്നതിന് അസിസ്റ്റന്‍റ് കളക്ടറിന്‍റെ സാന്നിധ്യത്തിൽ ഉന്നതതല യോഗം നടന്നു. ഏറ്റവും വലിയ വെല്ലുവിളി പോളപ്പായലും പ്ലാസ്റ്റിക് മാലിന്യങ്ങളും ബീച്ചിലും കടൽ തീരങ്ങളിലും അടിഞ്ഞുകൂടുന്നു എന്നതാണെന്ന് യോഗത്തിൽ കൊച്ചി തഹസിൽദാർ ജോസഫ് ആന്‍റണി ഹർട്ടീസ് അറിയിച്ചു. ബീച്ചിലെ വിഷപ്പാമ്പുകളും ഒരു പ്രധാന ഭീഷണിയാണെന്നും അദ്ദേഹം വ്യക്തമാക്കി. ഇത് ടൂറിസ്റ്റുകളുടെ വരവിനെ കാര്യമായി ബാധിച്ചിട്ടുണ്ട്. കേരള ചീഫ് സെക്രട്ടറിയുടെ നിർദ്ദേശപ്രകാരം ജില്ലാ അസിസ്റ്റന്‍റ് കളക്ടർ പാർവതി ഗോപകുമാറിന്‍റെ അധ്യക്ഷതയിൽ നടന്ന യോഗത്തിൽ തീരങ്ങളിൽ അടിഞ്ഞുകൂടുന്ന മാലിന്യങ്ങൾ സംസ്കരിക്കാനുള്ള നിർദ്ദേശങ്ങൾ ഉണ്ടാകണമെന്നും ഫോർട്ടു കൊച്ചിയുടെ ടൂറിസത്തിനും പൈതൃക സംരക്ഷണത്തിനും എല്ലാവരുടേയും സഹകരണം ഉണ്ടാകണമെന്നും അഭിപ്രായപ്പെട്ടു. ഫോർട്ടു കൊച്ചി താലൂക്ക് ആഫീസിൽ കൂടിയ യോഗത്തിൽ വിവിധ സന്നദ്ധ സംഘടന പ്രതിനിധികളും, ടൂറിസം ക്ലബ്, ഹെറിറ്റേജ്, സ്ട്രീറ്റ് വെൻഡർ പ്രതിനിധികൾ, പോലീസ് ഉദ്യോഗസ്ഥർ തുടങ്ങിയവരും പങ്കെടുത്തു.

സെക്യൂരിറ്റിക്ക് മർദനം: യൂത്ത് കോൺ. നേതാവിന് സസ്പെൻഷൻ

ആലുവ: സൂപ്പർ മാർക്കറ്റിൽ അനധികൃത പാർക്കിംഗ് തടഞ്ഞ സെക്യൂരിറ്റി ജീവനക്കാരനെ ക്രൂരമായി മർദിച്ച യൂത്ത് കോൺഗ്രസ് സോഷ്യൽ മീഡിയ ജില്ലാ കോഓർഡിനേറ്റർ കുട്ടമശേരി സൂര്യാനഗറിൽ കുന്നത്ത് വീട്ടിൽ (കോളായിൽ) കെ.ബി. നിജാസിനെ ഡിസിസി പ്രസിഡന്‍റ് മുഹമ്മദ് ഷിയാസ് പാർട്ടിയിൽ നിന്നും സസ്പെൻഡ് ചെയ്തു. ബുധനാഴ്ച്ച വൈകിട്ട് സസ്പെൻഡ് ചെയ്തിരുന്നെങ്കിലും ആലുവയിലെ നേതൃത്വം വിവരം പുറത്തു വിടാൻ വൈകിയതാണെന്നാണ് സൂചന. കഴിഞ്ഞ തിങ്കളാഴ്ച്ച നടന്ന സംഭവം വിവാദമായതോടെ ഡിസിസി നേതൃത്വം തീരുമാനമെടുത്തിരുന്നു. ഇന്നലെ ഉമ്മൻചാണ്ടി അനുസ്മരണ സമ്മേളനത്തിൽ പങ്കെടുക്കാനെത്തിയ ഡിസിസി പ്രസിഡന്‍റാണ് പരാതിയുമായെത്തിയ കോൺഗ്രസ് പ്രവർത്തകരോട് സസ്പെൻഷൻ വിവരം അറിയിച്ചത്.

നെയ്മീന് ക്ഷാമം, പൊള്ളും വില

വൈപ്പിൻ : ഈ സീസണിൽ ആഴക്കടലിൽ നെയ്മീനിന്‍റെ സാന്നിധ്യം കുറഞ്ഞത് ഒഴുക്ക് വലക്കാർക്കും നെയ്മീൻ പ്രിയർക്കും ഒരേപോലെ തിരിച്ചടിയായി. ഒഴുക്കു വലക്കാർക്ക് സാധാരണ മൺസൂൺ ആരംഭം മുതൽ തന്നെ വറ്റ, ശീലാവ്, ഓലക്കൊടിയൻ, കേര, തുടങ്ങിയ മീനുകൾക്കൊപ്പം നെയ്മീനും നല്ല പോലെ ലഭിക്കുമായിരുന്നുവെന്നാണ് തൊഴിലാളികൾ പറയുന്നത്. എന്നാൽ ഈ സീസണിൽ വളരെ കുറഞ്ഞതോതിൽ മാത്രമാണ് നെയ്മീൻ ലഭിക്കുന്നത്. ഇതുമൂലം ആവശ്യക്കാർക്ക് വലിയ വിലകൊടുക്കേണ്ടി വരുന്ന സാഹചര്യമാണ് ഇപ്പോൾ. അഞ്ചു കിലോയ്ക്ക് മുകളിൽ തൂക്കം വരുന്ന നെയ്മീനിന് ഹാർബറിൽ തന്നെ കിലോയ്ക്ക് 1200 രൂപ വരെ വിലയുണ്ട്. ഒന്നിനും അഞ്ചിനും ഇടയിൽ തൂക്കമുള്ളവയ്ക്ക് കിലോയ്ക്ക് 800 മുതൽ 1000 വരെയാണ് വില. ഒരു കിലോയിൽ താഴെയുള്ളവയ്ക്കാകട്ടെ 400 രൂപയും കൊടുക്കണം. ഇത് മാർക്കറ്റിൽ എത്തുമ്പോൾ യഥാക്രമം 1500, 1200, 600 രൂപ കൊടുക്കേണ്ടിവരും. വില കൂടിയതോടെ ഇടത്തരം ഹോട്ടലുകളിൽ നെയ്മീനിന്‍റെ സ്ഥാനം നാടൻ കാളാഞ്ചി കൈയടക്കിയിരിക്കുകയാണ്.

വനിതാ സംവരണ ബിൽ എത്രയുംവേഗം നടപ്പാക്കണം: മന്ത്രി ജെ. ചിഞ്ചുറാണി

തൃപ്പൂണിത്തുറ: വനിത സംവരണ ബിൽ പാസാക്കിയിട്ടും നാളിതു വരെയായി നടപ്പാക്കുവാൻ കേന്ദ്ര ഗവൺമെന്‍റ് ഒരു ശ്രമവും നടത്തുന്നില്ലെന്ന് മന്ത്രി ജെ. ചിഞ്ചുറാണി. സിപിഐ ജില്ലാ സമ്മേളനത്തിൻ്റെ ഭാഗമായി കേരള മഹിളാസംഘം ജില്ലാ കമ്മിറ്റിയുടെ ആഭിമുഖ്യത്തിൽ തൃപ്പൂണിത്തുറയിൽ നടന്ന വനിതാ സംഗമം ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. ബിൽ കേന്ദ്രം ഫ്രീസറിൽ വച്ചിരിക്കുകയാണ്. എത്രയും വേഗം ബിൽ പ്രാവർത്തികമാക്കണമെന്ന് മന്ത്രി പറഞ്ഞു. മഹിളാസംഘം ജില്ലാ പ്രസിഡന്‍റ് ജയ അരുൺകുമാർ അധ്യക്ഷത വഹിച്ചു. കമലാ സദാനന്ദൻ, സിപിഐ ജില്ലാ സെക്രട്ടറി കെ.എം. ദിനകരൻ, ശാരദാ മോഹൻ, ടി. രഘുവരൻ, പി.വി. ചന്ദ്രബോസ്,എ.കെ. സജീവൻ തുടങ്ങിയവർ പ്രസംഗിച്ചു. സംഘാടകരോടൊപ്പം സൂംബ ഡാൻസ് കളിച്ചതിന് ശേഷമാണ് മന്ത്രി പരിപാടി ഉദ്ഘാടനം ചെയ്തത്.

പട്ടയം തരപ്പെടുത്തി തരാമെന്നുപറഞ്ഞ് പണം വാങ്ങിയയാളെ പോലീസിന് കൈമാറി

മട്ടാഞ്ചേരി: പ്യൂണ്‍ മുതല്‍ ഡെപ്യൂട്ടി തഹസില്‍ദാര്‍ വരെയുള്ളവര്‍ക്ക് പണം നൽകി പട്ടയം തരപ്പെടുത്തി നല്‍കാമെന്ന് പറഞ്ഞ് താലൂക്ക് ജീവനക്കാരുടെ പേരില്‍ വീട്ടമ്മയില്‍ നിന്ന് പണം വാങ്ങിയ ആളെ കൊച്ചി താലൂക്ക് അധികൃതര്‍ പിടികൂടി പോലീസിന് കൈമാറി. കൊച്ചി താലൂക്ക് ഓഫീസിന് മുന്നില്‍ അപേക്ഷകള്‍ എഴുതി കൊടുക്കുവാനിരിക്കുന്ന വ്യക്തിയാണ് വൈപ്പിന്‍ എളങ്കുന്നപുഴ സ്വദേശിയായ വീട്ടമ്മയില്‍ നിന്ന് പണം വാങ്ങിയത്. ആദ്യം മൂവായിരം രൂപയാണ് വാങ്ങിയത്. പിന്നീട് പൂജ ചെയ്യാനെന്ന പേരില്‍ രണ്ടായിരം വാങ്ങി. വീണ്ടും അയ്യായിരം രൂപ കൂടി ആവശ്യപ്പെട്ടതോടെ വീട്ടമ്മ താലൂക്ക് ഓഫീസിലെത്തി പട്ടയം ലഭിക്കാന്‍ എത്ര രൂപയാകുമെന്ന് അന്വേഷിച്ചപ്പോഴാണ് കാര്യങ്ങള്‍ പുറത്ത് വരുന്നത്. തുടര്‍ന്ന് വീട്ടമ്മ തഹസില്‍ദാര്‍ ജോസഫ് ആന്‍റണി ഹെര്‍ട്ടിസിന് പരാതി നല്‍കി. തഹസില്‍ദാര്‍ ഇയാളെ വിളിച്ച് കാര്യങ്ങള്‍ തിരക്കിയ ശേഷം ഫോര്‍ട്ട്കൊച്ചി പോലീസിന് കൈമാറുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.

യുവാവിനെ ആക്രമിച്ച സംഭവം: 12 പേർക്കെതിരെ കേസ്

പറവൂർ: യുവാവിനെ ആക്രമിച്ച സംഭവത്തിൽ കൊച്ചങ്ങാടി സ്വദേശി അതുൽ ഉൾപ്പെടെ കണ്ടാൽ അറിയാവുന്ന 12 പേർക്കെതിരെ വടക്കേക്കര പോലീസ് കേസെടുത്തു. ചൊവ്വാഴ്ച രാത്രി 12നു ഗോതുരുത്ത് ആലുങ്കത്തറ അതുൽ ബിജുവിനെ (22) ചേന്ദമംഗലം പാലിയംനടയിൽ വച്ചു ഒരു സംഘം ആളുകൾ വഴിയിൽ തടഞ്ഞുനിർത്തുകയും മർദിക്കുകയും ചെയ്‌തിരുന്നു. തുടർന്ന് അവരുടെ വാഹനത്തിൽ കയറ്റി കിഴക്കുംപുറത്ത് കൊണ്ടുപോയി കെട്ടിയിട്ടും തല്ലി. ശരീരമാസകലം മുറിവേറ്റ അതുൽ ആശുപത്രിയിൽ ചികിത്സയിലാണ്. പട്ടികജാതിക്കാരനായ അതുലിന്‍റെ ബൈക്ക്, പഴ്‌സ്, മൊബൈൽ ഫോൺ എന്നിവയും അക്രമികൾ തട്ടിയെടുത്തിട്ടുണ്ട്. ആക്രമിക്കാനുള്ള കാരണം വ്യക്‌തമായിട്ടില്ല.

കുടിവെള്ളക്ഷാമം: എംഎൽഎ ഓഫീസ് മാർച്ച് നടത്തി

തൃപ്പൂണിത്തുറ: മരടിലെ രൂക്ഷമായ കുടിവെള്ള പ്രശ്നം പരിഹരിക്കണമെന്നാവശ്യപ്പെട്ട് സിപിഎം മരട് മുനിസിപ്പൽ കമ്മിറ്റിയുടെ നേതൃത്വത്തിൽ എംഎൽഎ ഓഫീസ് മാർച്ച്‌ സംഘടിപ്പിച്ചു. ഓഫീനടുത്ത് വച്ച് മാർച്ച്‌ പോലീസ് തടഞ്ഞു. സിപിഎം ജില്ലാ കമ്മിറ്റിയംഗം എം.സി. സുരേന്ദ്രൻ ഉദ്ഘാടനം ചെയ്തു. മുനിസിപ്പൽ പ്രതിപക്ഷ നേതാവ് സി.ആർ. ഷാനവാസ്‌ അധ്യക്ഷത വഹിച്ചു. ഏരിയ സെക്രട്ടറി പി. വാസുദേവൻ, കെ.വി. കിരൺ രാജ് തുടങ്ങിയവർ പ്രസംഗിച്ചു. എ.യു. വിജു, എം.പി. സുനിൽ കുമാർ, എൻ.ജെ.സജീഷ് കുമാർ എന്നിവർ നേതൃത്വം നൽകി.

ദി ലെപേഡ്‌സ് ട്രൈബ് ഡോക്യുമന്‍ററി പ്രദര്‍ശിപ്പിച്ചു

കൊച്ചി: വികസനത്തിന്‍റെ കടന്നുകയറ്റത്തില്‍ വിശ്വാസങ്ങളും ആചാരങ്ങളും നഷ്ടമാകുന്ന ആദിവാസി ജീവിതങ്ങളുടെ കഥപറയുന്ന ദി ലെപേഡ് ട്രൈബ് (പുള്ളിപ്പുലിയുടെ ആദിവാസികള്‍) എന്ന ഡോക്യുമെന്‍ററി ഇടപ്പള്ളി കേരള മ്യൂസിയത്തില്‍ പ്രദര്‍ശിപ്പിച്ചു. കൊച്ചി ബിനാലെ ഫൗണ്ടേഷനാണ് മിറിയം ചാണ്ടി മേനാച്ചേരി സംവിധാനം ചെയ്ത ഡോക്യൂമെന്‍ററി പ്രദര്‍ശിപ്പിച്ചത്. നിരവധി അന്താരാഷ്ട്ര വേദികളില്‍ പ്രദര്‍ശിപ്പിച്ചിട്ടുള്ള ദി ലെപേഡ്‌സ് ട്രൈബ് ബ്രിട്ടനിലെ വണ്‍ വേള്‍ഡ് മീഡിയ അവാര്‍ഡ്, ഓള്‍ ലിവിംഗ് തിംഗ് പരിസ്ഥിതി ചലച്ചിത്രമേളയിലെ പരമോന്നത പുരസ്കാരം, കേരള അന്താരാഷ്ട്ര ഷോര്‍ട്ട് ഫിലിം ഫെസ്റ്റിവല്‍ പ്രത്യേക ജൂറി പുരസ്കാരം എന്നിവ നേടിയിട്ടുണ്ട്.

മരടിലെ കുടിവെള്ള പ്രശ്നം: റിവ്യു മീറ്റിംഗ് ചേർന്നു

മരട്: മരട് നഗരസഭാ പരിധിയിലെ രൂക്ഷമായ കുടിവെള്ള പ്രശ്നത്തോടനുബന്ധിച്ച് കെ. ബാബു എംഎൽഎയുടെ അധ്യക്ഷതയിൽ റിവ്യു മീറ്റിംഗ് ചേർന്നു. നിലവിലെ ലീക്കുകൾ പരിഹരിച്ചിട്ടുള്ളതായും 90 ശതമാനത്തോളം പ്രശ്നം പരിഹരിക്കപ്പെട്ടിട്ടുള്ളതായും മീറ്റിംഗിൽ ഉദ്യോഗസ്ഥർ അറിയിച്ചു. പതിനഞ്ചര എംഎൽഡി വെള്ളം സ്ഥിരമായി നൽകാമെന്നും എല്ലാ ദിവസവും പമ്പിംഗ് നടത്തുമെന്നും യോഗത്തിൽ ഉദ്യോഗസ്ഥർ ഉറപ്പു നൽകി. നഗരസഭാ ചെയർപേഴ്സൺ ആന്‍റണി ആശാംപറമ്പിൽ, വൈസ് ചെയർപേഴ്സൺ അഡ്വ. രശ്മി സനിൽ, സ്റ്റാൻഡിംഗ് കമ്മിറ്റി ചെയർപേഴ്സൺ ശോഭ ചന്ദ്രൻ, കൗൺസിലർമാരായ ചന്ദ്രകലാധരൻ, സിബി സേവ്യർ, ജയ ജോസഫ്, മോളി ഡെന്നി, സൂപ്രണ്ടിംഗ് എൻജിനീയർ രതീഷ് കുമാർ, എക്സിക്യൂട്ടീവ് എൻജിനീയർമാരായ രാജേഷ് ലക്ഷ്മൺ, വി.കെ. പ്രദീപ് തുടങ്ങിയവർ യോഗത്തിൽ പങ്കെടുത്തു. അതേ സമയം റിവ്യു മീറ്റിംഗ് നടത്തിയ സമയത്തുതന്നെ പ്രതിപക്ഷ കൗൺസിലർമാർ എംഎൽഎയുടെ ഓഫീസിലേയ്ക്ക് പ്രതിഷേധ മാർച്ച് സംഘടിപ്പിച്ചത് ജനങ്ങളെ തെറ്റിദ്ധരിപ്പിക്കുവാനാണെന്നും വാട്ടർ അഥോറിറ്റിയിലേയ്ക്കായിരുന്നു അവർ പ്രതിഷേധ പ്രകടനം നടത്തേണ്ടിയിരുന്നതെന്നും നഗരസഭാ ചെയർമാൻ ആന്‍റണി ആശാംപറമ്പിൽ പറഞ്ഞു.

ഇരുചക്ര വാഹനയാത്രികരെ വീഴ്ത്തി റോഡിലെ വെള്ളക്കെട്ട്

തൃപ്പൂണിത്തുറ: റോഡിലെ വെള്ളക്കെട്ടും തകർച്ചയും യാത്രക്കാർക്ക് ബുദ്ധിമുട്ടാകുന്നു. തൃപ്പൂണിത്തുറ മുനിസിപ്പാലിറ്റി 43, 45 വാർഡുകളുടെ പൊതുറോഡായ മഞ്ഞേലിപ്പാടം-അന്തിമഹാകാളൻ റോഡിലെ നങ്ങേലിപ്പറമ്പ് ഭാഗത്താണ് വെള്ളക്കെട്ട് നാട്ടുകാർക്ക് ദുഷ്കരമായിരിക്കുന്നത്. സ്കൂൾ കുട്ടികളുൾപ്പെടെ കാൽ നടയാത്രക്കാർ ഈ ഭാഗത്ത് കൂടി ഭയപ്പെട്ടാണ് കടന്നുപോകുന്നത്. വെള്ളക്കെട്ടിലെ കുഴി അറിയാതെ സ്കൂട്ടർ യാത്രക്കാരും സൈക്കിൾ യാത്രികരും വീണ് പരുക്ക് പറ്റുന്നത് നിത്യസംഭവമായിരിക്കുകയാണ്. ഭവൻസ് സ്കൂളിലേയ്ക്കും കണിയാമ്പുഴ, വൈറ്റില ഹബ്ബിലേക്കും പോകുന്ന പ്രധാന റോഡായതിനാൽ ഈ വഴിയിലൂടെ ഒട്ടേറെ യാത്രക്കാരാണ് ദിനംപ്രതി യാത്ര ചെയ്യേണ്ടി വരുന്നത്. ബന്ധപ്പെട്ടവരുടെ ശ്രദ്ധയിൽപ്പെടുത്തിയിട്ടും യാതൊരു നടപടിയും അധികൃതരുടെ ഭാഗത്ത് നിന്നുണ്ടായിട്ടില്ലെന്നാണ് നാട്ടുകാരുടെ പരാതി.

ആലുവയിൽ ആധുനിക ശ്മശാന പദ്ധതി വൈകുന്നു

ആലുവ: ആധുനിക ശ്മശാന നിർമാണ പദ്ധതി വൈകുന്നതിനെതിരെ ആലുവ നഗരസഭയിൽ പ്രതിഷേധം ശക്തമാകുന്നു. സമീപ പഞ്ചായത്തിൽ ആലുവ നഗരസഭയുടെ ഉടമസ്ഥെതയിലുള്ള 16 സെന്‍റ് സ്ഥലത്ത് നിർമാണത്തിനായി 1.32 കോടി രൂപ അനുവദിച്ചെങ്കിലും പദ്ധതി വൈകുകയാണ്. ഇതിനെതിരെ നഗരസഭയ്ക്കു മുന്നിൽ ഉപരോധ സമരം നടത്താൻ വിവിധ ഹൈന്ദവ സംഘടനകളുൾപ്പെട്ട ആക്ഷൻ കൗൺസിൽ തീരുമാനിച്ചു. ചൂർണിക്കര ഗ്രാമപഞ്ചായത്ത് പരിധിയിൽ കൊച്ചിൻ ബാങ്ക് ജംഗ്ഷന് സമീപം എൻഎഡി റോഡിൽ പോർസ്യങ്കുളയ്ക്ക് എതിർവശത്താണ് ആലുവ നഗരസഭയ്ക്ക് സ്ഥലമുള്ളത്. നിലവിൽ അജ്ഞാത മൃതദേഹങ്ങൾ സംസ്കരിക്കാനുള്ള സ്ഥലമായാണ് ഇത് ഉപയോഗിക്കുന്നത്. ഇവിടെ കിഫ്ബിയുടെ സഹായത്താൽ പദ്ധതി നടപ്പിലാക്കുമെന്നാണ് ആലുവ നഗരസഭ പ്രഖ്യാപിച്ചിട്ടുള്ളത്. ഇംപാക്ട് കേരളയ്ക്കാണ് ആധുനിക വാതക ശ്മശാനത്തിന്‍റെ നിർമാണച്ചുമതല. സാങ്കേതികാനുമതി വൈകുന്നതാണ് പദ്ധതി നിർമാണം തുടങ്ങാത്തതിന് കാരണമെന്നാണ് നഗരസഭാധികൃതരുടെ വിശദീകരണം. ആലുവയിലും പരിസരത്തും നിന്ന് ലഭിക്കുന്ന അജ്ഞാത മൃതദേഹങ്ങളാണ് പതിറ്റാണ്ടുകളായി ഇവിടെ കുഴിച്ചിടുന്നത്. ഇതിന്‍റെ സംസ്കരണം ശരിയായ രീതിയിൽ ചെയ്യുന്നില്ലെന്ന് നാട്ടുകാർ പലവട്ടം പരാതിപ്പെട്ടിട്ടുണ്ട്. എന്നാൽ ഈ പരിസരത്തുള്ളവർ പുതിയ പദ്ധതിയെയും പരിസരവാസികൾ എതിർത്ത് പ്രതിഷേധ സമരം കഴിഞ്ഞ ദിവസം നടത്തിയിരുന്നു. എന്നാൽ പരാതി ഇല്ലാതിരിക്കാൻ പ്രത്യേക കല്ലറ പണിയുമെന്നാണ് നഗരസഭ പറയുന്നത്. പാറക്കല്ലുകൾ നിറഞ്ഞ പ്രദേശം വള്ളിപ്പടപ്പുകളും ചെടികളും നിറഞ്ഞ് കാടുകയറിയ അവസ്ഥയിലാണ്. മറ്റ് പഞ്ചായത്തുകളിൽ ശ്മശാനം ഉണ്ടെങ്കിലും അനുയോജ്യമായ സമയം ലഭിക്കാതെ കാത്തു നിൽക്കേണ്ട വരുന്നതായാണ് ആക്ഷേപം.

വിഷം ഉള്ളിൽച്ചെന്ന് ചികിത്സയിലിരുന്ന യുവതി മരിച്ചു

കല്ലൂർക്കാട്: വിഷം ഉള്ളിൽച്ചെന്ന് ചികിത്സയിലായിരുന്ന യുവതി മരിച്ചു. കല്ലൂർക്കാട് വെള്ളാരംകല്ല് വട്ടച്ചിറ കരിവേലിക്കുടി അനീഷിന്‍റെ ഭാര്യ റോസ്‌ലിൻ (37) ആണ് മരിച്ചത്. കഴിഞ്ഞ ചൊവ്വാഴ്ച വിഷം ഉള്ളിൽച്ചെന്ന നിലയിൽ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. സംസ്കാരം നടത്തി.

മരിച്ചനിലയിൽ കണ്ടെത്തി

ആലുവ: ദേശീയപാത മേൽപ്പാലത്തിന് സമീപം ഉളിയന്നൂർ പാലത്തിനോട് ചേർന്നുള്ള ഫ്ളാറ്റിൽ തനിച്ച് താമസിച്ചിരുന്ന വയോധികനെ മരിച്ചനിലയിൽ കണ്ടെത്തി. കൊട്ടാരക്കര മൊട്ടവിള വെട്ടിക്കവല ശങ്കരമംഗലം വീട്ടിൽ ജേക്കബ് ജോൺ (69) ആണ് മരിച്ചത്. കിടപ്പു മുറിയോടു ചേർന്നുള്ള കുളിമുറിയിലാണ് മൃതദേഹം കണ്ടത്.

യുവതിയടക്കം പിടിയിലായ ലഹരി കേസ് : ‘ലഹരി ജര്‍മന്‍ മേയ്ഡ്'

എവിടുന്ന്‍? എങ്ങനെ? പറയാതെ പ്രതികള്‍ കൊച്ചി: നഗരത്തില്‍ യുവതി അടക്കം നാലുപേര്‍ അറസ്റ്റിലായ ലഹരിക്കേസില്‍ പ്രതികളില്‍ നിന്നും കണ്ടെടുത്തത് ‘ജര്‍മന്‍ മേയ്ഡ്' ലഹരി വസ്തുക്കളെന്ന് നര്‍ക്കോട്ടിക് വിഭാഗം. ബംഗളൂരുവില്‍ നിന്നാണ് പ്രതികള്‍ ലഹരിമരുന്ന് എത്തിച്ചിരുന്നതെങ്കിലും ഇതിന്‍റെ കൃത്യമായ ഉറവിടം എവിടെയാണെന്ന് പോലീസിനോടു പറയാന്‍ പ്രതികള്‍ തയാറായിട്ടില്ല. കൊച്ചിയിലെത്തിച്ചിരുന്ന ലഹരിമരുന്ന് യുവാക്കള്‍ക്കിടയിലടക്കം വില്പന നടത്തിയിരുന്നു. ഇവരുടെ പക്കല്‍ നിന്ന് ലഹരി വാങ്ങിയവരെക്കുറിച്ചും കൊച്ചിയില്‍ ഇവരുടെ മറ്റ് പങ്കാളികളെക്കുറിച്ചും പോലീസ് അന്വേഷണം നടത്തി വരികയാണ്. ഇതുസംബന്ധിച്ച ചോദ്യംചെയ്യലിനോട് സഹകരിക്കാത്ത പ്രതികളുടെ മൊബൈല്‍ ഫോണ്‍ അടക്കം ശാസ്ത്രീയ പരിശോധനയ്ക്ക് വിധേയമാക്കാനാണ് നീക്കം. അറസ്റ്റിലായ മുഹമ്മദ് ഷാമില്‍ വഴിയാണ് ലഹരി വസ്തുക്കളെത്തിയിരുന്നതെന്നാണ് കണ്ടെത്തല്‍. എളംകുളത്തെ ഫ്ലാറ്റില്‍ കഴിഞ്ഞ ദിവസം കൊച്ചി സിറ്റി ഡാന്‍സാഫ് സംഘം നടത്തിയ പരിശോധനയില്‍ 115 ഗ്രാം എംഡിഎംഎയും, ഉന്മാദമുണ്ടാക്കുന്ന 41 ഗുളികകളുമാണ് പിടികൂടിയത്. സംഭവത്തില്‍ മലപ്പുറം മൂര്‍ക്കനാട് സ്വദേശി മുഹമ്മദ് ഷാമില്‍ (28), കോഴിക്കോട് ചേളന്നൂര്‍ ഇരുവള്ളൂര്‍ സ്വദേശി സി.പി. അബു ഷഹാമില്‍ (28), മലപ്പുറം വലിയങ്ങാടി സ്വദേശി ഫല്‍ജാഷ് മുഹമ്മദ് അഫ്‌നാന്‍, (26), കോഴിക്കോട് ചേളന്നൂര്‍ സ്വദേശി എസ്.കെ. ദിയ (24) എന്നിവരാണ് അറസ്റ്റിലായത്. പ്രതികളുടെ ലഹരി ബന്ധങ്ങടക്കം പരിശോധിക്കുന്നതിന് ഇവരെ കസ്റ്റഡിയില്‍ വാങ്ങി ചോദ്യംചെയ്യും. നിറമുള്ള ഗുളിക രൂപത്തിലുള്ളതാണ് ഉന്മാദ ഗുളിക (എക്‌സ്റ്റസി പില്‍സ്). തീവ്രശേഷിയുള്ള ലഹരിയാണിത്. എംബിഎ ബിരുദധാരിയായ ദിയ കൊച്ചിയില്‍ ജോലി ചെയ്യുകയാണ്. മറ്റൊരാള്‍ അക്കൗണ്ടന്‍റാണ്. ഒരാള്‍ പഠനത്തിനായി നഗരത്തിലെത്തിയതാണ്. ദുബായില്‍ അക്കൗണ്ടന്‍റായി ജോലി ചെയ്തിരുന്ന മുഹമ്മദ് ഷാമില്‍ ഒരു വര്‍ഷം മുമ്പാണ് കൊച്ചിയിലെത്തിയത്.

കൊക്കെയ്ൻ വിഴുങ്ങിയെത്തിയ ബ്രസീലിയൻ ദമ്പതികളുടെ പ്രതിഫലം മൂന്നുലക്ഷം

നെടുമ്പാശേരി: കൊക്കെയ്ൻ കാപ്സ്യൂൾ രൂപത്തിലാക്കി വിഴുങ്ങിയെത്തിയ ബ്രസീലിയൻ ദമ്പതികൾക്ക് പ്രതിഫലമായി ലഭിക്കുന്നത് മൂന്ന് ലക്ഷം രൂപയെന്ന് വെളിപ്പെടുത്തൽ. ഡിആർഐ ഉദ്യോഗസ്ഥരുടെ ചോദ്യംചെയ്യലിലാണ് ഇവർ ഇക്കാര്യം വ്യക്തമാക്കിയത്. ലഹരി കാപ്സ്യൂൾ വയറിനുള്ളിൽവച്ച് പൊട്ടിയാൽ മരണം വരെ സംഭവിക്കും. ബ്രസീലിയൻ സ്വദേശികളായ ബ്രൂണ ഗബ്രിയേൽ റോഡ്രിഗസ്, ഭാര്യ ലുകാസ് ഡസിൽവ ബറ്റിസ്റ്റ എന്നിവരിൽ നിന്നും 16 കോടി രൂപ വില വരുന്ന 1,670 ഗ്രാം കൊക്കെയ്നാണ് പിടിച്ചെടുത്തത്. ഇത് സുരക്ഷിതമായി കേരളത്തിൽ എത്തിച്ചാൽ ഒന്നരലക്ഷം രൂപ വീതം ഓരോരുത്തർക്കും ലഭിക്കുമെന്നാണ് ഇവർ മൊഴി നൽകിയിരിക്കുന്നത്. എന്നാൽ കേവലം മൂന്നുലക്ഷം രൂപയ്ക്കു വേണ്ടിയാണ് കോടികൾ വിലവരുന്ന മാരക മയക്കുമരുന്നായ കൊക്കെയ്ൻ ജീവൻപോലും അപകടപ്പെടുത്തി ഇവർ കടത്താൻ ശ്രമിച്ചതെന്ന മൊഴി ഉദ്യോഗസ്ഥർ പൂർണമായും വിശ്വാസത്തിലെടുത്തിട്ടില്ല. കൂടുതൽ അന്വേഷണങ്ങൾക്കായി ഇവരെ കസ്റ്റഡിയിൽ വാങ്ങി വിശദമായി ചോദ്യം ചെയ്യാനാണ് തീരുമാനം. നെടുമ്പാശേരിയിൽ വിമാനമിറങ്ങിയ ശേഷം തിരുവനന്തപുരത്ത് എത്താനാണ് ബ്രസീലിയൻ മയക്കുമരുന്ന് കടത്തു സംഘം ഇവരോട് നിർദേശിച്ചിരുന്നത്. ഇവിടെ ഇവർക്ക് താമസിക്കാൻ ഹോട്ടലിൽ മുറിയും ബുക്ക് ചെയ്തിരുന്നു. തിരുവനന്തപുരത്ത് ലഹരി കൈമാറേണ്ട ആളുകളുടെ വിവരം തങ്ങൾക്ക് നൽകിയിരുന്നില്ലെന്നാണ് ഇവർ പറഞ്ഞത്. ഹോട്ടലിൽ എത്തിയ ശേഷം വാട്ട്സ്ആപ്പിൽ തങ്ങളുമായി ബന്ധപ്പെടാനാണ് നിർദേശം നൽകിയിരുന്നതെന്നും ഇവർ വ്യക്തമാക്കി. ഡിആർഐയ്ക്ക് ലഭിച്ച രഹസ്യവിവരത്തെ തുടർന്ന് കഴിഞ്ഞ 11ന് നെടുമ്പാശേരിയിൽ പിടിയിലായ ബദമ്പതികളെ അങ്കമാലിയിൽ സ്വകാര്യ ആശുപത്രിയിൽ പ്രവേശിപ്പിച്ച് അഞ്ച് ദിവസം നീണ്ട ശ്രമത്തിനൊടുവിലാണ് ലഹരി കാപ്സ്യൂളുകൾ വയറ്റിൽ നിന്നും പൂർണമായും പുറത്തെടുത്തത്. തുടർന്ന് കോടതിയിൽ ഹാജരാക്കി റിമാൻഡ് ചെയ്തു. ബ്രസീലിലെ സാവോപോളോയിൽ നിന്നാണ് ഇവർ എത്തിയത്. ഗുളികയുടെ മുകളിലെ ചിഹ്നങ്ങള്‍ രാജ്യാന്തര ലഹരി മാഫിയ സംഘങ്ങളുടെ അടയാളങ്ങളാണ്. എംഡിഎംഎയുടെ വീര്യത്തിനനുസരിച്ചാണ് എക്സ്റ്റസി പില്‍സിന് നിറം നല്‍കുന്നത്. അഞ്ച് നിറത്തിലായിരുന്നു ഗുളികകള്‍. സംഭവത്തില്‍ എന്‍സിബി വിവരശേഖരണം തുടങ്ങി.

നാട്ടുകാര്‍ക്ക് സ്വൈര്യക്കേട്; അലിസ്റ്റര്‍ അഴിക്കുള്ളില്‍

കൊച്ചി: മോഷണവും മയക്കുമരുന്ന് കച്ചവടവുമടക്കം നിരവധി ക്രിമിനല്‍ പ്രവര്‍ത്തനങ്ങള്‍, ഒടുവില്‍ നാട്ടുകാരുടെ സ്വൈര്യജീവിതത്തിന് സ്ഥിരം ഭീഷണിയായതോടെ യുവാവിനെ കാപ്പാ നിയമപ്രകാരം പോലീസ് ജയിലിലടച്ചു. വല്ലാര്‍പാടം പനമ്പുകാട് സ്വദേശി അലിസ്റ്റര്‍ സേവ്യര്‍(24) നെ ആണ് ജില്ലാ കളക്ടറുടെ ഉത്തരവിനെത്തുടര്‍ന്ന് ജയിലിലടച്ചത്. ഭവനഭേദനം, മോഷണം, മയക്കുമരുന്ന് കച്ചവടം, അടിപിടി തുടങ്ങി 12ഓളം കേസുകളില്‍ പ്രതിയാണ് അലിസ്റ്റര്‍. ഇത്തരക്കാർ‍ക്കെതിരെ ശക്തമായ നടപടികള്‍ തുടരുമെന്ന് കൊച്ചി സിറ്റി പോലീസ് കമ്മീഷണര്‍ പുട്ട വിമലാദിത്യ അറിയിച്ചു.

ജില്ലയിലെ ദുരന്ത നിവാരണ പ്രവര്‍ത്തനങ്ങള്‍ വിലയിരുത്തി

കൊച്ചി: എറണാകുളം, ഇടുക്കി ജില്ലകളുടെ ദുരന്തനിവാരണ പ്രതിരോധ പ്രവര്‍ത്തനങ്ങള്‍ ദേശീയ ദുരന്ത നിവാരണ ഏജന്‍സി പ്രതിനിധികള്‍ വിലയിരുത്തി. ദേശീയ ദുരന്ത നിവാരണ ഏജന്‍സി ഡെപ്യൂട്ടി ഡയറക്ടര്‍ റാഖീ സദ്ദു, ഡ്യൂട്ടി ഓഫീസര്‍ രജത് മല്‍ഹോത്ര,സീനിയര്‍ കണ്‍സള്‍ട്ടന്‍റ് സി.ജെ. സത്യകുമാര്‍ എന്നിവരുടെ നേതൃത്വത്തിലാണ് പ്രതിരോധ പ്രവര്‍ത്തനങ്ങള്‍ വിലയിരുത്തിയത്. നിലവില്‍ ജില്ലയില്‍ ദുരന്തനിവാരണ അഥോറിറ്റിയുടെ കീഴില്‍ എന്തെല്ലാം നടപടികളും പ്രവര്‍ത്തനങ്ങളുമാണ് നടക്കുന്നതെന്ന് ഉദ്യോഗസ്ഥര്‍ പരിശോധിച്ചു. മുന്നോട്ട് എങ്ങനെ മികച്ച രീതിയില്‍ പ്രവര്‍ത്തനങ്ങള്‍ ഏകോപിപ്പിക്കാന്‍ സാധിക്കുമെന്നതിനെക്കുറിച്ചുള്ള അവലോകനവും നടന്നു. ജില്ലാ കളക്ടര്‍ എന്‍.എസ്.കെ. ഉമേഷ്, ഇടുക്കി ജില്ലാ അഡീഷണല്‍ ജില്ലാ മജിസ്‌ട്രേറ്റ് ഷൈജു പി. ജേക്കബ്, ജില്ലാ ദുരന്തനിവാരണ വിഭാഗം ഡെപ്യൂട്ടി കളക്ടര്‍ കെ. മനോജ് തുടങ്ങിയവര്‍ പങ്കെടുത്തു.

ജില്ലാ ആയുര്‍വേദ, ഹോമിയോ ആശുപത്രികൾക്ക് മികവിന്‍റെ പുരസ്‌കാരം

കൊച്ചി: സംസ്ഥാനത്തെ മികച്ച ആയുര്‍വേദ ആശുപത്രികള്‍ക്കും ഹോമിയോ ആശുപത്രികള്‍ക്കുമായി സംസ്ഥാന സര്‍ക്കാര്‍ പ്രഖ്യാപിച്ച പ്രഥമ ആയുഷ് കായകല്‍പ്പ പുരസ്കാരങ്ങളിൽ എറണാകുളം ജില്ലാ ആയുര്‍വേദ, ഹോമിയോ ആശുപത്രികൾക്ക് തിളക്കം. ജില്ലാ ആയുര്‍വേദ ആശുപത്രി ആയുര്‍വേദ വിഭാഗത്തില്‍ ഒന്നാം സ്ഥാനം നേടിയപ്പോള്‍, ഹോമിയോപ്പതി വിഭാഗത്തില്‍ ജില്ലാ ഹോമിയോ ആശുപത്രി രണ്ടാം സ്ഥാനം നേടി. ജില്ലാ പഞ്ചായത്തിന്‍റെ കീഴിലുള്ള രണ്ട് ജില്ലാ ആശുപത്രികള്‍ക്ക് ഒരേ സമയം സംസ്ഥാന പുരസ്കാരങ്ങൾ ലഭിക്കുന്നത് ഇതാദ്യമായാണെന്നും, മികവാര്‍ന്ന സേവനം ലഭ്യമാക്കാനുള്ള ശ്രമങ്ങള്‍ക്ക് ലഭിക്കുന്ന അംഗീകാരമാണിതെന്നും ജില്ലാ പഞ്ചായത്ത് പ്രസിഡന്‍റ് മനോജ് മൂത്തേടന്‍ പറഞ്ഞു. ജില്ലാ പഞ്ചായത്തിന്‍റെ നേതൃത്വത്തില്‍ പ്രതിവര്‍ഷം മൂന്നുകോടി രൂപയിലധികം ചെലവഴിച്ച് അടിസ്ഥാന സൗകര്യവികസനത്തോടൊപ്പം രോഗികള്‍ക്കാവശ്യമായ മരുന്നും അനുബന്ധ സംവിധാനങ്ങളും ഒരുക്കിയ ജില്ലാ ആയുര്‍വേദ ആശുപത്രിയില്‍ നിരവധി സൂപ്പര്‍ സ്‌പെഷ്യലിറ്റി വിഭാഗങ്ങളിലായി നൂറുകണക്കിനാളുകളാണ് പ്രതിദിനം ചികിത്സയ്ക്കായി എത്തുന്നത്. ജനറല്‍ വാര്‍ഡ്, പേ വാര്‍ഡ്, പേയിംഗ് വാര്‍ഡ് സൗകര്യങ്ങളോടെ ഐപി വിഭാഗത്തില്‍ 66 ബെഡ് സൗകര്യവും ആശുപത്രിയിലുണ്ട്. പ്രതിദിനം 500 ല്‍ അധികം ആളുകള്‍ ചികിത്സ തേടിയെത്തുന്ന ജില്ലാ ഹോമിയോ ആശുപത്രിയില്‍ 20 ഡോക്ടര്‍മാരും 35 ഓളം സ്റ്റാഫുകളുമുണ്ട്. ജനറല്‍ ഒപിയ്ക്ക് പുറമെ വന്ധ്യത ചികിത്സയ്ക്ക് മാത്രമായുള്ള പ്രത്യേക വിഭാഗമായ ജനനി, ജീവിതശൈലീ നിവാരണ ചികിത്സാ വിഭാഗം എന്നിവയുമുണ്ട്. ജില്ലാ ആയുര്‍വേദ ആശുപത്രിയിലും ഹോമിയോ ആശുപത്രിയിലും ജില്ലാ പഞ്ചായത്തിന്‍റെ നേതൃത്വത്തില്‍ കേക്ക് മുറിച്ചും മധുരം വിതരണം ചെയ്തും വിജയാഹ്ലാദം പങ്കുവച്ചു. മനോജ് മുത്തേടന്‍ ഉദ്ഘാടനം ചെയ്തു. വൈസ് പ്രസിഡന്‍റ് എല്‍സി ജോര്‍ജ്, ആരോഗ്യകാര്യ സ്ഥിരംസമിതി ചെയര്‍മാന്‍ എം.ജെ. ജോമി, സെക്രട്ടറി പി.എം. ഷെഫീക്ക്, ജില്ലാ മെഡിക്കല്‍ ഓഫീസര്‍മാരായ ഡോ. പി. സലീം, ഡോ. മേഴ്‌സി ഗോണ്‍സാല്‍വസ്, ഡിപിഎം ഡോ. വി.പി. ജയകൃഷ്ണന്‍, ഡോ. എ. ഷമ്മി, ഡോ.എസ്. ശ്രീവിദ്യ, ഡോ. സിന്ധു ആന്‍റണി എന്നിവര്‍ പ്രസംഗിച്ചു.

പെരുമ്പാവൂരിൽ ഇതര സംസ്ഥാനക്കാരിൽ നിന്നും പിടികൂടിയത് 10 കിലോ കഞ്ചാവ്

പെരുമ്പാവൂർ: 10 കിലോ കഞ്ചാവുമായി നാല് ഇതര സംസ്ഥാനക്കാർ പിടിയിൽ. ഒഡീഷ കണ്ടമാൽ പടെരിപ്പട സീതാറാം ദിഗൽ (43), പൗളാ ദിഗൽ (45), ജിമി ദിഗൽ (38), രഞ്ജിത ദിഗൽ എന്നിവരെയാണ് പെരുമ്പാവൂർ എഎസ്‌പിയുടെ പ്രത്യേക അന്വേഷണ സംഘം പിടികൂടിയത്. ജില്ലാ പോലീസ് മേധാവി എം. ഹേമലതയ്ക്ക് ലഭിച്ച രഹസ്യവിവരത്തിന്‍റെ അടിസ്ഥാനത്തിൽ ബുധനാഴ്ച പുലർച്ചെ പെരുമ്പാവൂർ വട്ടക്കാട്ടുപടിയിൽ നിന്നാണ് ഇവരെ കസ്റ്റഡിയിലെടുത്തത്. ഒഡീഷയിൽനിന്ന് ട്രെയിൻ മാർഗമാണ് ആലുവയിൽ എത്തിയത്. അവിടെനിന്ന് പെരുമ്പാവൂർ കെഎസ്ആർടിസി ബസ് സ്റ്റാൻഡിൽ വന്നിറങ്ങിയ ശേഷം ഓട്ടോറിക്ഷയിൽ വട്ടക്കാട്ടുപടിയിലുള്ള താമസസ്ഥലത്തേക്ക് വരുന്ന വഴിയാണ് ഇവർ അന്വേഷണ സംഘത്തിന്‍റെ വലയിലായത്. സീതാറാമും പൗളാ ദിഗലും സഹോദരങ്ങളാണ്. ഇവരുടെ ഭാര്യമാരാണ് പിടിയിലായ സ്ത്രീകൾ. ഒഡീഷയിൽനിന്നു കിലോയ്ക്ക് 3000 രൂപയ്ക്ക് വാങ്ങുന്ന കഞ്ചാവ് ഇവിടെ 25000 രൂപയ്ക്ക് വില്പന നടത്തി തിരിച്ചുപോവുകയാണ് ഇവരുടെ രീതി. മാസത്തിൽ ഒന്നോ രണ്ടോ പ്രാവശ്യം കേരളത്തിൽ കഞ്ചാവുമായി എത്തും. സംശയം തോന്നാതിരിക്കാൻ വട്ടക്കാട്ടുപടിയിൽ വാടക വീട് എടുത്തിരുന്നു. പ്ലൈവുഡ് കമ്പനിയിൽ ജോലിക്കെന്ന വ്യാജേനയാണ് ഇവിടെ എത്തിയിരുന്നത്. ഇവരിൽനിന്ന് കഞ്ചാവ് വാങ്ങുന്നവരെക്കുറിച്ച് അന്വേഷണം ആരംഭിച്ചു.

ലിഫ്റ്റിനുള്ളില്‍ തല കുടുങ്ങി സെക്യൂരിറ്റി ജീവനക്കാരന് ദാരുണാന്ത്യം

കൊച്ചി: സര്‍വീസ് ലിഫ്റ്റിനുള്ളില്‍ തല കുടുങ്ങി സെക്യൂരിറ്റി ജീവനക്കാരന് ദാരുണാന്ത്യം. എറണാകുളത്ത് പ്രവര്‍ത്തിക്കുന്ന പ്രിന്‍റിംഗ് സ്ഥാപനത്തിലെ സെക്യൂരിറ്റി ജീവനക്കാരനായ കൊല്ലം പടപ്പാക്കര ചാരുവില്ല പുത്തന്‍വീട്ടില്‍ ബിജു(42) ആണ് മരിച്ചത്. ഇന്നലെ രാവിലെ 9.30 നായിരുന്നു സംഭവം. പ്രിന്‍റിംഗ് സാമഗ്രികള്‍ താഴത്തെ നിലയില്‍ നിന്ന് ഒന്നാം നിലയിലേക്ക് ലിഫ്റ്റ് വഴി എത്തിക്കുകയായിരുന്നു. ഒന്നാം നിലയിലെത്തിയപ്പോള്‍ സാധനങ്ങള്‍ ഇറക്കുന്നതിനിടെ ഒരു പായ്ക്കറ്റ് ലിഫ്റ്റിന് ഉള്ളിലേക്ക് വീണു. ഇതെടുക്കാനായി പുറത്തുനിന്ന് ബിജു ലിഫ്റ്റിനുള്ളിലേക്ക് തലയിട്ടപ്പോള്‍ ലിഫ്റ്റിന്‍റെ മുകള്‍ ഭാഗം കഴുത്തില്‍ വന്നു പതിക്കുകയായിരുന്നു. തല ലിഫ്റ്റിനകത്ത് കുടുങ്ങിയ അവസ്ഥയിലുമായിരുന്നു. ഉടന്‍ തന്നെ പോലീസും ക്ലബ് റോഡില്‍ നിന്നുള്ള ഫയര്‍ ഫോഴ്‌സ് സംഘവും എത്തി ലിഫ്റ്റ് പൊളിച്ചാണ് ഇദ്ദേഹത്തെ പുറത്തെടുത്തത്. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മാന്‍പവര്‍ ഏജന്‍സി വഴിയാണ് ഇയാള്‍ ഇവിടെ ജോലിക്കെത്തിയത്. എറണാകുളം സെന്‍ട്രല്‍ പോലീസ് അസ്വാഭാവിക മരണത്തിന് കേസെടുത്തു.

കേരള അഗ്രികള്‍ച്ചറല്‍ വര്‍ക്കേഴ്‌സ് ഫോറം : സംസ്ഥാന നേതൃസമ്മേളനം

കൊച്ചി: കേരള അഗ്രികള്‍ച്ചറല്‍ വര്‍ക്കേഴ്‌സ് ഫോറം സംസ്ഥാന നേതൃസമ്മേളനം പാലാരിവട്ടം പിഒസിയില്‍ നടന്നു. കേരള ലേബര്‍ മൂവ്‌മെന്‍റ് സംസ്ഥാന ഡറക്ടര്‍ ഫാ. അരുണ്‍ വലിയ താഴത്ത് ഉദ്ഘാടനം ചെയ്തു. രാജ്യത്തിന്‍റെ കാര്‍ഷിക ഉത്പാദനത്തിനു വേണ്ടി അത്യധ്വാനം ചെയ്യുന്ന കര്‍ഷക തൊഴിലാളികളുടെ ജീവിതസുരക്ഷയക്കും സാമ്പത്തിക ഭദ്രതയ്ക്കും അവശ്യമായത് നല്‍കാന്‍ സര്‍ക്കാരിനും സമൂഹത്തിനും ഉത്തരവാതിത്വമുണ്ടെന്ന് ഫാ.അരുണ്‍ വലിയ താഴത്ത് പറഞ്ഞു. കേരള ലേബര്‍ മൂവ്‌മെന്‍റ് അസിസ്റ്റന്റ് ഡയറക്ടര്‍ ജോസഫ് ജൂഡ് അധ്യക്ഷത വഹിച്ചു. യുടിഎ കണ്‍വിനര്‍ ബാബു തണ്ണിക്കോട്ട്,ജോസ് മാത്യു ഊക്കന്‍, ഫാ. ജോസ് ചമ്പക്കുളം, ഡിക്‌സന്‍ മനിക്ക്, തോമസ് മാത്യൂ എന്നിവര്‍ സംസാരിച്ചു.കേരള കര്‍ഷക ക്ഷേമനിധി ബോര്‍ഡ് എറണാകുളം ജില്ലാ ഓഫീസര്‍ ശ്രീനിവാസ് ക്ലാസുകള്‍ നയിച്ചു.

മയക്കുമരുന്നുമായി യുവാവ് പിടിയില്‍

കൊച്ചി: എംഡിഎംഎയും ഹാഷിഷ് ഓയിലുമായി യുവാവ് പിടിയില്‍. ഇടപ്പള്ളി ചങ്ങമ്പുഴ റോഡ് എളവുങ്കല്‍ വീട്ടില്‍ അഖില്‍ ജോസഫ് (35) ആണ് പിടിയിലായത്. ഇയാളുടെ പക്കല്‍ നിന്നും 2.63 ഗ്രാം എംഡിഎംഎയും 3.76 ഗ്രാം ഹാഷിഷ് ഓയിലുമാണ് പിടികൂടിയത്. കൊച്ചി സിറ്റി ഡാന്‍സാഫ് ടീം നടത്തിയ പരിശോധനയില്‍ എറണാകുളം ബോള്‍ഗാട്ടിക്ക് സമീപത്തുനിന്നാണ് പ്രതി പിടിയിലായത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]