മൂ​ന്നാ​ർ: തേ​യി​ലത്തോ​ട്ട​ത്തി​ൽ പ​ണി​യെ​ടു​ക്കു​ന്ന​തി​നി​ടെ തൊ​ഴി​ലാ​ളി​യെ കാ​ണാ​താ​യി​ട്ട് നാ​ലു​ വ​ർ​ഷം. മാ​താ​പി​താ​ക്ക​ളാ​യ യേ​ശു​ദാ​സ്, വി​ജ​യ, ഭാ​ര്യ ഗീ​ത, ര​ണ്ടു മ​ക്ക​ൾ എ​ന്നി​വ​ര​ട​ങ്ങു​ന്ന കു​ടും​ബ​ത്തി​ന്‍റെ കാ​ത്തി​രി​പ്പി​നു ഫ​ല​മു​ണ്ടാ​യി​ട്ടി​ല്ല.

മൂ​ന്നാ​റി​ലെ ക​ട​ലാ​ർ ഈ​സ്റ്റ് ഡി​വി​ഷ​ൻ സ്വ​ദേ​ശി​യാ​യ ധ​ന​ശേ​ഖ​ർ ആ​ണ് 2021 ഏ​പ്രി​ൽ 20ന് കാ​ണാ​താ​യ​ത്. തി​രി​ച്ചു​വ​രു​മെ​ന്ന പ്ര​തീ​ക്ഷ​യി​ൽ കാ​ത്തി​രി​ക്കു​ന്പോ​ഴും അ​ദ്ദേ​ഹ​ത്തി​ന്‍റെ തി​രോ​ധാ​ന​ത്തെ​ക്കു​റി​ച്ചു​ള്ള ദു​രൂ​ഹ​ത​ക​ൾ മാ​റി​യി​ട്ടി​ല്ല.

ഒ​രു വ​ർ​ഷം മു​ന്പ് ത​മി​ഴ്നാ​ട്ടി​ൽവ​ച്ച് അ​ദ്ദേ​ഹ​ത്തെ ക​ണ്ടു​വെ​ന്ന് ഒ​രാ​ൾ വെ​ളി​പ്പെ​ടു​ത്തി​യ​തി​നെത്തു​ട​ർ​ന്ന് അ​വി​ടെ അ​ന്വേ​ഷ​ണം ന​ട​ത്തി​യെ​ങ്കി​ലും പോ​ലീ​സി​ന് നി​രാ​ശ​യാ​യി​രു​ന്നു ഫ​ലം. ഒ​ട്ട​ന​വ​ധി ദു​രൂ​ഹ​ത​ക​ളാ​ണ് അ​ദ്ദേ​ഹ​ത്ത​ന്‍റെ തി​രോ​ധാ​ന​ത്തി​നു പി​ന്നാ​ലെ​യു​ണ്ടാ​യ​ത്. വ​ന്യ​ജീ​വി ആ​ക്ര​മ​ണ​ത്തി​നി​ര​യാ​യി​രു​ന്നു​വെ​ന്നാ​യി​രു​ന്നു ആ​ദ്യ നി​ഗ​മ​നം.

എ​സ്റ്റേ​റ്റി​ൽ സൂ​ക്ഷി​ച്ചി​രു​ന്ന കീ​ട​നാ​ശി​നി ക​ള​വുപോ​യ​തി​ൽ അ​ന്വേ​ഷ​ണം ന​ട​ന്നുവ​രു​ന്ന​തി​നി​ട​യി​ലാ​യി​രുന്നു തൊ​ഴി​ലാ​ളി​യു​ടെ തി​രോ​ധാ​നം. ഈ ​ക​ള​വു​മാ​യി ബ​ന്ധ​പ്പെ​ട്ടു​ള്ള മാ​ന​സി​ക പീ​ഡ​ന​ങ്ങ​ളെത്തു​ട​ർ​ന്നാ​ണ് ധ​ന​ശേ​ഖ​റി​നെ കാ​ണാ​താ​യ​തെ​ന്നാ​യി​രു​ന്നു ആ​ദ്യ ആ​രോ​പ​ണം. അ​ന്വേ​ഷ​ണം ന​ട​ന്നുവ​രു​ന്ന​തി​നി​ട​യി​ൽ മൊ​ഴി​ക​ളി​ൽ വൈ​രു​ധ്യ​മു​ണ്ടാ​യ​ത് പോ​ലീ​സി​നെ​യും വ​ല​ച്ചു. അ​ന്വേ​ഷ​ണ​ത്തി​ൽ യാ​തൊ​രു പു​രോ​ഗ​തി​യും പി​ന്നീ​ടു​ണ്ടാ​യി​ല്ല.

ഒ​രു തൊ​ഴി​ലാ​ളി​യെ ദു​രൂ​ഹ സാ​ഹ​ച​ര്യ​ത്തി​ൽ കാ​ണാ​താ​യി​ട്ടും തൊ​ഴി​ലാ​ളി​ക​ൾ​ക്കുവേ​ണ്ടി ശ​ബ്ദ​മു​യ​ർ​ത്തേ​ണ്ട തൊ​ഴി​ലാ​ളി സം​ഘ​ട​ന​ക​ൾ നി​സം​ഗ​ത പു​ല​ർ​ത്തു​ക​യാ​ണെു​ള്ള ആ​രോ​പ​ണ​വും ശ​ക്ത​മാ​ണ്. ധ​ന​ശേ​ഖ​റി​ന്‍റെ തി​രോ​ധാ​ന​ത്തി​നു പി​ന്നാ​ലെ​യു​ള്ള യ​ഥാ​ർ​ഥ്യ​ങ്ങ​ൾ പു​റ​ത്തു​കൊ​ണ്ടു​വ​രാ​ൻ ബ​ന്ധു​ക്ക​ൾ മ​നു​ഷ്യാ​വ​കാ​ശ സം​ഘ​ട​ന​ക​ളെ​യും സ​മീ​പി​ച്ചി​ട്ടു​ണ്ട്.