തൊ​ടു​പു​ഴ: ന​ഗ​ര​സ​ഭാ അ​ധ്യ​ക്ഷ​നെ തെ​ര​ഞ്ഞെ​ടു​പ്പ് ഇ​ന്നു രാ​വി​ലെ 11ന് ​കൗ​ണ്‍​സി​ൽ ഹാ​ളി​ൽ ന​ട​ക്കും. ഇടുക്കി സബ് കളക്ടർ അനൂപ് ഗാർഗാണ് വരണാ ധികാരി. ചെ​യ​ർ​പേ​ഴ്സ​ണാ​യി​രു​ന്ന സി​പി​എം അം​ഗം സ​ബീ​ന ബി​ഞ്ചു​വി​നെ യു​ഡി​എ​ഫ് അ​വി​ശ്വാ​സ​ത്തി​ലൂ​ടെ പു​റ​ത്താ​ക്കി​യ​തോ​ടെ​യാ​ണ് പു​തി​യ അ​ധ്യ​ക്ഷ​നെ തെ​ര​ഞ്ഞെ​ടു​ക്കു​ന്ന​ത്.

നി​ല​വി​ലെ സാ​ഹ​ച​ര്യ​ത്തി​ൽ യു​ഡി​എ​ഫ് അം​ഗം ചെ​യ​ർ​മാ​നാ​യി തെ​ര​ഞ്ഞെ​ടു​ക്ക​പ്പെ​ടാ​നാ​ണ് സാ​ധ്യ​ത. ര​ണ്ടു ത​വ​ണ യു​ഡി​എ​ഫി​ലെ പ​ട​ല​പ്പി​ണ​ക്കം മൂ​ലം അ​ധ്യ​ക്ഷ പ​ദ​വി എ​ൽ​ഡി​എ​ഫി​ന് ല​ഭി​ക്കു​ക​യാ​യി​രു​ന്നു. ഇ​ത്ത​വ​ണ ത​ർ​ക്ക​ങ്ങ​ളെ​ല്ലാം മാ​റ്റിവ​ച്ച് ഒ​റ്റ​ക്കെ​ട്ടാ​യി തെ​ര​ഞ്ഞെ​ടു​പ്പി​നെ നേ​രി​ടാ​ൻ യു​ഡി​എ​ഫ് സം​സ്ഥാ​ന നേ​തൃ​ത്വം നി​ർ​ദേ​ശം ന​ൽ​കി​യി​ട്ടു​ണ്ട്. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ മു​‌സ്‌ലിം ലീ​ഗ് ഇ​ട​ഞ്ഞ​തോ​ടെ​യാ​ണ് സ​ബീ​ന ബി​ഞ്ചു ചെ​യ​ർ​പേ​ഴ്സ​ണാ​യി തെ​ര​ഞ്ഞെ​ടു​ക്ക​പ്പെ​ട്ട​ത്. തു​ട​ർ​ന്ന് കോ​ണ്‍​ഗ്ര​സും മു​‌സ്‌ലിം ലീ​ഗും ത​മ്മി​ലു​ണ്ടാ​യി​രു​ന്ന ത​ർ​ക്കം പ​രി​ഹ​രി​ക്കാ​നും സം​സ്ഥാ​ന നേ​തൃ​ത്വം ഇ​ട​പെ​ട്ടി​രു​ന്നു.

ഒ​രു കൗ​ണ്‍​സി​ല​റെ കൂ​റു​മാ​റ്റ നി​യ​മ പ്ര​കാ​രം അ​യോ​ഗ്യ​നാ​ക്കി​യി​രി​ക്കു​ന്ന​തി​നാ​ൽ 35 അം​ഗ കൗ​ണ്‍​സി​ലി​ൽ ഇ​പ്പോ​ൾ 34 അം​ഗ​ങ്ങ​ളുമാ​ണു​ള്ള​ത്. ഇ​പ്പോ​ൾ യു​ഡി​എ​ഫി​ന് 14 അം​ഗ​ങ്ങ​ളു​ടെ പി​ന്തു​ണ​യു​ണ്ട്. എ​ൽ​ഡി​എ​ഫി​ന് 12 ഉം ​ബി​ജെ​പിക്ക് എ​ട്ടം​ഗ​ങ്ങ​ളാ​ണു​ള്ള​ത്. മു​ൻ ചെ​യ​ർ​പേ​ഴ്സ​നെ​തി​രേ യു​ഡി​എ​ഫ് കൊ​ണ്ടുവ​ന്ന അ​വി​ശ്വാ​സ​ത്തി​ന് അ​നു​കൂ​ല​മാ​യി വോ​ട്ട് ചെ​യ്ത​തി​ന്‍റെ പേ​രി​ൽ ബി​ജെ​പി​യി​ലെ എ​ട്ടം​ഗ​ങ്ങ​ളി​ൽ നാ​ലു പേ​രെ പാ​ർ​ട്ടി​യി​ൽനി​ന്ന് സ​സ്പെ​ൻ​ഡ് ചെ​യ്തി​രു​ന്നു.

യു​ഡി​എ​ഫി​ൽനി​ന്നു കോ​ണ്‍​ഗ്ര​സി​ലെ കെ. ​ദീ​പ​ക് ആ​യി​രി​ക്കും ചെ​യ​ർ​മാ​ൻ സ്ഥാ​ന​ത്തേക്ക് മ​ത്സ​രി​ക്കു​ക. അം​ഗ​ങ്ങ​ൾ​ക്ക് നേ​തൃ​ത്വം വി​പ്പ് ന​ൽ​കി​യി​ട്ടു​ണ്ട്. മു​ൻ ചെ​യ​ർ​മാ​ൻ സ​നീ​ഷ് ജോ​ർ​ജ് ഉ​ൾ​പ്പെ​ടെ 14 അം​ഗ​ങ്ങ​ളു​ടെ പി​ന്തു​ണ​യു​ള്ള​തി​നാ​ൽ തെ​ര​ഞ്ഞെ​ടു​പ്പി​ൽ വി​ജ​യി​ക്കാ​നാ​കു​മെ​ന്ന ഉ​റ​ച്ച പ്ര​തീ​ക്ഷ​യി​ലാ​ണ് യു​ഡി​എ​ഫ്.

എ​ൽ​ഡി​എ​ഫ് സ്ഥാ​നാ​ർ​ഥി​യാ​യി മു​ൻ ചെ​യ​ർ​പേ​ഴ്സ​ണ്‍ മി​നി മ​ധു​വാ​യി​രി​ക്കും മ​ത്സ​രരം​ഗ​ത്തു​ണ്ടാ​കു​ക. അം​ഗ​ങ്ങ​ൾ​ക്ക് വി​പ്പും ന​ൽ​കി​യി​ട്ടു​ണ്ട്. നി​ല​വി​ൽ 12 അം​ഗ​ങ്ങ​ളു​ള്ള എ​ൽ​ഡി​എ​ഫി​ന് വി​ജ​യി​ക്ക​ണ​മെ​ങ്കി​ൽ ര​ണ്ടം​ഗ​ങ്ങ​ളു​ടെ പി​ന്തു​ണ കൂ​ടി വേ​ണം. യു​ഡി​എ​ഫി​ൽനി​ന്ന് അം​ഗ​ങ്ങ​ളെ അ​ട​ർ​ത്തി​യെ​ടു​ത്ത് ഭ​ര​ണം പി​ടി​ക്കാ​നു​ള്ള കാ​ര്യ​മാ​യ നീ​ക്കം മു​ന്ന​ണി ത​ല​ത്തി​ൽ ന​ട​ത്തി​യി​ട്ടി​ല്ലെ​ന്നാ​ണ് വി​വ​രം. ക​ഴി​ഞ്ഞ ത​വ​ണ ചെ​യ​ർ​പേ​ഴ്സ​ണാ​യി തെ​ര​ഞ്ഞെ​ടു​ക്ക​പ്പെ​ട്ട സ​ബീ​ന ബി​ഞ്ചു​വി​ന്‍റെ മ​ങ്ങി​യ പ്ര​ക​ട​ന​വും എ​ൽ​ഡി​എ​ഫി​നു ക്ഷീ​ണ​മാ​യി.

തെ​ര​ഞ്ഞെ​ടു​പ്പി​ൽനി​ന്നു വി​ട്ടുനി​ൽ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ബി​ജെ​പി അം​ഗ​ങ്ങ​ൾ​ക്ക് ജി​ല്ലാ നേ​തൃ​ത്വം വി​പ്പു ന​ൽ​കി​യി​ട്ടു​ണ്ട്. യു​ഡി​എ​ഫി​ന്‍റെ അ​വി​ശ്വാ​സ​ത്തെ അ​നു​കൂ​ലി​ച്ച് വോ​ട്ടു ചെ​യ്ത​തി​ന്‍റെ പേ​രി​ൽ പാ​ർ​ട്ടി​യി​ൽനി​ന്ന് സ​സ്പെ​ൻ​ഡ് ചെ​യ്യ​പ്പെ​ട്ട​വ​ർ​ക്കും വി​പ്പ് ന​ൽ​കി​യി​ട്ടു​ണ്ട്. അ​വ​രും നേ​തൃ​ത്വ​ത്തി​ന്‍റെ നി​ർ​ദേ​ശം അം​ഗീ​ക​രി​ച്ച് തെ​ര​ഞ്ഞെ​ടു​പ്പി​ൽനി​ന്നു വി​ട്ടുനി​ൽ​ക്കും.

ഈ ​ഭ​ര​ണ സ​മി​തി​യു​ടെ ആ​ദ്യ ചെ​യ​ർ​മാ​നാ​യി​രു​ന്ന സ​നീ​ഷ് ജോ​ർ​ജ് കൈ​ക്കൂ​ലി​ക്കേ​സി​ൽ ഉ​ൾ​പ്പെ​ട്ട​തോ​ടെ​യാ​ണ് രാ​ജിവ​ച്ച​ത്. എ​ൽ​ഡി​എ​ഫ് പി​ന്തു​ണ​യോ​ടെ ചെ​യ​ർ​മാ​നാ​യ സ​നീ​ഷ് ജോ​ർ​ജ് ഇ​പ്പോ​ൾ യു​ഡി​എ​ഫി​നൊ​പ്പ​മാ​ണ് നി​ൽ​ക്കു​ന്ന​ത്. പി​ന്നീ​ട് വ​ന്ന സ​ബീ​ന ബി​ഞ്ചു മു​‌സ്‌ലിം ലീ​ഗ് പി​ന്തു​ണ​യോ​ടെ​യാ​ണ് അ​പ്ര​തീ​ക്ഷി​ത​മാ​യി ചെ​യ​ർ​പേ​ഴ്സ​ണാ​യി തെ​ര​ഞ്ഞെ​ടു​ക്ക​പ്പെ​ട്ട​ത്. ഇ​ന്ന​ത്തെ തെ​ര​ഞ്ഞെ​ടു​പ്പോ​ടെ മൂ​ന്നാ​മ​ത്തെ അ​ധ്യ​ക്ഷ​നാ​ണ് ചു​മ​ത​ല​യേ​ൽ​ക്കു​ക.