നെ​ടു​ങ്ക​ണ്ടം: കാ​ർ​ഷി​കമേ​ഖ​ല​യി​ൽ മോ​ഷ​ണം പ​തി​വാ​കു​ന്നു. പ​ക​ൽ സ​മ​യം വാ​ഹ​ന​ങ്ങ​ളി​ലെ​ത്തി​യാ​ണ് കാ​ർ​ഷി​കോ​ത്പ​ന്ന​ങ്ങ​ൾ മോ​ഷ്ടി​ക്കു​ന്ന​ത്. ഇ​തോ​ടെ മാ​വ​ടി, കാ​രി​ത്തോ​ട്, പെ​രി​ഞ്ചാം​കു​ട്ടി മേ​ഖ​ല​ക​ളി​ലെ ക​ർ​ഷ​ക​ർ പൊ​റു​തി​മു​ട്ടു​ക​യാ​ണ്. വാ​ഹ​ന​ങ്ങ​ളി​ൽ എ​ത്തു​ന്ന യു​വാ​ക്ക​ളു​ടെ സം​ഘം ഏ​ല​ക്കാ​യും കു​രു​മു​ള​കും വാ​ഴ​ക്കു​ല​യു​മ​ട​ക്കം മോ​ഷ്ടി​ച്ചു​ക​ട​ത്തു​ന്നു​ണ്ട്.

കൃ​ഷി​യി​ട​ത്തി​ൽ നി​ൽ​ക്കു​ന്ന വാ​ഴ​ക്കു​ല, മു​റ്റ​ത്ത് ഉ​ണ​ക്കാ​ൻ ഇ​ട്ടി​രി​ക്കു​ന്ന കു​രു​മു​ള​ക്, തോ​ട്ട​ങ്ങ​ളി​ൽനി​ന്നു സ്റ്റോ​റി​ലെ​ത്തി​ക്കാ​ൻ സൂ​ക്ഷി​ക്കു​ന്ന ഏ​ല​ക്ക, മ​റ്റ് കാ​ർ​ഷി​കോ​ത്പ​ന്ന​ങ്ങ​ൾ തു​ട​ങ്ങി​യ​വ​യാ​ണ് സ്ഥി​ര​മാ​യി മോ​ഷ​ണം പോ​കു​ന്ന​ത്. കാ​ർ​ഷി​കോത്പ​ന്ന​ങ്ങ​ളു​ടെ വി​ള​വെ​ടു​പ്പ് സീ​സ​ണാ​യ​തി​നാ​ൽ മേ​ഖ​ല​യി​ലെ ഭൂ​രി​പ​ക്ഷം ക​ർ​ഷ​ക​രും കൃ​ഷി​സ്ഥ​ല​ത്താ​യി​രി​ക്കും. ഈ ​അ​വ​സ​രം മു​ത​ലെ​ടു​ത്താ​ണ് മോ​ഷ​ണം ന​ട​ത്തു​ന്ന​ത്.

ക​ഴി​ഞ്ഞ​ദി​വ​സം വാ​ഴ​ക്കു​ല​മോ​ഷ്ടി​ക്കു​ന്ന​തി​നി​ടെ നാ​ട്ടു​കാ​ർ എ​ത്തി​യ​തോ​ടെ സം​ഘം ക​ട​ന്നു​ക​ള​യു​ക​യാ​യി​രു​ന്നു. മാ​ര​കാ​യു​ധ​ങ്ങ​ളു​മാ​യാ​ണ് ഇ​വ​ർ മോ​ഷ​ണ​ത്തി​നെ​ത്തു​ന്ന​തെ​ന്നും നാ​ട്ടു​കാ​ർ പ​റ​ഞ്ഞു. വാ​ട​ക​യ്ക്കെ​ടു​ക്കു​ന്ന വാ​ഹ​ന​ങ്ങ​ളി​ലാ​ണ് ഇ​വ​ർ മേ​ഖ​ല​യി​ലെ​ത്തി മോ​ഷ​ണം ന​ട​ത്തു​ന്ന​ത്.

ല​ഹ​രി സം​ഘ​ങ്ങ​ളാ​ണ് മോ​ഷ​ണ​ത്തി​നു പി​ന്നി​ലെ​ന്നും സം​ശ​യ​മു​യ​ർ​ന്നി​ട്ടു​ണ്ട്. മോ​ഷ​ണം സം​ബ​ന്ധി​ച്ച് നെ​ടു​ങ്ക​ണ്ടം, ഉ​ടു​ന്പ​ൻ​ചോ​ല, വെ​ള്ള​ത്തൂ​വ​ൽ പോ​ലീ​സ് സ്റ്റേ​ഷ​നു​ക​ളി​ൽ നാ​ട്ടു​കാ​ർ പ​രാ​തി ന​ൽ​കി. മേ​ഖ​ല​യി​ൽ പോ​ലീ​സ് പ​ട്രോ​ളിം​ഗ് ശ​ക്ത​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.