കാ​ഞ്ഞാ​ർ: ക​ളി​യാ​ര​വ​ങ്ങ​ളി​ല്ലാ​ത്ത ലോ​ക​ത്തേ​ക്ക് ക​ബീ​ർ യാ​ത്ര​യാ​യി. നാ​ലു പ​തി​റ്റാ​ണ്ടോ​ളം വോ​ളി​ബോ​ൾ കോ​ർ​ട്ടു​ക​ളി​ൽ മി​ന്ന​ൽ​പ്പി​ണ​ർ പോ​ലെ​യു​ള്ള കി​ടി​ല​ൻ സ്മാ​ഷു​ക​ൾ ഉ​തി​ർ​ത്ത് കാ​ണി​ക​ളെ ആ​വേ​ശം കൊ​ള്ളി​ച്ച പ്ര​ശ​സ്ത വോ​ളി​ബോ​ൾതാ​ര​മാ​യ കാ​ഞ്ഞാ​ർ സ്വ​ദേ​ശി ക​ബീ​ർ ഇ​ന്ന​ലെ​യാ​ണ് അ​ന്ത​രി​ച്ച​ത്.

കാ​ഞ്ഞാ​റു​കാ​രു​ടെ ക​ബീ​റ​ണ്ണ​ൻ എ​ന്ന് അ​റി​യ​പ്പെ​ട്ടി​രു​ന്ന മ​ണ​ക്ക​ണ്ട​ത്തി​ൽ ക​ബീ​ർ എ​ക്കാ​ല​വും വോ​ളി​ബോ​ൾ കോ​ർ​ട്ടി​ൽ നി​റ​ഞ്ഞുനി​ന്ന മി​ക​ച്ച പ്ര​തി​ഭ​യാ​യി​രു​ന്നു.

ഇ​ടു​ക്കി​യി​ലെ മ​ല​യോ​ര മേ​ഖ​ല​യി​ൽ വോ​ളി​ബോ​ൾ എ​ന്ന കാ​യി​ക ഇ​ന​ത്തി​നു ല​ഭി​ച്ച സ്വാ​ധീ​നം ത​ന്നെ ക​ബീ​ർ ഉ​ൾ​പ്പെ​ടെ​യു​ള്ള മി​ക​ച്ച താ​ര​ങ്ങ​ളു​ടെ സം​ഭാ​വ​ന​യാ​യി​രു​ന്നു. ഒ​രു കാ​ല​ഘ​ട്ട​ത്തി​ൽ ജി​ല്ലാ , സം​സ്ഥാ​ന ടീ​മു​ക​ളി​ലെ മി​ന്നും താ​ര​മാ​യി​രു​ന്നു ക​ബീ​ർ. വോ​ളി​ബോ​ൾ കോ​ർ​ട്ടി​ലേ​യ്ക്ക് ക​ബീ​ർ ക​ട​ന്നു വ​രു​ന്പോ​ൾ ത​ന്നെ കാ​ണി​ക​ൾ ആ​വേ​ശ​ത്തോ​ടെ കൈ​യ​ടി​ക്കു​മാ​യി​രു​ന്നു.

1982 കാ​ല​ത്താ​ണ് ക​ബീ​ർ വോ​ളി​ബോ​ൾ കോ​ർ​ട്ടി​ലേ​ക്ക് കാ​ലെ​ടു​ത്തു വ​യ്ക്കു​ന്ന​ത്. അന്നു പ​തി​മൂ​ന്നു​കാ​ര​നാ​യ ക​ബി​റി​ന്‍റെ വീ​ടി​ന് ചു​റ്റും നി​ര​വ​ധി വോ​ളി​ബോ​ൾ കോ​ർ​ട്ടു​ക​ൾ ഉ​ണ്ടാ​യി​രു​ന്നു. മു​തി​ർ​ന്ന​വ​ർ ക​ളി​ക്കു​ന്ന​ത് ക​ണ്ട ക​ബീ​റി​നും വോ​ളി​ബോ​ളി​നോ​ട് താ​ത്പ​ര്യ​മാ​യി. മു​തി​ർ​ന്ന ക​ളി​ക്കാ​രോ​ടൊ​പ്പം ക​ളി​ച്ചു തു​ട​ങ്ങി​യ​തി​നു പി​ന്നാ​ലെ വോ​ളി​ബോ​ൾ ക്യാ​ന്പു​ക​ളി​ലും പ​ങ്കെ​ടു​ത്തു.

ക​ബീ​റി​ന്‍റെ പ്ര​തി​ഭ ക​ണ്ട് അ​ഖി​ലേ​ന്ത്യാ വോ​ളി​ബോ​ൾ അ​സോ​സി​യേ​ഷ​ൻ ജോ​യി​ന്‍റ് സെ​ക്ര​ട്ട​റി​യാ​യി​രു​ന്ന കെ.​ജി.​ ഗോ​പാ​ല​കൃ​ഷ്ണ​ൻ ന​ല്ല പി​ന്തു​ണ ന​ൽ​കി. മൂ​ന്നു​വ​ർ​ഷം കൊ​ണ്ട് ജി​ല്ലാ, സം​സ്ഥാ​ന ടീ​മു​ക​ളി​ൽ ഇ​ടം നേ​ടി .

അ​രു​വി​ത്തു​റ സെ​ന്‍റ് ജോ​ർ​ജ് കോ​ള​ജ് മൈ​താ​ന​ത്ത് ന​ട​ന്ന ദേ​ശീ​യ വോ​ളി​ബോ​ൾ മ​ത്സ​ര​ത്തി​ൽ കേ​ര​ള​ത്തെ പ്ര​തി​നി​ധീ​ക​രി​ച്ചു ക​ളി​ച്ചു. വി​വി​ധ ക്ല​ബ്ബു​ക​ൾ​ക്ക് വേ​ണ്ടി സം​സ്ഥാ​ന​ത്തി​ന​ക​ത്തും പു​റ​ത്തും വോ​ളി​ബോ​ൾ മ​ത്സ​ര​ങ്ങ​ളി​ൽ പ​ങ്കെ​ടു​ത്തു. അ​റ്റാ​ക്കിം​ഗ്, ഡി​ഫ​ൻ​സ്, ജംപ് ആ​ൻ​ഡ് സ​ർ​വീ​സിം​ഗ് കോ​ർ​ട്ടി​ൽ ഓ​ൾ റൗ​ണ്ട​റാ​യി നി​റ​ഞ്ഞുനി​ന്നു. മ​റ്റു​ള്ള ക​ളി​ക്കാ​രെ പ്രോ​ത്സാ​ഹി​പ്പി​ക്കാ​നും ക​ബീ​ർ മ​റ​ക്കാ​റി​ല്ല.

മ​ത്സ​ര​ങ്ങ​ളി​ൽനി​ന്നു ല​ഭി​ച്ച ആ​യി​ര​ത്തോ​ളം ട്രോ​ഫി​ക​ളാ​ണ് ക​ബീ​റി​ന്‍റെ നേ​ട്ടം. എ​സ്.​എ.​ മ​ധു​വി​നും രാ​ജ് വി​നോ​ദി​നു​മൊ​പ്പം മി​ക​ച്ച പ്ര​ക​ട​ന​മാ​ണ് അ​ക്കാ​ല​ത്ത് ക​ബീ​റും കാ​ഴ്ച വ​ച്ചി​രു​ന്ന​ത്. പേ​രു​കേ​ട്ട കാ​ഞ്ഞാ​ർ വി​ജി​ല​ന്‍റ് ക്ല​ബ്ബി​നെ പ്ര​തി​നി​ധീ​ക​രി​ച്ചാ​ണ് അ​ദ്ദേ​ഹം കൂ​ടു​ത​ൽ കാ​ല​വും ക​ളി​ച്ച​ത്. ശ്ര​മി​ച്ചി​രു​ന്നെ​ങ്കി​ൽ സ്പോ​ർ​ട്സ് ക്വാ​ട്ട​യി​ൽ ജോ​ലി ല​ഭി​ക്കു​മാ​യി​രു​ന്നെ​ങ്കി​ലും ക​ളി​യാ​വേ​ശം ത​ല​യ്ക്ക് പി​ടി​ച്ച​തി​നാ​ൽ അ​ക്കാ​ര്യം ശ്ര​ദ്ധി​ച്ചി​ല്ല.

മു​ൻ സം​സ്ഥാ​ന വോ​ളിബോ​ൾ ടീ​മം​ഗ​മാ​യ ക​ബീ​ർ കു​ട്ടി​ക​ൾ​ക്ക് വോ​ളി​ബോ​ൾ പ​രി​ശീ​ല​ന​വും ന​ൽ​കി വ​രു​ന്നു​ണ്ടാ​യി​രു​ന്നു. കാ​ഞ്ഞാ​റി​ൽ സം​ഘ​ടി​പ്പി​ക്കു​ന്ന വോ​ളി​ബോ​ൾ ടൂ​ർ​ണ​മെ​ന്‍റി​ന്‍റെ സം​ഘാ​ട​ക​നു​മാ​യി​രു​ന്നു. കാ​ഞ്ഞാ​ർ , അ​റ​ക്കു​ളം മേ​ഖ​ല​ക​ളി​ലെ കാ​യി​ക പ്രേ​മി​ക​ൾ​ക്ക് വോ​ളി​ബോ​ൾ എ​ന്ന് പ​റ​യു​ന്പോ​ൾ ആ​ദ്യം ഓ​ർ​മ വ​രു​ന്ന​ത് ത​ന്നെ കാ​ഞ്ഞാ​ർ ക​ബീ​റെ​ന്ന ഉ​യ​ര​ക്കാ​ര​നെ​യാ​ണ്.