ച​ങ്ങ​നാ​ശേ​രി: ച​ങ്ങ​നാ​ശേ​രി ഒ​ന്നാം​ന​മ്പ​ര്‍ ബ​സ് സ്റ്റാ​ന്‍ഡി​ന് ആ​വ​ശ്യ​ത്തി​ന് വി​സ്തൃ​തി​യി​ല്ല. ബ​സു​ക​ള്‍ പാ​ര്‍ക്ക് ചെയ്യാനി​ട​മി​ല്ല, യാ​ത്ര​ക്കാ​ര്‍ ബ​സു​ക​ള്‍ക്കി​ട​യി​ല്‍ ഞെ​ങ്ങി​ഞെ​രു​ങ്ങു​ന്നു. ബ​സ് സ്റ്റാ​ന്‍ഡ് വി​ക​സ​ന പ​ദ്ധ​തി​ക​ള്‍ വേ​ഗ​ത്തി​ലാ​ക്ക​ണ​മെ​ന്ന ആ​വ​ശ്യ​ത്തി​ന് ശ​ക്തി​യേ​റു​ന്നു.

എ​ട്ടു പ​തി​റ്റാ​ണ്ടു പി​ന്നി​ട്ട ന​ഗ​ര​ത്തി​ലെ ആ​ദ്യ ബ​സ് സ്റ്റാ​ന്‍ഡാ​ണ് കാ​ല​ഘ​ട്ട​ത്തി​ന​നു​സ​രി​ച്ചു​ള്ള ആ​ധു​നി​ക​വ​ത്ക​ര​ണ​മി​ല്ലാ​തെ ത​ഴ​യ​പ്പെ​ടു​ന്ന​ത്. സ്റ്റാ​ന്‍ഡി​ന്‍റെ വി​സ്തൃ​തി കൂ​ട്ടു​ന്ന​തി​നാ​യി സ്വ​കാ​ര്യ വ്യ​ക്തി​ക​ളു​ടെ കു​റ​ച്ചു​സ്ഥ​ലം നേ​ര​ത്തേ ഏ​റ്റെ​ടു​ത്തി​രു​ന്നു. കു​റ​ച്ചു സ്ഥ​ലം​കൂ​ടി ഏ​റ്റെ​ടു​ക്കാ​നു​ള്ള ന​ട​പ​ടി​ക​ള്‍ നീ​ളു​ക​യാ​ണ്.

ച​ങ്ങ​നാ​ശേ​രി​യി​ല്‍നി​ന്ന ഹൈ​റേ​ഞ്ച്, മ​ണി​മ​ല, കോ​ട്ട​യം റൂ​ട്ടു​ക​ൾ ഉ​ള്‍പ്പെ​ടെ 130 ബ​സു​ക​ളാ​ണ് ഈ ​സ്റ്റാ​ന്‍ഡി​ല്‍നി​ന്നും സ​ര്‍വീ​സ് ഓ​പ്പ​റേ​റ്റ് ചെ​യ്യു​ന്ന​ത്. വി​ദ്യാ​ര്‍ഥി​ക​ള്‍ ഉ​ള്‍പ്പെ​ടെ ആ​യി​ര​ക്ക​ണ​ക്കി​നാ​ളു​ക​ളും മു​ന്നൂ​റോ​ളം ബ​സ് ജീ​വ​ന​ക്കാ​രും ബ​സ് സ്റ്റാ​ന്‍ഡി​ൽ എ​ത്തു​ന്നു.

എ​ന്നാ​ൽ, യാ​ത്ര​ക്കാ​രു​ടെ ആ​വ​ശ്യ​ത്തി​നു ശു​ചി​ത്വ​വും സു​ര​ക്ഷ​യു​മു​ള്ള ശൗ​ചാ​ല​യ​ങ്ങ​ളും കു​ടി​വെ​ള്ള സൗ​ക​ര്യ​ങ്ങ​ളും ഇ​വി​ടി​ല്ല. മാ​ലി​ന്യ സം​സ്‌​ക​ര​ണ​ത്തി​നു​ള്ള പ​ദ്ധ​തി​ക​ളും ഇ​വി​ടെ​യാ​രം​ഭി​ച്ചി​ട്ടി​ല്ല.

2015ല്‍ ​മു​ന്‍ ചെ​യ​ര്‍മാ​ന്‍ പി.​പി. ജോ​സി​ന്‍റെ സ്മാ​ര​ക​മാ​യി ടെ​ര്‍മി​ന​ലും പാ​ര്‍ക്കിം​ഗ് പാ​ര്‍ക്കിം​ഗ് ഏ​രി​യാ​യു​ടെ വി​ക​സ​ന​വും ന​ട​ത്തി​യി​രു​ന്നു. പ​ഴ​യ വെ​യി​റ്റിം​ഗ് ഷെ​ഡ് പൊ​ളി​ച്ചു​മാ​റ്റി സ്ഥ​ല​ത്ത് ക​ട​മു​റി​ക​ള്‍ നി​ര്‍മി​ച്ച​തോ​ടെ ഫ​ല​ത്തി​ൽ സ്റ്റാ​ന്‍ഡി​ല്‍ ഇ​ടം​കു​റ​യു​ക​യാ​ണ് ചെ​യ്ത​ത്. അ​തി​നു​ശേ​ഷം പി​ന്നീ​ട് കാ​ലാ​നു​സൃ​ത​മാ​യ വി​ക​സ​ന പ​ദ്ധ​തി​ക​ളൊ​ന്നും ഈ ​സ്റ്റാ​ന്‍ഡി​ല്‍ ന​ട​ത്തി​യി​ട്ടി​ല്ല.

ന​വീ​ക​ര​ണം അ​ത്യാ​വ​ശ്യം

ബ​സ് സ്റ്റാ​ന്‍ഡി​ലെ സ്ഥ​ല പ​രി​മി​തി മൂ​ലം സ്റ്റാ​ഡി​നു​ള്ളി​ലും മു​മ്പി​ല്‍ വാ​ഴൂ​ര്‍ റോ​ഡി​ലും ഗ​താ​ഗ​ത​ക്കു​രു​ക്ക് രൂ​ക്ഷ​മാ​ണ്. സ്റ്റാ​ന്‍ഡി​ന്‍റെ ക​വാ​ട​ത്തി​ല്‍ സ​മാ​ന്ത​ര​മാ​യി ബ​സു​ക​ള്‍ പാ​ര്‍ക്കു ചെ​യ്യു​ന്ന​തും പ്ര​ശ്‌​ന​ങ്ങ​ള്‍ സൃ​ഷ്ടി​ക്കു​ന്നു​ണ്ട്.

ബ​സ് സ്റ്റാ​ന്‍ഡി​ന്‍റെ പ്ര​വേ​ശ​ന ക​വാ​ട​ത്തി​ന്‍റെ ഒ​രു ഭാ​ഗ​ത്ത് വെ​ങ്കോ​ട്ട, മ​ണി​മ​ല തു​ട​ങ്ങി​യ ഭാ​ഗ​ങ്ങ​ളി​ലേ​ക്കു​ള്ള ചെ​റി​യ സ​ര്‍വീ​സു​ക​ള്‍ക്കും മ​റു​ഭാ​ഗ​ത്ത് ഹൈ​റേ​ഞ്ച് ഭാ​ഗ​ത്തേ​ക്കു​ള്ള ദീ​ര്‍ഘ​ദൂ​ര സ​ര്‍വീ​സു​ക​ള്‍ക്കു​മാ​ണ് പാ​ര്‍ക്കിം​ഗ് അ​നു​വ​ദി​ച്ചി​രി​ക്കു​ന്ന​ത്. സൗ​ക​ര്യ​ങ്ങ​ളു​ടെ കു​റ​വു​മൂ​ലം മ​ണി​മ​ല ഭാ​ഗ​ങ്ങ​ളി​ലേ​ക്കു​ള്ള ബ​സു​ക​ള്‍ പാ​ര്‍ക്കു ചെ​യ്യു​ന്ന​തി​നു സ​മാ​ന്ത​ര​മാ​യി മ​റ്റു റൂ​ട്ടു​ക​ളി​ലു​ള്ള ബ​സു​ക​ളും പാ​ര്‍ക്കു ചെ​യ്യു​ന്ന​താ​ണ് സ്റ്റാ​ന്‍ഡി​ലേ​ക്കു ബ​സു​ക​ള്‍ ക​യ​റു​ന്ന​തി​നും പു​റ​ത്തേ​ക്കി​റ​ങ്ങു​ന്ന​തി​നും ത​ട​സ​ങ്ങ​ള്‍ സൃ​ഷ്ടി​ക്കു​ന്ന​ത്.

ദീ​ര്‍ഘ​ദൂ​ര ബ​സു​ക​ള്‍ക്ക് അ​ര​മ​ണി​ക്കൂ​റും ചെ​റി​യ സ​ര്‍വീ​സു​ക​ള്‍ക്ക് ഇ​രു​പ​ത് മി​നി​റ്റു​മാ​ണ് സ്റ്റാ​ന്‍ഡി​നു​ള്ളി​ല്‍ പാ​ര്‍ക്കിം​ഗ് അ​നു​വ​ദി​ച്ചി​രി​ക്കു​ന്ന​ത്. എ​ന്നാ​ല്‍ ചി​ല ബ​സു​ക​ള്‍, ഒ​രു മ​ണി​ക്കൂ​റും അ​തി​ലേ​റെ സ​മ​യ​വും സ്റ്റാ​ന്‍ഡി​നു​ള്ളി​ല്‍ ചെ​ല​വ​ഴി​ക്കു​ന്ന​താ​യി ജീ​വ​ന​ക്കാ​ര്‍ ത​ന്നെ ചൂ​ണ്ടി​ക്കാ​ട്ടു​ന്നു.

സ്റ്റാ​ന്‍ഡ് ഫീ​സ് ലേ​ല​ത്തു​ക 9.50 ല​ക്ഷം​ രൂ​പ

ഈ ​ബ​സ് സ്റ്റാ​ന്‍ഡ് സ്റ്റാ​ന്‍ഡ്ഫീ​സ് പി​രി​ക്കാ​നു​ള്ള ലൈ​സ​ന്‍സ് ലേ​ലം​പി​ടി​ച്ചി​രി​ക്കു​ന്ന​ത് ബ​സ് ഓ​പ്പ​റേ​റ്റേ​ഴ്‌​സ് അ​സോ​സി​യേ​ഷ​നാ​ണ്. ഇ​തി​നാ​യി ഒ​രു​വ​ര്‍ഷ​ത്തേ​ക്ക് അ​സോ​സി​യേ​ഷ​ന്‍ ന​ഗ​ര​സ​ഭ​യി​ല്‍ 9.50ല​ക്ഷം രൂ​പ അ​ട​ച്ചി​ട്ടു​ണ്ട്.

യാ​ത്ര​ക്കാ​രു​ടെ ആ​വ​ശ്യ​ങ്ങ​ൾ

ബ​സ്‌​സ്റ്റാ​ൻ​ഡി​ൽ ആ​ധു​നി​ക രീ​തി​യി​ലു​ള്ള കം​ഫ​ര്‍ട്ട് സ്റ്റേ​ഷ​ന്‍ വേ​ണം
വി​ദ്യാ​ര്‍ഥി​ക​ള്‍ക്കും യാ​ത്ര​ക്കാ​ര്‍ക്കും ക​ര്‍ശ​ന സു​ര​ക്ഷ​യൊ​രു​ക്ക​ണം.
ബ​സ് സ്റ്റാ​ന്‍ഡി​ന്‍റെ വ​ശ​ങ്ങ​ളി​ലെ ഓ​ട​ക​ള്‍ ദി​വ​സ​വും വൃ​ത്തി​യാ​ക്ക​ണം.
യാ​ത്ര​ക്കാ​ര്‍ക്ക് കു​ടി​വെ​ള്ളം ല​ഭ്യ​മാ​ക്കു​ന്ന​തി​ന് ന​ട​പ​ടി വേ​ണം.
മാ​ലി​ന്യ​സം​സ്‌​ക​ര​ണ​ത്തി​ന് സം​വി​ധാ​നം ഏ​ര്‍പ്പെ​ടു​ത്ത​ണം.
ക​ഫ​ര്‍ട്ട് സ്റ്റേ​ഷ​നു സ​മീ​പം മാ​ലി​ന്യം ത​ള്ളു​ന്ന​ത് ത​ട​യ​ണം.
പോ​ലീ​സ് എ​യ്ഡ് പോ​സ്റ്റി​ന്‍റെ പ്ര​വ​ര്‍ത്ത​നം കാ​ര്യ​ക്ഷ​മ​മാ​ക്ക​ണം.
സാ​മൂ​ഹ്യ​വി​രു​ദ്ധ​ര്‍, ക്രി​മി​ന​ല്‍ സം​ഘ​ങ്ങ​ള്‍, ഭി​ക്ഷാ​ട​ക സം​ഘ​ങ്ങ​ള്‍ എ​ന്നി​വ​രെ ഒ​ഴി​വാ​ക്ക​ണം.
അ​ന​ധി​കൃ​ത ത​ട്ടു​ക​ട​ക​ള്‍ ഒ​ഴി​പ്പി​ക്ക​ണം.