ആ​ല​പ്പു​ഴ: തീ​ര​ക്ക​ട​ലി​ല്‍ മീ​ന്‍​പി​ടി​ക്കാ​ന്‍ ഉ​പ​യോ​ഗി​ക്കു​ന്ന തെ​ര്‍​മോ​ക്കോ​ള്‍ നി​ര്‍​മി​ത ചെ​റു​വ​ള്ള​ങ്ങ​ള്‍​ക്കു (പൊ​ന്തു​വ​ള്ളം) നി​യ​ന്ത്ര​ണം ഏ​ര്‍​പ്പെ​ടു​ത്താ​ന്‍ നീ​ക്കം. തെ​ര്‍​മോ​ക്കോ​ളി​ല്‍ പ്ലാ​സ്റ്റി​ക് ഷീ​റ്റ് ചു​റ്റി നി​ര്‍​മി​ക്കു​ന്ന പൊ​ന്തു​വ​ള്ള​ങ്ങ​ള്‍ സു​ര​ക്ഷി​ത​മ​ല്ലെ​ന്നും രാ​ജ്യ​സു​ര​ക്ഷ​യ്ക്കു ഭീ​ഷ​ണി​യാ​ന്നെ​ന്നും ചൂ​ണ്ടി​ക്കാ​ട്ടി​യാ​ണു നി​യ​ന്ത്ര​ണം ഏ​ര്‍​പ്പെ​ടു​ത്താ​ന്‍ ആ​ലോ​ചി​ക്കു​ന്ന​ത്. ഇ​ത് ആ​ല​പ്പു​ഴ തീ​ര​ദേ​ശ​ത്തെ തെ​ല്ലൊ​ന്നു​മ​ല്ല ആ​ശ​ങ്ക​യി​ലാ​ക്കു​ന്ന​ത്.

അ​തി​നാ​ൽ ഏ​റ്റ​വും ചെ​ല​വു കു​റ​ഞ്ഞ മ​ത്സ്യ​ബ​ന്ധ​ന യാ​ന​മാ​യ പൊ​ന്തു​വ​ള്ള​ങ്ങ​ള്‍ നി​രോ​ധി​ക്ക​രു​തെ​ന്ന ആ​വ​ശ്യ​വു​മാ​യി മ​ത്സ്യ​ത്തൊ​ഴി​ലാ​ളി സം​ഘ​ട​ന​ക​ള്‍ രം​ഗ​ത്തെ​ത്തി. തീ​ര​ക്ക​ട​ലി​ല്‍ പൊ​ന്തു​വ​ള്ള​ങ്ങ​ള്‍ വ​ലവി​രി​ച്ചാ​ല്‍ വി​നോ​ദ​സ​ഞ്ചാ​ര ബോ​ട്ടു​ക​ളു​ടെ സ​ര്‍​വീ​സ് ത​ട​സപ്പെ​ടു​ന്ന​തും ക​ട​ല്‍​മ​ണ​ല്‍ ഖ​ന​നം മു​ട​ങ്ങു​ന്ന​തും ഒ​ഴി​വാ​ക്കാ​നാ​ണു കോ​സ്റ്റ് ഗാ​ര്‍​ഡി​നെ മ​റ​യാ​ക്കി നി​യ​ന്ത്ര​ണം ഏ​ര്‍​പ്പെ​ടു​ത്തു​ന്ന​തെ​ന്നാ​ണ് മ​ത്സ്യ​ത്തൊ​ഴി​ലാ​ളി സം​ഘ​ട​ന​ക​ളു​ടെ ആ​രോ​പ​ണം. പ്രാ​ദേ​ശി​ക​മാ​യി കൂ​ട്ടാ​യ്മ​ക​ള്‍ ചേ​ര്‍​ന്നു പ്ര​തി​ഷേ​ധ പ​രി​പാ​ടി ആ​വി​ഷ്‌​ക​രി​ക്കു​ക​യാ​ണു സം​ഘ​ട​ന​ക​ള്‍.

പ്ര​ചാ​രം വ​ര്‍​ധി​പ്പി​ച്ചു

ആ​ല​പ്പു​ഴയിൽ വ്യാ​പ​ക​മാ​യും മ​റ്റു ജി​ല്ല​ക​ളി​ല്‍ ചെ​റി​യ തോ​തി​ലു​മാ​ണ് ഈ ​വ​ള്ള​ങ്ങ​ള്‍ ഉ​പ​യോ​ഗി​ക്കു​ന്ന​ത്. എ​ന്‍​ജി​ന്‍ ഘ​ടി​പ്പി​ക്കാ​ത്ത വ​ള്ള​മാ​യ​തി​നാ​ല്‍ പ്ര​വ​ര്‍​ത്ത​ന​ച്ചെ​ല​വു​കു​റ​വാ​ണ്. ഒ​രാ​ള്‍​ക്കു ത​നി​യെ ക​ട​ലി​ല്‍ പോ​യി മീ​ന്‍​പി​ടി​ച്ചു തി​രി​ച്ചെ​ത്താ​നാ​കു​മെ​ന്ന​തും പൊ​ന്തു​വ​ള്ള​ങ്ങ​ളു​ടെ പ്ര​ചാ​രം വ​ര്‍​ധി​പ്പി​ച്ചു. തീ​ര​ത്തുനി​ന്നു ര​ണ്ടു കി​ലോ​മീ​റ്റ​റോ​ളം ദൂ​ര​ത്തു മാ​ത്ര​മാ​ണ് പൊന്തുവ​ള്ള​ങ്ങ​ള്‍ ഉ​പ​യോ​ഗി​ക്കാ​നാ​കു​ക. നി​യ​ന്ത്ര​ണം വ​ന്നാ​ല്‍ തീ​രം വ​റു​തി​യി​ലാ​കും. പൊ​ന്തു​വ​ള്ള​ങ്ങ​ള്‍​ക്കു നി​യ​ന്ത്ര​ണം ഏ​ര്‍​പ്പെ​ടു​ത്താ​നു​ള്ള നീ​ക്കം ഏ​റ്റ​വു​മ​ധി​കം ബാ​ധി​ക്കു​ക ജി​ല്ല​യി​ലെ മ​ത്സ്യ​ത്തൊ​ഴി​ലാ​ളി​ക​ളെ​യാ​ണ്. ജി​ല്ല​യി​ല്‍ മാ​ത്രം 3000ലേ​റെ പൊ​ന്തു​വ​ള്ള​ങ്ങ​ള്‍ ഉ​ണ്ടെ​ന്നാ​ണ് ഏ​ക​ദേ​ശ ക​ണ​ക്ക്.

ഓ​രോ പൊ​ന്തു​വ​ള്ള​വു​മാ​യും ബ​ന്ധ​പ്പെ​ട്ട് അ​ഞ്ചോ​ളം കു​ടും​ബ​ങ്ങ​ളാ​ണു ക​ഴി​യു​ന്ന​ത്. ഫ​ല​ത്തി​ല്‍ ജി​ല്ല​യി​ലെ 3000 പൊ​ന്തു​വ​ള്ള​ങ്ങ​ളി​ലാ​യി 15,000 പേ​രാ​ണ് ഉ​പ​ജീ​വ​നം ന​ട​ത്തു​ന്ന​ത്. മ​ത്തി​യാ​ണു പ്ര​ധാ​ന​മാ​യും ല​ഭി​ക്കു​ക. മീ​ന്‍ കു​റ​വു​ള്ള സ​മ​യ​ത്തും 300 രൂ​പ​യോ​ളം വ​രു​മാ​നം കി​ട്ടും. പൊ​ന്തു​വ​ള്ള​ങ്ങ​ള്‍​ക്കു നി​യ​ന്ത്ര​ണം ഏ​ര്‍​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ട് 2024 ജൂ​ലൈ​യി​ലും 2025 മാ​ര്‍​ച്ചി​ലും മ​ത്സ്യ​ബ​ന്ധ​ന വ​കു​പ്പി​ന്‍റെ നേ​തൃ​ത്വ​ത്തി​ല്‍ ച​ര്‍​ച്ച​ക​ള്‍ ന​ട​ത്തി​യി​രു​ന്നു.

നി​രോ​ധ​നം
ഏ​ര്‍​പ്പെ​ടു​ത്തി​യാ​ല്‍

ആ​ദ്യ​യോ​ഗ​ത്തി​ല്‍ ത​ന്നെ മ​ത്സ്യ​ത്തൊ​ഴി​ലാ​ളി സം​ഘ​ട​ന​ക​ള്‍ എ​തി​ര്‍​പ്പ് അ​റി​യി​ച്ചി​ട്ടും നി​യ​ന്ത്ര​ണം ഏ​ര്‍​പ്പെടു​ത്താ​നു​ള്ള നീ​ക്ക​വു​മാ​യി വ​കു​പ്പ് മു​ന്നോ​ട്ടുപോ​കു​ക​യാ​ണെ​ന്നാ​ണു സൂ​ച​ന. വ​ല ഉ​ള്‍​പ്പെ​ടെ പാ​ത​യോ​ര​ത്ത് എ​ത്തി​യാ​ണു വി​ല്പ​ന​യെ​ന്ന​തി​നാ​ല്‍ സാ​ധാ​ര​ണ​ക്കാ​ര്‍​ക്കു കു​റ​ഞ്ഞ വി​ല​യി​ല്‍ കേ​ടി​ല്ലാ​ത്ത മീ​ന്‍ വാ​ങ്ങാ​നു​മാ​കും.

പൊ​ന്തു​വ​ള്ള​ത്തി​നു നി​രോ​ധ​നം ഏ​ര്‍​പ്പെ​ടു​ത്തി​യാ​ല്‍ ഈ ​സാ​ധ്യ​ത​ക​ള്‍ ഇ​ല്ലാ​തെ​യാ​കും. വ​ലി​യ യാ​ന​ങ്ങ​ളി​ല്‍ ഭാ​രി​ച്ച മു​ത​ല്‍​മു​ട​ക്കി മീ​ന്‍​പി​ടി​ക്കാ​ന്‍ പോ​കേ​ണ്ട അ​വ​സ്ഥ​യി​ലേ​ക്കു മ​ത്സ്യ​ത്തൊ​ഴി​ലാ​ളി​ക​ളെ​ത്തും. വ​ലി​യ തെ​ര്‍​മോ​കോ​ള്‍ വാ​ങ്ങി ക​ത്തി കൊ​ണ്ട് അ​രി​ഞ്ഞു രൂ​പ​പ്പെ​ടു​ത്തി​യാ​ണു പൊ​ന്തു​വ​ള്ളം മെ​ന​യു​ന്ന​ത്. പൊ​ടി​ഞ്ഞു പോ​കാ​തി​രി​ക്കാ​ന്‍ പു​റ​മേ പ്ലാ​സ്റ്റി​ക് ചാ​ക്ക് പൊ​തി​ഞ്ഞു തു​ന്നി​പ്പി​ടി​പ്പി​ക്കും.

ഇ​രു​പു​റ​വും പ്ര​യോ​ഗി​ക്കു​ന്ന തു​ഴ​യാ​ണു പൊ​ന്തു​വ​ള്ള​ത്തി​ലേ​ത്. ഒ​രാ​ള്‍​ക്കു മാ​ത്ര​മേ ചെ​റി​യ പൊ​ന്തു​വ​ള്ള​ത്തി​ല്‍ ഇ​ട​മു​ള്ളൂ. ഭാ​രം കു​റ​വാ​യ​തി​നാ​ല്‍ ക​ട​ലി​ലേ​ക്കു​ള്ള ഇ​റ​ക്ക​വും തി​രി​കെ ക​യ​റ്റ​വും പൊ​ന്തു​വ​ള്ള​ങ്ങ​ള്‍​ക്കു വ​ലി​യ വെ​ല്ലു​വി​ളി​യാ​ണ്. തീ​ര​ത്തുനി​ന്നു ര​ണ്ടു കി​ലോ​മീ​റ്റ​ര്‍ അ​ക​ലെ വ​രെ പോ​യി വ​ല​യി​ടും.

ഒ​രു പൊ​ന്തു​വ​ള്ളം നി​ര്‍​മി​ക്കാ​ന്‍ 7,000, 8,000 രൂ​പ ചെ​ല​വു​ണ്ട്. വ​ല ഉ​ള്‍​പ്പെ​ടെ​യാ​കു​മ്പോ​ള്‍ ചെ​ല​വ് 30,000 രൂ​പ​യോ​ള​മാ​കും. ആ​ദ്യ​ത്തെ പൊ​ന്തു​വ​ള്ള​ങ്ങ​ള്‍ ചെ​റു​താ​യി​രു​ന്നെ​ങ്കി​ല്‍ ഇ​പ്പോ​ള്‍ മൂന്നു മീ​റ്റ​റോ​ളം നീ​ള​മു​ള്ള​വ​യു​മുണ്ട്.

പൊ​ന്തു​വ​ള്ള​ങ്ങ​ള്‍ നി​യ​ന്ത്രി​ക്കാ​നു​ള്ള
നീ​ക്കം ഉ​പേ​ക്ഷി​ക്ക​ണ​മെ​ന്ന്
ഫാ.​ സേ​വ്യ​ര്‍ ക​ടി​യാം​ശേ​രി

ആ​ല​പ്പു​ഴ: തീ​ര​ത്തെ ഇ​പ്പോ​ള്‍ പ​ട്ടി​ണി​യി​ല്‍​നി​ന്നു കാ​ക്കു​ന്ന​തു പൊ​ന്തുവ​ഞ്ചി​ക​ളാണ്. ​ഒ​രാ​ള്‍ ഒ​റ്റ​യ്ക്കു തു​ഴ​ഞ്ഞുപോ​യി മീ​ന്‍​പി​ടി​ച്ച് സ്വ​ന്ത​മാ​യി​ത്ത​ന്നെ വി​റ്റ​ഴി​ച്ചു ക​ഴി​യു​ന്ന വ​ള​രെ മാ​തൃ​കാ​പ​ര​മാ​യ മീ​ന്‍​പി​ടി​ത്ത​മാ​ണു പൊ​ന്തു​വ​ഞ്ചി​യി​ലൂ​ടെ ന​ട​ക്കു​ന്ന​ത്. അ​തു നി​യ​ന്ത്രി​ക്കാ​നു​ള്ള നീ​ക്കം ഉ​പേ​ക്ഷി​ക്ക​ണ​മെ​ന്ന് ആ​ല​പ്പു​ഴ രൂ​പ​ത പി​ആ​ർ​ഒ ഫാ.​സേ​വ്യ​ര്‍ ക​ടി​യാം​ശേ​രി പ​റ​ഞ്ഞു. തീ​ര​ത്തെ ഏ​റ്റ​വും ചെ​ല​വു കു​റ​ഞ്ഞ മ​ത്സ്യ​ബ​ന്ധ​ന സം​വി​ധാ​ന​മാ​ണി​ത്. പ​രി​സ്ഥി​തി സം​ര​ക്ഷ​ണ​ത്തി​നു​ത​കു​ന്ന​തും മാ​ലി​ന്യ​മു​ക്ത​വു​മാ​യ ഒ​രു മീന്‍​പി​ടി​ത്ത​രീ​തിയാണ്.

ജി​ല്ല​യി​ല്‍​ത്ത​ന്നെ ആ​യി​ര​ക്ക​ണ​ക്കി​നു പൊ​ന്തുവ​ള്ള​ങ്ങ​ളു​ണ്ട്. ല​ക്ഷ​ക്ക​ണ​ക്കി​നു മ​ത്സ്യ​ത്തൊ​ഴി​ലാ​ളി​ക​ള്‍​ക്കു ജീ​വ​ന്‍ നി​ല​നി​ര്‍​ത്താ​ന്‍ ഇ​പ്പോ​ഴു​ള്ള ഏ​ക​മാ​ര്‍​ഗം പൊ​ന്തു വ​ഞ്ചി​ക​ളാ​ണെ​ന്നും അ​ദ്ദേ​ഹം പ​റ​ഞ്ഞു. അ​വ​യെ നി​രോ​ധി​ക്കു​ന്ന​ത് മീ​ന്‍​പി​ടി​ത്ത​ക്കാ​രു​ടെ ജീ​വി​ക്കാ​നു​ള്ള മൗ​ലി​കാ​വ​കാ​ശ​ത്തി​നു​മേ​ലു​ള്ള ക​ട​ന്നുക​യ​റ്റ​മാ​ണ്. പൊ​ന്തു​വ​ഞ്ചി​ക​ള്‍​ക്കു ര​ജി​സ്റ്റേ​ഷ​നും ഇ​ന്‍​ഷ്വ​റ​ന്‍​സ് സം​വി​ധാ​ന​ങ്ങ​ളും മ​റ്റു ന​യാ​മി​ക കാ​ര്യ​ങ്ങ​ളും ചെ​യ്തു നി​ല​നി​ർ​ത്തു​ക​യാ​ണ് വേ​ണ്ട​ത്. നി​രോ​ധി​ക്കാ​നു​ള്ള നീ​ക്ക​ത്തി​ന്‍​നി​ന്ന് സ​ര്‍​ക്കാ​ര്‍ പി​ന്തി​രി​യ​ണ​മെ​ന്നും ഫാ.​ സേ​വ്യ​ര്‍ ക​ടി​യാം​ശേ​രി പ​റ​ഞ്ഞു.

ര​ജി​സ്‌​ട്രേ​ഷ​ൻ, ഇ​ന്‍​ഷ്വറ​ന്‍​സ്,
തീ​ര​ദേ​ശ ടൂ​റി​സം

ക​ട​ലി​ല്‍ ഇ​റ​ക്കാ​നു​ള്ള യാ​ന​മാ​യി പൊ​ന്തു​വ​ള്ള​ത്തെ അം​ഗീ​ക​രി​ച്ചി​ട്ടി​ല്ലാ​ത്ത​തി​നാ​ല്‍ റ​ജി​സ്റ്റ​ര്‍ ചെ​യ്യാ​നാ​കി​ല്ല. അ​തി​നാ​ല്‍ ത​ന്നെ വ​ള്ള​ത്തി​നും വ​ല​യ്ക്കും വ​ള്ള​ത്തി​ല്‍ പോ​കു​ന്ന മ​ത്സ്യ​ത്തൊ​ഴി​ലാ​ളി​ക​ള്‍​ക്കും ഇ​ന്‍​ഷ്വറ​ന്‍​സ് പ​രി​ര​ക്ഷ ല​ഭി​ക്കി​ല്ല. അ​പ​ക​ട​ത്തി​ല്‍​പെ​ട്ടു മ​ത്സ്യ​ത്തൊ​ഴി​ലാ​ളി മ​രി​ച്ച സം​ഭ​വ​ങ്ങ​ളി​ല്‍ പോ​ലും ഇ​ന്‍​ഷ്വറ​ന്‍​സ് ല​ഭി​ക്കാ​ത്ത സാ​ഹ​ച​ര്യം വ​ന്നി​ട്ടു​ണ്ട്. മ​റ്റു മ​ത്സ്യ​ബ​ന്ധ​ന യാ​ന​ങ്ങ​ളെ​ക്കാ​ള്‍ ഏ​റെ അ​പ​ക​ട​മാ​ണെ​ന്നി​രി​ക്കെ പൊ​ന്തു​വ​ള്ള​ങ്ങ​ള്‍​ക്ക് രജി​സ്‌​ട്രേ​ഷ​ന്‍ ന​ല്‍​കാ​നാ​കി​ല്ലെ​ന്നാ​ണ് അ​ധി​കൃ​ത​ര്‍ പ​റ​യു​ന്ന​ത്.

ആ​ല​പ്പു​ഴ, മാ​രാ​രി​ക്കു​ളം, അ​ര്‍​ത്തു​ങ്ക​ല്‍ തീ​ര​ത്തു വി​നോ​ദസ​ഞ്ചാ​ര ബോ​ട്ട് സ​ര്‍​വീ​സു​ക​ള്‍ ആ​രം​ഭി​ക്കാ​ന്‍ ശ്ര​മ​മു​ണ്ട്. ആ​ല​പ്പു​ഴ ബീ​ച്ചി​ല്‍ സ്പീ​ഡ് ബോ​ട്ട് സ​ര്‍​വീ​സ് ആ​രംഭി​ച്ചി​രു​ന്നു. തീ​ര​ത്ത് എ​ല്ലാ​യി​ട​ത്തുനി​ന്നും പൊ​ന്തു​വ​ള്ള​ങ്ങ​ള്‍ ക​ട​ലി​ല്‍ പോ​കു​ക​യും തി​രി​കെ വ​രി​ക​യും ചെ​യ്യു​ന്ന​തു സാ​ഹ​സി​ക വി​നോ​ദ​സ​ഞ്ചാ​ര സാ​ധ്യ​ത​ക​ളെ പ്ര​യോ​ജ​ന​പ്പെ​ടു​ത്തു​ന്ന​തി​നു ബു​ദ്ധി​മു​ട്ടാ​കു​ന്നു​ണ്ട്. ബോ​ട്ട് സ​ര്‍​വീ​സു​ള്ള ഭാ​ഗം മാ​ത്രം ഒ​ഴി​വാ​ക്കി മ​റ്റി​ട​ങ്ങ​ളി​ല്‍ പൊ​ന്തു​വ​ള്ളം ഉ​പ​യോ​ഗി​ക്കാ​ന്‍ അ​നു​വ​ദി​ക്ക​ണ​മെ​ന്നാ​ണു മ​ത്സ്യത്തൊ​ഴി​ലാ​ളി​ക​ളു​ടെ ആ​വ​ശ്യം.