അമ്പ​ല​പ്പു​ഴ: പ​ര​സ്യ​മാ​യി മ​ദ്യ​പി​ച്ച​ത് ചോ​ദ്യം ചെ​യ്ത നാ​ട്ടു​കാ​രെ ആ​ക്ര​മി​ച്ച കേ​സി​ലെ പ്ര​തി​ക​ൾ പി​ടി​യി​ൽ. തൃ​ക്കു​ന്ന​പ്പു​ഴ പ​ഞ്ചാ​യ​ത്ത് പ​തി​ന​ഞ്ചാം വാ​ർ​ഡി​ൽ പാ​നൂ​ർ പ​ല്ല​ന സ്വ​ദേ​ശി​ക​ളാ​യ ആ​ഞ്ഞി​ല​ത്ത​റ ഹൗ​സി​ൽ അ​ജാ​സ് മു​ഹ​മ്മ​ദ് (21),  വെ​ട്ടു​ത​റ കാ​ട്ടി​ൽ ഹൗ​സി​ൽ ബാ​സി​ത് (19),  പേ​രേ​ത്ത്‌ ഹൗ​സി​ൽ അ​ൻ​വ​ർ അ​ന​സ് (23) എ​ന്നി​വ​രെ​യാ​ണ് അ​മ്പ​ല​പ്പു​ഴ പോ​ലീ​സ് അ​റ​സ്റ്റ് ചെ​യ്ത​ത്.

ബു​ധ​നാ​ഴ്ചയായി​രു​ന്നു കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. അ​മ്പ​ല​പ്പു​ഴ കാ​യി​പ്പ​ള്ളി അ​മ്പ​ല​ത്തി​നു സ​മീ​പ​മി​രു​ന്ന് പ​ര​സ്യ​മാ​യി മ​ദ്യ​പി​ച്ച​ത് ചോ​ദ്യം ചെ​യ്ത ആ​ളെ ബൈ​ക്ക് ത​ട​ഞ്ഞുനി​ർ​ത്തി പ്ര​തി​ക​ൾ ചേ​ർ​ന്ന് ദേ​ഹോ​പ​ദ്ര​വം ഏ​ൽ​പ്പി​ക്കു​ക​യും ഹെ​ൽ​മെ​റ്റ്‌ കൊ​ണ്ട​ടി​ക്കു​ക​യും അ​ത് ക​ണ്ടു ത​ട​സം പി​ടി​ക്കാ​ൻ ചെ​ന്ന സ​ഹോ​ദ​രി​യെ മു​ടി​ക്ക് കു​ത്തി​പ്പി​ടി​ക്കു​ക​യും വ​ടി​കൊ​ണ്ട് കാ​ലി​ൽ അ​ടി​ക്കു​ക​യും ചെ​യ്തു.

വി​വ​ര​മ​റി​ഞ്ഞ് പോ​ലീ​സ് എ​ത്തി​യ​പ്പോ​ഴേ​ക്കും അ​ക്ര​മി​സം​ഘം  ക​ട​ന്നു​ക​ള​ഞ്ഞു. ഓ​ച്ചി​റ ഭാ​ഗ​ത്ത്‌ ഒ​ളി​വി​ൽ ക​ഴി​യു​ക​യാ​യി​രു​ന്ന പ്ര​തി​ക​ളെ അ​റ​സ്റ്റ് ചെ​യ്തു അ​മ്പ​ല​പ്പു​ഴ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. പ്ര​തി​ക​ൾ നേ​ര​ത്തേ തൃ​ക്കു​ന്ന​പ്പുഴ പോ​ലീ​സ് സ്റ്റേ​ഷ​ൻ പ​രി​ധി​യി​ൽ കു​രു​മു​ള​ക് സ്പ്രേ ​അ​ടി​ച്ചു നാ​ട്ടു​കാ​രെ ആ​ക്ര​മി​ച്ച കേ​സി​ലും ക​ഞ്ചാ​വ് കൈ​വ​ശം വ​ച്ച കേ​സി​ലും അ​മ്പ​ല​പ്പു​ഴ​യി​ൽ കെഎ​സ്ആ​ർടി​സി ക​ണ്ട​ക്ട​റെ​യും ഡ്രൈ​വ​റെ​യും ആ​ക്ര​മി​ച്ച കേ​സി​ലെ​യും പ്ര​തി​ക​ളാ​ണെ​ന്ന് പോ​ലീ​സ് പ​റ​ഞ്ഞു. 

അ​മ്പ​ല​പ്പു​ഴ പോ​ലീ​സ് സ്റ്റേ​ഷ​ൻ ഇ​ൻ​സ്‌​പെ​ക്ട​ർ പ്ര​തീ​ഷ്കു​മാ​റിന്‍റെ നേ​തൃ​ത്വ​ത്തി​ൽ സ​ബ് ഇ​ൻ​സ്‌​പെ​ക്ട​ർ അ​നീ​ഷ് കെ. ​ദാ​സ്, ജിഎ​സ്ഐമാ​രാ​യ വേ​ണു​ഗോ​പാ​ല​ൻ, ന​വാ​സ്, പ്രൊ​ബേ​ഷ​ൻ എ​സ്ഐ നി​ധി​ൻ, സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ നൗ​ഷാ​ദ്, ജോ​സ​ഫ് ജോ​യി, സി​വി​ൽ പോലീ​സ് ഓ​ഫീ​സ​ർ ത​ൻ​സിം ജാ​ഫ​ർ, ഡ്രൈ​വ​ർ സി​വി​ൽ പോലീ​സ് ഓ​ഫീ​സ​ർ​മാ​രാ​യ വി​ഷ്ണു, ര​തീ​ഷ് എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.