ഹരിപ്പാ​ട്: പ​ള്ളി​പ്പാ​ട് പ​ഞ്ചാ​യ​ത്തി​ന്‍റെ വി​വി​ധ വാ​ർ​ഡു​ക​ളി​ൽ ത​രി​ശുനി​ല​ങ്ങ​ളും പു​ഞ്ച​നി​ല​ങ്ങ​ളും വ്യാ​പ​ക​മാ​യി നി​ക​ത്തു​ന്ന​ത് തു​ട​രു​ക​യാ​ണ്. ക​ള​ക്ട​റു​ടെ ഉ​ത്ത​ര​വി​നെ പോ​ലും കാ​റ്റി​ൽപ​റ​ത്തി ക്കൊ​ണ്ടാ​ണ് രാ​ത്രി​യു​ടെ മ​റ​വി​ൽ ടി​പ്പ​ർ ലോ​റി​ക​ളി​ൽ​ഗ്രാ​വ​ല​ടി​ക്കു​ന്ന​ത്.​ ഭ​ര​ണ​പ​ക്ഷ​ത്തെ പ്ര​മു​ഖ പ​ങ്കാ​ളി​യാ​യ പ്രാ​ദേ​ശി​ക നേ​തൃ​ത്വ​ത്തി​ന്‍റെ ഒ​ത്താ​ശ​യോ​ടെ​യാ​ണ് നി​ക​ത്ത​ൽ ന​ട​ക്കു​ന്ന​ത്.

പ​ത്താം വാ​ർ​ഡി​ൽ പ​റ​യ​കാ​ട്ടി​ൽ, പ​ന്ത്ര​ണ്ടാം വാ​ർ​ഡി​ൽ പേ​റു​കാ​ട്ട് പള്ളിക്ക് വ​ട​ക്ക്, നാ​ലാം വാ​ർ​ഡി​ൽ പ​റ​യ​ങ്കേ​രി​ൽ, ഒ​ന്നാം വാ​ർ​ഡി​ൽ വ​ഴു​താ​നം എ​ന്നി​വി​ട​ങ്ങ​ളി​ലാ​ണ് ത​രി​ശുനി​ല​ങ്ങ​ൾ നി​ക​ത്തി​ക്കൊ​ണ്ടിരി​ക്കു​ന്ന​ത്.​ ഹ​രി​പ്പാ​ട്-​ഇ​ല​ഞ്ഞി​മേ​ൽ റോ​ഡി​ൽ പ​റ​യ​ങ്കേ​രി പാ​ല​ത്തി​നു സ​മീ​പം 30 സെ​ന്‍റ് പു​ഞ്ച​നി​ലം നി​ക​ത്തി​യ​തിനെ​തി​രേ പ​രാ​തി ഉ​യ​ർ​ന്നിരു​ന്നു.​ ഇ​തി​നു പി​ന്നാ​ലെ നി​ക​ത്തി​യ നി​ലം പൂ​ർ​വസ്ഥി​തി​യി​ലാ​ക്ക​ണ​മെ​ന്ന് ക​ള​ക്ട​റു​ടെ ഉ​ത്ത​ര​വി​റ​ങ്ങി​യി​രു​ന്നു.

പ​ക്ഷേ, നാ​ളി​തു​വ​രെ യാ​തൊ​രു​ ന​ട​പ​ടി​യുമായി​ട്ടി​ല്ല. നി​ക​ത്തി​യ നി​ലം സ​ർ​ക്കാ​ർ ചെല​വി​ൽ പൂ​ർ​വസ്ഥി​തി​യി​ലാക്കി​യി​ട്ട് ഉ​ട​മ​യി​ൽ​നി​ന്ന് ഈ​ടാ​ക്കു​മെ​ന്ന റ​വ​ന്യൂ അ​ധി​കൃ​ത​രു​ടെ മ​റു​പ​ടി പ​തി​വു പ​ല്ല​വി​യാ​യി​രി​ക്കു​ക​യാ​ണ്. നി​ലം​നി​ക​ർ​ത്ത​ൽ മാ​ഫി​യ​ -രാ​ഷ്ട്രീ​യ-​ഉ​ദ്യോ​ഗ​സ്ഥ കൂ​ട്ടു​കെ​ട്ട് പ​ര​സ്യ​മാ​യ ര​ഹ​സ്യ​മാ​ണ്. ത​രി​ശു നി​ല​ങ്ങ​ൾ തു​ശ്ച​മാ​യ വി​ല​യ്ക്ക് വാ​ങ്ങി നി​ക​ത്തി വ​ൻ വി​ല​യ്ക്ക് വി​റ്റ് ലാ​ഭം കൊ​യ്യു​ന്ന സം​ഘ​ങ്ങ​ളും സ​ജീ​വ​മാ​ണ്. ക്വ​ട്ടേ​ഷ​ൻ സം​ഘ​ങ്ങ​ളെ കാ​വ​ൽ നി​ർ​ത്തി​ക്കൊ​ണ്ട് ലോ​ഡ് ക​ണ​ക്കി​ന് മണ്ണ് ഇറക്കുന്നത്. റോ​ഡ് സൈ​ഡി​ലു​ള്ള ത​രി​ശു​നി​ല​ങ്ങ​ളും ഉ​ട​മ​ക​ളും ഇ​ക്കൂ​ട്ട​രു​ടെ പി​ടി​യി​ലാ​യി​രി​ക്കു​ക​യാ​ണ്.

ത​ലചാ​യ്ക്കാ​നി​ട​മി​ല്ലാ​ത്ത പാ​വ​പ്പെ​ട്ട​വ​ർ അ​ഞ്ചോ പ​ത്തോ സെ​ന്‍റ് നി​ക​​ത്തി വീ​ടുവ​യ്ക്കു​ന്ന​തി​ന് റ​വ​ന്യു- കൃ​ഷി ഉ​ദ്യോ​ഗ​സ്ഥ​രെ സ​മീ​പി​ക്കു​മ്പോ​ൾ ത​ണ്ണീ​ർ​ത്ത​ട സം​ര​ക്ഷ​ണനി​യ​മ​മെ​ന്ന കൊ​ടു​വാ​ളെ​ടു​ത്ത് വീ​ശു​ന്ന ഇ​തേ ഉ​ദ്യോ​ഗ​സ്ഥ​ർ ത​ന്നെ​ നി​ക​ത്ത​ൽ മാ​ഫി​യ​യു​ടെ​ പി​ണി​യാ​ളു​ക​ളാ​യി മാ​റി​യി​രി​ക്കു​ന്ന​തെ​ന്നാ​ണ് നാ​ട്ടു​കാ​ർ ആ​രോ​പി​ക്കു​ന്ന​ത്.