ആ​ല​പ്പു​ഴ: മ​ങ്കൊ​മ്പ് വെ​റ്റ​റി​ന​റി പോ​ളി ക്ലി​നി​ക്കി​ന്‍റെ കെ​ട്ടി​ടനി​ര്‍​മാ​ണം പൂ​ര്‍​ത്തി​യാ​ക്കി പ്ര​വ​ര്‍​ത്ത​നസ​ജ്ജ​മാ​ക്ക​ണ​മെ​ന്ന് ച​മ്പ​ക്കു​ളം വി​ക​സ​നസ​മി​തി. സ​മി​തി പ്ര​മേ​യ​ത്തി​ലൂ​ടെ​യാ​ണ് ഇ​ക്കാ​ര്യം ആ​വ​ശ്യ​പ്പെ​ട്ട​ത്. മ​ങ്കൊ​മ്പ് തെ​ക്കേ​ക​ര​യി​ല്‍ സ്ഥി​തി ചെ​യ്യു​ന്ന വെ​റ്റ​റി​ന​റി പോ​ളി ക്ല​ിനി​ക്കി​ന്‍റെ നി​ല​വി​ലു​ണ്ടാ​യി​രു​ന്ന കെ​ട്ടി​ടം ന​വീ​ക​രി​ക്കു​ന്ന​തി​നുവേ​ണ്ടി 2018 ല്‍ 43 ല​ക്ഷം രൂ​പ​യു​ടെ എ​സ്റ്റി​മേ​റ്റ് ത​യാ​റാ​ക്കി, തു​ക ച​മ്പ​ക്കു​ളം ബ്ലോ​ക്ക് പ​ഞ്ചാ​യ​ത്തി​നു കൈ​മാ​റി​യി​രു​ന്നു.

പി​ന്നീ​ട്, വെ​ള്ള​പ്പൊ​ക്ക​ത്തെ​യും അ​തി​ജീ​വി​ക്കു​ന്നത​ര​ത്തി​ല്‍ കെ​ട്ടി​ടം നി​ര്‍​മി​ക്കു​ന്ന​തി​ന് അ​നു​വ​ദി​ച്ച തു​ക​യ്ക്കു​ള്ള എ​സ്റ്റി​മേ​റ്റ് പു​തു​ക്കി​നി​ശ്ച​യി​ക്കു​ക​യും ക​രാ​ര്‍ പ്ര​കാ​ര​മു​ള്ള നി​ര്‍​മാ​ണം പൂ​ര്‍​ത്തി​യാ​ക്കു​ക​യും ചെ​യ്തു. അ​വ​സാ​നവ​ട്ട ജോ​ലി​ക​ള്‍ ചെ​യ്യു​ന്ന​തി​ന് 2022-23​ല്‍ 15 ല​ക്ഷം രൂ​പ​യും 2023-24ല്‍ 20 ല​ക്ഷം രൂ​പ​യും വ​ക​യി​രു​ത്തി​യെ​ങ്കി​ലും കെ​ട്ടി​ട നി​ര്‍​മാ​ണം ഇ​തു​വ​രെ​യും പൂ​ര്‍​ത്തി​യാ​യി​ല്ല.

2018 മു​ത​ല്‍ വാ​ട​കകെ​ട്ടി​ട​ത്തി​ലാ​ണ് ആ​ശു​പ​ത്രി പ്ര​വ​ര്‍​ത്തി​ക്കു​ന്ന​ത്. ക​ഴി​ഞ്ഞ മൂന്നു വ​ര്‍​ഷ​മാ​യി പ്ര​തി​മാ​സം 8000 രൂ​പ വാ​ട​കനി​ര​ക്കി​ല്‍ ര​ണ്ടാം നി​ല​യി​ലാ​ണ് ആ​ശു​പ​ത്രി പ്ര​വ​ര്‍​ത്തി​ക്കു​ന്ന​ത്.

സീ​നി​യ​ര്‍ വെ​റ്ററിന​റി സ​ര്‍​ജ​ന്‍ ഉ​ള്‍​പ്പെടെ എട്ടു ജീ​വ​ന​ക്കാ​ര്‍​ക്ക് ജോ​ലി​ ച​യ്യു​ന്ന​തി​നും ലാ​ബ് പ്ര​വ​ര്‍​ത്തി​ക്കു​ന്ന​തി​നു​മു​ള്ള സൗ​ക​ര്യം ഇ​ല്ലെ​ന്ന് മാ​ത്ര​മ​ല്ല അ​സു​ഖം ബാ​ധി​ച്ചുകൊ​ണ്ടു​വ​രു​ന്ന ക​ന്നു​കാ​ലി​ക​ള്‍​ക്ക് ഡ്രി​പ്പ് കൊ​ടു​ക്കു​ന്ന​തി​നും മ​റ്റും ക​ഴി​യു​ന്നി​ല്ല. അ​തി​നാ​ല്‍ അ​ടി​യ​ന്തര​മാ​യി കെ​ട്ടി​ട നി​ര്‍​മാ​ണം പൂ​ര്‍​ത്തി​യാ​ക്കി പു​തി​യ കെ​ട്ടി​ട​ത്തി​ല്‍ വെ​റ്ററിന​റി പോ​ളി​ക്ലി​നി​ക്കി​ന്‍റെ പ്ര​വ​ര്‍​ത്ത​നം ആ​രം​ഭി​ക്ക​ണ​മെ​ന്ന് ച​മ്പ​ക്കു​ളം വി​ക​സ​ന സ​മി​തി ആ​വ​ശ്യ​പ്പെ​ട്ടു.

സ​മി​തി യോ​ഗ​ത്തി​ല്‍ പ്ര​ഡി​ഡ​ന്‍റ് ഡി. ​ത​ങ്ക​ച്ച​ന്‍ അ​ധ്യ​ക്ഷ​നാ​യി. സെ​ക്ര​ട്ട​റി അ​ഗ​സ്റ്റി​ന്‍ ജോ​സ് പ്ര​മേ​യം അ​വ​ത​രി​പ്പി​ച്ചു. കെ. ​കെ. ശ​ശി​ധ​ര​ന്‍, രാ​ജു കോ​ല​പ്പ​ള്ളി, എ.​എ​സ്. സി​ന്ധു​മോ​ള്‍, കെ. ​മു​ര​ളി, ബി. ​ഹ​രി​കു​മാ​ര്‍, സാ​ബു ഗ്രി​ഗ​റി എ​ന്നി​വ​ര്‍ പ്ര​സം​ഗി​ച്ചു.