മാവേ​ലി​ക്ക​ര: സം​ഘ​ട​നാ നേ​താ​ക്ക​ളെ വാ​ര്‍​ത്തെ​ടു​ക്കാ​ന്‍ കേ​ഡ​ര്‍ പാ​ര്‍​ട്ടി​ക​ള്‍​ക്ക് ക​ഴി​യു​മെ​ങ്കി​ലും പൊ​തു​നേ​താ​ക്ക​ളെ വാ​ര്‍​ത്തെ​ടു​ക്കാ​ന്‍ സാ​ധി​ക്കു​ന്നു​ണ്ടോ എ​ന്ന​ത് സം​ശ​യി​ക്കേ​ണ്ടി​യി​രി​ക്കു​ന്നു​വെ​ന്ന് ഗോ​വ ഗ​വ​ര്‍​ണ​ര്‍ പി.​എ​സ്. ശ്രീ​ധ​ര​ന്‍​പി​ള്ള. മാ​വേ​ലി​ക്ക​ര രാ​ജ്യാ​ന്ത​ര പു​സ്ത​കോ​ത്സ​വം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

പൊ​തു​നേ​താ​ക്ക​ളെ വാ​ര്‍​ത്തെ​ടു​ക്കു​ന്ന​തു കു​റ​വാ​യി​ട്ടു​ള്ള സം​സ്ഥാ​ന​മാ​യി കേ​ര​ള​ത്തെ കാ​ണു​ന്നു. ഇ​തു പാ​ര്‍​ട്ടി​ക​ള്‍ ചി​ന്തി​ക്ക​ണം. എന്‍റേത് മാ​ത്രം ശ​രി​യെ​ന്ന് പ​റ​യു​ന്ന മ​ത​വും രാ​ഷ്ട്രീ​യ​വും അ​ല്ല വേ​ണ്ട​ത്. ഇ​ന്ത്യ​ന്‍ ജ​നാ​ധി​പ​ത്യ​ത്തി​ല്‍ ശ​ത്രു എ​ന്ന വാ​ക്ക് ഇ​ല്ല. വ്യ​ത്യ​സ്ത ആ​ശ​യ​ങ്ങ​ള്‍ ഉ​ള്‍​ക്കൊ​ള്ളാ​ന്‍ ക​ഴി​യു​മ്പോ​ഴാ​ണ് ജ​നാ​ധി​പ​ത്യം വി​ജ​യി​ക്കു​ന്ന​ത്.

രാ​ജ്യ​ത്ത് വാ​യ​നാ​ശീ​ലം കൂ​ടു​ക​യാ​ണെ​ന്നാ​ണ് പ​ഠ​ന​ങ്ങ​ള്‍ തെ​ളി​യി​ക്കു​ന്ന​ത്. വാ​യ​നാ​ശീ​ലം കൊ​ണ്ടു​മാ​ത്ര​മേ ഭാ​ഷ​യെ വ​ള​ര്‍​ത്തി​യെ​ടു​ക്കാ​ന്‍ സാ​ധി​ക്കൂ. എ​ഴു​ത്തും വാ​യ​ന​യും ന​മ്മെ മു​ന്നോ​ട്ടു ന​യി​ക്കും. അ​സാ​ധ്യ​മാ​യ​ത് ഒ​ന്നു​മി​ല്ലെ​ന്ന് ഇ​തി​ലൂ​ടെ ബോ​ധ്യ​മാ​കും. ഇ​തി​ന് പു​സ്ത​കോ​ത്സ​വ​ങ്ങ​ള്‍ സ​ഹാ​യ​ക​ര​മാ​കും. ക​വി​ത​ക​ള്‍ ന​മ്മു​ടെ പാ​ഠ​പു​സ്ത​ക​ങ്ങ​ളി​ല്‍നി​ന്ന് ന​ഷ്ട​പ്പെ​ട്ടു പോ​യി​രി​ക്കു​ന്നു. പു​തി​യ എ​ഴു​ത്തു​കാ​ര്‍ ഉ​യ​ര്‍​ന്നുവ​രു​ന്നി​ല്ല. അ​തി​നാ​ല്‍ പു​തു​ത​ല​മു​റ​യെ വാ​യ​ന​യി​ലേ​ക്കു ന​യി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു.

പു​സ്ത​കോ​ത്സ​വ സ​മി​തി ചെ​യ​ര്‍​മാ​ന്‍ മു​ര​ളീ​ധ​ര​ന്‍ ത​ഴ​ക്ക​ര അ​ധ്യ​ക്ഷ​ത വഹി​ച്ചു. എം.​എ​സ്. അ​രു​ണ്‍​കു​മാ​ര്‍ എം​എ​ല്‍​എ, ട്ര​ഷ​റ​ര്‍ അ​നി​ല്‍​ വി​ള​യി​ല്‍, ന​ഗ​ര​സ​ഭാ കൗ​ണ്‍​സി​ല​ര്‍​മാ​രാ​യ രാ​ജ​ന്‍​ മ​ന​സ്, എ​ച്ച്. മേ​ഘ​നാ​ഥ്, സാ​ഹി​ത്യ​കാ​രി ഡോ. ​ഷീ​ന. ജി, ​പു​സ്ത​കോ​ത്സ​വസ​മി​തി ജോ. ​ക​ണ്‍​വീ​ന​ര്‍ പി.​എ​സ്. സു​രേ​ഷ് എ​ന്നി​വ​ര്‍ പ്രസംഗിച്ചു. പു​സ്തകോ​ത്സ​വം ഒൻപതിന് സ​മാ​പി​ക്കും.