പൂ​ച്ചാ​ക്ക​ല്‍: ദേ​ശീ​യ​പാ​ത​യി​ലെ ഉ​യ​ര​പ്പാ​ത നി​ര്‍​മാ​ണ​ത്തി​നാ​വ​ശ്യ​മാ​യ സാ​മ​ഗ്രി​ക​ള്‍ നി​ര്‍​മി​ക്കു​ന്ന മി​ക്സ​ര്‍ പ്ലാന്‍റില്‍​നി​ന്ന് ഉ​യ​രു​ന്ന മെ​റ്റ​ല്‍ പൊ​ടി​യു​ടെ ശ​ല്യം രൂ​ക്ഷം. ഇ​തു​മൂ​ലം ശ്വാ​സ​കോ​ശ രോ​ഗ​ങ്ങ​ളും ക​ണ്ണി​നു​ണ്ടാ​കു​ന്ന രോ​ഗ​ങ്ങ​ളും കാ​ര​ണം പ്ര​ദേ​ശ​വാ​സി​ക​ള്‍ ഏ​റെ ദു​രി​തം അ​നു​ഭ​വി​ക്കു​ക​യാ​ണ്.

തൈ​ക്കാ​ട്ടു​ശേ​രി പ​ഞ്ചാ​യ​ത്തി​ലെ എം​എ​ല്‍​എ റോ​ഡി​ല്‍ മ​ണി​യാ​ത്യ​ക്ക​ല്‍ വ​ട​ക്കു​ഭാ​ഗ​ത്താ​യി ജ​ന​ങ്ങ​ള്‍ തി​ങ്ങി​പ്പാ​ര്‍​ക്കു​ന്ന പ്ര​ദേ​ശ​ത്താ​ണ് പ്ലാന്‍റ് സ്ഥാ​പി​ച്ചി​ട്ടു​ള്ള​ത്.

രാ​വി​ലെ ഉ​യ​രു​ന്ന പൊ​ടി രാ​ത്രി സ​മ​യ​ത്തും ഉ​ണ്ടാ​കു​ന്നു​ണ്ട്. റോ​ഡ് നി​ര്‍​മാ​ണ സാ​ധ​ന​ങ്ങ​ള്‍ ക​യ​റ്റി​യ ലോ​റി പോ​കു​മ്പോ​ഴാ​ണ് കൂ​ടു​ത​ല്‍ പൊ​ടി ഉ​ണ്ടാ​കു​ന്ന​ത്. പ്ര​ദേ​ശ​ത്തെ വൃ​ക്ഷ​ങ്ങ​ളു​ടെ ഇ​ല​ക​ളി​ല്‍ പൊ​ടി പ​റ്റി​യി​രി​ക്കു​ന്ന​തി​നാ​ല്‍ ഇ​ല​ക​ളു​ടെ ക​ള​ര്‍ ത​ന്നെ മാ​റി​യി​രി​ക്കു​ക​യാ​ണ്.
പ്ലാ​ന്‍റില്‍​നി​ന്ന് ഉ​യ​രു​ന്ന പൊ​ടിമൂ​ലം വി​ദ്യാ​ര്‍​ഥി​യു​ടെ ക​ണ്ണി​ന്‍റെ കാ​ഴ്ച​ശ​ക്തി​കു​റ​ഞ്ഞ​താ​യി വീ​ട്ട​മ്മ പ​റ​യു​ന്നു.

പ്ലാ​ന്‍റി​നു സ​മീ​പ​ം താ​മ​സി​ക്കു​ന്ന തൈ​ക്കൂ​ട്ട​ത്തി​ല്‍ റോ​സി​യു​ടെ ചെ​റു​മ​ക​ന്‍ ആറുവ​യ​സുള്ള ജോ​ഷ്വാ​യു​ടെ ക​ണ്ണു​ക​ള്‍​ക്ക് പൊ​ടി അ​ല​ര്‍​ജി കാ​ര​ണം കാ​ഴ്ച​ശ​ക്തി കു​റ​ഞ്ഞ​താ​യി വീ​ട്ടു​കാ​ര്‍ പ​റ​യു​ന്നു. കൂ​ടാ​തെ യാ​ത്ര​ക്കാ​ര്‍​ക്കും പ്ര​ദേ​ശ​വാ​സി​ക​ള്‍​ക്കും ചു​മ, ജ​ല​ദോ​ഷം, ശ്വാ​സം മു​ട്ട​ല്‍ തു​ട​ങ്ങി​യ​വ അ​നു​ഭ​വ​പ്പെടു​ന്ന​താ​യി പ​രാ​തി​യു​ണ്ട്. ആ​സ്ത്‌മ രോ​ഗി​ക​ളും വ​ലി​യ ഭീ​ഷ​ണി നേ​രി​ടു​ക​യാ​ണ്.

വീ​ടു​ക​ള്‍​ക്കു പു​റ​മേ, നി​ര​വ​ധി വ്യാ​പാ​ര സ്ഥാ​പ​ന​ങ്ങ​ള്‍, കെ​ട്ടി​ട സ​മു​ച്ച​യ​ങ്ങ​ള്‍, എ​ല്‍​പി സ്‌​കൂ​ള്‍ എ​ന്നി​വ​യും പ്ര​ദേ​ശ​ത്തു​ണ്ട്. ജ​ന​സാ​ന്ദ്ര​ത കു​റ​ഞ്ഞ പ​ല മേ​ഖ​ല​ക​ള്‍ ഉ​ണ്ടാ​യി​ട്ടും സൈ്വ​ര​ജീ​വി​ത​ത്തി​ന് ഭീ​ഷ​ണി ഉ​യ​ര്‍​ത്തു​ന്ന ന​ട​പ​ടി​ക​ള്‍ ക​രാ​റു​കാ​ര്‍ ഒ​ഴി​വാ​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ള്‍ ആ​വ​ശ്യ​പ്പെ​ടു​ന്ന​ത്.

റോ​ഡ് ന​ന​യ്ക്കു​ന്ന​ത് പേ​രി​നു മാ​ത്രം

പൊ​ടി​പ​ട​രു​ന്ന​ത് ത​ട​യു​ന്ന​തി​നാ​യി റോ​ഡി​ല്‍ വെ​ള്ളം ഒ​ഴി​ക്കു​ന്ന​ത് പേ​രി​നു മാ​ത്രം.​ ദി​വ​സം നാ​ലു​നേ​ര​മെ​ങ്കി​ലും വെ​ള്ള​മൊ​ഴി​ച്ചാ​ല്‍ കു​റ​ച്ചെ​ങ്കി​ലും പൊ​ടി​ക്ക് ശ​മ​ന​മു​ണ്ടാ​കും. എ​ന്നാ​ല്‍, പേ​രി​നുമാ​ത്രം ഒ​രു​ത​വ​ണ വെ​ള്ളം ത​ളി​ക്കു​ക മാ​ത്ര​മാ​ണ് നി​ര്‍​മാ​ണ ക​മ്പ​നി അ​ധി​കൃ​ത​ര്‍ ചെ​യ്യു​ന്ന​തെ​ന്ന് നാ​ട്ടു​കാ​ര്‍ പ​റ​യു​ന്നു.