ആല​പ്പു​ഴ: അ​രൂ​ര്‍, അ​രൂ​ക്കു​റ്റി മേ​ഖ​ല​യി​ലെ ജ​ന​ങ്ങ​ളു​ടെ യാ​ത്രാ ദു​രി​ത​ത്തി​ന് ആ​ശ്വാ​സ​മാ​യി എ​റ​ണാ​കു​ളം ജെ​ട്ടി​യി​ല്‍​നി​ന്ന് അ​രൂ​ക്കു​റ്റി​യെ ബ​ന്ധി​പ്പി​ച്ച് ദീ​ര്‍​ഘ​ദൂ​ര ബോ​ട്ട് സ​ര്‍​വീ​സ് ആ​രം​ഭി​ക്കാ​ന്‍ അ​നു​മ​തി ല​ഭി​ച്ച​താ​യി ദ​ലീ​മ ജോ​ജോ എം​എ​ല്‍​എ അ​റി​യി​ച്ചു.

അ​രൂ​ക്കു​റ്റി, പാ​ണാ​വ​ള്ളി നി​വാ​സി​ക​ളു​ടെ ദീ​ര്‍​ഘ​കാ​ല​ത്തെ ആ​വ​ശ്യ​മാ​യി​രു​ന്നു മു​ട​ങ്ങി​പ്പോ​യ എ​റ​ണാ​കു​ളം ബോ​ട്ട് സ​ര്‍​വീ​സ്. ബോ​ട്ട് സ​ര്‍​വീ​സ് ആ​രം​ഭി​ക്കു​ന്ന​തോ​ടെ എ​റ​ണാ​കു​ളം മേ​ഖ​ല​യി​ലേ​ക്ക് ജോ​ലി സം​ബ​ന്ധ​മാ​യും മ​റ്റ് ആ​വ​ശ്യ​ങ്ങ​ള്‍​ക്കും ദി​ന​വും യാ​ത്ര ചെ​യ്യു​ന്ന​വ​ര്‍​ക്ക് ദേ​ശീ​യ പാ​ത​യി​ലൂ​ടെ യാ​ത്ര ചെ​യ്യു​മ്പോ​ഴു​ള്ള സ​മ​യ​ന​ഷ്ടം കു​റ​യ്ക്കാ​നാ​കും.

എ​റ​ണാ​കു​ളം ജെ​ട്ടി​യി​ല്‍ നി​ന്നും തേ​വ​ര, കു​മ്പ​ളം വ​ഴി അ​രൂ​ക്കു​റ്റി​യി​ലേ​ക്ക് സം​സ്ഥാ​ന ജ​ല ഗ​താ​ഗ​തവ​കു​പ്പി​ന്‍റെ പു​തി​യ ബോ​ട്ട് സ​ര്‍​വീ​സ് ആ​രം​ഭി​ക്കു​ന്ന​തി​നാ​ണ് അ​നു​മ​തി ല​ഭി​ച്ച​ത്. ആ​ദ്യ​ഘ​ട്ട​ത്തി​ല്‍ രാ​വി​ലെ​യും വൈ​കി​ട്ടു​മാ​ണ് സ​ര്‍​വീ​സ് ന​ട​ത്താ​ന്‍ ഉ​ദ്ദേ​ശി​ക്കു​ന്ന​ത്. ലാ​ഭ​ക​ര​മാ​യാ​ല്‍ തു​ട​ര്‍​ന്ന് കൂ​ടു​ത​ല്‍ സ​ര്‍​വീ​സു​ക​ള്‍ ആ​രം​ഭി​ക്കും.

ബോ​ട്ട് സ​ര്‍​വീ​സി​ന് അ​നു​മ​തി ല​ഭി​ച്ച​തോ​ടെ ഏ​റെ പ്ര​തീ​ക്ഷ​യി​ലാ​ണ് പാ​ണാ​വ​ള്ളി, അ​രൂ​ക്കു​റ്റി മേ​ഖ​ല​യി​ലെ യാ​ത്ര​ക്കാ​ര്‍. ദേ​ശീ​യ​പാ​ത​യു​ടെ നി​ര്‍​മാണ​ജോ​ലി​ക​ള്‍ ന​ട​ക്കു​ന്ന​തി​നാ​ല്‍ തൊ​ട്ട​ടു​ത്ത ജി​ല്ല​യാ​ണെ​ങ്കി​ലും എ​റ​ണാ​കു​ളം വ​രെ പോ​യി വ​ര​ണ​മെ​ങ്കി​ല്‍ മ​ണി​ക്കൂ​റു​ക​ള്‍ ചെ​ല​വാ​ക്കേ​ണ്ടി​വ​രു​ന്ന അ​രൂ​ര്‍ നി​വാ​സി​ക​ള്‍​ക്കും ബോ​ട്ട് സ​ര്‍​വീ​സ് വ​ലി​യ ആ​ശ്വാ​സ​മാ​കും.

ദേ​ശീ​യ​പാ​ത നി​ര്‍​മാണ​വു​മാ​യി ബ​ന്ധ​പ്പെ​ട്ട് ജ​ന​ങ്ങ​ളു​ടെ യാ​ത്രാ​ദു​രി​തം ക​ണ​ക്കി​ലെ​ടു​ത്ത് എം​എ​ല്‍​എ നി​യ​മ​സ​ഭാ സ​മ്മേ​ള​ന​ത്തി​ല്‍ അ​ടി​യ​ന്തര സ​ബ്മി​ഷ​ന്‍ അ​വ​ത​രി​പ്പി​ച്ച​തി​നെത്തുട​ര്‍​ന്ന് ഗ​താ​ഗ​ത​മ​ന്ത്രി​യു​മാ​യി ന​ട​ത്തി​യ ച​ര്‍​ച്ച​യി​ലാ​ണ് അ​നു​കൂ​ല തീ​രു​മാ​നം ഉ​ണ്ടാ​യ​ത്.