മ​ങ്കൊ​മ്പ്: കു​ട്ട​നാ​ട്ടി​ലെ നെ​ൽ​കൃ​ഷി​യെ ദോ​ഷ​മാ​യി ബാ​ധി​ക്കു​ന്ന ഉ​പ്പു​വെ​ള്ള​ത്തെ പ്ര​തി​രോ​ധി​ക്കാ​ൻ നി​യ​ന്ത്രി​ത അ​ള​വി​ൽ ഡാ​മു​ക​ളി​ൽനി​ന്ന് വെ​ള്ളം ഒ​ഴു​ക്കി കു​ട്ട​നാ​ട്ടി​ലെ ന​ദി​ക​ളി​ലേ​യും ജ​ലാ​ശ​യ​ങ്ങ​ളി​ലേ​യും ഉ​പ്പു​വെ​ള്ള​ത്തിന്‍റെ കാ​ഠി​ന്യം നി​യ​ന്ത്രി​ക്ക​ണ​മെ​ന്ന് കു​ട്ട​നാ​ട് താ​ലൂ​ക്ക് വി​ക​സ​ന സ​മി​തി പ്ര​മേ​യ​ത്തി​ലൂ​ടെ ആ​വ​ശ്യ​പ്പെ​ട്ടു.

ഓ​രു​വെ​ള്ളം നി​യ​ന്ത്രി​ച്ചു കു​ട്ട​നാ​ട്ടി​ലെ നെ​ൽ​കൃ​ഷി​യെ സം​ര​ക്ഷി​ക്കാ​ൻ വേ​ണ്ട അ​ടി​യ​ന്തര ന​ട​പ​ടി ഉ​ണ്ടാ​വ​ണ​മെ​ന്ന് വി.​കെ സേ​വ്യ​ർ അ​വ​താ​ര​ക​നും സാ​ബു തോ​ട്ടു​ങ്ക​ൽ അ​നു​വാ​ദ​ക​നു​മാ​യി അ​വ​ത​രി​പ്പി​ച്ച പ്ര​മേ​യം പാ​സാക്കി. ജി​ല്ല​യു​ടെ വി​വി​ധ പ്ര​ദേ​ശ​ങ്ങ​ളി​ൽനി​ന്നും ജി​ല്ല​യ്ക്കു പു​റ​ത്തുനി​ന്നും നി​ര​വ​ധി ജീ​വ​ന​ക്കാ​രാ​ണ് കു​ട്ട​നാ​ട് മി​നി സി​വി​ൽ സ്റ്റേ​ഷ​നി​ൽ ജോ​ലി​ക്കാ​യി എ​ത്തു​ന്ന​ത്. ഇ​വ​ർ​ക്ക് യ​ഥാ​സ​മ​യം ജോ​ലി​ക്ക് എ​ത്തു​ന്ന​തി​നും തി​രി​കെ പോ​കു​ന്ന​തി​നു​മാ​യി ആ​ല​പ്പു​ഴ ചേ​ർ​ത്ത​ല എ​ന്നി സ്ഥ​ല​ങ്ങ​ളി​ൽനി​ന്ന് കെ​എ​സ്ആ​ർ​ടി​സി ബ​സ് സ​ർ​വീസ് ആ​രം​ഭി​ക്ക​ക്ക​ണ​മെ​ന്നും യോ​ഗ​ത്തി​ൽ ആ​വ​ശ്യ​മു​യ​ർ​ന്നു.

ഭൂ​മി​യു​ടെ ഡാ​റ്റാ ബാ​ങ്കി​ൽനി​ന്നും ഒ​ഴി​വാ​ക്ക​ൽ, ത​രം​മാ​റ്റം എ​ന്നി​വ​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളി​ൽ ജ​ന​ങ്ങ​ൾ​ക്കു​ണ്ടാ​കു​ന്ന ബു​ദ്ധി​മു​ട്ടു​ക​ൾ പ​രി​ഹ​രി​ക്കു​ന്ന​തി​നുവേ​ണ്ട ന​ട​പ​ടി​ക​ൾ ബ​ന്ധ​പ്പെ​ട്ട കൃ​ഷി ഓ​ഫീസ​ർ, വി​ല്ലേ​ജ് ഓ​ഫീസ​ർ എ​ന്നി​വ​രു​ടെ ഭാ​ഗ​ത്തുനി​ന്ന് കൂ​ടു​ത​ൽ ജ​ന​കീ​യ ഇ​ട​പെ​ട​ലു​ക​ൾ ഉ​ണ്ടാ​ക​ണ​മെ​ന്നും യോ​ഗം ആ​വ​ശ്യ​പ്പെ​ട്ടു. താ​ലൂ​ക്ക് വി​ക​സ​ന സ​മി​തി യോ​ഗ​ത്തി​ൽ പ​ങ്കെ​ടു​ക്കേ​ണ്ടി​യി​രു​ന്ന രാ​മ​ങ്ക​രി, ച​മ്പ​ക്കു​ളം കൃ​ഷി അ​സി​. ഡ​യ​റ​ക്ട​ർ​മാ​ർ യോ​ഗ​ത്തി​ൽ എ​ത്താ​തി​രു​ന്ന​തി​ലും യോ​ഗം അ​തൃ​പ്തി രേ​ഖ​പ്പെ​ടു​ത്തി.

പു​ഞ്ച​കൃ​ഷി വി​ള​വെ​ടു​പ്പ് അ​ടു​ത്തുവ​രു​ന്ന സാ​ഹ​ച​ര്യ​ത്തി​ൽ കൊ​യ്ത്ത് യ​ന്ത്രം, നെ​ല്ല് സം​ഭ​ര​ണം തു​ട​ങ്ങി​യ വി​ഷ​യ​ങ്ങ​ൾ ച​ർ​ച്ച ചെ​യ്ത യോ​ഗ​ത്തി​ൽ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ അ​ഭാ​വം പ്ര​ത്യേ​കം ശ്ര​ദ്ധി​ക്ക​പ്പെ​ട്ടു. കു​ട്ട​നാ​ട​ൻ കാ​ർ​ഷി​ക മേ​ഖ​ല​യി​ൽ കൂ​ലി​യും വി​ത്ത്, വ​ളം കീ​ട​നാ​ശി​നി എ​ന്നി​വ കൂ​ടി​യ സാ​ഹ​ച​ര്യ​ത്തി​ൽ നെ​ല്ലു വി​ല വ​ർ​ധിപ്പി​ക്ക​ണ​മെ​ന്നും യോ​ഗം ആ​വ​ശ്യ​പ്പെ​ട്ടു.