ലൊക്കേഷന് സ്കെച്ചിന് കൈക്കൂലി: വില്ലേജ് ഫീല്ഡ് അസി. വിജിലന്സ് പിടിയില്
1510842
Monday, February 3, 2025 11:38 PM IST
ആലപ്പുഴ: ലൊക്കേഷന് സ്കെച്ചിന് കൈക്കൂലി ആവശ്യപ്പെട്ട വില്ലേജ് ഫീല്ഡ് അസിസ്റ്റന്റ് വിജിലന്സ് പിടിയില്. പാതിരപ്പള്ളി വില്ലേജ് ഓഫീസിലെ വില്ലേജ് ഫീല്ഡ് അസിസ്റ്റന്റ് അനീസിനെ 1,000 രൂപ കൈക്കൂലി വാങ്ങവേയാണ് വിജിലന്സ് പിടികൂടിയത്.
പാതിരപ്പള്ളി കാട്ടൂര് സ്വദേശിയായ പരാതിക്കാരന്റെ പാതിരപ്പള്ളി വില്ലേജ് പരിധിയില്പ്പെട്ട മൂന്നു സെന്റ് വസ്തുവിന്റെ ലൊക്കേഷന് സ്കെച്ച് ലഭിക്കുന്നതിന് ഇക്കഴിഞ്ഞ 27ന് പാതിരപ്പള്ളി വില്ലേജ് ഓഫീസില് അപേക്ഷ നല്കിയിരുന്നു. തുടര്ന്ന് കഴിഞ്ഞ ചൊവ്വാഴ്ച വില്ലേജ് ഫീല്ഡ് അസിസ്റ്റന്റായ അനീസ് സ്ഥലത്തെത്തി വസ്തു അളന്നശേഷം ലൊക്കേഷന് സ്കെച്ച് ലഭിക്കുന്നതിന് 200 രൂപ ഫീസും 1,000 രൂപ കൈക്കൂലിയും നല്കണമെന്ന് പറഞ്ഞു.
പരാതിക്കാരന് കഴിഞ്ഞ വ്യാഴാഴ്ച അനീസിനെ ഫോണില് വിളിച്ചപ്പോള് ലൊക്കേഷന് സ്കെച്ച് തയാറായിട്ടുണ്ടെന്നും 200 രൂപ ഫീസും 1,000 രൂപ കൈക്കൂലിയും നല്കിയാല് ലൊക്കേഷന് സ്കെച്ച് നല്കാമെന്ന് പറഞ്ഞു. തുടര്ന്ന് പരാതിക്കാരന് ഈ വിവരം ആലപ്പുഴ വിജിലന്സ് യൂണിറ്റ് ഡെപ്യൂട്ടി പോലീസ് സൂപ്രണ്ടിനെ അറിയിക്കുകയും അദ്ദേഹത്തിന്റെ നേതൃത്വത്തിലുള്ള വിജിലന്സ് സംഘം നിരീക്ഷിച്ചുവരവേ ഇന്നലെ ഉച്ചയ്ക്ക് 1.30 ഓടെ പാതിരപ്പള്ളി സെന്റ് ആന്റണിസ് പള്ളിക്കു സമീപം കൈക്കൂലി വാങ്ങവേ അനീസി നെ പിടികൂടുകയായിരു ന്നു. അറസ്റ്റ് ചെയ്ത പ്രതിയെ മൂവാറ്റുപുഴ വിജിലന്സ് കോടതിയില് ഹാജരാക്കും.