തണ്ണീ​ർ​മു​ക്കം: എ​ല്ലാ ക​ണ്ണു​ക​ളും ത​ണ്ണീ​ർ​മു​ക്ക​ത്തേ​ക്ക്. ത​ണ്ണീ​ർ​മു​ക്ക​ത്തി​ന്‍റെ ടൂ​റി​സം സാ​ധ്യ​ത​ക​ളി​ലേ​ക്ക് ലോ​കശ്ര​ദ്ധ ആ​ക​ർ​ഷി​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് 12 മു​ത​ൽ 16 വ​രെ ത​ണ്ണീ​ർ​മു​ക്കം ഫെ​സ്റ്റ് ന​ട​ത്തു​ന്ന​ത്. ലോ​ക ടൂ​റി​സം മാ​പ്പി​ൽ ഇ​ടംനേ​ടി​യ കു​മ​ര​കം ടൂ​റി​സ്റ്റ് കേ​ന്ദ്ര​ത്തി​ന്‍റെ പ്ര​വേ​ശ​ന ക​വാ​ട​മാ​യി അ​റി​യ​പ്പെ​ടു​ന്ന സ്ഥ​ല​മാ​ണ് ത​ണ്ണീ​ർ​മു​ക്കം. കാ​യ​ൽ സൗ​ന്ദ​ര്യ​ത്താ​ൽ അ​നു​ഗ്ര​ഹീ​ത​മാ​യ ത​ണ്ണീ​ർ​മു​ക്കം ഉ​ൾ​നാ​ട​ൻ ജ​ലാ​ശ​ങ്ങ​ളാ​ലും സ​മ്പ​ന്ന​മാ​ണ്.

ക​ട്ട​ച്ചി​റ ആ​റും ചെ​ങ്ങ​ണ്ട ആ​റും ഉ​ൾ​പ്പെ​ടെ പ്ര​കൃ​തി സൗ​ന്ദ​ര്യം വ​ഴി​ഞ്ഞൊ​ഴു​കു​ന്ന ജ​ലാ​ശ​യ​ങ്ങ​ൾ ടൂ​റി​സം സാ​ധ്യ​ത​ക​ളു​ടെ വി​ള​നി​ല​മാ​ണ്. ഉ​ൾ​നാ​ട​ൻ ജ​ലാ​ശ​യ​ങ്ങ​ളി​ലേ​ക്കു​ള്ള യാ​ത്ര​യൊ​രു​ക്കി സ​ഞ്ചാ​രി​ക​ളെ ആ​ക​ർ​ഷി​ക്കു​ക ഫെ​സ്റ്റി​ന്‍റെ ല​ക്ഷ്യ​മാ​ണ്. വീ​ടു​ക​ളി​ൽ ഭ​ക്ഷ​ണം ഒ​രു​ക്കി​യും ഗ്രാ​മ​ക്കാ​ഴ്ച​ക​ൾ ആ​സ്വ​ദി​ച്ചു​മു​ള്ള സ​ഞ്ചാ​രം ടൂറി​സ്റ്റു​ക​ളു​ടെ മ​നം ക​വ​രു​മെ​ന്നാ​ണ് പ്ര​തീ​ക്ഷ.

ഉ​ത്ത​ര​വാ​ദി​ത്വ ടൂ​റി​സം പ​ദ്ധ​തി​യു​ടെ ഭാ​ഗ​മാ​യി ന​ട​ത്തു​ന്ന ഫെ​സ്റ്റ് ഒ​ട്ടേ​റെ തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കും. ഹോം ​സ്റ്റേ​ക​ളും സ്റ്റാ​ർ​ട്ട​പ്പു​ക​ളും ഇ​തി​ന്‍റെ ഭാ​ഗ​മാ​യി തു​റ​ക്കാ​ൻ ക​ഴി​യും.

ത​ണ്ണീ​ർ​മു​ക്കം ബ​ണ്ടും വി​നോ​ദസ​ഞ്ചാ​രികളുടെ ആ​ക​ർ​ഷ​ണ കേ​ന്ദ്ര​മാ​ണ്. ക​ലാ​മത്സ​ര​ങ്ങ​ൾ, സെ​മി​നാ​റു​ക​ൾ, കാ​യി​ക മ​ത്സ​ര​ങ്ങ​ൾ എ​ന്നി​വ ഫെ​സ്റ്റി​ന്‍റെ ഭാ​ഗ​മാ​യി സം​ഘ​ടി​പ്പി​ക്കും. പോ​സ്റ്റ​ർ പ്ര​ചാ​ര​ണം ആ​രം​ഭി​ച്ചു.

ക​ടും​ബ​ശ്രീ പ്ര​വ​ർ​ത്ത​ക​ർ വാ​ർ​ഡ് സം​ഘാ​ട​കസ​മി​തി പ്ര​വ​ർ​ത്ത​ക​ർ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പോ​സ്റ്റ​ർ പ്ര​ചാ​ര​ണം ന​ട​ക്കു​ന്ന​ത്. ഇ​തിന്‍റെ ഉ​ദ്ഘാ​ട​നം പ​ഞ്ചാ​യ​ത്ത് ഓ​ഫീ​സി​ന് മു​ന്നി​ൽ പോ​സ്റ്റ​ർ പ​തി​ച്ച് പ​ഞ്ചാ​യ​ത്ത് പ്ര​സി​ഡ​ന്‍റ് ജി. ​ശ​ശി​ക​ല നി​ർ​വ​ഹി​ച്ചു. വൈ​സ് പ്ര​സി​ഡ​ന്‍റ് ഷൈ​മോ​ൾ ക​ലേ​ഷ്, പ​ഞ്ചാ​യ​ത്ത് സെ​ക്ര​ട്ട​റി ഉ​ദ​യസിം​ഹ​ൻ, പ​ബ്ലിസി​റ്റി ക​മ്മി​റ്റി ചെ​യ​ർ​മാ​ൻ മി​ഥു​ൻ ഷാ,​ പ​ഞ്ചാ​യ​ത്തം​ഗ​ങ്ങ​ളാ​യ പി.​ജെ. തോ​മ​സ്, മി​നി​ലെ​നി, ഗ്രേ​സി എ​ന്നി​വ​ർ പ്ര​സം​ഗി​ച്ചു.