പ​ത്ത​നം​തി​ട്ട: ജെ​റു​സ​ലെ​മി​ലേ​ക്ക് യേ​ശു ന​ട​ത്തി​യ ജ​യോ​ത്സ​വ പ്ര​വേ​ശ​ന​ത്തി​ന്‍റെ സ്മ​ര​ണ​യി​ല്‍ കു​രു​ത്തോ​ല​ക​ളും പൂ​ക്ക​ളു​മാ​യി ഓ​ശാ​നത്തിരു​നാ​ള്‍ കൊ​ണ്ടാ​ടി. ദേ​വാ​ല​യ​ങ്ങ​ളി​ല്‍ ഇ​ന്ന​ലെ രാ​വി​ലെ വി​ശു​ദ്ധ കു​ര്‍​ബാ​ന​യോ​ട​നു​ബ​ന്ധി​ച്ചാ​യി​രു​ന്നു ഓ​ശാ​ന ശു​ശ്രൂ​ഷ​ക​ൾ. കു​രു​ത്തോ​ല വെ​ഞ്ച​രി​പ്പ്, പ്ര​ദ​ക്ഷി​ണം എ​ന്നി​വ ഇ​തോ​ട​നു​ബ​ന്ധി​ച്ചു ന​ട​ന്നു. കു​രു​ത്തോ​ല​യു​മേ​ന്തി ദേ​വാ​ല​യ​ത്തി​നു പു​റ​ത്തേ​ക്കു ന​ട​ത്തി​യ പ്ര​ദ​ക്ഷി​ണ​ത്തി​ല്‍ വി​ശ്വാ​സി​ക​ള്‍ പ്രാ​ര്‍​ഥ​ന​യോ​ടെ പ​ങ്കെ​ടു​ത്തു. ഓ​ശാ​ന ഗീ​ത​ങ്ങ​ള്‍ ആ​ല​പി​ച്ച് കു​ട്ടി​ക​ള്‍ പൂ​ക്ക​ളും വാ​രി​വി​ത​റി.

തി​രു​വ​ല്ല അ​തി​രൂ​പ​താ​ധ്യ​ക്ഷ​ന്‍ ഡോ.​തോ​മ​സ് മാ​ര്‍ കൂ​റി​ലോ​സ് മെ​ത്രാ​പ്പോ​ലീ​ത്ത പു​ന്ന​വേ​ലി സെ​ന്‍റ് ജോ​ര്‍​ജ് മ​ല​ങ്ക​ര ക​ത്തോ​ലി​ക്കാ പ​ള്ളി​യി​ല്‍ ന​ട​ന്ന ശു​ശ്രൂ​ഷ​ക​ള്‍​ക്ക് മു​ഖ്യ​കാ​ര്‍​മി​ക​ത്വം വ​ഹി​ച്ചു. മേ​ക്കൊ​ഴൂ​ര്‍ സെ​ന്‍റ് മേ​രീ​സ് മ​ല​ങ്ക​ര ക​ത്തോ​ലി​ക്കാ ദേ​വാ​ല​യ​ത്തി​ല്‍ പ​ത്ത​നം​തി​ട്ട രൂ​പ​താ​ധ്യ​ക്ഷ​ന്‍ ഡോ.​സാ​മു​വേ​ല്‍ മാ​ര്‍ ഐ​റേ​നി​യോ​സ് മെ​ത്രാ​പ്പോ​ലീ​ത്ത​യും വ​ല്യ​യ​ന്തി സെ​ന്‍റ് തോ​മ​സ് ദേ​വാ​ല​യ​ത്തി​ല്‍ രൂ​പ​ത പ്ര​ഥ​മ അ​ധ്യ​ക്ഷ​ന്‍ ബി​ഷ​പ് യൂ​ഹാ​നോ​ന്‍ മാ​ര്‍ ക്രി​സോ​സ്റ്റ​വും ശു​ശ്രൂ​ഷ​ക​ള്‍​ക്ക് കാ​ര്‍​മി​ക​ത്വം വ​ഹി​ച്ചു.

പ​ത്ത​നം​തി​ട്ട മേ​രി​മാ​താ ഫൊ​റോ​ന ദേ​വാ​ല​യ​ത്തി​ലെ ശു​ശ്രൂ​ഷ​ക​ള്‍​ക്ക് വി​കാ​രി ഫാ. ​സെ​ബാ​സ്റ്റ്യ​ന്‍ മാ​ട​പ്പ​ള്ളി​ല്‍ നേ​തൃ​ത്വം ന​ൽകി.

ആ​റ​ന്മു​ള സെ​ന്‍റ് സെ​ബാ​സ്റ്റ്യ​ന്‍​സ് പ​ള്ളി​യി​ല്‍

ആ​റ​ന്മു​ള: സെ​ന്‍റ് സെ​ബാ​സ്റ്റ്യ​ന്‍ ദേ​വാ​ല​യ​ത്തി​ലെ വി​ശു​ദ്ധ​വാ​ര തി​രു​ക്ക​ര്‍​മ​ങ്ങ​ള്‍​ക്കു തു​ട​ക്ക​മാ​യി. 17 ന് ​പെ​സ​ഹാ വ്യാ​ഴം വൈ​കു​ന്നേ​രം അ​ഞ്ചി​ന് തി​രു​വ​ത്താ​ഴ പൂ​ജ, പാ​ദ​ക്ഷാ​ള​ന ക​ര്‍​മം, ദി​വ്യ കാ​രു​ണ്യ പ്ര​ദ​ക്ഷി​ണം, ദി​വ്യ​കാ​രു​ണ്യ ആ​രാ​ധ​ന.

18 ന് ​ദുഃ​ഖ​വെ​ള്ളി​യാ​ഴ്ച രാ​വി​ലെ എ​ട്ടി​ന് കു​രി​ശി​ന്‍റെ വ​ഴി തെ​ക്കേ​മ​ല ജം​ഗ്ഷ​നി​ല്‍ നി​ന്നാ​രം​ഭി​ച്ച് കോ​ഴ​ഞ്ചേ​രി വ​ഴി ദേ​വാ​ല​യ​ത്തി​ല്‍ സ​മാ​പി​ക്കും. ഉ​ച്ച​ക​ഴി​ഞ്ഞ് മൂ​ന്നി​ന് ക്രി​സ്തു​വി​ന്‍റെ പീ​ഡാ​സ​ഹ​നാനു​സ്മ​ര​ണം, തി​രു​വ​ച​ന പ്ര​ഘോ​ഷ​ണ ക​ര്‍​മം, കു​രി​ശാ​രാ​ധ​ന, ദി​വ്യ​കാ​രു​ണ്യ സ്വീ​ക​ര​ണം, ന​ഗ​രി കാ​ണി​ക്ക​ല്‍, മു​ള്‍​മു​ടി നേ​ര്‍​ച്ച.

ഒ​മ്പ​തി​നു പെ​സ​ഹാ​ജാ​ഗ​രം, ദീ​പാ​ര്‍​ച്ച​ന, പെ​സ​ഹാ​പ്ര​ഘോ​ഷ​ണം, ദൈ​വ വ​ച​ന​പ്ര​ഘോ​ഷ​ണം, ജ്ഞാ​ന​സ്നാ​ന ജ​ലാ​ശീ​ര്‍​വാ​ദം, ജ്ഞാ​ന സ്നാ​ന വ്ര​ത​ന​വീ​ക​ര​ണം, ഉ​യി​ര്‍​പ്പ് ദി​വ്യ​ബ​ലി. 20നു ​രാ​വി​ലെ എ​ട്ടി​ന് ദി​വ്യ​ബ​ലി എ​ന്നി​വ ന​ട​ക്കും.

നി​ര്‍​മ​ല​പു​രം പ​ള്ളി​യി​ല്‍

ചു​ങ്ക​പ്പാ​റ: ക​രു​വ​ള്ളി​ക്കാ​ട് കു​രി​ശു​മ​ല തീ​ര്‍​ഥാ​ട​ന ദേ​വാ​ല​യ​മാ​യ നി​ര്‍​മ​ല​പു​രം സെ​ന്‍റ് മേ​രീ​സ് പ​ള്ളി​യി​ല്‍ വി​ശു​ദ്ധ​വാ​ര​ത്തി​ല്‍ 40 മ​ണി​ക്കൂ​ര്‍ ആ​രാ​ധ​ന​യും വി​ശു​ദ്ധ കു​മ്പ​സാ​ര​വും നാ​ളെ വൈ​കു​ന്നേ​രം 5.30 മു​ത​ല്‍ പെ​സ​ഹാ​വ്യാ​ഴം ഉ​ച്ച​യ്ക്ക് 12 വ​രെ ക്ര​മീ​ക​രി​ക്കും.

പ​രു​മ​ല സെ​മി​നാ​രി പള്ളിയിൽ

പ​രു​മ​ല : യേ​ശു​ക്രി​സ്തു​വി​ന്‍റെ യെ​രു​ശ​ലേ​മി​ലേ​ക്കു​ള്ള രാ​ജ​കീ​യ പ്ര​വേ​ശ​ന​ത്തെ അ​നു​സ്മ​രി​ച്ച് പ​രു​മ​ല സെ​മി​നാ​രി​യി​ല്‍ ഓ​ശാ​ന​പ്പെ​രു​ന്നാ​ള്‍ ആ​ഘോ​ഷി​ച്ചു. ശു​ശ്രൂ​ഷ​ക​ള്‍​ക്ക് ഓ​ര്‍​ത്ത​ഡോ​ക്‌​സ് സ​ഭ തു​മ്പ​മ​ണ്‍ ഭ​ദ്രാ​സ​നാ​ധി​പ​ന്‍ ഡോ. ​ഏ​ബ്ര​ഹാം മാ​ര്‍ സെ​റാ​ഫിം മു​ഖ്യ​കാ​ര്‍​മി​ക​ത്വം വ​ഹി​ച്ചു. പ​രു​മ​ല സെ​മി​നാ​രി മാ​നേ​ജ​ര്‍ ഫാ. ​എ​ല്‍​ദോ​സ് ഏ​ലി​യാ​സ്, അ​സി.​മാ​നേ​ജ​ര്‍ ഫാ. ​ജെ.​മാ​ത്തു​ക്കു​ട്ടി എ​ന്നി​വ​ര്‍ സ​ഹ​കാ​ര്‍​മി​ക​രാ​യി​രു​ന്നു.

വി​ശു​ദ്ധ​വാ​ര​ത്തോ​ട​നു​ബ​ന്ധി​ച്ച യാ​മ​പ്രാ​ര്‍​ഥ​ന​ക​ളും ആ​രം​ഭി​ച്ചു. പെ​സ​ഹ​വ്യാ​ഴം പു​ല​ര്‍​ച്ചെ​യും ദുഃ​ഖ​വെ​ള്ളി​യാ​ഴ്ച രാ​വി​ലെ​യും ശു​ശ്രൂ​ഷ​ക​ള്‍ ആ​രം​ഭി​ക്കും. ഈ​സ്റ്റ​ര്‍ ശു​ശ്രൂ​ഷു​ക​ള്‍ 20നു ​പു​ല​ര്‍​ച്ചെ​യാ​ണ്. വി​ശു​ദ്ധ കു​ര്‍​ബാ​ന​യോ​ടെ സ​മാ​പി​ക്കും.

ക​ണ്ണം​പ​ള്ളി പ​ള്ളി​യി​ല്‍

റാ​ന്നി: ക​ണ്ണം​പ​ള്ളി സെ​ന്‍റ് മേ​രീ​സ് പ​ള്ളി​യി​ലെ വി​ശു​ദ്ധ​വാ​ര തി​രു​ക്ക​ര്‍​മ​ങ്ങ​ള്‍​ക്ക് ഓ​ശാ​നത്തിരു​നാ​ളോ​ടെ തു​ട​ക്ക​മാ​യി. കു​രു​ത്തോ​ല ആ​ശീ​ര്‍​വാ​ദം, പ്ര​ദ​ക്ഷി​ണം, സ​ന്ദേ​ശം, വി​ശു​ദ്ധ കു​ര്‍​ബാ​ന എ​ന്നി​വ​യ്ക്കു വി​കാ​രി ഫാ. ​ബി​ജു ചു​ള​യി​ല്ലാ​പ്ലാ​ക്ക​ല്‍ നേ​തൃ​ത്വം ന​ല്‍​കി. ഓ​ശാ​ന​യെ​ത്തു​ട​ര്‍​ന്ന് ഇ​ന്ന​ലെ ആ​രം​ഭി​ച്ച വാ​ര്‍​ഷി​ക ധ്യാ​നം ബു​ധ​നാ​ഴ്ച സ​മാ​പി​ക്കും. എ​ല്ലാ ദി​വ​സ​വും വൈ​കു​ന്നേ​രം 4.30 നാ​ണ് ധ്യാ​നം ആ​രം​ഭി​ക്കു​ക. പെ​സ​ഹാ വ്യാ​ഴം തി​രു​ക്ക​ര്‍​മ്മ​ങ്ങ​ള്‍ വൈ​കു​ന്നേ​രം 4.30നു ​തു​ട​ങ്ങും.

കാ​ല്‍​ക​ഴു​ക​ല്‍ ശു​ശ്രൂ​ഷ, വി​ശു​ദ്ധ കു​ര്‍​ബാ​ന, ആ​രാ​ധ​ന എ​ന്നി​വ​യു​ണ്ടാ​കും. ദു:​ഖ​വെ​ള്ളി​യി​ലെ തി​രു​ക്ക​ര്‍​മ​ങ്ങ​ള്‍ രാ​വി​ലെ 8.30 ന് ​കൂ​പ്പ് സെ​ന്‍റ് തോ​മ​സ് കു​രി​ശു​പ​ള്ളി​യി​ല്‍ ആ​രം​ഭി​ച്ച് വി​ശു​ദ്ധ കു​രി​ശി​ന്‍റെ വ​ഴി​യാ​യി സെ​ന്‍റ് മേ​രീ​സ് പ​ള്ളി​യി​ലേ​ക്ക് നീ​ങ്ങും. ക​ര്‍​മ​ങ്ങ​ള്‍​ക്കു ശേ​ഷം ദേ​വാ​ല​യ​ത്തി​ല്‍ സ​മാ​പി​ക്കും.

ക​രു​വാ​റ്റ മാ​ര്‍ സ്ലീ​വാ പ​ള്ളി​യി​ൽ

അ​ടൂ​ർ: ക​രു​വാ​റ്റ മാ​ര്‍ സ്ലീ​വാ സീ​റോ മ​ല​ബാ​ര്‍ ക​ത്തോ​ലി​ക്കാ പ​ള്ളി​യി​ല്‍ ഓ​ശാ​ന ശു​ശ്രൂ​ഷ​യു​ടെ ഭാ​ഗ​മാ​യി സെ​ന്‍റ് ജോ​ണ്‍ ഓ​ഫ് ഗോ​ഡ് കോ​ണ്‍​വെ​ന്‍റ് ചാ​പ്പ​ലി​ല്‍ നി​ന്നും പ്ര​ദ​ക്ഷി​ണം ന​ട​ന്നു.
തു​ട​ര്‍​ന്ന് ഓ​ശാ​ന ശു​ശ്രൂ​ഷ​യും കൂ​ര്‍​ബാ​ന​യും ന​ട​ത്തി. ഇ​ട​വ​ക വി​കാ​രി ഫാ.​ലൂ​ക്കാ വെ​ട്ടു​വേ​ലി​ക്കു​ളം കാ​ര്‍​മി​ക​ത്വം വ​ഹി​ച്ചു.

അ​ടൂ​ര്‍ സെ​ന്‍റ് ജോ​ണ്‍ ഓ​ഫ് ദ ​ക്രോ​സ് പ​ള്ളി അ​ടൂ​ര്‍ ഹോ​ളി​ക്രോ​സ് ആ​ശു​പ​ത്രി​യി​ല്‍ നി​ന്നും പ്ര​ദ​ക്ഷി​ണ​മാ​യി ദേ​വ​ലാ​യ​ത്തി​ല്‍ എ​ത്തി ഓ​ശാ​ന ശു​ശ്രൂ​ഷ​യും കു​ര്‍​ബാ​ന​യും ന​ട​ത്തി. ഇ​ട​വ​ക വി​കാ​രി ഫാ. ​ജോ​സ് വെ​ച്ചു​വെ​ട്ടി​ക്ക​ല്‍ കാ​ര്‍​മി​ക​ത്വം വ​ഹി​ച്ചു.

അ​ടൂ​ര്‍ തി​രു​ഹൃ​ദ​യ ക​ത്തോ​ലി​ക്ക പ​ള്ളി​യി​ല്‍ ഫാ. ​ശാ​ന്ത​ന്‍ ച​രു​വി​ല്‍ ഓ​ശാ​ന ശു​ശ്രൂ​ഷ​യ്ക്കും കു​ർ​ബാ​ന​യ്ക്കും കാ​ര്‍​മി​ക​ത്വം വ​ഹി​ച്ചു. ക​ണ്ണം​കോ​ട് ഓ​ര്‍​ത്ത​ഡോ​ക്‌​സ് പ​ള്ളി​യി​ലെ ശു​ശ്രു​ഷ​ക​ള്‍​ക്ക് ഫാ. ​ജൂ​വി​ന്‍ രാ​ജും ക​രു​വാ​റ്റ സെ​ന്‍റ് മേ​രീ​സ് ഓ​ര്‍​ത്ത​ഡോ​ക്‌​സ് പ​ള്ളി​യി​ലെ ശു​ശ്രു​ഷ​ക​ള്‍​ക്ക് ഇ​ട​വ​ക വി​കാ​രി ഫാ. ​ഷി​ജു ബേ​ബി​യും മു​ന്‍ വി​കാ​രി ഫാ. ​ജോ​ര്‍​ജ് വ​ര്‍​ഗീ​സും കാ​ര്‍​മി​ക​രാ​യി​രു​ന്നു.