പള്ളിയിൽ ക്വയർ പ്രാക്ടീസിനിടെ വിദ്യാർഥി കുഴഞ്ഞുവീണു മരിച്ചു
1542154
Sunday, April 13, 2025 3:41 AM IST
അമ്പലപ്പുഴ: പള്ളിയിൽ ക്വയർ പ്രാക്ടീസ് നടത്തുന്നതിനിടെ വിദ്യാർഥി കുഴഞ്ഞുവീണു മരിച്ചു. തകഴി വിരിപ്പാല തൈപ്പറമ്പിൽ ലിജോ-പ്രിയ ദമ്പതികളുടെ മകനും പച്ച ലൂർദ്മാതാ ഹയർ സെക്കൻഡറി സ്കൂൾ പ്ലസ് വൺ വിദ്യാർഥിയുമായ എഡ്വിൻ ലിജോ(16)യാണ് മരിച്ചത്.
ഈസ്റ്റർ ആഘോഷത്തിനായി തകഴി തെന്നടി സെന്റ് റീത്താസ് പള്ളിയിൽ നടന്ന ക്വയർ പ്രാക്ടീസിനിടെ ഇന്നലെ വൈകിട്ടാണ് കുഴഞ്ഞു വീണു മരിച്ചത്. അഞ്ചാം ക്ലാസ് വിദ്യാർഥി ആൽബിൻ ലിജോ ഇളയ സഹോദരനാണ്. സംസ്കാരം പിന്നീട് തകഴി- തെന്നടി സെന്റ് റീത്താസ് പള്ളിയിൽ.