പ​ത്ത​നം​തി​ട്ട: വി​ല​യി​ടി​വും ഉ​യ​ർ​ന്ന പ​രി​പാ​ല​ന ച്ചെ​ല​വും വെ​റ്റി​ലക്ക​ർ​ഷ​ക​രെ പ്ര​തി​സ​ന്ധി​യി​ലാ​ക്കു​ന്നു. അ​ന്യം​നി​ന്നു​പോ​യ വെ​റ്റി​ല കൃ​ഷി സ​ജീ​വ​മാ​കു​ന്ന​തി​നു പി​ന്നാ​ലെ​യാ​ണ് വി​ല​യി​ടി​വും ഉ​യ​ർ​ന്ന പ​രി​പാ​ല​നച്ചെ​ല​വും ഈ​റ്റ ക്ഷാ​മ​വും ക​ർ​ഷ​ക​രെ വ​ല​യ്ക്കു​ന്ന​ത്.

മാ​സ​ങ്ങ​ൾ​ക്ക് മു​ന്പു വ​രെ നൂ​റു രൂ​പ​യ്ക്ക് അ​ടു​ത്തു​കി​ട്ടി​യി​രു​ന്ന ഒ​രു കെ​ട്ട് വെ​റ്റി​ല​യ്ക്ക് ഇ​പ്പോ​ൾ 30 രൂ​പ​യും അ​തി​ൽ താ​ഴെ​യു​മാ​ണ് ല​ഭി​ക്കു​ന്ന​ത്. വ​രും ദി​വ​സ​ങ്ങ​ളി​ൽ ഇ​തു വീ​ണ്ടും കു​റ​യാ​നും സാ​ധ്യ​ത​യു​ണ്ട്.

താം​ബൂ​ല​ത്തി​നും മം​ഗ​ള​കാ​ര്യ​ങ്ങ​ൾ​ക്കും ഔ​ഷ​ധ​വു​മാ​യൊ​ക്കെ ഉ​പ​യോ​ഗി​ക്കു​ന്ന വെ​റ്റി​ല​യ്ക്ക് ന്യാ​യ​വി​ല ല​ഭി​ക്കാ​താ​യ​തോ​ടെ പ​ല​രും കൃ​ഷി ഉ​പേ​ക്ഷി​ക്കു​ന്ന അ​വ​സ്ഥ​യി​ലാ​ണ്. മ​റ്റുക​ർ​ഷ​ക​ർ​ക്ക് ല​ഭി​ക്കു​ന്ന ആ​നു​കൂ​ല്യ​ങ്ങ​ളോ വി​പ​ണി​യി​ൽ വി​ല സ്ഥി​ര​ത​യോ ഇ​വ​ർ​ക്കു ല​ഭ്യ​മ​ല്ല.

പ​ത്ത് സെ​ന്‍റി​ൽ കൃ​ഷി ഇ​റ​ക്ക​ണ​മെ​ങ്കി​ൽ അ​ര ല​ക്ഷ​ത്തോ​ളം രൂ​പ ചെ​ല​വ് വ​രു​മെ​ന്ന് ക​ർ​ഷ​ക​ർ പ​റ​യു​ന്നു. വേ​ന​ൽ​ക്കാ​ല​ത്ത് ന​ല്ല​തു​പോ​ലെ ന​ന​യ്ക്ക​ണം. ഇ​തി​നാ​യി ജ​ല​സ്രോ​ത​സു​ക​ൾ ക​ണ്ടെ​ത്ത​ണം.

ഒ​രു കെ​ട്ടി​ന് 30 രൂ​പ മാ​ത്രം

ഒ​രു കെ​ട്ട് വെ​റ്റി​ല​യ്ക്ക് ഇ​പ്പോ​ൾ 30 രൂ​പ മാ​ത്ര​മാ​ണ് വി​പ​ണി​യി​ൽ ല​ഭി​ക്കു​ന്ന​ത്. നാ​ല് അ​ടു​ക്കു​ക​ളി​ലാ​യി 20 എ​ണ്ണം വീ​തം 80 വെ​റ്റി​ല​യാ​ണ് ഒ​രു കെ​ട്ടി​ലു​ള്ള​ത്. മാ​സ​ങ്ങ​ൾ​ക്ക് മു​മ്പു​വ​രെ നൂ​റ് രൂ​പ​യോ​ട​ടു​പ്പി​ച്ച് വി​ല ല​ഭി​ക്കു​മാ​യി​രു​ന്നു.

കൊ​റോ​ണ സ​മ​യ​ത്ത് 240 - 300 രൂ​പ വ​രെ ല​ഭി​ച്ചി​രു​ന്നു. ശ​ബ​രി​മ​ല തീ​ർ​ഥാ​ട​ന​കാ​ല​ത്തും വി​ല ഉ​യ​രാ​റു​ണ്ട്. ഉ​ത്പാ​ദ​നം കൂ​ടി​യ​താ​ണ് വി​ല കു​റ​യാ​ൻ കാ​ര​ണ​മെ​ന്നാ​ണ് മൊ​ത്ത വ്യാ​പാ​രി​ക​ൾ പ​റ​യു​ന്ന​ത്. വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ങ്ങ​ളെ തു​ട​ർ​ന്ന് മ​റ്റ് കൃ​ഷി​ക​ൾ ഉ​പേ​ക്ഷി​ച്ച് പ​ല​രും വെ​റ്റി​ല​ക്കൊ​ടി കൃ​ഷി ചെ​യ്യാ​ൻ തു​ട​ങ്ങി. ഇ​തോ​ടെ ഉ​ത്പാ​ദ​നം വ​ർ​ധി​ക്കു​ക​യും വി​ല കു​റ​യു​ക​യും ചെ​യ്തു.

നൂ​റു കെ​ട്ട് വെ​റ്റി​ല വി​റ്റാ​ൽ മൂ​വാ​യി​ര​ത്തോ​ളം രൂ​പ മാ​ത്ര​മാ​ണ് ഇ​പ്പോ​ൾ ല​ഭി​ക്കു​ന്ന​ത്. തൊ​ഴി​ലാ​ളി​കു​ടെ കൂ​ലി​യും പ​രി​പാ​ല​നച്ചെ​ല​വും നോ​ക്കി​യാ​ൽ ത​ങ്ങ​ൾ​ക്ക് ഒ​ന്നും കി​ട്ടാ​നി​ല്ലെ​ന്ന് ക​ർ​ഷ​ക​ർ പ​റ​യു​ന്നു.

വി​പ​ണി​യി​ൽ വെ​റ്റി​ല​യ്ക്ക് വി​ല സ്ഥി​ര​ത വേ​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം. ച​ന്ത​യി​ൽ പു​ല​ർ​ച്ച​യാ​ണ് വെ​റ്റി​ല വ്യാ​പാ​രം ന​ട​ക്കു​ന്ന​ത്. ത​മി​ഴ്നാ​ട്ടി​ൽ​നി​ന്നും വ​ട​ക്ക​ൻ ജി​ല്ല​ക​ളി​ൽ​നി​ന്നു​മാ​ണ് പ്ര​ധാ​ന​മാ​യും വ്യാ​പാ​രി​ക​ൾ എ​ത്തു​ന്ന​ത്. ചു​രു​ക്കം ചി​ല ക​ർ​ഷ​ക​രി​ൽ​നി​ന്ന് ഉ​യ​ർ​ന്ന വി​ല ന​ൽ​കി വാ​ങ്ങി​യ ശേ​ഷം വി​ല​യി​ടി​ക്കും.

പി​ന്നീ​ടെ​ത്തു​ന്ന ക​ർ​ഷ​ക​ർ ഇ​വ​ർ പ​റ​യു​ന്ന വി​ല​യ്ക്ക് വെ​റ്റി​ല ന​ൽ​കേ​ണ്ട​താ​യി വ​രും. മ​റ്റ് വി​പ​ണി​ക​ളെ​പ്പോ​ലെ വെ​റ്റി​ല വി​പ​ണി​യി​ലും സ​ർ​ക്കാ​ർ നി​യ​ന്ത്ര​ണ​മു​ണ്ടാ​ക​ണ​മെ​ന്നും ക​ർ​ഷ​ക​ർ ആ​വ​ശ്യ​പ്പെ​ടു​ന്നു.

പ​ത്ത​നം​തി​ട്ട ജി​ല്ല​യി​ൽ വെ​റ്റി​ല​യ്ക്കു വി​പ​ണി​യും ന​ന്നേ കു​റ​വാ​ണ്. പ​റ​ക്കോ​ട് മാ​ത്ര​മാ​ണ് ഇ​പ്പോ​ൾ സ​ജീ​വ​മാ​യി നി​ല​നി​ൽ​ക്കു​ന്ന വി​പ​ണി. മു​ന്പ് റാ​ന്നി, മ​ല്ല​പ്പ​ള്ളി മാ​ർ​ക്ക​റ്റു​ക​ളി​ൽ വെ​റ്റി​ല വ്യാ​പാ​രം സ​ജീ​വ​മാ​യി ന​ട​ന്നി​രു​ന്നു. ക​ർ​ഷ​ക​രി​ൽ ന​ല്ലൊ​രു പ​ങ്കും പി​ൻ​മാ​റി​യ​തോ​ടെ വെ​റ്റി​ലത്തോട്ട​ങ്ങ​ളും കു​റ​ഞ്ഞു.