പ​ത്ത​നം​തി​ട്ട: ഓ​ടി​വ​ന്ന കൂ​റ്റ​ന്‍ ട്രെ​യി​ല​റി​ന്‍റെ ട​യ​ര്‍ വ​ലി​യ ശ​ബ്ദ​ത്തോ​ടെ പൊ​ട്ടി​ത്തെ​റി​ച്ചു. പി​ന്നാ​ലെ ട​യ​റി​ന്‍റെ ഭാ​ഗ​ത്ത് തീ ​ആ​ളി​പ്പ​ട​ര്‍​ന്നു. പെ​ട്രോ​ള്‍ പ​മ്പി​ന് മു​ന്പി​ൽ വാ​ഹ​നം ക​ത്തി​യെ​ങ്കി​ലും നാ​ട്ടു​കാ​രും ഫ​യ​ര്‍​ഫോ​ഴ്‌​സും മനഃ​സാ​ന്നി​ധ്യം കൈ​വി​ടാ​തെ പ​രി​ശ്ര​മി​ച്ച് അ​ഗ്നി​ബാ​ധ ഒ​ഴി​വാക്കി.

പ​ത്ത​നം​തി​ട്ട-​മൈ​ല​പ്ര റോ​ഡി​ൽ പെ​ട്രോ​ള്‍ പ​മ്പി​ന് മു​ന്നി​ല്‍ ഇ​ന്ന​ലെ ഉ​ച്ച​യ്ക്ക് 12.10നാ​ണ് സം​ഭ​വം. വാ​ഹ​ന​ത്തി​ന്‍റെ പ​ഴ​യ ട​യ​റു​ക​ളി​ലൊ​ന്ന് പൊ​ട്ടി​ത്തെ​റി​ക്കു​ക​യും തീ ​പി​ടി​ച്ച് ആ​ളി​ക്ക​ത്തു​ക​യു​മാ​യി​രു​ന്നു. തൊ​ട്ട​ടു​ത്ത പ​മ്പി​ല്‍​നി​ന്ന് അ​ഗ്നി​ശ​മ​ന ഉ​പ​ക​ര​ണ​മെ​ത്തി​ച്ച് തീ ​അ​ണ​യ്ക്കാ​ൻ നാ​ട്ടു​കാ​ര്‍ ശ്ര​മി​ച്ചെ​ങ്കി​ലും ഫ​ല​മു​ണ്ടാ​യി​ല്ല. ഉ​ട​ന്‍ ത​ന്നെ അ​ഗ്നി​ശ​മ​ന​സേ​ന സ്ഥ​ല​ത്തെ​ത്തി തീ ​നി​യ​ന്ത്ര​ണ വി​ധേ​യ​മാ​ക്കി.

ദേ​ശീ​യ​പാ​താ വി​ക​സ​ന​ത്തി​നു​ള്ള നി​ര്‍​മാ​ണ സാ​മ​ഗ്രി​ക​ള്‍ എ​ടു​ക്കാ​ന്‍ വ​ന്ന വാ​ഹ​ന​ത്തി​ന്‍റെ ട​യ​റാ​ണ് പൊ​ട്ടി​ത്തെ​റി​ച്ച​ത്. മെ​റ്റ​ലും എംസാ​ൻഡും ക​യ​റ്റു​ന്ന​തി​നു വേ​ണ്ടി​യാ​ണ് വാ​ഹ​നം എ​ത്തി​ച്ച​തെ​ന്ന് ഡ്രൈ​വ​ര്‍ പ്രേ​മ​ന്‍ നാ​യ​ര്‍ പ​റ​ഞ്ഞു. ഡ്രൈ​വ​ര്‍ മാ​ത്ര​മാ​ണ് വാ​ഹ​ന​ത്തി​ലു​ണ്ടാ​യി​രു​ന്ന​ത്.

ട​യ​റി​നു​ള്ളി​ലെ കോ​ട്ട് ചെ​യ്ത ക​മ്പി​ക​ള്‍ പൊ​ട്ടി​ത്തെ​റി​യു​ടെ ആ​ഘാ​ത​ത്തി​ല്‍ ഉ​ര​ഞ്ഞാ​ണ് തീ ​പ​ട​ര്‍​ന്ന​തെ​ന്നും ഒ​രു ട​യ​ര്‍ മാ​ത്ര​മാ​ണ് ക​ത്തി​യ​തെ​ന്നും ഡ്രൈ​വ​ര്‍ പ​റ​ഞ്ഞു. സാ​ധാ​ര​ണ ഇ​ങ്ങ​നെ ഉ​ണ്ടാ​കാ​റു​ള്ള​താ​ണെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു. നാ​ട്ടു​കാ​ര്‍ ഇ​ത് ആ​ദ്യ​മാ​യി കാ​ണു​ന്ന​തു കൊ​ണ്ടാ​ണ് പ​രി​ഭ്രാ​ന്തി ഉ​ണ്ടാ​യ​തെ​ന്നും ഡ്രൈ​വ​ര്‍ പ​റ​ഞ്ഞു.