തി​രു​വ​ല്ല : സം​സ്ഥാ​ന മാ​ലി​ന്യ​മു​ക്ത ന​വ​കേ​ര​ള കാ​ന്പയി​ന്‍റെ ഭാ​ഗ​മാ​യി പൊ​തു വി​ദ്യാ​ഭ്യാ​സ വ​കു​പ്പി​ന്‍റെ​യും കൈ​റ്റി​ന്‍റെ​യും നേ​തൃ​ത്വ​ത്തി​ൽ ജി​ല്ല​യി​ലെ മു​ഴു​വ​ൻ സ്കൂ​ളു​ക​ളി​ൽ​നി​ന്ന് ഇ-​മാ​ലി​ന്യം ശേ​ഖ​രി​ച്ച്‌ ക്ലീ​ൻ കേ​ര​ള ക​മ്പ​നി​ക്ക് കൈ​മാ​റു​ന്ന പ​രി​പാ​ടി​ക്ക് തു​ട​ക്ക​മാ​യി. ജി​ല്ല​യി​ലെ സ്കൂ​ളു​ക​ളി​ൽ​നി​ന്ന് കൈ​റ്റി​ന്‍റെ ഇ-വേ​സ്റ്റ് മാ​നേ​ജ്മെ​ന്‍റ് ആ​ൻ​ഡ് ഡി​സ്പോ​സ​ൽ പോ​ർ​ട്ട​ൽ വ​ഴി​യാ​ണ് ഇ-​മാ​ലി​ന്യ​ത്തി​ന്‍റെ വി​വ​ര​ശേ​ഖ​ര​ണം ന​ട​ത്തി​യ​ത്. 35 ട​ൺ ഇ-​മാ​ലി​ന്യ​ങ്ങ​ളാ​ണ് ക്ലീ​ൻ കേ​ര​ള ക​മ്പ​നി​ക്ക് കൈ​മാ​റു​ന്ന​ത്.

വ​ർ​ഷ​ങ്ങ​ളാ​യി സ്കൂ​ളു​ക​ളി​ൽ ഉ​പ​യോ​ഗശൂ​ന്യ​മാ​യി കെ​ട്ടി​ക്കി​ട​ന്ന ഇ-​മാ​ലി​ന്യ​ങ്ങ​ളാ​ണ് വി​ദ്യാ​ഭ്യാ​സ ഉ​പ​ഡ​യ​റ​ക്ട​റു​ടെ​യും കൈ​റ്റി​ന്‍റെ​യും ഇ​ട​പെ​ട​ലി​ലൂ​ടെ നീ​ക്കം ചെ​യ്യു​ന്ന​ത്. ജി​ല്ല​യി​ലെ 22 ക്ല​സ്റ്റ​ർ സ്കൂ​ളു​ക​ളി​ലേ​ക്ക് ഇ-​മാ​ലി​ന്യ​ങ്ങ​ൾ സ്കൂ​ളു​ക​ളി​ൽ​നി​ന്ന് ശേ​ഖ​രി​ച്ചി​ട്ടു​ണ്ട്. അ​വി​ടെ​നി​ന്നാ​ണ് ത​ദ്ദേ​ശവ​കു​പ്പി​ന്‍റെ ക്ലീ​ൻ കേ​ര​ള ക​മ്പ​നി നീ​ക്കം ചെ​യ്യു​ന്ന​ത്. പ​രി​പാ​ടി​യു​ടെ ജി​ല്ലാത​ല ഉ​ദ്ഘാ​ട​നം തി​രു​വ​ല്ല ബാ​ലി​കാ​മ​ഠം ഹയ​ർ സെ​ക്ക​ൻ​ഡ​റി സ്കൂ​ളി​ൽ ന​ട​ന്നു. വി​ദ്യാ​ഭ്യാ​സ ഉ​പ​ഡ​യ​റ​ക്ട​ർ ബി.​ ആർ. അ​നി​ല വാ​ഹ​ന​ത്തി​ന്‍റെ ഫ്ലാ​ഗ് ഓ​ഫ് നി​ർ​വ​ഹി​ച്ചു.