പ​ത്ത​നം​തി​ട്ട: ജി​ല്ലാ പ​ഞ്ചാ​യ​ത്തി​ന്‍റെ 2025 - 26ലേ​ക്കു​ള്ള വാ​ർ​ഷി​ക പ​ദ്ധ​തി​യു​ടെ ക​ര​ടു രേ​ഖ​പോ​ലും ന​ൽ​കാ​തെ അം​ഗീ​കാ​രം തേ​ടി​യ​തി​നെ​തി​രേ പ്ര​തി​പ​ക്ഷം. പ​ദ്ധ​തി അം​ഗീ​ക​രി​ക്കാ​ൻ ക​ഴി​ഞ്ഞ​ദി​വ​സം ന​ട​ത്തി​യ വി​ക​സ​ന സെ​മി​നാ​റി​ൽ പ​ങ്കെ​ടു​ത്ത​വ​ർ​ക്ക് ക​ര​ടു​രേ​ഖ വി​ത​ര​ണം ചെ​യ്തി​ല്ല.

ഇ​തു​കാ​ര​ണം പ​ദ്ധ​തി​ക​ൾ ച​ർ​ച്ച ചെ​യ്യാ​നോ തു​ക​യി​ൽ വ്യ​ത്യാ​സം വ​രു​ത്താ​നോ ക​ഴി​ഞ്ഞി​ല്ല. ജി​ല്ലാ പ​ഞ്ചാ​യ​ത്ത് അം​ഗ​ങ്ങ​ൾ, ആ​സൂ​ത്ര​ണ സ​മി​തി അം​ഗ​ങ്ങ​ൾ, ബ്ലോ​ക്ക് ഗ്രാ​മ പ​ഞ്ചാ​യ​ത്ത് ഭാ​ര​വാ​ഹി​ക​ൾ, ഉ​ദ്യോ​ഗ​സ്ഥ​ർ എ​ന്നി​വ​ര​ട​ക്കം നൂ​റി​ലേ​റെ അം​ഗ​ങ്ങ​ൾ പ​ങ്കെ​ടു​ക്കേ​ണ്ട സെ​മി​നാ​റി​ന് എ​ത്തി​യ​ത് പ​കു​തി​യോ​ളം പേ​രാ​ണ്.

ക​ര​ടു​രേ​ഖ പ്രി​ന്‍റിം​ഗി​ന് കൊ​ടു​ത്തി​രി​ക്കു​ക​യാ​ണെ​ന്ന് ജി​ല്ലാ പ​ഞ്ചാ​യ​ത്ത് വി​ക​സ​ന സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ൺ വി​ശ​ദീ​ക​രി​ച്ചു. വി​ക​സ​ന സെ​മി​നാ​റി​ൽ ക​ര​ടു​രേ​ഖ അം​ഗ​ങ്ങ​ൾ​ക്ക് വി​ത​ര​ണം ചെ​യ്യ​ണ​മെ​ന്നാ​ണ് ച​ട്ടം. എ​ന്നാ​ൽ, ക​ര​ടു​രേ​ഖ​യു​ടെ ഒ​രു കോ​പ്പി സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ൺ സെ​മി​നാ​റി​ൽ വാ​യി​ച്ച് അം​ഗീ​കാ​രം തേ​ടു​ക​യാ​യി​രു​ന്നു. പ​ദ്ധ​തി​ക​ൾ എ​ന്തൊ​ക്കെ​യാ​ണെ​ന്ന് അം​ഗ​ങ്ങ​ൾ​ക്ക് അ​റി​യാ​ൻ സാ​ധി​ച്ചി​ല്ല.

പു​തി​യ സാ​മ്പ​ത്തി​ക വ​ർ​ഷ​ത്തേ​ക്ക് കൃ​ഷി, ശു​ചി​ത്വം, വി​ദ്യാ​ഭ്യാ​സം, കെ​ട്ടി​ട നി​ർ​മാ​ണം, മാ​ലി​ന്യ സം​സ്ക​ര​ണം, എ​ബി​സി തു​ട​ങ്ങി 13 മേ​ഖ​ല​ക​ൾ​ക്കു​ള്ള പ​ദ്ധ​തി​ക​ൾ ച​ർ​ച്ച ചെ​യ്യാ​തെ അം​ഗീ​ക​രി​ച്ചു. ക​ഴി​ഞ്ഞ 15ന് ​മു​ൻ​പ് പ​ദ്ധ​തി​രേ​ഖ സ​മ​ർ​പ്പി​ക്ക​ണ​മെ​ന്ന് സ​ർ​ക്കാ​ർ നി​ർ​ദേ​ശ​മു​ണ്ടാ​യി​രു​ന്നു. ഇ​തേ തു​ട​ർ​ന്ന് രേ​ഖ ത​യാ​റാ​ക്കി വാ​യി​ക്കു​ക​യാ​യി​രു​ന്നു.

ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് സ്ഥാ​ന​ത്തു​ണ്ടാ​യ തു​ട​ർ​ച്ച​യാ​യ മാ​റ്റ​ങ്ങ​ൾ കാ​ര​ണ​മാ​ണ് വി​ക​സ​ന പ​ദ്ധ​തി​ക​ൾ ശ​രി​യാ​യ നി​ല​യി​ൽ ച​ർ​ച്ച ചെ​യ്യാ​തെ അം​ഗീ​ക​രി​ക്കേ​ണ്ടി വ​ന്ന​തെ​ന്ന് പ്ര​തി​പ​ക്ഷാം​ഗ​ങ്ങ​ൾ ആ​രോ​പി​ച്ചു മൂ​ന്ന് വ​ർ​ഷം പ്രസിഡന്‍റ് സ്ഥാ​നം വ​ഹി​ച്ച ഓ​മ​ല്ലൂ​ർ ശ​ങ്ക​ര​ന് പി​ന്നാ​ലെ രാ​ജി പി.​രാ​ജ​പ്പ​ൻ ഒ​രു വ​ർ​ഷ​ത്തോ​ളം പ​ദ​വി​യി​ലി​രു​ന്നു.

എ​ൽ​ഡി​എ​ഫി​ലെ ധാ​ര​ണ പ്ര​കാ​രം രാ​ജി പി. ​രാ​ജ​പ്പ​ൻ രാ​ജി​വ​ച്ച ശേ​ഷം ര​ണ്ടാ​ഴ്ച​യോ​ളം പ്ര​സി​ഡ​ന്‍റി​ല്ലാ​തി​രു​ന്ന​ത് പ​ദ്ധ​തി രേ​ഖ ത​യാ​റാ​ക്കു​ന്ന​ത് വൈ​കാ​ൻ കാ​ര​ണ​മാ​യി. ക​ഴി​ഞ്ഞ ഏ​ഴി​ന് ജോ​ർ​ജ് ഏ​ബ്ര​ഹാം പ്ര​സി​ഡ​ന്റാ​യ ശേ​ഷം പ​ദ്ധ​തി രേ​ഖ പെ​ട്ടെ​ന്നു ത​യാ​റാ​ക്കു​ക​യാ​യി​രു​ന്നു.

ത​ട്ടി​ക്കൂ​ട്ട് രേ​ഖ അ​വ​ത​രി​പ്പി​ച്ച് അം​ഗീ​കാ​രം വാ​ങ്ങി​യ ഭ​ര​ണ​സ​മി​തി​ക്ക് ഇ​തു ന​ട​പ്പാ​ക്കാ​നു​ള്ള താ​ത്പ​ര്യ​മി​ല്ലെ​ന്ന് പ്ര​തി​പ​ക്ഷാം​ഗം സി. ​കൃ​ഷ്ണ​കു​മാ​ർ കു​റ്റ​പ്പെ​ടു​ത്തി.