തി​രു​വ​ല്ല: എം​സി റോ​ഡി​ൽ മു​ത്തൂ​രി​ൽ മൂ​ന്ന് കെ​എ​സ്ആ​ർ​ടി​സി ബ​സു​ക​ൾ കൂ​ട്ടി​യി​ടി​ച്ചു. അ​പ​ക​ട​ത്തി​ൽ സ്ത്രീ​ക​ൾ ഉ​ൾ​പ്പെ​ടെ 16 യാ​ത്ര​ക്കാ​ർ​ക്ക് പ​രി​ക്ക്. ഇ​ന്ന​ലെ വൈ​കു​ന്നേ​രം മു​ത്തൂ​ർ എ​സ്എ​ൻ​ഡി​പി സ​ര​സ്വ​തി ക്ഷേ​ത്ര​ത്തി​ന് സ​മീ​പ​മാ​യി​രു​ന്നു അ​പ​ക​ടം.

ച​ങ്ങ​നാ​ശേ​രി ഭാ​ഗ​ത്തു​നി​ന്നു തി​രു​വ​ല്ല ഭാ​ഗ​ത്തേ​ക്ക് ഒ​രേ ദി​ശ​യി​ൽ എ​ത്തി​യ ബ​സു​കളാ​ണ് ഒ​ന്നി​നു​പി​റ​കെ ഒ​ന്നാ​യി ഇ​ടി​ച്ച​ത്. ച​ങ്ങ​നാ​ശേ​രി ഭാ​ഗ​ത്തു​നി​ന്നു തി​രു​വ​ല്ല ഭാ​ഗ​ത്തേ​ക്ക് വ​ന്ന കെ​എ​സ്ആ​ർ​ടി​സി ബ​സ് കു​റു​കെ വെ​ട്ടി​ച്ച ഓ​ട്ടോ​റി​ക്ഷ​യി​ൽ ഇ​ടി​ക്കാ​തി​രി​ക്കാ​ൻ പെ​ട്ടെ​ന്ന് ബ്രേ​ക്ക് ഇ​ട്ടു. ഇ​തി​ന് പി​ന്നാ​ലെ എ​ത്തി​യ കൊ​ല്ല​ത്തേ​ക്ക് പോ​കു​ക​യാ​യി​രു​ന്ന ബ​സ് പി​ന്നി​ൽ ഇ​ടി​ച്ചു.

തൊ​ട്ടു പി​ന്നാ​ലെ എ​ത്തി​യ തി​രു​വ​ന​ന്ത​പു​രം സൂ​പ്പ​ർ​ഫാ​സ്റ്റ് ബ​സ് കൊ​ല്ല​ത്തേ​ക്ക് പോ​യി​രു​ന്ന ബ​സി​നു പി​ന്നി​ലും ഇ​ടി​ക്കു​ക​യാ​യി​രു​ന്നു. അ​പ​ക​ട​ത്തി​ൽ​പ്പെ​ട്ട​വ​രെ ര​ണ്ട് ആം​ബു​ല​ൻ​സു​ക​ളി​ലാ​യി തി​രു​വ​ല്ല ടി​എം​എം ആ​ശു​പ​ത്രി​യി​ലേ​ക്ക് മാ​റ്റി. ആ​രു​ടെ​യും പ​രി​ക്ക് ഗു​രു​ത​ര​മ​ല്ലെ​ന്ന് ആ​ശു​പ​ത്രി അ​ധി​കൃ​ത​ർ പ​റ​ഞ്ഞു.