ADVERTISEMENT

ADVERTISEMENT

മതഭ്രാന്ത് അംഗീകരിക്കില്ല : ബിനോയ് വിശ്വം

ചാത്തന്നൂർ: കാഷ്മീരിൽ വർഗീയവാദികളായ മതഭീകരർ അഴിഞ്ഞാടുകയായിരുന്നു. എല്ലാ മതങ്ങളെയും അംഗീകരിക്കുന്നു എന്നാൽ മതഭ്രാന്തിനെയും മതതീവ്രവാദത്തേയും കമ്യൂണിസ്റ്റ് പാർട്ടി അംഗീകരിക്കില്ലെന്ന് സിപിഐ സംസ്ഥാന സെക്രട്ടറി ബിനോയ് വിശ്വം.

ചിറക്കരയിൽ രക്തസാക്ഷി ഉളിയനാട് രാജേന്ദ്രകുമാർ സ്മാരക മന്ദിരം ഉദ്ഘാടനം ചെയ്തു പ്രസംഗികയായിരുന്നു അദ്ദേഹം. സംഘാടക സമിതി ചെയർപേഴ്സൺ മായ സുരഷ് അധ്യക്ഷത വഹിച്ചു.

മുൻ എംഎൽഎ എൻ.അനിരുദ്ധൻ,സംസ്ഥന കമ്മറ്റി അംഗം അഡ്വ.ജി. ലാലു, ജി. എസ്. ജയലാൽ എംഎൽഎ, സിപിഎം ഏരിയ സെക്രട്ടി പി.വി.സത്യൻ, സിപി ഐ ചാത്തന്നൂർ മണ്ഡലം സെക്രട്ടറി അഡ്വ.ആർ. ദിലീപ് കുമാർ എന്നിവർ പ്രസംഗിച്ചു.

ADVERTISEMENT

മുസാവരി ബംഗ്ലാവിന് ശാപമോക്ഷം ; നവീകരണ ജോലികൾ തുടങ്ങി

കൊട്ടാരക്കര: പൊതുമരാമത്ത് വകുപ്പിന് കീഴിലുള്ള മുസാവരി ബംഗ്ലാവിന് ശാപമോക്ഷം. മന്ത്രി കെ.എൻ.ബാലഗോപാൽ ഇടപെട്ട് അനുവദിച്ച 25 ലക്ഷം രൂപ വിനിയോഗിച്ച് നവീകരണ ജോലികൾ തുടങ്ങി. മഹാത്മാഗാന്ധി വിശ്രമിച്ച സ്ഥലമെന്ന നിലയിലാണ് ബംഗ്ലാവിന് ചരിത്ര പ്രാധാന്യം ലഭിച്ചത്. പഴമയുടെ തനിമ ചോരാതെയുള്ള നവീകരണമാണ് ലക്ഷ്യമിടുന്നത്. മേൽക്കൂര പൊളിച്ചുമാറ്റി. മഴക്കാലമെത്തും മുമ്പ് നവീകരണം പൂർത്തിയാക്കുകയാണ് ലക്ഷ്യം. നൂറ്റാണ്ടുകൾക്ക് മുന്പ് നിർമിച്ചതാണ് ഈ കെട്ടിടം. കടലായ്മന മഠം വകയായിരുന്ന കൊട്ടാരക്കര തൃക്കണ്ണമംഗൽ ക്ഷേത്രം പൊതുജനങ്ങൾക്കായി തുറന്നു നൽകാനാണ് ഗാന്ധിജി കൊട്ടാരക്കരയിലെത്തിയത്. മുസാവരി ബംഗ്ലാവിലെ വിശ്രമത്തിന് ശേഷം 1937 ജനുവരി 21ന് പുലർച്ചെ ഇവിടെ നിന്ന് പുറപ്പെട്ട ഗാന്ധിജി കാൽനടയായിട്ടാണ് ക്ഷേത്രത്തിലെത്തിയതും പൊതുജനങ്ങൾക്കായി തുറന്നുകൊടുത്തതും. പൊതുമരാമത്ത് വകുപ്പിന്‍റെ ഉടമസ്ഥതയിൽ ഗസ്റ്റ് ഹൗസിന് മുന്നിലുള്ള ഈ കെട്ടിടത്തിലാണ് ഇടക്കാലത്ത് മജിസ്ട്രേറ്റ് കോടതിയും അതിന് ശേഷം റൂറൽ ജില്ലാ പോലീസിന്‍റെ ടെലി കമ്മ്യൂണിക്കേഷൻ വിഭാഗവും പ്രവർത്തിച്ചിരുന്നത്. പിന്നീട് തീർത്തും തകർച്ചയിലായി. ഓടുമേഞ്ഞ മേൽക്കൂരയ്ക്ക് മുകളിൽ പ്ലാസ്റ്റിക് ഷീറ്റുകൾ വലിച്ചുകെട്ടിയാണ് മഴ നനയാത്ത സംവിധാനമുണ്ടാക്കിയത്. ഇപ്പോഴാണ് തകർച്ചയ്ക്ക് പരിഹാരമാകുന്നത്. കൊട്ടാരക്കരയിൽ ഗസ്റ്റ് ഹൗസിന് സമീപത്തായി പൊതുമരാമത്ത് വകുപ്പിന്‍റെ വിശ്രമ കേന്ദ്രം നിർമിക്കാനും പദ്ധതിയുണ്ട്. മന്ത്രി കെ.എൻ.ബാലഗോപാൽ സംസ്ഥാന ബജറ്റിൽ ഉൾപ്പെടുത്തി അഞ്ച് കോടി രൂപ ഇതിനായി അനുവദിച്ചു.

കുട്ടിപ്പോലീസ് പാസിംഗ് ഔട്ട് പരേഡ് നടത്തി

ചാത്തന്നൂർ : കുട്ടിപ്പോലീസ് പാസിംഗ് ഔട്ട് പരേഡ് നട ത്തി. 110 ആൺകുട്ടികളും 110 പെൺകുട്ടികളും പരേഡിൽ പങ്കെടുത്തപ്പോൾ കാണാൻ എത്തിയ രക്ഷിതാക്കൾക്ക് അഭിമാന നിമിഷം. ചാത്തന്നൂർ സബ് ഡിവിഷനിലെ ജി എച്ച്എസ് ചിറക്കര, അമൃത എച്ച്എസ്എസ് പാരിപ്പള്ളി, എഴിപ്പുറം എച്ച്എസ്എസ്, ജിഎച്ച്എസ്എസ് ചാത്തന്നൂർ, എസ്എൻവിജിഎച്ച്എസ് പരവൂർ എന്നീ വിദ്യാലയങ്ങളിലെ സ്റ്റുഡന്‍റ് പോലീസ് കേഡറ്റ് സീനിയർ ബാച്ചിന്‍റെ സംയുക്ത പാസിംഗ് ഔട്ട് പരേഡ് ചിറക്കര സ്കൂൾ ഗ്രൗണ്ടിൽ നടന്നു. മന്ത്രി ജെ. ചിഞ്ചു റാണി സല്യൂട്ട് സ്വീകരിച്ചു. ജി.എസ്.ജയലാൽ എംഎൽഎ, സിറ്റി പോലീസ് കമ്മീഷണർ കിരൺ നാരായണൻ, അഡിഷണൽ എസ്പി ജീജി, പാരിപ്പള്ളി എസ്എച്ച്ഒ നിസാർ തുടങ്ങിയവർ പാസിംഗ് ഔട്ട്‌ പരേഡിന് സാക്ഷിയാകുവാൻ ഉണ്ടായിരുന്നു.

അഞ്ചലിൽ പഞ്ചായത്ത് അംഗത്തിന്‍റെ കാര്‍ അപകടത്തില്‍പ്പെട്ടു

അഞ്ചൽ : പഞ്ചായത്ത് അംഗം ഓടിച്ചിരുന്ന കാര്‍ അപകടത്തില്‍പ്പെട്ടു. അഞ്ചല്‍ പഞ്ചായത്ത് അംഗം ആനന്ദി ഓടിച്ചിരുന്ന കാറാണ് ഇന്നലെ വൈകുന്നേരം 3.30ഓടെ അപകടത്തില്‍പ്പെട്ടത്. അഞ്ചല്‍ പുനലൂര്‍ റോഡില്‍ അമ്പലംമൂക്കില്‍ വച്ചായിരുന്നു അപകടം. കനത്ത മഴയില്‍ പെട്ടെന്നു ബ്രേക്ക് ഇട്ടതോടെ നിയന്ത്രണംവിട്ട കാര്‍ സമീപത്തെ വൈദ്യുതി പോസ്റ്റിലേക്ക് ഇടിച്ചുകയറുകയായിരുന്നു. ആനന്ദി നിസാരമായ പരിക്കുകളോടെ രക്ഷപ്പെട്ടു. കാറിന്‍റെ മുന്‍വശം പൂര്‍ണമായും തകര്‍ന്നു. വൈദ്യുതി പോസ്റ്റും തകര്‍ന്നിട്ടുണ്ട്. അഞ്ചല്‍ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. കെഎസ്ഇബി അധികൃതര്‍ സ്ഥലത്തെത്തി വൈദ്യുതി പോസ്റ്റും ലൈനുകളും മാറ്റാനുള്ള നടപടികള്‍ സ്വീകരിച്ചിട്ടുണ്ട്

റെയിൽവേ അടിസ്ഥാനസൗകര്യ വികസനത്തിൽ ഗണ്യമായ പുരോഗതി: കൊടിക്കുന്നിൽ സുരേഷ് എംപി

കൊല്ലം: യാത്രക്കാരുടെ സൗകര്യങ്ങൾ, സ്റ്റേഷൻ സൗകര്യങ്ങൾ, മൊത്തത്തിലുള്ള സേവന നിലവാരം എന്നിവ ലക്ഷ്യമിട്ട് റെയിൽവേ അടിസ്ഥാന സൗകര്യ വികസന പദ്ധതികൾ മാവേലിക്കര ലോക്സഭാ മണ്ഡലത്തിൽ ഉടനീളം നടന്നുവരികയാണെന്ന് കൊടിക്കുന്നിൽ സുരേഷ് എംപി. കൊട്ടാരക്കര റെയിൽവേ സ്‌റ്റേഷനിൽ രണ്ട് ലിഫ്റ്റുകൾ സ്ഥാപിക്കൽ, പ്ലാറ്റ്‌ഫോം ഷെൽട്ടറുകൾ 80 മീറ്ററോളം നീട്ടൽ, വെയ്റ്റിംഗ് ഹാൾ ഗ്രാനൈറ്റ് ഫ്‌ളോറിംഗ് എന്നിവയടക്കം നവീകരിച്ചു. പുതിയ വാട്ടർ കൂളർ, മെച്ചപ്പെടുത്തിയ സിഎസ്‌സി പാർക്കിംഗ് സൗകര്യങ്ങൾ, സ്റ്റെയിൻലെസ് സ്റ്റീൽ ബെഞ്ചുകൾ സ്ഥാപിക്കൽ, പുതിയ കാറ്ററിംഗ് സ്റ്റാൾ കമ്മീഷൻ ചെയ്യൽ, ദിവ്യാംഗ സൗഹൃദ ടോയ്‌ലറ്റ് ബ്ലോക്കിൻ്റെ നിർമാണം തുടങ്ങിയ അധിക നടപടികൾ യാത്രക്കാരുടെ സൗകര്യം ഗണ്യമായി വർധിപ്പിച്ചു. എഴുകോൺ, ആവണീശ്വരം, കുരി ഹാൾട്ട് സ്റ്റേഷനുകളിലും അടിസ്ഥാന സൗകര്യങ്ങൾ മെച്ചപ്പെടുത്തിയിട്ടുണ്ട്. മിനി ഷെൽട്ടറുകൾ നിർമിക്കുന്നതിനും പേ ആൻ്റ് യൂസ് ടോയ്‌ലറ്റ് ബ്ലോക്ക് കമ്മീഷൻ ചെയ്യുന്നതിനും എഴുകോൺ സ്റ്റേഷൻ സാക്ഷ്യം വഹിച്ചു. ആവണീശ്വരം സ്റ്റേഷനിൽ പ്ലാറ്റ്ഫോം ഷെൽട്ടറുകളുടെ വിപുലീകരണം, പുതിയ ഫുട്ട് ഓവർബ്രിഡ്ജ് (എഫ്ഒബി), ആർസിസി ബെഞ്ചുകൾ സ്ഥാപിക്കൽ, സിഎസ്‌സി പാർക്കിംഗ് സൗകര്യങ്ങളുടെ വിപുലീകരണം, ദിവ്യാംഗ സൗഹൃദ ടോയ്‌ലറ്റ് സ്ഥാപിക്കൽ എന്നിവ ഉൾപ്പെടുന്നു. മിനി ഷെൽട്ടറുകളുടെ നിർമാണം, പാർക്കിംഗ് സൗകര്യങ്ങൾ മെച്ചപ്പെടുത്തൽ, പുതിയ ഇരിപ്പിട സൗകര്യങ്ങൾ എന്നിവ കുരി ഹാൾട്ട് സ്റ്റേഷനിൽ പ്രാവർത്തികമാക്കി. നിരവധി സുപ്രധാന പദ്ധതികൾക്ക് അനുമതി ലഭിച്ചിട്ടുണ്ട്. അവ നിലവിൽ നടപ്പിലാക്കുന്നതിന്‍റെ വിവിധ ഘട്ടങ്ങളിലാണ്. മെച്ചപ്പെട്ട പ്രവേശനക്ഷമതയും സുരക്ഷാ മാനദണ്ഡങ്ങളും ഉറപ്പാക്കുന്നതിനുള്ള പ്രതിജ്ഞാബദ്ധത പ്രതിഫലിപ്പിക്കുന്ന പുതിയ ഫുട്ട് മേൽപ്പാലങ്ങൾ നിർമിക്കുന്നതിനും നിയോജക മണ്ഡലത്തിലെ മറ്റ് സ്റ്റേഷനുകളിൽ ലിഫ്റ്റുകൾ സ്ഥാപിക്കുന്നതിനുമുള്ള അധിക നിർദേശങ്ങളും അംഗീകാരത്തിനായി സമർപ്പിച്ചു.

ഫയർ സ്റ്റേഷൻ വേണമെന്ന് ; കുളത്തൂപ്പുഴയിൽ ഇന്ന് ഹർത്താൽ

കുളത്തൂപ്പുഴ : കിഴക്കൻ മലയോരമേഖല കേന്ദ്രീകരിച്ച് ഫയർ സ്റ്റേഷൻ വേണമെന്ന് ആവശ്യം ശക്തമാകുന്നു. കഴിഞ്ഞദിവസം കുളത്തൂപ്പുഴയിലെ വ്യാപാരശാലയിൽ ഉണ്ടായ വൻ തീപിടിത്തം സംബന്ധിച്ച് വിവരം നൽകി ഒന്നരമണിക്കൂർ കഴിഞ്ഞാണ് അഗ്നിരക്ഷാസംഘം സംഭവസ്ഥലത്ത് എത്തിയത്. ഇതിനോടകം വ്യാപാരശാല പൂർണമായി കത്തി നശിച്ചിരുന്നു. ഇതിൽ പ്രതിഷേധിച്ചുകൊണ്ട് ഇന്ന് കുളത്തൂപ്പുഴ പഞ്ചായത്തിൽ വ്യാപാരി വ്യവസായി ഏകോപന സമിതിയുടെ ആഭിമുഖ്യത്തിൽ കടകൾ അടച്ച് ഹർത്താൽ നടത്തുവാനും കുളത്തൂപ്പുഴ പഞ്ചായത്ത് ഓഫീസ് പടിക്കൽ ധർണ നടത്തുവാനും തീരുമാനിച്ചതായി വ്യാപാരി വ്യവസായി ഏകോപന സമിതി കുളത്തൂപ്പുഴ യൂണിറ്റ് പ്രസിഡന്‍റ് അറിയിച്ചു. ഏതാനും ആഴ്ചകൾക്ക് മുമ്പ് കണ്ടഞ്ചിറ ഓയിൽ ഫാം എസ്റ്റേറ്റിൽ തീപിടിച്ചപ്പോഴും കിലോമീറ്റർ അകലെ നിന്നും മണിക്കൂർ കഴിഞ്ഞിട്ടാണ് അഗ്നി രക്ഷാസംഘം എത്തിയത്. കിഴക്കൻ മലയോര പ്രദേശത്തായ കുളത്തുപ്പുഴയിൽ ഒരു ഫയർ സ്റ്റേഷൻ ഉണ്ടായിരുന്നെങ്കിൽഏറെ നാശനഷ്ടം ഒഴിവാക്കാൻ കഴിയുമായിരുന്നുവെന്ന് നാട്ടുകാർ പറയുന്നു. 2020-ൽ മുൻ സംസ്ഥാനസർക്കാർ ജില്ലയിൽ രണ്ട് അഗ്നി രക്ഷാസേന കേന്ദ്രങ്ങൾ പ്രഖ്യാപിച്ചിരുന്നു. ഒന്ന് കുളത്തൂപ്പുഴയിൽ ആയിരുന്നു. നെടുവന്നൂർകടവിൽ കല്ലട ജലസേചന പദ്ധതിയുടെ കൈവശമുള്ള ഭൂമി ഫയർസ്റ്റേഷനെ അനുയോജ്യമെന്ന് അഗ്നിരക്ഷാസേനവിഭാഗം ഉദ്യോഗസ്ഥർ നടത്തിയ പരിശോധനയിൽ കണ്ടെത്തി സ്ഥലം കൈമാറുന്നതിന് വകുപ്പുതല നടപടികൾ ആരംഭിക്കുകയും ചെയ്തിരുന്നു. എന്നാൽ പിന്നീട് പിന്നീട് ഈ തീരുമാനത്തിൽ നിന്ന് അധികൃതർ പിന്മാറി. ഏറ്റവും അപകടം പിടിച്ച മലയോര പ്രദേശമായ കുളത്തൂപ്പുഴ, ആര്യങ്കാവ്, തെന്മല, മടത്തറ എന്നിവിടങ്ങളിൽ അത്യാഹിത സംഭവങ്ങൾ നടക്കുമ്പോൾ അഗ്നിരക്ഷാ സംവിധാനങ്ങൾ എത്താൻ മണിക്കൂറുകൾ എടുക്കുന്നു. ഇത് അപകടത്തിന്‍റെ വ്യാപ്തി കൂട്ടാൻ കാരണമാകുന്നു എന്നാണ് നാട്ടുകാർ പറയുന്നത്. കഴിഞ്ഞദിവസം കുളത്തൂപ്പുഴ വ്യാപാര സ്ഥാപനത്തിൽ ഉണ്ടായ തീപിടിത്തത്തിൽ അഗ്നിരക്ഷാസേന എത്താൻ താമസിച്ചത് ലക്ഷങ്ങളുടെ നഷ്‌ടമാണ് വ്യാപാര സ്ഥാപനത്തിന് ഉണ്ടായത്.

അമൃതശ്രീ അംഗങ്ങൾക്ക് വസ്ത്രങ്ങൾ വിതരണം ചെയ്തു

തിരുവല്ല : മാതാ അമൃതാനന്ദമയി മഠത്തിന്‍റെ നേതൃത്വത്തിൽ അമൃതശ്രീ സ്വയംസഹായ സംഘാംഗങ്ങൾക്ക് നൽകിവരാറുള്ള പ്രവർത്തനനിധിയും വസ്ത്രങ്ങളും കൈമാറി. തിരുവല്ല മാതാ അമൃതാനന്ദമയി മഠത്തിൽ നടന്ന ചടങ്ങിൽ തിരുവല്ല, മല്ലപ്പള്ളി, കോന്നി, പത്തനംതിട്ട, മാവേലിക്കര, ചങ്ങനാശ്ശേരി, പന്തളം ക്ലസ്റ്ററുകളിൽ നിന്നുള്ള അമൃതശ്രീ അംഗങ്ങൾ ഏറ്റുവാങ്ങി. തിരുവല്ല എംഎൽഎ മാത്യു ടി. തോമസ് ചടങ്ങിന്‍റെ ഉദ്ഘാടനം നിർവഹിച്ചു. കേരള ഫോക് ലോർ അക്കാദമി ചെയർമാൻ ഒ.എസ്.ഉണ്ണികൃഷ്ണൻ ഉപഹാരങ്ങൾ വിതരണം ചെയ്തു. സിപിഎം തിരുവല്ല ഏരിയ സെക്രട്ടറി ബിനിൽകുമാർ, കോൺഗ്രസ് തിരുവല്ല ബ്ലോക്ക് പ്രസിഡന്‍റ് ഈപ്പൻ കുര്യൻ, ബിജെപി തിരുവല്ല മണ്ഡലം പ്രസിഡന്‍റ് രാജേഷ് കൃഷ്ണ എന്നിവർ ചടങ്ങിൽ പങ്കെടുത്തു.

ഉറിയാക്കോട്ടെ എസ് വളവ് ഇനിയും നിവർത്തിയില്ല; മേഖലയിൽ അപകടങ്ങൾ തുടർക്കഥയാകുന്നു

പൂവച്ചൽ: ഉറിയാക്കോട്ടെ എസ് വളവ് മാറ്റാനുള്ള നടപടികൾ നീളുന്നതായി പരാതി. കൊടും വളവുകളുള്ള റോഡിൽ അപകടങ്ങൾ പതിവാണ്. മൂന്നുമാസങ്ങൾക്കുമുൻപ് ഇവിടെ നിയന്ത്രണംവിട്ട കാർ സമീപത്തെ പറമ്പിലേക്കു മറിഞ്ഞെങ്കിലും ആളപായമുണ്ടായില്ല. എസ് വളവിനെക്കുറിച്ചുള്ള നാട്ടുകാരുടെ നിരന്തരമായ പരാതിയെത്തുടർന്നു നാലുവർഷം മുൻപ് സ്ഥലത്തെത്തിയ മന്ത്രി മുഹമ്മദ് റിയാസും മറ്റു ജനപ്രതിനിധികളും റോഡും പരിസരവും പരിശോധിച്ചശേഷം ഉടൻ പരിഹാരം കാണുമെന്നു നാട്ടുകാർക്ക് ഉറപ്പു നൽകിയെങ്കിലും നാളിതുവരെ വളവു നിവർന്നില്ല. വാഹനാപകടങ്ങൾ പതിവായതിനെത്തുടർന്നു നാട്ടുകാർ പ്രതിഷേധവുമായി വീണ്ടും രംഗത്തെത്തിയതിനെത്തുടർന്ന് ആഴ്ചകൾക്കുമുൻപ് റോഡ് നിവർത്താനാണെന്നുപറഞ്ഞ് സമീപത്തെ പറമ്പിൽ കല്ലുകൾ സ്ഥാപിച്ചെങ്കിലും തുടർനടപടികളൊന്നും ഉണ്ടായില്ല.വളവ് നിവർത്താനുള്ള നടപടികൾ വേഗത്തിലാക്കണമെന്നു നാട്ടുകാർ ആവശ്യപ്പെട്ടു. റോഡ് നിവർക്കുന്നതിനുവേണ്ടി വസ്തു ഏറ്റെടുക്കൽ, നഷ്ടപരിഹാരം നൽകൽ എന്നിവയെ സംബന്ധിച്ച് നാട്ടുകാർക്ക് അറിയിപ്പൊന്നും നൽകിയിട്ടില്ല. നാട്ടുകാരുടെ പങ്കാളിത്തത്തോടെ അടിയന്തരമായി വളവ് നിവർത്തണമെന്നും അല്ലാത്തപക്ഷം സമരപരിപാടികൾ സംഘടിപ്പിക്കുമെന്നും നാട്ടുകാർ പറയുന്നു. അപകടകെണിയുമായി ഉറിയാക്കോട് ജംഗ്ഷൻ നവീകരിക്കാൻ 2.5 കോടി വകയിരുത്തിയെന്നാണു പറയുന്നത്. എന്നാൽ നടപടികൾ ഒന്നും ആരംഭിച്ചിട്ടില്ല. കാട്ടാക്കട-വെള്ളനാട് റോഡിലെ ഉറിയാക്കോട് ജംഗ്ഷനിൽ റോഡ് തകർന്നത് അപകടകെണിയാണ്. നിരവധി വാഹനങ്ങളാണ് ദിവസവും ഇവിടെ അപകടത്തിൽപെടുന്നത്. മുളയറയിൽനിന്നും ഉറിയാക്കോട് വഴി വെള്ളനാട്ടേക്ക് വരുന്നതിനായി തിരിയുന്ന വാഹനങ്ങളും ഇവിടെ അപകടത്തിൽപെടുന്നുണ്ട്. ഇരുചക്രവാഹനങ്ങളാണ് അപകടത്തിൽപെടുന്നതിൽ അധികവും. കാട്ടാക്കട ഉൾപ്പടെയുള്ള പ്രദേശങ്ങളിൽനിന്ന് നെടുമങ്ങാട്ടേയ്ക്കും വെള്ളനാട്ടേയ്ക്കും പോകുന്ന തിരക്കേറിയ റോഡാണിത്. കൊടുംവളവായ ഇവിടെ ആറു മാസത്തിനിടെ മുപ്പതിലധികം ഇരുചക്രവാഹനങ്ങൾ അപകടത്തിൽപെട്ടിട്ടുണ്ടെന്നു സമീപത്തെ ഓട്ടോസ്റ്റാന്‍റിലെ ഡ്രൈവർമാർ പറഞ്ഞു. മുൻപ് മുളയറ ഉറിയാക്കോട് റോഡിന്‍റെ നവീകരണത്തിനായി ഇറക്കിയ മെറ്റലുകൾ ജംഗ്ഷനിൽ അപകടത്തിന് ഇടയാക്കിയിരുന്നു.

പുതുതലമുറ കുടുംബബോധം ഉള്ളവരാകണം: ജേക്കബ് പുന്നൂസ്

ചവറ : കുടുംബബന്ധങ്ങളുടെ ശൈഥില്യമാണ് പുതുതലമുറയെ ബാധിക്കുന്നതെന്നും പാരമ്പര്യ മൂല്യങ്ങളെ നിസാരവത്കരിക്കരുതെന്നും റിട്ട. ഡിജിപി ജേക്കബ് പുന്നൂസ്. പന്മന ആശ്രമത്തിൽ മഹാഗുരുസമാധി വാർഷികത്തിന്‍റെ ഭാഗമായി നടന്ന യുവജനസമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. അധ്യാപനത്തിലും ആത്മീയതയിലും മൂല്യബോധം സൂക്ഷിച്ച മഠാധിപതിയായിരുന്നു സ്വാമി പ്രണവാനന്ദതീർഥപാദരെന്ന് മുൻമന്ത്രി ഷിബു ബേബിജോൺ. മഹാഗുരു ചട്ടമ്പിസ്വാമി സമാധി വാർഷികത്തിന്‍റെ ഭാഗമായി പന്മന ആശ്രമത്തിൽ നടന്ന പ്രണവാനന്ദ തീർഥ പാദർ സ്വാമി അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം . പന്മന ആശ്രമം ആചാര്യൻ സ്വാമി നിത്യ സ്വരൂപാനന്ദ പ്രണവാനന്ദ തീർഥപാദർ അനുസ്മരണ പ്രഭാഷണം നടത്തി. ഡോ.എൻ.ഗോപാലകൃഷ്ണൻ നായർ "വർദ്ധിച്ചുവരുന്ന അധാർമികത" എന്ന വിഷയത്തെക്കുറിച്ചു സംസാരിച്ചു. ഡോ. എസ്.രമേശ് കുമാർ, വിഷ്ണു വേണുഗോപാൽ, എം.ആർ. അരുൺരാജ് എന്നിവർ പ്രസംഗിച്ചു.

സ്വയംസഹായ സംഘങ്ങളുടെ വാർഷിക ആഘോഷം നടത്തി

കല്ലുവാതുക്കൽ :നടയ്ക്കൽ മേൽഭാഗം എൻഎസ്എസ് കരയോഗത്തിൽ വനിതാ സ്വയംസഹായ സംഘങ്ങളുടെ വാർഷിക ആഷോഷവും ലഹരിവിരുദ്ധ ബോധവത്കരണ ക്ലാസും നടത്തി. താലൂക്ക് യൂണിയൻ പ്രസിഡന്‍റ് ചാത്തന്നൂർ മുരളി ഉദ്ഘാടനം നിർവഹിച്ചു. കരയോഗ വൈസ് പ്രസിഡന്‍റ് പി. പുരുഷോത്തമകുറുപ്പ് അധ്യക്ഷനായിരുന്നു. കോട്ടയം ജില്ലാ മെഡിക്കൽ ഓഫിസ് ടെക്നിക്കൽ അസി. ആർ. ബൈജു ലഹരിവിരുദ്ധ ബോധവത്കരണ ക്ലാസ് നയിച്ചു. ഭദ്രത, നന്മ എന്നി സ്വയം സഹായ സംഘത്തിലെ സെക്രട്ടറിമാർ പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിച്ചു തുടർന്ന് കുട്ടികളുടെ കലാപരിപാടികൾ നടന്നു. കരയോഗം സെക്രട്ടറി പ്രകാശ് കുറുപ്പ്, താലൂക്ക് യൂണിയൻ ഇൻസ്‌പെക്്‌ടർ പ്രകാശ്, വനിതാ സമാജം ട്രഷറർ ജലജകുമാരി, എംഎസ്എസ് മേഖല കോർഡിനേറ്റർ അംബിക മൗലിധരൻ, താലൂക്ക് യൂണിയൻ മെമ്പർ എസ്.ആർ. മുരളിധരക്കുറുപ്പ്, താലൂക്ക് യൂണിയൻ പ്രതിനിധി ജെ.രതീഷ്, ജോയിന്‍റ് സെക്രട്ടറി മോഹനൻ, കമ്മറ്റി അംഗങ്ങളായ അനീഷ്‌, വനിതാ സമാജം പ്രസിഡന്‍റ് ഷീല മധു എന്നിവർ പ്രസംഗിച്ചു.

പനയ്ക്കറ്റോടില്‍ ക്ഷേത്രത്തിൽ താലപ്പൊലി നടന്നു

ചവറ : ചവറ തെക്കുംഭാഗം പനയ്ക്കറ്റോടില്‍ ദേവി ക്ഷേത്രത്തിലെ താലപ്പൊലി നടന്നു ആയിരക്കണക്കിന് ഭക്തരാണ് ദേവിക്ക് അകമ്പടി സേവിച്ച് താലപ്പൊലി എടുത്ത ശാന്തി കലമാന്‍ കൊമ്പില്‍ ദേവീ ചൈതന്യം ആവാഹിച്ച് കന്യാവിനെ കൊണ്ട് ഒരു വശത്ത് പിടിപ്പിച്ച് താലപ്പൊലി എഴുന്നള്ളത്താരംഭിച്ചു. വാദ്യമേളങ്ങളുടെയും താലപ്പൊലിയുടെയും അകമ്പടിയോടെ ദേവി നാല് കരകളും കാണാനിറങ്ങി. വിവിധ ക്ഷേത്രങ്ങള്‍ സന്ദര്‍ശിച്ച് താലപ്പൊലി പാവുമ്പ ദേവീ പീഠത്തില്‍ എഴുന്നള്ളി.തുടര്‍ന്ന് കോയിവിള പാവുമ്പ ദേവി ക്ഷേത്രത്തില്‍ നിന്നും വാദ്യമേളങ്ങള്‍, താലപ്പൊലി എന്നിവയുടെ അകമ്പടിയോടെ പാവുമ്പാ ദേവി ക്ഷേത്രത്തിലെ കന്യാവ് എഴുന്നള്ളി. പാവുമ്പാ ദേവി പീഠത്തില്‍ രണ്ട് ക്ഷേത്രങ്ങളിലെയും ദേവിമാര്‍ ഒത്തു ചേരുന്ന കാഴ്ച കാണാന്‍ നിരവധി ഭക്തരാണ് എത്തിയത്. താലപ്പൊലി തിരിച്ച് ക്ഷേത്രത്തിലെത്തുമ്പോള്‍ മാത്രമേ അടച്ചിട്ടിരുന്ന ശ്രീകോവില്‍ തുറന്ന് പൂജകള്‍ ആരംഭിക്കു.

നടയ്ക്കലിൽ ലഹരിവിരുദ്ധ ബോധവത്കരണ ക്ലാസ്‌

ചാത്തന്നൂർ : നടയ്ക്കൽ എൻഎസ്എസ് കരയോഗത്തിന്‍റെ ആഭിമുഖ്യത്തിൽ ലഹരിവിരുദ്ധ ബോധവത്കരണ ക്ലാസ് നടത്തി. ചാത്തന്നൂർ താലൂക്ക് യൂണിയൻ പ്രസിഡന്‍റ് ചാത്തന്നൂർ മുരളി ക്ലാസ് ഉദ്ഘാടനം ചെയ്തു. കരയോഗം പ്രസിഡന്‍റ് സി. പുഷ്പജൻപിള്ള അധ്യക്ഷനായിരുന്നു. ചാത്തന്നൂർ എക്സൈസ് അസി.ഓഫീസർ അനിൽകുമാർ ക്ലാസെടുത്തു.

പൂതക്കുളം പഞ്ചായത്തിലെ പ്രധാന റോഡുകൾ സഞ്ചാരയോഗ്യമാക്കണമെന്ന്

പരവൂർ: പൂതക്കുളം പഞ്ചായത്തിലെ പ്രധാന റോഡുകളായ ഊന്നിൽ മൂട് - ബ്ലോക്ക് മരം റോഡ്,മുക്കട - പ്രിയദർശിനി റോഡ്, ഐഒബി ജംഗ്ഷൻ -കാവേരി പാർക്ക് റോഡ് എന്നീ റോഡുകൾ അടിയന്തിരമായി ഗതാഗത യോഗ്യമാക്കണമെന്ന് പൂതക്കുളം നോർത്ത് മണ്ഡലത്തിലെ പുത്തൻകുളം ,ഊന്നിൻമൂട്, ഈഴൻവിള എന്നീ വാർഡ് കോൺഗ്രസ് കമ്മിറ്റികൾ സംയുക്തമായി സംഘടിപ്പിച്ച മഹാത്മാഗാന്ധി കുടുബ സംഗമം ആവശ്യപ്പെട്ടു. പ്രധാന റോഡുകൾ അറ്റകുറ്റപണി നടത്തുന്നതിൽ പഞ്ചായത്ത് ഭരണസമിതി കടുത്ത അവഗണന കാട്ടുന്നതായി സമ്മേളനം വിലയിരുത്തി. കുടുംബ സംഗമം കെപിഎസ്ടിഎ കൊല്ലം ജില്ലാ പ്രസിഡന്‍റ് പരവൂർ സജീബ് ഉദ്ഘാടനം ചെയ്തു. ഡിസിസി അംഗം അഡ്വ.വരദരാജൻ അധ്യക്ഷത വഹിച്ച യോഗത്തിൽ ബ്ലോക്ക് പ്രസിഡന്‍റ് അഡ്വ. ലതാ മോഹൻദാസ്, മണ്ഡലം പ്രസിഡന്‍റ് രാധാകൃഷ്ണപിള്ള, ഷൈജു ബാലചന്ദ്രൻ, രതീഷ്, സുദർശനൻ,ശ ശാങ്കൻ, അരുൺ ബാബു, പ്രദീപ് ഈഴംവിള, ലാൽ, ഷൈലജാ രാജൻ, ലിസി,ദത്ത, ദീപു, സുകുമാരൻ എന്നിവർ പ്രസംഗിച്ചു.

സിപിഐ നീണ്ടകര സമ്മേളനം

ചവറ : സിപിഐ നീണ്ടകര ലോക്കൽ സമ്മേളനത്തിന്‍റെ ഭാഗമായ പൊതുസമ്മേളനം പുത്തൻതുറ ആർ.രാമചന്ദ്രൻ നഗറിൽ കേരള മഹിളാ സംഘം സംസ്ഥാന സെക്രട്ടറി. മുൻ എംഎൽഎ ഇ.എസ്. ബിജിമോൾ ഉദ്ഘാടനം ചെയ്തു. പ്രതിനിധി സമ്മേളനം വേട്ടുതറ എ.സഹദേവൻ നഗർ (എസ് ആൻഡ് എസ് കൺവൻഷൻ സെന്‍റർ) ൽ സംസ്ഥാന കൗൺസിൽ അംഗം ആർ. വിജയകുമാർ ഉദ്ഘാടനം ചെയ്തു. കെ.രാജീവൻ, അസി.സെക്രട്ടറി സജീവ്, ജഗദമ്മ എന്നിവർ പ്രസംഗിച്ചു . വേദവ്യാസനെ സെക്രട്ടറിയായി തെരഞ്ഞെടുത്തു

നെല്ലിപ്പള്ളി സെന്‍റ് ജോർജ് ഓർത്തഡോക്സ് ചാപ്പലിൽ പെരുന്നാളിന് കൊടിയേറി

പുനലൂർ: നെല്ലിപ്പള്ളി സെന്‍റ് ജോർജ് ഓർത്തഡോക്സ് ചാപ്പലിൽ വി. ഗീവർഗീസ് സഹദായുടെ ഓർമപെരുന്നാളിന് കഴിഞ്ഞ ദിവസം വിശുദ്ധ കുർബാനയ്ക്ക് ശേഷം വികാരി ഹബീബ് ജോസഫ് റമ്പാൻ കൊടിയേറ്റി. നാളെ വൈകുന്നേരം ആറിന് സന്ധ്യാ നമസ്കാരം, 7.30ന് റാസ മുക്കടവ് കുരിശും തൊട്ടിയിൽ നിന്നും തുടങ്ങി നെല്ലിപ്പള്ളി ജംഗ്ഷനിൽ കൂടി പള്ളിയിൽ എത്തി ചേരും. 9.30 ന് ആശിർവാദം മേയ്‌ ഒന്നിന് രാവിലെ 6.30ന് പ്രഭാത നമസ്കാരം തുടർന്ന് 7.30ന് വി. മൂന്നിന്മേൽ കുർബാന സുൽത്താൻ ബത്തേരി ഭദ്രാസനാധിപൻ ഡോ. ഗീവർഗീസ് മാർ ബർണബാസിന്‍റെ മുഖ്യകാർമികത്വത്തിൽ നടക്കും. 9.30ന് റാസ കുരിശും തൊട്ടി വരെ. 10ന് ആശിർവാദം നേർച്ചവിളമ്പ്. പെരുന്നാളിൽ പത്തനാപുരം മൗണ്ട് താബോർ ദയറായിലെ റമ്പാച്ചന്മാരുടെയും വൈദികരുടെയും മറ്റു സമീപ ഇടവകകളിലെ വികാരിമാരുടെയും നേതൃത്വത്തിൽ നടക്കുമെന്ന് വികാരി ഹബീബ് ജോസഫ് റമ്പാൻ അറിയിച്ചു.

അഭിഭാഷക കലോത്സവം ; കൊല്ലം ജേതാക്കൾ

കൊല്ലം : കൊല്ലത്ത് മൂന്ന് ദിവസമായി നടന്നു വരുന്ന അഖില കേരള അഭിഭാഷക കലോത്സവത്തിൽ കൊല്ലം ബാർ അസോസിയേഷൻ ജേതാക്കളായി. സമാപന സമ്മേളനം ഹൈക്കോടതി ജഡ്ജ് ജസ്റ്റിസ് സി.ബി.സുരേഷ് കുമാർ ഉദ്ഘാടനം ചെയ്തു. മുഖ്യാതിഥിയായി എം. നൗഷാദ് എംഎൽഎ ആശംസകൾ നേർന്നു. കൊല്ലം ബാർ അസോസിയേഷൻ പ്രസിഡന്‍റ് അഡ്വ. ഓച്ചിറ എൻ.അനിൽകുമാർ അധ്യക്ഷത വഹിച്ചു. സെക്രട്ടറി അഡ്വ എ.കെ. മനോജ്, അഡ്വ.അൻസീന എന്നിവർ പ്രസംഗിച്ചു. ഏറ്റവും കുടുതൽ പോയിന്‍റ് ലഭിച്ച കൊല്ലം ബാർ അസോസിയേഷൻ അഡ്വ. വൈക്കം വി.എൻ.നാരായണ പിള്ള സ്മാരക ട്രോഫി ലഭിച്ചു. റണ്ണർ അപ്പ് ആയ ആറ്റിങ്ങൽ ബാർ അസോസിയേഷൻ അഡ്വ.പി.വിജയരാഘവൻ സ്മാരക ട്രോഫി നേടി. ചാലക്കുടി ബാറിലെ അഡ്വ.ശ്രീദേവ് തിലക് കലാപ്രതിഭയും കൊല്ലം ബാറിലെ അഡ്വ. പാർവതി ജയൻ കലാതിലകവുമായി. തുടർന്ന് കൊല്ലം ഇൻഡസ്ട്രിയൽ ട്രൈബ്യുണൽ ജഡ്ജി സുനിതാ വിമൽ ഭരതനാട്യം അവതരിപ്പിച്ചു. കൊല്ലം ബാറിലെ അഭിഭാഷകർ "കൂട്ടില്ലാ കുടുംബം" എന്ന നാടകവും വിവിധ കലാപരിപാടികളും അവതരിപ്പിച്ചു.

സെന്‍റ് ജോസഫ് മലങ്കര കത്തോലിക്കാ പള്ളിയിൽ ഇടവക തിരുനാളിന് തുടക്കമായി

പുനലൂർ : സെന്‍റ് ജോസഫ് മലങ്കര കത്തോലിക്കാ പള്ളിയിൽ ഇടവക തിരുനാളിന് തുടക്കമായി. മേയ് ഒന്നിന് തിരുനാൾ സമാപിക്കും. നാളെ വൈകുന്നേരം അഞ്ചിന് സന്ധ്യാ പ്രാർഥന, വചന പ്രഘോഷണം, വിശുദ്ധ കുർബാന, മെഴുകുതിരി പ്രദക്ഷിണം, മേയ് ഒന്നിന് രാവിലെ 10ന് പ്രഭാത പ്രാർഥന, വിശുദ്ധ കുർബാന, ഗ്രോട്ടോ പ്രാർഥന, നേർച്ച വിളമ്പ്, കൊടിയിറക്ക് എന്നിവയോടെ തിരുനാൾ സമാപിക്കുമെന്ന് ഇടവക വികാരി ഫാ.ഡോ. ജോൺ സിസി അറിയിച്ചു.

നെടുമ്പാറ സെന്‍റ് ജോർജ് ഓർത്തഡോക്സ്‌ പള്ളിയിൽ പെരുന്നാളിന് കൊടിയേറി

കൊല്ലം : നെടുമ്പാറ സെന്‍റ് ജോർജ് ഓർത്തഡോക്സ്‌ പള്ളിയിൽ ഇടവക വികാരി ഫാ. സിജോ കെ. ശാമുവേൽ കഴിഞ്ഞദിവസം പെരുന്നാളിന് കൊടിയേറ്റി. നാളെ വൈകുന്നേരം ആറിന് സന്ധ്യാനമസ്കാരം, 6.45ന് പെരുന്നാൾ സന്ദേശം, രാത്രി ഏഴിന് റാസ, എട്ടിന് ആശിർവാദം. മേയ്‌ ഒന്നിന് രാവിലെ 8.30ന് റവ.ബസലേൽ റമ്പാന്‍റെ മുഖ്യകാർമികത്വത്തിൽ മൂന്നിന്മേൽ കുർബാന തുടർന്ന് പ്രദക്ഷിണം ആശിർവാദം നേർച്ചവിളമ്പ് ലേലം കൊടിയിറക്ക് എന്നിവ നടക്കുമെന്ന് ഇടവക വികാരി ഫാ.സിജോ കെ.ശാമുവേൽ, കൈക്കാരൻ തങ്കച്ചൻ കാര്യദർശി ജോൺ സാമുവൽ എന്നിവർ അറിയിച്ചു.

ഫിൽഗിരി സെന്‍റ് ജോസഫ് പള്ളിയിൽ വിശുദ്ധ യൗസേപ്പിതാവിന്‍റെ തിരുനാൾ മേയ് ഒന്നു മുതൽ

കൊല്ലം : ഫിൽഗിരി സെന്‍റ് ജോസഫ് പള്ളിയിൽ വിശുദ്ധ യൗസേപ്പിതാവിന്‍റെ തിരുനാൾ മേയ് ഒന്നുമുതൽ നാലുവരെ ആചരിക്കുന്നു. ഇടവക മധ്യസ്ഥനായ വിശുദ്ധ യൗസേപ്പിതാവിന്‍റെയും സഹദാമാരായ വിശുദ്ധ ഗീവർഗീസിന്‍റെയും വിശുദ്ധ സെബസ്ത്യാനോസിന്‍റെയും തിരുനാൾ സംയുക്തമായാണ് ആചരിക്കുന്നത്. മേയ് ഒന്നിന് നാലിന് ജപമാല, 4.30ന് കൊടിയേറ്റ്, തുടർന്ന് ലദീഞ്ഞ്, നൊവേന, അഞ്ചിന് പരിശുദ്ധ കുർബാന മീൻകുളം ലൂർദ് മാതാ പള്ളി വികാരി ഫാ. എബി ചെങ്ങങ്കരി അർപ്പിക്കും. തുടർന്ന് ആരാധനയും,വിശുദ്ധ കുമ്പസാരവും ഉണ്ടായിരിക്കും. രണ്ടിന് നാലിന് റംശാ, പരിശുദ്ധ കുർബാന, നൊവേന, ലദീഞ്ഞ് , ആലപ്പുഴ സെന്‍റ് മൈക്കിൾസ് പള്ളി അസി. വികാരി ഫാ. സെബാസ്റ്റ്യൻ മമ്മൂട്ടിൽ അർപ്പിക്കും. തുടർന്ന് സെമിത്തേരി സന്ദർശനവും സൺഡേസ്കൂൾ വാർഷികവും. മൂന്നിന് നാലിന് റംശ, പരിശുദ്ധ കുർബാന ചങ്ങനാശേരി അതിരൂപത വികാരി ജനറാൾ റവ.ഡോ.ജോൺ തെക്കേക്കര അർപ്പിക്കും. തുടർന്ന് വയലാ സെന്‍റ് തോമസ് മലങ്കര കത്തോലിക്ക പള്ളിയിലേക്ക് ആഘോഷമായ തിരുനാൾ പ്രദക്ഷിണം. പ്രധാന തിരുനാൾ ദിനമായ നാലിന് രാവിലെ 8.30ന് പരിശുദ്ധ റാസാ കുർബാന, ആഘോഷമായ വിശുദ്ധ ആദ്യകുർബാന സ്വീകരണം ചങ്ങനാശേരി അതിരൂപത അപ്പോസ്റ്റൽ ഡയറക്‌ടർ ഫാ.ജെയിംസ് കണിക്കുന്നേൽ അർപ്പിക്കും. തുടർന്ന് ഫിൽഗിരി കുരിശടിയിലേക്ക് പ്രദക്ഷിണം, ലേലം,കൊടിയിറക്ക് എന്നിവ ഉണ്ടായിരിക്കുമെന്ന് വികാരി ഫാ. മാത്യു നടയ്ക്കൽ അറിയിച്ചു.

ഫ്രാൻസിസ് മാർപാപ്പ അനുസ്മരണ സമ്മേളനം

കൊട്ടാരക്കര: മലങ്കര കത്തോലിക്കാസഭ കൊട്ടാരക്കര വൈദിക ജില്ലയുടെ ആഭിമുഖ്യത്തിൽ ഫ്രാൻസിസ് മാർപാപ്പ അനുസ്മരണ സമ്മേളനം നടത്തി. കൊട്ടാരക്കര പുലമൺ സെന്‍റ് മൈക്കിൾ ലത്തീൻ പള്ളിയിൽ നിന്നും വിലാപയാത്രയായാണ് സമ്മേളന സ്ഥലമായ കിഴക്കേ തെരുവ് സെന്‍റ് മേരീസ് പള്ളിയിലെത്തിയത്. സമ്മേളനത്തിൽ ജില്ലാ വികാരി ഗീവർഗീസ് നെടിയത്ത് റമ്പാൻ അധ്യക്ഷത വഹിച്ചു. മാർത്തോമാ സഭ കൊട്ടാരക്കര -പുനലൂർ ഭദ്രാസനാധിപൻ ഡോ.തോമസ് മാർ തീത്തോസ് ഉദ്ഘാടനം ചെയ്തു. കൊടിക്കുന്നിൽ സുരേഷ് എംപി അനുസ്മരണ പ്രഭാഷണം നടത്തി. ഫാ.ജോൺസൺ, എംസിഎ അതിരൂപതാ പ്രസിഡന്‍റ് റജിമോൻ വർഗീസ്, മുൻ മുനിസിപ്പൽ ചെയർമാൻ എസ്.ആർ.രമേശ്, ഫാ.തോമസ് മാത്യു, ഫാ.അലക്സ് പി. സക്കറിയ, കെ.ജി.അലക്സ് എന്നിവർ പ്രസംഗിച്ചു.

യാത്രയയപ്പ് നൽകി

കൊട്ടാരക്കര : ജീവിത സായാഹ്നത്തിൽ ഒറ്റപ്പെട്ടുപോയ സഹോദരങ്ങൾക്ക് അഭയവും കരുതലും നൽകിയ ഫാ.ഷിബു സാമുവേലിന് വയോധികർ വികാരനിർഭരമായ യാത്രായയപ്പ് നൽകി. മാർത്തോമാ എപ്പിസ്കോപ്പൽ ജൂബിലി മന്ദിരത്തിന്‍റെ സൂപ്രണ്ട് ഫാ.ഷിബു സാമുവേലിന് ഒരുക്കിയ യാത്രയയപ്പ് സമ്മേളനം ഭദ്രാസനാധിപൻ ഡോ.തോമസ് മാർ തീത്തോസ് ഉദ്ഘാടനം ചെയ്തു. കൊടിക്കുന്നിൽ സുരേഷ് എംപി, മുൻസിപ്പൽ ചെയർമാൻ അഡ്വ.കെ. ഉണ്ണികൃഷ്ണ മേനോൻ, നിർമിതി കേന്ദ്രം സിഇഒ ഡോ.ഫെബി വർഗീസ്, വികാരി ജനറാൾ കെ.വൈ.ജേക്കബ്, മുൻ മുൻസിപ്പൽ ചെയർമാൻ എ.ഷാജു, ഫാ.ഷിബു ഏബ്രഹാം ജോൺ, ഫാ.ജോജി കെ.മാത്യു, ഫാ.ജി.ശാമുവേൽ,ഫാ.അലക്സ് പി. സഖറിയ, ജോർജ് പണിക്കർ, പി.ജി.ജേക്കബ്, അഡ്വ.മാത്യൂസ് കെ.ലുക്ക്,സ്നേഹതീരം ഡയറക്‌ടർ സിസ്റ്റർ റോസിലിൻ,പി.ടി.ഷാജി, സി.ജിജു, ആഷാ ഷിബു എന്നിവർ പ്രസംഗിച്ചു. ഫാ.ഷിബു ശാമുവേൽ മേയ് ഒന്നിന് മാർത്തോമാ സഭയുടെ സാമൂഹ്യ വികസന പദ്ധതിയായ കാർഡിന്‍റെ ഡയറക്‌ടറായി തിരുവല്ല ആസ്ഥാനത്ത് ചുമതലയേൽക്കും.

ഓട്ടോ മറിഞ്ഞ് വർക്ക്‌ഷോപ്പ് ഉടമ മരിച്ചു

പാരിപ്പള്ളി : നിയന്ത്രണം വിട്ട ഓട്ടോറിക്ഷ മറിഞ്ഞ് വർക്ക്ഷോപ്പ് ഉടമ മരിച്ചു. കല്ലുവാതുക്കൽ നടയ്ക്കൽ ഇടക്കുന്ന് സരസ്വതി വിലാസത്തിൽ സന്തോഷാ (48) ണ് മരിച്ചത്. കഴിഞ്ഞദിവസം പകൽ രണ്ടരയോടെയാണ് അപകടം ഉണ്ടായത്. വർക്ക്ഷോപ്പിൽ നിന്നും ഉച്ചഭക്ഷണം കഴിക്കാൻ വീട്ടിലേയ്ക്ക് പോവുകയായിരുന്നു സന്തോഷ്. കല്ലുവാതുക്കൽ മീനമ്പലത്ത് സമീപം കരുണ സെൻട്രൽ സ്കൂളിന് അടുത്ത് മറ്റൊരു വാഹനത്തിന് സൈഡ് കൊടുക്കവേ സന്തോഷ് ഓടിച്ചിരുന്ന ഓട്ടോനിയന്ത്രണം വിട്ട് കുഴിയിലേയ്ക്ക് വീഴാൻ തുടങ്ങിയപ്പോൾ സന്തോഷ് ഓട്ടോയിൽ നിന്നും പുറത്തേക്ക് ചാടി. വീഴ്ചയിൽ തല പാറക്കല്ലിൽ ഇടിച്ചു. തലയ്ക്ക് ഗുരുതരമായി പരിക്കേറ്റ സന്തോഷിനെ പാരിപ്പള്ളി ഗവ. മെഡിക്കൽ കോജിൽ എത്തിച്ചെങ്കിലും ജീവൻരക്ഷിക്കാനായില്ല. ചാത്തന്നൂർ ശീമാട്ടി ജംഗ്ഷനിൽ ഓട്ടോഇലക്ട്രിക് സ്ഥാപനം നടത്തി വരികയായിരുന്നു. സമീപകാലത്താണ് മീനമ്പലത്ത് വസ്തു വാങ്ങി വീട് വച്ചത്. ഉച്ചയ്ക്ക് മീനമ്പലത്തെ വീട്ടിൽ ആഹാരം കഴിക്കാൻ പോയപ്പോഴാണ് അപകടം സംഭവിച്ചത്. പരേതനായ കുട്ടപ്പക്കുറുപ്പിന്‍റെയും സരസ്വതി അമ്മയുടെയും മകനാണ്. ഭാര്യ: രേഷ്മ. മക്കൾ: കാശി‌നാഥ്, കൈലാസ് നാഥ്. പാരിപ്പള്ളി പോലീസ് കേസെടുത്തു. മൃതദേഹം പാരിപ്പള്ളി ഗവ. മെഡിക്കൽ കോളജ് മോർച്ചറിയിൽ.

റോഡുകൾ ഉദ്ഘാടനം ചെയ്തു

കൊട്ടാരക്കര : രണ്ടു കോടി ചെലവഴിച്ച് ആധുനിക നിലവാരത്തിൽ നവീകരിച്ച മുള്ളിയിൽ - അമ്പലക്കര - പനവേലി റോഡും 1.4 കോടിയിൽ പൂർത്തിയാക്കിയ വാളകം - ഇടയം കോളനി - കപ്യാർമുക്ക് റോഡും മന്ത്രി കെ.എൻ.ബാലഗോപാൽ ഉദ്ഘാടനം ചെയ്തു. സിപിഎം ഏരിയ സെക്രട്ടറി പി.കെ.ജോൺസൺ, വെട്ടിക്കവല ബ്ലോക്ക് പഞ്ചായത്ത് പ്രസിഡന്‍റ് എസ്.രഞ്ജിത്ത്, ജില്ലാ പഞ്ചായത്തംഗം ബ്രിജേഷ് ഏബ്രഹാം, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ ബെൻസി റെജി, ബ്ലോക്ക് പഞ്ചായത്തംഗം കെ. എം. റെജി, പഞ്ചായത്തംഗം കെ.അജിത, സിപിഎം വാളകം ലോക്കൽ സെക്രട്ടറി കെ.പ്രതാപ് കുമാർ, സിപിഐ ജില്ലാ കമ്മിറ്റിയംഗം എ.അധിൻ, ഉമ്മന്നൂർ സഹകരണ ബാങ്ക് പ്രസിഡന്‍റ് എൻ. ദേവരാജൻ, വി ദിലീപ് കുമാർ, ടോം രാജ്, വി.ഹരികുമാർ, കുര്യൻ ജോർജ്, അലക്സ് മാമ്പുഴ, അമ്പു, ജോൺകുട്ടി ജോർജ്, റെജി ആക്കാട്ട് എന്നിവർ പ്രസംഗിച്ചു. ആവശ്യമായ സ്ഥലങ്ങളിൽ ഓട, കലുങ്ക്, സൈഡ് കെട്ട്, ദിശാ സൂചികകൾ, സൈഡ് കോൺക്രീറ്റ് എന്നിവയോടെയാണ് റോഡ് നിർമാണം പൂർത്തീകരിച്ചത്. നവീകരിച്ച പുതിയ റോഡുകളിലൂടെ തുറന്ന വാഹനത്തിൽ സഞ്ചരിച്ച മന്ത്രിക്ക് പട്ടേരി, അമ്പലക്കര, മുള്ളിയിൽ ജംഗ്ഷൻ, ഫെയ്ത്ത് ഹോം ജംഗ്ഷൻ, കപ്യാർമുക്ക് എന്നിവിടങ്ങളിൽ പൗരാവലി സ്വീകരണവും നൽകി. കൊട്ടാരക്കര നിയോജക മ ണ്ഡലം എംഎൽഎ കൂടിയായ മന്ത്രി കെ.എൻ.ബാലഗോപാലാണ് റോഡുകളുടെ നവീകരണത്തിന ്തുക അനുവദിച്ചത്.

ചാത്തന്നൂരിൽ യാത്രക്കാർക്ക് സുരക്ഷ ഒരുക്കാതെ ദേശീയപാത നിർമാണം നടക്കുന്നതായി പരാതി

ചാത്തന്നൂർ: യാത്രക്കാർക്കോ വാഹനങ്ങൾക്കോ യാതൊരു സുരക്ഷിതത്വവും കല്പിക്കാതെയാണ് ദേശീയപാത നിർമാണം നടക്കുന്നതെന്ന പരാതി ഉയരുന്നു. പകൽമേൽപാത നിർമാണത്തിനിടെ സൈഡ് വാളിലെ കോൺക്രീറ്റ് സ്ലാബ് ഇളകി തിരക്കേറിയ സർവീസ് റോഡിൽ പതിച്ചതാണ് അവസാനത്തെ സംഭവം. സ്ലാബ് ഇളകി വീണപ്പോൾ അതുവഴി പോയ ബൈക്ക് യാത്രക്കാരൻ തലനാരിഴയ്ക്കാണ് രക്ഷപ്പെടുന്നത്. തിരക്കേറിയ സമയങ്ങളിലെ ഇത്തരം അപകടം വലിയ ദുരന്തങ്ങൾക്ക് ഇടയാക്കുമെന്ന ആശങ്കയിലാണ് യാത്രക്കാർ. കഴിഞ്ഞ ദിവസം രാവിലെ 10.45ന് ചാത്തന്നൂർ ജംഗ്ഷനിൽ ഫെഡറൽ ബാങ്കിനു മുന്നിലാണ് അപകടം ഉണ്ടായത്. മേൽപാതയുടെ വശത്തു സംരക്ഷണ ഭിത്തിയ്ക്കായി സ്ഥാപിച്ച കോൺക്രീറ്റ് സ്ലാബുകളിൽ ഒന്നാണ് മുകളിൽ നിന്നും ഇളകി തിരുവനന്തപുരം ഭാഗത്തേക്കുള്ള സർവീസ് റോഡിൽ വീഴുന്നത്. മേൽപാതയിൽ മണ്ണ് ഉറപ്പിക്കൽ പ്രവൃത്തികൾ നടക്കുന്നതിനിടെയാണ് സംഭവം. തിരക്കേറിയ ജംഗ്ഷൻ ആയതിനാൽ ഇടതടവില്ലാതെ വാഹനങ്ങൾ കടന്നു പോകുന്ന ഭാഗമാണിത്. എന്നാൽ ബൈക്ക് കടന്നു പോയി ഏതാനും സെക്കന്‍റ് ഇടവേളയിൽമറ്റ് വാഹനങ്ങൾ കടന്നു വരാത്തതിനാൽ വലിയ ദുരന്തം ഒഴിവായി.ദേശീയപാതയിൽ തിരുമുക്ക് ജംഗ്ഷനിലും അപകടം സ്ഥിരമായിരിക്കയാണ്. കഴിഞ്ഞ ദിവസങ്ങളിൽ തുടർച്ചയായി വലിയ വാഹനങ്ങൾ മണ്ണിൽ താഴുന്നതും കുഴിയിൽപെടുന്നതും പതിവായിരിക്കയാണ്. മംഗളുരുവിൽ പാരിപ്പള്ളി ഐഒസി പ്ലാന്‍റ ിലേയ്ക്ക് ഗ്യാസുമായി പോയ ബുള്ളറ്റ് ടാങ്കർ കുഴിയിൽപ്പെട്ടത് രാത്രി ഒന്നരയോടെയാണ്. അതിന് തൊട്ടടുത്ത രണ്ടുദിവസങ്ങളിൽ രാത്രി വലിയ കണ്ടെയ്നറുകൾ ഇവിടെ മണ്ണിൽ പുതഞ്ഞു.ഏതാനും ദിവസം മുൻപ് പാരിപ്പള്ളിയിൽ മേൽപാതയുടെ മുകളിൽ നിന്നു തടി പലക ഇളകി മിനി ബസിെ ന്‍റ വശത്ത് പതിച്ചിരുന്നു. ബസിനു കേടുപാട് സംഭവിച്ചെങ്കിലും യാത്രക്കാർ പരിക്കേൽക്കാതെ രക്ഷപ്പെട്ടു. കുറച്ചുനാൾ മുന്പ് ഉമയനല്ലൂർ മേൽപാതയുടെ മുകളിൽ നിന്നു മെറ്റൽ ചീളു പതിച്ചു കുമ്മല്ലൂർ സ്വദേശിയുടെ പുതിയ കാറി െ ന്‍റ ചില്ലുകൾക്കു കേടുപാടു സംഭവിച്ചിരുന്നു.നിർമാണ സ്ഥലങ്ങളിൽ അപകടമുന്നറിയിപ്പു സംവിധാനങ്ങൾ ഒരുക്കാതെയാണ് ഇവിടങ്ങളിൽ നിർമാണം നടത്തുന്നതെന്ന പരാതി വ്യാപകമാണ്. അനാവശ്യമായി സർവീസ് റോഡുകൾ ആഴ്ചകളോളം അടച്ചിട്ടും ബസ് യാത്രക്കാരെ വലയ്ക്കുന്നുണ്ട്. ചാത്തന്നൂർ കെഎസ്ആർടിസി ഡിപ്പോ ജംഗ്ഷനിൽ നിന്നും ശീമാട്ടിയിലേയ്ക്കുള്ള സർവീസ് റോഡ് ഓട നിർമിക്കാനെന്ന പേരിൽ അടച്ചിട്ടിരിക്കുകയാണ്. ആവശ്യമായ സുരക്ഷ മുൻകരുതലുകൾ സ്വീകരിക്കുന്നതിനു അധികൃതർ കർശന നടപടി എടുത്തില്ലെങ്കിൽ വലിയ ദുരന്തങ്ങൾ ഉണ്ടാകുമെന്നു നാട്ടുകാർ പറയുന്നു.

പെൻഷൻ പ്രായവർധനവിനായി സർക്കാർ പിൻവാതിൽ ശ്രമം നടത്തുന്നുവെന്ന്

കൊല്ലം: പെൻഷൻ പ്രായവർധനവിനായി പിണറായി സർക്കാർ പിൻവാതിൽ ശ്രമം നടത്തുന്നുവെന്ന് ആർവൈഎഫ് സംസ്ഥാന പ്രസിഡന്‍റ് ഉല്ലാസ് കോവൂർ. കേരളത്തിലെ പൊതുമേഖലാ സ്ഥാപനങ്ങളിൽ ഒഴിവുകൾ റിപ്പോർട്ട് ചെയ്യാതെയും പുതിയ നിയമനങ്ങൾ നടത്താതെയും പെൻഷൻ പറ്റിയവരെ കരാർ പുനർനിയമനം നടത്തി പെൻഷൻ പ്രായവർധനവ് പിൻവാതിൽവഴി നടപ്പിലാക്കുകയാണ് സർക്കാർ. ആർവൈഎഫ് കൊല്ലം ജില്ലാ കൺവൻഷൻ കൊല്ലം പബ്ലിക്ക് ലൈബ്രറി ഹാളിൽ ഉല്ലാസ് കോവൂർ ഉദ്ഘാടനം ചെയ്തു. ജില്ലാ പ്രസിഡന്‍റ് ഫെബി സ്റ്റാലിൻ അധ്യക്ഷതവഹിച്ചു.ജില്ലാ സെക്രട്ടറി എ.സുഭാഷ്,എ.എ.അസീസ്, ആർഎസ്പി ജില്ലാ സെക്രട്ടറി കെ.എസ്.വേണുഗോപാൽ, ടി.സി.വിജയൻ, ഇടവനശേരി സുരേന്ദ്രൻ, പുലത്തറ നൗഷാദ്, എം. ദീപാ മണി, പ്രദീപ് കണ്ണനല്ലൂർ, പ്ലാക്കാട് ടിങ്കു, ഷമീനാ ഷംസുദ്ധീൻ, ആർ. വൈശാഖ്, എസ്.ഷാനവാസ്, രഞ്ജിത്ത് ദാസ്, നവീൻ നീണ്ടകര, സജീവ് ദാമോദരൻ, ബ്രിജേഷ് നാഥ് എന്നിവർ പ്രസംഗിച്ചു. ജില്ലാ ഭാരവാഹികളായി എഫ് സ്റ്റാലിൻ (പ്രസിഡന്‍റ്), സുഭാഷ് എസ്. കല്ലട(സെക്രട്ടറി) ബ്രിജേഷ് നാഥ് (ട്രഷറർ) എന്നിവരെ തെരഞ്ഞെടുത്തു.

ഇടതുമുന്നണി ദുർഭരണം; പൂതക്കുളം പഞ്ചായത്ത് ഓഫീസിന് മുന്നിൽ ബിജെപി ധർണ നടത്തി

പരവൂർ : ബിജെപി പൂതക്കുളം പഞ്ചായത്ത്‌ സമിതിയുടെ നേതൃത്വത്തിൽ പുതക്കുളം പഞ്ചായത്ത്‌ കാര്യാലയത്തിന് മുന്നിൽ ധർണ നടത്തി. ഇടതുമുന്നണി ദുർഭരണം നടത്തുന്നുവെന്ന് ആരോപിച്ചായിരുന്നു സമരം. ബിജെപി സംസ്ഥാന കൗൺസിൽ അംഗം ബി.ബി. ഗോപകുമാർ ഉദ്‌ഘാടനം ചെയ്തു. ബിജെപി നോർത്ത് പഞ്ചായത്ത് സമിതി പ്രസിഡന്‍റ് ബിജു കോട്ടുമൺകോണം അധ്യക്ഷത വഹിച്ചു. ജില്ലാവൈസ് പ്രസിഡന്‍റ് പരവൂർ സുനിൽ, മണ്ഡലം ജനറൽ സെക്രട്ടറി ബൈജു ലക്ഷ്മണൻ, ബിജെപി പഞ്ചായത്ത് പാർലമെന്‍ററി പാർട്ടി ലീഡർ സജീഷ് മാങ്കൂട്ടം, ചിപ്പി ചന്ദ്രൻ, വേക്കുളം രാമൻ, വി. കെ.സുനിൽകുമാർ പഞ്ചായത്ത് മെമ്പർമാരായ ഗീതാ ഉണ്ണി, മഞ്ജുഷന്‍, സത്യശീലൻ എന്നിവർ പ്രസംഗിച്ചു.

ഓപ്പറേഷൻ പി - ഹണ്ട് : കുട്ടികളുടെ നഗ്നചിത്രം സൂക്ഷിച്ച് മൊബൈൽ ഫോണുകൾ കണ്ടെത്തി

കൊട്ടാരക്കര : സംസ്ഥാന വ്യാപകമായി നടന്ന ഓപ്പറേഷൻ പി - ഹണ്ടി െ ന്‍റ ഭാഗമായി കൊല്ലം റൂറൽ ജില്ലയിൽ നടത്തിയ പോലീസ് റെയ്ഡിൽ വിവിധ സ്ഥലങ്ങളിൽ നിന്നായി കുട്ടികളുടെ അശ്ലീല ചിത്രങ്ങളും വീഡിയോകളും സൂക്ഷിച്ചുവയ്ക്കുന്നതിനും പ്രചരിപ്പിക്കുന്നതിനുമായി ഉപയോഗിച്ച മൂന്നു മൊബൈൽ ഫോണുകൾ പിടിച്ചെടുത്തു. കഴിഞ്ഞ ദിവസം രാവിലെ ആറു മുതൽ ജില്ലയുടെ വിവിധ ഭാഗങ്ങളിലായി ഒരേസമയം നടത്തിയ റെയ്ഡുകളിലായാണ് കുട്ടികളുടെ അശ്ലീല വീഡിയോകളും ഇത് പ്രചരിപ്പിച്ചു വന്നതായി കണ്ടെത്തുന്നത്. കുട്ടികളുടെ അശ്ലീല ചിത്രങ്ങളും വീഡിയോകളും പ്രചരിപ്പിക്കുന്നതായും ഡൗൺ ൺലോഡ് ചെയ്തു സൂക്ഷിക്കുന്നതായുള്ള വിവരത്തിന്‍റെ അടിസ്ഥാനത്തിൽ കൊല്ലം ജില്ലാ പോലീസ് മേധാവി സാബു മാത്യുവിന്റെ നിർദേശാനുസരണമാ ണ് റെയ്ഡ് നടത്തിയത്. കൊല്ലം റൂറൽ ജില്ലയിലെ സൈബർ ക്രൈം പോലീസ് സ്റ്റേഷനിലെയും വിവിധ ലോക്കല്‍ പോലീസ് സ്റ്റേഷനുകളിലെയും എസ്എച്ച്ഒ മാർ ഉൾപ്പെടെയുള്ള ഉദ്യോഗസ്ഥർ റെയ്‌ഡിൽ പങ്കെടുത്തു. ശാസ്താംകോട്ട, ഏരൂര്‍, പൂയപ്പള്ളി എന്നീ പോലീസ് സ്റ്റേഷൻ പരിധികളിൽ നിന്നാണ് മൊബൈൽ ഫോണുകൾ പിടിച്ചെടുത്തത്. പിടിച്ചെടുത്ത മൊബൈൽ ഫോണുകൾ ഫോറൻസിക് പരിശോധനയ്ക്കായി തിരുവനന്തപുരം ഫോറൻസിക് സയൻസ് ലാബിലേക്ക് അയക്കുന്നുണ്ട്. കുട്ടികൾക്ക് നേരെയുള്ള ലൈഗിംകാതിക്രമങ്ങൾ തടയുന്നതിന്‍റെ ഭാഗമായാണ് പോലീസ് ഇത്തരം റെയ്ഡുകൾ സംഘടിപ്പിക്കുന്നത്. കുട്ടികളുടെ അശ്ലീല ചിത്രങ്ങളും വീഡിയോകളും പ്രചരിപ്പിക്കുകയും സൂക്ഷിക്കുകയും ചെയ്യുന്നവർക്കെതിരേ കൊല്ലം റൂറൽ പോലീസ് നടപടികൾ ഊർജിതമായി തുടരുമെന്നു ജില്ലാ പോലീസ് മേധാവി സാബു മാത്യു പറഞ്ഞു.

പനയ്ക്കറ്റോടില്‍ ദേവീക്ഷേത്രത്തിൽ തിരുവാഭരണ ഘോഷയാത്ര നടന്നു

ചവറ : ചവറ തെക്കുംഭാഗം പനയ്ക്കറ്റോടില്‍ ദേവീക്ഷേത്രത്തിലെ താലപ്പൊലി ഉത്സവത്തിന് മുന്നോടിയായി തിരുവാഭരണ ഘോഷയാത്ര ഭക്തിനിർഭരമായി നടന്നു. ആനന്ദവല്ലീശ്വരം ക്ഷേത്രത്തില്‍ നിന്നും വാദ്യമേളങ്ങളുടെ അകമ്പടിയോടെ പുറപ്പെട്ട ഘോഷയാത്ര മുളങ്കാടകം ക്ഷേത്രം, ശക്തികുളങ്ങര ക്ഷേത്രം വഴി കൊറ്റന്‍കുളങ്ങര ദേവീക്ഷേത്രത്തിലെത്തി. അവിടെ നിന്നും ചവറ ഭരണിക്കാവ്, മാടന്‍നട വഴി കോയിവിള അയ്യന്‍കോയിക്കല്‍ ധര്‍മ ശാസ്താ ക്ഷേത്രത്തിലെത്തി. പാവുമ്പ ദേവീക്ഷേത്രം വഴി കുളങ്ങര വെളി ദേവീ പീഠ സന്നിധിയിലെത്തിയപ്പോള്‍ അവിടെ നിന്നും താലപ്പൊലി, അലങ്കരിച്ച വാഹനങ്ങള്‍ എന്നിവയുടെ അകമ്പടിയോടെ പനവിള സുബ്രഹ്‌മണ്യ സ്വാമി ക്ഷേത്രം, ഉദയാദിത്യപുരം ക്ഷേത്രം വഴി പനയ്ക്കറ്റോടില്‍ ദേവീക്ഷേത്രത്തിലെത്തി തിരുവാഭരണം ചാര്‍ത്തി ദീപാരാധന നടന്നു. ഘോഷയാത്ര കടന്നു പോയ വഴികളില്‍ ഭക്തര്‍ നിലിവളക്ക് കൊളുത്തി ദേവിയെ സ്വീകരിച്ചു. പ്രസിദ്ധമായ താലപ്പൊലി ഇന്ന് വൈകുന്നേരം മൂന്നിന് ക്ഷേത്രത്തില്‍ നിന്നും പുറപ്പെടും. 29ന് രാത്രി 7.30 നു ശേഷം കൊടിയേറ്റ്. മേയ് എട്ടിനാണ് ഉത്സവം സമാപിക്കുക.

അനധികൃതമായി കടത്താൻ ശ്രമിച്ച 34 ലക്ഷവുമായി രണ്ടുപേർ പിടിയിൽ

പുനലൂർ : ചെന്നൈ എഗ്‌മോർ - കൊല്ലം എക്സ്പ്രസ് ട്രെയിനിൽ കടത്താൻ ശ്രമിച്ച 34,62, 850 രൂപയുമായി രണ്ടുപേർ പുനലൂർ റെയിൽവേ പോലീസിന്‍റെ പിടിയിലായി. തമിഴ്നാട് കടയനല്ലൂർ സ്വദേശി അബ്ദുൾ അജീസ് (46) കൊല്ലത്ത് സ്ഥിര താമസമാക്കിയ വിരുദുനഗർ സ്വദേശി ബാലാജി (46 ) എന്നിവരാണ് പിടിയിലായത്. കഴിഞ്ഞ രണ്ടുമാസത്തിനിടെ പുനലൂർ വഴി ഏകദേശം രണ്ടു കോടിയോളം രൂപയാണ് രേഖകൾ ഇല്ലാതെ പിടികൂടിയത്. കടത്തിക്കൊണ്ടുവന്ന പണത്തിനു ഉറവിടമോ മറ്റ്‌ രേഖകളോ ഹാജരാക്കാൻ ഇവർക്ക് സാധിച്ചിട്ടില്ല. ട്രെയിൻ മാർഗം വൻതോതിൽ ലഹരി സാധനങ്ങളും കുഴൽപണവും എത്തുന്നതായുള്ള വിവരത്തിന്‍റെ അടിസ്ഥാനത്തിൽ നടന്ന പരിശോധനയിലായാണ് പണം പിടികൂടിയത്. പുനലൂർ റെയിൽവേ പോലീസ് എസ്എച്ച്ഒ ശ്രീകുമാറിന്‍റെ നേതൃത്വത്തിലുള്ള സംഘമാണ് ട്രെയിനിൽ പരിശോധന നടത്തിയത്.

മാരാമൺ മാളിയേക്കൽ കുടുംബയോഗം വാർഷിക സമ്മേളനം

പുനലൂർ: മാരാമൺ മാളിയേക്കൽ കുടുംബയോഗം 48-ാം വാർഷിക സമ്മേളനം 2025 മേയ് ഒന്നിന് രാവിലെ 9.30 മുതൽ കാരായ്മ സെന്‍റ്മേരീസ് ഓർത്തഡോക്സ് ചർച്ച് പാരിഷ് ഹാളിൽ നടക്കും. പ്രസിഡന്‍റ് തോമസ് കുരുവിളയുടെ അധ്യക്ഷതയിൽ കൂടുന്ന കുടുംബ യോഗം ഓർത്തഡോക്സ് സഭ നിലയ്ക്കൽ ഭദ്രാസന അധ്യക്ഷൻ ഡോ. ജോഷ്വാ മാർ നിക്കോദിമോസ് മെത്രാപ്പോലീത്ത ഉദ്‌ഘാടനം ചെയ്ത് അനുഗ്രഹപ്രഭാഷണം നടത്തും. കുടുംബയോഗത്തിൽ സംബന്ധിക്കുന്ന 80 വയസിനു മുകളിൽ പ്രായമുള്ള കുടുംബാംഗങ്ങളെയും 2024- 25 വർഷത്തിൽ മികച്ച നേട്ടങ്ങൾ കൈവരിച്ച കുടുംബാംഗങ്ങളെയും മെത്രാപ്പോലീത്ത ആദരിക്കും. സമ്മേളനത്തിൽ സുനിൽ ഡി. കുരുവിള മുഖ്യപ്രഭാഷണം നടത്തും. ഫാ.അലക്സാണ്ടർ എസ്. വട്ടയ്ക്കാട്, ബിന്ദു പ്രദീപ്, ഫാ. എം.കെ .ഇമ്മാനുവേൽ, ഫാ. മാത്യൂ ചിറത്താൺ, ഫാ. ജെസ്റ്റിൻ അനിയൻ എന്നിവർ പ്രസംഗിക്കും.

ലോക മനസുകൾ കീഴടക്കിയ ജീവിതവിശുദ്ധിയുടെ മാതൃകയാണ് മാര്‍പാപ്പ : മന്ത്രി കെ.ബി.ഗണേഷ്‌കുമാര്‍

വാളകം: ലാളിത്യവും കാരുണ്യവുംകൊണ്ട് ലോക മനസുകൾ കീഴടക്കിയ ജീവിതവിശുദ്ധിയുടെ മാതൃകയാണ് മാര്‍പാപ്പയെന്ന് മന്ത്രി കെ.ബി. ഗണേഷ്‌കുമാര്‍. വാളകം ഗാന്ധിഭവന്‍ മേഴ്‌സി ഹോമില്‍ നടന്ന ഫ്രാന്‍സിസ് മാര്‍പാപ്പയുടെ അനുസ്മരണ സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു ഗണേഷ് കുമാർ. അനുസ്മരണ സമ്മേളനത്തില്‍ മാര്‍ത്തോമാ സഭ കൊട്ടാരക്കര-പുനലൂര്‍ ഭദ്രാസനാധ്യക്ഷൻ ഡോ. തോമസ് മാര്‍ തീത്തോസ് എപ്പിസ്‌കോപ്പ അധ്യക്ഷത വഹിച്ചു . ഗാന്ധിഭവന്‍ മേഴ്‌സിഹോം ഡയറക്‌ടര്‍ ഡോ. വിന്‍സെന്‍റ് ഡാനിയേല്‍, മുഹ്‌സിന്‍ അഹമ്മദ് ബാക്കവി, ഗാന്ധിഭവന്‍ മാനേജിംഗ് ഡയറക്ടറും മുന്‍ ആര്‍ഡി ഒയുമായ ബി. ശശികുമാര്‍, ഭാഗവതാചാര്യന്‍ സി.ബി.ശ്രീശുകന്‍ , ഉമ്മന്നൂര്‍ പഞ്ചായത്തംഗം കെ. അജിത തുടങ്ങിയവര്‍ പ്രസംഗിച്ചു. ചടങ്ങില്‍ വാളകം ഗാന്ധിഭവന്‍ മേഴ്‌സിഹോം സമര്‍ത്ഥരായ നിര്‍ധന വിദ്യാര്‍ഥികള്‍ക്ക് എല്ലാ മാസവും ഒരു നിശ്ചിതതുക പഠനസഹായം നല്‍കുന്ന ഗാന്ധിഭവന്‍-പോപ്പ് ഫ്രാന്‍സിസ് എന്‍ഡോവ്മെന്‍റ് പ്രഖ്യാപനവും നടന്നു. പ്രസാദ് കോടിയാട്ട്, സാം കെ.ഏബ്രഹാം, അനിൽകുമാർ, അലക്‌സ് മാമ്പുഴ, ബീന മന്ന, ഷിബു നെല്ലിക്കുന്നം, കെ.ജി. വര്‍ഗീസ്, ഒ.ജോണ്‍, അരുണ്‍ലാല്‍, വിഷ്ണു മലമേൽ, അലക്സ്‌, ജയശ്രീ,ബിന്ദു എന്നിവര്‍ ചടങ്ങിന് നേതൃത്വം നല്‍കി.

ഐടി പാർക്കുകളിൽ ബാർ തുടങ്ങാനുള്ള സർക്കാർ നീക്കം ഉപേക്ഷിക്കണമെന്ന്

കൊട്ടാരക്കര : പൊതുമേഖലയിലും സ്വകാര്യ മേഖലയിലുമുള്ള ഐടി പാർക്കുകളിൽ മദ്യശാലകൾ ആക്കാനുള്ള സർക്കാരി െ ന്‍റ നീക്കം ഉപേക്ഷിക്കണമെന്ന് ആശ്രയ അനാഥരില്ലാത്ത ഭാരതം ദക്ഷിണ മേഖല കമ്മിറ്റി ആവശ്യപ്പെട്ടു. ലഹരിയെ പ്രോത്സാഹിപ്പിക്കുന്ന തരത്തിലുള്ള സർക്കാർ തീരുമാനങ്ങൾ അപലപനീയം ആണന്നു ദക്ഷിണ മേഖല സമ്മേളനം അഭിപ്രായപ്പെട്ടു. സംസ്ഥാന വൈസ് പ്രസിഡന്‍റ് പട്ടാഴി മുരളീ മാസ്റ്ററുടെ അധ്യക്ഷതയിൽ ചേർന്ന യോഗത്തിൽ പെരുങ്കുളം രാജീവ്, അഡ്വ.വി.ജി.സുരേഷ് ബാബു, ജി.വിദ്യാസാഗർ, എം.എസ്.ബിജു കുളത്തൂപ്പുഴ, അലക്സ് മാമ്പുഴ, ഇ.പി.രാഘവൻ പിള്ള, ബാബുക്കുട്ടൻചിറ, കുളക്കട രാധാകൃഷ്ണൻ, ഇരിങ്ങൂർ യോഹന്നാൻ, അനിൽ ആഴാവീട് എന്നിവർ പ്രസംഗിച്ചു.

ചികിത്സാസഹായം വിതരണം ചെയ്തു

കരുനാഗപ്പള്ളി : റിയാദ് കേന്ദ്രമായി പ്രവർത്തിച്ചുവരുന്ന മൈത്രി കരുനാഗപ്പള്ളി കൂട്ടായ്മയുടെ 20-ാം വാർഷികത്തിെ ന്‍റ ഭാഗമായി കാരുണ്യഹസ്തം പദ്ധതിയിലൂടെ 20 ലക്ഷം രൂപയുടെ സാമ്പത്തിക സഹായം അർബുദ രോഗബാധിതർക്ക് വിതരണം ചെയ്തു. 200 കാൻസർ രോഗികൾക്കായി 10 രൂപ വീതമാണ് നൽകിയത്. ശ്രീധരീയം കൺവൻഷൻ സെന്‍ററിൽ നടന്ന പരിപാടിയിൽ പ്രമുഖ കാൻസർ രോഗ വിദഗ്ധൻ ഡോ.വി.പി.ഗംഗാധരൻ കാൻസർ ബോധവത്കരണ ക്ലാസ് നയിച്ചു. തുടർന്നു നടന്ന സാംസ്കാരിക പരിപാടി മന്ത്രി ജെ. ചിഞ്ചുറാണി ഉദ്ഘാടനം ചെയ്തു. എംഎൽഎമാരായ ഡോ.സുജിത്ത് വിജയൻപിള്ള, സി.ആർ.മഹേഷ് എന്നിവർ ചേർന്ന് സഹായവിതരണം നടത്തി. റഹ്മാൻ മുനമ്പത്ത് അധ്യക്ഷനായി. നഗരസഭ ചെയർമാൻ പടിപ്പുര ലത്തീഫ്, മുൻ എംപി അഡ്വ.എ.എം.ആരിഫ്, ഗാന്ധിഭവൻ സെക്രട്ടറി പുനലൂർ സോമരാജൻ, ഷിഹാബ് കൊട്ടുകാട്, നസീർ വെളിയിൽ,ഷംനാദ് കരുനാഗപ്പള്ളി, ബാലുകുട്ടൻ, സാദിഖ്, നാസർ ലെയ്സ്, നൗഷാദ് ഫിദ എന്നിവർ പങ്കെടുത്തു. ഫിറോസ് നല്ലാന്തറയിൽ, മദനൻപിള്ള എന്നിവരെ ചടങ്ങിൽ ആദരിച്ചു. 2005 മുതൽ റിയാദിലെ കരുനാഗപ്പള്ളി താലൂക്കുകാരുടെ കൂട്ടായ്മ രൂപവത്കരിച്ച് പ്രവർത്തിച്ചുവരികയാണ് മൈത്രി ജീവകാരുണ്യ സംഘടന.

ജീവിത ശൈലി രോഗനിർണയ ക്യാമ്പ് "അരികിലുണ്ട്' തുടങ്ങി

കുളത്തൂപ്പുഴ:സംസ്ഥാന ആരോഗ്യ വകുപ്പ് സംഘടിപ്പിക്കുന്ന ജീവിത ശൈലി രോഗനിർണയ ക്യാമ്പ് "അരികിലുണ്ട്' പരിപാടിയുടെ ഭാഗമായ സഞ്ചരിക്കുന്ന ജീവിതശൈലി രോഗനിർണയ ക്യാമ്പിന് കുളത്തൂപ്പുഴയിൽ തുടക്കമായി. ജീവിതശൈലി രോഗങ്ങളായ പ്രമേഹം, രക്താദിസമ്മർദം, കാൻസർ, ശ്വാസകോശ സംബന്ധമായ രോഗങ്ങൾ, ക്ഷയരോഗം, എന്നിവയ്ക്കുള്ള രോഗനിർണയവും കൗൺസിലിംഗുമാണ് മൊബൈൽ ക്യാമ്പിലൂടെ ഉദ്ദേശിക്കുന്നത്. ക്യാമ്പുകളിൽ പങ്കെടുക്കാൻ കഴിയാത്ത വ്യാപാരി വ്യവസായികൾ, ഓട്ടോ - ടാക്സി തൊഴിലാളികൾ, സർക്കാർ, അർദ്ധസർക്കാർ സ്ഥാപനത്തിലെ ജീവനക്കാർ, ഇതരദേശ തൊഴിലാളികൾ എന്നിവരുടെ സൗകര്യാർഥമാണ് മൊബൈൽ ക്യാമ്പുകൾ തയാറാക്കിയിട്ടുള്ളത്. വരുംദിവസങ്ങളിൽ കുളത്തൂപ്പുഴ പഞ്ചായത്തി െ ന്‍റ വിവിധ പ്രദേശങ്ങളിൽ മൊബൈൽ യൂണിറ്റ് സഞ്ചരിച്ച് രോഗനിർണയം നടത്തും. കുളത്തൂപ്പുഴ പഞ്ചായത്ത് ഓഡിറ്റോറിയത്തിൽ സംഘടിപ്പിച്ച യോഗത്തിന്‍റെ ഉദ്ഘാടനം പഞ്ചായത്ത് വൈസ് പ്രസിഡന്‍റ് ടി.തുഷാര നിർവഹിച്ചു. ഹെൽത്ത് സൂപ്പർവൈസർ സി.ആർ. അരുൺകുമാർ, ഹെൽത്ത് ഇൻസ്പെക്‌ടർ എസ്. ഷൈജു, വി.എസ്. പ്രദീപ്, അശ്വതി,ഷിജു ലാൽ ആശാവർക്കർമാരായ മായ, ഉഷ, മീന എന്നിവർ നേതൃത്വം നൽകി.

വന്യജീവികള്‍ നാടിന് അപകടമാകാതിരിക്കാൻ ; ചർച്ച നടത്തി

കൊല്ലം: വന്യജീവികള്‍ നാടിന് അപകടമാകാതിരിക്കാനുള്ള മാര്‍ഗങ്ങള്‍ തേടി ലോക വെറ്ററിനറി ദിനത്തോടനുബന്ധിച്ച് മൃഗസംരക്ഷണ വകുപ്പും ഇന്ത്യന്‍ വെറ്ററിനറി അസോസിയേഷനും ശ്രീനാരായണഗുരു സാംസ്‌കാരിക സമുച്ചയത്തില്‍ സംയുക്തമായി നടത്തിയ ചർച്ച മേയര്‍ ഹണി ബഞ്ചമിൻ ഉദ്ഘാടനം ചെയ്തു. മുന്‍മന്ത്രി കെ.രാജു, മൃഗക്ഷേമ പ്രവര്‍ത്തക ചിത്ര അയ്യര്‍, ആര്യങ്കാവ് പഞ്ചായത്ത് പ്രസിഡന്‍റ് സുജ തോമസ്, വനംവകുപ്പ് വെറ്ററിനറി ഓഫീസര്‍മാരായ ഡോ. അനുരാജ്, ഡോ.സിബി, അസിസ്റ്റന്‍റ് കണ്‍സര്‍വേറ്റര്‍ മുഹമ്മദ് അന്‍വര്‍, മേഖല ഡെപ്യൂട്ടി ഡയറക്ടര്‍ പ്രിയന്‍ അലക്‌സ് റൊബെല്ലോ, ശ്രീനാരായണ കോളജ് ബോട്ടണി വിഭാഗം മേധാവി നിഷ, മാധ്യമ പ്രവര്‍ത്തകന്‍ ജയചന്ദ്രന്‍ ഇലങ്കത്ത്, മൃഗസംരക്ഷണവകുപ്പിലെ ഡെപ്യൂട്ടി ഡയറക്‌ടര്‍മാരായ ഡോ.ഡി.ഷൈന്‍കുമാര്‍, ഡോ.ബി.അജിത് ബാബു തുടങ്ങിയവര്‍ പങ്കെടുത്തു.

മഹാഇടയന് പ്രാർഥനാ നിർഭരമായ അനുശോചനം അർപ്പിച്ചു

കുളത്തൂപ്പുഴ : ഏഴംകുളം ഹോളി ഫാമിലി മലങ്കര കത്തോലിക്കാ പള്ളി എംസിഎ ഏഴംകുളം യൂണിറ്റിന്‍റെ ആഭിമുഖ്യത്തിൽ മഹാ ഇടയന് പ്രാർഥനാ നിർഭരമായ അനുശോചനം അർപ്പിച്ചു. മാത്തുണ്ണി പുത്തൻവിള അധ്യക്ഷതവഹിച്ചു. അഭയാർഥികളോടും ദരിദ്രരോടും പാർശ്വവത്കരിക്കപ്പെട്ടവരോടും വേദനിക്കുന്നവരോടും അസാധാരണമായ അനുകമ്പ കാണിച്ച കരുണയുടെ മഹാഇടയനായിരുന്നു ഫ്രാൻസിസ് മാർപാപ്പായെന്ന് ഇടവക വികാരി ഫാ. ജോഷ്വാ കൊച്ചുവിളയിൽ അനുശോചന സന്ദേശന സന്ദേശത്തിൽ പറഞ്ഞു. ഫാ.സിജോ തോമസ് കൊച്ചുവിളയിൽ,എംസിഎംഎഫ് അതിരൂപതാ പ്രസിഡന്‍റ് ലൗലി രാജൻ, എംസിഎ അതിരൂപത സെക്രട്ടറി രാജുമോൻ ഏഴംകുളം,ജോയ് മാക്കുളത്ത്,എംസിഎ വൈദിക ജില്ലാ പ്രസിഡന്‍റ് ഏഴംകുളം രാജൻ എന്നിവർ അനുശോചന പ്രസംഗം നടത്തി.

വേട്ടുതറയിലെ അടിപ്പാത : ഗതാഗത മന്ത്രാലയത്തിന്‍റെ പരിഗണനയിൽ : എൻ.കെ.പ്രേമചന്ദൻ എംപി

കൊല്ലം : ദേശീയപാത 66- ല്‍ വേട്ടുതറ ജോയിന്‍റ് ജംഗ്ഷനില്‍ വാഹന ഗതാഗതത്തിന് അടിപ്പാത നിര്‍മാണത്തിനുള്ള നടപടികള്‍ ഉപരിതല ഗതാഗത മന്ത്രാലയത്തിന്‍റെ പരിഗണനയിലാണെന്ന് എന്‍.കെ.പ്രേമചന്ദ്രന്‍ എംപി അറിയിച്ചു. ദേശീയപാത അഥോറിറ്റി പ്രോജക്‌ട് ഡയറക്ടര്‍, റീജണല്‍ ഓഫീസര്‍, ദേശീയപാത അഥോറിറ്റി മെമ്പര്‍ വെങ്കിട്ടരമണ എന്നിവരുമായി നടന്ന ചർച്ചയ്ക്ക് ശേഷമാണ് ഇക്കാര്യം അറിയിച്ചത്. 12 കോടി രൂപയുടെ അധികചെലവ് അടിപ്പാത മാറ്റി സ്ഥാപിക്കുന്നതിന് ഉണ്ടാകുമെന്നാണ് കണക്കാക്കിയിട്ടുള്ളത്. അധിക ബാധ്യത അനുവദിക്കാന്‍ ദേശീയപാത അഥോറിറ്റിക്ക് അധികാരമില്ലാത്ത സാഹചര്യത്തിലാണ് മന്ത്രാലയത്തിന്‍റെ സാമ്പത്തികാനുമതിക്കായി സമര്‍പ്പിക്കുന്നത്. കരാറുകാരനെക്കൊണ്ട് നിലവിലെ കരാര്‍ പ്രകാരം നിർമാണം നടത്താന്‍ നിയമപരമായി കഴിയാത്ത സാഹചര്യവും നിലവിലുണ്ട്. സാമ്പത്തിക അനുമതി ലഭ്യമായാല്‍ പുതിയ ടെണ്ടര്‍ വിളിക്കേണ്ടിവരുമെന്നും അധികൃതര്‍ അറിയിച്ചിട്ടുണ്ട്. മന്ത്രാലയത്തിന്‍റെ സാമ്പത്തികാനുമതി ലഭിക്കുന്നതിനുള്ള നടപടികള്‍ ഊര്‍ജിതപ്പെടുത്തുമെന്നും സാമ്പത്തികാനുമതിയുടെ അടിസ്ഥാനത്തില്‍ മാത്രമേ തുടര്‍നടപടികള്‍ സ്വീകരിക്കാന്‍ കഴിയൂയെന്നും എന്‍.കെ.പ്രേമചന്ദ്രന്‍ എംപി അറിയിച്ചു.

യുവാക്കളെ കായികമേഖലയിലേക്ക് തിരിച്ചുവിടാൻ വേണ്ട സൗകര്യങ്ങളൊരുക്കണം : സുജിത് വിജയൻപിള്ള എംഎൽഎ

പന്മന: യുവാക്കളെ കായിക മേഖലയിലേക്ക് തിരിച്ചുവിടുന്നതിന് ആവശ്യമായ ഇടങ്ങളും സൗകര്യങ്ങളും കായികമാണ് ലഹരിയെന്ന ആശയത്തെ മുൻനിർത്തി ഒരുക്കണമെന്ന് ഡോ.സുജിത് വിജയൻപിള്ള എംഎൽഎ. പന്മന പൗരാവലിയുടെ നേതൃത്വത്തിൽ കൊല്ലം ജില്ലാ ഫുട്ബോൾ അസോസിയേഷൻ ഭാരവാഹികൾക്ക് നൽകിയ സ്വീകരണ പരിപാടിയും സ്നേഹാദരവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ജില്ലാ ഫുട്ബോൾ അസോസിയേഷൻ പ്രസിഡന്‍റ് പന്മന മഞ്ചേഷ്, സെക്രട്ടറി എ.ഹിജാസ്, ട്രഷറർ കുരുവിള ജോസഫ് എന്നിവരെ ചടങ്ങിൽ ആദരിച്ചു. പന്മല പൗരാവലി ചെയർമാൻ നിസാർ കന്നയിൽ അധ്യക്ഷത വഹിച്ചു. യോഗത്തിൽ ജില്ലാ പഞ്ചായത്തംഗം അഡ്വ.സി.പി.സുധീഷ് കുമാർ, പഞ്ചായത്ത് അംഗങ്ങളായ അനീസ നിസാർ, ഷംന റാഫി, ഹൻസിയ, ഫിറോസ് നല്ലാന്തറയിൽ, അൻസർ ബെസ്റ്റ് ബിൽഡേഴ്സ്, എം.അജി, എ.കെ.ആനന്ദ് കുമാർ, ഷിഹാബ് മാമൂട്ടിൽ, അബ്ദുൽ സലീം, സി.മനോജ് കുമാർ, ആഷിം, സിദ്ദിഖ്, സൽമാൻ പടപ്പനാൽ, തേവലക്കര നാസർ, മംഗലത്ത് മണികണ്ഠൻ, സിനികുമാർ, എ.മൻസൂർ, അൻവർ സാദത്ത്, ഇർഫാൻ എന്നിവർ പങ്കെടുത്തു.

നെല്ലിപ്പള്ളി സെന്‍റ് ജോർജ് ഓർത്തഡോക്സ് ചാപ്പലിൽ വി. ഗീവർഗീസ് സഹദായുടെ ഓർമപെരുന്നാളിന് കൊടിയേറി

പുനലൂർ: നെല്ലിപ്പള്ളി സെന്‍റ് ജോർജ് ഓർത്തഡോക്സ് ചാപ്പലിൽ വി. ഗീവർഗീസ് സഹദായുടെ ഓർമപെരുന്നാളിന് ഇന്നലെ വി. കുർബാനയ്ക്ക് ശേഷം വികാരി ഹബീബ് ജോസഫ് റമ്പാൻ കൊടിയേറ്റി. 30ന് വൈകുന്നേരം ആറിന് സന്ധ്യാ നമസ്കാരം, 7.30ന് റാസ മുക്കടവ് കുരിശും തൊട്ടിയിൽ നിന്നും തുടങ്ങി നെല്ലിപ്പള്ളി ജംഗ്ഷനിൽ കൂടി പള്ളിയിൽ എത്തി ചേരും. 9.30 ന് ആശിർവാദം മേയ്‌ ഒന്നിന് രാവിലെ 6.30ന് പ്രഭാത നമസ്കാരം തുടർന്ന് 7.30ന് വി. മൂന്നിന്മേൽ കുർബാന സുൽത്താൻ ബത്തേരി ഭദ്രാസനാധിപൻ ഡോ. ഗീവർഗീസ് മാർ ബർണബാസിന്‍റെ മുഖ്യകാർമികത്വത്തിൽ നടക്കും. 9.30ന് റാസ കുരിശും തൊട്ടി വരെ. 10ന് ആശിർവാദം നേർച്ചവിളമ്പ്. പെരുന്നാളിൽ പത്തനാപുരം മൗണ്ട് താബോർ ദയറായിലെ റമ്പാച്ചന്മാരുടെയും വൈദികരുടെയും മറ്റു സമീപ ഇടവകകളിലെ വികാരിമാരുടെയും നേതൃത്വത്തിൽ നടക്കുമെന്ന് വികാരി ഹബീബ് ജോസഫ് റമ്പാൻ അറിയിച്ചു.

ഫ്രാന്‍സിസ് മാര്‍പാപ്പ അനുസ്മരണ റാലി നടത്തി

അഞ്ചല്‍ : കാലം ചെയ്ത ഫ്രാന്‍സിസ് മാര്‍പാപ്പായുടെ അനുസ്മരണാര്‍ഥം അഞ്ചലില്‍ റാലിയും പൊതുസമ്മേളനവും പുഷ്പാര്‍ച്ചനയും നടന്നു. സെന്‍റ് മേരീസ് മലങ്കര കത്തോലിക്കാ പള്ളിയില്‍ രാവിലെ അനുസ്മരണ പ്രാര്‍ഥനകള്‍ നടന്നു. തുടര്‍ന്ന് അഞ്ചല്‍ ആര്‍ഒ ജംഗ്ഷനിലേക്ക് റാലി നടത്തി. നൂറുകണക്കിന് വിശ്വാസികള്‍ റാലിയില്‍ അണിചേര്‍ന്നു. തുടര്‍ന്ന് നടന്ന പൊതുസമ്മേളനത്തില്‍ മുന്‍ മന്ത്രി അഡ്വ.കെ.രാജു, സിപി എം സംസ്ഥാന കമ്മിറ്റി അംഗം എസ്.ജയമോഹന്‍, ഏരൂര്‍ പഞ്ചായത്ത് പ്രസിഡന്‍റ് അജിത്ത്, അലയമണ്‍ പഞ്ചായത്ത് മുന്‍ പ്രസിഡന്‍റ് ഹസീന മനാഫ്, ശബരിഗിരി ഗ്രൂപ്പ് ചെയര്‍മാന്‍ ഡോ.വി.കെ.ജയകുമാര്‍, വിവിധ രാഷ്‌ട്രീയ കക്ഷി നേതാക്കളായ അഡ്വ.സൈമണ്‍ അലക്‌സ്, അഡ്വ.ലിജു ജമാല്‍, അഡ്വ. അഞ്ചല്‍ സോമന്‍, ബാബു പണിക്കര്‍, തോയിത്തല മോഹനന്‍, എം.എം.സാദിഖ്,അഡ്വ.രഞ്ചു സുരേഷ്, ജി.പ്രമോദ്, ബിന്ദു തിലകന്‍, വി.വൈ.വർഗീസ്, ജാസ്മിന്‍ മഞ്ചൂര്‍, ഏരൂര്‍ സുഭാഷ്, സേതുനാഥ്, അഡ്വ.അഞ്ചല്‍ ടി. സജീവന്‍, വ്യാപാരി വ്യവസായി ഏകോപന സമിതി പ്രസിഡന്‍റ് ജി. ദേവരാജന്‍, പ്രദീപ് വിശ്വഭാരതി, അഞ്ചല്‍ ജഗദീശന്‍, ഫസില്‍ അല്‍-അമാന്‍, അനി ശബരി, കെ.വി.ടി.സോണി, അഞ്ചല്‍ ദേവരാജന്‍, ആര്‍ച്ചല്‍ സുഗതന്‍, വികാരി ഫാ. ബോവസ് മാത്യു, ട്രസ്റ്റി ഡോ.കെ.വി.തോമസ് കുട്ടി, സെക്രട്ടറി കോശി ജോണ്‍, ഒ.ജോണ്‍ പുത്തയം എന്നിവര്‍ പ്രസംഗിച്ചു.

ബജറ്റ് ടൂറിസം യാത്രകള്‍ വിജയം കണ്ടു; കൊല്ലത്ത് പുതിയ പാക്കേജുകള്‍ പ്രഖ്യാപിച്ചു

കൊല്ലം: അവധിക്കാല ഉല്ലാസയാത്രകള്‍ എന്ന പേരില്‍ കെഎസ്ആര്‍ടിസി ആവിഷ്‌കരിച്ച ബജറ്റ് ടൂറിസം യാത്രകള്‍ ഏപ്രില്‍ മാസത്തില്‍ ഇതുവരെ നേടിയത് 22 ലക്ഷം രൂപ. മുന്‍വര്‍ഷത്തേക്കാള്‍ ട്രിപ്പുകളുടെ എണ്ണത്തിലും കളക്ഷനിലും ഇരട്ടിയിലധികം വര്‍ധനവാണ് ഉണ്ടായത്.അവധിക്കാല യാത്രകള്‍ വന്‍ വിജയത്തില്‍ ആയതോടെ കൂടുതല്‍ ട്രിപ്പുകള്‍ ഉള്‍പ്പെടുത്തി കൊല്ലം ബജറ്റ് ടൂറിസം മേയ് മാസ കലണ്ടര്‍ പ്രഖ്യാപിച്ചു. മേയ് ഒന്നിന് വാഗമണ്‍, റോസ്മല എന്നീ യാത്രകളോടെയാണ് ഉല്ലാസ യാത്രകള്‍ ആരംഭിക്കും. ഉച്ചഭക്ഷണവും യാത്രക്കൂലിയും ഉള്‍പ്പെടെ 1020 രൂപയാണ് നിരക്ക്. റോസ്മല, തെന്മല, പാലരുവി എന്നീ വിനോദസഞ്ചാര കേന്ദ്രങ്ങള്‍ ഉള്‍പ്പെടുത്തിയുള്ള റോസ്മല യാത്രയ്ക്ക് 770 രൂപയാണ് നിരക്ക്. ഒന്നാം തീയതി കൂടാതെ മെയ് 18,31 എന്നീ ദിവസങ്ങളിലും വാഗമണ്‍ യാത്ര ഉണ്ടായിരിക്കും. മേയ് മൂന്നിനും 24നും ചാര്‍ട്ട് ചെയ്തിട്ടുള്ള ഇല്ലിക്കല്‍ കല്ല് - ഇലവീഴാപൂഞ്ചിറ യാത്ര രാവിലെ അഞ്ചുമണിക്ക് ആരംഭിച്ച് രാത്രി 10.30ന് മടങ്ങിയെത്തും. 820 രൂപയാണ് നിരക്ക്. മേയ് നാലിന് നെഫര്‍റ്റിറ്റി കപ്പല്‍ യാത്ര, മലയാറ്റൂര്‍ തീര്‍ഥാടനം എന്നിവ ഉണ്ടായിരിക്കും. അഞ്ചുമണിക്കൂര്‍ അറബിക്കടലില്‍ ചുറ്റികറങ്ങാനുള്ള അവസരം ഒരുക്കുന്ന യാത്രക്ക് കപ്പല്‍ എന്‍ട്രി ഫീ, ഗാനമേള, പലതരം ഗെയിമുകള്‍, ബുഫൈ ഡിന്നര്‍, മറ്റ് ആക്‌ടിവിറ്റീസ്, കെഎസ്ആര്‍ടിസി ബസ് ഫെയര്‍ എന്നിവ ഉള്‍പ്പെടെ 4240 രൂപയാണ് ചാര്‍ജ്. 5-10 വയസിനിടയിലുള്ള കുട്ടികള്‍ക്ക് 1950 രൂപ ആണ് നിരക്ക്. മെയ് നാല് കൂടാതെ മേയ് 25നും കപ്പല്‍ യാത്ര ഉണ്ടായിരിക്കും. ഭരണങ്ങാനം അല്‍ഫോന്‍സാമ്മ കബറിടം വഴി മലയാറ്റൂറിന് പോകുന്ന തീര്‍ഥാടന യാത്ര രാവിലെ അഞ്ചിന് ആരംഭിച്ച് രാത്രി 10ന് മടങ്ങിയെത്തും. 850 രൂപയാണ് നിരക്ക്. മെയ് ഏഴ്, 23 എന്നീ ദിവസങ്ങളില്‍ ഗവി ട്രിപ്പ് ഉണ്ടായിരിക്കും ബോട്ടിംഗ്, പ്രവേശനഫീസുകള്‍, ഗവി ഗൈഡ് ഫീസ്, ഉച്ചഭക്ഷണം എന്നിവ ഉള്‍പ്പെടെ 1750 രൂപയാണ് നിരക്ക്. മേയ് ഏഴിന് രാത്രി ഏഴിന് കണ്ണൂര്‍ കാഴ്ചകള്‍ എന്ന പേരിട്ടിരിക്കുന്ന കണ്ണൂര്‍ - കോഴിക്കോട് യാത്ര ആരംഭിക്കും. പാപ്പിനി േശരി, പൈതല്‍മല, പാലക്കയം തട്ട്, പെറ്റ് സ്റ്റേഷന്‍, പയ്യാമ്പലം, തെയ്യക്കാഴ്ചകള്‍, ബേപ്പൂര്‍ ബീച്ച് മിട്ടായിത്തെരുവ് എന്നിവ ഉള്‍പ്പെടുന്ന യാത്രയ്ക്ക് 2800 രൂപയാണ് നിരക്ക്. മേയ് 10ന് മൂന്ന് യാത്രകള്‍ ഉണ്ടായിരിക്കും. മാംഗോ മെഡോസ്, രാമക്കല്‍മേട്, പൊന്മുടി. മാന്‍ഗോ മെഡോസ് യാത്രയ്ക്ക് 1790രൂപയാണ് നിരക്ക്. രണ്ടുനേരത്തെ ഭക്ഷണം, പാര്‍ക്ക് എന്‍ട്രി ഫീ, പാര്‍ക്കിലെ ബോട്ടിംഗ്, ത്രീഡി തിയേറ്റര്‍ ഉള്‍പ്പെടെയുള്ള എല്ലാ റൈഡുകളുടെയും എന്‍ട്രി ഫീ എന്നിവ ഉള്‍പ്പെടുന്ന യാത്ര രാവിലെ 5.30ന് കൊല്ലത്ത് നിന്ന് ആരംഭിക്കും. രാമക്കല്‍മേട് യാത്രയ്ക്ക് 1030 രൂപയാണ് നിരക്ക്. രാവിലെ അഞ്ചിന് പുറപ്പെടുന്ന യാത്ര അയ്യപ്പന്‍കോവില്‍ തൂക്കുപാലം, കാല്‍വരി മൗണ്ട് രാമക്കല്‍മേട് എന്നിവിടങ്ങള്‍ സന്ദര്‍ശിക്കും. മേയ് 11ന് മൂന്നാര്‍ യാത്രയ്ക്ക് 2380 രൂപയാണ് നിരക്ക്. എസി ഡോര്‍മെറ്ററി താമസം, ജീപ്പ് സഫാരി, ഒരുനേരത്തെ ഉച്ചഭക്ഷണം എന്നിവ പാക്കേജില്‍ ഉള്‍പ്പെടും. മേയ് 11നുള്ള സ്നോ പാര്‍ക്ക് ട്രിപ്പ് യാത്രികര്‍ക്ക് ഒരു പുതിയ അനുഭവമാകും. പാര്‍ക്ക് എന്‍ട്രി, ഉച്ചഭക്ഷണം എന്നിവ ഉള്‍പ്പെടെ 2520 രൂപയാണ് നിരക്ക്.മേയ് 11ന് ശിവക്ഷേത്രങ്ങള്‍ യാത്ര രാവിലെ അഞ്ചിന് ആരംഭിച്ച് രാത്രി 10ന് മടങ്ങിയെത്തും. ആലുവ ശിവക്ഷേത്രം, ഏറ്റുമാനൂര്‍, വൈക്കം, കടുത്തുരുത്തി, തിരുനക്കര, ചെങ്ങന്നൂര്‍ ശിവക്ഷേത്രങ്ങള്‍ എന്നിവിടങ്ങളാണ് സന്ദര്‍ശിക്കുക. മേയ് 15ന് സൈലന്‍റ് വാലി രാത്രി 10ന് പുറപ്പെട്ട് 17ന് രാത്രി മടങ്ങിയെത്തും. സൈലന്‍റ് വാലി കൂടാതെ മലമ്പുഴ, കല്‍പ്പാത്തി, പാലക്കാട് കോട്ട, വരിക്കാശ്ശേരി മന, കുഞ്ചന്‍ നമ്പ്യാര്‍ സ്മാരകം എന്നിവിടങ്ങളും സന്ദര്‍ശിക്കും. നിരക്ക് 3080 രൂപ. ഫോൺ : 9747969768, 9995554409, 7592928817.

സ്വപ്നം തൊടാൻ വിഷ്ണു സൈക്കിളിൽ യാത്ര തുടങ്ങി

കൊല്ലം: കാഷ്മീരിലേക്കുള്ള യാത്രയ്ക്ക് കോതമംഗലത്തുകാരൻ വിഷ്ണു തങ്കപ്പൻ നടത്തിയത് നാലു വർഷത്തെ തയാറെടുപ്പാണ്. കോവിഡ് കാലത്ത് പാതിവഴിയിൽ അവസാനിപ്പിക്കേണ്ടി വന്ന സ്വപ്നം തൊടാൻ വിഷ്ണു സൈക്കിളിൽ കിലോമീറ്ററുകൾ താണ്ടുമ്പോൾ ഭിന്നശേഷി കുട്ടികൾക്കായി സഹായവും ഒരുങ്ങുകയാണ്. വിഷ്ണു തങ്കപ്പന്‍റെ തിരുവനന്തപുരം - കാഷ്‌മീർ യാത്ര തിരുവനന്തപുരം സെൻട്രൽ റെയിൽവേ സ്റ്റേഷനു മുന്നിൽ നിന്നും മുൻ ഇന്ത്യൻ ഫുട്ബോൾ താരം സിയാദ് ലത്തീഫ് ഫ്ലാഗ് ഓഫ് ചെയ്തത്. ഭിന്നശേഷി കുട്ടികളെ സഹായിക്കാൻ ആളുകളിൽനിന്ന് യാത്രയിൽ ഒരു രൂപ വീതമാണ് ശേഖരിക്കുന്നത്. സ്പോൺസർഷിപ്പായി ലഭിച്ച അറ്റ്ലസ് സൈക്കിളിലാണ് യാത്ര. എവിഎം ഫൗണ്ടേഷൻ കേരളയുടെയും, മറ്റ് നിരവധി സന്നദ്ധ സംഘടനകളും വിഷ്ണു തങ്കപ്പ െ ന്‍റ യാത്രയ്ക്ക് ആശംസകളുമായുണ്ട്. ഫോട്ടോഗ്രാഫർ കൂടിയായ വിഷ്ണു 2021 - ൽ ലഡാക്ക് ലക്ഷ്യമിട്ട് യാത്ര തുടങ്ങിയെങ്കിലും കോവിഡ് മഹാമാരി പൊട്ടിപ്പുറപ്പെട്ടതോടെ തിരിച്ചു പോരേണ്ടി വന്നു. പിന്നീടുള്ള വർഷങ്ങളിൽ അടുത്ത യാത്രയ്ക്കുള്ള തയാറെടുപ്പിലായിരുന്നു. രണ്ടുവർഷംകൊണ്ട് കാഷ്മീരിൽ എത്താനാണ് പദ്ധതി. ഇപ്പോഴത്തെ ഭീകരാക്രമണത്തിൽ വേദനയുണ്ടെങ്കിലും യാത്ര മാറ്റിവയ്ക്കുന്നില്ലെന്ന് വിഷ്ണു പറഞ്ഞു. എഴുതിത്തള്ളിയവർക്ക് മുന്നിൽ ത െന്‍റ ലക്ഷ്യം കാണിച്ചുകൊടുക്കണമെന്ന ആഗ്രഹം കൂടിയുണ്ട് വിഷ്ണുവിന്. അച്ഛൻ തങ്കപ്പ െ ന്‍റയും അമ്മ ഓമനയുടെയും പിന്തുണയുമുണ്ട് യാത്രയ്ക്ക്. തൃശൂർ - പാലക്കാട് വഴി തമിഴ്നാട്ടിലൂടെയാണ് യാത്ര. യാത്രയോടൊപ്പം ജില്ലകളിലെ ഡിഫറെന്‍ന്‍റ ിറി ഏബിൽഡ് കുട്ടികളെ പാർപ്പിച്ചിട്ടുള്ള സെന്‍ററുകൾ സന്ദർശിക്കുമെന്നും വിഷ്ണു പറഞ്ഞു.

ലഹരിവിരുദ്ധ പ്രവര്‍ത്തനങ്ങള്‍ ജില്ലയിൽ ശക്തമാക്കും: കളക്‌ടർ എന്‍.ദേവിദാസ്

കൊല്ലം: ലഹരി ഉപയോഗത്തിനെതിരേ നിരന്തര ബോധവത്കരണവും വ്യാപനം തടയിടുന്നതിന് സുശക്തമായ നടപടികളും സ്വീകരിക്കണമെന്ന് ജില്ലാ വികസന സമിതി. ലഹരി വിരുദ്ധപ്രവര്‍ത്തനങ്ങള്‍ കൂടുതല്‍ സജീവമാക്കുമെന്ന് വികസന സമിതി യോഗത്തിൽ ജില്ലാ കളക്‌ടര്‍ എന്‍.ദേവിദാസ് പറഞ്ഞു.സ്‌കൂളുകളിലും കോളജുകളിലും തദ്ദേശസ്ഥാപനങ്ങളുടെ സഹകരണത്തോടെ ബോധവത്കരണം നടത്തും. ചെറുപ്പക്കാരേയും വിദ്യാര്‍ഥികളേയും രക്ഷിതാക്കളേയും കാമ്പയിനി െ ന്‍റ ഭാഗമാക്കും. ഭക്ഷ്യവസ്തുക്കളില്‍ മായം ചേര്‍ക്കുന്നതിനെതിരേ നടപടി എടുക്കും. പരിശോധനകൾ കര്‍ശന പരിശോധനമാക്കും. ബേക്കറികള്‍, വഴിയോര കടകള്‍, ചിപ്‌സ് ഉത്പാദന യൂണിറ്റ് തുടങ്ങിയവയില്‍ പരിശോധന നടത്തി സാമ്പിളുകള്‍ ശേഖരിക്കും. തദ്ദേശസ്ഥാപനങ്ങളും ആരോഗ്യ വിഭാഗവും സംയുക്തമായി പരിശോധന നടത്തുമെന്നും കളക്‌ടർ വ്യക്തമാക്കി. ജിംനേഷ്യങ്ങളിലും ബ്യൂട്ടിപാര്‍ലറുകളിലും ആരോഗ്യവകുപ്പി െ ന്‍റ നേതൃത്വത്തില്‍ പരിശോധന നടത്താനും യോഗം നിർദേശം നല്‍കി. കച്ചിക്കടവ് പാലം, ഇരവിപുരം മേല്‍പ്പാലം, പള്ളിമുക്ക് മാര്‍ക്കറ്റ് നവീകരണം തുടങ്ങിയ പ്രവര്‍ത്തികളുമായി ബന്ധപ്പെട്ട നടപടിക്രമങ്ങള്‍ ഊര്‍ജിതമാക്കണമെന്ന് എം.നൗഷാദ് എംഎല്‍എ നിര്‍ദേശിച്ചു. ചേനങ്കര മുക്ക്-പട്ടക്കടവ്-കാരാളിമുക്ക് വരെയുള്ള റോഡുകളിലെ അഗാധ ഗര്‍ത്തങ്ങള്‍ നികത്തി ഗതാഗതയോഗ്യമാക്കണമെന്നും ടൂറിസ്റ്റ് ബസുകളിലെ പരിശോധന കാര്യക്ഷമമാക്കണമെന്നും കോവൂര്‍ കുഞ്ഞുമോന്‍ എംഎല്‍എ ആവശ്യപ്പെട്ടു. പുതിയകാവ്-കാട്ടില്‍ക്കടവ് റോഡ്, തൊടിയൂര്‍ പഞ്ചായത്തിലെ ഷാപ്പുമുക്ക്-മാരാരിത്തോട്ടം റോഡ്‌നിര്‍മാണം ഉടനെ പൂര്‍ത്തിയാക്കണമെന്നായിരുന്നു സി.ആര്‍.മഹേഷ് എംഎല്‍എയുടെ ആവശ്യം. ആവണീശ്വരം മേല്‍പ്പാലം നിര്‍മാണത്തിനായുള്ള ഭൂമി ഏറ്റെടുപ്പ് നടപടി വേഗത്തിലാക്കണം, പുനലൂര്‍ മെമു ട്രെയിനിലെ ബോഗികള്‍ വര്‍ധിപ്പിക്കണം, അപകടങ്ങള്‍ സ്ഥിരമാകുന്ന സാഹചര്യത്തില്‍ പത്തനാപുരം-പുനലൂര്‍ റോഡില്‍ ശാസ്ത്രീയപഠനം നടത്തി സുരക്ഷാക്രമീകരണങ്ങള്‍ ഏര്‍പ്പെടുത്തണമെന്ന് മന്ത്രി കെ.ബി.ഗണേഷ് കുമാറിന്‍റെ പ്രതിനിധി സജിമോന്‍ പറഞ്ഞു.കൊട്ടിയം ജംഗ്ഷനിലെ ഗതാഗത തടസം പരിഹരിക്കുന്നത് ആവശ്യമായ നടപടികള്‍ സ്വീകരിക്കണമെന്ന് കൊടിക്കുന്നില്‍ സുരേഷ് എംപിയുടെ പ്രതിനിധി ഏബ്രഹാം സാമുവല്‍ ആവശ്യപ്പെട്ടു. എംസി റോഡിലെ അനധികൃത കൈയേറ്റത്തിനെതിരേ നടപടി സ്വീകരിക്കുക, കൊല്ലം കെഎസ്ആര്‍ടിസി ബസ് സ്റ്റാൻഡ് പ്രവര്‍ത്തനം താല്‍ക്കാലികമായി പുന:സ്ഥാപിക്കുക തുടങ്ങിയ ആവശ്യങ്ങള്‍ എന്‍.കെ.പ്രേമചന്ദ്രന്‍ എംപിയുടെ പ്രതിനിധി ഉന്നയിച്ചു. പരമ്പരാഗത മത്സ്യത്തൊഴിലാളികള്‍ ഉപയോഗിക്കുന്ന പൊന്തുവള്ളം, കട്ടവള്ളം രീതിയിലുള്ള മത്സ്യബന്ധനം നിരോധിക്കാനുള്ള തീരുമാനം പിന്‍വലിക്കണമെന്ന് കെ.സി.വേണുഗോപാല്‍ എംപിയുടെ പ്രതിനിധി തൊടിയൂര്‍ രാമചന്ദ്രന്‍ ആവശ്യപ്പെട്ടു. കുണ്ടറ കെഎസ്ആര്‍ടിസി ബസ് സ്റ്റാൻഡ് നിര്‍മാണവുമായി ബന്ധപ്പെട്ട നടപടിക്രമങ്ങള്‍ കാര്യക്ഷമമാക്കുക, കുണ്ടറ-ചിറ്റുമല- മണ്‍റോതുരുത്ത് റോഡിലെ നവീകരണം പൂര്‍ത്തിയാക്കുക തുടങ്ങിയ ആവശ്യങ്ങള്‍ പി.സി.വിഷ്ണുനാഥ് എംഎല്‍എയുടെപ്രതിനിധി യോഗത്തിൽ ഉന്നയിച്ചു. യോഗത്തിനു മുന്നോടിയായി കാഷ്മീരിലുണ്ടായ ആക്രമണത്തില്‍ കൊല്ലപ്പെട്ടവര്‍ക്കും ഫ്രാന്‍സിസ് മാര്‍പാപ്പയുടെ വേര്‍പാടിലും യോഗം അനുശോചനം രേഖപ്പെടുത്തി. കളക്‌ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ എഡിഎം ജി.നിര്‍മല്‍ കുമാര്‍, സബ് കളക്‌ടര്‍ നിഷാന്ത് സിന്‍ഹാര തുടങ്ങിയവര്‍ പങ്കെടുത്തു.

പുറ്റിംഗൽ കേസ്: ഒളിവിലുള്ള പ്രതിയുടെ ജാമ്യക്കാർ മേയ് മൂന്നിന് ഹാജരാകണം

കൊല്ലം: പരവൂർ പുറ്റിംഗൽ ദേവീക്ഷേത്രത്തിലെ വെടിക്കെട്ട് അപകടക്കേസിൽ ഒളിവിൽ പോയ 30-ാം പ്രതിയുടെ ജാമ്യക്കാർ മേയ് മൂന്നിന് ഹാജരാകണമെന്ന് കോടതി നിർദേശം. പിഴത്തുക സംബന്ധിച്ച് ജാമ്യക്കാരിൽ നിന്നു നേരിട്ട് മൊഴിയെടുക്കുന്നതിനാണ് പുറ്റിങ്ങൽ വെടിക്കെട്ട് അപകടക്കേസിന്‍റെ വിചാരണയ്ക്കുള്ള പ്രത്യേക കോടതിയുടെ ചുമതല വഹിക്കുന്ന നാലാം അഡീഷനൽ സെഷൻസ് കോടതി ജഡ്‌ജി എസ്.സുഭാഷ് ഉത്തരവിട്ടത്. ജാമ്യക്കാർ ഹാജരാകാൻ കോടതി നിരവധി തവണ അവസരം നൽകിയിരുന്നതാണ്. വൃക്കരോഗിയായ ജാമ്യക്കാരിൽ ഒരാൾ ഡയാലിസിസിനു വിധേയനാകുന്നതിനാൽ അഭിഭാഷകൻ സാവകാശം ആവശ്യപ്പെടുകയായിരുന്നു. തുടർന്നാണ് മൂന്നിന് ഹാജരാകാൻ കോടതി നിർദേശിച്ചത്. ഒളിവിൽ പോയ പ്രതി അടൂർ ഏറത്ത് രാജ് ഭവനിൽ അനുരാജിനെ (അനു) പിടികിട്ടാപ്പുള്ളിയായി പ്രഖ്യാപിക്കുന്നതിനുള്ള നടപടികൾക്കും മറ്റുമായി കേസ് 29നും കോടതി പരിഗണിക്കും. പ്രോസിക്യൂന് വേണ്ടി സ്പെഷൽ പബ്ലിക് പ്രോസിക്യൂട്ടർ കെ.പി.ജബാർ, അഡ്വ. അമ്പിളി ജബാർ എന്നിവർ കോടതിയിൽ ഹാജരായി. അതേ സമയം ഈ കേസിനായുള്ള പ്രത്യേക കോടതിയിൽ സ്ഥിരം ജഡ് ജിയെ നിയമിക്കുന്നതിനുള്ള നടപടികളും ആരംഭിച്ചിട്ടുണ്ട്. പ്രത്യേക കോടതി പ്രവർത്തനം തുടങ്ങിയിട്ട് അഞ്ചു മാസം പിന്നിട്ടെങ്കിലും സ്‌ഥിരം ജഡ്‌ജിയെ നിയമിക്കാത്തതിനാൽ നാലാം അഡീഷനൽ ജില്ലാ ജഡ്‌ജിക്ക് അധികച്ചുമതല നൽകിയിരിക്കുകയാണ്.

കഴുത്തിൽ കേബിൾ കുരുങ്ങി സ്കൂട്ടർ യാത്രക്കാരിക്ക് ഗുരുതര പരിക്ക്

ചവറ : താഴ്ന്നുകിടന്ന കേബിൾ കഴുത്തിൽ കുരുങ്ങി സ്കൂട്ടർ യാത്രക്കാരിക്ക് ഗുരുതര പരിക്ക്. തേവലക്കര പോസ്റ്റ് ഓഫീസിലെ പോസ്റ്റൽ അസിസ്റ്റന്‍റ് കരുനാഗപ്പള്ളി, പടനായർകുളങ്ങര വടക്ക്, മാധവം വീട്ടിൽ അനുപമയ്ക്കാണ് പരിക്കേറ്റത്. കഴിഞ്ഞദിവസം വൈകുന്നേരമായിരുന്നു സംഭവം. പോസ്റ്റ് ഓഫീസിൽ നിന്നും അനുപമ സ്കൂട്ടറിൽ വീട്ടിലേക്ക് മടങ്ങുന്നതിനിടെ വടക്കുംതല പള്ളിക്ക് സമീപം റോഡിൽ താഴ്ന്നുകിടന്ന കേബിൾ കഴുത്തിൽ കുരുങ്ങുകയായിരുന്നുവെന്ന് ബന്ധുക്കൾ പറഞ്ഞു. കേബിൾ മുറുകി കഴുത്തിൽ ആഴത്തിൽ മുറിവേറ്റതിന് പുറമേ സ്കൂട്ടർ നിയന്ത്രണം വിട്ട് റോഡിൽ വീണ് അനുപമയുടെ തോളെല്ലിന് ഒടിവ് സംഭവിച്ചു. സ്ഥലത്തുണ്ടായിരുന്നവർ ഉടൻ തന്നെ തൊട്ടടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു. തോളിലെ പൊട്ടിയ എല്ലുകൾ കൂട്ടിയോജിപ്പിക്കാനുള്ള ശസ്ത്രക്രിയയ്ക്ക് ശേഷം അനുപമ അത്യാഹിത വിഭാഗത്തിൽ നിരീക്ഷണത്തിൽ തുടരുകയാണ്. സ്വകാര്യ കേബിൾ ടിവി നെറ്റ് വർക്കിന്‍റെ കേബിളാണ് അനുപമയുടെ കഴുത്തിൽ കുടുങ്ങിയത്. ചവറ പോലീസിൽ പരാതി നൽകി. റോഡ് വക്കുകളിൽ പൊട്ടിക്കിടക്കുന്ന കേബിളുകൾ ഉടൻ തന്നെ നീക്കണമെന്ന് ഹൈക്കോടതി അടക്കം കർശന നിർദേശം നൽകിയിട്ടുള്ളതാണ്.

വന്യജീവികളുടെ ആക്രമണത്തിനിരയാകുന്ന കര്‍ഷകന് നഷ്്‌ടപരിഹാരം നല്‍കണം: ഭാരതീയ കിസാൻ സംഘ്

കൊട്ടാരക്കര : വന്യജീവികളുടെ ആക്രമണത്തിൽ കൊല്ലപ്പെടുന്ന കര്‍ഷര്‍ക്കും കൃഷിനാശം ഉണ്ടാകുന്ന കർഷകർക്കും നഷ്‌ടപരിഹാരം നൽകാൻ സർക്കാരുകൾ തയാറാകണമെന്ന് ഭാരതീയ കിസാന്‍ സംഘ് സംസ്ഥാന അധ്യക്ഷന്‍ ഡോ.അനില്‍ വൈദ്യമംഗലം ആവശ്യപ്പെട്ടു. കിസാന്‍ സംഘ് സംസ്ഥാനത്ത് ഉടനീളം നടത്തുന്ന കാര്‍ഷിക നവോഥാന യാത്രയ്ക്ക് കൊട്ടാരക്കരയിൽ നൽകിയ സ്വീകരണസമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.വന്യജീവി ആക്രമണത്തിൽ മരണപ്പെടുന്ന കർഷകന് 25 ലക്ഷം രൂപ നഷ്‌ടപരിഹാരവും വിളനഷ്‌ടപരിഹാര തുകയും നല്‍കണമെന്ന് ആവശ്യം ഉന്നയിച്ച് സംസ്ഥാന സർക്കാരിന് നിവേദനം നൽകും. സംസ്ഥാന ജനറല്‍ സെക്രട്ടറി അഡ്വ.രതീഷ് ഗോപാല്‍,സംഘടനാ സെക്രട്ടറി പി.മുരളീധരന്‍,സംസ്ഥാന സെക്രട്ടറി പി.സുകുമാരന്‍,സംസ്ഥാന സമിതി അംഗങ്ങളായ ബാബുക്കുട്ടന്‍ പുലുവീടന്‍, ഡോ.കരുണന്‍,വി.ആര്‍.ശിവരാജന്‍ ഉമ്പര്‍നാട് , രവീന്ദ്രന്‍ നായര്‍,രതീഷ് കൂടല്‍ ,വത്സലകുമാരി,സുധാ കൈതാരം, പ്രതിഭ കോഴിക്കോട് സ്വാഗതസംഘം രക്ഷാധികാരി ഏരൂര്‍ മോഹനന്‍ ,ജില്ലാ ജനറല്‍ സെക്രട്ടറി സജീഷ് വടമണ്‍ എന്നിവര്‍ വിവിധ സ്ഥലങ്ങളില്‍ നടന്ന യോഗങ്ങളില്‍ പ്രസംഗിച്ചു.

ദൈവം ഭൂമിയിലേക്ക് അയച്ച സ്നേഹത്തിന്‍റെ കത്താണ് ഫ്രാൻസിസ് പാപ്പ: ഫാ.ജോൺ ബ്രിട്ടോ

കൊല്ലം: ദൈവം ഭൂമിയിലേക്ക് അയച്ച സ്നേഹത്തിന്‍റെ കത്താണ് ഫ്രാൻസിസ് പാപ്പയെന്നും ആ കത്തിലൂടെ സ്നേഹം, കരുണ, കാരുണ്യം എന്നീ പുണ്യങ്ങൾ ഭൂമിയിൽ പെയ്തിറങ്ങിയെന്നും ബിഷപ് ബൻസിഗർ ഹോസ്പിറ്റൽ ഡയറക്‌ടർ ഫാ. ജോൺ ബ്രിട്ടോ. ബിഷപ് ബൻസിഗർ ഹോസ്പിറ്റലിൽ നടന്ന അനുശോചന യോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ആഡംബരങ്ങളും സമ്പത്തുമെല്ലാം ഉപേക്ഷിച്ച് എളിമയിലൂടെ ജീവിത പ്രകാശം പരത്തിയ ഈ കാലയളവിലെ പുണ്യാത്മാവായിരുന്നു ഫ്രാൻസിസ് പാപ്പായെന്നും ഫാ.ജോൺ ബ്രിട്ടോ കൂട്ടിച്ചേർത്തു. മതവിശ്വാസം വ്യക്തികളുടെ സ്വകാര്യമാണെന്നും എന്നാൽ ലോകം സർവരുടേതുമാണെന്ന് ബോധ്യപ്പെടുത്തിയ മഹാ ആചാര്യനായിരുന്നു ഫ്രാൻസിസ് മാർപാപ്പയെന്ന് മെഡിക്കൽ സൂപ്രണ്ട് ഡോ.ജി.മോഹനൻ അധ്യക്ഷ പ്രസംഗിത്തിൽ പറഞ്ഞു. അനുസ്മരണ യോഗത്തിൽ ഹോസ്പിറ്റൽ അഡ്മിനിസ്ട്രേറ്റർ സിസ്റ്റർ. ജീനാ മേരി, ഡോ. പോൾ കന്നിട്ടയിൽ, ഡോ. എസ്.ടി.മൂർത്തി, ഡോ. അലക്സ് ഉമ്മൻ വെദ്യൻ, ഡോ.ബെന്നി ക്ലീറ്റസ്, ഫാ.ഫിൽസൺ ഫ്രാൻസിസ്, ഫാ. ലോറൻസ് എന്നിവർ പ്രസംഗിച്ചു. ചാപ്പലിൽ നടന്ന അനുസ്മരണ ദിവ്യബലിയർപ്പണത്തിന് ഫാ.ജോൺ ബ്രിട്ടോ, ഫാ.ഫിൽസൺ ഫ്രാൻസിസ്, ഫാ.ലോറൻസ് എന്നിവർ മുഖ്യകാർമികത്വം വഹിച്ചു.

വിദ്യാര്‍ഥിനിയെ പീഡിപ്പിച്ച കേസ് : ബൈക്ക് നാസർ അറസ്റ്റിൽ

അഞ്ചൽ : പത്താംക്ലാസ് വിദ്യാര്‍ഥിനിയെ ലൈംഗികമായി പീഡിപ്പിച്ച കേസിൽ 51 കാരൻ അറസ്റ്റിൽ. കരുകോൺ തോട്ടുങ്കര പുത്തൻ വീട്ടിൽ ബൈക്ക് നാസർ എന്ന നാസർ (51) നെയാണ് അഞ്ചൽ പോലീസ് പിടികൂടിയത്. അഞ്ചൽ പോലീസ് സ്റ്റേഷൻ പരിധിയിൽ താമസിക്കുന്ന 15കാരിയെ നാസർ പലതവണ പീഡിപ്പിച്ചുവെന്നാണ് പരാതി. നിരന്തരം പെൺകുട്ടിയെ പീഡിപ്പിക്കാൻ ശ്രമം തുടർന്നതോടെ പെൺകുട്ടി ബന്ധുക്കളെ അറിയിക്കുകയായിരുന്നു. ഇതോടെ മാതാപിതാക്കൾ അഞ്ചൽ പോലീസിൽ പരാതി നൽകി. പെൺകുട്ടിയുടെ രഹസ്യമൊഴി ഉൾപ്പെടെ രേഖപ്പെടുത്തി അഞ്ചൽ പോലീസ് കേസ് രജിസ്റ്റർ ചെയ്തു. ഇതോടെ നാസർ ഒളിവിൽ പോയി. സ്ഥിരം ഉപയോഗിക്കുന്ന മൊബൈൽ നമ്പർ ഓഫ് ചെയ്ത് മറ്റൊരു ഫോൺ ഉപയോഗിച്ചുവന്ന നാസറിനെ തിരുവന്തപുരത്ത് നിന്നും കഴിഞ്ഞ ദിവസം അഞ്ചൽ പോലീസ് പിടികൂടുകയായിരുന്നു. വൈദ്യപരിശോധനയ്ക്ക് ശേഷം കോടതിയിൽ ഹാജരാക്കിയ നാസറിനെ റിമാൻഡ്ചെയ്തു. സമാനമായി പ്രതി പെണ്‍കുട്ടികളെ ചൂഷണം ചെയ്തിട്ടുണ്ടോ എന്നതടക്കം വിശദമായ അന്വേഷണം നടത്തുമെന്ന് അഞ്ചല്‍ എസ്എച്ച്ഒ ഹരീഷ് മാധ്യമങ്ങളോട് പറഞ്ഞു. അഞ്ചൽ പോലീസ് സ്റ്റേഷനിൽ മാത്രം പത്തോളം കേസിൽ പ്രതിയായിരുന്ന നാസറിനെതിരേ ഏരൂര്‍, കടയ്ക്കൽ, നൂറനാട് പോലീസ് സ്റ്റേഷനുകളിലും കേസുകളുണ്ട്. അഞ്ചല്‍ എസ്എച്ച്ഒ ഹരീഷ്, സീനിയര്‍ സിവില്‍ പോലീസ് ഓഫീസര്‍ വിനോദ് കുമാര്‍, രജ്ബീര്‍, സാബു എന്നിവരടങ്ങുന്ന സംഘമാണ് പ്രതിയെ പിടികൂടിയത്. പോക്സോ ഉള്‍പ്പെടെയുള്ള ഗുരുതര വകുപ്പുകള്‍ ചുമത്തിയാണ് നാസറിന്‍റെ അറസ്റ്റ് പോലീസ് രേഖപ്പെടുത്തിയത്.

അഭിഭാഷക കലോത്സവം: കൊല്ലം മുന്നിൽ

കൊല്ലം: അഖില കേരള അഭിഭാഷക കലോത്സവത്തിന്‍റെ രണ്ടാം ദിവസം മത്സരങ്ങൾ സമാപിച്ചപ്പോൾ 41 പോയിന്‍റുകളുമായി കൊല്ലം ബാർ അസാസിയേഷൻ മുന്നിൽ. 14 പോയിന്‍റുകളുമായി ആറ്റിങ്ങൽ ബാർ അസോസിയേഷനാണ് രണ്ടാം സ്ഥാനത്ത്. മൂന്നാം സ്ഥാനത്തുള്ള ചാലക്കുടി ബാർ അസോസിയേഷന് 13 പോയിന്‍റുകളുണ്ട്. തിരുവനന്തപുരം, പരവൂർ ബാർ അസോസിയേഷനുകൾ 12 പോയിന്‍റുകളുമായി നാലാം സ്ഥാനത്താണ്.

പനയ്ക്കറ്റോടില്‍ ദേവീക്ഷേത്ര ഉത്സവത്തിന് തുടക്കമായി

ചവറ : തെക്കുംഭാഗം പനയ്ക്കറ്റോടില്‍ ദേവി ക്ഷേത്രത്തിലെ ഉത്സവത്തിന് തുടക്കമായി. മേയ് എട്ടുവരെ നടക്കും. ഇന്ന് രാവിലെ ഏഴിന് പൊങ്കാല, 7.15ന് ഭക്തിഗാനാഞ്ജലി,രാത്രി എട്ടിന് സംഗീത മാമാങ്കം. നാളെ ഉച്ചകഴിഞ്ഞ് മൂന്നിന് താലപ്പൊലി ക്ഷേത്രത്തില്‍ നിന്നും പുറപ്പെട്ട് കരകളില്‍ ഊരുവലത്ത് നടത്തും. 29ന് രാത്രി 7.30 കഴികെ ക്ഷേത്രം തന്ത്രി ചെറുപൊയ്ക മുടപ്പിലാപ്പിള്ളി മഠത്തില്‍ എന്‍.നീലകണ്ഠരര് ഭട്ടതിരിയുടെ മുഖ്യകാര്‍മികത്വത്തില്‍ കൊടിയേറ്റ്. ഒന്‍പതിന് കുചേല വൃത്തം കഥകളി. 30ന് വൈകുന്നേരം അഞ്ചിന് ലക്ഷ ദീപം,രാത്രി ഏഴിന് തിരുവാതിര, 9.30ന് കുചേല വൃത്തം, കിരാതം കഥകളി. മേയ് ഒന്നിന് മൂന്നിന് വാഹന ഘോഷയാത്ര. വൈകുന്നേരം 6.45ന് ഡാന്‍സ് നൈറ്റ്.രണ്ടിന് രാത്രി ഏഴിന് നൃത്ത അരങ്ങേറ്റം, 9.30ന് നളചരിതം രണ്ടാം ദിവസം കഥകളി.മൂന്നിന് വൈകുന്നേരം 5.30ന് വയലിന്‍ ഫ്യൂഷന്‍.രാത്രി 9.30ന് പ്രഹ്ലാദ ചരിതം കഥകളി. നാലിന് രാവിലെ ഒന്‍പതിന് ഉത്സവബലി.11ന് ഉത്സവബലി ദര്‍ശനം.രാത്രി 12ന് നാടകം.അഞ്ചിന് രാവിലെ ഒന്‍പതിന് ഉത്സവബലി, 11ന് ഉത്സവബലി ദര്‍ശനം. രാത്രി 12.30ന് നാടകം.ആറിന് രാവിലെ ഏഴിന് ഗജ പൂജയും ആനയൂട്ടും.ഒന്‍പതിന് ഉത്സവബലി, 11ന് ഉത്സവബലി ദര്‍ശനം. ഉച്ചകഴിഞ്ഞ് മൂന്നിന് പൂരം എഴുന്നള്ളത്ത്,വൈകുന്നേരം 4.30ന് പൂരവും കുടമാറ്റവും.രാത്രി 12.30ന് നാടകം. ഏഴിന് ഉച്ചകഴിഞ്ഞ് മൂന്നിന് കെട്ടുകാഴ്ച.രാത്രി ഒന്നിന് പള്ളിവേട്ട.എട്ടിന് ഉച്ചകഴിഞ്ഞ് മൂന്നിന് കെട്ടുകാഴ്ച.രാത്രി 7.30ന് ആറാട്ട്.ഒന്നിന് നൃത്ത നാടകം.പുലര്‍ച്ചേ ആറാട്ടെഴുന്നള്ളത്ത്. ഉത്സവ ദിനങ്ങളില്‍ ചമയവിളക്ക് ഘോഷയാത്ര, വിശേഷാല്‍ പൂജകള്‍ എന്നിവ നടക്കുമെന്ന് പ്രസിഡന്‍റ് ടി.രാജേന്ദ്രന്‍പിള്ള, സെക്രട്ടറി ബി.രാജേഷ് എന്നിവര്‍ അറിയിച്ചു.

വികസനമുരടിപ്പിന്‍റെ നാടായി ചവറ നിയോജക മണ്ഡലം മാറി: ആർവൈഎഫ്

ചവറ : വികസനമുരടിപ്പിനെതിരേ ജനങ്ങളെ അണിനിരത്തി ശക്തമായ സമരങ്ങൾക്ക് നേതൃത്വം നൽകുമെന്ന് ആർവൈഎഫ് സംസ്ഥാന സമിതി അംഗം ആർ.വൈശാഖ്. ആർവൈഎഫ് ചവറ മണ്ഡലം കൺവൻഷൻ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ഒമ്പത് വർഷം വികസനമുരടിപ്പിന്‍റെ പര്യായമായി ചവറ മാറി. മണ്ഡലത്തിന്‍റെ മുഖഛായ മാറ്റേണ്ട വികസന പ്രവർത്തനങ്ങൾ അട്ടിമറിക്കപ്പെട്ടുവെന്നും അദ്ദേഹം പറഞ്ഞു. മണ്ഡലം പ്രസിഡന്‍റ് സിയാദ് കോയിവിള അധ്യക്ഷനായി. ആർവൈഎഫ് സംസ്ഥാന സെക്രട്ടറി വിഷ്ണു മോഹൻ, ആർഎസ്പി ചവറ മണ്ഡലം സെക്രട്ടറി ജസ്റ്റിൻ ജോൺ, പുലത്തറ നൗഷാദ്, സി.പി.സുധീഷ് കുമാർ,കാട്ടൂർ കൃഷ്ണകുമാർ, എസ്. ഷാനവാസ് തുടങ്ങിയവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]