മു​ള്ളേ​രി​യ: കാ​റ​ഡു​ക്ക റി​സ​ർ​വ് വ​ന​ത്തി​ൽ ഉ​ൾ​പ്പെ​ടു​ന്ന നാ​ർ​ളം മേ​ഖ​ല​യി​ൽ ബോ​ക്സൈ​റ്റ് ഖ​ന​ന​ത്തി​നു​ള്ള വി​ശ​ദ​മാ​യ സ​ർ​വേ ന​ട​പ​ടി​ക​ൾ​ക്ക് തു​ട​ക്ക​മാ​യി. ജി​യോ​ള​ജി​ക്ക​ൽ സ​ർ​വേ ഓ​ഫ് ഇ​ന്ത്യ, സം​സ്ഥാ​ന മൈ​നിം​ഗ് ആ​ൻ​ഡ് ജി​യോ​ള​ജി വ​കു​പ്പ്, റ​വ​ന്യൂ വ​കു​പ്പ് എ​ന്നി​വ​യി​ലെ ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ലാ​ണ് സ​ർ​വേ ന​ട​ക്കു​ന്ന​ത്.

നാ​ർ​ളം മേ​ഖ​ല​യി​ൽ ആ​കെ 150 ഹെ​ക്ട​ർ ഭൂ​മി​യി​ൽ ബോ​ക്സൈ​റ്റ് നി​ക്ഷേ​പ​മു​ള്ള​താ​യാ​ണ് നേ​ര​ത്തേ ജി​എ​സ്ഐ​യു​ടെ പ്രാ​ഥ​മി​ക സ​ർ​വേ​യി​ൽ ക​ണ്ടെ​ത്തി​യ​ത്. ജ​ന​വാ​സ​മേ​ഖ​ല​ക​ൾ ഒ​ഴി​വാ​ക്കി​യാ​ൽ 100 ഹെ​ക്ട​റോ​ളം സ്ഥ​ലം ഖ​ന​ന​ത്തി​ന് ല​ഭ്യ​മാ​കു​മെ​ന്നാ​ണ് നി​ഗ​മ​നം. കാ​റ​ഡു​ക്ക പ​ഞ്ചാ​യ​ത്തി​ലെ കൊ​ട്ടം​കു​ഴി, കു​ണ്ട​ടു​ക്കം, അ​ര​യാ​ലി​ങ്ക​ൽ പ്ര​ദേ​ശ​ങ്ങ​ളി​ലേ​ക്കു​ള്ള മൂ​ന്ന് പ്രാ​ദേ​ശി​ക റോ​ഡു​ക​ൾ ഇ​തു​വ​ഴി ക​ട​ന്നു​പോ​കു​ന്നു​ണ്ട്. ഇ​വ ഗ​താ​ഗ​ത​ത്തി​ന് ത​ട​സ​മു​ണ്ടാ​കാ​ത്ത വി​ധ​ത്തി​ൽ പു​ന:​ക്ര​മീ​ക​രി​ക്കു​മെ​ന്നാ​ണ് ബ​ന്ധ​പ്പെ​ട്ട​വ​ർ പ​റ​യു​ന്ന​ത്.

വ​ണ്ണാ​ച്ചെ​ട​വ്, പ​യ്യ​ന​ടു​ക്കം പ്ര​ദേ​ശ​ങ്ങ​ളി​ൽ നി​ന്ന് തു​ട​ങ്ങി കൊ​ട്ടം​കു​ഴി​യും ക​ല്ല​ളി​പ്പാ​റ​യും വ​രെ ആ​കെ എ​ട്ട് ച​തു​ര​ശ്ര കി​ലോ​മീ​റ്റ​ർ മേ​ഖ​ല​യി​ൽ ഖ​ന​നം ന​ട​ത്താ​മെ​ന്നാ​ണ് പ്രാ​ഥ​മി​ക നി​ഗ​മ​നം. അ​ലൂ​മി​നി​യം, സി​മ​ന്‍റ് നി​ർ​മാ​ണ​മേ​ഖ​ല​ക​ളി​ൽ ഉ​പ​യോ​ഗി​ക്കാ​വു​ന്ന ബോ​ക്സൈ​റ്റ് അ​യി​രു​ക​ളു​ടെ സാ​ന്നി​ധ്യ​മാ​ണ് ഇ​വി​ടെ ക​ണ്ടെ​ത്തി​യി​ട്ടു​ള്ള​ത്. എ​ത്ര ആ​ഴ​ത്തി​ൽ വ​രെ ബോ​ക്സൈ​റ്റ് നി​ക്ഷേ​പ​മു​ണ്ടെ​ന്നു ക​ണ്ടെ​ത്തു​ന്ന​തി​നാ​യി ഭൂ​മി തു​ര​ന്നു​ള്ള പ​രി​ശോ​ധ​ന​യും ന​ട​ത്തും.

ഈ ​ബ്ലോ​ക്കി​ൽ​നി​ന്ന് ആ​കെ 0.21 ദ​ശ​ല​ക്ഷം ട​ൺ ഉ​ന്ന​ത​നി​ല​വാ​ര​മു​ള്ള ബോ​ക്സൈ​റ്റും 5.14 ദ​ശ​ല​ക്ഷം ട​ൺ അ​ലു​മി​ന​സ് ലാ​റ്റ​റൈ​റ്റും ല​ഭി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ജി​എ​സ്ഐ ഡ​യ​റ​ക്ട​ർ സ​ബി​ത, സീ​നി​യ​ർ ജി​യോ​ള​ജി​സ്റ്റ് രോ​ഷ്നി, മൈ​നിം​ഗ് ആ​ൻ​ഡ് ജി​യോ​ള​ജി വ​കു​പ്പ് അ​സി.​ഡ​യ​റ​ക്ട​ർ എം.​സി. കി​ഷോ​ർ എ​ന്നി​വ​രാ​ണ് സ​ർ​വേ​യ്ക്ക് നേ​തൃ​ത്വം ന​ല്കു​ന്ന​ത്.

ഒ​രു മാ​സ​ത്തി​നു​ള്ളി​ൽ സ​ർ​വേ പൂ​ർ​ത്തി​യാ​ക്കി അ​ന്തി​മ റി​പ്പോ​ർ​ട്ട് സ​ർ​ക്കാ​രി​ലേ​ക്ക് സ​മ​ർ​പ്പി​ക്കാ​നാ​ണ് തീ​രു​മാ​നം. റി​പ്പോ​ർ​ട്ട് ല​ഭി​ച്ചാ​ലു​ട​ൻ ഇ​വി​ടെ ബോ​ക്സൈ​റ്റ് ഖ​ന​നം ന​ട​ത്തു​ന്ന​തി​നു​ള്ള അ​വ​കാ​ശം ലേ​ലം​ചെ​യ്യാ​നാ​ണ് സ​ർ​ക്കാ​രി​ന്‍റെ നീ​ക്കം. ഇ​തി​ലൂ​ടെ 5000 കോ​ടി രൂ​പ​യോ​ളം വ​രു​മാ​നം നേ​ടാ​നാ​കു​മെ​ന്നാ​ണ് പ്ര​തീ​ക്ഷ.

വ​ർ​ഷ​ങ്ങ​ൾ​ക്കു മു​മ്പ് കി​നാ​നൂ​ർ-​ക​രി​ന്ത​ളം പ​ഞ്ചാ​യ​ത്തി​ലെ ക​ട​ലാ​ടി​പ്പാ​റ​യി​ൽ ഇ​തേ രീ​തി​യി​ൽ ബോ​ക്സൈ​റ്റ് സാ​ന്നി​ധ്യം ക​ണ്ടെ​ത്തു​ക​യും ഗു​ജ​റാ​ത്ത് ആ​സ്ഥാ​ന​മാ​യ ക​മ്പ​നി​ക്ക് ലേ​ലം ചെ​യ്ത് വി​ൽ​ക്കു​ക​യും ചെ​യ്തി​രു​ന്നെ​ങ്കി​ലും പ്രാ​ദേ​ശി​ക​മാ​യി ക​ടു​ത്ത എ​തി​ർ​പ്പ് ഉ​യ​ർ​ന്ന​തോ​ടെ പ​ദ്ധ​തി ഉ​പേ​ക്ഷി​ക്ക​പ്പെ​ടു​ക​യാ​യി​രു​ന്നു.

കാ​റ​ഡു​ക്ക​യി​ലെ റി​സ​ർ​വ വ​മേ​ഖ​ല​യി​ൽ ഖ​ന​നം തു​ട​ങ്ങു​ന്ന​തോ​ടെ പ്ര​ദേ​ശ​ത്തെ ജ​ന​വാ​സ​മേ​ഖ​ല​യി​ലു​ണ്ടാ​കു​ന്ന വ​ന്യ​മൃ​ഗ ആ​ക്ര​മ​ണ​ങ്ങ​ൾ ഇ​പ്പോ​ഴ​ത്തേ​തി​ലും രൂ​ക്ഷ​മാ​കു​മെ​ന്ന ആ​ശ​ങ്ക നാ​ട്ടു​കാ​ർ​ക്കു​ണ്ട്. ഖ​ന​ന​മേ​ഖ​ല​യി​ലെ ശ​ബ്ദ​വും പൊ​ടി​യും വാ​ഹ​ന​ഗ​താ​ഗ​ത​വും മൂ​ലം വ​ന്യ​മൃ​ഗ​ങ്ങ​ൾ കൂ​ടു​ത​ലാ​യി കാ​ടി​റ​ങ്ങു​മെ​ന്നാ​ണ് ആ​ശ​ങ്ക.

കു​ണ്ട​ടു​ക്കം, പ​തി​മൂ​ന്നാം​മൈ​ൽ, ക​ല്ല​ളി​പ്പാ​റ ഭാ​ഗ​ങ്ങ​ളി​ലാ​യി വ​നാ​തി​ർ​ത്തി​യി​ൽ നാ​ല്പ​തോ​ളം കു​ടും​ബ​ങ്ങ​ൾ താ​മ​സി​ക്കു​ന്നു​ണ്ട്. ഇ​വ​രെ കു​ടി​യൊ​ഴി​പ്പി​ക്കി​ല്ലെ​ന്നാ​ണ് അ​ധി​കൃ​ത​രു​ടെ വാ​ഗ്ദാ​ന​മെ​ങ്കി​ലും ഖ​ന​നം തു​ട​ങ്ങി​ക്ക​ഴി​ഞ്ഞാ​ൽ ഭൂ​പ്ര​കൃ​തി പാ​ടേ മാ​റി​മ​റി​യു​ക​യും വ​ന്യ​ജീ​വി ആ​ക്ര​മ​ണ​ങ്ങ​ൾ രൂ​ക്ഷ​മാ​വു​ക​യും ചെ​യ്താ​ൽ അ​ത് ഇ​വ​രു​ടെ നി​ല​നി​ല്പി​ന് ഭീ​ഷ​ണി​യാ​കും.

വ​ന​മേ​ഖ​ല ഖ​ന​ന​ത്തി​നാ​യി വി​ട്ടു​കി​ട്ട​ണ​മെ​ങ്കി​ൽ പ​ക​രം മ​റ്റെ​വി​ടെ​യെ​ങ്കി​ലും അ​ത്ര​യും റ​വ​ന്യൂ​ഭൂ​മി വ​നം​വ​കു​പ്പി​ന് കൈ​മാ​റേ​ണ്ടി​വ​രു​മെ​ന്ന പ്ര​ശ്ന​വും നി​ല​നി​ൽ​ക്കു​ന്നു​ണ്ട്. ഇ​തും സ​മീ​പ​ത്തെ ജ​ന​വാ​സ​മേ​ഖ​ല​ക​ളെ​യാ​ണ് പ്ര​തി​കൂ​ല​മാ​യി ബാ​ധി​ക്കു​ക.