ചങ്ങനാശേരി: മുന്‍ എംഎല്‍എയും മന്ത്രിയുമായിരുന്ന സി.എഫ്. തോമസിന് ചങ്ങനാശേരിയില്‍ ഉചിതമായ സ്മാരകം നിര്‍മിക്കണമെന്ന് മുന്‍മന്ത്രിയും കെപിസിസി രാഷ്‌ട്രീയകാര്യ സമിതി അംഗവുമായ കെ.സി. ജോസഫ്.
യുഡിഎഫ് ചങ്ങനാശേരി നിയോജകമണ്ഡലം കമ്മിറ്റിയുടെ നേതൃത്വത്തില്‍ സംഘടിപ്പിച്ച സി.എഫ്. തോമസ് എംഎല്‍എയുടെ നാലാം ചരമവാര്‍ഷിക അനുസ്മരണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കേരളത്തിനു മറക്കാന്‍ കഴിയാത്ത രാഷ്‌ട്രീയ പ്രതിരൂപമാണ് സി.എഫ്. തോമസ് എന്നും അദ്ദേഹം കൂട്ടിച്ചേര്‍ത്തു.
സൗജന്യ ഡയാലിസ് കിറ്റ് വിതരണത്തിന്‍റെ ഉദ്ഘാടനം കേരള കോണ്‍ഗ്രസ് വര്‍ക്കിംഗ് ചെയര്‍മാന്‍ പി.സി. തോമസ് നിര്‍വഹിച്ചു. കേരള കോണ്‍ഗ്രസ് എക്‌സിക്യൂട്ടീവ് ചെയര്‍മാന്‍ മോന്‍സ് ജോസഫ് എംഎല്‍എ അനുസ്മരണ പ്രഭാഷണം നടത്തി. അരിക്കത്തില്‍ ഓഡിറ്റോറിയത്തില്‍ ചേര്‍ന്ന സമ്മേളനത്തില്‍ യുഡിഎഫ് നിയോജകമണ്ഡലം ചെയര്‍മാന്‍ പി.എന്‍. നൗഷാദ് അധ്യക്ഷത വഹിച്ചു.
ഫ്രാന്‍സിസ് ജോര്‍ജ് എംപി, ജോയ് ഏബ്രഹാം, തോമസ് ഉണ്ണിയാടന്‍, ജോസഫ് എം. പുതുശേരി, ജോസി സെബാസ്റ്റ്യന്‍, എം.പി ജോസഫ്, പി.എസ്. രഘുറാം, കെ.എഫ്. വര്‍ഗീസ്, ജയ്‌സണ്‍ ജോസഫ്, മാത്തുക്കുട്ടി പ്ലാത്താനം, വി.ജെ. ലാലി, കുഞ്ഞുകോശി പോള്‍, സി.ഡി. വത്സപ്പന്‍, അഡ്വ. ചെറിയാന്‍ ചാക്കോ,
പ്രിന്‍സ് ലൂക്കോസ്, ജേക്കബ് ഏബ്രഹാം, സന്തോഷ് കാവുകാട്ട്, ജയിംസ് കാലാവടക്കന്‍, എം.ആര്‍. മഹേഷ്, സുധീര്‍ ശങ്കരമംഗലം, ജോര്‍ജ്കുട്ടി മാപ്പിളശേരി, ആര്‍. ശശിധരന്‍ നായര്‍, സിബി ചാമക്കാല, ഡോ. ജോബിന്‍ എസ്. കൊട്ടാരം, മുകുന്ദന്‍ രാജു, കെ.എ. തോമസ്, മിനി വിജയകുമാര്‍ എന്നിവര്‍ പ്രസംഗിച്ചു.